في شقة سامح
همسة: في ايه يا سيف ماسك الحزام ليه
سيف: مافيش يا حببتي ايه مش تيجي تقوليلي ازيك يا جوزي يا حبيبي يا ابو إبني
همسة: انت صدقت يا عم دا انا بهزر معاك يا سيفو
سيف: تهزري معايا يا بنت الجزمة تلبسيني عيل دا انا هوريكي وطلع يجري ورها حول السفرة
همسة: أهدى يا سيف عيلة وغلطت
سيف: طب تعالي بقى اعرفك غلطتك
ودخل جاسر
جاسر: ايه دا يا شوية عيال بتجراو ورا بعض اسكتو وقولولي في ايه
همسة: اقولك انا في ايه بس تجبلي حقي منه
جاسر: انطقي
همسة بتمثل العياط: انا كنت قاعدة هنا لوحدي بفرج وماسك الفون دخل سيف قولتلو اجبلك تاكل عشان عمتو مش هنا قالي في حد في البيت قولتلو لا قالي طيب وبعد كده وعملت نفسها بتعيط
جاسر: اخلصي قالك ايه
همسة: قالي هاتي بوسة
سيف بذهول: نعم
جاسر: نعم يا اختي
همسة: قولتلو عيب يا سيف احنا اخوات ومتربين مع بعض جري ورايا زي ما انت شوفت ومثلت انها بتعيط اوي بجد
سيف: برافو بجد شابو ليكي انا كسيف صدقت ادائك مقنع بس لو كنتي بهدلتي الطرحة كان الدور هيتظبط
همسة بتلقائية: المرة الجايه
جاسر: نعم يا اختي انتي وهو انتو مقاضينها هنا
همسة: لا والله هو اللي بيتغرغر بيا
سيف: بتغرغر بيكي ايه دا انتي شبه حمزه صحبي وهو احلى
همسة : سامع بيقول ايه
جاسر : سامع يا اختي والمشكلة اني مصدق ضحكتيني يا اختي بيقولك هاتي بوسة
سيف: يا نصبتي يادي الحوسة الواد فكرها كوسة.
جاسر: اديلو ولا ايه
همسة: انت بتهزر بدل ما تجبلي حقي
جاسر: اجبلك حقك دا هو لو كان عاملها كنت هقول عليه لا مؤاخذة وأخاف على نفسي منه
همسة: نعم تخاف على نفسك اصدك ايه
جاسر: ولا اصدي ولا اصدك انا داخل جوا وانت هي عندك أهي بس من غير صوت وتعالى عشان عايزك
سيف: من عيوني
ومشي جاسر
سيف: كنتي بتقولي ايه يا قطة اني بوستك خلاص تعالي نخلي الحلم حقيقة
همسة: لاااااا وطلعت تجري على بيتهم
سيف: ههههههه
******************************
دخل سيف لجاسر
جاسر : بوستها ولا لسه ههههه
سيف : والنبي اختك دي هبلة ابوسها اصل الواحد ناقص سدت نفس
جاسر: هو انتو كنتو بتتخانقو ليه
سيف: اصل اختك المصون وأختي عملو فيلم البواساء في الجامعة ادام زينة
جاسر: هههههه عاملو ايه
سيف: شوف يا سيدي انت عارف زينة بس طبعا اختك وبنت عمتك وصحبتهم مش بيطقها فالنهاردة كنت بتكلم انا وزينة على الرحلة فزينة بتسأل اختك انتي طالعة ليه الرحلة كلها مرتبطين هتقعدي مع مين ردت اختك المصون بكل هيبة وجبروت هقعد طبعا مع سيف حبيبي زينة قفشت في الكلمة وقعدت تعمل موال فبقولها همسة زي اختي لقت اختك ردت وقالت قولها بقى يا سيف ان انا اوانت بنحب بعض من خمس سنين متخبيش اكتر من كده قولتلها محصلش حتى اسألي هنا ويارتني ما سألتها بتقولي انتو بقالكو سبعة مش خمسة ولا قت اختك بتقولي حرام عليك الحب اللي حبتهولك طب ابننا هنعمل ايه ردت اختي الحلوة وحلت المشهد اكتر وقعدت تقولي انت تعمل كده ومع همسة حب عمرك لا مش انت توأمي ومشيو قولت الحمد الله لاقت اختك راجعه بتقولهاعلى الورقة العرفي بس البت ادتني السليمة ومشيت
جاسر: ههههههههه يا بنت الايه يا همسة مماثلة البت دي حبيبة اخوها
