رواية محطات العمر الفصل الحادي والعشرين 21 والاخير بقلم جمانه السعيدي – تحميل الرواية pdf

عبد القادر….طلعت من المجمع بس سمعت قصة ورده مدري اريج

معقوله تكون مافاقده الذاكره ومهزومه من اهلها

يمكن تكون تمثل علينا كل هذا الوقت

شنو قصة حبيبها الي دخلته البيت خالتها معقوله تكون اخلاقها مو تمام

هلمره صدك اقفل على النسوان فد مره اني ليش ماعندي حظ وخاصه ويا النسوان

بس ورده مامبين عليها موزينه محترمه نفسها

لبسها محتشم صار شكدكاعده بيتنا لو هي اخلاقها موزينه جان حاولت تقرب عليه على الاقل علمود الفلوس

عبد القادر…رجعت استذكر كلشي صار وياي من يوم شفتها لليوم البنيه منضبطه

اريج اريج اريج اذكرت بلمستشفى من سمعت اسم اريج

خافت وبقت واكفه يعني مافاقده الذاكره

ليش اجذب ليش ماحجت الحقيقه اكو سر بهاي السالفه واني لازم اتأكد بنفسي

اذا طلعت مافاقده الذاكره اطردها من البيت كلشي ولا تطلع تضحك عليه

دخلت للبيت اسمعها تسولف وتضحك هي وامي

وكفت باب الهول هي جانت واكفه بس ضهرها عليه

صحت بصوت عالي رج الببت رج

عبد القادر….اررريج

راسا التفت عليه وهي خايفه امي بقت صافنه

عبد القادر…شلونج اريج بقت بمكانه ووجها ينطي اللوان

من منظرها هذا اتاكدت القصه الي سمعتها من اسامه صحيح

مو كذب

عبد القادر….اي اريج ما كلتي شلون رجعتلج ذاكرتج

دنكت وبين الحزن عليها بيدها علاكه مكياج وكعت من ايدها وطشرت

ام عبد القادر…منو اريج يعني ورده اسمها اريج

عبد القادر….اي ورده كانت تضحك علينا مافاقده الذاكره

مهزومه من جريمه تصدكين يمه هذا الوجه البريئ

يضحك علينا جمانه السعيدي

ام عبد القادر….يمه ورده صدك هذا الحجي

اريج….موقصدي اضحك عليكم الضروف حكمت عليه

اني راح احجيلكم قصتي كلها من يوم انولدت لليوم

اقسم بلله راح احجي كلشي كلشي مر عليه

مااريد ابررلكم لان حياتي الماضيه ما تخصكم بشي

بس اني بلبدايه لازم اعتذر منكم ثنيينكم لان كذبت عليكم

اني ماكانت فاقده الذاكره

اني كنت محتاجه مكان اكعد بي مكان آمن أأمن من بيت اامي وعمي وخالي وخالتي

دقيقه بس اجيب القراءان حتى احلف بي كل كلمه راح احجيها حقيقه مو جذب

عبد القادر…..ماكو داعي احجي الحقيقه

اريج…..اني نولدت ووعيت على الدنيا ابوي مشاكله هو وامي ما تنتهي

ابوي ماكان عاجبه الوضع بلعراق باع بيت جدي واخذ الفلوس ونهزم من بعد سفر ابوي بيبي ماتت من الصدمه

وعمي حقد عليه رغم اني عمري عشر سنوات بس

وكلشي ماافتهم

رجعنا اني وامي كعدنا يم خالي بيت جدي ابو امي

امي سنتين وزوجت زوجها شرط عليها

مايريدني بيته هذا كان شرط الزواج الوحيد

اتوقعت امي ترفض وتتمسك بيه بس هي خذلتني

وراحت ازوجت وعافتني بيت خالي

بيت خالي الي زوجته تكرهني اني وامي

جمانه السعيدي

اريج…قرب عبد القادر وكعد بصف خالتي حتى يسمع قصتي

المهم بيبتي ام امي احتضنتني ودارتني واهتمت بيه

الحد ما خلصت معهد وأخذت الشهاده

شاء القدر بيبتي تموت وابقى وحدي بيت خالي

خالي هذا عند ولد لا شغل ولا عمل ولا دراسه بس السوالف الي مكسره زوجت خالي خيرتني لو ازوج ابنها لو اطالع من البيت لان رفضت هاي الزواجه التعيسه

حضرتلي خطه وقررت تخلي ابنها يعتدي عليه كدام عينها

حتى يكسرني واقبل بي كزوج دافعت عن نفسي دفاع ماصاير ثنيينهم ماكدرو عليه

بس اني بيومها انكتلت كتله بقيت ٣ اسابيع وجهي مورم مو بس وجهي جسمي كله

اجا خالي الشفيه بمكان مايدافع عني لان اني مكسوره على وفاة بيبي وهمه يحجون بلعرس

خيرني لو ازوج ابنه لو اطلع من البيت البيت هذا اليه حصه بي اني وامي انحكم عليه من هاي الساعه اضيع

