اريج…..اريد احجيلكم شويه عن احلام
احلام بعد ما حاولت بعد طلاكها من ابو حميد ترجع العبد القادر وهو رفض
بقت خمس سنوات كاملات وهي تحاول تعتذر من عبد القادر حتى يرجعها
وهو يرفض شكد دزت ناس علي
وحاولت اتأثر علي من خلال بنته
وراحت هي اعتذرت منه بس كل محاولاتها رفضهن عبد القادر اخر شي حاولت اتأثر علي بلسحر
دزت بتها تخلي السحر بلبيت بس هم ما نجحت
يمكن رب العالمين كان راضي عنه وخلصه من وحده مثل احلام
وهنا عبد القادر كطع العلاقه بشكل نهائي ومنعها توصل للبيت هي وبتها بس هذا الشي ما منعه يدزلها مصرف
كل شهر
من بعد خمس سنوات وهي تحاول بس بدون فايده
سكتت بس بقت ادور اخباره
طول السبع سنوات الي بعدهن احلام ادور اخبار عبد القادر
مادام هو مامزوج وماداخله اي وحده لحياته
يعني هي وبتها ماعليهن شي
لان بلاخير كل هذا الخير راح يكون من نصيب روان
وامها
هذا ما يمنع احلام حاولت ترتبط بعد ابو حميد
بس إشاعة هي فكر واي واحد تاخذه تفكره
جانت منتشره عليها اي واحد يريد يتقدملها ويعرف هي فكر يشرد منها
وهاي السالفه الناس كلها تعرف بيها بعد ماخسر ابو حميد
محلاته وفلوسه بعد ماارتبط بيها
بس انفصل عنها رجع شغله شويه شويه
وغير هيج مجاي تجيها قسمه حقيقبه
كلهن كلام وبس
هي تريد واحد غني تريد فلوس مو رجال
جمانه السعيدي
اريج…بيوم الي اخذني عبد القادر للمستشفى اليوم الي شفت بي خالي
وحده معرفه شافتنا سوا
وشافت اهتمام عبد القادر وشلون لازمني
وجابلي مي واخذني بسيارته
راحت وصللتلها خبر
تعرفون النسوان اذا شافن شي مايكدرن يسكتن
هاي المره رايحه كبل سائله احلام
….شنو زوجج ازوج شفت وياا بنيه شابه بلمستشفى
حاير بيها يجيبها منى ويكعدها هنا
صعدها بسيارته
احلام من سمعت تخبلت عبد القادر ازوج
وحسب الوصف الي وياا بنيه زغيره يعني راح يصير عنده اطفال
راح يجون جهال يشاركون روان بلفلوس
رجع اخوها شافنا العصر يم العيادات هو عنده محل تليفونات هناك
هم حجالها الي شافه
وخاصه احنا طلعنا من العياده نضحك واخذنا عشى
وهي تخبلت منو هاي الي دخلت حياة عبد القادر
خاف ازوج وراح يضيع علينا كلشي
ماتكدر تجي للبيت حتى تشوف هذا الكلام صحيح لو لا
انطت التعليمات الروان تجي البيت ابوها تتأكد من الخبر
طبعا روان ما تتوصى اتعس من امها
بس فتحتلها الباب كالت عليه خدامه بس حتى
تغثني وتخلق مشكله
ام عبد القادر….عيب روان شنو خدامه هاي خالتج ورده
روان… ( حجت بستحقار) هاااا خالتي
شكلها خدامه
ام عبد القادر.. اسكتي عيب
اريج….انت اكيد بت عبد القادر الحلوه شلونج
روان…. انتي شكوووو ليش تسئلين اعرفج حتى تسئلين عن حالي
اريج…تفضلي اكعدي اتغدي ويانه
روان….انتي منو حتى تعزميني بيت ابوي
كلج خدامه بهذا البيت
اريج…عيب هذا الحجي اني اكير منج ولازم تحترميني
روان…شنو قصدج احترمج لان جبيره
المطي هم جبير شنو هم احترمه
ام عبد القادر….انتي ليش جايه اليوم شعندج
روان… بيت ابوي وجايه اشوفه
