رواية التضحية بالحب الفصل السابع والعشرين 27 بقلم أروي عادل
مراد ٠٠٠ أنتى عارفه ان حسام بيحبك ٠٠٠
تمارا ٠٠٠( بأرتباك) عارفه بس……..
مراد ٠٠٠لما انتى عارفه انه بيحبك رجعتى ليه
تمارا ٠٠٠ عشانك و عشانى . عشان مراد يبقى اخوك . وفى نفس الوقت انا مقدرش اشيل ذنب ان حسام جراله حاجة بسببى
مراد ٠٠٠ يعنى انتى فكرتى فى مصلحة أخويا
هزت تمارا رأسها بأيجاب ثم اكمل كلامه وقال
مراد ٠٠٠ وانا هعمل زيك كمان وهفكر فى مصلحة أخويا .. تمارا أحنا لازم نسيب بعض
كانت تمارا تنظر له بذهول و عدم استيعاب ما قاله مراد لذلك قالت
تمارا ٠٠٠ معلش يا مراد ٠٠هو… انت قولت ايه
أخذ مراد نفس طويل وهو بيحاول يبدو طبيعى حتى لا يضعف أمامها
مراد ٠٠٠ حب حسام ليكى خلاكى متحرمه عليا
هنا تعالت ضحكات تمارا مما جعل مراد ينظر لها بأستغراب ثم قالت و هى مازالت تضحك
تمارا ٠٠٠ تصدق أنى طلعت غبيه أوى . ماما قالتى انك هتتخلى عنى حتى نسرين هانم قالتى نفس الكلام بس مصدقتهمش..غبيه غبيه غبيه غبيه
كان مراد ينظر لها. و قلبه يتمزق عليها هو يشعر بوجعها. لكنه لا يستطيع أن يفعل لها شئ
بينما صرخت فجأة كانت تبدو و كأنها فقدت عقلها وهى تقول
بقلم٠أروى٠عادل
تمارا ٠٠٠ وقف العربيه ..وقف العربيه نزلنى .نزلنى
مراد ٠٠٠ اهدى يا تمارا هنتفاهم
تمارا ٠٠٠ بقالك نزلنى . نزلنى احسن اقسم بالله هرمى نفسى من العربيه.
مراد ٠٠٠ لما نتكلم الأول
هنا حاولت تفتح باب السيارة و هى تسير لكن مراد مسك يديها بسرعة و قال بغضب و حده بعد ما اوقف السياره
مراد ٠٠٠ أنتى مجنونه عايزه تموتى نفسك
تمارا ٠٠٠ ( بصراخ) سيب ايدى و ابعد عنى بقى . عايز منى أيه تانى
مراد ٠٠٠ افهمى بس انا هعمل كده ليه
تمارا ٠٠٠ عشان انت واحد كداب . و آنا استاهل انى صدقتك انك ممكن تكون بتحبنى
مراد ٠٠٠ و اللهى العظيم بحبك
تمارا ٠٠٠ أنتى عايز تجننى .بتحبنى
و بس عايز تتخلى عنى و تسيبنى..
ده ايه الحب العظيم ده
مراد ٠٠٠ تمارا انتى عارفه كويس أوى انى بحبك انتى أول حب و أخر حب فى حياتى بس انا عندى أسبابى إللى مقدرش اقولها
تمارا ٠٠٠ و لما انا أول حب فى حياتى ندا تبقى ايه
هنا تبدلت ملامحه مراد لغضب عارم وهو يقول بحده و قوه
مراد ٠٠٠ أنتى عرفتى حوار ندا من فين
تمارا ٠٠٠ نسرين هانم قالتلى
مراد ٠٠٠ وقالتلك ندا تبقى مين
تمارا ٠٠٠ مرات حسام الاولى
مراد ٠٠٠( بقلق) و قالتلك ايه تانى
تمارا ٠٠٠ هى ماقالتش .. بس انا فهمت انك كنت بتحبها .
مراد ٠٠٠ تحبى تعرفى ايه حكاية ندا
استغربت تمارا من حديثه و برغم ما بها.
