اريج….فات اسبوع على هاي الحادثه الاخيره
بس عبد القادر وخالتي بعدهم ضايجين حيل من تصرف احلام وروان
اني كنت اضن هاي هي بعد مستحيل يقربن ثنيبنهن
على عبد القادر وخاصه عبد لقادر ضرب احلام
وهانها كدام العمال وطرد روان من البيت
بس بعد اسبوع بلضبط بليل كاعدين وندكت الباب قوي
طلع عبد القادر الشرطه بلباب
عبد القادر….اهلا سهلا
الضابط….انت عبد القادر
عبد القادر…اي نعم تفضل
الضابط….عدكم بلبيت بنيه مخطوفه
عبد القادر….شنو شنو يعني مخطوفه
الضابط…زوجتك السابقه مقدم بلاغ تكول اكو بيتكم بنيه مخطوفه ممكن نتاكد
عبد القادر…..لا مو معقول هذا الكلام
الضابط…انت ساكن بهذا البيت ويا والدتك صحيح
عبد القادر….اي صحيح
الضابط…بعد اكو احد وياكم بلبيت اخت قريبه
عبد القادر ….اي اكوووو
الضابط…منو شنو تقربلك
عبد القادر…ماتقربلي بنيه دعمتها فقدت الذاكره
مجاي تذكر اهلها وجبتها هنا
الضابط…بلغت عن هذا الموضوع بلمركز
عبد القادر….لا بس بلمستشفى كلهم يعرفون اني عفت
معلومات كامله عني ورقم تليفوني
الضابط…هذا الشي مايكفي كان لازم تبلغ المركز
والشرطه تاخذ الإجراءات الكامله
عبد القادر….بس البنيه هسه تحسنت
الضابط…انت جاي تتستر على قضيه شنو هو بكيفك
اجيبها بيتك
بصفتك شنو عايشه وياك بلبيت
عبد القادر….اي مو كتلك فاقده الذاكره ما تذكر اهلها
الضابط…تعال ويانا للمركز وجيب البنيه وياك
جمانه السعيدي
اريج…اني كنت واكفه قريب عليهم وسمعت كلشي
دخل عبد القادر للبيت ضايج
اريج…شكوووو
عبد القادر…احلام مقدمه بلاغ اني خطفتج
اريج…ياااعزااا هاي شبيها
عبد القادر…غيري مالابسج انروح وياهم
اريج…اطلع اني احجي وياا الضابط واكول اني ما مخطوفه
عبد القادر….لا انروح وياهم انشاء الله شغله بسيطه
وراح تنحل بسرعه
دخلنا على خالتي شرحنالها الموضوع
بقت بس تدعي على احلام
اريج…….كل عمري ماشايفه وحده حقيره وخبيثه هيج
معقوله هاي الحرب كلها علمود الفلوس
بدلت بسرعه لبست نفنوفي ولفيت حجابي وعبدووو لبس بنطرون وقميص وبلوز
طلعنا لكينا سيارة الشرطه تنتضرنا
عبد القادر….اني وورده نجي بسيارتي اذا سمحتم
الضابط..ااشر للشرطي يصعد ويانا
كعد الشرطي بلصدر واني كعدت ورا
هذا الحجي الساعه عشره بليل
وصلنا ونزلنا من السياره عبدووو قفل سيارته ودخلنا اني ويااا
دخلنا الغرفة الضابط علمود التحقيق
الضابط المحقق… اسمك الثلاثي وسكنك
عبد القادر… عبد القادر حمود علوان
الضابط…وانتي شنو اسمج
اريج…اني فاقده الذاكره خالتي ام عبد سمتني ورده
الضابط…شلون فقدتي الذاكره
اريج…تعرضت الحادث عبد القار دعمني بس بدون مايقصد اني طلعت اركض من الفرع وفاجئته
الضابط…وبعدين
اريج…نقلني للمستشفى بقيت هناك اربع ايام
عبد القادر ما قصر وياي هو وامه علاج واكل ومصاريف
بعدين الدكتور كال تكدرون اطلعون
اخذني البيته وجاي يعاملني احسن معامله