ام عبد القادر…اي احجي بحترام داخله علينا تهوسين
شكوووو جمانه السعيدي
روان…. اذا عاجبكم
ام عبد القادر….شنو عاجبنا انتي ما مربايه ولا تعرفين ريحة التربيه
روان…مااسمحلج تغلطين عليه
ام عبد القادر….صيري محترمه محد يغلط عليج
اريج….عفتها ودخلت للغرفه مبينه جاي ادور مشاكل
هاي البنيه هيج لعد امها شلون
اريج….اسمعها تسئل بيبيتها
منو هاي وشعدها كاعده هنا
ام عبد القادر…وحده اقاربنا وجايتنا زياره
روان….اجذبين هاي مو اقاربنا ولا نعرفها
من اي ملهى جبتوها
ام عبد القادر….ولج انتي ليش ماتحترميني
صدك قليلة التربيه
روان….ماتكولين النفسج شلون جايبه وحده شابه مكعدتها بلبيت هي وابوي
اعرفج كلش زين تخططين ازوجينه موووو
ام عبد القادر…وانتي شكووو جايه تحاسبيني
امشي اطلعي برا
روان….اني عرفت ابوي داعم هاي البنيه وانتي جايبتها تعيش وياكم بلبيت على شنو تخططين مثلا
بمكان ماجيبين بنيه من الشارع ما تعرفين أصلها من فصلها
مكعدتها هنا تفتر كدام ابوي
قنعي ابنج يرجعني اني وامي للبيت
بمكان مايصرف عليها
يصرف علينا ليش خيرنا يروح الغيرنا
دخل عبد القادر وسمع هاي الجمله الاخيره
عبد القادر…روان هااا خير شكوووو
روان….وحده جايه تشوف ابوها محتاجه سؤال مثلا
عبد القادر…اتصلي حتى نعرف انتي جايه
ونستقبلج
روان…يا ولله استأذن قبل لا ادخل بيت ابوي
عبد القادر…الناس الي متربيه تستأذن حتى قبل لا تدخل الغرفه
هسه خلصينا شتريدين
روان…جايه اشوفك واكعد هنا كم يوم
عبد القادر….شعجب
روان….بمكان ماجايب وحده غريبه وتاخذها للمستشفى
وتشتريلها
اني اولا بهذا الاهتمام
عبد القادر….هااا انتي جايه علمود هاي السالفه
باعي روان..تكعدين باحترام مااسمع صوتج نهائيا
اهلا وسهلا
تحجين حجي زايد السانج هذا اكصه فهمتي لو لا
روان….عود انت هم حاسب نفسك اب
عبد القادر….اذا انتي بنتي مااريد اكون اب
وحده مامربايه والسانج شطوله
جمانه السعيدي
روان….ليش ما بقيتني بيتك وربيتني ليش تخليت عني
اذا انت هيج حريص
عبد القادر…اسئلي امج ليش اطلكت اسئليها شلون خانت
شلون جانت زايحه نعمتها
وبعدين تعاي احجي وياي
شوفي انتي هسه بهذا كلامج نسخه من امج
ومااكول غير الله يعين الي راح ياخذج
راح يشوف مصايب سوده ماشايفها كل حياته
يله جيبي جنطتج وتعاي ارجعج الامج
اني مااكدر اتحمل وحده مثلج بيبتي
روان…تطردني من بيتك
عبد القادر….اذا هذا اسلوبج بلكلام وياا ابوج
اطردج فهمتي لو لا
اريج…صاح عليها بعصبيه يله جيبي جنطتج وتعاي
حيوانه الي تنطيج اكل ماتعرف تنطيج تربيه
شالت جنطتها طلعت من البيت
طلع وراها لكاها واصله الراس للشارع زعلت منه
وحتى ما قبلت يوصلها الامها
رجع عصبي
عبد القادر… اني مااعرف شنو الذنب الي ارتكبته
وطلعت عندي هيج بنيه بلا اخلاق
ام عبد القادر….يمه هدي نفسك
قابل جديده عليك تصرفاتها نسخه من امها
اريج…طلعت من الغرفه
اريج….هلوو شلونك
عبد القادر…زين بعد ممنوع روان تدخل هذا البيت
