رواية تائهة في نيران غدرة الفصل السابع عشر 17 والاخير بقلم آية الرحمن – تحميل الرواية pdf
ظل يحدق بها بعدم تصديق وهيا مرتمية بجسدها علية انحني قدميها فهيا لا تستطيع الوقوف اكثر من ذلك جثي علي ركبتية واضعا رأسها ع قدمية وهو في حالة من الزهول والصدمة لايصدق ماتراه عيناة
اما الاخر فنظر اليها بصدمة شديدة ثم نظر الي ذالك السلاح الموجود بيدة تارة واليها تارة اخري وقف علي قدمية بصعوبة متجها نحوها ببطي شديد وهو في حالة من الزهول وعدم التصديق جثي امامها وهيا مازالت ملقاة علي قدم شقيقها ينظر لها هو الاخر بصمت قاتل فقط ينظر لها
مد يدة ليضعها علي وجهها ولكن قبض الاخر علي يدة بقوة قبل ان يلمس وجهها حول نظرة اليه وعيناة تشع غضبا تفترسة بقوة ابتلع عمران ريقة خوفا من نظرات يوسف القاتلة له تحدث بخوف شديد وتوتر … ه.ه هو
ولكن قبل ان يكمل حديثة دفشة يوسف بغضب بعيد متحدثا بتحذير … اوعي تقرب منها فاهم وليد امسكة قبل مايهرب شوية والشرطة هتوصل جة الوقت اللي تدفعة فية تمن اغلطكوا
عبير بخوف … ش.شرطة
عز بشماتة وهو يقبض عليها اكثر … ايه شايفك خفتي يعني والله السجن شوية عليكي يمكن تتغظي وتعرفي ان في ربنا اقوي من الكل
وضع يوسف يدة علي وجه شقيقتة يتحسسة بتوهان متحدثا … غادة حببتي .. غادة . فوقي ياغادة اصحي ياحببتي قومي عشان خاطري
اقترب حمزة هو الاخر جذبا يديها بين يدة … غادة بومي ياحبيبت اخوكي احنا جمبك فوقي عشان خاطري حد يطلب اسعاف ياجماعة غادة
لم يتلقي منها الاثنان اي رد فعل اصمت يوسف وهو يذبها الية يضمها بقوة اما حمزة فظل ينظر اليها بدموع تنهمر من عيناة رغما عنة جلست آية بجوار يوسف وضعت يدها علي كتفية نظر اليها بنظرة مليئة بالوجع واللام تعبر عن كل مابداخلة نظرت له هيا الاخري بأطمأنان اغمض عيناة لكونها بجوارة
مضي مايقارب ساعة اتت الشرطة اليهم واخذوا عبير ومعها عمران وبعض رجالة والبعض الاخر فر هاربا اثناء شجارهم وضع يوسف غادة بهدوء علي قدم آية وقام متجها نحو رجال الشرطة متحدثا … لو سمحت دقيقة واحدة بس
الظابط بأستغراب … اتفضل
وقف يوسف امام عبير واضعا وجهه في الارض تنهد بقوة رافعا عيناة في عيناها متحدثا … دلوقتي بتعيطي
عبير ببكاء … عارفة اني مهما عملت عمري ماهصعب عليكوا لاني كنت غلط من الاول غلطت في كل حاجة مقدرتش النعمة اللي في ايدي مكنتش ام ولا حسيت يعني ايه معني كلمة ام غير لما شوفت غادة مرمية ع الارض وممكن اخسرها في يوم وقتها بس ندمت عرفت غلطي وعرفت قد ايه الدنيا دي فانية هاخد منها ايه وانا ممكن اموت في اي لحظة هقول لربنا ايه هواجهه ازاي بس هتوب وهتغير معنتش عاوزة اي حاجة غير ان ربنا يرضي عليا واني ابقا طاهرة يمكن يغفري ولو جزء بسيط من زنوبي وبتمنا انك تسامحني في يوم وقول لااخواتك كمان يسامحوني انا عمري ماكرهتك يايوسف انتا ابني اللي ربيتة انا كنت حقودة عليك بس كنت عاوزة امن مستقبل ابني خوفت تغدر بية عشان ابني خوفت علي ابني مش اكتر انا ام
