رواية طلب استغاثة الفصل الثالث عشر 13 بقلم هبة السيد
(الفصل الثالث عشر)
*وصلوا إلى المستشفى… وبعد ذلك دلفوا لغرفه كريم…
ايهاب بنشاط /صباح الخير
يارا بابتسامة/ صباح الخير
كريم بسعاده صباح النور عليكو.
ايهاب مستفسرا/ايه الفرحه دى فرحنا معاك طيب.
كريم بإجابة/ تعالو ورايا.
*توجه بهم لجناح هنا فهو قام بنقلها البارحه بعدما أطمئن على حالتها… دلفوا إلى الداخل وكانت هى مستيقظة ومستلقيه على الفراش هرولت إليها يارا وعانقتها بحب.
يارا بشوق/ وحشتينى اوووى يا هنا.
هنا بحب/وانتى كمان يا يارا وحشتيني اوي اوي اوي.
*فتحت يارا فاهها من الذهول ثم نظرت لايهاب الذى بادلها بنفس الذهول ثم نظرت الى كريم ليبتسم ويغمز لها.لتعانق شقيقتها مره أخرى وهى تبكى لتشهق عندما بادلتها هنا العناق ثم تقبل وجه هنا ورأسها.
يارا بسعاده/الحمدلله يا هنا الحمدلله يا حبيبتى… طيب بتعرفى تمشي.
كريم موضحاً/الجواب هيكون أحسن لو عملى
*لتحرك هنا رأسها بالموافقه ثم تنهض وتقف لتسمع الهتاف والتشجيع من ثلاثتهم…
ايهاب بفرح/حمدالله على السلامه يا انسه هنا بجد فرحت اوى.
هنا بمزاح/لو عايز تكمل مع يارا مش عايزه اسمع غير هنا بس بدون رسميات.
ايهاب بطاعه /حاضر حاضر.
يارا بتساؤل/ هنا عايزة اعرف ايه اللى حصل من ٣سنين وليه سامح ده عمل كده وايه موضوع الحادثه؟
هنا بحزن/ هحكيلك يا يارا…. لما اشتغلت ممرضه من ٤ سنين اول سنه كانت تمام لحد ما اتنقلت لمستشفى أحمد العيمرى.. مستشفى كبيره وليها اسمها وأكيد كريم وايهاب عارفين ده… المهم هناك قابلت سامح لتانى مرة لأن اول مره هو كان جيه مع لجنه فى المستشفى اللي بشتغل فيها ورشح نقلى لمستشفى والده لخبرتى الكبيره وسمعتى رغم انى مبتدئه فى المجال المهم… أول شهور عدت كويسه بإستثناء أنه كان بيحاول يقرب منى وأنا كنت بعامل الكل فى حدود الشغل.. لاحظت بعدها إن كل الدكاتره الرجاله بيخافوا يتكلموا معايا حتى الاسئله أو الطلبات ليا بتكون سريعه كأنهم واقفين قدام كهربا…استغربت جدا لحد ما سألت واحده صحبتي معايا فى الشغل ليه الكل بيعاملنى كده… ساعتها عرفت أن سامح هو اللى اداهم التعليمات دى واى حد بيتعدى التعليمات بيضربه وبيمشيه من شغله.. بصراحه اتغظت اوى يارا عارفه أن عمرى ما سمعت غير لصوتى أنا.. من غير ما أفكر دخلت مكتبه وزعقت معاه وطلبت منه إنه يسبنى فى حالى وملهوش دعوه اكلم مين ولا مكلمش مين..مكنتش اعرف أنى لما عملت كده أعجب بيا اكتر…. لما بدأ يتعدا حدوده معايا وقالى إنه بيحبنى…اتعاركت معاه وقولتله ان فى واحد هيخطبنى..اتصدم بس معملش حاجه ففكرت إنه صرف نظر عنى،مكنتش أعرف أنه بيدور على اللى عايز يخطبنى ده اللى هو وهمى أصلا وانا اللى اخترعته.