رواية حسناء قلبي الفصل الرابع 4 بقلم جوهرة
احمد /
صعدت السيارة وسقتها بسرعه بدون ما التفت عليها ، اريد فسحة مكان ومجال احجي وياها والظاهر هي معاندة بداخلي ابتسمت من شفتها مصدومة بعدما اخذت نظرة منها
نادية /
التفتت مصدومه من تصرفه المتهور. / شنو هالتصرفات عيب عليك والله
احمد /
مركز بالشارع واسمعها ادردم علية رديت عليها / مو انتي التعلميني شنهو العيب واكفه بالشارع انتي وكل هالكشخه والحلااا ترديني اعوفج عجل تخبلت.
ناديه متفاجأه بتصرفه شيريد يفهمها شنو قصده كاعد يفرض روحه علية! !!!!!
ضحكت بدون شعور مستهزءة /ههههه لااااا ماعرفتك اكيد مبدليك بواحد ثاني احمد ناصر الفهد موووو لو اسمك مزيف مثل احساسك وعاطفتك الباردة !!!!؟؟
احمد /
التفت وخزرتها ورجعت تركز بالطريق / نااااديه اعترف بغلطي من تركتج بدون ما ابرر السبب وانا اعتذر عالصار وخل نرجع و….
نادية /
التفتت ونترت بعصبيه / يا اخي حرررام عليك شنو هالقابليه العندك انت واحد اناني مغرور عبالك من اعتذرت راح اسامحك وهاي هي اقبل بيك ؟!!!
احمد /
متحملت الوضع وانا اشوف عصبيتها وصياحها خلتني ما اركز بسياقتي وكفت السيارته على جهه من الشارع فارغه جانت والتفتت بجسمي عليها مطمن السيارة مظلل جامها والوكت ليل محد منتبه علينا مديت ايدي وجريتها من ايدها وخليتها بيدي ضاغط عليها وقربتها علية هي بسرعة شهكت بخوف لسبب قربي منها وانفاسي الحارة
تضرب وجها بلعت ريك وانا تدقق بملامحها بعيونها السودا الوسيعه فاتحتها بخوف شنو خوف هذه مليانه خوف رعشه جسمها بين ايدية هي كلها جذبتني بقوة خلت گلبي يدك واحستسي بيها قوي گلبي يريدها اكثر من اي وكت اشتهى الثم شفايفها حاولت اسيطر على روحي ماريدها تخاف مني لان افكاري هساع وبهاللحظه وشراح اسوي بيها يخليها بعد متتقبلني استغفر الله يارب
استغفرت بصوت عالي وتركتها ورجعت سندت ظهري عالمقعد اتنفس بقوة وعيوني مغمضهن ،، مسحت وجهي وشعري رجعته ورى بقوة وتنهدت
ناديه /
لزكت جسمي يم الباب خايفة يسويلي شي لان شكله وعيونه وانفاسه الحارة حسستني راح يهجم علية وخايفة من روحي لا اضعف كدامه
اني ما انكر تأثيره علية بس ماريد تفكر بهذا الشي حتى لااضعف
بقيت امسح ايدي بعصبيه لأن عطره موتني لازك بيدي رجعلي كل الذكريات ويا متحملت قناع البرود اللابسته بجيت غصب عني / ليش
هيج سويت بيه ست اشهر كامله خدعتني بحبك طلعت كذاااب غداااار .. كلتلي اوضاعي مو تمام وحالتي متساعد عندي ظروف بعدها اختفيت فص ملح وذاب حتى رقمك يطلع خارج التغطية من ادك عليك…مافكرت شنو موقفي كدام الطلاب الجانو يشوفونه سوا .. ولك كمت ما ارفع عيني بواحد كمت ما اختلط حتى لا اسمع حجايه قسيت كلبي وصرت غير وحده ولك حتى بابا الجان يعرف
بكولشي كمت ما اطلع كدامه حابسه روحي بغرفتي اكيد راح تكول شدعوه هيج اسوين ..اي اي اسوي اكثر اني انسانه حساسه مشاعري صادقه جانت وياك
وغدرت بيه وابشرك نادية العرفتها ماتت اي كولشي احسه مات بيه انت متعرف شنو المريت بي اني حتى سرطان صار بيه وكعدت سنتين اعالج يلا تخلصت منه .