إلا أنها كانت لديها فضول تعرف ماذا حدث بين مراد و ندا . لذلك قالت
بقلم٠أروى٠عادل
تمارا ٠٠٠ هى ليها حكايه كمان . ياترى كام حكاية فى حياتك يا مراد .. وانا حكاية رقم كام
مراد ٠٠٠ اسمعينى و ساعتها هتحكمى و هتفهمى كل حاجة .و هتعرفى ايه هى أسبابى
تمارا ٠٠٠ اتفضل قول
مراد ٠٠٠ مان عندى وقتها ٢٢ سنه شاب يعنى زى اي شاب كان ليا علاقات مع بنات . اه انا منت بعرف بنات كتير
تمارا ٠٠٠ ( بسخريه) بنت كتير و تقولى انا أول حب
مراد ٠٠٠ بس انا ماحبتش ولا واحده فيهم
تمارا ٠٠٠ و ندا
مراد ٠٠٠ ندا دى كانت واحده من ضمن البنات إللى أعرفها ..كمان كانت صاحبت ملك بنت عمى . بنت جميله كانت عايشه فى أمريكا عشان كده كانت أوبن مايند متفتحه جريئه. جذبتني جرئتها
و اتصاحبنا انا وهى… بعد فتره صغيره سيبتها زى غيرها.. ساعتها راحت لحسام
و لعبت عليه الحب و عشان حسام كان دوغرى و مالهوش فى شغل البنات.. حبها و بسرعة قرر يتجوزها
تمارا ٠٠٠ طيب ليه انت مش حذرته منها
مراد ٠٠٠ حذرته قولته بلاش ندا هى مش شكلك بس حسام مسمعش منى و اتجوزها. و أول مارجعوا من شهر العسل بدأت ندا تطاردنى. و تقولى انها مش قادره تنسى حبى .. انا كنت دايمآ بحاول اتجنبها. و معظم. الأيام كنت بقعد عند خالى فؤاد هو عارف كل حاجة عن ندا .. . وفى يوم أسود كنت
بقلم٠أروى٠عادل
###فلاش بالك ###
##########
فى جناح حسام و زوجته ندا
،،،،،،،،،،،،
حسام ٠٠٠ أيه يا حبيبتى تحبى أبقى معاكى وبلاش اخرج مع صاحبى
أتعلقت ندا فى رقبته و قالت بدلع
ندا ٠٠٠ لا يا قلبى روح مع صحابك ماينفعش تكسفهم بعد ما عزموك
حسام ٠٠٠ أنا مش هتأخر عليكى هحاول أرجع بسرعة
ندا٠٠٠ لا يا حبيبى خليك براحتك انا اساسآ تعبان شويه و هنام
حسام ٠٠٠( بقلق) تعبان مالك
ندا ٠٠٠ مافيش انا بس ما نمتش امبارح
حسام ٠٠٠ خلاص نامى يا روح قلبى
ثم قبلها و انصرف
بعد ما انصرف حسام ارتدت ندا قميص نوم قصير شفاف كاشف جميع مفاتن جسدها
ثم ارتدت عليه روب و ذهبت للغرفة مراد
فى جناح مراد
،،،،،،،،،
حور ٠٠٠بالله عليك يا مراد تخلى مامى توافق أشترك فى عرض الأزياء
مراد ٠٠٠ أنتى اتجننتى عايزانى اقنع بماما بحاجة انا مش مقتنع بيها
حور ٠٠٠ طيب هى فيها ايه
مراد ٠٠٠ فيها ان عندك ١٨ سنه يعنى بدل الكلام الفاضى ده روحى ذاكرى كلمتين ينفعوكى أحسنلك
حور ٠٠٠ ماشى يا مراد . انا غلطان انى جيت اتكلمت معاك انت. انا هروح اتكلم مع حسام هو الوحيد الطبيب فى البيت ده بيفهمنى
هنا أخذ مراد المنشفه فى يده هو يقول
مراد ٠٠٠ اه احسن روحى ل حسام انا مش ناقص وجع دماغ .. اه ابقى خدى الباب وراكى لانى داخل اخد دش
قال جملته و دخل الحمام لذلك اتعصبت حور وهى تخبط قدميها بالأرض بضيق
ثم خرجت حور من الجناح و تركت الباب مفتوح
و بعد دقيقه واحد من خروج حور دخلت ندا
و أغلقت الباب ثم خلعت الروب من عليها و ظلت بالقميص النوم ثم استلقت على الفراش بطريقه مثيرة. هى تنتظر خروج مراد من الحمام