سيف: حبيبة اخوها بدل ما تاخد اي موقف من بنت سلطح مطلخ باشا دي والتانية جعدي النتن بس تيجي زمنها هيصة في الحفلة هي والبت روما
جاسر: اه انت تعرف روما دي البت أول ما شفتني نزلت فيا معاكسه بس انت تعرفها منين
سيف: أعرفها منين ضحكتني دي بقى رأس الافعة وقائد الثلاثي المرح انا روما دي من اول ما دخلت المدرسة وهي واختك مسبناش بعض سنة واحدة حتى الجامعة واحدة لحد ما الواحد جالو توحد من وشها اتعوت عليه انا وهي وهنا وحمزة كنا على طول مع بعض وهي بردو ساكنة هنا معانا في الحته من خمس سنين بس انت مش بتشوفها عشان هي بتقعد هنا شويه صغيرين كل شهر وساعات بتيجي هنا وزاد علينا اختك وزهرة وعمر وجنة
جاسر: بس روما دي بت من الآخر مزة
سيف:
يا رب تسمعك هتعمل منك كفتة دي بتلعب كاراتية من وهي في كيجي وواخدة خمس مرات بطولة جمهورية وكل شوية بتسوحني انا وحمزة دا انا في مرة عكستها كنا في ثانوي البت نزلت فيا ضرب في كل حتة وحمزة يا عين امه جه يدافع عني داخل مصارعة التيران معايا وأختي حببتي توأمي كانت واقفة تشجع وتصقف وهمسة كانت بتضرب معها وحمزة كنا في2 ثانوي رايح يقولها روما انا بحبك ومعجب بيكي عينك ما تشوف الا الجنة يا خويا قعد في البيت أسبوعين وجابتلو جواب فصل من المدرسة عشان بيتحرش بيها والمفروض أنه صديق طفولتها ومن ساعتها واحنا ماشين على الطريق المستقيم
جاسر: ايه ياد الطفولة المشردة دي قوم وجعتلي دماغي
سيف: مش هتقوليلي كنت عايزني في ايه
جاسر : اه لما مراد يجي قوله يروح يجيب البنات
ودخل مراد
مراد: اجيب مين مجدي واختي حرام والله انا تعبان
جاسر: وانا والله عندي شغل بكرة في القسم انا وادتهم هتهم انت
مراد : امري لله
سيف؛ جاسر: قوم يلى روح بتكو عشان انام دي اوضتي
جاسر: امشي يلا
سيف: خلاص هنام في أوضتك يا مراد
مراد: فكر تعملها بس
سيف: طب انام فين
مراد: على الكنبة برا
سيف: لا ماليش دعوة روح انت
مراد: طيب اطلع برا وهتبات على السلم زي كل يوم
سيف: خلاص هنام على الكنبة
مراد: لا برا
سيف: ربنا على الظالم والمفتري
مراد: برا
وخرج سيف
مراد: هريح شوية واروح اجابهم بس يا رب متحصلش مشكلة هناك
جاسر وكان شايف سيف واقف ورا الباب : هو انت تعرف ولاد عمك
مراد فهم : أسمائهم بس اللي شفتهم فهد ومازن
جاسر : طب قولي أسمائهم كده
مراد: بص يا بني عمي ايمن مخلف 3 فهد ومازن وادم وعمي معتز مخلف اسر واسيا ورنا اللي ماسك الشركة مازن واسر وفهد ساعات بيسعدهم لما يخلص مهماته فهد ظابط مخابرات وانت عارف ومازن واسر مهندسين وآسيا دكتورة زي اسيل وادم ورنا ثانوية عامة وعندي عمة واحدة بس دي بقى أكبر عدوة ليهم هي واخو جوزها هشام الصاوي وانت عارف ليه بس يا سيدي خلاص بس اللي اعرفو ان عمي ايمن كان عندو بنت وتاهت وهي صغيرة ومرتو ماتت ووفاء مرات عمي معتز هي اللي ربت ولاد عمي ايمن وعتمان الجبار لسة زي ماهو
جاسر: دا انت مهتم بيهم اوي
مراد: ساعات بيقى عايز اروح اقول لبابا نرجع واترمي في حضن جدي واقعد مع ولاد عمي انا عمري ما كرهتهم بالعكس بحبهم بس كرمتنا اغلى
جاسر: بس اعمامك وولادهم مالهمش ذنب