الضابط…انتي وحدج وياا بلبيت
اريج…لا خالتي موجوده ام عبد القادر مره جبيره
كاعده بلبيت ما تطلع
الضابط….بعد هم رجعتي رحتي للطبيب
اريج.. اي اخذني النفس الدكتور وأكد حالتي صارت احسن
حضرت الضابط تكدر تسئل الدكتور نفسه
هو يعرف حالتي
الضابط…شنو اسم الدكتور
اريج…عيسى محمود البياتي
الضابط…اي احجيلنا عبد القادر
عبد القادر….حضرت الضابط هاي دعوه كيديه
اني من دعمت ورده ماانهزمت للعكس اخذتها للمستشفى
وعالجتها كان ممكن اعوفها بلمستشفى واروح
بس اني خفت عليها بنيه وناسيه كلشي يخص حياتها
جمانه السعيدي
عفت رقم تليفوني ورقم الهويه وعنواني
في حال احد سئل عنها
ورجعت للشارع الي دعمتها بي ٣ مرات وتكدر تتأكد بنفسك
اخذك وتسئل عني هناك
الضابط…وليش ما بلغت عن الحادث
عبد القادر…انشغلت بيها وماكنت اتوقع الموضوع مهم
هيج
واذا هذا الشي غلط اني مستعد اتحمل نتيجة غلطي
الضابط…طبعا غلط واكبر غلط انت عليك مسائله قانونيه
احتمال اهل البنيه يشتكون عليك
عبد القادر….اذا تكدر توصل الهم اني اقبل اي شي منهم
اريج…حضرت الضابط اني مو زغيره واني اكولك اني ما مخطوفه
اني ماعندي مكان ومااعرف وين اروح بعد الحادث
كعدت بيت عبد القادر
اني اخلي من اي مسؤليه اتجاهي
اصلا فضل منه اتحملني وشأل مسؤليتي
كل هاي الفتره اني صارلي شهرين كاعده بيته
الضابط….يعني مراح تقدمين علي بلاغ
اريج…مستحيل اقدم علي بلاغ هو ماله ذنب
اني طلعت كدام سيارته وفاجئته
الضابط….اني حاليا ممكن اخلي سبيلك بس لازم كفاله
اذا تعرف احد موضف يجي يكفلك
الحد ما نكمل إجراءات القضيه
باجر انروح نحقق بلمستشفى على إجراءات
المستشفى بحق الحادث
ونشوف شهادة الدكتور حتى نتاكد من كل هاي المعلومات
عبد القادر…اني حاضر يمتى ما اطلبوني
الضابط….بس البنيه ناخذلها صوره ونسويلها ملف
في حال واحد من اهلها اجا سئل عنها
جمانه السعيدي
عبد القادر…اي تمام
اريج..خفت اذا ياخذولي صوره ويدخلوها بلحاسبه
يطلع عليه بلاغ بغير مركز عن قتل ماجد
كلبي كام يدك على السريع كمت اصب عرك والدنيا تكتل برد
الضابط يشتغل بلملف مالتي واني حتى وكفه مااكدر اوكف اذا دخلو صورتي واكو عليه بلاغ بغير مركز
راح يبين
كمل الضابط وكال تكدرين ترحين
الحمد لله عدت على خير
يعني خالتي ما اشتكت عليه لو ماجد عدل ما مات
الله اعلم
حتى بلاغ محد مبلغ عني يالله بلكت ماجد عدل
ولو هو يستاهل الموت
حسيت نفسي اطمنت شويه
اريج…اتصل عبد القادر على ولد موضف صديقه
اجا علينا للمركز كفلنا
واني صارلي ملف بمركز الشرطه
رجعنا للبيت الساعه ١٢ اله ثلث كانت ليله مرعبه
بلنسبه اليه
خوف مو طبيعي الله لا يوفقج احلام
صدك لو كال المثل لا اغنيك ولا اخلي رحمة الله تنزل عليك
لا هي صانت بيتها وحافظت على زوجها
ولا تقبل تعوفه بحاله
دخلنا للبيت خالتي تنتضرنا
