رواية عروس الجبايش الفصل الرابع والاربعون 44 بقلم ياسة – تحميل الرواية pdf

الحب الحقيقي هو حنان أبدي

ليس عاطفة تشتعل ثم تنطفئ.”

​”أن أجد حنانك، يعني أنني وجدت ملاذاً لروحي المتعبة. هذا هو معنى الحب.”

……………………………….

يُـمن :- گال صعدي بس ما صعدت بقيت واگفه رجع تقرب عليه ونصى ويحچي بعصبية ويگول

رفعت راسي باوعتله عيني بعينه صارت

بلع ريگه و ابتعد خطوة ليورة و گال

— ما اصعد ولا اروح المكان هسه اطلعه بُـرهـان

رفع حاجبه متفاجئ وراها ابتسم مستهزء ورد

— لا عليج الله

— رغم كل أذيتك الي وكل سوالفك التعبانه وياي بس انا الهسه احترمك وما كرهتك ولا حقدت عليك والهسه اشوفك الشهم الطيب ابو نفس الطيبة منـاف الله يخليك كافي بعد خلص صبري كافي لا انتَ والدنيا عليه امي بين الحياة والموت وعمامي اخذوني سحل و بُـرهـان عقد عليه بس حتى اخلص منهم عوف الولد لا تأذية

— و ليش ما انطيتيني خبر بالموضوع

— ليش انطيك خبر انا وياك طريقنا انسد وبعد ما بينا اي علاقة ولا اي رابط حتى اگلك كافي مناف كافييي حس بيه حرام عليك مره وحده گول هاي الإنسانة اظلمت وحظها طاح خليها تعيش خليها ترتاح من هذاك اليوم الهذا اليوم مدمره كافيي

— اني ما ناوي أأذيج بس هذاك الكلب لازم يتأدب حتى ما يحط عينه على حاجتي

— هذا اللي تحچي عنه صار اعرفه من سنين طويلة لليوم ما جرحني بكلمة ولا أذاني بتصرف يحترمني ويقدرني ومستعد يموت الخاطر مصلحتي هذا اللي تحچي عليه وحده اللي يحبني صدگ بدون مصلحه شگد اتمنيت تحبني مثل ما يحبني بس بعمرك ما حبيتني ولا ردتني كل اللي حبيته سكوتي وشفتني على گد ايدك گلت امشيها على مزاجي واحبسها بقفص وارتاح من التفكير الزايد عقلك المريض

ما جاي يفهم انتَ ما تحبني و تحب سكوتي وخوفي منك ومن الناس ، لهنا

و كافيي عوفني كل مره تسوي شغله اكبر من القبله وتطلع منها خسران مره وحده فكر بعقل

— افكر بعقلي واعوفه يحبج يعني هههه

لا وفوگاها خاطبج هههه والله يابة انتِ اللي للازم تفكرين بعقلج الصغير هذا وتعرفين للموت متصيرين الغيري

— بس فهمني هذني شلون تعلگن على جتافك وانتَ هيج مريضضض مو صاحي

حچيت هيج واشرتله على جتفه رجع گال

— طولتيها وهيَ قصيرة هسه شنو المطلوب مني

— ترجع تميم المكانه و اطلع بُـرهـان من السجن

— تميم عادي هسه ارجعه بس هذاك الگ… بعمر بعد ما يشوف الضوه

— هذا اخر كلام عندك

— اي وهاي المره سويتها واجيتي هنا مره ثانية ادفنج بـباب المركز صعدي اوصلج يلاااا

— سهله مناف مو من عيوني

حچيت هيج ومشيت اجي وراي جرني من ايدي سحبت ايدي من عنده قوي ورفعتها بوجها واگول

— بُـرهـان لا حبيبي ولا اريده بس عناد بيك راح احبه و اتزوجة واخلف منه وغصباً ما عليك راح اطلعه وايدك لا تمدها عليه

والعباس ودير بالك تتجاوزت حدودك وياي لا الم عليك امه لا اله الا الله

باوع عليه مصدوم وانا افتريت ورحت طلعت من الگراج وصلت الباب المركز

و بسطت وگعدت بالگاع على البايت

اجى سريع عليها دنگ ويحچي بصوت ناصي والضباط كلها تباوع علينا

— گومي خرب اهلج لج شجاي تسوين

رفعت راسي عليه ورديت

— ما اگوم ولا اتحرك ولا امشي گاعدة هنا وشوفني غيرتك الخابصني بيها وطلع الولد

— انعل ابو غيرتي لابو العرفني بيج كوووومي

صاح بصوت عالي ما گمت و ما رديت عليه ولا تحركت رجع گال بصوت ناصي

— لج تخبلتي گومي جاي يباوعون عليج بنت الكلب

— محد كلب وبلا غيره وشرف غيرك لا تغلط احترم نفسك احسلك

جرني من ايدي قوي وگومني ورجع يسحل بيه يريدني امشي وانا ما اقبل اتحرك صرنا فرجة للعالم وكلها تباوع علينا رجع صاح