مراد: لا ليهم أنهم مش واقفو مع اخوهم ليه عتمان محسسني انو مش بشر عشان بابا اجوز امي وهي كانت واحدة بسيطة مش سيدة مجتمع عارف ولو مكانش دا حصل كان زمنا كلنا مع بعض دلوقتي ومتربين مع ولاد عمي مش عارفهم اسما بس
جاسر: كفاية دراما عايز انام
مراد: نام يا اخويا نامت عليك حيطة
جاسر: بقيت بيئة اوي
مراد: ملكش دعوة نام انت
جاسر: انا هنام وافكر في اللي واجعة قلبي
مراد: خليك انت عايش في الوهم لحد ماتروح منك
جاسر: تروح فين على جثتي
مراد: بس يا بابا والله لو انا روحت طلبتها هيفقوا في ساعته وانت هتبقى شاهد على العقد
جاسر: طب اعملها كده هتموت انت وهي وعيلتكوا كلها
مراد: وعلى ايه الطيب احسن انا ماشي
جاسر: في داهية اقفل النور معاك
مراد: صبرني يارب دا بتنا والله اللي حضرتك نايم في
جاسر:
***************)***********)***
في المعسكر باليل
ندى وفيروز ماشين بيتكلمو
ندى: يا ترى الظابط اللي جاي بكرة دا مز
فيروز: يا بنتي اهمدي بقى حسسني انك ظابط مرة. واحدة في حياتك
ندى: ليه مالي يا اختي ما انا لسه واخدة منك علقة الصبح
فيروز: احسن وبعدين ما اسلام مز برضو
ندى: ‘ هههههه فكرتيني بالواد الاهبل دا كان شكلو مسخرة وهو بيضرب الصبح ههههههه
دخل اسلام فجأة
اسلام: ربنا يجبر بخطرك يا شابة
ندى: بسم الله الحفيظ بيطلعو امتى دول
اسلام: وقت ما تنديهم يا جميل
فيروز: هههههه والله انت الوحيد هنا اللي دمك خفيف
اسلام: ربنا يخليكي يارب ويسترك دنيا واخرة
ندى: ايه أسلوب التسول دا يلا
اسلام: يلا في في ظابط حلو زي كده وبعيون ملونة يتقالو يلا
ندى: اللي عندي يا روح امك
اسلام: لا كده هتجيب سيرة الحاجة سوسو وهي مش موجودة حرام ليه اناميمة قوليلي وهي موجودة متخفيش مبتزعلش
ندى: والله
اسلام: وحيتك عندي يا ندوشة حماتك دي ممكن تتبرع بيا والله ساعات بشك اني مش ابنها يا روز والله ومثل انو بيعيط
فيروز: ههههههه مش قادرة
ندى: ندوشة مين وحماتي ايه وروز مين
اسلام: ندوشة انتي يا حببتي وحماتك سعاد وروز فيروز اللي هي واقفة معانا بس ايه رايك في الاسامي الجديدة تهبل صح
ندى: انت اللي مهبول رسمي
اسلام: تعالو نقعد اصل انا رجلي واجعتني والدكتور قالي متقفش عليها كتير
ندى بقلق: ليه مالها رجلك
اسلام بتمثيل العياط: اصل انا عايز اعمل عملية في رجلى وبصرف على امي وأخواتي وامي ست صاحبة مرض وعايزة عمليه في القلب
فيروز: ههههههه مسخرة يلا
ندى طلعت تجري ورا: اه يا جزمة ياحيوان خضتني
اسلام: اهدي يا منار بهزر يارمضان مبتهزرش
فيروز: تعالو نقعد يا اهبل
قعدو هما التلاتة وقعد اسلام جنب ندى
ندى: ايه يابني انت لازق فيا هتقعد على رجلي
اسلام: ياريت اصل الدكتور قالي اقعد في حته فيها طراوة
فيروز: انت عندك اخوات
اسلام: بصي يا ستي انا اسمي اسلام 30 سنة وسنجل ابويا مات من انا صغير عايش مع الحاجة سعاد وكان عندي أخت وماتت وهي عندها 13 سنة وكان في فيروز جارتنا كانت في عمر رحمة وكانت أخت رحمة اختي في الرضاعة وأختي برضو وفيروز دي كنت بحبها اوي زي اختي بعد ماهي ماتت وكان عندها أخ اسمو زياد كان صحبي بس هما مشيوا من الحته ومن ساعتها معرفش عنها حاجة وانا عايش انا والحاجة سعاد بس.
