رواية عروس الجبايش الفصل الثالث والاربعون 43 بقلم ياسة – تحميل الرواية pdf

الحبيب المُضحي هو من يدرك أن الحب الحقيقي ليس تملّكًا، بل إطلاق سراح يمنحها الأجنحة لتحلّق

ويقف هوَ على الأرض مستمتعًا بمنظر رحلتها، حتى لو كانت تلك الرحلة بعيدة عن متناول يديه. إنه يرى في آلامه الصامتة التي يتكبدها لأجلها، كنوزًا مُخفية لا يمكن لقلب عادي أن يحملها. الحب بهذا المعنى يصبح إيثاراً مقدّساً، حيث يتحول أنا’ إلى صديق مخلص لـ ‘أنتِ ، مستعد دائماً ليُقدّم الجزء الأفضل منه كي يظل الجزء الأفضل منها مُضاءً ومُصاناً إلى الأبد.”

………………………..

يُـمـن :- كمل العقد وجدتي گامت تهلهل

وگعت دمعتي بقهر مقهورة على روحي كلش انذليت وانهت قبل جنت صغيرة من زوجوني الرائف وجان الموضوع اهون عليه هسه إحس الكسرة اقوى والذله اقوى

عمي باسني براسي و يگول بصوت ناصي

هاشـم :- حبيبتي عـمو هانت كافي لا تبچين

رفعت راسي باوعت عليه مسح دموعي

بـ إدية و رجع يگول

— بُـرهـان خوش بُـرهـان و انطاني وعد بس تگوم امج بسلامة ينهي الموضوع لا تفكرين ولا تنقهرين أمني بابا حبيبتي

— امي اليوم شلونها

— كلش زينه و صارت عدها حركة

بـ اطرافها والدكتور گال على فجأة راح تصحى بس أدعيلها

رجعت جدتي گالت

— يمه يالولد يا ابو طول الحلو گوم لغاد بالحجرة انتَ وحرمتك گعدوا شواي

صارت عيني عليه أبتسم و نزل راسة للگاع وراها رفع راسه باوعلي و گام بقيت انا گاعدة بمكاني رجعت تگول

— گومي ولج ويا زلمتج گبل لا يرد

گمت من مكاني وهوَ اجى ويا ما گمت لتفت صايتي جوه رجلي وعثرت لزمني

من ايدي و گال بصوت ناصي

جريت ايدي ومشيت للغرفة رفعت البردة وطبيت طب وراي باوع للغرفة وبقى ساكت وراها بشوية گـال

— هاي هنا تنامين

— راح احاول اخذج اليوم

— ليش يعني ما راح اروح وياكم اليوم

— عمج ما قبل گال وره العرس

— شني راح نعرس

دار وجهه للجهه الثانية ويحاول ما يضحك وراها رد

— بس احنه متفقين

— نروح بدون عرس وانا اگعد بيت عمي

— راح احچي ويا جدتج

— اي الله يخليك

— نهاية الأسبوع لازم ارجع اسافر و إذا ما قبلوا ترجعين لازم هذا الاسبوع نسوي عرس الخاطر اخذج البيت عمج

سكتت ما رديت بس شني متت رجع گال

— راح احچي وياهم بحجه امج مو زينه وعيب نسوي عرس وزفه واخذج اليوم

رجع افتر وطلع وانا ضليت بالغرفة ما طلعت وراه بس سمعته يحچي وياهم شلون يردون عرس وامي مو زينه وهوَ يريد يسافر وما يگدر يبقى اكثر من أسبوع

عمي غازي ما قابل بس جدتي صارت وياه و ما انطت بيه خلصتها اي حگگ وحگگ بالأخير صفوا يرحون اليوم وباچر يجي ياخذني ليش ما ادري بس عمي غازي قفل الا باچر

رجعوا گاموا يردون يرحون سمعت عمي هاشم يگلهم بس اشوفها قبل لا اروح بسرعة طلعت عليه سلم عليه ، گال

— باچر بُـرهـان يجي عليج بس اليوم ابقي هنا خلينا انشوف التالية وياهم وين تصفى

سلمت أمري الربي و سكتت اتاني اليوم منا لمن يجي الفرج باجر

وراها ودعونا وراحوا ومثل كل مره روحي تروح وياهم اول ما طلعوا عمي ناهـي گال

— جنه خوش زلمه

غازي :- لاله انا ما ارتاحيتله احسه منغل

— جنه ماخذنا على گد عقلنا و ماشينا مثل الزواج

سعدية :- لاله الزلمة معدل و خوش زلمه الزود والباگي على بت اخوكم كون تكسبه وتخليه تحت باطها

كلثوم :- لا تخافين عليها امها ياهي هذن يغلفن الزلم ويحطهم بالجيب خافي على روحج

سعدية :- عبنهن حلوات وسنعات موش ملح و جلح

فتحت عيوني ما مصدگه هاي جدتي لو مبدلينها رجعت گالت

— روحي نامي بحجرتي الليلة لا يجيسج برد وباجر ترحين ماهج طيبة للزلمة

ضليت واگفه بمكاني ومصدومة اكيد جاي اتحلم شني هاي تريد تموت اليوم مشيت الغرفتنا وطلعت النقال و گعدت مصدومة يمه جدتي بس لا جاي تخطط الشي شو ما ادري شلون تحچي