— طايحة الحظ امشي فضحتينا

— انا اريدك تنفضح طلعه يلااااا

حچيت هيج ورجعت جريت ايدي وگعدت على البايات من جديد باوع عليه و رجع يباوع للضباط وراها حچى بصوت ناصي يتوسل بيه اگوم

— هسه اني اطلعه بس گومي منا تخبلتي ولج الناس منا تباوع الله

— اي تخبلت و ما اگوم المكان ولا اتحرك اله هوَ وياي

— احترك ابو الجابج عليه گومي جووووه ادب سزز

— ما اگوم ولا اروح المكان وكافييي تتجاوزز استحييي

صحت بصوت عالي رفع روحه ويباوع للضباط ورها رجع دنگ عليه ويگول

— انعل شرفج يا ابو الگ.. الما عرف يربيج

درت وجهي من عنده ما رديت عليه رجع گال

— لج بس اكمل الاوراق واطلعه گومي جوه لا احط طلقة بيج واموتج صرتي فرجة للـ…..

جرني قوي ويا ما جرني گرصني احس روحي راحت مني وغصباً عليه طبيت جوه وكلها تباوع عليه اشتهر شهيرة ، وانا گلبي يدگ بكل سرعته لحد ما طببني الغرفته

و سد الباب اول ما سد الباب افتر عليه وخنگني من رگبتي بـ ايده وثبتني على الباب ويگول

— هاي من زمان انتِ مسقطه واني ما ادري لو هسه بالجديد طلعت عينج

اختنكت ما اگدر ارد رجع صاح بصوت عالي

— لججج شسويتي هااا شسويتي بس عليمن اطلعين الخلفتج سوت الاكبر منها

حچى هيج وضرب راسي بالباب قوي و راح مسافة ورجع عليه ويگول

— ماشي راح اطلعه بس بشرط

ما رديت بقيت اباوع عليه تقرب مني كلش بحيث حتى نفسه شميته من گد ما قريب وراها گال

— خطبه بعد ماكو

— لا اشو ابقى مخطوبة و اتزوجة وغصباً عليك

بس حچيت هيج دفرني قوي وگعت بالگاع رجع جرني من راسي قوي و گال

— لجججج لا تحچين هيججج گدامي اللصمي لا اگص اللسانج

— ما اريدك كوه خو مو كوه اكرهك وتلعب نفسي منك عوفني

عافني واگعه بالگاع ودار وجها ومشى كم خطوة ودفر الكرسي ورجع عليه گعد نص گعده مقابيلي و گال

— ما ترديني وما تحبيني وتكرهيني وتلعب نفسج مني وتردين تتزوجينه وتخلفين منه ماشي براحتج بعد ما احچي بس بالاول خليني اتفق وياج اتفاق

ما رديت بقيت ساكته رجع گال

— نروح هسه نعيش اني وياج ليلة حلوة مثلج وراها اطلعه للـگ… مالتج وعود وراها تزوجيه وخلفي منه إذا گدرتي وإذا هوَ گدر يتقبلج و غير هذا الحچي ما عندي

— شكد طايح حظ وخسيس وما مربة

— يلا عاد ميخالف تمونين

— شوف وكلام الله راح اصرخ صوت اجيب الوزير بكبره هنا احترم نفسك وتأدب

— هههههههه خفت يمه خفت

— واحد سزز وما مربه

حچى هيج وغمزلي رديت

— واذا انا سزز وما مرباية شكو مجلب بيه خلي عندك كرامة وعوفني شگد بلا كرامة وتلعب النفس

— هاا العب النفس

— فوگ ما تتصور

حچى هيج و گام راح للمكتب مالته گعد عليه گمت انا من الگاع واتوسل بيه

— كافي مناف ادري بيك مو هاي اخلاقك وادري كلش زين جاي تسوي هيج بس حتى تستفزني كافي لا تحچي وياي هيج انا مو بنت شارع عيب عليك مو على أساس تحبني هوَ هذا الحب

ما جاوبني بس سحب باكيت الجكاير وكام يشرب وانا حطيت اديه على وجهي ومتت من البچي رجع گام من مكانه واجى عليه و گال

— لا تبچين كافي

— طلع بُـرهـان و رجع تميم المكانه إذا صدگ تحبني عوف الولد بحالهم أذا صدگ الي معزه بگلبك عوفني بحالي كافي أذيتني هواي والله أذيتك الي اكبر من أذية رائف وكل العشته قبل بصفحة والعشته وياك بصفحة منـاف والله انا تعبانه لا انتَ والدنيا عليه حرام عليك

سكت ما جاوبني وراها بشوية گال

— روحي وهسه اطلعه

— لا ما اروح المكان

— ماااااا اروووح

تقرب عليه ويگول

— تحبينه لو شنو موضوعج

رجعت ليوره خايفة منه ورديت

— اي احبه ارتاحيت هسه

وگف وباوع عليه بقى مده يباوع وانا ما اگدر احط عيني بعينه درت وجهي منه رجع گال

–اكبر چذابة لا تحبينه ولا تريدنه واصلاً الهسه تحبيني بس عناد وأذيه الي لا اكثر ولا اقل