يوسف بهدوء … خوفتي علي ابنك مني ابنك دا اللي هو اخويا اللي مستعد افدية بحياتي مقابل انه يعيش ويبقا مبسوط عارفة مشكلتك الوحيدة ايه انك انانية اوي مفكرتيش في حد غير في نفسك حتي حمزة مفكرتيش فية بتقولي انك معرفتيش يعني ايه الامومة غير لما خسرتي ابنك طب بالنسبة لابن غادة اللي خسرتة قبل مايشوف الدنيا
نظرت عبير الي الارض دون ان تتحدث فااكمل يوسف …السجن مش حل ليكي وكمان برغم كل اللي عملتية مش هقدر اسجنك انتي امي وابويا وصاني عليكي كان دايما يقولي دي امك خلي بالك منها راعي ربنا في امك يايوسف عيشتك عمرك كلة ملكة وانتي طعنتيني بالمقابل بس ياريت تكوني فعلا صادقة المرادي وتكوني فعلا اطعزتي وعرفتي يعني ايه ربنا تعرفي آية كانت دايما تقولي فية ربنا اقوي من الكل حتي اقوي منك قادر يجبلي حقي منك داين تدان فعلا ربنا جبلها حقها هيا الحقيقة الوحيدة اللي في حياتي وكمان الحقيقة دي خسرتها بسببك انتي لية زرعتي فيا فكرة الانتقام لية فضلتي توسوسي في وداني اني انتقم وياريت قولتيلي الحقيقة قولتيلي ان اللي قتل ابوك هو محمد وطلع مظلوم خلتيني اعيش بنت ملهاش زمب ف حاجة اسود ايام حياتها خليتها كرهت نفسها ودا كلة بسببك انتي . انتي اللي فضلتي تقوليلي انتقم يايوسف انتقم يايوسف وبالاخر يوسف منتقمش غير من نفسة دمرت نفسي لما سمعت كلامك ودمرت حياتي برضة من ورا كلامك كرهتي الكل فيا حتي الانسانة اللي حبتها بجد طلعت كرهاني
عبير بدموع ندم … اسفة معاك حق في كل اللي قولتة انا مكنتش الام اللي تتشرفوا بيها
يوسف بضعف لاول مرة … بس مهما عملتي هتفضلي امنا نظر اليها نظرة طويلة ثم وجه حديثة الي الظابط … اسف جدا ليك عارف اني عطلتك بس امي ملهاش دعوة بحاجة عشان تاخدها ودا غلط ف حقي طبعا مين قلك تاخدها عمران هو اللي اطلق النار ع اختي
الظابط بجدية … بس الاستاذ قال انها معاة واشار الي عز
نظر يوسف الي عز واغمض عيناة بأرهاق ثم افتحها مرة اخري متحدثا … اسفين جدا مكنش يقصد اتفضل شوف شغلك هيا ملهاش دعوة جات زينا
الظابط بأستغراب … تمام عن اذنك يايوسف بية والاسعاف ع وصول
يوسف … شكرا
انصرف رجال الشرطة ومعهم عمران ظلت عبير تنظر الي يوسف بزهول ودموع تنهمر من عيناها انصرف يوسف بعيدا عنها واقفا في جانب اخر زهل الجميع من تصرف يوسف ولكن اصمتوا فهذا ليس الوقت المناسب لااي كلام
اتت سيارة الاسعاف واخذوا غادة علي الفور وركب معها يوسف وحمزة داخل سيارة الاسعاف انطلقت ع الفور
صعد وليد هو الاخر بسيارة يوسف ومعة آية وهدي
نظر عز حولة بزهول فهو لم يراها منذ وقت طويل وقع نظرة عليها ملقاه ع الارض فاقدة وعيها ركض اليها بلهفة تنهش في قلبة وضع يدة علي وجهها متحدثا بلهفة … بسملة بسملة فوقي جذب رأسها علي قدمية وجد الدماء تنزف منها حملها سريعا دون تفكير الي السيارة وانطلق هو الاخر خلفهم
@@@@@@@@
داخل المستشفي اخذوا غادة علي الفور الي غرفة العمليات وظل الجميع بالخارج في حالة من القلق الشديد اما في الغرفة الاخري انتهت الممرضة من تعقيم الجرح ووضع الضماض علية هو مازال واقفا يراقب تحركات وجهها وهيا تتألم حتي انتهت الممرضة متحدثا … هيا بتتوجع كتير اوي كدا لية
الممرضة بأبتسامة … متقلقش دا جرح سطحي يومين وهيخف
عز بتسأل … يعني متخيطش
الممرضة .. لا مش مستاهل زي ماقولت لحضرتك جرح سطحي عن اذنك
