(كبرياء ادم & انتقام حواء)
وقفنا في نهاية الحلقة عند وليد وهشام
فلاش باك
وليد: العمليه دي هننزل احنا مصر
هشام : هبقى اتصل بالبوص اعرف الأخبار
وليد: طب انا ماشي براحتك
هشام: رايح فين
وليد : هههه اول مرة تسألني السؤال دا وأظن مش من حقك .
هشام: ليه انا أبوك
وليد بسخرية: ههههه ابويا دا امتى دا انت عمرك ما كنت ابويا ولو كنت فأنت فقدت الحق دا من ساعة الحصل زمان وانت عارف فبلاش تجيب سيرة الابوة.
هشام: انت بردو مصدق اني انا اللي قتلتها
وليد: ماتجبش سيرتها وبعدين انا متاكد انك انت ورا اللي حصل
وسابه وليد ومشي
وكان هناك من يسمعهم
الشخص طلع الفون
الشخص : ألو يا جوكر عايز اقابلك ضروري
الجوكر: ماشي تعالى في المكان بتاعنا بس اوعى حد يشوفك
الشخص: الامبراطور هيكون موجود
الجوكر: اه طبعا هو والكينج
الشخص: تمام .
واغلقو الخط
******************************
في مبنى المخابرات بالصحراء
فهد : ازاي يا فندم حضرتك تشغل بنات معنا في المهمة دي .
فيروز: انت ازاي يا فندم تشغل معنا ظباط جهلاء ميعرفوش ان البنت زي الراجل .
استوب
فيروز محمود الهراوي عندها 25سنة بتحب المخابرات ودخلت فيها عشان تجيب حق اخوها الضابط اللي اتقتل وهي ملهاش حد ابوها وامها ماتو وعيلتها اتخلو عنها ملهاش غير ندى صحبتها بس وهي واسلام اخوات في الرضاعة عشان كان اسلام لي أخت اد فيروز بس ماتت وهي عندها 13 سنة بس هو مش عارف فيروز عشان مشافهاش من 10 سنين.
نرجع تاني
فهد: مين ده اللي جاهل ياحيوانة لولا انك بنت كنت عرفتك شغلك.
فيروز: ولا تعرف تعمل حاجة يا جاهل .
فهد : يا بنتي انا ماسك نفسي عنك بالعافيه
فيروز: وتمسك نفسك ليه وريني هتعملي ايه .
اللواء : بس هو انا ماليش احترام في وستكم انتو الاتنين ده منظر اتنين هيشتغلو مع بعض
فيروز: نعم اشتغل مع البني آدم ده من رابع المستحيلات.
فهد: لا حوشي انا اللي بجري وراكي يا بت
فيروزوهي ترفع صوابعه في وشه : مسميش بت انا اسمي المقدم فيروز.
فهد بضحك:مافيش شيوبيس اناناس اصلي بحبها اوي.
والكل ضحك
امير: لا انا عايزها رمان.
اللواء : بس سكوت محدش يتكلم غيري
انتو هتبقوا فريق واحد لازم تهدوا ومافيش حد هيتغير من الفريق يلى على المعسكر.
مشيت فيروز هي وندى
وهما رايحين الأوضة
فهد واقفهم: بوصي يا حلوة هتشتغلي معايا يبقى تمشي على نظامي
فيروز : بوص يا استاذ فهد ولا عجل انت أهي كلها حيوانات انا اللي بيتحداني بندموا على اليوم اللي اتحداني فيه سلام يا استاذ كلب.
الكل ضحك
امير: ردتهالك يا معلم ذكية أوي البت دي
فهد : امير امشي من قدامي دلوقتي
امير : طيب سلام
فهد : انا هوريكي تتحديني ازاي يا حلوة.
************&*****************
في شركة الشربيني العماره
مازن : المهندسين بتوع الجامعات هيجو امتى
أسر : انا بعت الفاكس ليهم وهما ردوا عليا وقالولي أسبوعين كده
مازن : أسبوعين ايه يا أسر احنا هنهزرقولهم هما أسبوع بس مفهوم
أسر : حاضر
مازن : عملت ايه في المناقصة بتاعت شركة الاسمنت
أسر : رسيت علينا بس طبعا بعد عذاب
مازن : هي عمتي دي بقى مش هتتهد
أسر : معرفش دي بتحاول تتدمرنا باي طريقة
سيبك انت متنساش عيد ميلاد اسيا النهاردة
مازن : مش ناسي انتو هتعمل الحفلة بكره
أسر : ايوه
مازن : اوك بس يا خسارة فهد مش موجود
أسر : ربنا يعيننو اسيبك انت بقى سلام .
