وعندما كانت تمارا و حسام متوجهين الجنينة
أتسمرت تمارا مكانها و تجمدت جميع أوصالها من الصدمة عندما سمعت ٠٠
ثم أمسكت هايدى يد مراد كملت كلامها بحب وقالت
هايدى ٠٠٠ أنا مش مصدقة يا حبيبى ان أخيرآ حلمى هيتحقق
شيرين ٠٠٠ شوفى البنت بتتكلم عادى مش عامله حساب اننا موجودين
هنا لمحت نسرين تمارا تقف مع حسام لذلك أردت ان تسمع حديثها فقالت
بقلم٠أروى٠عادل
نسرين ٠٠٠ سبيها براحتها يا شيرين احنا كلنا عارفين أد أيه مراد و هايدى بيحبوا بعض حتى من همآ لسه ولاد صغيرين
شيرين ٠٠٠ عندك حق
حور ٠٠٠ مبروك يا مراد .مبروك يا هايدى
ملك ٠٠٠ مبروك و ربنا يتمم ليكم على خير
نسرين ٠٠٠ ان شاء الله نعمل خطوبه يوم الخميس إللى جاى على طول
شيرين ٠٠٠بسرعة كده احنا مش هنلحق نجهز حاجة
نسرين ٠٠٠ بصراحة بقى مراد هو المستعجل
هايدى ٠٠٠ بجد يا مراد .
لم يرد مراد عليها لانه وقتها كان قد رأه تمارا
التى كانت واضح على ملامحها الصدمة
هايدى ٠٠٠ مراد هو انت مش سامعنى
و هنآ لاحظت إلى أين ينظر مراد
لذلك هزت مراد لكى ينتبه لها وقالت
هايدى ٠٠٠ مراد حبيبى انا عايزه حفلة خطوبة كبيرة مصر كلها تتكلم عنها
هنا و لأول مره يتحدث مراد فقال
مراد ٠٠٠ لاء الخطوبه على الضيق ..يعنى هنعملها عائلية.انا لا بحب الهيصه .ولا شوشرة الحفلات
هايدى ٠٠٠ لاء طبعآ انت بتقول ايه
يا مراد
نسرين ٠٠٠ ماحدش له دعوة بالتفاصيل دى .انا هظبط مع شيرين كل حاجة
هنا قال حسام ل تمارا التى كانت تنظر لكل ما يحدث بألم و قهر لكنها لا تستطيع أن تعبر عن ما بداخلها
بقلم٠أروى٠عادل
حسام ٠٠٠ تمارا . تمارا . تمارا انتى سرحانه فى ايه
تمارا ٠٠٠( بألم) ها بتقول حاجة
حسام ٠٠٠ تعالى نروح نبارك ليهم
تمارا ٠٠٠ لاء روح انت انا هستناك فى الجنينة
بعد ما قالت عبارتها استدارت لتنصرف لكنها شعرت بثقل برأسها و عدم اتزان لذلك بعفوية مسكت يد حسام لتستند عليه
هنا شعر مراد بضيق عندما رأها مسكه يد حسام
حسام ٠٠٠ مالك يا تمارا انتى كويسه
تمارا ٠٠٠ مش عارفه بس دوخت شويه
حسام ٠٠٠ طيب تعالى أقعدى شويه
تمارا٠٠٠ لاء انا طالعه للجنينة
قالت جملتها ثم انصرفت بعدها قالت نسرين
نسرين ٠٠٠ اسمعى يا شيرين الخطوبة هتبقى هنا فى الفيلا
شيرين ٠٠٠ازاى بقى يا نسرين من امتى الخطوبة بتبقى فى بيت العريس
نسرين ٠٠٠و احنا بردوا فى فارق بينا .. بعدين هنا بردوا بيت هايدى مش كده
يا هايدى
هايدى ٠٠٠ كده يا خالتو .. اللى انتى عايزاه انا هعمله
شيرين ٠٠٠ خلاص اللى انتو شايفنوا صح اعملوا
حسام ٠٠٠ مبروك
هايدى ٠٠٠ ميرسى يا حسام عقبالك
فى جنينة القصر
~~~~~~~~
مازالت تمارا تشعر بثقل فى رأسها كما كانت بتحاول بصعوبه تقف على قدميها و عندما رأتها أمل قالت
أمل٠٠٠ مالك يا تمارا شكلك تعبانه
قالت تمارا بصوت ضعيف وهى ماسكه رأسها
تمارا ٠٠٠ مش عارفه مالى حاسه انى مش مظبوطه.. ممكن كوبية ما…..