عز بتنهيد … اتفضلي
انصرفت الممرضة وظل واقفا بمكانة ينظر اليها بأبتسامة هو يراها كاالملاك جذب المقعد وجلس بجوارها مد يدة يتحسس وجهها بأبتسامة وهو يراها نائمة
تلملمت في نومها وافتحت عيناها ببطئ شديد نظرت الية بأبتسامة متحدثة … عز انتا بتعمل ايه هنا
عز بضحك بسيط … هنا اللي هو فين
بسملة بعدم فهم … في اوضتي
نظر عز الي الغرفة متحدثا … متأكدة انك ف اوضتك واضح ان الخبطة اثرت جامد علي عقلك احنا في المستشفي حمدالله علي سلامتك
اعتدلت بسملة في جلستها متحدثة بلهفة … مستشفي لية ااااااه وضعت يدها علي رأسها متحدثة .. راسي بتوجعي اوي
عز بألم وكأنة هو من يتوجع … معلش هو شوية بس وهتكوني كويسة جرح سطحي متقلقيش
بسملة بلا مبالاة … الحمد لله بس انا ايه اللي عورني يعني
عز بأستغراب … انا اللي كنت لسة هسألك ايه اللي وقعك يابنتي انا لقيتك واقعة ف الارض ومتعورة
بسملة بتذكر … اااه افتكرت دوخت ياعم من كتر الخوف اصلي لما بخاف اوي وبتوتر بيغمي عليا بس شكلي وقعت ع حجر ولا حاجة
عز بأبتسامة … الف سلامة عليكي ياقلبي
بسملة بصدمة … قلبك منين جتك وجعة ف قلبك
عز بضحك … لية بس يابنتي كدا يرضيكي قلبي يتوجع
بسملة بضيق … اه يرضيني
عز بغيظ … قلبك اسود اوي بس بصراحة انتي بقيتي قي قلبي معرفش امتا وازاي بس كل اللي اعرفة انك دخلتي قلبي وقفلت عليكي خلاص
بسملة بخجل وهيا تعدل حجابها … ايه اللي انتا بتقولة دا يخربيتك شكلك شارب حاجة ولا محشش وجاي تنصطل عليا
عز بجدية … لا في كامل وعيي وهو اي نعم لادا وقتة ولا مكانة لكن هقولك ع حاجة متأكد منها مية في المية بحبك يابسملة وبحبك بجد مش تسلية حبيتك والله من اول مرة شوفتك فيها بس انتي دايما كنتي بتصديني مكنتش بتكلم كنت بخاف اخسرك لكن الفترة اللي فاتت لما قربنا من بعض حبيتك اكتر وعاوزك بالحلال عاوزك تبقي مراتي وام عيالي انتي وبس يابسملة
نظرت بسملة الي الارض بأبتسامة خجل ابتسم هو الاخر متحدثا … عارف انه مش واقتة خدي وقتك وفكري كويس وان شاء الله في اقرب وقت ممكن هاجي اتقدملك رسمي
بسملة بخجل … ان شاء الله مش هنروح نشوف غادة
عز بأبتسامة … بس انتي لسة تعبانة
بسملة بدفعة … لا لا بقيت كويسة
عز بضحك … ماشي ياستي تعالي
انصرفوا الي الخارج وجدوا الجميع كما هما جالسين امام غرفة العمليات
ركضت آية الي بسملة عندما رأتها متحدثة … مالك يابسملة فيكي ايه انتي كمان
بسملة بأبتسامة … متقلقيش ياحببتي انا كويسة جرح بسيط بس
آية براحة … الحمد لله انتبهي ع نفسك اكتر
بسملة بأبتسامة … حاضر غادة عاملة ايه
آية بتنهيدة … لسة منعرفش حاجة
هدي وهيا تأتي اليهم … مالك يابسملة اي اللي عورك
بسملة بلا مبالاه .. مفيش ياقلبي حرج سطحي ماقلقيش
هدي … طب الحمد لله بس شكلك مبسوطة خير
آية بخبث … امممم انا ملاحظة كدا برضة ولا ايه ياهدي
هدي بخبث …. كدا وابو كدا ياقلب هدي
بسملة بتوتر … بقولك ايه انتي وهيا انتوا هتعملوا عليا حفلة ولا ايه شفلكوا حد غيري
كادت ان تنصرف من امامهم ولكن حذبتها آية من يدها متحدثة … علي فين ياحلوة اقعدي هنا
جذبتها هدي لتجلس ع المقعد وجلس آية وهيا كل واحدة بأتجاة وبسملة في الوسط
بسملة بخوف … انتوا مسكني كدا لية هاا