*****************************
في المستشفى
في وقت البريك
آسيا : أسيل خلصي بقى ده كلو في الحمام البريك هيخلص
أسيل : خارجة اه يا ختي مستعجلة على ايه
(على فكرة آسيا متعرفش ان أسيل قريبة ولاد عمها لأنها مشفتهمش قبل كده
لكن أسيل تعرف من اسمها بس هما الاتنين صحاب أوي)
آسيا : النهاردة عيد ميلادي وما فيش حد فاكر حاجة.
أسيل : طب ما كفاية انا فاكره
آسيا : اسكت يا مجدي بدل ما اضربك
أسيل : لاكدا كتير يعني انا اخلص من مراد وجاسر انتي تطلعيلي
آسيا : انا اللي اخترعت الاسم الأول
أسيل : ومالك فخورة اوي كده ليه يا ختي
آسيا : يلا يا ختي البريك خلص
أسيل : يلى
لسه هيقومو فون آسيا رن
آسيا : ازيك يااسورة عامل ايه
أسر : تمام كل سنه وانتي طيبة ياقلب أسر
آسيا : وانت طيب ياحبيبي بجد انت فاكر عيد ميلادي .
أسر : ودي حاجة تتنسي احنا عملنك حفلة بكره انا بقولك عشان تعزمي اصحابك
اسيا: ماشي يا حبيبي ربنا يخليك ليا بأي
اسيل: شوفتي ظلمتيهم ازاي اديهم عملنك حفلة مين ادك
آسيا : طبعا انتي جايه الحفلة بكره
أسيل : انتي عارفة يا آسيا بابا وجاسر
آسيا : عشان خطري تيجي انتي لو مجتيش انا مش هروح
اسيل: بس ياهبلة دي الحفلة عشانك طب بوصي غطي عليا لحد ما اروح الشركه عند جاسر واجي عشان اقنعو
آسيا : ماشي يلى روحي
****&&***********************
في جامعة القاهرة قسم الهندسة
في مكتب العميد
العميد: طبعا انتو عارفين ان الأوائل على الضفعة بيدربوا في كل شركات العمارة الناجحة وانتو تدريبكوا هيبدا من بكرة
روما: في شركة ايه اول تدريب يا دكتور
العميد: اول تدريب في شركة الشربيني للعمارة
هنا : نعم 
العميد: في حاجة يا هنا
هنا: هو لازم يا دكتور أحضر التدريب دا
العميد: أيوة يا هنا انتي عارفة عشان تاخدي الدرجات النهائية لازم تقضي تدريبك كلو
ولو في اي مشاكل حليها عشان كده هياثر على مستقبلك وانا بعزك زي بنتي وضائف انك هتبقي مهندسة شاطرة
هنا: ربنا يخليك يا دكتور وانا اوعدك اني هاجي بعد اذنك
العميد: اتفضلوا وبكرة تتجمعوا الساعة7 هنا عشان الانترفيو
روما في سره: جايلك يا ابن الشربيني
وخرجوا من مكتب العميد
هنا: تعالي نشوفهم قاعدين فين
روما: هناك في الكافيه اه
روما: ازيكو ياشباب
حمزة: اهلا بالناس الدحيحة اللي طلعين من الأوائل .