— استغفر الله يا ربي مناااف كافي تعبببت حرام عليك كافي لعبت نفسي

اجى عليه سريع رجعت ليورة خايفة من عنده وصل يمي و گال

— امشي روحي من وجهي احسلج ترى بعد ما اتحمل كلان الخ…. هذااااا

— ما اروح المكان بدونه

حچيت هيج وافتريت اريد افتح الباب بسرعة لزم ايدي ما خلاني افتح الباب جريت ايدي من عنده رجع گال

— إذا جربتي تگعدين بالباب اشمرج بصفه وانعل ابو الجابج عليه وعرفني بيج وطيح خظي يُـمـن خليني لازم اعصابي منج لا تخبلينييي

— راح اروح واگعد بالباب وما اگوم ولا اتحرك واخلي امه محمد كلها تباوع عليه وتشبع مني شوف واخلي الرايح والجاي يشمرلي حچي واذا انتَ زلمه عوفه يمك بالحبس

طلعت وسديت الباب وراي قوي وصلت للشارع وگعدت على البايات وانا دموع الدنيا كلها بچيتها اجاني ضابط گال گومي ما رديت اجاني غيره يريدني اگوم ابد ما رديت عليهم ولا جاوبتهم واصلاَ همَ فهمو الفلم وعرفوا انا تابعة اله سكتوا من عندي ربع ساعة تقريباً وانا گاعدة بالگاع

وراها طلع بُـرهـان جان ظهري للباب وما شفته من طلع بس حسيت ايده صارت فوگ جتفي وراها جاني صوته يگول گومي

فزيت مخروعه وگمت وگفت شفته طالع بس شنو مزورگينه تزورك بحيث جوه عينه صاير بنفسجي و مورم واثر بوجها قوي

واصلاً گوه يمشي

انصدمت من شكله و انرعبت من المنظر رجع گال بصوت تعبان

ما جاوبت بس مصدومه من منظره رجع گال

لزمته من ايده اريد اساعدة لان ما يگدر يمشي و نزلته البايات لحد ما عبرنا الشارع هوَ نفسه مگطوع وما يگدر يخطي يسحل بروحه سحل أجرنا تكسي البيتهم ومحد بينا يحچي هوَ گعد بالصدر وراسه على الكشن وانا وره ودموعي تصب

لحد ما وصلنا البيتهم ساعدته نزل دگينا الباب شوية و فتحت خالتي هيَ شافته وهيَ تخبلت حظنته وكل صوت تصيحه ولا الثاني

طلع عمي يركض على صوتها وريام وياه انخبصوا بيه و لزموا واحد منا واحد منا وطببوا للديوانية گعد على القنفه ما بيه حتى يحچي وانا واگفه بالباب و ميته شوية و رفع راسه باوعلي وگال

حچى هيج واشر للمكان اللي بصفه يريدني اگعد يمه اهله باوعوا عليه وانا طبيت گعدت بس بطرف القنفه باقي شوية واوگع رجع باوعلي من جديد وانوب گال الاهله

— بس عوفونا وحدنا شوية بلا أمر عليكم

خطيه بسرعة گاموا طلعوا وريام سدت الباب وراهم رجع دار عليه و گال

— اي بلا شحچيتوا شلون طلعني

— ما حچينا بس گتله اذا ما تطلعه ما اگوم من مكاني و گعدت بالگاع لحد ما طلعك

— يعني ما صار بينكم اي كلام ثاني

— يعني ما فتي ويا للغرفه و حچيتوا

سكتت ما رديت وهوَ يباوعلي متانيني اجاوب شوية و جاوبته

— لا فتت لان من وگفت بالباب گام يصيح و الضباط واگفين وجرني طببني غصباً عليه بس والله العظيم ما سوى شي بس هددني و هذا هوَ

— و انتِ شلون تجين هناااك

— چا شلون اعوفك بالسجن

— چا تجين وراي للمركز

حچى بعصبيه وبصوت عالي بس طلعت الچا حلو من عنده لان هوَ ما يگول چا هاي اول مره هيج يحچي ، سكتت ما رديت عليه بس غصب عني ابتسمت مو

بـ ايد رجع گال

— على شنو تضحكين بله

— يُِـمن تصرفج غلط وجيتج للمركز غلط بغلط ليش هيج متفكرين عقلج وينننن ليش هيج متعبه وما عندج تفكير البعيددد

— ماكو غير حل يعني سجنك و نقل تميم شلون اسكت عليه لو ما اروح عليه ما يطلعك

— كلشي ما تفتهمين وكل عقل ماكو براسج وشكلي راح اكل هوه من وره هذا عقلج الما يفكرررر

حچي هيج وحط اصبعه على راسي

— والله ما صار شي غلط بينا وداعت امي

سكت ما رد عليه وراها گال

— شو عدلي نفسج شوية

حچى هيج و افتر وجاب راسه حطه بحظني جمدت جمده اخت الچذب حتى نفس ما گمت اتنفس وهـوَ حط راسه على رجلي

و غمض عيونه وانا مصتكه جامده رجع گال وهوَ مغمض

— تصدگين وتثقين بالله لو اشوف بعيني ما اصدگ لان اني اثق بيج كلش هواي واحبج فوك ما تتصورين لو تدرين شگال وشحچى لو تدرين شـسولف اخ يابة راسي راح ينفجر

