رواية حسناء قلبي كامله وحصريه بقلم جوهرة
ـــــــــــــــــ
بين ازدحام المطار وإجراءات تدقيق الجوازات ، تنفس بقوة يحاول يبين لنفسه قبل اللي محاوطينه من موظفين انو الوضع ريلاكس هادئ جدا بينما داخله متمرد گ شخصيته ، عينه تراقب بحذر الناس المسافرين والي راجع من السفر واليريد يسافر وكاعد ينتظر موعد الطيارة .
صدح نداء من مكبر الصوت يتوجهون لمداخل الذهاب
بهالاثناء كامت بنية شابه عمرها بالعشرينات اتجهت
للموظف الي يدقق الجوازات بعدت خصله من شعرها الناعم ورى اذنها وابتسمتله تتشكره بعدمة قدملها الجواز
عيونه عليها من جان كاعد بقاعه الانتظار مركز بعيونه ونظرته الحادة كأنما نظرة صقر يريد ينقض على فريسته ، ممعقوله نفس البنية الجان يعرفها ؟!!!! يحاول يتقرب يتأكد من البنت هذه بس اللي عنده اكبر من هالسالفة مايريد ينشغل بغير شي
البنت ما التفتت عليه ولا عبالك تعرفه جانت تسولف ويه رجال عمره نهايه الخمسينات خمن احتمال ابوها
تقدم عالموظف الي دقق جوازه ورحب بي / شلونك سيدي ان شاء الله بخير
احمد / تمام اشكرك ..ابتسمله بهدوء واخذ جوازه من الموظف اللي تمناله رحله موفقه.
طلع للطيارة الجانت بيها مسافرين رايحين لعمان ومناك يطير الى لندن .
بالصدفه كعد بالمقعد الجانب البنية بينهم بس الممر
لفتت انتباهه بقى كل شوي يسرق منها نظره يشوفها
مشغوله بأوراق لدرجه ممنتبها لأحد ..بقى يفكر معقولة نسته متعرفه ؟!!!
جانت عينها بالاوراق وكلبها يدك سريع من وكت الشافته بصالة الانتظار من اول ما دخل لمحته عرفته ،، شلون تنساه شلون تنسى السواه بيها ، وهسه كاعد قريب عليها تعمدت مدحك عليه متريد تشوفه متريد تذكر السواه ببها.
بقت تسولف ويه ابوها السألها من شاف وضعها تخربط بنته ويعرفها مربيها على ايده يعرف كل تفاصيل حياتها ..باباتي شبيج خوما تعبانه؟!!
بلعت ريك وابتسمتله اطمنه / لاحبيبي كولشي مابيه
طبطب ابوها بحنية على جتفها وبهدوء وهزلها راسه
داخلها الحزين والمتاذي صعب يترمم بعدما تصدع بسببه ، كتمت بداخلها واستمرت حياتها ،،
بمطار لندن نزلوا كلمن راح للوجهه الرايدها.
بشارع المطار وكفت سيارة سودا قبل دقايق ونزل صاحبها رجال عمره بالثلاثين سنه ارتجى عالسيارة
ينتظر وعينه على بوابه المطار عاكد حاجبه ومركز بالناس التطلع من البوابه.
اطمن من شاف صاحبه طلع ويسحب بجنطته جان لابس جينز اسود وقميص ابيض وقمصله سودة تقدم بخطوات سريعه وجهه مبتسم
/ ياهلا ياهلا شلونك لندن نورت .
حظنه وهو يسلم عليه
عكد حاجبه ضايج / تدري بالانكليز شلون يدكون حقارة ويه العرب بالمطار وهاي يعرفوني وعدهم اسمي ،،
/ شلونك مشتاكلك جثير .
/ الحمدلله اكلك جم يوم تبقى هنا ترى احنا اللي مشتاقين والله ؟
/ مايهم هسه نروح للسفارة لو نطلع للبيت .
احمد / سلام كل عقلك نروح للبيت اني على اعصابي بس اريد اوصل السفارة ترى الموضوع حساس وصار تحدي .
صعدوا السيارة ساقها سلام الجان ساكت يدري بصاحبه من يعصب ميريد يضوجه خل يعرف من يمهم احسن.