انوب طلعت حساب ورود وخابرتها بس دگ عدها ردت انا سمعتها ردت وانا متت وهيَ تسأل شكو وشبيج، سولفت الها من اول يوم الحادث مال امي لحد اليوم رجعت گالت

— صلِ على محمد و عوفيها على الله وثقي بالله كل هاي الاحداث تدبير اللهي سبحانه وتعالى حتى ضربت امج هيَ سبب من اسباب مهرج على بُـرهـان

— انا الموتني صار ثاني مره يبعوني ورود لو ميته ولا هذا الحال تدرين شلون انذليت من باعتني بـ سوار

— والله محد مذلول غيرها بالعكس الاستاذ مشتريج بروحة بس شوفي شلون اجى مناك لهنا وعاف دراسته ومستقبله وتحمل المخاطر بين اقاربة واجى وگف وياج وساعدج ويدري كلش زين ما تردينه يعني تحمل حتى الاهانة الخاطرج

— عبالج سهلة عليه من يخطبج وانتِ ما تردينه وبعدين توافقين عليه بس الخاطر مصلحتج ترى كلش صعبه من يشوفج قبلتي بيه الخاطر مصلحتج

— انا ما قبلت هوَ وتميم اتفقوا بيناتهم

— اي بس وافقتي وانتِ ما هاويته ولا تحبينه

— امي من تگعد شلون اگلها

— امج موضوعها راح يصير سهل والمفروض تتشكر من عنده على موقفه وگفته وياج

— بس هيَ ما تحبه تشوف دم سنونها ولا تشوفه

— ليش عاد هوَ مواقفه حلوة وياج وحتى قبل شهد ضد ابن خالته الخاطرج

— اي صدگ بس ما ادري ليش ما تحبه وحتى هوَ ما يحبها

— الله يهدي النفوس ان شاءالله

— ادعي الامي فدوة

— يارب يگومها بالسلامة وترجع خيمة عليج

— هههه بس تدرين مصائب قوم عند قوم فوائد

— اجيتي البُـرهان على طبق من ذهب حارة ومكسبة هههههه

— هههههههه لا والله بالعكس كلش غالية عليه بحيث طار وحط بيوم واحد الخاطر عيونج

— حسيته ماخذني على گد عقلي وحتى عمي غازي گال ماخذنا على گد عقلنا

— گتله نطلگ گال اي گتله متفقين گال اي وشكلة ناصب عليه ومدري عمي شگايله راد عليه من اي عيوني و تدلل

— ههههههه والله عمي الأستاذ طلع داهية ضمكم كلكم بجيبة بجيه وحده

— الله يستر من تاليتها

— تاليتها طايرة وراه وعايفة سعدية والعراق

— سعدية وراي وراي للموت

— الله يكفيج شرها

رجعت سلمت عليها ودعتها وسديته وضليت بالغرفة شوية واجت جدتي شالت البردة و گـالت

— گومي اكليلج لگيمة

رفعت راسي مصدومة و گمت وانا صافنه

لا مستحيل علامات الموت هاي، طلعت من الغرفة لگيتهم ملتمين كلهم

و نسوانهم ينگلن بالاكل

هنا يتعشون من المغرب وينامون من وكت

گعدت بالزواية غريبة ومذلوله ومهيونه

جدتي جاب ماعون وحطته گبالي ورجعت جابت خبزة وحطتها گبالي وتگول اگلي

اكلت لان ميته من الجوع ومن كملت گالت تعاي بحجرتي نامي رحت الغرفتها لان غرفتي ثلج جرت فراش وشمرته بالگاع تريدني انام علية

فرشت الدوش وانمطلت عليه وهيَ تمددت بمكانها شوية ورفعت راسي شفتها نايمة بسرعة گمت للغرفة جبت النقال اريد اشوف وضع امي كتبت التميم

— شلونك ابو علاوي

بنفس اللحظة ردلي

أبتسمت ورجعتله

— كلش زينه هسه رجعت من المستشفى

— اي والله من يمكم بوجهنا اني وابوي للمستشفى وهسه رجعنا بعدني حتى ما محلل

— اريد الله يحفظكم ويستر عليكم ويكتب الكم بكل خطوة سلامة

— بنت خالتي الصاگه كلش احبج والله

— والله انا الاحبك اخوي الما جابته امي

— عبير تسلم عليج

— العريس شلونه

— هههه شمدريني

— يابة العريس غرگان للهامة

— الله يستر عليه الزلمه وگفلي هيج وگفه انعم الله

— هههههههه اي يستر علينا كلنا

ان شاءالله

وانا احچي ويا تميم اجتني رساله من بُـرهـان كاتب بيها

— اني اريد احچي ويا جدتج مشتاق الها

كتب هيج ورجع دگ رفعت راسي اباوع عليها نايمة فتحت خط بدون ما احچي گال

— هلاو جدة شلونج

— هاي انا مو جدتي

— لا بالله لعد جدتي وين مشتاق الها

— گعديها اريد اتسامر وياها

— بيش ساعة تجي باجر

— اصلاً اني هنا

— قريب عليكم ما رجعت البغداد

— شلون تحلف بالعباس وانتَ مو شيعي

— سلام الله على ابا الفضل مطلوبله طلي

— هههه ماليش الطلي

— قبل لا اسافر رحت الكربلاء وطلبت منه طلب بعد روحي ما قصر هيج انطانية عدل عدل بدون لوفه

