رواية وجهي المسروق الفصل الثالث 3 بقلم مصطفي جابر
فهد دخل وهو ساند تسنيم وحطها علي السرير .. سلسلته شبكت في السلسلة بتاعتها والنص قلب اتجمع في نصه التاني واكتمل القلب وهو واقف بصدمة…
فهد بص بصدمة شاف السلسلة اللي عطاها ل تسنيم جمع كل الخيوط مع بعض و بص ليها وقلبه بيدق..
فهد بلهفه وصدمة: ت تسنيم دي تسنيم طب ازاي طب واللي برا دي ؟ هو في اي.
سعاد بتوتر بتسمعه فا بتيجي من وراه : تسنيم اي لا دي خلود .
صوت من وراهم: هيا فعلا تسنيم يا فهد.
بصوا للصوت لاقوا حبيبه جريت علي تسنيم بحزن..
سعاد بغيظ: حبيبة ! انتي اي اللي جابك هنا ؟
حبيبة بهدؤء: جاية عشان اختي وصحبتي وعشرة عمري اللي عاملين تكسر وتجرحو فيها ولا كأنكم لقينها في الشارع
سعاد بغل: اخرسي قطع لسانك اختك اي وهباب اي امشي اطلعي برا
فهد بزعيق: بس بقا اسكتوا انا عاوز اعرف كل حاجه دي تسنيم ولا لا.
حبيبة بهدؤء: اه يا فهد هيا تسنيم حبيبتك والست دي هيا اللي خطتت ودبرت لكل حاجه عشان تتجوز تؤامها لأنها خايفه انك بعد ما تعرف اللي حصل لتسنيم تسيبها وتبعد وتمشي لأنك بالنسبه ليها طاقة قدر وهتتفتح لما تتجوز بنتها
خلود دخلت بخوف: انتي كدابة اكيد دي مؤامرة منك انتي وهيا عشان توقعوا بيني وبين خطيبي وتخطفوه مني.
تسنيم صحيت بتعب: لا مش مؤامرة … انا تسنيم يا فهد حقك عليا غصب عني كسروني ودمروني ومقدرتش اتكلم.
فهد بغضب: اخرجوا كلكم برا عاوز اتكلم مع تسنيم لوحدنا.
سعاد بصت بغيظ لتسنيم: ماشي يا بنت بطني بوظتي كل حاجه؟ استحملي بقا لينا بيت نتكلم فيه.
خرجوا وخلود بتبص لهم بغضب.
فهد بجمود: قولت كلكم برا.
خلود بتوعد: هخرج بس هرجع تاني واعرف يا فهد انك ليا انا وبس وعمر ما حد هيقدر ياخدك مني
خرجت ورزعت الباب..
فهد جاب كرسي وقعد جنب تسنيم: عاوز اسمع منك كل حاجه دايما قلبي من اول لحظة كان مشدود لك انتي وبحس ان دي كانت خيانه بس ازاي خيانه وانتي هيا حبيبتي هونت عليكي يا تسنيم
تسنيم بدموع وألم: عمرك ما هونت عارف ليه يا فهد لأنك حتة مني اول ما دخلت عليكم لاقتهم عاملين التمثيلية دي و انت فرحان ب اختي وفاكر انها انا .. وقتها مقدرتش اتكلم وانا شايفه في عينك وقتها نظرات شفقه عليا فا مقدرتش أنطق وجريت علي اوضتي … وقتها امي دخلت واتكلمت معايا ومنعتني انتي اتكلم .
فهد بهدؤء: الحادثه دي حصلتلك ازاي يا تسنيم.
تسنيم بحزن: بعد ما انت سافرت بشهرين كنت بعمل اكل وبحمر بطاطس في الزيت ..تليفوني وقعت عالارض جيت اجيبه هدومي شبكت في طاسة الزيت واتقلبت والزيت جه علي جانب وجهي الشمال وزي مانت شايف كده كل يوم عند دكتور وعلاجات ومراهم بس مفعولها بطيئ
فهد بدموع وزعيق: تقومو تعملوا فيا كده ليييي حرام عليكم انا مش لعبة في ايدكم عشان تعملوا فيا كدا لا انتي ولا هما انا حبيتك انتي ومهما كان شكلك واللي حصل مكنش هيفرق معايا … انا امنتك علي قلبي تقوموا تخدعوني عارفه يا تسنيم انا شكلك دا مش فارق معايا .. اللي فارق معايا هو كدبتك عليا معاهم عمري ما توقعت منك كدا يا تسنيم.
تسنيم بدموع: عاوزاني اعمل اي وامي عماله تضغط عليا وتقولي انك لو عرفت أن انا وشوفت شكلي ده ده كنت هتبعد عني
فهد بسخرية: تبقي انتي متعرفنيش اللي بيحب حد عمره ما بيهمه شكله اللي بيهم بجد هو جوهره والروح النقيه اللي هو حبها.
تسنيم عيطت اكتر وهو دموعه نزلت بحزن خرج لقاهم متجمعين..
حبيبه دخلت جري لتسنيم .