هدي بخبث … هتجاوبي علي اسألتنا بدون نقاش
آية … ايوا احنا نسأل وانتي تجاوبي ع طول مبسوطة كدا لية ها اصل الابتسامة دي مش عادية في وراها حاجة مش معقول هنكون ف الحالة والتوتر دا وانتي مبتسمة كدا ع الفاضي
هدي وهيا تدير وجه بسملة اليها … ايوا الابتسامة دي انا عارفاها كويس لا وعز كان معاكي كمان
آية وهيا تدير وجه بسملة اليها … وانا شكة فيكوا انتوا الاتنين انطقي
بسملة ببكاء مصطنع … والله حرام قاعدة ف وسط ريا وسكينة
آية بأبتسامة … عيب يابسبس مش احنا صحابك
هدي بخبث … بقا كدا يابسبس مكنش العشم
بسملة بسخرية … لا والله يااختي منك ليها دلوقتي بقيتوا ملايكة
آية بزعل مصطنع … ماتقولي بقا يابت الله
بسملة بأبتسامة … عز قلي انه بيحبني وانه هيجي يتقدملي في اقرب وقت
آية بفرحة … بجد ها وانتي بقا
بسملة بعدم فهم … انا ايه
هدي بضيق منها … يالهووووي ع الغباء انتي بتحبة ولا ايه النظام
بسملة بتنهيدة … اوووووووووي تعرفوا ببقا مبسوطة جدا لما اكون معاه ببقا مطمنة وهو جمبي بحس معاه بالامان بحس ان يومي ناقص لو مكلمتهوش واتخانقنا زي العادة هو بالنسبالي بقا ادمان
آية بتنهيدة …. هييييييييح وايه تاني
هدي برومانسية … كملي ياقلبي كملي
بسملة بغيظ … اكمل ايه خلاص كدا ابعدوا عن دماغي بقا انتي بتحبي حمزة ياهدي صح
هدي بحزن … بحبة جدا والله بس هو مش عاوز يسامحني رغم اني مظلومة زيي زية والله كلنا كنا ضحايا عبير
آية بأبتسامة … متقلقيش ان شاء الله هتبقوا من نصيب بعض عندي احساس بكدا
هدي بدعاء … يااارب ياآية
بسملة … وانتي ياآية بحبي يوسف بية
آية بكسرة … بحبة بس انا حبيتة جدا ع فكرة عشقتة كمان مش حبيتة لكن للاسف هو عمرة ماحبني ولا حس بمشاعري اصلا تعرفي انا زعلانة علية جدا رغم كل قسوة دي بس اوقات كتير بيبقا مفيش احن منة والدليل انه مرضيش يحبس امه بعد كل اللي عملتة فية
هدي بغيظ … ودا اللي هيجنني
آية بتنهيدة … يلا بقا ربنا يسهلها انا اصلا هطلق بس بعد مااطمن ع غادة
بسملة وهدي بصدمة …. نعععععم
آية بلا مبالاة … مالكم مستغربين لية تقدروا تقولولي هفضل اعمل ايه لا بيحبني ولا عاوزني اصلا كنت وسيلة انتقام وخلاص بابا مات وهو عرف انه مكنش لية زمب والانتقام خلص هفضل اعمل ايه
بسملة بحزن … طب فكري تاني بالله عليكي
آية بحزن هيا الاخري … افكر دي لو باقي عليا لو في بنا حاجة لكن احنا مفيش بينا اي حاجة يابسملة
هدي … طب ماتديلة فرصة تانية
آية بسخرية وكسرة … هو كان في اولي لما هيبقا في تانية
كادت بسملة ان تتحدث ولكن قطعها خروج الطبيب من غرفة العمليات ركضوا اليه مسرعين
يسوف بلهفة … غادة اخبرها ايه
حمزة … طمنا الله يخليك قولي اختي مالها
الطبيب بهدوء … اهدوا ياجماعة اختكوا كويسة جدا ومفيش عليها اي خطر الرصاصة كانت في كتفها والحمد لله خرجت وهيا بقت تمام وهتتنقل العناية بس لحد ماتفوق حمدالله علي سلامتها
يوسف براحة … الله يسلمك يادكتور شكرا ليك
الطبيب بأبتسامة … علي ايه دا شغلنا عن اذنكوا
عز … اتفضل
انصرف الطبيب وخرجت غادة وهيا متسطحة ع السرير ومعها فريق من الممرضين ليتم نقلها الي داخل العناية وهما خلفها جلسوا جميعهم امام غرفة العناية