— سلام الله عليه چا غير هذا ابو فاضل

— هسه شنو ما تگعدينها

— لا خليها نايمة

— نوم الظالم عبادة قصدج

سكتت مدري شحچي رجع گـال

— متت من البرد

— ليش وين گاعد

— چا ليش ما رجعت البغداد

— ما انطاني گلبي او الاصح ما مصدگ واخاف ارجع وتخرب عليه السالفة

سكتت شو هذا اخذ ميانه فد مره رجع گال

— جاي ادور على فندق وما اندل شي هنا

— اسأل ويدلونك

— خليني ضايع هيج احلى

— راح اسده خاف جدتي تگعد

— ماشي روحي بس نامي ارتاحي مفهوم

— تصبحين على خير

سديته من عنده بس احس بروحي ميته من الخجل مدري شبيه دقايق بسيطة ونزل منشور بيه صورة المنطقتنا يعني للزرع مالتنا ماخذ صورة وكاتب فوگاها

— في عالمي الأكاديمي كنتُ أبحث عن القوانين الثابتة التي تحكم الكون لكن هنا في سكون وديانكم اكتشفتُ أن الثبات الحقيقي يكمن في طيبة قلبها وفي جذور أرضها، أنا ابن المدينة الذي عاش في أبراج الزيف وجدتُ فيها فلسفة الأصالة التي لم أقرأ عنها في أي كتاب فـ​هيَ لم تمنحيني الحُب وحسب بلـ منحتِني التجذّر كانت كـحقل قمح يواجه جفافاً قاسياً

وصار واجبي أن أُحوّل نظريات قلبي إلى ساقية تروي وأن أجعل من حناني المأوى الأخير الذي لا تهزه المصاعب، لم يكن إنقاذها بل كان إنقاذي من ضحالة الحياة الباردة ، ​اليوم أقف أمامكم وأمامها وأعلن أن الزواج هو إعلان الوطن وهيَ الآن الركن الذي سأُعيد فيه بناء كل مفاهيمي

و عهدي ليس عهد زوج لزوجته بلـ عهد التربة لزارعها و أن يبقى الحُب خضاراً أبدياً لا يمسه الذبول ولا يُنهيه الخريف

فلتشهد أشجاركم المعمّرة أنني وجدتُ في بساطتها مدينة روحي الخالدة. فـ يأهل قريتها الكرام وياسادة البساتين والوديان اما الأن ومن وسط مشحوفكم و اهواركم أعلنها لي زوجة وشريكة أبديـة.

قريته اكثر من مره و لا اردياً احس گلبي دگ حطيت ايدي على گلبي وطفيت النقال

و غمضت عيوني واگول

— والله هذا ما جنه راح يعوفني بعد

بقيت غمضه لحد ما غفيت وللصبح يلا گعدت اول ما فزيت طلعت النقال من جوه راسي باوعت للساعة بـ 8 ونص الصبح جدتي ماكو بفراشها وصوت نسوان عمامي يشتغلن

ضميت النقال بصدري وگمت للحمام غسلت ورجعت للفرفة مالتنا طلعت هدوم من الجنطة اخذتهن وطبيت سحبت والعجيب اليوم جدتي ما حچت على المي ولا گالت طلعي اصلاً جابت الشامبو مالي الانطيته الها و گالت هاج سبحي بيه

خلصت سبح وطلعت للغرفة گاعدة امشط بشعري وسمعت فطيم بنت عمي اجت بسرعة گمت طلعت بس شافتني نشغت واجت عليه باستني

انصدمت هاي شبسرعة تزوجت شبسرعة خلفت عدها اثنين جهال وتتنسه بالثالث

فوگه فوگه تجيب وهيَ بعدهي جاهل

گعدت ونسوان عمامي التمن عليها وجدتي وياهن وهيَ تسولف الهن على رجلها البارحة كاتلها لان امه وازته على مود الدجاج مبيض والبيض مكسر وشلون مكسر البيض وما لامته من وكت موتها موت

انوب رفعت ردنها وتشوفهن بـ ايدها شلون متزوركة و جدتي گامت عليها يطبج مره وحيل وياج خفگه وثوله و حگهم لو انا منهم انعل والديج وهيَ ما تحجي بس ساكته ومتقبله الوضع واصلاً محمله روحها ذنب البيض المكسر

انوب راحت جدتي جابت ورقه وبيها حرمل گالت الها گومي حرگيها قبل إذن الظهر شالتها فطيم ومشت تركض بيها هيَ وامها

رجعت جدتي باوعت عليه وگالت

گمت وياها الغرفتها طلعت اوراق وحرمل وعوذه مدري شني وحطتهن كلهن بچيس و گالت هذني الج اخذيهن ويومية وريقة حرگي الزلمتج