روما: أعوذ بالله قل اعوذ برب الفلق ابعد يا شيطان
سيف: أيوة عيال دحيحة مش بيفصلو
هنا: روما اه حاسة اني جالي شلل خماسي في دراعي وقلبي بيوجعني كل خمس ثواني ورجلي مش شايلني وبتلف بيا خمس مرات (وعاملة تخمس في وش سيف وحمزة )
سيف: ايه يا بت كمية الخمسات دي انتي بتخمسي في وشي
روما: اسكت يا حمزة مش انا كشفت عند دكتور يوم الخميس الساعة خامسة والعيادة في الدور الخامس وقالي هتعملي خمس عمليات وهيتكلفوا خمس الاف جنيه. ( وكانت بتخمس في وشة )
حمزة: والله دا كان امتى وبعدين ما انتي قاعدة قدامي زي القرد اه
روما: الله وأكبر خمسة وخمسة عليا عينيك مدورة
همسة: سيبك من العيال الفشلة دي قوليلي هتتدربي فين ياهنا
هنا برتباك : في في في
همسة : انتي علقتي
هنا: في شركة الشربيني للعمارة
سيف بزعيق: نعم
همسة: يا نهار اسود البت مستقبلها ضاع
سيف: شركة ايه
هنا: والله ما ليا ذنب المعيد هو اللي قالي وانا وفقت
سيف بزعيق: وانتي بتوافقي من دماغك و انا مش موافق
هنا: وهو انت ولي امري انا هقول لمراد وبابا انت ملكش دعوة
سيف: مين اللي ملوش دعوة اتكلمي عدل يا بت بدل ما أمد ايدي عليكي
هنا: وريني اعملها كدة لو راجل
سيف ضربها بالقلم
سيف: القلم دا بس عشان تتعلمي تتكلمي معايا ازاي
ومسكا من الطرحة
سيف: وانا راجل يا روح امك عشان انا لو مش راجل كنت علقتك دلوقتي ادمهم كلهم
حمزة: خلاص يا سيف اهدى الناس اتلمت
روما: خلاص يا سيف كفاية
هنا بتوجع: ابعد عني الطرحة يا حيوان
روما: بس يا هنا كفاية وانت سبها
سيف ساب هنا ومشي
وهمسة راحت وراه
روما اخدت هنا في حضنها وهنا بتعيط
روما: ايه اللي انتي قولتيه دا يا هنا
حمزة بغضب: حلو يا هانم اللي حضرتك عملتيه دا بتشتميه ادمنا كنتي قومي اديلو قلمين.
روما: حمزة اهدى شوية
حمزة: أهدى عشان الهانم بتزعق لخوها عشان خايف عليها
هنا بعياط: والله ما كنت اقصد هو استفزني
حمزة: استفزك عشان خايف عليكي قومي يلى اعتزريله.
روما: براحة يا حمزة هي ما قتلتش قتيل يعني
حمزة بزعيق: وانتي اخرسي خالص عشان انتي اللي مشجاعها على قلة الأدب دي لو كنت انا بسكتلك او سيف لما تمدي اديك علينا مش معنى كده إننا خائفين منك بس عشان احنا بنعملك كااخت لينا فبلاش تشجيعها على الغلط.
روما : يا دا انت شايفني وحشة اوي معلش انا بشجعها على الغلط اصل انا بنت مش متربية معلش اصل ملقتش حد يربيني تقول ايه بقى وحدة سايبة اهلها وعايشة معاكو مش متربية بقى وعموما انا مش هاجي جنبك تاني ولا جنب اي حد فيكو عشان اخلقكو متبوظش
سلام يا هنا.
ومشيت روما وهي بتعيط
هنا: ايه اللي انت قولته دا انت متخلف انت اكتر واحد فينا عارف روما وعارف ظروفها
حمزة بزهق: هي مش ناقصكي انتي كمان
هنا: مش ناقصني ماشي بس بعد كده انت ملكش دعوة بيا نهائي انت فاهم انت مجرد زميل في الجامعة بس مش اكتر من كده سلام.
******************************
عند همسة وسيف
همسة: استنى يا سيف انت رايح فين يا سيف مش هجري وراك أقف الناس بتتفرج
سيف بخنقة: نعم جايه ليه
همسة: جاي ليه جاية ليك انت مالك اهدى
سيف: لا معلش اصل اختي بتقول عليا مش راجل
همسة: أهدى يا سيف انت عارف هنا متقصدش وان هنا طيبة وبتقول اي كلام وقت غضبها وانت بردوا مكنش ينفع تمد ايدك عليها ادامنا
سيف : همسة سبيني لوحدي
همسة: بس
سيف بزعيق: انا قولتلك سبيني لوحدي
همسة : حاضر
ومشيت همسة
بعد قليل دخلت هنا
وكان سيف قاعد سرحان
هنا بعياط: سيف انا اسفة
لا رد
هنا: ونبي يا سيف ما تزعل خلاص والله ما هعمل كده تاني
سيف: لا رد
هنا: والله لو ما ردت عليا هرمي نفسي تحت العربية
سيف: لا رد
مشيت هنا عند العربية وكانت العربية ماشية
العربية فرمان على اخر لحظة
سائق السيارة: انتي عامية يا انسة انتي ولا مجنونة
سيف: متحترم نفسك يا راجل انت انت اللي هتخبطها وبتتكلم
سائق السيارة: هي اللي واقفة زي المجانين
سيف: مين اللي مجنون متخلنيش أمد ايدي عليك وانت اد ابويا
هنا: خلاص يا سيف احنا اسفين يا عمو
سائق السيارة: بلا اسفين بلا زفت عالم مجانين
وركب عربيه ومشي
وسيف وها وقفوا يبوصوا لبعض وفجأة ضحكوا جامد
سيف: شوفتي جبتلنا الكلام من عم كرنبوه
هنا: ما انت مش راضي ترد عليا وانت عارف اني بكره الحركة دي
سيف: وانتي كنتي عايزاني ارد عليكي بعد ما شتمتيني
هنا: خلاص يا عم المسامح كريم وبعدين ما انت اداتني قلم محترم .