وليد بأبتسامة … حمدالله علي سلامتها ربنا يتمم شفاها ع خير
يوسف … الله يخليك ياوليد تسلم
حمزة بأبتسامة … تسلم ياوليد وشكرا جدا لوقفتك معانا ومساعدتك لينا
وليد بزعل مصطنع … لا انا كدا هزعل والله عيب تقولوا كدا انا طول عمري لوحدي معنديش اخوات وساعدت اخواتي محدش غريب
يوسف بأبتسامة … اصيل ياوليد ربنا يكرم اصلك
عز بزعل مصطنع … يعني هما اخواتك وانا ابن البطة السودة نسيت الليلة اللي بتناها مع بعضنا وابنك اللي ف بطني اخص عليك مكنش العشم
انطلقوا جميعهم في الضحك بقوة فتحدث وليد … هههههه لا طبعا ياحببتي حد ينسي ام العيال برضة دا انتي الخير والبركة
عز … قلبي ياناس صحيح انا نويت ان شاء الله بعد ماغادة تقوم بالسلامة هروح اطلب بسملة من ابوها وعاوزكوا كلكوا كدا معايا
نظرت بسملة بخجل الي الارض احضتنها آية بسعادة متحدثة بهمس … مبروك ياروحي
بسملة بخجل … الله يبارك فيكي ياقلبي
يوسف بعدم تصديق… بجد نويت تتلم بقا وتتجوز
عز بمزح … ايوا مالقيتك اتلميت قولت اتلم انا كمان هههههه
يوسف بفرحة له … الف مبروك ياصاحبي اختارت صح ربنا يسعدكوا مبروك يابسملة
بسملة بخجل … الله يبارك فيك يايوسف بية
يوسف بأبتسامة …. انتي بقيتي اختي من يوم ماوقفتي جمبنا وساعدتينا بقيتي زي غادة بالظبط قولي يايوسف خلي بية دي للشغل بس
بسملة بأبتسامة … دا شرف ليا انك تعتبرني اختك
حمزة بمزاح … خلاص بقا يابسبس هنبطل نعاكس هههه الف مبروك ربنا يتمم ع خير
بسملة بمزاح … لا خد راحتك يااستاذ حمزة هههههه
حمزة … استاذ ايه بقا مش انتي اخت يوسف يعني اختي ولا انا ابن البطة السودة
بسملة بفرحة ودموع … والله انتوا فرحتوني جدا ربنا يخليكوا ليا يارب انا معنديش اخوات ولاد خالص ولا حتي بنات وانتوا مليتوا عليا حياتي ربنا مايحرمني منكوا ابدا
آية بأبتسامة … ولا منك ياقمر امسحي دموعك دي بقا ياعروسة
وليد بأبتسامة … الف مبروك ياجماعة بس انا فضلي اسبوعين وهسافر فاانجز بقا ياعم عز عشان احضر ههههه اه صحيح يايوسف بالنسبة للبنت اللي كنت عاوزها اروي دي قولي ع العنوان
آية بأبتسامة … خلاص ياوليد بابا مات وخلاص وحقة عند ربنا
يوسف بمقاطعة … بس
آية بمقاطعة هيا الاخري … خلاص يايوسف بابا حقة عند ربنا خلاص
يوسف بقلة حيلة … اللي يريحك وانتا يابني تسافر لية مكانك موجود تعالي اشتغل معانا
وليد بمرح … لا ياعم انا شغلي هناك وعشتي هناك بس اوعدكوا انزل اجازات عشان اشفكوا
حمزة … لية يعني غاوى تعب ماتبقا هنا ف وسطنا بدل ماتتغرب لوحدك
وليد بأبتسامة … اوعدكوا سنة بس اظبط اموري واجي استقر معاكوا بس انتوا بس خلوا مكاني موجود ههههه
عز … موجود ليك دايما
وليد بابتسامة … الله يخليكوا ليا يارب
حمزة بأبتسامة …. باااااس اسمعوني بمناسبة اللمة الحلوة دي عندي ليكوا خبر انا قررت اتجوز هدي
نظرت الية هدي بزهول وعدم تصديق نظروا لها آية وبسملة بأبتسامة كبيرة تزين وجههم
وليد بعدم تصديق … بتتكلم جد ولا بتهزر
حمزة بأبتسامة وهو ينظر الي هدي الواقفة بزهول وعدم تصديق كما هيا … بجد والله
اقترب منها حتي وقف امامها متحدثا … تتجوزيتي