— يمه اسم الله سحورة

— اي سحورة چا شلون تعيشين زلمة معدل وشحلاته الهيبة والفلوس والخير باچر ياخذله وحيده مثله معدله ويذبج

عاد هذني يشتغلن وياه اخذيهن اخيرلج

شلتهن بس شني اديه ترجف طلعت من الغرفة وهيَ وراي تريد تشوفني ويا اوديهن وانا من خوفي منها ضميتهن بالجنطة

بعدهي واگفه فوگ راسي واندگ الباب

وراها اجت مرت عمي ناهي گالت هذا زلمت يُـمـن بالباب ناطرها

جدتي بسرعة طلعت تشوفه واني ركض لبست حجابي وجبتي وشلت جنتي واگول ربي فدوة الاسمك خلصني منهم ومن شرهم ربي الفرج يا صاحب الفرج

طلعت لگيتها واگفه يمه بالباب وهـوَ

بـ ايده علاگه انطاها الها ويا طلعتي بس

من شافني طلعت شكله توتر لان ما جان رايدني اشوفها ، وصلت يمهم جدتي دارت عليه وگالت

— عينج على زلمتج دارية وتسنعي وتعدلي

وتحمري لا تضل عيونج ملح حطي كحيلة وديرم ومسج خوش

هوَ ابتسم ودار وجهه على السيارة رجعت مدت ايدها بجيبها و طلعت كحل مال عرب من جيبها وتريدني احط بالشارع

ما قبلت بس ما عافتني اله تحطلي بـ ايدها مدري منين اجتها هاي المحبة هيج فجأة

غصباً عليه اجيت عليها و فتحت عيوني وحطتلي ويا ما حطتلي بزتني بعيني قوي

گلت اي ورجعت ليورة افرك بعيوني انوب مو كحل تگول فلفل حار عيوني گامت تحرگني متت

سعدية :- هذا بيه دوه عرب موش بس كحيله عيونج ماهن طيبات وهل حرگنج

ما جاوبتها بس افرك بعيوني والصخام وصل الحنجي بُـرهـان سلم عليها وفتح الباب اليمه يريدني اصعد

صعدت وبعدني افرك بعيوني رجع هوَ صعد وشغل يريد يمشي گالتله

— يو شلعت گلبك بس خبرني عنها وحات ابوي اهلسلك شعفتها

— لا عاد يُـمـن حبابة ما تشلع الگلب وبعدين اني ما اقبل احد يمد ايده عليها جدة حبيبتي إذا تحچين هيج مره ثانية ازعل منج

— ههههه يا چا انا غير على مودك

— معدل معدل انطرني لا تروح خلني اجيب شكيرات واجي

طبت للبيت سريع و ثواني واجت بـ ايدها شكر شمرته على السيارة و بُـرهـان مشى و ضحك ويگول

— عود ليش تشمر شكر علينا

— حتى تصير حياتنا حلوة على أساس

— شـني هاي العلاگة النطيتها الجدتي

— لا مو عادي احچيلي شبيها لا تضم عليه

غصيت و أختنگت فد مره رجع گال

— عمج البارحة من طلعنا طلع وراي وگال جيب مهرها واخذها إذا ما تدفع المهر ما تاخذها و هسه قبل ساعة جابة أبن عمي وراي

ما جاوبت بقيت ساكته وهوَ هم سكت شوية وسألته

— الشيخ بالعقد گال خمسة بخمسة هسه انتَ انطيتهم عشر ملايين

— لا انطيت بس الحاضر خمسه ومن نطلگ عود انطيهم الخمسه مال الغايب

حچى هيج وضحك رديت

— حسبي الله ونعم الوكيل

حچى هيج وأبتسم باوعتله وجاوبت

بقى يباوعلي وطول بنظرته بسرعة درت وجهي گال

— الكحل ترس وجهج مو بس عيونج تصخمتي تصخم العدو ان شاءالله

جريت كلينس من السيارة وبقيت امسح الكلينس يابس وما ينمسح رجع هو طلع كلينس رطب من هذا الصندوگ الصغيرة مدري شيسمونه و انطانياه اخذت وحده ومسحت وجهي وعيوني رجع گال

درت وجهي اباوع عليه أبتسم ورد

— هسه زين صدقة الهاي العيون

بسرعة درت وجهي من عنده وهوَ ابتسم وسكت مشينا مسافة وتذكرت الاوراق والحرمل گتله

— جدتي انطتني سحر

باوع عليه سريع متفاجئ وراها گال

— انطتني سحر اسويه الك حتى تگوم تحبني وبعد ما نطلگ

— ههههههه وينه هسه السحر سويته لو بعدج

— لا بالجنطة ضميته

— زين هذا السحر بس الي لو النا اثنينه

— ما ادري بس گالت حتى ما يطلگج

— يعني يشتغل عليج لو بس عليه

حچى هيج وضحك رديت

— بس عليك يمكن

— لا مو خوش عبالي يشتغل وياج هم

ما رديت سكتت متفشلة رجع گال

درت وجهي على المقعد الورة وجريت الجنطة طلعت الجيس وانطيته اله اخذه ويباوع بيه ويضحك وراها گال