ام عبد القادر…هااا يمه عبد
عبد القادر….هاي حركه خبيثه من احلام تريد تستفزني
اذا ضجت تفرح واذا انسجنت سعاده بلنسبه الها
واذا ورده طلعت من بيتنا هذا الشي الي هي تريده
اذا رحت ضربتها لان انفعلت من بلاغها عني
راح ادخل سجن لان هي ماخذه عليه تعهد مااقرب عليها
شفتي شكد خبيثه بس اني راح افوت عليها هاي الفرصه
ومراح اقرب عليها
وهاي المشكله بسيطه راح تنحل باجر انشاء الله
بس مااكول غير حسبي اله ونعم الوكيل عليها حيه مايصيرلها جاره
جمانه السعيدي
اريج…نمنا بعد تعب وقهر وتضيع وقت بسبب احلام
عجيبه هاي المره افكارها كلها شيطانيه
اريج…ثاني يوم انحلت المشكله الدكتور شهد الصالحنا
والولد الصيدلي هم شهد ويانا
الضابط اتأكد من كلام عبد القادر
فعلا لكا اكو معلومات عن عبد القادر ورقم تليفونه
وبما اني اني ماقدمت اي بلاغ على عبد القادر انحلت هاي المشكله
هلمره انكبست احلام وكلشي ما حصلت
بعدها بكم يوم عبد القادر جابلي عنوان دكتورجمله عصبيه
عبد القادر…استعدي يومين ونروح الهذا الدكتور
اكيد اكو علاج الخالتج
اريج…الخالتي ههههههه انت تعرفها
عبد القادر….الحالتج اقصد ووين اعرف خالتج
اريج…عبالي تعرفت على خالتي
عبد القادر… اكيد حلوه مثلج
اريج…اني حلوه
عبد القادر… انتي احلى وحده شفتها بحياتي
بعد شتريدين شايب ويتغزل بيج
اني اكبر منج يجوز بعشرين سنه
اريج….ليش تكبر نفسك انت احلى شاب
عبد القادر…. هااا اني شاب
يمه سمعتي
عبدالقادر…..سمعتي ورده شتكول تكول انت احلى شاب
خالتي….اي ولله ماجذبت
عبد القادر…يمه ياا شاب عمري ٤٢ سنه
شعري متروس شيب
ام عبد القادر….وشبي الشيب الشيب تاج
مايصير على رأس اي واحد بس الوقور العاقل
عبدالقادر….يالله اليوم اني نازل عليه الغزل من كل مكان
اريج…خفت شويه خاف تبين بلفحوصات حقيقتي
اني لازم احجي العبد القادر كلشي
اني صرت احسن حالتي هواي احسن اكدر امشي وايدي زينه
بعد هو لو يصدكني ويقبل بيه
لو يعوفني
وهم اريد اتأكد من موضوع ماجد بلكت يطلع ماميت
الله اعلم شنو الجذبه الي اخترعها
وخالتي صدكته يارب يطلع صدك ماميت
اني ماكان قصدي اموته كنت اريد ادافع عن نفسي
.وبس
قررت لازم احجي العبد القادر كلشي قبل موعد الدكتور
بليل اكعد اني ويا وخالتي واحجيله قصتي كلها
وبعد الباقي علي يريد يصدك يربد لا
جمانه السعيدي
الصبح كعدنا من النوم اني وخالتي وعبدووو
هو طلع للشغل
خالتي….تعاي نروح اني وياج للسوك اريد اشتري بردات حتى تختاريلي على ذوقج
ذني البرادات حيل غامضات اريد لون افتح
اريج…اي اني هم اريد كم حاجه
خالتي…انطيج فلوس
اريج…عبد القادر كل يوم ينطيني ٢٥ جمعت مبلغ محترم
خالتي يله امشينا
اريج…رحنا افترينا واشترينا بردات
واني اشتريت معطرات ومكياج ورداء وشال
من كملنا شغلاتنا من السوك
خالتي….اريد امر على عبد اريد اوصي على ميز للفرن