اول ما خلص كلام فيروز جريت عليه حضنته
اسلام اتفاجى ومش عارف يقول حاجة وباصص لندى وندى فاتحة بقها بس
فيروز وهي حضنه : وحشتني يا سوسو مقالب
اسلام اول لما سمع الاسم دا عرف انها فيروز اخته شالها ولف بيها وقالها : بجد روز حببتي انتي هي وقعد حضنها 10 دقايق
ندى: طب حد يفهمني حاجة من واصلة العشق الممنوع دي
بعدو عن بعض
فيروز: هو دا اسلام الي كنت بحكيلك عليه
ندى بتذكر:هههههه هو دا سوسو مقالب اللي حطتي الصاروخ في شعره طلع يجري في الشارع هههههه
اسلام: يعني انتي سبتي كلو ومسكتي في دي يا اختي
ندى: هههههه اصل الصراحة كل مل أتخيل شكلك اضحك هههه
اسلام: خلاص يا اختي كفاية
فيروز: وفاكر البانة اللي المستر حطها في شعرك عشان تحلقو ههههه
ندى: ولما حكمتو عليا في الكاتشينه يعمل سوسو مدلعة عههههه
اسلام: دا انتي حكي الفضايح كلها يا روز
ندى: كلو يا بني
اسلام: تعالي بقى احكيلي ايه اللي حصل في حياتك وزياد وطنط ضحى فين وأيه اللي دخلك شرطة
فيروز: اهدى يا بني اجاوب لما مشينا من عندكو كنت انا عندي15 سنة وزياد عشرين زيك وانتو الاتنين كنتو في شرطة وحنا زي ما انت عارف كنا هاربنينن من اهل بابا فهما عرفو مكنا وكانو عاوزين يا خدوني فا مشينا من غير ما نقول لحد وسبنا اسكندرية وجنا القاهرة زياد اتخرج وبقى ظابط وانا كنت كل يوم امسك الدبدوب اللي انت جايبهولي واقعد افتكرك لحد ما في يوم زياد كان قاعد يتكلم هو وماما انا رحت زياد مسكني وقالي خالي بالك من نفسك ومن ماما خليكي قوية وما تسبيش حقك واوعي تبيني لحد انك ضعيفة وقالي خالي بالك من ندى وقالي مسيرك في يوم هتقبلي اسلام قوليلو اني مكنش بيدي امشي واسيبك يا صاحبي قولتلو انت رايح فين قالي رايح لختك رحمة اصلها وحشتني كان هو عندو 23 سنة وانا 18 وفجأة سمعنا خبط قالي هتوحشيني وما تسبيش حقي وخباني في أوضة سرية انا وماما وقالي متطلعيش وباسني وقالي قولي لندى واسلام أنهم هيوحشوني وقاالي في ورقة في الخزنة افتحيها لما يبقى عندك25 سنة وسابني ومشي خرج
سمعته بيكلمني ناس برا وبيسالو على ورق قالهم معرفش راحو ضربو بالرصاص وفتشو في البيت وخرجو خرجت انا وماما لقت زياد مرمي وسايح في دمه أغمى عليا وقعدت شهر في مصحة العلاج لحد ما خفيت وقررت ادخل شرطة بدل هندسة وطبعا ندى كمان دخلت معايا واللواء كان عارف زياد عشان كده بيساعدني وبس كانت بتقول الكلام وهي بتعيط
اسلام بحزن: خلاص يا روز اهدى انا رجعت اه وهجيب حق زياد انا وانتي.