واعيش بدون اهل بنيه بدون ام واب وبدون بيت

ام عبد القادر….الله يستر هذاخالج شبي

اريج…خالي سهل اسمعي باقي قصتي اني خفت احجيلكم قصتي من البدايه لا اطيح من عينكم

رحت الامي الي من شافتني بلبدايه خافت من شكلي لان وجهي صاير خارطه طلبت منها تجي وياي نشتكي على خالي وابنه بعد ماحاول ابنه يعتدي عليه

رفضت كالت هذا اخوي الوحيد وما مستعده اخسره علمودج

بقيت يمها ٣ ايام حتى اتعالج من اثارالضرب الي خربت وجهي وبعدين زوجها طردني من بيته

وخيرها لو اني اطلع لو تطلع هي وياي وينفصلون

جمانه السعيدي

ام عبد القادر…عمت عينها اني ترملت عمري ١٨ سنه

وماقبلت ازوج ولا ادخل واحد على ولدي يتحكم بيهم

اريج.. خاله انتي وين اكو منج انتي اصيله بس امي وحده انانيه تفكر بس بنفسها وبس

رحت العمي بلكت بكلبه رحمه ويقبل ابقى وياا بيته

عنده اربع بنات مزوج بت عمته وكاعد وياها بيت اهلها

عمي كان حاقد عليه بسب ابوي طردني من بيته

وماقبل يستقبلني يكول انتي حمل عليه خل ابوج يرجع الورث واني اخليج تعيشين وياي

ام عبد القادر. .يااا مسكينه وتالي شلون

اربج…مابقالي غير سهيله بت خالة امي مزوجه واحد غريب مو من عشيرتنا المره الله يجازيها خير

استقبلتني وفرحت بيه وماقصرت وياي بشي

بس الي مثلي ماعنده حظ ووين ما يخليها ماكو حظ

زوجها خله عينه عليه من اول يوم وصلت البيتهم

يتحرش بيه منعته هددته حجيت ويااا

مايفيد يزيد ما ينقص الي شجعه عليه سهيله حجتله كلشي عني كالت اهلها مايردوها

امها وعمها وخالها كلهم مايردوها هاي العباره شجعته عليه وبدا يطلب مني علاقه

رفضت وكمت احجي علي طلب نزوج بلسر

وكام يقدملي مغريات أشكال واللوان بس اني رفضت

مستحيل اخون المره الي دخلتني البيتها

طلعت ادور شغل اني عندي شهاده ردت اي شغل

حتلو خدامه لو عامله باي مكان لو اضرب ابر

حتى اطلع من هذا البيت وارتاح

جمانه السعيدي

من سمع ماجد ادور شغل كلب الدنيا عليه ممنوع اطلعين

يخاف اشتغل واعوف البيت ويفقد فرصه الاعتداء عليه

كنت متوقعه منه الغدر خليت سجينه جوه راسي ونمت

بليلتها دز خالتي اخذت الجهال من الغرفه يريد يستفرد بيه

مثل ما توقعت صار اجاني بليل

لو تقبلين نسوي علاقه لو اكتلج واكول لكيت وياها واحد بغرفتها

بساعتهاكلت هاي هي عليه وعلى اعدائي

اقتله انهزم ضربته بلسجينه وطلعت اركض خايفه

هاي الليله الي دعمني بيها عبد القادر

اقسم بكل الاديان السماويه هاي قصتي لازودت ولا نقصت

عبد القادر…وهذا الي لكا ماجد وياج بلغرفه وانتي وياا ضربتو ماجد ونهزمتو ثنيينكم

اريج…من سمعت هذا الكلام نزلن دموعي منا ومنا

بس لا هلمره مراح ابجي لان بجيت هواي

اريج….هذا الحجي مو صحيح واني مستعده أواجه ماجد واكول كدامه شلون جان يتحرش بيه اصلا هو هددني اذا مااقبل اسوي ويا علاقه يطلع عليه اشاعه

هذا الشي كنت متوقعته منه لان يخجل يكول رحت الغرفة اريج وضربتني ونهزمت لان جنت اريد منها علاقه

عادي يطلع عليه كلام جنت متوقعه منه هذا الشي

اريج….ولله اني مستحيه منكم بس لان كلت فقدت ذاكرتي

كنت خايفه احجي الحقيقه لا أواجه نفس المصير

الاستغلال والطمع من عشت وياكم جنت ناويه احجي الحقيقه كلها الصراحه انتم احسن من اهلي وعمامي وخوالي ولو اكعد اشكركم للصبح مااجازيكم

اعذروني كمت مااميز الصح من الغلط هلكد ماشفت ناس زباله بحياتي اهلي غدرو بيه شلون أأمن للغربب