دخلوا مبنى السفارة العراقية والموظفين استقبلوا يرحبون بي سال على نائب السفير جان موجود دخل
بعد ما سلم وكعد .
النائب/ كالوا فتشوك بالمطار.
رفع تك حاجب / عجل تعرفون كولشي مابيها داعي اتحجى.
مد النائب بوزه وضيك عينه / رائد احمد مو تحس نفسك تتجاوز مرات ، يا اخي احترمنا شويه ندري منصبك حساس والامور بيدك بس مو تنظرلنا بعين صغيرة !!!!!!
رفع حاجبه / مو انه الما احترم مقابيلي وانت تعرفني زين بس والله الامور الماتجي على مزاجي اعفس صاحبها عفس .
ماجد تنهد يدري بي شخص صعب ميستهان بي ومنصبه الحساس بالوزارة يخلي يسكتله مابي حيل سوالفهم ومعمعتهم يرادلهم قلب قوي وهو قلبه رهيف.
النائب / راح احجيها من الاخير امجد شرد من عدنا والملف ويا.
وكف احمد على حيله وعيونه بكصته انكلبت هيئته بحيث ماجد بقى كاعد بكرسيه شابك ايديه وعينه على احمد.
احمد / شنهو هالمهزله الجاي تصير هينة انت واعي شحجيت انه جاي من بغداد وعايف الامه مخبوصه يردون يطمنون وتكلي شرد عجل شنهو كعدتكم هينة جايين ونسه وطربكه .
بقى يفتر بالمكتب ويفكر بعدين صفن على ماجد / اجمعلي الموظفين وجيبلي التحقيق السويتوا ويه امجد .
ورا ساعة طلعوا الموظفين واحمد شمر الملف عالميز
حجى ويادوب ماسك اعصابه / حضرة السفير شوكت يرجع من عطلته مو كافي عاد يفرفر ورى النساوين يوميه بمكان.
فتح حلكه يريد يحجي ورجع سده من سمع احمد. يكمل / ندري بتحركاته مانايمين على اذانه.
التصويت للرواية دوسو النجمه 
وعلقوا بين الأسطر
وعلقوا بين الأسطر شكراً على التصويت!
تكمله البارت الاول
ـــــــــــــــــــــ
احمد / كل تحركات سياده السفير اعرفها ..
التفت لسلام الجان مركز ويا وكمل .. امجد هذا هرب فجاة بعد ما جان جاي يزور العراق وانه لحكته اريده بين ايدي هو والملف اللي سرقه .
سلام / اني راح اكولها للمرة الخامسه اشك بي مندس وعنده غاية
احمد / انا اروح الفندق ارتاح يلا سلام تعال وصلني.
وقبل ميطلعون التفت احمد على ماجد / كلوو للسفير يدير بالو على منصبو يالله فيمالله .
بالسيارة سلام مركز يسوق / امجد عرفنا مكانه اذا تريد نروح هسه لو ..
التفت يقاطعه / كل عقلك تحجي انه اريد بس الزمو والله ما ارحمو .
سلام / خلاص لعد هسه الساعه ٩ اكيد راح نشوفه .
……
الصاله مليانه شباب وبنات وصوت الدي جي يصم صم ، احمد ما تفاجىء لأن هاي حياتهم متعودين عليها
شعليه المهم يوصل لأمجد اللي لمحو وهو يتطوطح ويريدون يلوحونه من بين
الناس المتواجدين .
سلام / اي والله كلامك صدك اني ماريد ازعلها خطية انشلع كلبها وياي سنتين تنتظر اسحبها يمي هسة يلا ارتاحت ماصارلها شهرين.
ابتسم احمد / الله هنيكم .
سلام جر احمد من ايده / تعال ذاك امجد منصور.
تقدموا شافوا كاعد يم البار يشرب واول ما انتبه عليهم عاف الكاس وراد ينهض وهو يبلع ريك.
احمد مد ايده عدله رباطه / شلونك امجد اشوفك مرتاح سحب ايده وخلاها جوه قمصلته ورفعله تك حاجب.
امجد عرف ماعنده فرصه يشرد منهم وخاصه رائد احمد رد عليهم / اهلا وسهلا شتحبون اضيفكم ..وبقت عينه ادور بوجوهم لان خاف منهم.