وبص ناحية ندى لاقها بتعيط جامد وقاعدة في ركن
اسلام: هي مالها
فيروز: انت متعرفش ندى تعبت اد ايه لما زياد مات وكل لما تفتكر بيجلها رعشه ومينفعش حد يدخل غير لما هي تهدى
اسلام: ليه يعني هو من بقيت علتها
فيروز: أيوة هو كان علتها كلها ندى كانت عايشة مع خالتها بس عشان ابوها وامها ماتو هي كانت بتعتبره كل حاجة في حياتها كانت بتحبه اوي وعانت كتير اوي معه كانت كل يوم تصحى من الفجر عشان تشفوه وهو ماشي وبعد كده تيجي تدخل اوضته تقعد فيها تتأمل كل حاجة فيها فى مرة جه وهي جوه قالها انتي بتعملي ايه هنا قالتلو جايه اخد صابونة من عندك وطلعت تجري كانت بتيجي تذاكر معايا عشان تشفوه وتنط من البلكونة بتاعت اوضتي لاوضته عشان تشفوه وهو نايم وفي يوم راحت قالتله انها بتحبه رد عليها قالها انتي زي اختي ولسة صغيرة على الكلام ده سابته ومشيت الكلام ده كان عندها16 سنة وهو كان عنده 21 سنة هو كمان حس انو بيحبها بس كان شايف انها عيلة صغيرة ومسرها تنسى عدى سنة وهي بردو بتحبه وفي يوم قبل ما يموت بشهر كانت هي بتتكلم معايا وانا بسألها انتي لسه بتحبيه قالتلي عمري ماهبطل احبه هو سمعها وفرح اوي بعد كده جيه قالي انو هيعملها مفاجأة ويقولها انو بيحبها وبعد ما الشهادة تخلص هيخطبها فرحت اوي راح بعد المدرسة وقف بعربيته وخدها فيها وودها مطعم وقالها وهي كانت جايه فرحانة اوي وفي يوم كانت جايه عشان توريله فستان الخطوبة لقته سايح في دمه.
فيروز: شوفت هي عانت اد ايه وهي لحد دلوقتي لسه بتحبه لسه بتحلم بيه لسه عاينه فستان الخطوبة على امل انه راجع.
اسلام بخبة امل : دي بتحبه اوي
فيروز: دي بتعشقه انت فاهم هي قعدت تحبه 3 سنين وبعد كده قبل خطوبته بأسبوع يموت ادمها وهي شايلة فستان خطوبتها حاجة صعبة وبتوجع قوي وبدأت في العياط
اسلام: اهدي خلاص يا روز اهدي وخدها في حضنه
وكان شيفهم من بعيد فهد
فهد: الله وأكبر دي حضرة الظابط جايه فتحها غراميات هنا ولبسه حجاب على ايه والله لاوريكي.
******************&**&*&*****
في قصر الشربيني
كان مازن وأسر مع بعض
مازن: تفتكر هتيجي
اسر: والله مع روما مفيش مستحيل ههه
مازن: عندك حق والله بس هي روما رجعت من
السفر امتى
اسر: بس البت بقت مزة
مازن: أسر اظبط كده دي روما اختي
اسر : خلاص اهدى ياعم اصل البت اتغيرت خالص هي مشيت كان عندها 19 سنة انت عرفتها ازاي
مازن: لان انا كنت بتكلم معاها وبتبعتلي صورها عشان بابا يشوفها
اسر بغيرة : ماشي
ودخلت هنا مرتدية فستان نبيتي بكمام وطرحة سودة وجزمة سودة
روما فستان موف وطرحة بيضة وجزمة سودة.
اسر: اوبا ايه الصواريخ دي
مازن: أسر مش عايز قلة أدب
روما : ازيك يا ميزو
مازن : تمام
اسر: انا شفاف مافيش ازيك
روما في نفسها: ما انت زي القرد
روما : ازيك يا اسرية أقصد يا اسر
اسر بضيق: تمام يا اختي
هنا: ازيك يا مستر مازن ازيك يا مستر اسر
اسر: مستر ايه هو انا واقف بشرح قوليلي اسر بس
مازن بغيرة من اسر: اه يا ريت من غير الألقاب احنا مش في شغل
هنا: ماشي
اسر: بس ايه يا بت يا روما بقيتي صاروخ
هنا في سرها : لعبت في عداد عمرك ليه كانت حفلة لطيفة.