سيف: احسن تستهلي
هنا: خلاص بقى يا عم فوكها
سيف:لا رد
هنا: والله لازم تضحك ( وزغزغطه
سيف: ههههههه مش قادر هههههه
هنا: انتي بتركبي الهواء يا بيضة
سيف: طب تعالي بقى وقعدوا يلعبوا
دخلت همسة
همسة : أيوة يا حلوين اتضحكوا وانا اجي اكلمك تزعقلي
سيف: خلاص يا اختي اسفين انتي عارفني لما بضايق
همسة : خلاص عفونا عنك
سيف : امال حمزة فين
هنا بضيق: متجبليش سيرته
سيف : ليه
هنا وسردت له كل اللي حمزة عمله
سيف: حمزة الدبش
همسة : طبعا مش صاحبك
سيف: بتقولي حاجة يا همسة
همسة: لا طبعا حبيب قلبي
سيف: ماشي يااختي قوموا نمشي يلى
هنا: تعالى نروح عند مراد الشركة
سيف: اه تعالو نغلس عليه شوية وجاسر معه
******************************
عند مراد وجاسر في الشركة
مراد: خلصت كل حاجة عشان المنتدى
جاسر : ايوه انا عايز اعرف انت عايز تعمل المنتدى هنا ليه
مراد: عشان شركتنا تعلا اكتر وعشان اختك أسيل تتباهى في المنتدى اللي دي شركتها
جاسر: مجدي يتباهى دي اصلا مش هتقول اني أخوها
وهنا دخلت همسة وهنا وسيف
هنا : ابيه مراد مش انا هنون حبيبتك عايزة منك خدمة صغيرة
مراد : مش مطمنلك
سيف: انا قولت لا يعني لا يازفتة انتي
مراد : عايزة ايه يا هنا
هنا : عندي تدريب تبع الجامعة في شركه
مقاولات
مراد : طب وفيها إي طب اي مهندس محترف بيمر على كل شركات المقاولات المشهورة طب طب مانتي الجاولاة اللي الجاية هتبقي عندي في الشركة.
هنا : يعني انت موافق على التدريب بتاعي
مراد :ايوه
سيف : استنى بس يا بش مهندس قوليلو التدريب في شركة ايه
مراد : في شركة ايه ياجماعة اخلصو
هنا بارتباك: شركة الشربيني للعمارة
مراد : نعم يا ختي
هنا : أهدى يا ابيه مش انت لسه قايل لازم اي مهندس شاطر يمر بكل الشركات.
مراد: ايوه يا هنا بس انتي عارفة اللي فيها وإذ انا وفقت بابا مش هيوافق
جاسر : ملكش دعوة يعني عمو سامح جدو هيظبطو
هنا : حبيبي يا جسورة
جاسر : إي خدعة عدي الجمايل
مراد : استنى يا عم هو انا وافقت
والتدريب دع لمدة اد ايه
هنا : شهر
مراد : وانا مش موافق
هنا : عشان خطري انا مش هضيع مستقبلي عشان ناس زي دول انا لازم اعدي على كل الشركات عشان أحقق حلمي مش عشان الناس دي حلمي يدمر وعيطت
مراد : خلاص يا حبيبة قلب مراد بطلي عياط اه رايك انا موافق
هنا : بجد انت احلى أخ في الدنيا
همسه لسيف وجاسر اتعلمو
جاسر : يا ختي اتلهي.
جاسر :كفاية أحضان بقى عشان انا بغير
مراد :وانت مالك يا اخي عندك اختك قوم احضناها وبعدين بتغير من ايه يا حيوان
جاسر :فهمتني غلط يا بوص دي هنا اختي صح يا هنون
هنا : وانت تقدر تقول غير كده.