بعد الانتهاء من الاستحمام خرج مراد من حمام هو يضع منشفة حول خصره يدراى فقط الجزء السفلي من جسده و منشفة أخرى فى يده يخفف بها خصلات شعره عندما انتهى من تجفيف شعره رمى المنشفة على الفراش لتمسك بها ندا و تستنشقها هنا اتسمر مراد مكانه عندما رأها بهذه الهيئة
لذلك قال بحده
بقلم٠أروى٠عادل
مراد ٠٠٠ ندا انتى اتجننتى بتعملى ايه هنا . كمان ايه إللى انتى لابسه ده
قامت من على الفراش و اقتربت منه
و بدلع قالت
ندا ٠٠٠ ايه مش عجبك
هنا لمح مراد الروب ملقى على الفراش لذلك أخذه مراد و أعطاه لها وقال
مراد ٠٠٠ البسى الروب
اخذت ندا الروب و ألقت به على الأرض وقالت
ندا ٠٠٠ سيب الروب ده و بصلى يا مراد
مراد ٠٠٠ إللى انتى بتعمليه ده غلط
يا ندا
ندا٠٠٠ مراد انا لسه بحبك مش قادره ابعد عنك. انت الراجل الوحيد إللى اتمنيت انام فى حضنه
هنا وضعت يديها على صدر مراد العارى لذلك بعد مراد يديها عنه بقوة و قال بغضب
مراد ٠٠٠ أنتى انهبلتى ايه اللى انتى بتقوليه ده. يظهر نسيتى نفسك و نسيتى كمان انك مرات أخويا
ندا٠٠٠بس انا مش بحبه حسام انا بحبك انت لو طلبت منى دلوقتى اسيب حسام انا هسيبه بس ……
قطع عبارتها وقال بحده وقال
مراد ٠٠٠ لا كده كتير انتى شكلك مش بتفهمى بذوق .
هنا توجه مراد للباب و فتح الباب و كمل جملته و قال
مراد ٠٠٠ اطلعى بره ..يلا اطلعى بره
هنا ركضت ندا و اترمت فى حضن مراد وهى تقول
بقلم٠أروى٠عادل
ندا ٠٠٠ لا يا مراد متعملش معايا كده
لسه كان مراد سيدفعها لتبتعد عنه سمع خلفه حسام يقول بغضب عارم و صراخ اهتزت له أركان القصر كلها
حسام ٠٠٠ بتعملوا ايه هى حصلت الواسخه لحد كده
هنا ابتعدت ندا عن مراد برعب فقال مراد
مراد ٠٠٠ حسام افهمك
هنا جاءت حور و صرخت عندما رأت حسام يصفع مراد و يقول بصراخ
حسام ٠٠٠ مراتى يا وسخ
مراد ٠٠٠ واللهى انا معملتش حاجة
هنا لكمة حسام مراد
كانت حور بتحاول تبعدهم عن بعض
و هى تصرخ
هنا جاءه كل من نسرين و يوسف على صوت صراخ حور و كانت الصدمه لهم.. ندا بقميص نوم لا يستر شئ من جسدها فى جناح مراد و مراد شبه عريان
يوسف ٠٠٠ ايه إللى بيحصل هنا
ندا ٠٠٠ هو بس حسام فاهم غلط
هنا صفعتها نسرين وهى تقول
نسرين ٠٠٠ اخرسى . يا واطيه ..غلط ايه ما الموضوع واضح و شارح نفسه
مراد ٠٠٠ بس واللهى ما حصل حاجة انا اتفاجأت بيها فى الأو……
قبل انا يكمل عبارته لكمة حسام بقوة
و كان سيوجه له لكمه أخرى لكن مراد مسك يده و هو يكور قبضت يده ..ثم رفع يده و كان على وشك لكم حسام
هنا صرخ يوسف بحده وقال
يوسف ٠٠٠ مراد انت يترفع ايدك على اخوك الكبير
هنا اتعلقت يد مراد فى الهواء و هو يحاول السيطر على غضبه لذلك دفع حسام بقوه وقال
حسام ٠٠٠ افهم بقى متبقاش غبى انا ملمستش مراتك
انتهزت ندا شيجار حسام مع مراد و خرجت من الجناح مراد و ذهبت لجناحها أرتدت جاكت و أخذت مفاتيح سيارتها و خرجت مسرعه من القصر
بينما مازال حسام يتشاجر مع مراد قالت حور