— يابة هاي شگد مسوية ظالمة النفس تريد تموتني واني بلا سحر ميت من الاساس

— شمره بالمي حتى يبطل

— لا راح انطيه الامي واگلها جنتج من هسه تسوي سحورة

— لا والله مو انا هاي هيَ عليك الله لا تحچي عيب وعلي

حط الجيس بهاي المحفظة مدري شني تصير فوگ راسه يم المراية ورجع سكت وانا سكتت لحد ما طبگ يم مطعم نفسه هذا نزلني بيه رائف اكل اول ما شفت المطعم انقبض گلبي هوَ باوع عليه وشكلة فهمني لان بعده ما حاچي شي بس باوعلي بدون ما يفتح حلگه و رجع شغل ومشى سريع

ما سألته ولا حچيت شي بقيت ساكته وفد مره مختنگه وهوَ شكلة توتر لحد ما تعدينا هاي المنطقة طلع نقاله مدري شكتب وهوَ يسوق ورجع قفله

وانا حطيت راسي على الجام وغمضت عيوني بقيت مغمضه وامثل النوم لحد ما طبينا بغداد كل ضني راح ياخذني البيت عمي هاشـم بس تفاجأت من طبگ بابهم سألته

— عندي كم شغلة اخذهن من البيت وارجعج البيت عمج نزلي وياي دقايق

ما گدرت احچي شي نزلت وياه و ريـام فتحت النا الباب وشكلها عدها علم احنه جايين عليهم سلمت عليه وباوستني وترحب بيه وراها طبيت للبيت وانا ميته من الخجل

امه وابو اثنيهم بالصاله اول ما طبيت امه گامت من مكانها گلت السلام عليكم اثنينهم ردوا ، سلمت عليه و گعدتني

و هوَ بسرعة صعد فوگ وانا ضليت يمهم بس ميته ارجف مستحيه ومتوترة وخايفة

ريام جابت مي ورجعت جابت عصير وراها گامت هيَ وخالتي للمطبخ وانا وعمي ضلينا گاعدين بالصالة گال عمي

— خو ما سوالج شي عمامج

— خير ان شاءالله

اسمع خالتي تحچي ويا ريـام على الاكل يمكن جاي يحضر بيه لان وكت غده وراها اجت گعدت يمنا بس مو نفسها القديمة هسه بس ساكته وشكلها ما راضية بس الخاطر ابنها ساكتة

نص ساعة تقريباً و نزل من فوك سابح ولابس تراك وعطرة يخبل جر الكوشة حطها يم راسه وسند راسة عليها وغمض

عيونه گالتله خالتي

— لو متمدد شوية على مود جتفك

— راسي ذبحني وايدي بيها خدر

— اكيد ما ماخذ علاج من البارحة لليوم

ما جاوبها صاحت ريـام من المطبخ

— يوووم تعالي شوية

خالتي گامت تشوفها و عمي گام مدري وين بقينا بس انا ويا باوع عليه و گال

— انطي خبر العمج اجينا باله يمج خطية

طلعت نقالي وخابرت على عمي بسرعة جاوبني

هاشـم :- هاا بابا حبيبتي شلونج

— الحمدلله زينه وصلنا البغداد

— ها يا الله خير ان شاءالله وين انتم هسه

— بيتهم گال عنده شغلات ياخذهن من البيت وراها يجيبني الكم

— كلش زينه عدها تحسن قوي

— يارب يا الله

— ادعيلها عمو حبيبتي

— ان شاء الله يارب العالمين

— هسه خليني اروح عندي شغل وانتِ خليه يخلص شغلة ويرجعج للبيت

— اي ان شاء الله، الله وياك اخذ راحتك

قفلته من عنده ودرت وجهي اباوع عليه مرجع الكوشة مثل مساع ومغمض مبين تعبان وموجوع اجت ريام مدت السفرة وخالتي وراها بـ ايدها اكل حچن وياي اگوم اتغده گلت ما اريد لو ابتليت ريـام لعبت بيه جوله اخر شي فشلت منهم وگمت غسلت ورجعت گعدت وياهم بسفرة وحده احس راح اموت كلش مستحيه منهم گالت ريـام

— ليش مجبت النا وياك روبه مناك يگولون عدهم روبة تموت

— عليك الله وينها

— هاي بصفج روبة عرب

حچى هيج واشر الها بحواجبة عليه وانا دنكت واحس اختنگت متت بدمي وريام ضحكت بصوت عالي و عمي نفس الشي ضحك بس خالتي غلست رجع عمي گال

— بس على كيفك يابة شو متسرسح فد مره

بُـرهـان :- ههههه قصدك مستخف

— لا حشاك هههههه

— هههه بالغلط طلعت بعد ما احچي شي

ريـام :- لا الله عليك احچي طلع الكبت راح اطگ وتموت

مدري شسوالها لان ضحكت بصوت عالي وعمي هم ضحك انا ما شفته لان منزله راسي وميته من الخجل اعتقد غمز الها يريدها تسكت رجعت گالت