قبل ان تكمل عبارتها سقطت أرضآ مغشى عليها
هنا تركضت أمل إليها وهى تصرخ
بقلم٠أروى٠عادل
فى نفس الوقت
داخل القصر
~~~~~~~~~
نسرين ٠٠٠ أيه صوت الصراخ ده
حور ٠٠٠ ده صوت أمل
شيرين ٠٠٠ وهى بتصرخ ليه
حور ٠٠٠ أنا هروح اشوف ف…..
قبل أن تكمل عبارتها دخلت أمل مسرعة وقالت بخوف
أمل ٠٠٠ نسرين هانم الحقينى تمارا ..تمارا
مراد ٠٠٠ ( برعب) انطقى مالها تمارا
أمل ٠٠٠ وقعت من طولها حاولت …
قبل أن تكمل عبارتها ركض مراد و ركضوا جميعآ خلفوا
كانت الصدمة عندما وجدها مراد مستلقيه على الأرض مغشى عليها شاحبة الوجة كأنها بلا روح لذلك جلسه مراد على الأرض ثم
رفعها و وضع رأسها على قدمه ثم ربت على خديها برفق وهو يقول بخوف
مراد ٠٠٠ تمارا .. تمارا فوقى
ثم صرخ فيهم وقال
مراد ٠٠٠ حد يجيب مايه
هنا نادت نسرين على البواب و قالت
نسرين ٠٠٠ عم حسين تعالى شيلها و حطها على الكنبة إللى هناك دى
اقترب عم حسين ليحمل تمارا لكن مراد قال بحده
بقلم٠أروى٠عادل
مراد ٠٠٠ ابعد أيدك انا هشيلها
هايدى ٠٠٠ لاء خلى عم حسين هو إللى يشيلها
هنا رمقها مراد بنظره غاضبه اسكتتها
ثم حملها مراد و وضعها على الأريكة الموجوده فى الجنينة وهنا جاءت أمل وقالت
أمل ٠٠٠ أنا جبت..المايه أهى
اخذت منها ملك الماء ثم سكبته على وجه تمارا لكنها لم تستحيب هنا قالت حور
حور ٠٠٠ أنا جبت برفيوم
ثم رشت على وجهها لكنها مازالت فاقده الوعى و هنآ
حسام ٠٠٠ ( بقلق) لاء كده كتير هى مش بتفوق ليه. . أمل اطلبى الدكتور بسرعة
بدأ حسام ايضآ يربت على وجهها بخفه ويطلب منها أن تفوق
بعد محاولات كثير لكى تستعيد تمارا وعيها باتت بالفشل
حسام ٠٠٠هى مش بتفوق ليه ..كمان الدكتور اتأخر ليه
هنا فقد مراد السيطره على نفسه وقال
مراد ٠٠٠ لاء كده كتير بقالها فتره طويله غايبه عن الوعي ..أوعوا كده انا هخدها المستشفى
لم ينتظر رد من أحد حملها بسرعة و قال
حور ٠٠٠ هاتلى مفاتيح العربية بسرعة
ذهبت حور بسرعة لتجلب المفاتيح بينما قال حسام
حسام ٠٠٠ أنا جاى معاك
ملك ٠٠٠ وانا كمان
هايدى ٠٠٠ استنى يا ملك انا هاجى معاكى
بعد ما ذهبوا جميعآ قالت شيرين بضيق
شيرين ٠٠٠ أيه يا نسرين هو مراد خايف عليها أوعى كده ليه ..