المهم لما يأس انه يلاقيه عمل حاجه بصراحه فاقت توقعاتى كلها… كانت فى عربيه تبع المستشفى كانت بتروح الممرضات كل يوم،استغربت اليوم ده لما لاقيت الكل عنده مناوبه بالليل،بس مشغلتش بالى لأنى كنت أول ما اتنقلت قولتلهم انى مش بسهر فى الشغل عشان اختى وهما وافقوا،طلعت انا والسواء واحنا فى الطريق جت عربيه ووقفت قدامنا واللى نزل منها كان سامح.. نزول السواق بتاع العربيه..ولاقيت سامح عطاله فلوس كتير وقاله تختفى ومحدش يعرف طريقك.. بصراحه ساعتها خفت… نزلت أجرى من العربيه ولكن هو لاحقنى وخدرنى ولما قمت لاقيت نفسي مربوطه فى سرير..قعد بضحك زى المجانين وقالى على كل اللى عمله وأنه وقع العربيه من فوق الجبل وولع فيها عشان الكل يفكر انى مت فى حادثه… بعد كده عطانى الادويه اللى خلت جسمى كله يتشل اخدت وقت عقبال ما جسمى اتقبلها بس هو كده او كده اصلا كان بيفضل رابطنى فى السرير.. وبعد ٦ شهور جسمى وقف عن الحركه تماماً وفقدت النطق كمان ومن ساعتها كان بيدينى الأدوية دى كان فيوم لو نسي و معطنيش الأدوية كنت بحس انى هموت… وطبعا هو مكنش غبى جاب عقد زواج وبصمنى عليها عشان فى حاله لو حد عرف بوجودى يبقه اكيد هو مش هيكون خاطف مراته…. كان متملكنى بكل معنى الكلمه… جسمي كان بيترعش من الخوف لما بيلمسنى رغم انى مش حاسه،وقلبى كان بيتقطع لما يقولى بحبك وانتى بتاعتى ومراتى،حتى روحى مرحمهاش كان عايز يقتلنى بالبطئ.
*كانت تحكى وهى تبكى ويارا أيضاً كانت تبكى وايهاب كان مثأثر جدا وغاضب من سامح. لا تسألونى عن ذلك البركان الذى معهم بالغرفه كان يحاول السيطرة على نفسه وعدم التركيز بحديثها ولكن كيف فصوتها الباكي ذلك كان يصل بأعماق قلبه… ظل يشد على قبضته وعندما فقد السيطرة ركل الكرسي الذى أمامه.
كريم بصراخ/كفااايه أرجوكى كفايه.
*انصدمت من رده فعله هى ويارا أما ايهاب لا فهو يعلم أن هذا حال العاشق عندما يرى الم من احب.. حاول السيطرة على نفسه مجدداً ورسم الهدوء على ملامحه.
كريم بهدوء/ده إنسان حقير ومريض ولازم يتحاسب أرجوكى اقبلى برفع قضيه ضده وأنا هجبلك حقك منه.
هنا بترجى/ارجوك يا كريم لأ انا عايزه أعيش بهدوء كفايه اوى اللى حصل.
ايهاب مؤيداً/ايوه يا كريم هنا عندها حق لازم بقه تقفل صفحه سامح دى وتبدأ حياتها من جديد.
*قام ايهاب بالغمز لشقيقه وهو يبتسم بدون ان يراه الباقى..ليحمحم كريم بحرج.
كريم بهروب/احم احم ،هروح اشوف إجراءات الخروج عشان نطلع.
___________________________________
*استيقظت فى الصباح لتشعر بتقيد حركتها،تنهدت عندما علمت أنه نام بجانبها من البارحه… مسكت يده التى محكمه على خصرها ثم حاولت حلها ومع المحاولات استطاعت ولكنه استيقظ..ليرفع حاجبه
سامح بسخرية/ للدرجه دى مش قادره تستغنى عنى.
*لتنهض هى متوجهه إلى المرحاض.
رنا بإجابة/ عايزة أدخل الحمام.
*خرج من الغرفه وتوجه إلى المطبخ أخذ زجاجه خمر وعندما جاء ليشرب منها تحولت عيناه للغضب ليصر على أسنانه.
سامح بهمس/اكيد هى.
