رواية حسناء قلبي الفصل السابع عشر 17 بقلم جوهرة
ــــــــــــــــ
نادية/
احساس برجفه رغم جوو الغرفه حلو السبلت يشتغل برودته حلوة ،، احساسي بالخوف من الراح يصير وياي دمرني رغم كلام صديقاتي وشكد طمنوني بس ما اكدر اهدا من سمعت طكه القفل روحي ساحت ،،
احمد /
تقرب عليها بخطوات هادئة من شافها مدنكه راسها مد ايده وسحبها من ذراعها عكد حاجبه من حس برجفة جسمها قربها عليه ورفع راسها عيونها بيها لمعه دمع…
احمد بكل حب / شنهو من جمال لخاطر النبي
حجاها وقرب راسه باس خدها بحنيه /
ليش تختظين بعد گليبي
مجاوبته رجع سألها باهتمام / ناديه حبيبي
شبيج
النفس بصدرها يصعد وينزل مد ايده وبدا يفك الحجاب وهو يحجي وياها يهديها عرفها متوترة / ساعديني ول يابه شلون لافاته هيج هههه
بأيد ترجف نزعته واحمد مد ايده ونثر شعرها الاسود على متونها وصفن عليها تنهد بنفس عالي وتقرب لثم شفايفها
من الارتباك والخوف مابادلته ابتعد وعكد حاجبه / شبيج دحكي هينة لاتنزلين راسج ،،وين الشموخ والهيبه وينها وين ناديه الماتنزل راسها ليش تتراجفين هااا
كلمته الاخيرة خلتها تتوسله / احمد عليك الله عوفني
صافن بيها وبقى ساكت يريد يشوف ليوين راح توصل وياها.
نادية / خايفه حيل اذا صدك تحبني الليله هاي عوفني
جانت عيونها تتوسله ومليانه خوف وقلق بس هو حالف اذا تصير مرته يطلع انتظاره وحرمانه منها ومستحيل يعوفها
جرها عليه طبكها بجسمه ومد ايده فتح سحاب البدله ومن ايده لمست ظهرها كزبر جلدها حاولت تدفعه ماكدرت
احمد وبصوت يهمسه بس نبرتة قويه / كل عقلج تردين تمشين كلامج لا والله وانه كلتلج كبل شكد احبج بس ما اقبل تمشين كلامج والجاي تسوينو ما عاجبني انا جايج متلهف والشوك تارس روحي كبل گليبي وانتي شسويتي تنفرين مني تراج غثيتيني والله ،، روحي بدلي خل نتعشى
طلع صاح يجيبون العشا بعدها راح طلع دشداشه وفات للحمام صاير بصف الغرفه غرفته كدامها صاله بحيث عازله الغرفه والحمام ومخلين بيها نص تخم طلع من الحمام لاكته مريم شايله الصينيه اخذها وشكرها خلاها عالطبله
سد باب الصاله ورجع للغرفه تعطر وراح مد السجادة يصلي ما التفت عليها جان ضايج من تصرفها .
نادية /
يربي ليش هيج يصير بيه والله مو قصدي اغثه استغلت وكفته للصلاه وعالسريع طلعت سيت نوم مرتب لونه اوف وايت وتخريمته والدانتيل حيل نازك وبسيط اخذت منشفه وطلعت للحمام بلكن المي يهديها ويريحها ماطولت طلعت والبدله بيدها رتبتها على جهه حتى باجر يرجعوها نشفت شعرها وسرحته وتعطرت دحكت عالمرطب مالها مزاج تسوي شي بعد حتى مكياجها راح ،، غصبت نفسها وبأيد ترجف جرت قلم كحل بعينها اخذت الحجاب من الكنتور دورت عالسجاده جانت مصفطه عالكرسي مدتها وصلت وبقت تدعي وتسبح اخر شي كامت تحس روحها احسن شويه
سمعته يصيحها طلعت لكته ينتظرها والصينيه كدامه عينه عليها لحد ما كعدت بصفه مد ايده وقسملها من الخبزة ولفلها لحمه شوي وانطاها / اكلي
اخذتها منه وبصوت هادىء / يسلموو
احمد وعيونه عليها مركزهن / ليش بطلتي تعشي.
