رواية وتبقي انت الحب الفصل الثاني 2 بقلم ملك سعيد
قراءة ممتعة ❤
+
_________________
+
مشيت في طريق ضلمه وهي
بتتلفت حواليها بخوف كبير
حست إن قلبها مقبوض
وهتقع في مشكلة مش هتعرف
تخرج منها
+
دعت من جواها إن ربنا
يساعدها ويصبرها علي الي
هي فيه
+
دخلت في شارع ضلمه
بس كان في إضاءة خفيفة
من الأعمدة الموجودة في الشارع
وفجأة حست بحد ماشي وراها
خوفها زاد أضعاف مضاعفة
وخافت تبص وراها
تشوف مين بيلحقها
فسرعت من خطواتها
+
والشخص الي بيلحقها
زاد سرعته علشان يلحقها
وفجأة لاقت الي بيشدها
ليه بقوة وكان شاب
ماسك إزازة غريبة وريحته مقرفة
فإستنتجت أنه سكران
حاول تزقه بعيد عنها
بس كان متبت فيها
ولما لقاها بتتحرك كتير
زعق فيها: ما تتهدي بقي يابت
وتعالي معايا بذوق لأحسن
وربي أقتلك مكانك
+
هو مال الناس كلهم عايزين
يقتلوني ليه من جهة أبويا
ومن جهة تانية المجنون ده شكله
ده اليوم العالمي لقتل سجي
+
زقته بكل قوتها لدرجة انه وقع
علي الأرض
طبعا فكرت أنه وقع من قوتها
بس بلاش تكذب علي نفسها
الراجل وقع لإنه سكران
+
جريت بأقصي سرعتها
والراجل قام من الأرض
ولحقها وهو بيزعق وبيشتم
فيها لإنها وقعته
+
وفجأة ظهر نور قوي قدامها
ضرب في وشها
حطت إيديها قدامها
علشان تحجب الضوء عنها
ولاقت عربية جاية ناحيتها
ولسوء حظها ملحقتش تبعد
من قدام العربية
واتخبطت فيها
ووقعت علي الأرض
واستسلمت للإغماء
+
صحيت من نومي لاقيتني نايمة
علي سرير طري جدا وكبير ومتغطية
ببطانية بصيت حواليا لاقيتني
في أوضة اقل ما يقال عنها
أنها ملوكي معقول اكون
مت ودلوقتي انا في الجنة
+
ده كان كلام سجى لما صحيت
من النوم أو الأصح من إغمائتها
سمعت باب الأوضة بيتفتح
بصت عليه ولاقت واحدة داخلة
وجايبة معاها أكل
وواضح عليها أنها مش خدامة
فأكيد أنها صاحبة البيت
ده كان استنتاج سجى الذكي
+
لما لاقتها صاحية
ابتسمت ابتسامة واسعة
وقربت منها
قعدت جنبها بعدما حطت
صنية الفطار علي الطاولة
الكبيرة الموجودة في نص الأوضة
مسكت إيديها وقالت:
وأخيرا صحيتي يا سجى
متتخيليش لما شفتك في
الحالة دي خفت عليكي قد ايه
إنتِ كويسة يا حبيبتي حاسة
بتعب اتصل بالدكتور؟!
+
كلامها كان مليان لهفة
وخوف حقيقي استغربته
فسألتها باستغراب
: هو حضرتك تعرفيني ؟!
+
ابتسمت وقالت بفرحة:
طبعا اعرفك ده إنتِ بنت الغالية
صاحبة عمري إنتِ
الي متعرفنيش بس
حقك لإني من زمان مجتش
عندكم انا بقي يا ستي خالتك
نرمين صاحبة امك
ولا صاحبتها ايه انا اختها ومن
هنا و رايح هتناديلي خالتي ماشي
+
بصتلها بصدمة بسبب
الصدفة الغريبة الي جابتها لهنا
وقالت في سرها: ازاي جيت هنا
انا اخر حاجة فاكراها إن في
عربية خبطتني وبعدين
اغمي عليا ايه الي حصل بعد كده ؟!
+
تقريبا نيرمين فهمت هي
بتفكر في إيه
وقالت: متتعبيش نفسك في التفكير
هتعرفي كل حاجة بعد شوية
بس دلوقتي لازم تفطري
وتصحصحي وبعدين
هتعرفي أجوبة كل اسألتك
+
ومالوا أفطر الاول أصلا أنا
جعانة
شالت الصنية
وحطتها قدامها علي السرير
وقالت بحنية: عايزاكي تاكلي
كويس إنتِ مش شايفة وشك
عامل ازاي من هنا
ورايح انا الي هبقي مسؤلة
عن أكلك في الفطار و الغدا
و العشا كمان هسيبك انا دلوقتي
تفطري براحتك وبعد
ما تخلصي عايزاكي تاخدي
شاور دافي يفوقك وهتلاقي
كل الهدوم الي هتحتاجيها
في الدولاب وانا هستناكي
تحت انا وباسل
+
بصتلها باستغراب لما ذكرت اسم باسل
وسألتها بفضول : باسل مين؟!