سعاد بتوتر: فهد يا حبيبي انا عملت كدا عشان خاطر مصلحتك انت …خلود بتحبك وشكلها حلو هتليق بيك..
فهد مقاطعا: شكلها اه حلو لكن قلبها اسود .. انا بحب تسنيم و بس ومش هتجوز غيرها.
خلود بغيرة: طب وانا.
فهد ببرود: وانتي اي انا عمر ما كان في بيني وبينك اي حاجه اصلا.
خلود بغضب: بس انا بحبك.
فهد بجمود: حبتك عقربه .. انتي اللي زيك المفروض تنسجن أو تترمي برا زي الكلاب .. هانت عليكي اختك تكسريها بالشكل ده ؟ كنتي مستحمله نفسك ازاي وانتي سارقة حياتها وحبيبها .. سارقه شخصيتها كلها … انا بحب تسنيم وهتجوزها وكتب كتابي عليها الجمعه الجاية وحذاري حد فيكم يقرب منها أو يمسها بسوء
مشي فهد و سعاد زغرطت: اللي كنا خايفين منه محصلش الحمد لله وهيتجوزها
خلود بغضب: انتي بتقولي ايه يا ماما فهد انا بحبه وانا اللي هتجوزه مش هيا
سعاد بلا مبالاة: بقولك اي سيبك منه المهم انه ميروحش لحد غريب وطالما هو عرف الحقيقة واختار اختك يبقي خلاص
خلود في نفسها: عمره ما هيروح لحد غيري .
عند تسنيم..
كانت في حضن حبيبه وبتطبطب عليها..
تسنيم بابتسامة حزينه: انتي الحسنة الوحيدة اللي في حياتي.
حبيبه بضحك: انتي اختي يا بت .. انا مليش صاحبه غيرك وبعدين انتي ياما وقفتي جنبي كتير اوي ودا جزء ب رده ليكي.
بتدخل سعاد وهي بتزغرط: لولولولييي مبروك يا تسنيم فهد هيكتب عليكي الجمعه الجايه.
تسنيم بجمود: وانا مش موافقه.
سعاد بصدمة: يعني اي مش موافقه ؟ ده انتي كنتي هتموتي عليه.
تسنيم بهدؤء: مش موافقه يعني مش موافقه وكفاية اوي لحد كدا يا سعاد هانم.
سعاد بصدمة: سعاد هانم ؟ انتي اتجننتي يبت ؟ انا امك.
تسنيم بسخرية: امي اي ؟ هو في ام تعمل كده في بنتها ؟ عملتي اي انتي يثبت انك امي هااا ! دنتي علطول كاسرة نفسي وذلااني وبدل ما تقفي معايا زي ما بتقفي مع اختي كنتي بتعامليني كأني بنت من الشارع ولما بكون عايزه اترمي في حضنك كنتي بتمنعيه عني ومن يوم ما حصلي الحادثة وانتي بتعامليني كأني خدامة او لقيطة ليه يا سعاد هانم ليه تخيلي انك وصلتني لمرحله أن كلمة ماما مبقتش قادره اقولهالك حتي لأنك متستهليهاش.
سعاد بحزن: انا انا مكنش قصدي.
تسنيم بكسرة: قصدك ولا مش قصدك خلاص انا هسيبلك البيت واروح اعيش في سكن علي الاقل مش هتخافي عليا عارفة ليه لانك دايما بتقولي شكلك يخض اي حد ومحدش هيقدر يقرب منك ف شكلي هيحمني بدل ما اعيش مع اهل في الرايحه والجايه يكسروني و يذلوني .
سعاد دموعها نزلت بصمت…
حبيبه بهدؤء: انا هاخدها عندي يا طنط يومين ترتاح فيهم وتهدي وكدا كدا ماما بتحبها.
سعاد بانهيار وعصبية: بنتي مش هتتنقل من جنبي مش هسيبها بنتي هتفضل في حضني حقك عليا يا ضنايا انا اسفه والنبي متعمليش فيا كدا سامحيني يا بنتي.
تسنيم بصت ليها بحزن وسكتت..
سعاد برجاء: عشان خاطري يابنتي متبعديش عني انا مش هقدر اعيش من غيركم عندك حق انا قسيت عليكي فعلا سامحيني يابنتي سامحيني.
قعدت تعيط بشهقات مرتفعه و تسنيم راحت عليها بحزن: خلاص يا ماما اللي حصل حصل خلاص.
حضنتها سعاد بدموع: انتي كلامك فوقني وانا اوعدك اني مش هزعلك تاني
تسنيم بدموع مسحت دموع امها: مسامحاكي يا ماما مسمحاكي خلاص
باست ايديها بحنان..
خلود دخلت بسخرية: اي ده حلو المشهد الدرامي الرومانسي ده اوي.
حبيبة بصت ليها بقرف ومشيت..
خلود بسخرية: متقطعيش الجوابات يا بيبو.
حبيبة بصت ليها بقرف: مش هقطعها عشان صحبتي وانا بنت اصول مبخونش العشرة والعيش والملح مش زي ناس.
