رواية وجهي المسروق الفصل الثاني 2 بقلم مصطفي جابر
جهزي نفسك بقي علشان خطيبي حبيبي جاي يتغدى معانا وهنروح نجيب الشبكة النهارده واكيد هاخدك معايا علشان تعيشي لحظة مستحيل هتعيشيها في حياتك
تسنيم بغضب: طيب ممكن تتفضلي وتطلعي طيب
خرجت خلود وهيا بتغني و تسنيم كتمت صوت عياطها و طلعت سلسلة دايما بتخبيها .. السلسلة كانت نص قلب مسكتها وحضنتها وخبتها تاني : كان نفسي نتجمع تاني يا فهد وسلسلتي تتجمع معا سلسلتك والقلب يتجمع يا فهد لكن للأسف كل شئ راح من ايدي
سعاد بتقدم لفهد طاجن مسقعه باللحمه المفرومه
تسنيم بخضة: لا يا ماما فهد عنده حساسية من التوم شيلي الطاجن ده
فهد بص لها باستغراب.
خلود برفع حاجب: توم اي فهد عنده حساسية من الشطة مش من التوم .
فهد في نفسه: الوحيدة اللي كانت تعرف انه عندي حساسية من التوم هيا بس تسنيم طب ازاي هيا مش عارفه وخلود اللي عارفه ؟
فهد بهدؤء: خلود .. انتي عرفتي منين اني عندي حساسية من التوم!
تسنيم بتوتر: ا ا اصل تسنيم كانت قالت ليا قبل كده بس تلاقيها نسيت مش كدا يا تسنيم.
خلود بتوتر اكبر: اها اها معلش يا فهد من فرحتي برجعوك اتلهيت ونسيت حقك عليا يا حبيبي.
فهد بشرود وهو باصص لتسنيم: ولا يهمك انا خلصت اكل يا مرات عمي هقوم عشان نلحق نجيب الدهب.
سعاد بفرحة: الف الف مبروك يابني يلا يلا خلونا نفرح.
تسنيم بحزن: طب انا هروح لصحبتي عشان معاد الجلسة مش هتيجي معايا يا ماما.
سعاد ببرود : هو كل يوم رايحه للدكتور .. هو انتي مش مقتنعه ليه أن مفيش علاج ولا هيا مصاريف عالفاضي .. عايزه تروحي روحي انتي وخدي صحبتك معاكي.
خلود بخبث: فكك من حوار الدكتور دي يا خلود وتعالي معايا مش انا اختك الوحيدة وفرحتي من فرحتك.
تسنيم بحزن: ماشي هاجي معاكي.
فهد حس بنغزة وهو شايف الدموع في عنيها عاوز يروح يطيب خاطرها ومش عارف ماله في احساس بيجذبه ناحيتها ليه..
فهد لنفسه: المفروض الاحساس دا احسه مع تسنيم مش مع خلود لا لا لازم اشيل الفكرة دي من دماغي خالص ايوا انا بحب تسنيم.
تليفون تسنيم رن ب رقم حبيبه..
تسنيم خرجت البلكونه..
حبيبه: اي يا بنتي فينك انا هلبس اهو.
تسنيم بصوت مبحوح: مش هنروح يا حبيبه معلش انا هنزل مع اختي وفهد نجيب الشبكة
حبيبه بصدمة: فهد هو رجع بجد يعني هتتجوزوا انتي مقولتيش ليه و..
تسنيم مقاطعه: فهد هيتجوز خلود يا حبيبه.
حبيبه بصدمة: ايهه هيتجوز اختك طب ازاي هو باعك.
تسنيم بالم ودموع: هحكي لك لما اقابلك سلام.
حبيبه: يابنتي استني بس..
قفلت تسنيم بسرعه وبصت وراها بخضة..
خلود بغل: انتي ازاي تقولي الكلام دا للحربوقة بتاعتك.
تسنيم بجمود: مش دي الحقيقية يا خلود.
خلود بغضب: انتي عاوزة تفضحيني بقولك اي شغل الرخص انتي و الزباله بتاعتك دا مش عليا انتي فاهمه ولا لا.