ظلت تنظر الية وهيا علي نفس وضعها متحدثة … ب.بتكلم جد تتجوزني انا يعني اللي هو فرح وكتب كتاب ومعازيم وكدا
حمزة بضحك … هههههه ايوا تتجوزيني
هدي بعدم تصديق … احلف كدا وقول والله اقرصوني يابنات بيقولي تتجوزيني
آية بضحك … ههههههه سمعنا يااوختشي
عز بهمس ليوسف … البونية مش مصدقة نفسها ياعيني
يوسف بهمس هو الاخر … اخرس ملكش دعوة
عز بغضب … اشكال فقر اروح لوليد
حمزة … ها قولتي ايه شكلك مش موافقة خلاص بقا
هدي بأندفاع … لا والله موافقة ترجع ايه
ضحكوا جميعهم عليها احتضنها حمزة بسعادة مقبلا رأسها … بحبك ياهدي كان عندك حق لما قولتي اني هرجعلك ف الاخر عشان بحبك انتي وبس
هدي بسعادة … وانا بحبك انتا وبس
وليد بضحك … ههههههه دي بقت مستشفي العشاق
حمزة بغيظ … ملكش دعوة يارخم خليك ف حالك
اتت اليهم عبير متحدثة … الف مبروك ياولاد ربنا يتمملكوا ع خير
نظروا جميعهم اليهم ولكن اصمتوا فتحدثت بسملة بتوتر … الله يبارك فيكي ياطنط تسلمي
وقفت عبير امام حمزة متحدثة بدموع … مش هتسامح امك ياحمزة
اشاح حمزة بوجهه الي الاتجاة الاخر متحدثا … انتي غلطي ف اخويا لو هو سمحك انا هبقا اسامحك
يوسف بجدية …حمزة ملكش دعوة بيا هيا امك اللي ولدتك وربتك وعملت كدا من خوفها عليك لكن انا مهما كان ابن واحدة تانية مينفعش دي امك
عبير وهيا تقف امام يوسف … وامك برضة يايوسف عارفة اني كنت غلط وربيتك غلط بس سامحني المرادي بس اديني فرصة مرة واحدة بس اكون فيها الام اللي تفتخروا بيها سامحيني ياآية سامحوني كلكوا وانتي ياهدي وانا مليش دعوة باابوكي وصدقيني هيتعالج ويبقا كويس
حمزة بسخرية … ماانتي لو ماتابعة كنتي هتعرفي ان ابوها بيتعالج برة مصر بقالة فترة مهوش هنا عشان تخاف منك
عبير … بجد انا فعلا مكنتش متابعة وانتي ياآية عارفة غلطت ف حقك سامحيني
آية … وانتي غلطتي فيا فين مشفتكيش غلطتي فيا عشان اسامحك بس ع العموم مش زعلانة منك
هدي بأنكسار … تعرفي انتي اللي عملتية فيا مكنش شوية ورتيني العذاب الوان بس ربنا عوضني وانا عاوزة ابدء حياتي الجديدة وانا محدش زعلان مني ولا مزعلة حد مني مسمحاكي ع كل اللي عملتية ربنا كبير وهو اللي هيجبلي حقي
عبير بدموع … صدقوني الشيطان كان متحكم فيا ووعد هتسفوني انسان تاني خالص
حمزة … اتمني ياامي انك تتغيري فعلا ميكنش مجرد كلام وخلاض مع اني مش مصدقك
عبير …لا والله ماهعيدها تاني ابدا انا اتعلمت الدرس ومستحيل اقررة
يوسف بتنهيدة … ياريت تكوني فعلا اتعلمتي كويس
@@@@@@@@@
حل المساء وفاقت غادة واطمئن الجميع عليها وتم نقلها الي غرفة عاديةوالجميع جالسين بجوارها
آية بأحراج … احم. حمدالله ع سلامتك واسفة جدا ع الكلام اللي قولتهولك مكنتش اقصد حاجة بس كنت مجروحة
غادة بأبتسامة … مش زعلانة منك يابت قولتلك انك اختي
آية بأبتسامة … تسلميلي يارب مش تباركي ل بسملة وهدي اتخطبوا
غادة بفرحة … بجد لمين
وليد بأبتسامة … حمزة لهدي ودي معروفة وعز وبسملة
غادة بضحك … وانتا ومين ههههه
وليد بمرح … لا انا مسافر مليش ف الجواز وقرفة مش ناقص وجع دماغ انا ونكد انا كدا فلة وعايش حياتي مرتاح السنجلة جنتلة
يوسف بحنان … ارتاحي ياحببتي وبطلي كلام بقا عشان متتعبيش اكتر