حچى هيج و رجع فتح عيونه وگام يفرك براسه وراها وباوع عليه و يگول

— بس مستحيل اصدگ كلمة سيئة عنج مستحيل تهتز مكانج بگلبي ولا الف من مناف يگدرون يهزون شعر وحده من ثقتي بيج إحس اعرفج اكثر حتى من نفسي واثق بيج اكثر من ما اثق بنفسي

— والله العظيم ما صار شي بيناتنا يچذب عليك

— لا تحلفين ولا تبررين يُـمن بعمرج لا كله لا تبررين مواقفج وضروفج وياي لو مهما كان السبب لا دافعين على نفسج گدامي

و اني ما دام احبج راح اتفهمج وابررلج

و ادفعلج غصباً عليه وعلى الجابوني زين هيج

ما حچيت شي بس ساكته وگلبي يدگ تگول دمام وجسمي صار خشبة رجع غمض

و يگول

— كتفي يوجعني وراسي يريد ينفجر وجوعان وعطشان هوَ عادي تسويلي اكل من ايدج الطيبة لو تستحين من اهلي

— لا هسه اسوي عادي

رفع راسه من رجلي و گعد وانا گمت اريد اطلع رجع گال بصوت ناصي

— لا تگولين اجيتي للمركز گدام اهلي وإذا سألوج گولي تلاگينا بالباب مال الشارع

هزيت راسي بدون ما ارد رجع گال

— ولا تگولين سبب الحبس شنو

— ميعرفون كل التفاصيل عود اني افهمهم بعدين المهم بس هسه سكتي ولا تفتحين موضوع

هزيت راسي بدون ما ارد و افتريت وطلعت من الديوانية رحت للمطبخ ريام وخالتي واگفات يسون اله اكل و بس شافني اجيت گالت خالتي

حچت هيج وعافت من ايدها و راحت عليه وعمي جان بالصاله بس سمعني احچي وياهن اجى علينا ويسأل

— شنو وين لگيتيه

— بالباب تلاگينا

عافنا وراح يمه وريـام جرت الكرسي وتگول

— گعدي ارتاحي وجهج اصفر

گعدت على الكرسي وجسمي كله يرجف صبتلي عصير وانطتنياه بعدني ما شاربة دگت خالتي ام تميم تسأل عليه لان تأخرت جاوبتها

انا بيت اهل بُـرهـان و بُـرهـان طلع خطية شلون فرحت فرحه وبس سدته وراها بشوية خابرني عمي خالتي مخابرته وگايلتله على طلعة بُـرهـان

گمت للحوش جاوبته وقبل لا يسأل حچيتله شلون رحت للمركز وشلون حچيت ويا منـاف شكله ما قبل على روحتي بس سكتت وراها گال

— ساعة واجي ابقى يمهم انتظريني نرجع سوى

— بُـرهـان ما يريد اهله يدرون بيه رايحة المناف ولا يريدهم يعرفو تفاصيل الحبس

— عاشت ايده زين يسوي

وراها قفل الخط و انا رجعت للمطبخ يم ريام لحد ما كملت صينية الاكل مال بُـرهـان وشالتها ومشينا اثنينا للديوانية جابت الطبلة حطتها گباله تريده ياكل سند روحه وشال كلاص المي شربه ما اكل شي بس مي شرب و رجع سند راسه على التخم

اهلها گاعدين يمه وابد ما يحچون بس يباوعون عليه بحيث ماكو هيج عائله مرتبة وناس تحترم ناس فد مره ، وراها هوَ گال الـريـام يريد المسكن مالته

گامت تجيبه وانا بس ساكته وميته من الخجل وامه بصفه وتفرك بـ جتافه على كيف و ابو حاط ايده وصافن عليه رجعت ريام انطته المسكن شربة بدون اكل ورجع باوع عليه وگال

— ساعديني اصعد فوگ

يما هوَ گال هيج وانا شصار بيه شلون اساعده شو هذا مصدگ الموضوع لو متقصد يسوي هيج حتى اتعلم عليه بقيت ساكته وجامده بمكاني وميته من الخجل گدام اهله رجع عمي گال

— ايدج وياه بابا ساعدية خلي يرتاح فوگ

اجيت ابچي من الموقف وهوَ اكبر لوتي بالعالم شمر الكلمة وخلاني حايرة بيها

گمت عليه انطاني ايده لزمته من ايده ويا ما گام شمر جسمه عليه طبعاً ما ذاب ثكله عليه بس هيج المهم يتقرب وهذا هوَ

طلعنا من الديوانية للصاله وصلنا للدرج باوع عليه وگال

— شلون عاوية يا ربي اني المرفوع فلقه مو انتِ تلزميني عدل شگد مايعة

— شلون اللزمك والله ما اعرف

ابتسم وكمل ساكت وانا ويا لحد ما طب الغرفته سوى روحه ميته لحد ما وصل للجرباية گعد عليها ويا ما گعد ذب ثكله عليه بحيث جرني و گعدني ويا بنفس اللحظة