تسنيم بزعيق: احترمي نفسك ومتنسيش اني اختك … صحبتي اللي مش عاجباكي دي هيا اقرب حد ليا واقرب منكم كلكم هيا الوحيدة اللي اتبرعت لي بدمها وهيا اللي بتفكرني ب علاجي وجلساتي و بتيجي معايا كل مرة انتي وامك مبتردوش تيجوا معايا .. فا صحبتي دي أنضف منكم كلكم علي الاقل متخلتش عني ولا غدرت بيا.
: غدرت بيكي في اي.
بصوا للصوت لاقوا فهد مستغرب و سعاد بتفرك في ايديها بتوتر و غضب من تسنيم خايفه خطتها تبوظ…
خلود بتمثيل الدموع: مالك يا خلود حسداني علي حبيبي لي ها عشان محدش بيحبك ولا هيبص في وشك جايه تتبلي عليا لي حرام عليكي بجد حرام.
جريت علي الاوضة و سعاد غمزت ليها..
سعاد بتمثيل الزعيق: طول عمرك بتكرهي اختك يا خلود فعلا البطن قلابه .. حاولت مخليش التشوه اللي في وشك يطلع علي قلبك بس طلعت غلطانه انتي معندكيش دم اصلا وانا معرفتش اربيكي.
فهد بغضب: مرات عمي في اي هيا معملتش حاجه ومش عاوز حد يتعرض ليها خلود من هنا ورايح تحت حمايتي ومحدش يواجه ليها كلام.
تسنيم بصت له بضعف ومحستش بنفسها غير وهي واقعه بين ايد فهد…
فهد بخضة وخوف: خلوود.
سعاد بخضة: بنتي.
خلود خرجت من جوا وبصت لفهد بغيره وهو شايل تسنيم..
خلود بغل: اكيد بتمثل عشان تخطفك مني نزلها.
فهد بقرف: احترامي نفسك بقا هاتي حاجه نفوقها بيها.
خلود بصت له بغيظ و دخلت جابت برفان…
سعاد بقلق: دي مش بتفوق خدها للدكتور بسرعه تعالي يا فهد.
فهد شالها ونزل جري بيها هو وسعاد و خلود بصت لهم بغضب وحقد …
في المستشفى..
كان فهد حاسس انه قلبه هيتخلع ميعرفش ليه حاسس ب الاحساس دا ناحيتها..
فهد لنفسه بتوبيخ: يووه لي هموت من الخوف عليها اوي كدا حتى لو هخاف مينفعش يكون بالطريقة دي.
فاق علي صوت الدكتور..
الدكتور بهدؤء: مين والد الحالة اللي جوا دي
سعاد بحزن: متوفي يا دكتور بس أنا والدتها في اي
الدكتور بهدؤء: لمريضة عندها انهيار عصبي لازم ترتاح و نفسيتها تتحسن لو فضلت علي كدا هتدخل في حالة اكتئاب حاد والله اعلم ممكن يحصلها اي.
فهد بغيرة: هو مش اللي كانت جوا دكتوره جيت انت منين.
الدكتور باستغراب: انا كنت جوا اصلا.
فهد بغيرة تلقائي: تمام اللي تتابعها دكتورة عن اذنك يا دكتور.
سابه و دخل ل تسنيم و الدكتور بص له باستغراب .
سعاد باستغراب: هو ماله دا يكونش بيغير عليها بس ازاي هو بيحب تسنيم اللي هيا دلوقتي خلود في حاجه غلط اكيد.
الدكتور بهدؤء: هي هتبات هنا النهارده لان جسمها ضعيف وياريت تحافظوا علي راحتها النفسيه.
سعاد بحزن: ماشي يا دكتور شكرا ليك جدا و اسفين علي اي زعل او حاجه.
بليل..
تسنيم فتحت عنيها بتعب لاقت فهد نايم علي الكرسي و امها علي السرير قامت شالت المحاليل من ايديها و خرجت وهيا رجليها مش شيلاها…
كانت بتسند علي الحيطة و بتتنفس بسرعه وضعف..