نسرين قالت كاذبه لتبرر خوف مراد المبالغ في على تمارا
نسرين ٠٠٠ عادى ما انتى عارفه مراد بيحس ان مسؤول عن الناس كلها . من ظابط شرطة بقى
شيرين بعدم تصديق قالت
شيرين ٠٠٠ يمكن الله و أعلم
بقلم٠أروى٠عادل
فى المشفى خاص
~~~~~~~~~
دخل مراد المشفى و هو يحمل تمارا يركض بيها و يصرخ معاه حور و خلفه حسام بخطوات بطيئه هو يستند على عكازه و يحاول يلحق بيهم
مراد ٠٠٠ فين أوضته الكشف
الممرضة ٠٠٠ قدامك على اليمين
أولآ ما دخل الغرفة كانت يوجد طبيب و طبيبه فقال مراد
مراد ٠٠٠ أنا عايز الدكتوره بس هى إللى تكشف عليها
هنا استغربت حور من كلام مراد
الطبيبه ٠٠٠ هى مالها
حور ٠٠٠ بقالها كتير غايبه عن الوعي حاولنا تفوقها كتير ..بس لسه زى ماهى
الطبيبه ٠٠٠ طيب اتفضلوا بره
خرج مراد و حور بره الغرفة هنا قال حسام
حسام ٠٠٠ ايه الدكتور قال ايه
حور ٠٠٠ لسه هتكشف عليها
هنا وصلت ملك و هايدى
ملك ٠٠٠ أيه الأخبار
حور ٠٠٠ لسه لما نشوف الدكتوره هتقول ايه
خرجت الطبيبه بعد نص ساعة لذلك ركضه إليها كل من مراد و حسام و حور و ملك
بينما وقفت هايدى مكانها وهى لم يعجبها ما يحدث
الطبيبه ٠٠٠ اطمنوا خير
مراد ٠٠٠ فاقت ولا لسه
الطبيبه ٠٠٠ الحمدالله فاقت
حسام ٠٠٠ كان مالها
الطبيبه ٠٠٠ عندها هبوط حاد في الدوره الدموية
حور ٠٠٠ ده من ايه يا دكتور
الطبيبه ٠٠٠ ده نتيجه انخفاض ضغطها فجأه
ملك٠٠٠ طيب ده من ايه بردوا
الطبيبه ٠٠٠ هو ليه كذا سبب ممكن تكون اتعرضت لضغط عصبى .. او زعلت من حاجة ممكن يكون كمان مبتكلش كويس
حسام ٠٠٠ هى فعلآ بقالها يومين فى حاجة مضايقها
هنا فهم مراد انه السبب فيما حدث لها لذلك لعن نفسه ألف مره
حسام ٠٠٠ طيب هى كويسه مش كده
الطبيبه ٠٠٠ أنا علقت ليها محلول بعد ما يخلص هنشوف الضغط هيتظبط ولا لاء
بقلم٠أروى٠عادل
بعد مرور ساعتين
~~~~~~~~~
كانت هايدى تشعر بضيق من ما يحدث
لذلك قالت
هايدى ٠٠٠ انا زهقت بقالنا ساعتين هنا . انا مش فاهمه احنا مستنين فى المستشفى ليه
حور٠٠٠مستنين نطمن على تمارا
هايدى ٠٠٠ نبقى نطمن عليها بالتليفون .. مش كفايه جبنها بنفسنا المستشفى
حسام ٠٠٠ يعنى ايه جبنها بنفسنا أمال انتى كنت عايزه مين يجبها المستشفى
هايدى ٠٠٠ كنا بعتنها مع الشوفير
ملك ٠٠٠ هايدى انتى بتقولى . اسكتى احسن
هايدى ٠٠٠ بصراحة بقى انتو أوفر أوى مع تمارا دى بتتعاملوا معاها و لا كأنها واحد من العايله.. مش مجرد ممرضة
كان مراد قلقان على تمارا وفى نفس الوقت يغلى من داخله بسبب كلام هايدى لذلك لم يستطيع يصمت أكثر لذلك قال بحده و قسوه
مراد ٠٠٠ لما انتى مضايقه أوى كده ..ايه إللى جابك معانا المستشفى
هايدى ٠٠٠ جيت عشانك عشان اكون معاك و مش أسيبك لوحدك
مراد ٠٠٠ وانا متطلبتش منك تكونى معايا بعد كده متعمليش حاجة انا ماطلبتهش منك تمام
اتحرجت هايدى من كلام مراد و خصوصآ انه كان أمام الجميع لذلك قالت
هايدى ٠٠٠ انت بتكلمنى كده ليه هى دى غلطتى عش……….
