رواية لعبة القلوب المحرمة كامله وحصريه بقلم اماني سيد – تحميل الرواية pdf

مروه وقفت متسمّرة في مكانها، كلام حماتها كان لسه بيرن في ودنها:
“جوزناكِ أيمن عشان تبقي خدامة… وهو أصلاً مش معتبرك مراته.”
حسّت إن الأرض بتلف بيها.
بس حماتها ما سكتتش… قربت أكتر، وبصوت واطي لكن سامّ:
ـ افتكرى كلامى ده كويس
ايمن اتجوزك عشان يربّي ولاده حد يخدمهم ويخدمنا هو مكنش عايزك من الاول واحنا اللى غصبنا عليه لكن مش عشان بيعشقك.
الكلمة نزلت عليها زي السكينة، بس الست كملت:
حماتها:
ـ وبعدين انتى فاكرة نفسك إيه؟
لو بنتى كانت مكانك كان زمانها قاعدة ملكة في بيت جوزها
لكن انتى؟
أمك كانت عايزة تخلّص واحنا أخدناكي من الباب للباب…
والله لو ما بتعمليش اللي نقوله هنرجّعك بشنطة هدومك…
ولا أيمن هيدوّر عليكي ولا حتى هيسأل انتى فين
مروه عضّت على شفايفها من القهر، دموعها بتجري من غير صوت..
بعدتها عنها حماتها كأنها حشره ونفضت اديها ودخلت مره المطبخ وفضلت تعيط ومس عارفه تاخد قرار خايفه تاخد قرار تندم عليه بعد كده
قررت انها تستنى لما أيمن يجيى وتكلمه يمكن ينصفها المره دى
وبدأت تخلص الشغل اللى وراها عشان تطلع شقتها بسرعه
فى مكان اخر
كان ماتش الشطرنج لسه مستمر وكل واحد منهم بيلعب بتركيز عشان يكسب الرهان
وقفت اللعبه وقال كش ملك
وهنبدأ اللعبه
مين قال كش ملك ؟؟
هل أيمن هياخد موقف ؟؟ ولا هيكمل ظلم ؟