اجيت اگوم لزمني من ايدي قوي و رجع گعدني گباله و گال

— محتاجة شي ناقصج شي

— زين لعد ساعديني ظهري يأذيني ما اگدر احركه

— حطي المخده وراي

گمت جبت المخده حطيتها وراه گال

ما رديت رجع گال

— هسه طفي الضوه وتعاي

فتحت عيوني مصدومه و هوَ ضحك بصوت عالي وحط ايده على عيونه ميت من الضحك وراها گال

— اشاقة وياج والله شبيج صرتي صفرة

ولا رديت ولا نطقت متت بدمي بعد شوية وابچي رجع ضحك بصوت عالي و يگول

ما صدگت گال هيج ركض طلعت من الغرفه وسديت الباب وراي بعدني ما نازله صاح يُـــمن بصوت عالي رجعت سريع عبالي مدري شبيه فتحت الباب وطبيت گال

— ما طفيتي الضوه

حچى هيج وسكر من الضحك وانا من الموقف طفيت كل الدكم بنفس اللحظه وطلعت وسديت الباب وراي

اريد انزل الدرج ما اگدر متت من الموقف شو هذا فد مره اخذ وجه وحاسبني صدگ مرته كله عمري وتعاي وسوي وجيبي

ضليت واگفـه شوية وجسمي يرجف وراها اخذت نفس و نزلت اول ما نزلت گالت خالتي

— لا بعده بس طفيت عليه الضوه يريد ينام

سكتت ودارت وجهها بس كلش ضايجة وحسيتها ما متقبلتني ابد بس ساكته الخاطر ابنها وحتى عمي هم ضايج فد مره

بس ريـام مقبلتني بيهم بقيت واگفه يم الدرج وفشلانه واحس بروحي ثكيله وما مرحب بيه بينهم ، گالت ريـام

— تعاي گعدي ليش واگفه

— وين ترحين تعالي هنا

— لا والله اريد اروح

حچيت هيج واجيت للجنطه شالتها

و اترخصت منهم وطلعت وريام وصلتني للباب تودعني وبس طلعت دگيت على عمي كتله انا رجعت للبيت

أجرت تكسي البيت عمي والطريق بطوله انا ابچي بلا صوت بس دموعي تنزل كلش مقهورة ومختنكة وتعبانه وما اتحمل بعد تعبت وخلصت طاقتي

لحد ما وصلت البيت عمي اول طبيت لگيت جهال مراد اثنينهم تفاجأت عبالي زهراء رجعت بس طلع مـراد رايح جايبهم منها

فوگ القهر مالتي انقهرت اكثر واكثر هسه الجهال تبهذلت من وراي ياربي بعد ما اتحمل شلون بيه

طبيت للغرفة وعلست من البچي لحد الظهر انا ابچي واناشغ وايدي على گلبي واگول يارب تعبت يارب دخيلك تعبت

انوب تمددت وغمضت عيوني ومن گد ما بچيت وما نايمة بالليل بسرعة غفيت وما فزيت غير على صوت خالتي تگعد بيه وتگول

— ولج گومي امج صحتت

اول مره عبالي اتحلم فزيت و گعدت گعده انوب گمت وگفت ورجعت گعدت ما مصدگه دخيل اسمك يا الله

ام تميم :- امج صحت وگعدت وكلش زينه

— عليج الله خاله

حطيت ايدي على وجهي ومتت من البچي

وهـيَ تحچي عليه تريدني ابدل حتى نروح للمستشفى

گمت بسرعة بدلت وغسلت ورحنا انا وياها ومراد وجهال مراد بقوا بالبيت خالتي خابرت ولاء اجت يمهم

گلبي هيج يدك و احس بروحي طايره ما مصدگه لحد ما وصلنا للمستشفى لگينا عمي هناك انا طبيت وشفتها مفتحه عيونها وانا انتهيت

ركضت عليها وحاظنتها وابچي بكل حركتي

وهيَ ايدها فوك ظهري

يُـمـن :- ليش هيج تسوين بيه ليش تعوفيني مو تدرين بيه ما عندي غيرج واموت وراج

شهيناز :- كافي حبيبتي

— ولج يما لعبوا بحالي لعب واجوا اخذوني يمهم و طگوني و جوعوني و زوجوني

عمي لزمني من جتفي يريدني اسكت وانا انهاريت سألتني

هاشـم :- ماكو شي وكلشي تمام ومحلول لا يضل بالج ، تعاي عمو مو زين على امج الصوت العالي

لزمني من ايدي و گومني منها ابتعدت شوية و اباوع الها وهيج دموعي وهيَ منتهيه كوه فاتحة عيونها وتباوع عليه

طب الدكتور فحصها و شاف الضغط وراها ابتسم وگال ما شاءالله تبارك الله صحتج عال العال الحمدلله على السلام

عمي تشكر منه و رجع طلع واحنه گعدنا خلصتها بس تباوع عليه وانا گاعدة گبالها ودموعي اطيح وحدها ما اگدر اسيطر عليهن انوب اشرتلي اجي يمها رحت عليها وحظنتها قوي وهيَ تبوس بيه

بقينا يمها لليل و مراد جاب اكل اكلنا احنه وهيَ الدكتور ما قبل تاكل شربناها بس عصير