أسيل : ازيكم عاملين ايه يا شباب
مراد:مجدي جه كمان كده كملت
جاسر : انت صح مجدي جاي عايز ايه
اسيل: اه بلاش اجي اسلم على جسورة وريدو
حبايب قلبي
مراد : جسورة وريدو شامم ريحة مش حلوة في الموضوع
جاسر : نفس اللي انا شمامها عايز ايه يا مجدي اخلص
اسيل: على طول اقفشني كده على طول عايزة اروح عيد ميلاد صحبيتي
جاسر: وانتي عاملة ده كلو عشان عيد ميلاد صحبتك طب ماتروحي
أسيل : مش لما تعرف هو فين
جاسر : فين يعني
أسيل بارتباك : عند آسيا الشربيني
سيف وهمسه بضحك: يا سبحانك يا رب هنموت مش قادرين
همسه: يلى يسطا نمشي احنا بدل ما تطير فيها رقاب
سيف: يلى ازميلي سلام يا جماعة يلا يا هنا ومشيو مسخسين على نفسهم من الضحك
اسيل: اه يا جزم سبتوني ومشيتو
جاسر بعصبية: قولتي فين ياروح امك في فيلا الشربيني امشي من قدامي بدل ما أوديكي المستشفى اللي انتي جايه منها على ناقلة
مراد: أهدى يا جاسر وانتي هتروحي هناك تعملي ايه
أسيل : انت عارف يا مراد ان انا وآسيا صحاب جدا وهي عيد ميلاده بكره وعمله حفلة وهي مصره اني احضرها
مراد : خلاص يا أسيل روحي الحفلة وملكيش دعوة بجاسر وابوكي انا هخلي جدي يكلمه
اسيل: شكرا يا ابيه انا ماشية باي
جاسر : انت ازاي تعمل كده يا مراد انت بتردهالي.
مراد : احنا مش هنوقف حياتنا عشانهم احنا هنعمل اللي احنا عايزينو لازم نمشي ومنقفش عندهم مش نديهم فرصة يكسرو فرحة اي حد فينا
جاسر :خلاص يا مراد أهدى سيبك انت أخبار المزه اللي كانت هنا ايه 
مراد : يا اخي كتك نيله انت في ايه ولا ايه
جاسر : انا في اللي محيارة قلبي
مراد : انت بردو مش هتقولها الحقيقة
جاسر: خايف اوي يا مراد عليها
مراد: طب انت هتقدر تشوفها ادمك
جاسر: مش قادر يا مراد بتقطع كل يوم حبي بيزيد ليها مش عارف اعمل ايه
مراد: سبها على الله
جاسر: ونعمة بالله انا ماشي سلام
مراد : سلام
******************************
بليل على السطوح
همسة : الرحلة طالعة امتى يا بني
سيف : أهدي أبت كده لسه هروح اشوف بكره
همسة : هي هنا طالعة
سيف: زفتة مش طالعة هتبدا تمرين الأسبوع ده
همسة: صلحت زينة
سيف: ايوه صلحتها
همسة: ربنا يهني سعيد بسعيده
سيف: ماشي يا ختي شكرا
همسه:سيف هقولك على حاجة بس متتعصبش عليا
سيف: قولي
همسه: مصطفى جاليا النهارده وقالي انو بيحبيني
سيف: نعم يا روح امك بيحبك وانتي قولتيلو ايه
همسة: أهدى بس انا قولتو انك زي اخويا وهو تقبل الموضوع وقالي ماشي وانا مش هضغط عليكي
سيف: ابن***** ماشي انا هوري
همسة: سيف أهدى كده بس
سيف: انتي بتحبيه
همسة : لا طبعا
سيف: مصطفى ده عيل صايع ولو قالك حاجة تاني تعالي قوليلي ماشي يا همسه يا حبيبتي انتي عارفة اني بحبك زي هنا واكتر
همسة : ماشي ياسيفو يلى بقى عشان انزل أقول لمراد يدخلك عشان انا عايزه انام
سيف: يلى يا ختي
ونزلو
الجد كان قاعد مع سامح واشرف بيحول ينفعهم ومراد وجاسر معاهم
الجد: خلاص بقى ياسامح خلي البت تروح عشان تحقق حلمها وبعدين هو انت هتخبي عيللك مسيرهم في يوم هيعرفو وانت يا أشرف خلي البت تروح العيد ميلاد عشان خطري خليها اتبسط وانا ده كلامي ولو ما تنفذه لا انتو ولادي ولا انا اعرفكم
أشرف وسامح: خلاص يا بابا احنا موافقين بس اهم حاجة رضاك علينا
الجد : ايوه هما دول ولادي اللي انا اعرفهم