غادة بوجع داخلي … ياريت وجعي كان وجع الجرح يايوسف انا وجعي اكبر من كدا بكتير اخدت اكبر صدمة في حياتي كلها
يوسف بحنان … والله لااجبلة حقك منة والواطي دا ماانا سايبة
غادة ببكاء …. كان عاوز يقتلك يايوسف
يوسف بحنان وهو يحاول تهدئتها ….خلاص ياحببتي اهدي انا كويس وقدامك اهو
غادة بدموع … ربنا يخليكوا ليا يارب حمزة انتا ابني مش اخويا واسفة ع الكلام اللي قولتة بس كنت خايفة ع يوسف وعاوزاك تبعد عنة لكن انا بحبك والله
حمزة بحنان وهو يجلس بجوارها من الجهه الاخري … لا ياحببتي عمري ماازعل منك يابت دا انتي قلب حمزة وانا اصلا مش فاكر انتي قولتي ايه هههههه
غادة … ربنا يخليكوا ليا يارب وميحرمنيش منكوا ابدا
يوسف هو يقبل رأسها … ولا منك ياحببتي نامي بقا عشان متتعبيش
غادة بأبتسامة … حاضر
عبير … حمدالله ع سلامتك يابنتي
غادة بسخرية … بنتك لا والله دا من امتا ان شاء الله
عبير بهدوء … بصي ياغادة عارفة اني اغلطت بس في ربنا بيسامح وانا مش عاوزة حاجة غير فرصة تانية بس ارجع فيها بني ادمة جديدة
غادة بكسرة … اسامحك ع ايه ولا ع ايه علي ايه سيبك من دا كلة اسامحك ع انك كنتي السبب في ان ابني اللي مشفش الدنيا دا يموت تعرفي انا كنت فرحانة جدا بالطفل دا وانتي جيتي ف لحظة كسرتيلي فرحتي دي هتقدري تعوضيني عن ابني اللي راح
عبير بدموع … ربنا مكنش رايد انه يعيش ياغادة
غادة بسخرية … دلوقتي بقيتي بتتكلمي بربنا وبالدين الله يرحم زمان
عبير … اديكي قولتي زمان لية متدنيش فرصة تانية بس اكفر بيها عن كل اللي عملتة دا
عز بتدخل … بصي هو انا مليش ادخل لان دي حاجة بتخصكوا لكن بس عاوز اقول حاجة هيا عاوزة تتغير للاحسن وتبقا شخص جديد ياريت تسمحوها وتساعدوها انها تتغير فعلا واكسبوا ثوابها اكسبوا ثواب انكوا تدلوا شخص لطريق الخير للسراط المستقيم انكوا تدلوا شخص لطريق الاسلام ومهاش عيب هيا اللي طلبت دا بنفسها وبكامل ارادتها يبقا وجبنا اننا نساعدها بدل ماكل واحد هيقول لا مش مسامحك وقتها ممكن يحصلها حاجة وبعد كدا ترجعوا اقولوا ياريت كنا سمحنها وسعدناها وكلمة ياريت عمرها مابترجع اللي راح وربنا بيسامح هنبقا احنا البشر احسن من ربنا استعيذوا بالله. وابدؤ من جديد افتحوا صفحة جديدة خالص
غادة بتنهيدة … ماشي مسمحاكي ومعاكي لحد ماتتغيري بجد برضة عمري ماهنسي انك كنتي جمبي في اكتر وقت كنت محتاجة فية امي وانا صغيرة صحيح كنتي دايما انانية ومبتحبيش الا نفسك بس ساعدتيني كتير في حياتي بس اتمني انك تتغيري بجد
عبير بندم … والله هتغير بجد لاني ندمانة فعلا
يوسف … خلاص بقا ياجماعة وانتي ياغادة ارتاحي بقا يلا احنا نخرج عشان ترتاح
انصرف الجميع وتسطحت غادة ع الفراش تفكر بما فعلة زوجها وتبكي بصمت
@@@@@@@@
جالس في حديقة المستشفي واضعا رأسة الي الخلف مغمض عيناة بأرهاق اتت الية وجلست بجوارة بهدوء ظلت تنظر الية بأشتياق اخذت نفسا عميقا وتنهدت بهدوء متحدثة …. حمدالله ع سلامة غادة
فتح عيناة عندما استمع الي صوتها واعتدل في جلستة متحدثا … الله يسلمك ياآية
آية بأبتسامة … انا فرحانة جدا لحمزة وهدي وكمان ان غادة كويسة الحمد لله مفيش خطر عليها بس عندي سؤال انتا هتعمل ايه ف قضية حمزة .