حور٠٠٠بس بقى كفايه انتو بتتخنقوا مع بعض و هى هربت
هنا أنتبه حسام انا ندا ليست موجوده فقال بغضب مخيف
حسام ٠٠٠ هتروحى منى فين اقسم بالله هقتلها
ثم خرج مسرعآ حتى يلحق بها
هنا صرخت نسرين وقالت
نسرين ٠٠٠ الحقوا هيضيع نفسه
خرج يوسف خلفه حسام بينما قالت نسرين ل مراد
نسرين ٠٠٠ أنت واقف كده ليه روح الحق اخوك
و بسرعه ارتدى مراد ملابسه و ذهب خلف حسام بالسيارة
بينما كان حسام يقود السيارة بسرعة جنونيه وفجأة فقدة حسام السيطرة على عجلة القيادة فصطدمه بسيارة نقل كانت أمامه
مراد ٠٠٠ من ساعتها العايله كلها بتحملنى
مسئولية حادثة حسام
تمارا ٠٠٠ و ليه مش فهمتهم حقيقة إللى حصل
حسام ٠٠٠ بعد الحادثه الكل انشغل بحسام وخصوصآ ان حسام كان حالته حرجه جدآ
تمارا ٠٠٠ ماحدش سألك على إللى حصل بعد كده
مراد ٠٠٠ لاء الكل اعتبرونى مذنب و خاين من غير ما حتى يسمعوا منى
تمارا ٠٠٠ و ندا دى راحت فين
مراد ٠٠٠ بعد الحادثه بأسبوع و حسام فى المستشفى رفعت قضية خلع . و اطلقت
تمارا ٠٠٠ طيب ليه مافهمتش حسام إللى حصل بعد كده
مراد ٠٠٠ ماكنش ينفع اتكلم مع حسام فى الوقت ده .. حسام خرج من الحادثه رجله مدمره و نفسيته زفت ..وعمل اكتر من عمليه فى رجله لحد مافقد الامل انه يرجع يمشى تانى ده خلاه نفسيته تتعب اكتر ساعتها رافض العلاج عزل نفسه فى أوضته عن أهله
و اصحابه و معارفه تقريبآ عزل نفسه عن العالم كله لحد ما ظهرتى انتى . وانتى عارفه الباقى بقى
تمارا ٠٠٠ دى بقى التجربه إللى غيرت حياتك و خليتك ماعندكش ثقه فى اى بنت
مراد ٠٠٠ أيوه هى … كده ياريت تكونى
فهمتى احنا ليه ماينفعش نكون مع بعض. انا مقدرش أستحمل ان حسام يتأذى بسببى تانى
تمارا٠٠٠ اه فقررت تتخلى عنى عشان تحافظ على علاقتك بأخوك مش كده
مراد ٠٠٠ بعد كل إللى قولتهولك بتقولى كده
تمارا ٠٠٠ اه انت اختارت الحل السهل بالنسبالك هو انك تتخلى عنى .
مراد ٠٠٠ وانا كنت بحكيلك كل الحكاية دى عشان فى الأخرى ماتفهمنيش
و تقوليلى كده
تمارا ٠٠٠(بسخريه) أمال كنت متوقع اقولك ايه .. برافو عليك.. عندك حق يلا سيبنى .و اتخلى عنى ..ولا ايه رايكم أوافق اتجوز حسام .. عشان تاخد جائزة الاخ المثالى
مقدرش مراد يسمع مجرد الكلمة ان تمارا ممكن تتزوج حسام .. لذلك اتعصب مراد وقال بحده
مراد ٠٠٠ تماااارا اسكتى ولا كلمة تانى
تمارا ٠٠٠ مراد انت بضحك على نفسك . انت عايز تسيبنى عشان خاطر حسام ..لكن مش قادر تتقبل فكرة انى ممكن ارتبط بحسام
مراد ٠٠٠ تمارا حاولى تفهمينى حسام هيدمر لو عرف بعلاقتنا.. مش هيقدر يتحمل الصدمه تانى من النوع ده
تمارا ٠٠٠ بقولك ايه ما تقول الحقيقه
و اخلص
مراد ٠٠٠ حقيقة ايه
تمارا ٠٠٠ أنك مصدقت لقيت حجه عشان تخلص منى
مراد ٠٠٠ ( بألم) بجد انتى ممكن تفكرى فيا كده .. تمارا انا لو كنت بدور على حجه عشان اخلص منك كان زمانى اخترعت الف حجه وحجه .. بس انا عايزك تفهمى احنا هنسيب بعض ليه .