بيومها بتت يمها بالمستشفى لان طلعوها من العناية للغرفة و لازم يبقى وياها مرافق

عمي وخالتي ومراد رجعوا وبقيت بس انا

ومن راحوا گالت ساعديني اگعد

ساعدتها عدلت گعدتها وراها سألتني شبيه وشصار وياي ، ما ضميت عليها كلمة وحده حجيت الها كل الصار وهيَ ساكته ما ترد عليه وراها من كملت گالت

— سودة بوجهي كل هذا صاير وياج واني ما ادري

— لا تعرفيني بعد والله اموت بدونج

فتحت اديها الي رحت حظنتها واثنينه نبچي وبيومها سوتلي مكان يمها نمت بصفها على نفس السرير وحاظنتها قوي للصبح

ومن سمعت صوت الصلاة فزيت اباوع عليها بعدهي نايمة طلعت للحمامات غسلت وتوضيت ورجعت صليت الصبح وصليت صلاة الشكر و رددت الحمدلله الف مره وراها جبت الكرسي وگعدت عليه وراسي على السرير

لحد ما اجوا الدكاترة الصبح بثمانية فحصوها وانطوها علاجها وگالوا خلوها تاكل وراحوا

للعشرة واجى عمي جايب ريوك وجاي

تريكنا انا وياه وامي ومن كملنا اكل باوع عليه و گال

— تميم رجع المكانه

— اي قبل شوية خابرني گال رجعوا المكانه وهسه جاي البغداد بالطريق

— الف الحمدلله والله فرحت

للعصر واجت خالتي وجايبة وياها نقالي

اخذته منها لگيت بُـرهـان داگ عليه لحد ما مال و كومه رسائل دازلي يسأل عليه وضال باله لان ما اجاوب

بعد عندي نت ما خلصان لان تميم فعل لي على الخط لمده شهر فـ كتبتله

— انا بالمستشفى امي گعدت

ربع ساعه ورجع دزلي

— الحمدلله على سلامتها

— شلونها صحتها

— الحمدلله ، وانتِ شلونج

— ديري بالج على نفسج

ما جاوبت شي بعد لليل و خابرتني ريام تسأل على امي رادت تحچي وياها امي اشرتلي ما تريدها ، رديت عليها نايمة هسه

ومن سديته منها گالت

شهيناز :- شنو يُـمـن ناوية اطورين العلاقة لو شنو القصة

— لا بس همَ حبابين وساعدوني هواي وانا استحي منهم

— اني هسه ما اگدر احچي شي بس خلي بمعلومج كل هذا الموضوع ما داخل عقلي ولا مقتنعه بيه و بُـرهـان هذا كله على بعضه ما اريده ولا اتقبله و الفكره بكبرها ما متقبلتها

— ولا انا متقبلتها بس ماكو غير حل

— ليش ما عفتي تميم يعقد عليج ليش رحتي رجعتي الهذاك الرس القذر

— شلون يعقد عليه هوَ اخوي و مرته صاحبتي

— قابل راح يتزوجج طول العمر حاله من حال هذا الزواج يعني بس تخلصين من عمامج الچلاب

— بس گدرتي على بُـرهـان

سكتت ما رديت عليها رجعت گالت

— صح ساعدج و وگف وياج وگفه زلم بس لا تنطينه امل ولا تتعلقين بيه سمعتيني لو لا

رجعنا سكتنا و خلصنا هذا اليوم بالمستشفى وثاني يوم الظهر طلعنا للبيت

طبينا البيتنا وعمي ذبح طلي جوه رجلين امي وفرحتنا ما مكفيه الدنيا

ساعة واجى تميم اول ما طب هلهل بس مو هلهوله تگول مال مصريات تخبل متنا من الضحك عليه واجى باس امي براسها

وجرني من ايدي يريد يبوسني حطيت ايدي على خدي ما خليته

وهذا شلون تحطين ايدج اليوم اله ابوسج

وانا ضامه وجهي بـ اثنين اديه وعمي يصيح عليه وهوَ جلب اكله حرام وخر ما يوخر

يگول اختي بالاسلام اليوم ابوسج يعني ابوسج اخر شي عمي وخالتي ضلوا يصيحوت عليه يلا وخر

لليل واجن بنات عمي هاشم هنَ

و رجولتهن وجهالهن وعبير وجهالها وخالتي وجهال مراد والولد اثنينهم والبيت صار خبصه بس كلش حلو وبيه روح

الولد طلعوا بالحديقة سووا تكة ومعلاك من الطلي و شووا طماطه وبصل وانا والبنات حضرنا الزلاطه وهذيج اللمه الحلوة من صدگ هم اهلي وناسي واخواني واخواتي

لليل كلش يلا راحوا كل واحد البيته وخالتي ومراد رجعوا البيتهم بقى بس عمي

يمنا

اخذت امي للحمام ساعدتها تسبح

ورجعتها الغرفتها و رحت الغرفتي بس

طبيت للغرفة لگيت النقال يضوي جان صامت وما اسمعه اجيت اشوفه لگيت بُـرهـان يدگ جاوبته