روما بضيق: اسمع يا حلو قلة أدب مش عايزة جميل وتقف معايا بحترمك بدل ما اقل منك
اسر: تقلي من مين يا حلوة دا انا اعملها معاكي
مازن بزعيق : أسر لو قلت ادبك اكتر هظبطك
روما: استنى بس يا مازن تعملها مع مين يا حلتها عشان ما سمعتش
اسر : معاكي
هنا في سرها: ان لله وان اليه راجعون
روما: انت اللي جبته لنفسك
ضربته في رجله زايده وبطنة برجلها ووقعته على الارض
مازن: روما اهدي مينفعش كده الناس بتتفرج
هنا: انت واقف تتفرج عليا حوشها هتموتو
والحفلة اتلمت عليهم واسيا واسيل دخلو ورنا وادم والعائلة
اسيل: في ايه يا روما ايه الا حصل
مازن بعد ما بعد روما عن اسر
اسر : اه يا بنت **** والله ماهسيبك بتمدي ايدك عليا
روما : انت بتشتمني يا حيوان
دخل ايمن
ايمن : بس اقدر افهم ايه اللي بيحصل في ايه يا مازن
مازن : دي روما بنت خالتي يا بابا
ايمن بسعادة: روما انتي جيتي من السفر تعالي في حضني يا حببتي ( ايمن بيحب روما زي بنته بالظبط هو اللي مربيها بعد ابوها ما مات )
وحضنها ومازن خد اسر من على الارض وقال للناس تكمل الحفلة
ادم: روما وحشتيني يا بت
روما: دومي حبيبي وحشتيني اكتر يا واد
آسيا : ازيك يا روما اخير جيتي
روما : ازيك يا آسيا
رنا: اخيررررر جاتي تاني وحشتيني اد الدنيا يا رورو
روما : الله يخربتك فزعتيني ازيك يا روني كبريتي يابت انت و الواد دومي
ايمن : طب تعالو جوا
هنا بدموع: طب انا همشي بقى يا روما يلا يا اسيل
مازن: تمشي تروحي فين دا بيتك
هنا: لا لازم امشي
مازن مسك ايدها
مازن: بابا احب اعرفك هنا سامح الشربيني
ايمن: ايه هنا بنت اخويا سامح
معتز: مش معقول
ايمن: تعالي في حضني عمك
وشدها وحضنها
وبعدها معتز حضنها
ورنا واسيا وادم واقفين فاتحين بقهم ومش فاهمين حاجة
ادم:يعني المزة دي بنت عمي
رنا: وبنت عمي انا كمان
اسيا: وانا كمان انا مش فاهم حاجة
ادم: ولا انا
مازن: هنا بنت عمي في كليه هندسة وتدربها بدأ معايا النهاردة في الشركة
ايمن: انت بدربها في شركتها
هنا : لوسمحت دي مش شركتي ولا أعرفها انا بدرب فيها بس ومش عايزة اكتر من كده لحد ما اخلص
معتز: لا ازاي دي شركتنك انتي وابوكي
هنا: حاجه متخصنيش ويا ريتت متضغطوش عليا اكتر من كده
مازن: خلاص يا جماعة اهدو عشان الناس يلى نطفي الشمع وبعدين نكمل.
هنا: لا انا همشي مع بنت خالي دلوقتي
اسيا: هي فين
اسيل : انا
اسيا: نعم
اسيل: هنا بنت عمتي هبقى اقولك بعدين
يلى يا جماعة عشان الناس
******************************
ادم: تعالى يا مزة يا بنت عمي امشي معايا
مازن بغيرة: آدم هو انا لازم اضربك كل شويه
ادم: خلاص اهدى يا عم هولاكو
ادم : هو انتي عندك كام سنة
هنا:23
ادم : الفرق مش كتير
هنا: فرق ايه
ادم : لا متخديش في بالك
مازن : هنخلص اسالة حضرتك امتى
ادم: انا مش عارف انت واقف على كل كلمة ليه هو انا ضرتك
هنا: هههههههه حلوة ضرتك
مازن: عجبتك اوي يااختي وانت يا زفت حط لسانك جوا بقوك واسكت
ادم: على فكرة هو جوه بقوي مش في التلاجة يعني
مازن : آدم
ادم: خلاص سايبهالك وماشي
مازن: في ستين داهية
ادم: مش عاجبك طلقني
مازن: ايه دا فهد رجع
ادم بخوف: بجد فين وطلع يجري
هنا: هههههه عسل اوي
مازن بضيق: ابقى خدي شوية وانتي ماشية
هنا: بس مين فهد اللي هو بيخاف منه اوي دا
مازن: فهد اخويا الكبير
هنا: الله انت عندك أخ اسمه فهد انا بحب الاسم دا اوي
مازن بضيق : والله
هنا: عايزة اشوف فهد دا هو فين
مازن: هو مش هنا في مهمة اصل شغال ضابط مخابرات
هنا: واو يعني اسمه فهد وشغال ظابط soo cute انا عايزة أشوفه بجد معاك صورة لي
مازن بنرفزة : لا معايش وانا اما اشوفه هوصله إعجاب حضرتك واجبللك صورة لي وهو ماضيلك عليها انا ماشي بدل ما اولع في حد دلوقتي .