وكانت اسيل وهنا واقفين برا على نار
خرج جاسر ومراد وهما بيبصوا لبعض وغمزوا لبعض
هنا واسيل: وافقو
جاسر : لاسف لا يا هنون
مراد : معلش يا مجدي خيرها في غيرها
هنا واسيل : كنا عارفين اصلا
مراد وجاسر : وهما ييضحكو : على فكرة هما وافقو
هنا واسيل : صوتوا من الفرحة وحضنو بعض وراحوا شغلة اغنية ولا وهملوها الرجالة وفاعدو يرقصو
سيف وهمسة نزلة
سيف: في ايه يا جماعة هي الثورة قامت تاني ولا ايه ودول بيرقصو ليه
جاسر: لا يا خويا اصل ابوك وعمك وافقو
همسه : بجد مبروك يا بنات ونزلت ترقص معاهم
مراد: دول اتهبلو
وخرج الجد وسامح واشرف وواقفو فرحتين
همسة : حيث كده انا كمان هطلع الرحلة انا والواد سيفو
الجد: ماشي يا حبيبت جدك خلي بالك منها يا سيف
سيف: ولا أعرفها
همسة : ما هو ده العشم برضو يا سيفو وبعدين يا جدو انا اللي بدافع عنوا اصلا
و جاية عشان اقول لمراد عشان يدخلو البيت
مراد : وانا قولت لا
همسة : مش عشانو والله بس هيقرفني انا طول الليل ومش هعرف انام من الخبط
مراد : ماشي عشان خطرك بس
سيف: ربنا يخليك يا رب يا مراد واشفك في بيت العدل يارب
مراد : ماشي يا خفيف
الجد يلى ادخلوا نامو يلى
دخلت اسيل واتصلت على آسيا وقالتلها ان ابوه وافق
******************************
في أوضة سيف
سيف : وانت أضيقت ليه لما قالتلك انو بيحبها
القلب: يمكن غيران
العقل : أغير ايه انت اهبل دي همسة يعني اكتر من اختي
القلب: طب مايمكن فعلا أكتر من اختك وبعدين مسيرها في يوم هتحب وتتجوز
العقل: وانت زعلان ليه هي اختك وبس
القلب : انا مش زعلان انا بس مش قادر أتخيل ان حد تأني يخدها
العقل: ما يمكن حبتها
القلب: لا طبعا همسة اختي وهتنها كده وبعدين انا بحب زينة
العقل: زينة ايه احنا هنصيع على بعض انا عارف انك شوية وهتفركشها انت حبيتها
القلب : لا
العقل: حبيتها
القلب: لا
سيف: بس
وقفل النور ونام
**&***************************
في القصر
وكانت آسيا لسه واصله البيت وأول لما فتحت الباب النور اشتغل وكلهم مفاجأة كانو عملنلها عيد ميلاد
اسيا: مش معقول كل ده عشاني بس احنا عاملين الحفلة بكره
مازن : سيبك من بكره النهارده دي حفلتك انتي يلى عشان تطفي الشمع
غنولها وطفت الشمع
ومازن راح وده هديتها قالها كل سنة وانتي طيبة وأسر برضو ورنا ومازن ادها الهدية اللي فهد كان جايبهالها
ادم: يلى يا جماعة دلوقتي جه وقت هديتي
مازن: يا ما جاب الغراب لأمها
آدم : انا غراب مقبولة منك يا ميزو
وراح جاي مغني النهارده عيد ميلاد بتاعت حماده هلال ولبسها السلسة وهي بيغنلها
اسيا: شكرا يا دومي حلوة اوي
ادم:وانا عندي كام آسيا
مازن: طب يلى يا حنين عشان اسيا تنام عشان بكره يوم طويل
ادم:حاضر يا ميزو يلى يا روني عشان ننام
أسر :مسكه من هدومه روني هتطلع تنام معايا انا يا روح امك مفهوم وبعدين اسمها الآنسة رنا ولا عايز امسي عليك زي ما صبحت عليك الصبح
آدم طلع يجري على اوضته
أسر : اه يا مازن بكره المهندسين بتوع التدريب جاين الجامعة جابتهملك بدري
مازن: ماشي بس احنا هنيجي بدري بكره عشان الحفلة
أسر :اوك
في اوضتة اسيا كانت بتكلم اسيل
آسيا : هنتقابل بكره عشان نروح نجيب الفساتين
اسيل: ماشي هنتقابل الساعة 9 عند المطعم****
آسيا : ماشي سلام
اسيل: تصبحي على خير
اسيا: وانتي من اهل الخير.