اذا فتحتي الباب وشفتيها لا تخليها تدخل
اريج…احضر الاكل
عبد القادر…اي بس اسبح بسرعه فورت دمي
اريج…كعدنا ناكل وكل واحد بينا ضايج بسبب تصرفات
روان
بنيه بهيج عمر وهلكد شايله حقد ماشايفه
من رجعت روان الامها وحجتلهاكلشي شافته
وشلون ابوها طردها
بس رجع عبد القادر للمجمع لكاها تنتضره
جمانه السعيدي
احلام…انت ماتستحي ماعندك غيره شلون تطرد طفله من بيتك هاي بنتك شلون تطردها
لا وجايب وحده من الشارع مكعدها بيتك
صدك ماعندك لا نخوه ولا غيره
اريج.. احلام كانت متعمده تحجي هيج تريد تحرج عبد القادر كدام العمال حتى تنتقم منه
عبد القادر….مو غريبه عليج ولا على بتج لان هي تربيتج
اثنيبنجن بلا اخلاق
اطلعي برا لا اخلي العمال يشمرونج بلشارع
احلام…اي تخاف اكشفج كدام العمال واكشف اخلاقج
جايب وحده عايش وياها بلحرام بيتك
صدك ماتستحي
عبد القادر…ماكدرت اتحمل أكثر طفرت عليها ضربتها راشدي وطلعتها من المجمع كفخات
منا لمن وصلتها للشارع
عبد القادر…ولي الله لا يبارك بيج وحده ادبسز
عبالج التاس كلها مثل اخلاقج
عبد القادر…صرت عصبي عليها حيل
طلعتني من طوري
اريج…احلام ماسكتت طلعت كبل للمركز اشتكت على عبد القادر
شويه واجت الشرطه قبضت علي
أقوال احلام بلمركز تكول رحت اجيب مصرف بنتي
الشهري من طليقي
رفض ينطيني المصرف وضربني وهاني كدام العمال
عبد القادر…هذا الحجي ماصار هي دخلت تغلط وتحجي عليه كدام العمال وتهمتني بشرفي
واني ماكدرت اسكت
واذا تردون اجيبلكم تصوير العركه كلها
الشرطه دزو على التصوير واتاكدو احلام غلطانه
بس هم مايصير يضربها
خله محامي يدافع عنه
كتب تعهد بعد مايتعرضلها ودفع غرامه ٥٠٠ الف وطلع
هاي مصايب احلام وبتها
اريج…احنا ما نعرف كل هاي الاحداث
بس عبد القادر اتأخر على موعدنا العشى
اني كنت انتظره بلهفه ما متعود يتاخر علينا
وخصوصا هو طلع زعلان من البيت بسبب روان
نتصل علي جهازه مغلق للساعه تسعه بليل اني وخاله
واكفين بلباب بهلبرد
خاله دخلت ماتكدر توكف بارده الدنيا واني بقيت لازمه الباب واكفه
جمانه السعيدي
من سمعت صوت سيارته
اني ركضت فتحت الباب الخارجي شفته نزل من السياره
شكله كلش ضايج
اريج…اتاخرت شبيك ليش ضايج
عبد القادر… ماكو شي مشكله زغيره ونحلت
اريج…مشكله الله يستر
عبد القادر…ليش واكفه برا بارده عليج ادخلي
رجلج توجعج من البرد
اريج.. انتظرك غير
عبد القادر…ادخلي جوه تعاي واني احجيلج
دخلنا يم خاله وبد عبد القادر يحجي كلشي صار ويااا
خاله…الله يطيح حظها شكد حقيره
الناس تكبر تعقل وهي كلما تكبر تتخبل اكثر
عبد القادر…متخبله من وجود ورده بيتنا
اريج…اذا وجدي يسببلكم مشاكل اطلع من بيتكم
انتم ما قصرتم وياي
عبد القادر….خل تولي وحده حقيره بعدين شنو اطلعين
بعدج ماصرتي زينه
اني متعود على سوالف احلام وحافظهن كلهن
تروحلج فدوه
اريج…رغم ضجت علي لان صارتله مشكله بسبي
بس حبيت تمسكه بيه
ياترى اذا عرف حقيقتي راح يبقى متمسك بيه هيج