هنا: ماله دا هي البت روما واسيل فين؟!
******************************
عند اسيل وآسيا بجانب حمام السباحة
اسيا: ازاي متقوليش حاجة زي كده
اسيل: عشان مش عايزة اخسرك
اسيا: ازاي مش فاهمة
اسيل بعياط: عشان كانو هيجبروني اني أقطع علقتي بيكي عشان مكناش هتبقى صحاب لحد دلوقتي عرفتي ليه
اسيا: خلاص اهدى يا مجدي متعيطش جبتيلي هدية
اسيل: لا طبعا
اسيا: طب اطلعي برا يلى هنا اللي يجي معه هدية
اسيل: يلى يا أبت اسرحي بعيد
دخل ادم واول لما اسيل شافته حست بشعور غريب
ادم: مش تعرفيني على صحبتك القمر
اسيا: انت مش لاقي حد يلمك
ادم: الصراحة لا
اسيا: طب انديلك مازن
ادم: لا خلاص طب اسمها ايه
اسيل: خلاص يا آسيا انا ياعم اسيل صحبة آسيا وبنت خال هنا
ادم: انا آدم 22 سنة وسنجل
اسيا: يابني بطل كذب
اسيل : ليه
اسيا: اصل هو عنده 19 سنة وفي ثانوية عامة
اسيل: هههههه يا اختي على الصغنن
ادم: صغنن ليه ابن اختك لا انا ماشي بكرامتي عند روني حببتي سلام
اسيا: ههههه مجنون دا يا ستي ادم ابن عمي
اسيل: بس عسل
اسيا : طب يلى يا اختي عشان نطفي الشمع
اسيل : يلى
*********&********************
وفي جانب آخر في الفيلا
كان أسر بينضف جرحه
اسر: اه يا أسر بقى حتة بت تعمل فيك كده بس اشوفها
روما: وانا موجودة يا حلتها وريني نفسك يا دنجوان
اسر: روما انا مش راضي اعملك حاجة عشان خاطر عمي لكن للصبر حدود
روما: عمك هههه ضحكتني يا راجل وانت من امتى بتعمله خاطر
اسر: انت بتعملي معايا كده ليه
روما : اعمل معاك كده ليه هو انت لسه شوفت حاجة دا اللي انت عملته فيا زمان هدفعولك أضعاف وجاي تسأل عملتلك ايه يا بجحتك
اسر: انتي لسه فاكرة
روما: هههه لسه فاكرة دا انت بسبك حياتي ادمرت بقيت من روما الرقيقة لروما هتاكل اي حد هيجي ادمها او يفكر يجي عليها انت خلتني عديمة قلب مشاعر إحساس بس تصدق انا بشكرك جدا على اللي انت عملته
اسر: دمرتلك حياتك ازاي ايه الأوفر دا
روما : أوفر عندك حق ما انت ما جربتش اللي انا جربته بنت ابوه مات وهي عندها 8 سنين كان ابوه كل حياته امها مبتسالش فيها رميها على طول واول لما ابوه مات امها خدت ميراثها وسافرت امريكا ورمت بنتها لاختها وجوزها وولاد اختها بس الشهادة لله خالتي كانت احسن من امي وجوز خالتي عوضني عن ابويا وولاد خالتي كانو اكتر من إخوتي والبت كبرت وسطهم وحبتهم وبقى عندها 17 سنة كانت امي بتكلمني في الفون مرة كل أسبوع بس انا مهمنيش كنت بس استنى تسألني عن اي حاجة تخصني بتكلي كويس في حد بيضيقك لكن لا كانت تقولي عايزة فلوس هي دي الحاجة الوحيدة بس وأهل ابويا مسالوش على بنت اخوهم ماصدقو مات وورثو ومشيو عاشت البت حياتها وكملت ويوم ما جات تحب فرحت اوي زيها زي اي حد مراهق بس دا مكنش حب مراهقة كان حب طفولة كنت شايفك بتكبر ادامي كل يوم وبلعب معاك مكنتش بتبصلي عشان انا بنت صغيرة عندها 14 سنة وانت عندك 19 سنة كنت بتكلم بنات كتير بتمشي معاهم اكتر بس كنت ببص عليك انت لحد ما في سنة من سنين وكان عيد ميلادي 17 شوفتني كنت اول مرة البس فستان وطرحة عرفت اني كبرت ما بقتش طفلة كان عندك 20 قولت اهو الطفلة كبرت ودي بنت مراهقة اضحك عليها بكلمتين وبعديها بقيت بتهتم بيا وتعقد معايا لحد ما في يوم