دخلت آسيا الأوضة تشوف الهدايا
فتحت هدية اسر كان لقت بوكس فيه شوكلاته وفي المنتصف سماعة دكتور ومعها سلسلة بها صورتها ويوجد ظرف فتحت آسيا الظرف
( امي الغالية آسيا انا بقولك اني لأني بحسك امي بحد مهم اني انا أكبر منك بس انتي الوحيدة اللي بحس معها براحة وبحس اني ابنك لما تكلميني نفسي اشوفك فرحانة طول العمر ولا اشوف دموعك ابدا انا جابلك سماعة دكتور هدية لأني عارف انك بتحبي مهنتك وكتبتلك عليها ( هدية من ابنك لأمي الغالية)
اختي وحببتي آسيا كل سنة وانتي امي الغالية ابنك اسر!!!!!!!!!)
مسكت آسيا الظرف وحضنته
اسيا: ربنا يخليك ليا يا احلى اخ
وبعد ده فتحت هدية رنا
رنا جايلة ليها بوكس ميك اب
وظرف فتحت آسيا الظرف
( اختي آسيا صحبتي الوحيدة كل سنة وانتي طيبة وانا بحبك انا مش عارفة اقولك ايه غير إم حياتي ملهاش طعم من غيرك انا كل يوم بخاف انك تتجوزي وتسبيني انا جايبة ليكي علبة ميك اب لأنك وحشة لا بس لأنك دي حاجة هتكون مميزة عندك ومش هتبوظ ولا تترمي ولا تتخلص لأنك مش بتستعماليها فهتكون ذكرى معاكي بحبك اوي ياثحبتي )!!!
اسيا:وانا كمان بحبك يا قلب صحبتك
وفتحت هدية مازن عبارة عن مصحف بالون الوردي ومتطرز وظرف فتحت الظرف
(بنت عمي وصحبتي وحب مراهقتي الاول هههههه متضحكيش انتي عارفة انك حبي الأول بس هعمل ايه بقى أول لما كبرت شوية ملقتش غيرك كل لما افتكر الحركات الهبلة اللي كنت بعملها عشان ألفت انتبهك بتضحك ويوم ما جيت اقولك اني بحبك انتي ادتيني محاضرة وأني معجب بيكي عشان انا في سن مراهق وكده استغربت ازاي انتي بالعقل دا كله وانتي كان عندك 12 سنة بس الصراحة علمتيني الأدب ودلوقتي انا بقولك بحبك بس بحبك يا احلى أخت وجبتالك مصحف عشان تكون هدية غالية زي المصحف غالي كل سنة وانتي طيبة يا احلى واغلى حب مراهقة!!!!!!! )
اسيا بضحك: وانت طيب يا ميزو
اسيا: نشوف هدية آدم اكتر حاجة خايفة منها يا رب استر
وفتحت العلبة وجدت ليفة وصابونة وكمامة وجاوينتي وظرف
( جبتلك ليفة عشان تستحمي وصابونة ديتول ب2.5 ج دافع فيها دم قلبي على فكرة
ومتخليش البت روني تستخدمها عشان مرضيتش تتدفع معاي وجايبلك كمامة سليمة ب1.5ج من الصيدلية قولت عشان الكرونة منتشر بقى وكده وجاوينتي عشان العمليات ابقي خالي بالك عليها ومتلبسهوش عشان اتقطع وانا باخده من العلبة بتاعتك اللي في المكتب اصل الصراحة لقيته2ج استغليت وقولت ليه ما احنا عندنا علبة وبعدين انا صارف ومكلف اه يا حسرة قلبي على الستة جنية أمانة عليكي شوفيلى شغلانة عندك في المستشفى عشان 6ج دول استلفتهم من مازن والمعفن كتبتي بيهم وصل أمانة يلى بقى كلو يهون قدامي يا مزتي انا مش عارف انتي مش راضية تتجوزيني ليه يا ستي لو على فرق السن عادي بس الفقي مالكيش دعوة انا كل ما بكلمك في الموضوع بتفتكري بهزر انا عايزة اجوزك بجد بحبك يا بنت عمي )!!!!!