خلود بغضب: امشي غوري من هنا.
تسنيم بغضب: اخرسي يا خلود ملكيش دعوه بيها
خلود بغل: اخرسي انتي وياريت تبعدي عن فهد .. فهد ليا انا و بس يا تسنيم هعمل المستحيل عشان يحبني ويتجوزني.
تسنيم ببرود: اشبعي بيه يحبيبتي لأني مش عاوزة اتجوزه ويلا غوري سيبيني ارتاح.
خلود بشر وتوعد: ماشي يا اختي همشي بس حطي في دماغك فهد لو مبقاش ليا عمره ما هيكون ليكي.
مشيت وسعاد بصت لخلود بندم وحزن…
تاني يوم.. في البيت.
دخلت تسنيم مع امها و فهد كان نازل ابتسم: صباح الخير.
تسنيم بصت له ببرود ودخلت جوا..
فهد بص ليها باستغراب: في اي المفروض انا اللي اكون زعلان مش هيا
سعاد بحزن: هيا رفضتك يا فهد تسنيم مش موافقة علي جوازك منها.
فهد بابتسامة : كنت متوقع أنها هتعمل كده بس مش فارق معايا واللي في دماغي هعمله وهتجوزها في ميعادنا
: يعني هتتجوزني بالعافيه ؟
جت تسنيم وهي متعصبه…
فهد بغمز: لي لا .. كدا كدا انتي بتحبيني ولو موافقتيش هخطفك وغصب عنك هتجوزك.
تسنيم بتحدي: نجوم السماء اقرب لك من اني اتجوزك يا فهد.
فهد بتحدي اكبر: ماشي يا عروستي هننزل نجيب الفستان دلوقتي يلا قدامي.
سعاد بهدؤء: فهد يبني دي لسه تعبانه سيبها النهارده ترتاح .
فهد بجمود: لا يا مرات عمي الوقت ضيق.
تسنيم بغيظ: هو انا كورة في ايديكم انا مستحيل ابدا ابدا اني اروح معاك في اي حتة يفهد حتي لو هتتقلب قرد قدامي
بعد مرور خمس دقايق..
كان فهد راكب العربية وهي جانبه .
فهد بانتصار: ما كان من الاول يعني .. اي لازمته بقي العناد وفرد ومش قرد كان لازم يعني اوريكي العين الحمرا.
تسنيم بخوف حاولت تخبيه: انا مخوفتش منك علي فكره دا احترام لكلمة ماما
فهد بخبث: عارف عارف يلا علي المول عشان نختار احلى فستان لاجمل تسنيم نور عيوني.
تسنيم بصت له والدموع في عنيها: انا جميلة بجد يا فهد ولا بتعطف عليا.
فهد بحنان: انتي اجمل بنت شوفتها في حياتي .. عمري في حياتي قلبي لا دق ولا هيدق غير ليكي انتي وبس.
تسنيم بصت للشباك بحزن وهو اتنهد بضيق..
فهد في نفسه: انا عارف قد اي اتعذبتي وثقتك في نفسك اتدمرت بس هقدر ارجعهالك.
فلااااااش باااااااااااااك.
فهد رجع بيته لاقى رقم غريب بيتصل عليه كنسل فضل يرن مردش اخر ما زهق رد.
فهد بغيظ: الو مين.
حبيبه بهدؤء: انا حبيبة صاحبة تسنيم.
فهد بملل: خير عاوزة اي يا حبيبه
حبيبه: انا بتصل عشان خاطر اقولك حاجه بخصوص تسنيم.
فهد بغضب: تسنيم اللي خبت عليا الحقيقه و..
حبيبه مقاطعه: غصب عنها انت مش متخيل حجم الكسرة اللي في قلبها واحدة نامت و صحيت لقيت وشها متشوه وبتشوف وشها مش زي الاول واحدة امها واختها بيذلوا فيها كل ساعه وكل دقيقه واللي انت شوفته ميجيش ربع اللي بيعملوه معاها تخيل كدا ترجع البيت تلاقي اهلك ادوا حبيب عمرك لحد تاني وقالوا انه هو تخيل كدا اهلك نفسهم بدل ما يكونوا سندك وعزوتك يكسروك .. تسنيم أهلها كسرة ثقتها في نفسها يا فهد عاوزاها تعمل اي ها.
فهد لاقى انه كلامه كله صح دموعه نزلت بحزن: عندك حق.
حبيبه بدموع: تسنيم بتعشقك يا فهد متخسرهاش انت النور الوحيد اللي هي عايشة عشانه متخذلهاش يافهد.
فهد مسح دموعه: عندك حق .. انتي بجد اجمل اخت وصديقه لتسنيم .. عملتي اللي أنها واختها مبيعملهوش .. اوعدك اني مش هسيبها ولا هبعد عنها وهرجعلها ثقتها تاني
اللعبه اتكشفت بدري تفتكروا خلود هتسكت وامها هتقدر تسيطر عليها ولا الحقد والكره اللي جواها هيخلوها تعمل حاجه في أختها؟
الرابع من هنا