+
ابتسمت بحب لما ذكرت اسمه
وقالت : باسل ده يا ستي
ابني الوحيد واكتر واحد حنين
ممكن تشوفيه في حياتك
حنين عليا اكتر من حنية ابويا
عليا ولما تقابليه هتعرفيه
يلا افطري براحتك
و احنا هنستناكي تحت
+
قالت كلامها وخرجت من الأوضة
وسابتها حيرانة كانت
عايزة تعرف ايه الي حصل
معاها وجت هنا إزاي؟!
بدأت تفطر الفطار الملوكي
الي جابته نيرمين
والي هو جبنه رومي و لانشون
باين عليه نضيف مش زي الي
كانت بتجيبه من عمتها نعمة جارتها
وتوست وزيتون و مربي وعصير
برتقال ولا كأنها قاعدة
في فندق خمس نجوم
+
خلصت فطاري وقومت من
سريري وروحت ناحية الدولاب
ولما فتحته فتحت عيني
بصدمة ايه كل الهدوم دي
لا وكمان غالية مديت إيدي
وطلعت دريس طويل لونه
زهري وباين عليه غالي المهم
اني كنت مبسوطة بيه
دخلت الحمام الموجود في الاوضة
زي الي بتشوفوه في المسلسلات
حاجة كده اخر حلاوة
خدت شاور سريع ولبست وجهزت
نفسي وسرحت شعري وربطته
علي الجنب ولبست صندل
كان موجود بين مجموعة
من أجمل الصنادل الي ممكن
اكون شوفتها في حياتي
وخرجت من اوضتي وانا
عندي فضول اشوف مين
ده باسل ابن طنط نرمين
بقيت اتلفت حواليا بانبهار
من جمال الفيلا وتصميماتها
+
الفاخرة حاسة نفسي في
حلم وهصحي علي صوت
العم عبده وهو بيقول : بواقي زيت
السمك بواقي زيت الفراخ
الكيلو ب ٣٠ جنيه
+
شكلي رايقة اوي انهاردة
ولا كإني هربانة من ابويا الي
عايز يقتلني قابلت الخدامة
في وشي وقالتلي
باحترام : آنسة سجى
المدام نيرمين و الاستاذ باسل
مستنيين حضرتك في
الصالون اتفضلي معايا
اوصلك عندهم
+
ابتسمتلها بشكر ومشيت
وراها لحد ما وصلنا للصالون
وشافت نيرمين قاعدة بتشرب
قهوة وفي شاب مديها
ضهره قاعد معاها
+
نيرمين لاحظت وجودها
فقالت بصوت عالي : تعالي يا سجي
يا بنتي متتكسفيش إنتِ
في بيتك ولا ايه يا باسل
+
بتسأليه ليه يا طنط إيه الاحراج
ده أكيد هو متضايق من وجودي
هما رجال الأعمال الأغنيا
كده ناس مغرورة
بس الي صدمني أنه
قام وقف ولف ليا وقالي
+
بابتسامة جذابة بينت غمازاته
الي زادته جمال : طبعا يا أمي البيت
بيت سجي ومن ساعة ما
جت وانا ملاحظ انه منور
ولا كإن الشمس دخلت
جوا البيت
+
لاء قلبي الصغير لا يتحمل
بجد حاسة إني هيغمي
عليا بس الي فوقني
من سرحاني صوته
وهو بيقولي: تعالي يا سجي
علشان افهمك إنتِ
جيتي هنا ازاي
+
وفعلا قربت منهم و قعدت
نرمين وبصتله بفضول
وإعجاب بنفس الوقت
إما باسل فبدأ يحكيلها الي
حصل امبارح: بصي يا ستي
الشخص الي كان هيخبطك
بالعربية هو أنا بس والله
مكنش قصدي وإنتِ الي
ظهرتي قدامي فجأة وانا
اصلا كنت جايلك علشان
اخدك بس الي حصل انك
ظهرتي قدامي وجبتك
هنا وبالنسبة للشاب الي
كان بيضايقك فهو دلوقتي
بيتربي ومش عايزك تقلقي
طول ما انتي في بيتي
مستحيل اخلي حد يأذيكي
+
يخربيت حلاوة أمك يابني
إنت بتخليني أعجب بيك اكتر
ما أنا معجبة بس للأسف
مقدرش اتجوزك دلوقتي لإن
فرحي كان امبارح بس محصلش
نصيب مش معقول
تكون انت العوض
لاقيتهم بيبصولي باستغراب
بسبب سكوتي فإبتسمتلهم باحراج
وفجأة تليفون باسل
رن وهو رد عليه وفجأة
اتحولت ملامح وشه للعصبية
وهو بيبصلي قفل
المكالمة وقام
+
وقف بسرعة وقالي
بعصبية : طلعتي هربانة بعد
ما فضحتي ابوكي قدام الكل
وجاية تتحامي فيا …..
+
يتبع……
+
✧──────✧
+
رأيكم يهمني
+
#نوفيلا وتبقي انت الحب
+
#بقلمي ملك سعيد
+
دمتم سالمين ❤
+