ارتبك من شافه يحجي صدك وايده على جراب السلاح المعلك بجتفه جوه القمصله.
مسح كصته العركت وكام وهو يعدل بالكوت اللابسه
رفع ايده فوك ..راح اجي وياك بس اهدا شبيك ليش
معصب اني ممسوي شي حتى تلحكني الندن. وبيدك سلاح ، شلون الإنكليز عافوك ما فتشوك لو هذا سلاح ممرخص
احمد / لا تلعب بذيلك يوول
سلام بلا اهتمام / كلنا نعرف العندك لا تلف وادور امجد تعال ويانه لأن الجو هنا مو مستحب عدنه كعده وياك ورائد احمد يريدك اجاوبه على كم سؤال.
طلعوا للسيارة الراكنها سلام بالكراج القريب عالصاله
وطول الطريق ساكتين محد حجى الى ان نزلوا يم
بيت سلام ودخلوا للاستقبال عافهم وطلع لزوجته
خبرها تسوي عشا مرتب لان ويا ضيف من العراق
رجع عليهم وجان احمد يحجي بعصبيه وامجد مدنك رأسه
احمد رجع كعد ونزع قمصلته الجلد شمرها عالكرسي وبرزن عضلاته وجراب المسدس المعلك نزع المسدس وسحب اقسام / طلقه براسك هالمدعبل اذا ما حجيت الصدك.
سلام / احمد يخوي الزم اعصابك شوي ادري بيك من تعصب لا تتهور امجد يريد مصلحته ممعقوله مراح يساعدنا واحنا نريد مصلحته.
احمد / انت مواطن انكليزي بحكم جنسيتك بس والله لأحرم عليك شوفه العراق لا عبالك جنستك البريطانية تحميك.
مسيطر على اعصابه وبقى يسال امجد الجان يجاوبه والخوف مالي كلبه يحس راح ينقتل بالاخير .
احمد يريد يعرف شلون وكع التقرير بيد امجد الجان يكرر ويردد هو ما سرقه.
احمد / استغفر الله ..يابه فهمني عجل شلون وكع بيدك انشمر عليك من السما لخاطر النبيي يول هذا التقرير حساس وخطير شلون وكع بيدك .
امجد بعد ميكدر يضم اكثر من هذا مصيره بيدهم
كولشي يكدرون يسوون ..
امجد / والله اخذته صدفه وهسه ضميري اكلني اكل لان تورطت بي .
احمد ابتسم باستهزاء وهو يرفع تك خد / اهااا وصحا ضميرك النايم.
امجد / والله اخجل من السويته وندمان وشردت لان حسيت راح تعاقبوني خفت على نفسي لا انقتل.
سكت امجد وبداخله يفكر اذا هرب يرجعون يلزمونه واذا هالمره رحموا مره ثانيه يقتلوه .باوع عليهم وحجى بصوت نبرته صادقه..
امجد /؛اريدكم تسمعوني للأخير والله ميهون عليه اخون بس جنت حيل محتاج فلوس واني وحدي بالغربه وعلاقتي بأهل امي موشي اني خسرت فلوسي بلعب القمار والمقامرة وبمره من المرات عرض عليه شخص مغترب بأمريكا تعرفت عليه هنا
وبوحده من الحفلات ومن عرفني عراقي بقى يسولف وياي ولا تسألوني عنه ولا عن اسمه …
قاطعه احمد بصوت مليان غضب / شلون متريدنه نعرفه هذا شي مهم .
امجد / هو اصله عراقي وعايش بأمريكا صارله سنين .
سأله سلام / عرفنه يعيش بأمريكا نريد نعرف اسمه.
باوع عليهم وحجى بكل تأكيد وتصميم.والله ما اكدر اكول اسمه لو حتى عذبتوني…انتوا تردون التقرير وخلاص.
حجى احمد وهو يجر حسرة ويذبها بحركه /!ااايييي
يحتوي تفاصيل جهاز متطور عالي التقنية متخصص
بصناعه…ول يابه انه ليش جاي احجيلك وانت تعرف شكو بهالتقرير سلمنياه واامن على روحك.
دنك امجد ورجع رفع راسه بخجل..ما اعرف شكول
اني شافرق عنكم بس اني حمار مشيت
ورى طمعي وحاجتي للفلوس واستغلوني .