تسنيم بدموع و همس: محدش بيحبني خدوا مني كل حاجه مبقاش حيلتي حاجه انا عايشة لي معنديش مستقبل و معنديش حاضر هعيش لي.
خرجت برا المستشفى وهيا حافية…
كانت ماشية في الشارع والناس بتبص ليها علي انها مجنونة…
الجو بدء يمطر قعدت علي الرصيف بحزن..
لاقت حد حط جاكت علي كتفها…
تسنيم بصدمة: فهد.
فهد بحنان: ينفع كده تخرجي من ورانا ومتقوليش لحد مننا.
تسنيم بحزن ودموع: انا تعبانه اوي يا فهد قلبي بقا متكسر مليون حتة .. مبقاش عندي اي حاجه تفرحني أو اعيش عشانها كل حياتي بقت عبارة عن وجع وكسرة وذل.
فهد بابتسامة: تسنيم دايما كانت تقولي ان ربنا بيحطنا دايما في امتحان لانه بيحبنا و لازم نتحلي بالصبر والإيمان عشان نعدي الامتحان ده .
تسنيم بسخرية: الكلام ده لما يكون عندك أهل يقفو جمبك ويسندوك امش يكونو هما سبب في كرستك وجرحك.
فهد بحنان: احمدي ربنا وكل حاجه هتتحل يا خلود وبعدين انتي جميلة والله مش وحشة متحطيش كلامهم في دماغك.
تسنيم بحزن: بتجبر بخاطري يا فهد للدرجة دي انا حالتي صعبه عشان تحسوا بالشفقة نحيتي .. عارف اللي كان مصبرني علي الدنيا كان هو شخص واحد بس خلاص راح الشخص ده
فهد بغيرة تلقائي: وده يطلع مين الشخص دا ان شاء الله؟.
تسنيم بتحس بدوخه شديده : بعدين هقولك .. تعالي نمشي أنا دايخه يالله من هنا
بعد شويه بياخدها فهد وبيرجع المستشفى لكنه بيقابل خلود..
خلود بغضب: كنتوا فين وبردو ساندها … افهم بقي دي بتمثل عليك عشان تخطفك مني لانها عارفه انه محدش هيبص ليها عاوزة تكسر فرحتي.
فهد بص ل تسنيم : لا يا تسنيم وللأخر مرة بقولك ملكيش دعوه بيها تاني مفهوم ؟.
خلود بغيظ: والله يعني اشوفها في حضنك وعايزني اسكت متكلمش ؟ لا يا فهد بتحلم انت حقي وليا ارميها جوا وتعالي نروح يلا.
فهد بجمود: تسنيم انتي اتغيرتي اوي .. لي قلبك بقي قاسي اوي كدا دي اختك الصغيرة.
خلود قربت بدلع و ملست علي وشه: علشان بحبك يا فهد وبموت في التراب اللي بتمشي عليه وحقي اغير عليك حتي لو من اختي صح ولا لا.
فهد بعد وهو حاسس ب قرف: تسنيم كفايه هتزعليني منك وانتي عارفه اني زعلي و حش اوي ف بلاش تقفي قدامي عشان انتي هتزعلي.
: خلاص كدا كفايه يلا هاتها جوا.
خلود بصت لامها بغيظ و قعدت علي الكرسي برا.
فهد دخل وهو ساند تسنيم وحطها بحنان علي السرير سلسلته شبكت في السلسلة بتاعتها القلب اتجمع في نصه التاني وهو واقف بصدمة…
فهد بص بصدمة شاف السلسلة اللي عطاها ل تسنيم جمع كل الخيوط مع بعض و بص ليها وقلبه بيدق..
فهد بلهفه وصدمة: ت تسنيم دي تسنيم طب ازاي طب واللي برا دي ؟ هو في اي.
سعاد بتوتر بتسمعه فا بتيجي من وراه : تسنيم اي لا دي خلود.
فهد بغضب :
الثالث من هنا