— يُـمـن الاحد دوام مو

— الله يسهل عليج عمري هاي اخر سنه شدي حيلج

— الشد على الله ان شاء الله

رجعوا سكتوا محد بيهم يحچي لحد ما كملنا غده واصلاً انا ما اكلت استحي بس هيج گاعدة خالتي گامت سوت جاي واجت گعدت و ريام بالمطبخ تغسل بالمواعين وهوَ لازم كلاص الجاي بـ ايده وايده الثانية

لازم النقال مدري شيكتب

عمي خالص جايه و گام الغرفته وصاح على خالتي مدري شيريد منها بقينا بس احنه گاعدين گتله

— بس انام ساعة كلش تعبان ما نايم واذا طلعت هسه بالسيارة اسوي حادث ما اسيطر على نفسي بس ساعة واگعد

حچى هيج وگـام صعد فوط ضليت وحدي بين ما خلصت ريام غسل اجت يمي گعدت وابتسمت رجعت انا ابتسمت وياها گالت

— تصدگين إني كلش معجبة بيج يعني وحده بعمرج وكل هذا المر بيها وكل الظروف الصعبة العشتيها وبعدج واگف على رجليج وعندج امل بالحياة يُـمن تعرفين هذا الصبر العندج والقوة والإيمان نعمة من الله عليج غيرج يحلم ينولها

يُـمـن :- الحمدلله على كل حال انا ادري كل هذا اختبار من رب العالمين وانا راضية بقضاء الله وقدرة وادري هاي نعمة عليه لان لو ما ربي يحبني و يذكرني ما امر بكل هاي المصايب تدرين مرات المصايب والبلاءات كلهن رحمة من الله للبشر

— اي اكيد عاشت ايدج وفدوة الكلامج والله العظيم لو ما الله سبحانه وتعالى يحبج ما يختبرج هذا الاختبار لان المؤمن مبتلاء وانتِ إنسانة مؤمنه

— الحمدلله على كل حال

— متصعدين بغرفتي ترتاحين شوية

— لا هسه نروح البيت عمي

— بين ما يگعد بُـرهـان تعالي نصعد شوية ارتاحي

گمت وياها صعدنا فوگ بغرفتها هيَ بقت تعدل بالغرفة وترتب بالهدوم مالتها وانا بس گاعدة واباوع ساعة ونص و سمعنا بُـرهـان يصيح على ريـام

راحت تشوفه و انا بسرعة عدلت حجابي

عرفت راح نـروح دقايق ورجعت گالت يلا بُـرهـان راح ياخذج

گمت نزلت محد موجود بس ريـام وياي

هوَ طالع بالباب ودعت ريـام وطلعت بس شافني طلعت صعد ، صعدت يمه شغل ومشى

مبين عليه كلش تعبان بس جاي يكابر

من مشينا مسافة گال

— خاف تعبان عوفها الولد ياخذوني

ما جاوبني ولا انا حچيت لحد ما وصلنا للمستشفى باوعت عليه و گالت

— رحم الله والديك جاي اتعبك

— ياريت كل التعب هيج

درت وجهي بدون ما ارد وهوَ طفى السيارة نزلنا طبينا للمستشفى بوجهنا للعناية المركزة لگينا مراد موجود هناك سلمنا عليه وراها فوتوني اشوفها

طبيت محد يمها والاجهزة بجسمها وصايرة هيكل عظمي كلش متغيرة

لزمت ايدها بستها ورجعت بستها بگصتها وگعت دموعي فوگها حچيت وياها

— يما حبيبتي تسمعيني انا يُـمـن يما انذليت من بعد عينج وانطگيت وجعت وانوجعت عمامي اجو اخذوني و رجعوا زوجوني مره ثانية يما باعوني بسوار وخمس ملايين ليش هيج تعوفيني ليش مو تدرين بيه ما اعيش بدونج مو تدرين بيه فقيرة واخاف ليش تعوفيني وانا ما عندي غيرج ليششش هيج تكسر ظهري ليشش

حطيت راي فوك صدره ومتت من البچي

قرابة الربع ساعة انا يمها انوب اجى الدكتور طلعني

طلعت لگيت مـراد و بُـرهـان واگفين يحچون بيناتهم بس شافوني طلعت اثنينهم باوعوا عليه گال مراد

مراد :- ها گالبتها فاتحة

ما رديت رجع بُـرهـان گال

طلعنا من المستشفى البيت عمي گال

— البچي ميفيد والحزن مو وسيلة انقاذ

صح تعبتي بما في الكفاية بس هذه الدنيا دائماً تقسى على الإنسان الضعيف وللأسف يا حلوة انتِ كلش ضعيفه وهشة

وإذا بقيتي هيج مستحيل تتخلصين من الحزن والمشاكل صيري قويـة و اوگفي بوجه الناس دافعي على نفسج و لا تسمحين لحد يأذيج واللي يحچي وياج فوتي بعينه اليوم امج موجودة واني موجود بعد يومين ما تعرفين الزمان شنو ضاملج فـ دور البنت الحبابة الفقيرة الما ترد هذا لازم تطلعين منه لازم تتقوين وضروري تصيرين وكحه شوية حتى تعيشين