و تفهمى كمان انى هسيبك غصب عنى . و أنك الوحيده إللى حبتها فى حياتى
تمارا ٠٠٠ و أنا مش فارق معايا انت هتسيبنى ليه .المهم انك هتسيبنى.
ليه و عشان ايه مش مهم ولا فارق معايا ..المهم عندى انك طلعت ندل معايا..و شكرآ
قالت عبارتها و فتحت باب السيارة و غادرت منها مسرعه وهى بتحاول تمنع دموع من التعبير عن وجعها .. كما كان قلبها ينزف و يصرخ بصمت
بينما ظل مراد ينظر إليها حتى تلاشت من أمامه وهو يشعر بجميع أوجاعها و يتألم مثلها هو يدعوه من الله ان يظل قوى ولا يضعف أمام قلبه الذى يستغيث من أجل حبه
بقلم٠أروى٠عادل
منزل ميرفت
~~~~~~~~~~~
ذهبت تمارا للمنزلها وهى فى حالة لا يرثى لها. دخلت المنزل و ذهبت لغرفتها مباشرتآ و أغلقت الباب خلفها ..
هنا أطلقت سراح دموعها و سمحت لقلبها ان يصرخ وهى تستند على باب غرفتها ظلت تبكى و تصرخ .إلى أن لم تستطيع قدميها ان تحملها فسقطت على الأرض وهى تحاول تكتم شهيقها بيديها حتى لا تسمعها ميرفت
بينما خرجت ميرفت من المطبخ هنا سمعت صوت بكاء تمارا لذلك ركضت
و طرقت على الباب وهى تقول بخوف
ميرفت ٠٠٠ تمارا .. تمارا .. تمارا افتحى الباب تمارا فى ايه .. تمارا افتحى الباب
هنا قالت تمارا بصوت مخنوق من كثيرة البكاء
تمارا ٠٠٠ ماما بالله عليكى سيبنى دلوقتى
ميرفت ٠٠٠ طيب مالك تفهمينى
تمارا ٠٠٠ سيبنى و نبى يا ماما سيبنى
ميرفت ٠٠٠ حاضر . حاضر . بس بطلى عياط
بقلم٠أروى٠عادل
فى المساء
~~~~~~~~~
ظلت تمارا طول اليوم فى غرفتها . حاول ميرفت و شقيقتها اقناعها بفتح الباب لكنها رافضت.. طلبت منهم ان يتركوها لوحدها
و أيضآ لم ترد تمارا على هاتفها الذى لم يصمت لثانيه
ميرفت ٠٠٠ لاء كده كتير ماهى لتفتح الباب اما واللهى اكسرو
سلمى ٠٠٠ اهدى بس يا ماما انا هروح تانى اخبط عليها يمكن ترضى تفتح
ميرفت ٠٠٠ اكيد الزفت إللى اسمه مراد هو إللى ضايقه
ياره ٠٠٠ الله اعلم يا ماما يمكن ميكونش له ذنب
ميرفت ٠٠٠ طيب اتصلى على أسلام أسألى يمكن يكون عارف حاجة
ياره ٠٠٠ سألته قال مايعرفش حاجة . كمان مايعرفش فين مراد بيقول تليفونه مقفول
ميرفت ٠٠٠ شوفتى يبقى انا عندى حق هو السبب
رجعت سلمى وقالت
سلمى ٠٠٠ مش راضيه تفتح الباب
ميرفت ٠٠٠ لا ماهو مش بمزاجها.. هتفتح الباب غصب عنها
هنا قامت من مكانها و توجهت للغرفة تمارا و طرقت على الباب و قالت بتحذير
بقلم٠أروى٠عادل
ميرفت ٠٠٠ هى كلمة واحده افتحى الباب يا تمارا إلا اقسم بالله اكسرو الباب و ادخل اجيبك من شعرك
عندما فتحت تمارا الباب كان وجهها شاحب و عيونها باللون الدم مع احمرار وجهها كانت فى حاله لا يرثى لها . لذلك شهقت ميرفت عندما رأتها بهذه الهيئة. ولأنها أول مره ترى تمارا بهذه الحاله قالت برعب عليها
ميرفت ٠٠٠ أنت عامله فى نفسك كده ليه
هنا تعالت صوت بكاء تمارا وهى تقول ببكاء مؤلم
