رواية حسناء قلبي الفصل السابع 7 بقلم جوهرة
حيل ضايج حس هانته !!!!!!!
شنهو حسيت لا بالله هانتني هين ينادية عجل اتصفين حسابج وياي وحدة بوحدة والله ما عوفج وما تكونين لغيري
وصل للمقر وهو كوه لازم روحه من العصبية
ماتحمل ياهو اللي يعكب كباله من الموظفين بالقسم يركعه برزالة ، لدرجة بعد محد منهم يتجرأ ويطلع بوجهه
دحك الساعة بيده صارت التسعه المسا وهو من الصبح مضايك الاكل كل تفكيره بنادية حتى تركيز بشغله ماركز سحب موبايله ودك على معتز شوي انتظر إلى أن فتح
خط
احمد بضيق / اذا بالبيت اطلع اقابلك بالكوفي النلتقي بي كل مرة
معتز / وعليكم السلام خير يارب ليش عصبي اقلها سلم.
احمد والدنيا مقفلة بوجهه / معتز واصله لهين ….واشر على خشمه
معتز يخفف من غضبه / كول يا الله ضلع دتعال للبيت ناخذ راحتنا اكثر بالحجي
احمد / معتز معدتي فارغه عالريوك اريد اروح ازقنب شنهو ما اتزقنب !!!!
معتز / ترى هبطتني شبيك تعال وادلل اطيب عشا نسويلك ، ديلا انتظرك ابو الشباب
معتز صاح لتغريد جان يوصيها / حبي ولو راح اتعبج سويلي عشا مرتب عالسريع
تغريد باستغراب / يمعود كاعد تسمن داري روحك ههههه
معتز / ولج امشي سوي العشا الرجال راح يوصل وكاعده تسولفين
تغريد / دكول جايك ضيف يلا حبيبي هسة احضره ادلل
معتز سأله وهو يشوف الغضب بعيونه لأن يعرفه زين من مقهور يبين عليه عيونه تحمر ويظل عاكد الحاجب
معتز / شنو الصار خلاك بهالحاله احمد انت شفت عيونك شلون حمرا والغضب تارسها جيكت ضغطك احتمال مرتفع
خزره احمد وهو يطلع قهره گلبه / انا تضحك عليه تكول تعال تقدم ويطلع هذا
ملعوب تريد تنتقم مني لأن عفتها بفترة من الفترات !!!! انا هيج تسوي بية ؟!!! عجل ازين شاربي واكعد لأن قشمرتني بس هذا شاربي ازينوو اذا خليتها تتزوج
كض شاربه بيده وهو ينافخ بغضب
معتز متفاجىء وبنفس الوقت مصدوم من حالة احمد / عليمن تحجي بس لا تقصد ….
قاطعه احمد بنترة / اييي نااااديه
معتز حاول يهدي / احمد اهدا شويه خل نتعشى وبعدين نسولف على راحتنا .
التهت تغريد بالعشا همزين ايهم نايم لأن اذا كاعد ياخذ على ايدها جهزت الصينية ورتبت الاكل بيها
معتز دخل للمطبخ وعينه عالصينية اللي تفتح النفس / كملتي لو بعدج
التفتت وهي تمسح ايدها بالخاولي / شوفها خوش صينية موو
دقق بالاكل / عاشت ايدج لاتنسين الجاي حبيبة
تغريد بحب / من عيوني اخدره جديد
ورا العشا الاكل منه شوي رغم الحاح معتز بس احمد جان گلبه موجر و احساسه بجرح كرامته جان اكثر من احساسه بجرح گلبه كولشي الا جرح الكرامة
احمد / يابه والله خلتني مصدوم لخاطر الله شني القساوة الشايلتها ماجانت هيج ، يول معتز ماتعرفها شلون جانت مشاعرها رقيقة جانت ميته على شوفتي جانت تقدسني ، تفهم شنهو الشعور من بنت تحبك وتستقتل في سبيل ترضيك نادية هيج جانت
معتز / احمد لاتنسى حسب كلامك انت البديت وعفتها شتريدها تنسى وتاخذك بالاحضان والله على حجي ام ايهم تكول هواي تأثرت ومرت باوقات صعبه وسالفة مرضها وعلاجها ترى هذا هم يأثر عليها .
حتى صديقاتها حسوا وشافو تغييرها لاتزعل مني ضلع بس انت دمرتها ودست عليها وجاي هسة تريدها تسامحك
احمد ساكت يسمع وداخله مصمم يرجعها مهما يصير / معتز اريد همتك وياي يخوي خل ام ايهم تحجي وياها لأن ماريد اتهور واتصرف بشي يخليها تكرهني
معتز فك عينه / احمد شتريد تسوي هاي مو مثل النسوان التعرفهن شبيك جاي تخربط انت !!!!
فاكه حلكها مصدومة من الي تسمعه بيدها صينية الجاي واكفه يم الباب الجان مفتوح شوي / عزززا هذا يحجي على نداوي شيريد يسوي بيها صخام بعينك ، يبو يا نادية
ماوكعتي غير بحب احمد يبووو شكد شايف روحه ونافش ريشاته ،،، دكت الباب بهدوء وانطت الصينية لمعتز وخزرته وهي
تعض شفتها متوعدته ،، معتز عكد حاجبه مستغرب تصرفها دخل وسد الباب
وهي بقت واكفه تسمع /؛يووو سده هسة شراح اسمع
عافتهم وراحت لغرفتها اتصلت على نادية .