— الذنيا ما تنطيني مجال كل ما اگول خلصت و هانت وتعدت وقويت ترجع تطگني وترجعني النقطة الصفر

— اي لان من الاصل انتِ مسلمتها رگبتج المشكلة مو بالدنيا المشكلة بناس الدنيا وأذا بقيتي هيج مسلمتها تراب بعمرج ما راح ترتاحين وراح تبقين تحت رحمتهم طرل العمر

— انا ممنونه منك والله ما ادري شلون اشكرك وگفاتك وياي هواي اريد من الله يحفظك ويستر عليك

— واني اريد من الله يحفظج و يقويج ويستر عليج من شر الناس

سكتنا وبعد محد بينا حچى لحد ما وصلني البيت عمي تشكرت منه ونزلت دگيت الباب فتحته زهراء سلمت عليها وطبيت

اول ما طبيت خالتي شافتني تلگتني باستني وفرحانه برجعتي و گعدتني تسأل بيه شلوني وشـسويت وشلون عاملوني وانا اسولف الها وزهراء واگفه فوگ راسنا

من خلصنا حچى گالت

— هسه انتِ انخطبتي

شكلها تفاجأت ما جانت تدري بالخطبة ردت خالتي بمكاني

ام تميم :- اي و مو بس خطبه ومهر سيد هم عقدت

— هاا وهذا بيش احسن من اخوي حتى تاخذينه

ما جاوبتها بقيت ساكته رجعت خالتي جاوبت بمكاني

— قسمة و بعد اخوج ماله قسمة وياها

— لا والله مو قسمة بس گولي من الاول عيونها يم أبن خالة رجلها

— عيب هذا الحچي استحي

— عيب عليه ههههه والله يا خاله انوب اني اللي لازم استحي

— كافي زهراء مو جبر وعيب عليج هذا الحجي قسمة وما صارت سكتي واستحي

— اي اسكت ليش ما اسكت لان إذا ما سكتت ابنج يتزوجها مو هيج يهددني گدامج وانتِ ساكته وقابلة اسكت واني الممنونه لان إذا حچيت ياخذها ضره على راسي وراس الخلفني

يُـمن:- عيب هيج تحچين وياي مراد اخوي واخوج مالنا قسمة سوى وشگد ردت الله يكتبلنا النصيب سوى بس هوَ ضيعني من ايده بعد ماكو داعي الهذا الحچي

— اي ضيعج غير عليج الوسفة وتحچين هذا الحچي اصلاً اخوي هواي عليج والله يحبه وخلصه منج ومن عارج والله يا ربي فوگاها هيَ ام الراهي لج عيني انتِ مستواج مثل هذا الأستاذ مگرن لا يحل ولا يربط ما تريدين واحد عنده غيره مثل مناف لان ما يصرلفج

ام تميم :- يا طايحة الحظ والله اليوم اخليه يطيح حظج على هذا الحچي صبريلي

— يلاااا على اساس شلون تهموني كلكم شركاء بنفس اللعب الوصخة هاي

حچت هيج و راحت الغرفتها وخالتي ماتت وانوب باوعت عليه وگالت

— خل تولي تروحلج فدوة هاي الادب سزز معلمين على اللسانها الزفر

— لا تشيل هم عادي بقت عليها

— بس خل يجي وداعتج الا اخليه يطيح حظها

— لا عليج الله لا تحچين عوفيها تولي من حرگة گلبها على اخوها هيج تحچي

— گومي ارتاحي بالغرفة ونامي شوية

گمت للغرفة طبيت وسديت الباب وانا احس تجردت من الاحساس والمشاعر وبعد ما عندي طاقة اضوج على هيج مواضيع البيه كافيتي

بدلت هدومي وتمددت غضمت وانا اردد سبحانك لا اله الا انت اني كنت من الظالمين لحد ما غفيت ساعة وشوية وسمعت الهوسة والبيت انكلب گلاب فزيت مرعوبة كل بالي يم امي خاف صار بيها شي فتحت الباب وطلعت لگيت مراد لزملك زهراء واگع الها ركع وخالتي طابة بنصهم تفارغ بيهم وهوَ يگول الها

— بس وخررري منهااااا خررررب الگ… بنت الكلب اليوم اموتج وعلي

مدري شلون فلتت من ايده وركضت الغرفتها وقفلت الباب عليها وهوَ ركض وراها بس ما لحگ بيها بقى يدفر بالباب يريدها تطلع مدري شكو و اول مره اشوف مراد هيج فاقد اعصابة

بعدنا بهاي الهوسة وطب تميم اول كلمة گالها

— تاخذها هسه تشمرها بحظن اخوها وانعل ابوك لابو الجابك يا اغم يا الما بيك كل خير لو زلمة ومخليلك قدر وقيمة ما لعبت مرتك هيج لعبة من وره ظهرك

مراد سكت ما رد عليه انوب رجع دفر الباب و صاح بصوت عالي

مراد :- وينججج لجججج طلعييي

ام تميم :- شنو السالفة فهموني شمسوية ادري عيب عليكم كاضين الباب على بنت الناس ما تستحون