راح اخذ ملابسي واطلع

عبد القادر…وين ترحين

اريج …. ارض الله واسعه اكيد اكو رب الي راح يحميني

مثل ما حماني قبل

اريج…دخلت للغرفه وكمت ابجي هلكد ماتنزل دموعي سريعه وحاره كمت مااشوف

لبست التراك الأسود الي اجيت بي وخليت شال على راسي

لبست نعال برجلي ومشيت للباب

ام عبد القادر…يمه ورده لا ترحين

اريج….كنت منتظره هاي الكلمه من عبد القادر مو من خالتي

طلعت وطبكت الباب باوعت ووين اروح

ماعندي مكان اروح علي كعدت بلباب من برا مااعرف وين اروح واني ماعندي فلوس ولا هويه ومااندل

جمانه السعيدي

رفعت عيني للسما يارب معقوله هاي أرضك الواسعه مابيها مكان اليه

كمت اريد امشي انفتحت الباب طلع عبد القادر

لكاني بعدني واكفه بابهم

عبد القادر…ووين رايحه وعايفتني

اريج….اذا صدكتني ارجع وياك واذا جاي اجاملني لو كسرت خاطرك ماارجع اني صح ماعندي حظ بس رب العالمين دائما مساندني ينقذني باصعب المواقف٠

عبد القادر….اني احبج كافي كلمة احبج

اريج….كمت ابجي واضحك بنفس الوقت

عبد القادر….عبالي اني قوي هلكد مامريت بضروف صعبه

طلعتي انتي أقوى مني الف مره

اريج….شفت ايام سوده لو شما احجي عنهن مااكدر اوصف مرارتهن

عبد القادر…تزوجيني

اريج….شلون نزوج واني أوراقي بقن بيت خاله سهيله

عبد القادر…نروح نجيبهن ونجي

اريج مادخلنا للبيت طلعنا كبل السهيله لكيت الباب مفتوح

دخلت بس شافتني نشغت يااا اريج

اريج…قسما بلله ماكان وياي واحد كنت ادافع عن نفسي

سهيله …ادري اني اعرفج ماعندج هاي السوالف ماصدكت ماجد ابد

اريج…بعد كلبي خالتي الحنينه اطيب كلب بلدنيا

سهيله… انتي الي انظلمتي هواي ومحد وكف وياج

اريج…اريد أوراقي راح ازوج وواحد محترم

بسرعه خاله قبل لايرجع ماجد

راحت خالتي جابت اوارقي كلهن

اريج.. تعاي اعرفج على طلعنا للباب أشرت العبدووو

اريج…عبدوووو خالتي طلعت مصدكتني

عبد القادر.. اهلا وسهلا شلونج

سهيله…دير بالك عليها اريج ماكو منها ابد

عبد القادر…اخليها بعيوني

اريج…ودعت خالتي وصعدت بلسياره

عبد القادر…نروح نعقد حتى يكون وجودج بلبيت

قانوني

اريج …بكيفك رحنا عقدنا وعبد القادر خلالي مهر

عالي

اريج…مااريد فلوس انت تكفيني

عبد القادر….هذا حقج وراح اسويلج عرس يخبل

رجعنا للبيت زوج وزوجه شكد فرحت خالتي لهذا الخبر

بعدها بكم يوم سوينا عرس عزمنا الناس كلها

اول فرحه بحياتي هاي واحلى فرحه

جمانه السعيدي

نفس السنه طلع تعييني وكمت اداوم اسمع اخبار امي من بعيد نفس وضعها اما ابوي خسر كل فلوسه

يشتغل ينضف صحون بمطعم هذا جزاء الحرام

متواصله ويا خاله سهيله واطمن عليها بدون علم ماجد

اما عمي ادزله نص راتبي لان وضعه حيل تعبان خطيه

مهما يكون يبقى عمي حتى عبد القادر يدزله فلوس بالأعياد والمناسبات

اما احلام ازوجت واحد غني ازغر منها بسنتين

شافت فلوسه ماشافت عمله مزوج قبلها ثنيبن

طلع تاجر مخدرات وعلمها تشتغل ويااا بعد زواجها بسنتين روان عافت المدرسه وزوجت ابن خالها

بدون علم ابوها سمعنا خبر زواجها من الناس عبد القادر يكول احسن تزوج بلكت ابن خالها يلمها

بعد زواج احلام باربع سنوات طلعت ريحتها هي وزوجها ولزمتهم الشرطه انحكم عليها بلسجن هي وزوجها

اني وعبد القادر صار عدنا ٣ اولاد حلوين يخبلون

عبد القادر طاير بيهم الجبير هسه عمره ١٢ لازم المجمع وياا ابو والثاني عمره عشره والثالث عمره سبع سنوات

سنة٢٢ توفت خالتي الله يرحمها وماتركت بقلوبنا بس الأثر الطيب الف رحمه على روحها

انتهت قصتنا شكرا للمتابعه الحلوه

ومن يتقي الله يجعل له مخرجا ويرزقه من حيث لا يحتسب