فلاش باك
كان روما وأسر قاعدين في الجنينة
اسر : روما انا بحبك
روما وقعت عليها الكلمة زي مياه ساقعة في عز الشتاء حولت تتأكد اكتر
روما: طب ما انا عارف عشان انا اختك
اسر: لامش بحبك زي اختي وانتي فاهمة وعارف انك بتحبني
روما: ايوه بحبك اوي
ومرت الايام وعدى سنتين على تقرب اسر وروما وفي يوم
سمعت روما اسر وهو بيكلم بنت في الفون
روما : اسر اللي سمعته دا صح
اسر: اه صح
روما: طب وانا
اسر: أنتي ايه انتي فكرة شوية المراهقة دا حقيقي دا هبل
روما: يعني ايه
اسر : يعني كلو كذب زيك زي اي حد بس انت فرصة سهلة بنت يتيمة امها رميها مابتسالش عنها واقدر أخرج معاكي ادام اي حد
روما: عندك حق انا وحدة مغفلة اني صدقت حيوان زيك
ضربها اسر بالقلم
اسر: قلة أدب مش عايزة يلى برا
روما: بتضربني ماشي بس اوعدك يا أسر يا شربيني اني هردلك القلم ده قدام الناس كلها وهندمك عليه وسافرت أمريكا وبعد أسبوع رجعت دون علم احد
أسر بصدمة: طب لما انتي نزلتي مصر روحتي فين احنا فاكرينك في أمريكا انتي قعدتي فين الخمس سنين دول؟!!!
******************************
في أمريكا
في جامعة نور
نور قاعدة في الكافيه مع صحبتها ساندرا
ساندرا: وبعدين هتعملي ايه مع عمك وابنه
نور: مش عارفه دل بيقول ان الفرح يوم الخميس انا بفكر انزل مصر
ساندرا: وانتي فاكرة مش هيعرفوا يجبوكي من مصر
نور: انا هروح عند اهل امي
ساندرا: طب وهما يعرضوا بعد اللي امك بيعملوا معهم
نور: مش عارفة بقى انا تعبت
ساندرا: الحقي جو جاي عندنا
جو: هاي يا بنات
نور : وعليكم السلام ورحمة الله يا يوسف
جو: ايه يانور مش ناوية تيجي الحفلة بليل
نور : قلنا م ابحضرش حفلات
جو: طب عشان خطري
نور: و ملكش خاطر عندي
جو: نور انا بحبك
نور:: وانا قولتلك قبل كده انا مش من البنات اللي انت تعرفهم وأبعد عني وقامت وقفت
جو: مسك اديها نور طب اقعدي نتكلم
وهنا دخل وليد
نور بتفاجى: وليد
وليد : هو مافيش حد قالك متمدش ايدك على مش بتاعتك
جو: وانت مين يا استاذ
وليد: انا جحيمك يا روح امك . وضربه بالبوكس في وشه وقعه على الارض
ساندرا ونور طلعوا يجروا يقوموه
وليد مسكها نور من دلعها
وليد: تعالي معايا
نور: سبني المتخلف
وليد : امشي معايا
ساندرا: يوسف انت كويس
جو: اه كويس هو راح فين ونور فين
ساندرا: نور مشيت معه
يوسف : ازي مين دا اصلا
ساندرا: دا ابن عمها وخطبها
يوسف بصدمة: خطبها
ساندرا : ايوه وفرحهم الاسبوع الجاي
يوسف بوجع: ساندرا قولي انك بتكدبي
ساندرا بحزن: لا يا جو دا ابن عمها والفرح الخميس الجاي
يوسف: مستحيل مش هتكون لحد غيري
ساندرا: خلاص يا جو كل شي قسمة ونصيب
يوسف بشر: لا مش هتجوز غيري
******************************