بلعت ريك / الحمدلله اا الصينيه اوديها شلون
احمد / وين توديها عوفيها هينة
كام يغسل بالحمام وراحت وراه
من رجعت للغرفه جان مدد عالجربايه ومغمض عينه
حارت شتسوي تستحي تنام بصفه راحت كعدت عالكرسي رفعت شعرها النزل على خدها والتفتت عليه من صاحها /تعاي نامي
gpX6iMs5GC0KU4GbjL
كامت مستحيه واكثر شي لان صدته لاول مرة متعرف تتصرف صح جر الغطا واشرلها بعينه مددت بصفه خلت راسها عالمخده ماحست الا سحبها بحظنه شهكت
واحمد باسها برقه وهداها بكلام حلو خلاها متفكر باي شي غير وجودهم سوا
ــــــــــــــــــ
احمد /
موقت الموبايل على صلاة الفجر دك المنبه فز طفاه التفت على ناديه نايمه براحه وراسها بصدره
دنك باسها بخدها وتذكر شلون جانت خجلانه بين ايديه حمد الله عدت الليله على خير لأن من شافها معانده خاف يتهور ويأذيها كدر يطمنها وخلاها ترتاح
دنك شم شعرها وهمس بأذنها / نداوي حبيبي تكعدين للصلاه
مطت جسمها وفتحت عينها كوه وبصوت كله نعاس / تعبااانه مبيه اكوم فد شويه حباب
حظنها بقوة وخلا راسه بركبتها شمها بقوة وعضها / كومي نسبح ونصلي بس قبلها خل اخذ حقي انتظار اربع سنين.
دفعته بصدره وتململت توخره مكدرت صار فوكاها حلفته / عليك الله تعبانه يووو احمد هههه ججج
مستمر يبوس ويحظن بيها وهي تضحك صفن بوجها / صدك تعبانه يوجعج شي ؟!!!
دفنت راسها بحضنه مستحيه ..
احمد / حبي احاجيج
بقت خاتله منه وبحظنه ردت / لا ماكو شي بس محتاجه انام
اخذ راسها بين ايديه باسها بكصتها / تعاي عجل
،،،،،
طلع للحمام سبح وتوضى وناديه سوت مثله
عجبها حرصه عالصلاه ورا ما خلصوا صلاه رجعوا بفراشهم فتحلها ذراعه وهي تلقائيا حشكت روحها بروحه جسمها بجسمه بقى يمسد على شعرها وهمس / رويحتي فرحانه
اجرأت وباست صدره بحنيه ورفعت عينها بعينه / الحمدلله فرحانه بيك فرحانه لان احنا سوا
شدد حظنه عليها / الحمدلله كل الاريده سعادتج.
نزلو الصبح ام وضاح هلهلت وكامت تذب شعر فرحانه بيهم بعدها تريكو الكل كعد على سفرة وحده
ناديه جانت لابسه دراعه فخمة وشالها على راسها هاي تعليمات احمد ومجان عدها اعتراض عليها
دخلو وضاح وفهد سلمو وباركولهم والكل كعد يتربك
من كملوا نادية مدت أيدها تساعدهن مقبلت مريم ولا زينب تشتغل ،، مريم شاقتها
/ اطلعهن منج كلهن هههه
نادية / ادللي عيوني ام حمودي
خابرت اهلها واطمنت عل سرمد عمتها كالتلها
ملتهي ويه هنوده
ثاني يوم رتبو جنطهم وفهد وصلهم للمطار يسافرون لأربيل.
ـــــــــــــــــ