دحك عليه احمد شاف وجهه احمر دليل تأثره بداخله
ممقتنع بكلامه ويطبه طب كل اليريده التقرير وخل يروح الجهنم بعد معليه بي.
امجد / تدرون التقرير لهاي اللحظه محد فتحه ولا شافه
مابعته لأي جهة وهذا العراقي المغترب ما اتصل عليه لحد هسه .
سأله سلام..وين ضميته.
كام امجد ونزع الكوت / هنا ابطانه الكوت
1 ت
بدا يجر بالبطانه من جوه ونزعها شوي وطلع التقرير
جان مخليه بحافظه اوراق بلاستك شفافه .
بقوا مستغربين تصرفه ..علق سلام عليه..
سلام / امجد متأثر بالافلام البوليسية ههههه.
امجد / هههه اي والله شسوي لعد وين اضمه اني هم اخاف ينسرق مني واطلع كولشي ممحصل.
رجع احمد كعد عالقنفه واشرله يكعد..اريد اعرف شلون اخذته من المعمل ونظام الحمايه شغال والمراقبه الامنية مستمرة.
دنك امجد وخله ايديه على ركبه ورجع دحك على احمد / خلال فترة وجودي بالعراق صادقت بنيه هي عمرها بالثلاثين تشتغل بالمعمل الذري سكرتيرة المدير وعلاقتي قوت بيها وعدتها اتزوجها بس جنت اقشمر عليها ماريد ادخلكم بتفاصيل متهمكم وجنت مره رايح اجيبها من المعمل لان اتصلت تريدني اجي عليها وجنت يمها بالمكتب وفجأة شب حريق والكل التها بي اني دخلت مكتب المدير الطلع يركض برا يشوف الصار وشفت التقرير مكتوب عليه سري وخطير اني اشتغل عندي انذار اخذته وضميته عالسريع كلت اكيد بي خوش بيعه وهذا كل الصار.
علق سلام الجان كاعد وايده على خده صافن على كلامه.
احمد / اكيد انت الحركت المعمل حتى تستغل الوضع.
شهك امجد وبقى يحلف / والله العظيم مو اني ولا ادري شلون احترك.
حجى احمد بصوت حاد / كل الكلام صدكته بس اريد اسم الرجل الساومك على الملف اريد اعرفه منو .
امجد / لا تجبروني والله هددني يأذيني هذا ما عنده ذرة رحمه بكلبه.
احمد / انه مستعد احميك بس كول اسمو.
امجد هز راسه بأصرار ..التقرير صار عندك بعد مالكم شي يمي.
تنهد احمد / يجي اليوم اراح اكلبجو بالحديد واخلي يخيس بالسجن هين هين.
الرجل الساوم امجد على الملف هو سامي العايد مغترب بامريكا وعنده شركات وعلاقات بشخصيات دولية ويتاجر بالاسلحه وهو شخص ماكر داهيه راد يحصل الملف بس فشلت خطته.
ابوه حجي علي العايد تعب من تصرفاته وافعاله وقطع علاقته بي وبعد ما سأل عنه وبقى عايش ويه بنته الوحيدة ناديه متعلق بيها هواي وميكدر يرفضلها طلب خاصة بعدما تجاوزت ازمتها الصحية وصارت بخير
ــــــــــــــــــــ
عودة لفترة مرض نادية
ناديه حست بروحها مريضة تعاني من الم بصدرها الايسر وبعد فحوصات طبيه شخصوا السبب كتله سرطانية .
ابوها من عرف تخبل وقرر ميبقيها بالعراق عنده خير من الله ليش ميسفرها للخارج وهذا السواه راسلوا
مستشفى بلندن وطبيبها العراقي تواصل ويه الطبيب
الانكليزي وخلال ايام سافروا وياهم الطبيب العراقي
د. جلال لبريطانيا واجاوزت مرحله الخطر بعد العمليه وبقت فترة يلا رجعت للعراق وبقت بين فترة واخرى تسافر ويه ابوها اجيك نفسها وتسوي فحوصات وبسفرتها الاخيرة شافت احمد ورجعتلها
كل ذكرياتها الحاولت تتناساها.. ورجعتلها بقوة بعدما شافت احمد