— وين جنتي صار ساعة ادگ

— يمنا خطار وهسه يلا راحوا

— امج شلون صارت شنو طلعتوا من المستشفى

— ها كلش زين الحمدلله على سلامتها

— عرفت بالموضوع

— گالت بعدين نحجي هسه تعبانه

— يعني ما قابلة

سكت ما رد رجعت انا گتله

— اجلتها نهاية الشهر راح اروح ، انتِ داومتي

— لا والله صار يومين ويا امي بالمستشفى

— لازم اداومين ميصير تبقين غايبة

— شلون اداوم وامي منا تعبانة خطية

— حاولي ترتبين وضعج وترجعين الدوامج ميصير تبقين غايبة

— زين لعد ما دامج زينه خليني اروح عندي دراسة

قفلته من عنده و سديت النقال ونمت والصبح من گعدت لگيته كاتبلي العصر نمر عليكم نتحمد للوالدة بالسلامة

حرت شلون يجون وامي ما تريدهم وخاف يجون وتصير مشكلة وياهم وبنفس الوقت استحي اكله لا تجون رحت الامي گلت الها بعدهي ما راده وعمي جاوبني بمكانها

— هلا بيهم خليهم يجون

امي سكتت بس ابد ما راضية ولا مقتنعه

وللعصر وصدگ اجوا عمي وخالتي وريام وهوَ

بوكتها شگد انقهرت عليه من شفت جوه عينه بعده ازرك واثر يم حگله مال بوكس

الله يعلم شسوى بيه من الليل لحد ما الصبح ومشكلته بُـرهـان يتعامل بهدوء ويا المواقف و ما يبين عليه بس اكيد متأذي

عمي استقبلهم وطببهم بالديوانية وخالتي وريام اجن الامي بالصالة امي ما حچت شي استقبلتهن على حسب الاصول ورحبت بيهن بس لا هيَ مقتنعه ولا خالتي مقتنعه وعبالك ناس ضايجة من ناس

بقوا يمنا قرابة الساعة وراها عمي صاح عليه گال شوفي امج بُـرهـان يريد يتحمدلها بالسلامة

اجيت و حرت شلون اگلها ادري بيها ما تحبه هيَ انتبهت عليه گالت

— ماكو شي بس بُـرهـان يريد يسلم عليج

سكتت ما حچت وانا رجعت العمي گتله خل يجي ثواني واجى فات للصاله سلم عليها ردت عليه والسلام جان بينهم كلش رسمي بس هوَ شكله متوتر فد مره وحتى حسيته خايف منها لان يدري بيها ما تحبه وخايف لا تخرب عليه الخطبة ، رجعت گالتله

— رحم الله والديك على وگفتك ويا يُـمـن والله يستر على اهلك ان شاء الله ما قصرت جزاك الله خير الجزاء

— واجبي هذا ما سويت شي

— ينطيك العافية

سكت ما رد رجعت گالتله

رفع راسه سريع باوع الها و رجع باوع عليه وامه واخته اثنينهن يباوعن ساكتات جاوبها

— شوكت ما تحبون ما عندي مشكلة

— ياريت باجر والله تسوي فضل

حچى هيج وطلع من الصاله وخالتي وريام استأذن و ودعنا وطلعن وراه راحوا كلهم

انا لا حچيت ولا فتحت حلگي بس عمي سمعها من گالتله اول ما راحوا اجاها ويگول

— تردينهم يطلگون

— اي لعد شنو يبقون متزوجين

— اذا الولد خوش ولد والقسمة خوش قسمة وهيَ مقتنعه بيه ليش يطلگون خو ياخذون وكتهم يتعرفون واحد على الثاني وراها يتزوجون

— من كل عقلك ازوجها البُـرهـان

— وشبيه بُـرهـان شو ولد من ولد معدل وشهم ومرتب وشخصية ومكانة وفوگاها حاچي التميم يريدها يعني يحبها بعد ليش ما تردينه

— هااا والله زين هاي التطورات وره الحادث لو قبل الحادث

حچت هيج وباوعت عليه رد عمي

— وره الحادث قبل الحادث المهم الولد هاويها و رايدها وصاحب وگفه وشهامة

وما يعيبة شي

— لا ما يعيبة ولا يعيب عشيرته

— ترى بُـرهـان من عشيرة ورائف من عشيرة لا تحكمين عليه بذنب رائف

— نفس الخ…. وبعد انكس منه هذا نذل بطريقة ما تتخيلها

— يعني يخطب طلقية ابن خالته وتسأل شمسوي

— وانتِ گلتيها طليقته يعني لا حرام ولا عيب

— لا والله عيب والف عيب وين صايره هاي

— اذا على العيب فـ احنه كلنا عيوب واخطأ محد بينا كامل والولد ما غلطان بشي حبها ورادها و ساعدها و الشرع محلله ياخذها بعد وين المشكلة

سكتت ما جاوبته بس كلش ضايجة رجع گال الها

— الدنيا قسمة ونصيب و بنتج نصيبها زفت وما عدها احد من بعدج صح اني احطها بعيوني بس ابقى رجال غريب عليها وما اگدر احافظ عليها لان عدها اهل واحنه بمجتمع تحكمة العشاير وشفتي وره ما سمعوا بيج سويتي حادث شلون اجوا طالبوني بيها وخلوني حاير بزماني بحجة اهلها و عمامها واني غريب عليها