*خرج سريعاً ودلف إلى غرفتها فكانت هى خارجه من الحمام لتوها. أمسكها من ذراعها بعنف.
سامح بصراخ/انتى الى عملتى كده فى الازايز صح؟
رنا بهدوء/ايوة أنا.
*أقترب بوجهه لينظر لعيونها بعمق ويقول بهمس خطير كى يرعبها.
سامح بهمس/وانتى عارفه انا ممكن اعمل فيكى ايه عشان حركه زى دى؟
*لتقترب هى بنفس طريقته وتنظر لعينه بجرأة.وتهمس مثله.
رنا بثقه/لو سامح القديم العصبى المتهور فهيضربنى وهينتقم منى وممكن يعمل فيا حاجات انا اصلا متوقعهاش،اما سامح الجديد اللى طلب مساعدتى ليه وعايز يتغير فهيفرح أنى عملت كده.
*انفجر من الضحك.. ثم توقف فجأه ليحك لحيته الخفيفه وهو ينظر اليها بتفحص.
سامح موضحاً/دى خطتك بقه انك تلعبى على وتر قوه تحملى وسيطرتى على نفسي..مرة بطريقة كلامك معايا ومره بلبسك ومره فى مشروبي.
رنا مؤيدة/منكرش انك زكى بس أنته اللى طلبت انى اساعدك ولازم تكون اد اللى هقوله دلوقتى.وتنفذه لو عايز تخف
سامح بإجابة/سامعك كملى.
رنا بصراحه/لازم تتحجز وتتعالج فى مستشفى.
___________________________________
*تمت الاجراءات للخروج من المستشفى وبالفعل توجهوا إلى قصر الصاوي…. هنا كانت تريد ان تذهب لمنزلها ولكن إلحاح يارا بأن تبقى معها اجبرها بأن تذهب معها… بعد ما وصلوا ألقت هنا التحيه على زينب وتعرفوا على بعضهم ولكن كانت تشعر ان نظرتها إليها غريبه تغاضدت عن ذلك من أجل شقيقتها..
كريم متسائلاً/ هنا ممكن تيجي معايا شويه عايزه أكلمك في موضوع.
هلا بإجابة/ ايوه طبعاً.
*دلفت معه الى المكتب وأغلق الباب خلفهم ثم جلست وهو أيضاً وظل ينظر في ارجاء المكان كأنه يشجع نفسه ليبدأ بالحديث.
هنا بتساؤل/ خير يا كريم في حاجه ولا ايه؟
كريم موضحاً /بصي يا هنا انتى تجاوزتى مرحله مرضك بس نتج عنه حاجات تانيه…
هنا مستفسرة/ زي ايه مثلاً.
كريم بتساؤل/ هو انتى عندك فوبيا من حاجه معينه.
هنا مؤكده/اها عندي من الضلمه أو اى مكان مفيهوش نور.
كريم موضحاً/ يبقى لازم تبعدي جداً عن الأماكن دي لأن هيكون فيها خطر لأن للأسف قلبك مش هيبقى مستحمل صدمات كتير أو خوف أنا بصارحك لأنى الدكتور اللي ماسك حالتك عشان كده لازم أعرفك التأثيرات اللي ممكن تحصل لو اتحطيتى في ظروف من دي… بالإضافه لخوفك هيحصل لك ضيق تنفسعشان كده هكتب لك على بخاخ التنفس تكون معاكي على طول لأي ظرف إن كان هتاخدي منها في حاله العصبيه او الخوف او التوتر أو لما تحسي ان ضربات قلبك مسرعه. وأنا هبقه اعملك فحوصات كل فتره عشان نطمن ونتابع الوضع.
هنا بموافقة/تمام بس ممكن متعرفش يارا لأنها بتخاف عليا زياده عن اللزوم.
كريم مؤيداً/ تمام مش هقولها.
هنا بإمتنان/شكراً يا كريم أنا بجد مش عارفه أشكرك إزاي على وقفتك جنبى.
كريم بحب/بحبك يا هنا.
*لتجحظ عيناها الزرقاء من مكانها قالها هكذا بكل سهوله وبدون مقدمات…