تمارا ٠٠٠ مراد سابنى يا ماما
قالت جملتها و اترمت فى أحضان ميرفت و ظلت تبكى بحرقه لذلك قالت
ميرفت ٠٠٠ أهو غار فى داهيه .. انا حذرتك منه .. و قالتلك بلاش البنى أدم ده
سلمى ٠٠٠ خلاص يا ماما مش وقته الكلام ده
ياره ٠٠٠ طيب تعالى تقعد
بعد ساعتين كانت تمارا اهدى
بينما كانوا يجلسون جميعآ على فراش تمارا بينما كانت تمارا مازالت فى حضن ميرفت
ميرفت ٠٠٠ أنا كنت عارفه انه هيطلع ندل فى الاخر
ياره ٠٠٠ ما خلاص بقى يا ماما احنا ماصدقنا انها بطلت عياط
تمارا ٠٠٠ ( بحزن ) لا خليها تتكلم عشان أعرف أد أيه انا كنت غبيه
ياره ٠٠٠ بصراحة بقى انا مش مصدقة ان مراد طلع ندل معاكى
ميرفت ٠٠٠ قصدك ايه أختك كدابه يعنى
سلمى ٠٠٠ صحيح يا تمارا هو ايه إللى حصل
تمارا ٠٠٠ هقولكم .بس الكلام ده مايطلعش بره
ياره ٠٠٠ ( بفضول) قولى
حكت تمارا كل ما قاله مراد كما حكت ما حدث بين مراد و ندا لذلك قالت سلمى
سلمى ٠٠٠ يعنى هو سابك عشان خاطر اخوه
ميرفت ٠٠٠ واللهى طلع راجل
هنا ابتعدت تمارا عن حضن ميرفت و قالت بعتاب
تمارا ٠٠٠ ماما انتى بتقولى إيه..طلع راجل عشان سابنى
ميرفت ٠٠٠ طلع راجل عشان فكر فى مصلحة اخوه على حساب نفسه ..
ياره ٠٠٠ ماما انتى إللى بتقولى كده
ميرفت ٠٠٠ اه انا إللى بقول كده . لانه مطلعش انانى و فكر فى نفسه
تمارا ٠٠٠ و أنا …ليه مفكرش فيا
ميرفت ٠٠٠ يعنى انتى عايزاه يفضل معاكى و طظ فى اخوه واللى يجراله
تمارا ٠٠٠ لاء طظ فيا انا وفى مشاعرى يكش أولع بجاز كمان
سلمى ٠٠٠ من غير عصبيه يا تمارا ماما عندها حق .
تمارا ٠٠٠ ماما عندها حق . و مراد عنده حق وانا إيه يعنى
ميرفت ٠٠٠ انتى نصيبك كده. يمكن قدرك او حظك . حطك بين مراد و حسام .. و المفروض عليكى تدفعى تمن غلطة عملتها مرات حسام الاولى
ياره ٠٠٠ أنا رايى سيبك من مراد و حسام و ما تروحيش القصر ده تانى
تمارا ٠٠٠ ( بتحدى) لاء هروح لازم مراد يفهم انه مش فارق معايا .. كمان لازم اخليه يندم انه فكر انه يتخلى عنى
ميرفت ٠٠٠ انتى بتفكرى تعملى ايه
بقلم٠أروى٠عادل
بعد يومين
فى القصر
غرفة حسام
~~~~~~~~~•
مره يومين كانت تمارا بتتجاهل مراد تمامآ
كما كانت بتحاول تبدو قويه . لكنها مازالت لم تتخطى انفصال مراد عنها
كانت شارده معظم الوقت . حزينه. لا تأكل إللى قليلآ . لا تتحدث إلا إذا طلبه منها
حسام ٠٠٠ أيه يا تمارا مش ناويه تقوليلى مالك
تمارا ٠٠٠ قولتلك مافيش حاجة .. انا بس مضغوطه شويه فى الكليه
حسام ٠٠٠ من ايه بس .. احكيلى
تمارا ٠٠٠ بعدين هحكيلك
حسام ٠٠٠ طيب تعالى نقعد شويه فى الجنينة
تمارا ٠٠٠حاضر يلا
عندما كانت تمارا و حسام متوجهين للجنينة
أتسمرت تمارا مكانها و تجمدت جميع أوصالها عندما سمعت
هايدى ٠٠٠( بفرحه ) يعنى أخيرآ يا مراد انا وانت خلاص هنكون لبعض