قطع عبارتها حسام وقال
حسام ٠٠٠ ياريت ماتنسوش اننا هنا فى مستشفى ..ابقى اجلوا خناقاتكم لبعدين
هايدى ٠٠٠ أنا هريحكم منى خلاص و همشى
قالت جملتها ثم انصرفت
ملك ٠٠٠ استنى يا هايدى…..معلش
يا جماعة انا همشى معاها . لانها جايه فى عربيتى
انصرفت ملك خلف هايدى
رأى مراد الطبيبه فذهب إليها وقال
مراد ٠٠٠ ايه الاخبار يا دكتور
الطبيبه ٠٠٠ لسه ضغطها واطى . كده لازم نفضل النهاردة فى المستشفى تحت الملاحظه … دلوقتى هتتنقل لأوضة خاصه
حور ٠٠٠ أحنا كده لازم نبلغ أهلها
ملك ٠٠٠ أنا هتصل بأسلام هو عارف رقم اختها
بعد مرور نصف ساعة
هنا جاءت الممرضة وقالت
بقلم٠أروى٠عادل
الممرضة ٠٠٠ انتو تبع حالة تمارا
حسام ٠٠٠ خير تمارا جرالها حاجة
الممرضة ٠٠٠ لاء يا فندم المريض كويسه
مراد ٠٠٠ آمال فى ايه
الممرضة ٠٠٠ عايزين حضرتك فى الحسابات
مراد ٠٠٠ اه تمام انا جاى
بعد ما دفع مراد حساب المشفى كانت معاه حور
هنا جاءت ميرفت و بناتها معاهم أسلام
عندما رأوا مراد قالت ياره بحده لمراد
ياره ٠٠٠ انت ايه إللى جابك بعد إللى عملته فيها جاى تشوف نتيجة أفعالك مش كده
ميرفت ٠٠٠ ياره مش وقته الكلام
ياره٠٠٠ بس هو السبب فى حالة تمارا
ميرفت ٠٠٠ خلاص يا ياره و تعالى نشوف أختك
ذهبوا ليتفقده تمارا
وهنا قال أسلام
أسلام ٠٠٠ أنت ايه إللى عملته ده
لم يرد عليه مراد بل اكتفى فقد بالمغادرة المشفى هنا قالت حور بعدم فهم
حور ٠٠٠ هو فى ايه يا أسلام. هى ياره ليه بتقول الكلام ده ل مراد .. و تقصد بأن مراد هو السبب فى حالة تمارا
أسلام ٠٠٠ ابقى أسألى أخوكى
قال جملته ثم ذهب لذلك قالت حور
حور ٠٠٠ أيه المجانين دول ٠٠ كل واحد يقول كلمة و يخد فى وشى و يمشى ..
داخل الغرفة التى بها تمارا
تمارا بصوت ضعيف متعب
تمارا ٠٠٠ خلاص بقى يا ماما بطلى عياط واللهى انا كويسه
ميرفت ٠٠٠ كويسه أزاى بس .. هو انا مش شايفه شكلك عامل ازاى
ياره ٠٠٠ ربنا ينتقم من إللى كان السبب
ميرفت ٠٠٠ بس يا ياره و كفايه إللى عملتيه بره
تمارا ٠٠٠ هى عملت ايه
سلمى ٠٠٠ اتخنقت مع مراد
تمارا ٠٠٠ هو مراد هنا فى المستشفى
سلمى ٠٠٠ اه ٠٠بس سيبك منه.. قوليلى ايه إللى حصل
هنا هربت دمعة من عينيها و فأزاحتها بسرعة وقالت بألم
مراد ٠٠٠ مراد هيتجوز
انصدموا جميعآ فقالت سلمى
سلمى ٠٠٠ بسرعة دى. ده مضيعش وقت
قالت ميرفت و هى تنظر ل تمارا
بقلم٠أروى٠عادل
ميرفت ٠٠٠ يعمل إللى يعملوا هو حر ..احنا خلاص مبقاش لينا دعوة بيه خالص . صح يا تمارا
تمارا ٠٠٠ صح يا ماما … عندك حق
ياره ٠٠٠ لما هو صح يا تمارا .. ليه عامله فى نفسك كده
سلمى ٠٠٠ هى بردوا مش جماد . لازم تاخد وقتها عشان تقدر تنسى
ميرفت ٠٠٠ انشاء الله هتنسى بسرعة كمان. انا عارفة بنتى طول عمرها قويه و مافيش حاجة تكسرها . لا مراد ولا الف واحد غيرو
تمارا ٠٠٠ بس قلبى اتكسر يا ماما بس انا هقدر اقوم . و هبقى أقوى كمان
ميرفت ٠٠٠ هى دى بنتى إللى انا أعرفها
مافيش حاجة تقدر عليها ٠٠٠و من النهاردة مش هيكون ليكى شغل فى القصر تانى و تقطعى علاقتك باى ح……