اسيا بضحك : الواد اتهبل الستة جنيه قصروا على عقله قال بيحبيني قال دا اد ابني
اسيا: كده خلصنا نقوم ننام لسة قايمة رجليها خبطت في حاجة لاقت بوكس
اسيا: ايه دل هو فاضل حد تاني اه دي بتاعت فهد طب افتحها ولا لا انا تفتحها وخلاص
فتحت البوكس لاقت مسدس متزين وظرف
اسيا: مسدس اما نشوف كاتب ايه
( عزيزتي صديقتي المخلصة بنت عمي الحبيبة كل سنة وانتي طيبة والاجمل ويا رب تيجي السنة الجاية وانتي مسامحني انا عارف اني عملت حاجة متتغفرش بس عرفو برضو ان صاحبة عمري اجدع مني وهتسامح كان نفسي اشوفك السنة اللي فاتت وانتي بتتخرجي لكن ربنا ما اردش كده فاضل الحلم التاني ليا وليكي وهو اني اسلمك انا لعريسك واكون وكيلك ودي الحاجة اللي مش هتنازل عنها ابدا يادوك جبتلك مسدس عشان عارف ان دا سلاحك يا ***** وأنك تربيتي يا صاحبتي سامحني يا صاحبي )!!!!!
أغلقت اسيا الظرف وظلت تبكي يا ريته كان ينفع يا صاحبي بس انت دمرتيني ونامت على السرير.
******************************
في أمريكا
في غرفة نور
نور ماسكة صورة بابها وبتعيط
نور: الله يرحمك روحت وسبتيني لمين يابابا
لأم معندهاش قلب ولا لعمى تاجر مخدرات وكل حاجة شمال وعايزه يجوزني ابنه اللي زيه عشان ياخد ورثي مش مكفيه كل اللي معه انا تعبت يابابا امتى هجيلك بقى!!!
الباب خبط
نور: مين
عبير: انا يانور
نور : اتفضلي
عبير: عمك وابنه تحت يلى عشان تنزلي
نور : قولتلك مش نازلة
عبير: يانور يا بنتي انا مش قد عمك هيطلع ياخدك بالعافية
نور: انا عايزة افهم انا مش بنتك
عبير: مسيرك هتعرفي الحقيقة قومي ألبسي
ونزلت عبير
نور : وانا لازم افهم الحقيقة ياى يانور متبقيش ضعيفة
ولبست فستان موف وخمار ابيض وجزمة سودة ونزلت.
دخلت الصالون كانا ممامتها قاعدة عمها بيتكلم معها ووليد فاتح الفون.
هشام بخبث : اهلا بعروستنا
رفع وليد عينيه وجد بنت تتالقى بفستانها الموف والخمار الذي يزيد بشرتها جمال فقال في نفسه: صاحبة الرداء الموف
فاق وليد من شروده على صوت نور
نور: اهلا يا عمي
هشام: مش تسلمي على عريسك
نور: ومين قال لحضرتك اني موافقة
هشام بغضب: انا هسبلك فرصة تفكري بس الرد يبقى موافقة.
نور بسخرية: وليه تاعب نفسك وهتتديني فرصة ما زيها زي قلتها
هشام: بت اتكلمي معايا بحترام
نور: وهتكلم بحترام مع ناس مش محترمة ليه
وليد : ماهو انتي هتبقي من الناس دي …
******************************
يا ترى ايه اللي هيحصل مع نور هل هتجوز وليد ولا القدر لي راي تاني ؟؟؟؟؟
وايه اللي بيخلي وليد يكره أبوه والقدر هيلعب لعبته مع وليد ولا لا؟؟؟؟؟؟؟
وايه اللي حصل بين فهد وآسيا من حك سنين خلالها كرهته هل كان حب ولا سبب تاني؟؟؟؟
وايه اللي هيحصل بين اسر وروما ؟؟؟؟
هنا هتسامح وتكمل مع علتها ولا لا؟؟،،،
حمزة هيعمل ايه لروما عشان تسامحه؟؟؟
وسيف القدر لعب معه لعبة صداقة طفولة اتحولت لحب؟؟؟؟؟؟؟؟
ومين هو الجوكر ومين الإمبراطور والمسنجر ومين اللي بينقلهم الأخبار ؟؟؟؟؟
وايه اللي هيحصل مع الفهد في المعسكر وهو معه فيروز؟؟؟؟؟؟
*****************