تميم :- انعل ابو الناس الما عرفوا يربونها ويربون ابنهم السگط

طب عمي اول ما فات اثنينهم الولد سكتوا وهـوَ باوع على مراد وگاله

— اخذها البيت اهلها بعد مالها گعده بيتي

ام تميم :- شكوو غير تفهوني

تميم :- مرت ابنج مخابرة اخوها ومنطيته كل السوالف واخوها من گد ما شريف رايح ماخذ بُـرهـان من بيته وبعد لو ينزل ملك من السماء الولد ما يطلع من السجن راح انتهى سيسسس

حچى هيج وصفگ بـ اديه اثنينهن ردت خالتي

— يا ستار ياربي منو گالكم

— ابو خابر وگال بنفسه مناف طاب ماخذه يعني شوفي وين يريد يوصل بحيث بنفسه يفوت للبيت وياخذه

— ومنو گالكم زهراء حاچيه شي ليش تذبونها عليها

— لا هييييَ مخابرته قبل ساعة وگايلتله حتى على تهديد مراد من مهدده يعقد على يُـمن واحد مقرب من مناف حچالي ما متبلين عليها بنت الكلب

خالتي سكتت وتباوع عليه و انا متت المسكين راح بيها الله لا ينطيج يا زهراء گون حسبي الله ونعم الوكيل

بقت قافلة الباب ما تقبل تفتحه وراه نص ساعة اندگ الباب طلع تميم يشوف منو ثواني ورجع يگول

— سيادة الشريف بالباب يريد اخته

هي بس سمعت كلام تميم فتحت الباب وطلعت لابسه وجنطتها بـ ايدها الظاهر مخابرته يجي ياخذها

واول ما طلعت لزمها مراد ونهاها نهي بحيث صوت صياحها وصل الاخوها بالشارع وبدون لا احم ولا دستور ما حسينا عليه غير طب علينا وجر اخته من ايد مـراد

بساعتها الصدمة صابت الكل شلون طب هيج شلون ما استحى ولا خاف فات النص البيت انوب لابس بدلته العسكرية يعني من الدوام وجاي عليها

ويا ما جرها من مراد باوع عليه احس انخرطت مني العافية ورجع باوع المراد وگال

منـاف :- ايدك اكسرها لو مديتها عليها

مراد سمعه هيج گال لو تخبل وانوب علگت بين مراد وتميم ومناف خالتي بنصهم و زهراء شالت جهالها اثنينهم وركض بيهم برى

لحد ما عمي حل النزاع بينهم وطرد مناف من البيت ومراد تخبل والبيت انهجم كله من وراي

ساعة ونص تقريباً والولد بعدهم متخبلين بعدين اجى اتصال التميم رد عليه بجدية وكله نعم سيدي ونعم سيدي وراها سد الخط وگعد على القنفة ميت من القهر سأله عمي

— نقلوني للحدود وهسه لازم التحق

— لا يا گ…. يا ساقط

تميم گام طلع راح البيته يجهز روحه ومراد طب الغرفة اخذ سويجة وطلع مدري وين

وعمي طب الغرفته متخربط

و انا رجعت للغرفة وهيج دموعي تصب مدري عليمن ابجي على امي على روحي على بُـرهـان المسكين الراح بيها لو على تميم النشمر هاي الشمره لو على مراد النهجم بيته

بيومها للصبح ما نمت ولا هديت للصبح دمعتي بعيني واشكي الربي واحچي وياه

والصبح بس طلع الضوه وعمي راح الدوامة بدلت بسرعة وطلعت سألتني خالتي وين

— هسه اجي رايحة البيتنا اجيب غراض وارجع

خطية شالت فلوس وانطتني گالت خليهن بجنطتج اخذتهن منها وطلعت للشارع أجرت تكسي گتله الفلان مكان وصفتله المكان اللي يشتغل بيه منـاف وصعدت

خلصت الطريق كله ايدي علي گلبي وادعي ربي ينطيني القوة و يسهل عليه الموضوع ويلين گلبه وتنحل هاي الهوسة بسلامة

لحد ما وصلت للمديرية نزلت يم الباب

وگفت خايفة وجسمي كله يرجف بعدين گلت يا رب و مشيت للحراس سلمت عليهم ردوا انطيتهم اسم مناف وگلت الهم اريد اشوفه

نادوا بالجهاز وراها بدقايق رجعوا سألوني منو گتلهم اسمي ماكو ثواني بس وصله خبر طلع شفته من بعيد اجى يمشي سريع وكل الموجودين يضربوله تحيه

رجعت ليورة خفت من شكلة لان ابد ما يبشر بخير وهوَ عيونه صارت عليه لحد ما وصل يمي باوعلي ما راضي علي جيتي لو

بـ ايدة الا يطگني بالگاع گال

حچى هيج وأشرلي بـراسه مشيت وياه للكراج لا هوَ يحچي ولا انا لحد ما شغل فتح السيارة ورجع فتح الباب وگال بصوت عالي صعدي

يــاســة

الرابع والاربعون من هنا