اريج…يله اني هم ماشايفه مجمع عبدوووو
أجرنا تكسي اخذنا العبد
المجمع يخبل ماشاء الله شكبره ومليان اجهزه كهربائيه
والطابق الثاني اثاث
والثالث مخزن اكو مصعد كهربائي خارجي للحمولات
عبد القادر…نور المكان
اريج…نورك
عبد القادر…شنو رائيج
اريج…يخبل يخبل ماشاء الله
حجت ويا خالتي على الاشياء الي محتاجتها
العمال برا يصعدون اثاث
عبدو وحده جوه
عبد القادر…اعذروني مااكدر اوصلكم بعد عندي حموله جايه بلطريق
احتمال اليوم اتأخر عليكم
اريج…شعدنا ننتظرك يمتى ما تجي
طلعنا برا اجر النا عبدووو تكسي صعدنا ورجعنا للبيت
وواحد من العمال الي واكفين برا طلع عرف
اسامه ابن خالي الي ازغر من عمار
خلصها رسوب وأخير شي كام يشتغل حمال
جمانه السعيدي
دخل على عبد القادر
اسامه…استادي منيين تعرف هاي
عبد القادر.. قصدك منو
اسامه….اريج
عبد القادر… اريج منو
اسامه…هاي الي وياا الحجيه
عبد القادر… تقصد الي وياا امي
اسامه…اي هي
عبد القادر…ووين تعرفها
اسامه….بت عمتي شلون مااعرفها
عبد القادر.. انت متأكد هاي اسمها اريج وتكون بيت عمتك
اسامه…قابل مااعرفها هي بت عمتي جانت عايشه عدنا
بعدين طردناها من البيت
صاحبت مشاكل وخشمها يابس
اخوي راد يزوجها بس ما قبلت عود لان مخلصه معهد تحليلات وهو ما مكمل دراسه
عبد القادر…انت متأكد من هاي المعلومات
اسامه….اني ما انتبهت الها من دخلت
بس من طلعت شفتعا ولأن ويااها امك ما قبلت احجي
عبد القادر يعني هي واهلها عايشه عدكم
اسامه….لا منين لها اهل
ابوها باك فلوس البيت مال اهله بلنصب والاختيال
حرامي تكه ماكووو
باع بيت اهله واكل الفلوس وحده
وطلع للخارج وامها انفصلت وزوجت وعافتها عدنا بلبيت
جانت بيبي مربيتها
من ماتت بيبي ابوي طلبها الاخوي
بس ما قبلت وطلعت من بيتنا
عبد القادر…طلعت من بيتكم بليل مهزومه يعني
اسامه…لا بلنهار اخذت ملابسها وطلعت
عبد القادر…..وين راحت
اسامه….بيت رجل امها بعدين سمعت طردها زوج امها من بيته وراحت كعدت يم عمه سهيله
عبد القادر…..وبعدين
اسامه…بعدين سوتلها مصيبه ونهزمت
عبد القادر….شلون يعني
اسامه….زوج عمه سهيله طالع بليل هي غرفتها وحده
لازم وياها واحد بلغرفه
شلون مدخلته للبيت مااعرف
بس شايفين عمو ماجد ضاربينا بلسجينه
هي وحبيبها انهزمت من البيت
بليل وبعد محد يعرف اخبارها
عبد القادر…ووين ماجد هسه
اسامه…الولد صاحب اريج الي ضربه ضاربه ضربه قويه بصدره
همزين اجت بلجتف فوك كلبه
كعد عمه سهيله ونقلته للمستشفى صار شهرين يتعالج
صار شويه احسن
بس متحلف بيها بس يشوفها يشتكي عليها
عبد القادر…..ممكن اطلب منك طلب
اسامه…عيوني استادي
عبد القادر……هاك هاي العشره ولا تحجي الاي احد من اهلك على اريج لمن اني اكلك يله
اسامه….تدلل استادي بلا فلوس
عبد القادر…اسامه اخذ الفلوس خلاهن بجيبه
انتظرونا القادم الاخير