قطعت تمارا عبارتها وقالت
تمارا ٠٠٠ لا يا ماما انا مش جبانه عشان اهرب ولا غير روتين حياتى عشان تجربه فاشله.. انا هروح الشغل و اتعامل عادى جدآ
هنا دخل حسام و حور و أسلام بعد ما طرقوا الباب
حسام ٠٠٠تمارا عامله ايه دلوقتي
تمارا ٠٠٠ الحمدالله بقيت كويسه .. معلش. يا جماعة انا تعبتكم معايا
حسام ٠٠٠ تعب ايه متقوليش كده . اهو نرد جزء من جمايلك عليا
حور ٠٠٠المهم دلوقتى انك بقيتى كويسه
ميرفت ٠٠٠ الحمدالله هى كويسه و زى الفل كمان.. مش صح ياحبيبتى
تمارا ٠٠٠ صح يا ماما
حسام ٠٠٠ حضرتك أوفا صح .اسف قصدى مامتها
ميرفت ٠٠٠( بضحك) ايوه انا أوفا مامتها
حسام ٠٠٠ معلش تمارا دايمآ تقولى عليكى أوفا قدامى
ميرفت ٠٠٠ لاء عادى ولا يهمك
حسام ٠٠٠ بس إللى يشوف حضرتك مصدقش انك مامت تمارا حضرتك صغيره اوى و حلوه أوى
أسلام ٠٠٠ على فكره انتى كده بتعتبر بتعاكس حماتى
هنا ضحكوا جميعآ فقالت حور
حور ٠٠٠ اه صح ملك قالتلى مبروك
يا أسلام مبروك يا ياره
هنا تغيرت ملامح تمارا عندما تذكرت حور عندما كانت تبارك ل مراد و هايدى
بينما قالت حور
حور ٠٠٠ طيب نمشى احنا عشان نسيبها ترتاح
حسام ٠٠٠طيب حمدالله على السلامتك
يا تمارا . ابقى اطمن عليكى بالتليفون
تمارا ٠٠٠ الله يسلمك
هنا انصرف حسام و حور
هنا قالت ميرفت
ميرفت ٠٠٠ معلش يا أسلام ممكن تروح ياره و سلمى . و انا هبات الليله دى مع تمارا
ياره ٠٠٠ لاء روحى انتى وانا هبات معاها الجو براد عليكى هنا
ميرفت ٠٠٠ مافيش الكلام ده انا هبات مع اختك
سلمى ٠٠٠ طيب الشال بتاعك فين مش كان معاكى
ميرفت ٠٠٠ شكلى سيبته فى عربية
أسلام ٠٠٠ انزل اجيبو لحضرتك
ميرفت ٠٠٠ لا انا هنزل معاكم اجيبو و اطلع
أمام المشفى كان مراد مازال ينتظر فى السيارة لم يستطيع أن يغادر دون أن يطمئن على تمارا .و عندما رأهم جميعآ يتوجهون لسيارة أسلام نزل من السياره و ذهب ليرى تمارا
بقلم٠أروى٠عادل
دخل مراد الغرفة دون أن يطرق الباب
كانت تمارا مغلقه عينيها لذلك ظل يتأملها
ثم أقتربه منها أمسك يديها
هنا فتحت تمارا عينيها عندما رأت مراد انتفضت و هى تسحب يديها منه بقوه و تقول بحده
تمارا ٠٠٠ أيه إللى جابك هنا.
مراد ٠٠٠ ( بوجع) تمارا انا بس كنت عايز اطمن عليكى
تمارا ٠٠٠ أيه كنت فاكرينى هموت
يا عريس
مراد ٠٠٠ تمارا انا اسف واللهى ماكنت عايزك تشوف ولا تسمعى إللى حص………..
قطعت تمارا عبارته بحده وهو تستدير وجهها للجهة الاخره حتى لا تراه
تمارا ٠٠٠ لو سمحت انا مش عايزه أشوفك اطلع بره
مراد ٠٠٠ لدرجدى . تمارا انا٠٠٠٠
هنا صرخت فيه تمارا و قبل انا يكمل عبارته وقالت
تمارا ٠٠٠ أنا مش عايزه اسمع منك أى مبررات.. من النهاردة انت بره حياتى فاهم …أفتكر الجمله دى كويس يا مراد بيه انت بره حياتى. و دلوقتى لو سمحت انا تعبانه و عايزه ارتاح
مراد ٠٠٠ تمام يا تمارا . حقك
قال جملته ثم انصرف بعد ما خرج من الغرفة رأه أمامه ميرفت الذى قالت بصرامه
ميرفت٠٠٠ انتى بتعمل ايه هنا
التاسع والعشرين من هنا