— اي بس مو تزوج البُـرهـان

— وشبيه بُـرهـان شو كلش يحبها و داس على العادات والتقاليد وتحمل السجن والضرب و الحچي و السفر الخاطرها ما شفتي وجهه شصاير بيه مناف رافعه فلقه وللصبح يدگ عليه برأيج شنو الجابرة على هيج أذية لو ما حبها

— وترجع البديعة ولميعة وسميعة وهاي المله القذرة ترجع تناسبني من جديد

— امه مو مثل خالته امه مبينه حبابة

و عائلته مو مثل عائله حاكم هذول ناس اوادم ومحترمين ومرتبين بعدين الولد يدرس برى يعني ياخذها بالخارج وياه

— وين بالخارج ابو تميم الله يخليك هسه عوف هذا الموضوع ما بيه حيل احچي شي

عمي سكت ويباوع عليه يريد يشوف ردت فعلي وانا اصلاً ما ادري شأسوي ولا اعرف اخذ قرار واحس هيج عايشة لا الي رأي ولا قرار باقية بـ ايد الناس وكل شخصية ما عندي الظيم العشته عدم شخصيتي عدم

شوية و امي نامت وانا طبيت الغرفتي لگيته گاتبلي رساله

— انتِ هم تردين الطلاق ؟

ما جاوبته واصلاً ما ادري بروحي اذا اريد اطلگ لو لا و من شافني قريتها وما رديت رجع دزلي

— گتلج من قبل وارجع اعيدها مستحيل اجبرج عليه ومستحيل أأذيج بيوم من الايام واذا تردين الطلاگ مثل ما تريد امج هسه اجي اطلگ بس خليني اگلج شغله اخيره ، اني كلش أحبج وحبي الج مو مجرد مشاعر واحاسيس لا حبي اكبر من احساس ومشاعر يُـمـن ما اگدر اوصف حبي ولا اگدر اعبر عن اللي بداخلي بس والله احبچ ومستعد اموت الخاطر ترتاحين وتنسعدين صح ما مقبله الموضوع وتحسينه صعب عليج بس انطيني فرصة و شوفيني من غير باب وراها راح تعرفين شگد احبچ وشگد اموت بيج

قريت وما رديت رجع دز

— امج حقها ما تگدر تتقبلني بسبب الماضي العشتية وبسبب صلة القرابة بيني وبين بيت عمج حاكم بس اگدر اقنعها إذا انطيتني فرصة بعدين اني والله ما عندي شي وياها و كل اللي صار بيناتنا قبل بسبب سوى الفهم

— و شنو هذا سوى الفهم اللي خلاك تحچي عليها وما تريدها ولا تريدني اروح يمها فهمني ليش جنت ماخذ عليها نظره مو زينه بحيث حتى انا كمت افكر بيها مسوية شي غلط وانتِ تعرفه وتخاف عليه منها

— وره ما اندلينا مكانها واثق گال طلعت متزوجة هنا دخنا شلون متزوجة وهيَ بذمه غازي اجينا للمكان الگاعدة بيه قبل جانت المنطقة زراعية وما بيها هواي ناس سألنا عليهم گالوا محد هنا بس مره وتطلع يومية وحدها وما ترجع غير بالليل و دائماً يشوفون رجال يجي عليها و ولد شباب هم يجون عليها بستمرار خفت عليج ترحين يمها لان ما جنت اعرف هاشم و ولده توقعت مو خوش اوادم ومستغلين امج

وراها رجع رائف من السفر وراح على بيت جدج وگالهم يابة كذا وكذا الموضوع شلون تزوجت وهيَ مرت غازي ، عمج گاله جذابة ما متزوجة هاي نهبت وهذا صاحبها ماخذها بالحرام و اني وين ما اشوفها اكتلها ودمها مهدور وره فتره جاي على رائف و گايله على اساس جاي على امج وامج طالعة تشتغل شغل مو زين وعدها علاقة بالضباط ومهددينه اذا يصير بيها شي يكتلونه هوَ واهله والهذا السبب سكت منها

هوَ يكتب وانا اقرأ واحس متت من القهر حسبي الله ونعم الوكيل بيك يا غازي رجع دزلي

— واني شمدرينه بعد بالتفاصيل كل ضني صدگ هاشم مهدده وما بينه وبين امج زواج لحد ما صارت سالفة بنتج يلا تعرفت على عمج و ولده صح بوقتها ما عرفت طبيعة العلاقة بين امج وعمج قبل بس عرفت هاشم انسان ادمي ومستحيل يسوي الغلط وراها من انسجن غازي اذا تذكرين اجوا اخوانه الباقين وراه وهناك بيت عمي حاكم حچوا على حياة امج ويا غازي وشلون جانت عايشة عدهم يعني موقفي جان بسبب كلام غازي عنها وبسبب طبيعة العلاقة البينها وبين هاشم وهي على اساس بذمة غازي

يتبع……..

الخامس والاربعون من هنا