يوسف بتنهيدة …متقلقيش خلاص القضية مقفولة مدام الجثة مش لزيزى والطب الشرعي هيثبت كدا وعبير هتعرفنا اكيد مكان زيزي وهتيجي تشهد ف المحكمة انها عايشة
آية … امممم طب الحمد لله انا كدا اطمنت ع غادة وعلي حمزة همشي بقا خلي بالك من نفسك وياريت تنفذ اللي اتفقنا علية
انصرفت من جوارة سارت خطوتين الي الامام ولكن توقفت ع صوتة متحدثا … طب وانا ياآية
نظرت الية آية بأستغراب … وانتا ايه يايوسف
يوسف … اطمنتي ع غادة وعلي حمزة طب وانا
اغمضت آية عيناها بقوة متحدثة … انتا انسان قوي يايوسف وميتخفش علية
قام يوسف من مجلسة واقفا امامها متحدثا بجدية … يعني معنتيش عاوزة تكلمي معايا
آية بتنهيدة … هكمل معاك بصفتي آية يايوسف انا كنت وسيلة للانتقام وخلاص مبقاش فية انتقام وجودي مبقاش لية لازمة النهاردة او بكرة او بعدين كدا كدا همشي لاني جيت غلط من الاول
تقدر تقولي انا بالنسبالك ايه يايوسف ولا حاجة صدقني دا افضل حل وان شاء الله هتلاقي الانسانة اللي تكمل معاها حياتك بس نصيحة يايوسف بلاش تجرحها او تكسرها او تعمل فيها اللي عملتة فيا اصل كسرة القلب وحشة اوي عاملها بالحسنة راعي ربنا فيها هتحبك وهتعيشك سعيد انتا طيب جدا يايوسف بس دايما بتظهر عصبيتك وغضبك للناس بتخليهم يكرهوك جرب مره تظهر ليهم حنيتك دي هتلاقي الكل بيحبك يلا سلام وانتا زي اخويا يايوسف اوصديقي
دارت ضهرها اليها لتنصرف ولكن جذبها من معصمها متحدثا … انا مش اخوكي ولا صديقك ولا عمري هكون كدا انا جوزك وحبيبك وانتي مراتي وحببتي متمشيش ياآية لاني انا محتاجلك محتاج آية حببتي اللي محبتش غيرها ومراتي اللي بشكر ربنا انه جمعني بيها وامي اللي دايما بتحسسني بالاماان وبنتي اللي بشوفها فيكي وقت زعلك ووجعك
نظرت له آية بأبتسامة وفرحة شديدة متحدثة … قولت ايه
يوسف بأبتسامة وهمس هو يقترب منها لايفصل بينها سوي انفاسهم … بقول ان انتي مراتي وحببتي وامي وبنتي وكل حياتي بحبك ياايوش طيبت قلبي وعفويتك خلوني بموت فيكي جنانك وحنانك وكل تفصيلك حبيت فيكي كل حاجة حبيت حزنك قبل فرحك حبيت آية الشقية والعندية وام دماغ حجر والحنينة وام قلب طيب شبة الملاك حبيت فيكي كل مافيكي
احتضنتة آية بسعادة متحدثة بفرحة … وانا بحبك اوي يايوسف انا مش مصدقة نفسي انا استنيت اليوم دا من زمان لغاية مافقدت الامل
شدد يوسف من احتضانة عليها بسعادة هو الاخر … اسف علي كل اللي عملتة اسف اني ف يوم ازيتك وجرحتك اسف اني خليت دموعك تنزل عارف ان اسفي ميكفيش بس والله ندمان علي كل اذي كنت السبب فية
آية بدموع سعادة … لا ياحبيبي متعتذرش عن حاجة خلاص دا كانت صفحة قديمة وقفلناها فوق ودلوقتي دي صفحة جديدة خالص مفيهاش حزن تاني ابدا ولا فراق ولا غدر مفيهاش غير الفرح وبس
اختضنها بسعادة هامسا في اذنيها … ربنا يخليكي ليا يااغلي مافي حياتي بحبك ياايوشتي ..ً……..