تغريد / نداوي شلونج حبي
نادية / هلو توته شخبارج
تغريد / تمام ، اكلج شنو اليوم احمد خطبج
نادية / لاتذكريني كوة يلا بابا رضى عليه اول مرة يعصب عليه يكول شلون هيج تفشلين الرجال .
تغريد / لو تشوفيه صاير نار تعشا يمنا وهسه كاعد يسولف لمعتز يكوله ما اريد اتهور انوب تكرهني
نادية بتفكير / لا بالله وشيريد يسوي يعني ،، وعيونج ميكدر يدوسلي على طرف لو تشوفين وجهه من رفضته كام ينطي الوان وعيونه تريد تاكلني انوب يكول محد ياخذج غيري
تغريد / نداوي عيوني ترى لو حتى يحبج ورايد يتزوجج ترى هذا من احد يدوسله طرف ينكلب شيطان والله العظيم اني مرات من يجينا اسمعه من يحجي هو ومعتز ايده طايلة بالدولة مدري شنو بالداخلية وظيفته حساسه هذا الفهمتة وفد شايف روحه ويحجي معلك
نادية / اعرفه زين ليش وين تهت عنه بس تردين الصدوك هو شخصيته قوية يجبرج تهتميله وتحترمي غصبا عليج
تغريد بحيرة / هاااا ماعرفتج ولج !!!!!
نادية / وجعاا حجاية وكلتها قابل راح اتزوجه !!!!!!
تغريد / ههههه اي الله اليعلم
نادية / دروحي ضيفي خطية مسكين جاي عدكم
تغريد / ولج حني عليه ولج والله مبين يحبج بس يمكن الظروف عكست وياكم.
نادية / اوووف تغريد لاتهيجين عليه المواجع ..روحي تصبحين على خير
ــــــــــــــــــ
ورا يومين نادية بمكتبها بالجمعية اليوم سمر وتغربد مموجودات تعذرن بأشغالهن جانت وياها بس بنات اثنين وظفتهن جوة ايدها وفهمتهن على كولشي وهنا حبابات
راسا اخذن عالشغل ،،، طلبت منهن يراجعن السجلات لما تكمل البيدها فأخذن السجلات وراحن بغرفتهن يراجعنه ..
بعد ماكملن استأذنن منها وطلعن للبيت لان ماعدهن شي ونادية اصلا راح تقفل وتروح بعدها جاي تحضر بجنطتها خلت الموبايل وسدتها ماحست الا
باب غرفتها ينفتح ويدخل احمد سد الباب وتقرب عليها ،،ةاول ماشافته لونها انخطف وگلبها زادت ضرباته.. رأسا عقلها اشتغل هي وحدها بالجمعية خاف تتهور وتحجي يروح يتصرف وياها تصرف يأذيها رغم معرفتها بأمانته بس هي جرحته وهانته والمجروح يتصرف حسب جرحه .
بلعت ريك وحجت بصوت هادىء / احمد تفضل توني اريد اطلع
حجت وعينها فاكتها عليه تريد تستوعب ملامحه الغاضبة
تقرب عليها مايفصل بينهم بس الهوا دنك راسه عليها رافع تك حاجب /ليش رفضتي ؟؟؟
دنكت راسها واحساسها بوجوده كاعد يزعزع روحها قبل گلبها
نتر بيها من شافها ساكته / لا تنزلينو لراسج ارفعي وحاجيني
رفعته وعينها بعينه وشافت نظرته الغامضة
مكدرت تفسرها بس لمحت العصبية بداخل عيونه وبملامح وجهه
نادية تحاول تهدأ أكثر / احمد خليني اطلع الجمعية فارغه ميصير بس احنا بيها وو….
قاطعها بحده صوت / اشششششش ،، تردين ترحين وبعدني ممصفي حسابي وياج ؟!!!!
شهكت ورجعت خطوة ورا خافت تفكر بالراح يسوي بيها
جرها من جتفها وقربها بسهوله عليه وبقت ايده ضاغطه على كتفها ورفع ايده اشرلها بأصبعه على راسها / هذا عقلج شغلي زين وفكري يولي رايدج زواج شبيج تخبلتي
حاولت تدفعه بس جان ضاغط على جتفها / عيب عليك احنا وحدنا ميصير هيج رجاءا روح لا تجي بعد يا اخي ماريدك كوة هي
عاط بيها / ايييي ايييي كوووة اسمعيني يولي ، والله ما تصيرين لرجال غيري وهذا انه حلفت فكري زين
دفعته بعصبية لأن جاي يحسسها مو مهم رأيها لأن كاعد يفرض رأيه ولازم تقبل بي .
رمشت بعينها وحجت بنترة وتخلت عن الهدوء / ماريدك افتهمها عاد
ناديه بحجايتها هاي عصبته اكثر
احمد متحلف بيها فتقرب عليها واخذها لحظنه ،، عاطت بصوت لأن فاجأها وقبل متحجي كلمة باسها بشفتها وعظها بعدها دفعها وحجى بحرقة / ليش تخليني اتهور لا تستفزيني .
نادية جانت واكفه وايدها على شفتها المردها بشفتو تكدر تحجي م كلمه لأن تحس روحها ذابت احمد كاعد يتقربلها بطريقة تهزها وهذا الشي متريد تعترف بي .
كوة لمت روحها واخذت جنطتها وطلعت بدون متحط عينها بعينه لأن خجلت من السواه وياها …احمد من شافها هيج طلع وراها وبقى يم سيارته واكف الى ان قفلت الباب وصعدت سيارتها
تنهد بقوة ولم شفايفه للداخل متحير بطعم شفتها الترفه ونعومتها بداخله حس بنشوة انتصار من شافها سكتت ما ردت عليه يعني متقبله السواه .