فتحت جنطتها وطلعت كلينس مسحت دموعها ونظفت الكحل السال .
احمد يسمع حجيها وصوت شهكتها وبعده على وضعه جر شعره بقوة وهو يسمع حجيها ونبرتها المليانه لوم وعتب غلط بحقها جثير يعترف جان بوكتها يحس بمشاعر حلوة لناديه لان جانت ناعمه كلها رقه ومندفعه بحبها جانت اول سنه الها بالكليه جذبته براءتها وحلاها وتأكد ماعدها علاقه بالشباب هو اول شاب تتعرف عليه يتذكر لهفتها من تشوفه وهو جان مغرور بهذا الاهتمام المحاوطته بي يعترف خدعها من عافها وما رجعلها مابررلها ليش تركها ،،،
جانت ظروفه صعبه ذيج الفترة طيحت ابوه الله يرحمه بالمرض فجأة اكتشفوا عنده سرطان بمرحله متطورة علاقته بأبوه علاقه روحانيه اكثر من اب وابنه جان متعلق بي حيل من توفى بهالسرعه انصدم واعتزل عن الناس بقى فترة هيج حتى شغله بالداخليه جان يأخذ اجازات بعدها طلع دورة للخارج اشهر يلا رجع ..يعترف مجانت ناديه على باله لأن جان حزنه على ابوه اكبر من اي شي حتى ماخبرها
عن مرضه ولا وفاته لأن بوكتها جان متأثر وعاف كولشي وراه ما التفت ولا خلاها على باله .
جر حصره وذبها ولف بجسمه عليها انصدم بمنظرها وجها احمر وعيونها منفخه وجوا جفونها بقايا كحل ملطخ حس بنغزه قويه بكلبه من شافها منزويه وعينها عليه ونظرتها لوم وعتب ثجيل .
رفع ايديه وطبك راحتهن سوا وقرب عليها وبصوت نبرته ثكيلة قوية / اعتذر لأن سببتلج هالوجع ما اكلج سامحيني
بس فعلا انا اسف اسف جثير
وبكل خوف حجى هساع شلونج بعدج مريضه، تراجعين دكاترة ؟!
ردت بهمس / الحمدلله اجاوزته. بس بين فترة وفترة اتابع حالتي
عينه عليها وفعلا توتر من سمع بمرضها راد يطمن اكثر / شكد صار من تمرضتي ؟
احمد صارت عنده معلومات عن هذا المرض لان كضاها يركض هو واخوته بابوهم وعرف هواي شغلات عنه.
افتهم منها قبل سنتين واخر مرة سافرت لندن اطمنت على روحها .
سألها بكل اهتمام / شنو نوعه جان قصدي ..قاطعته بصوت نبرته
متضايقه لان متريد تحجي بهالموضوع / سرطان الثدي.
عينه لا اراديا ركزت على صدرها الجان بارز بجاذبيه
ناديه استحت من شافته ركز على صدرها ولا اراديا
غطته بايدها .
احمد مو غشيم عن النسوان يشوفها بكل انوثتها كامله الانوثه وصدرها حيل حلو ممعقوله الستيان اللابسته هيج ينطي جمال !!!
احرجها اكثر بكلامه / بس منظره جثير حلو سويتي تجميل ؟!!
ناديه والخدود طماطه هزت راسها / لااا كتله صغيرة جانت بدايتها والحمدلله كدروا الاطباء يعالجوني بدون ميأثرون على شكله
تنهد براحه لان فعلا حس بخوف من حجت / الحمدلله على سلامتج ماتشوفين شر ان شاء الله ، ناديه ارجع واكرر اعتذاري رغم انا معروف عني مو بسهوله اعتذر ، انا فعلا مريت بوكت صعب ومن حجيت جنت صادك والله ، وكلتلج ظروفي صعبه ماجنت اجذب راح احجيلج واتمنى تعذريني. . . . . .
ناديه سكتت وسمعت كل الحجي لان جانت تريد تعرف ليش عافها جانت تريد سبب واحد يريحها
وهسه عرفت الصار وياه من خلال كلامه بس هذا ما يبررله تركها سنين وصدفه شافها وهسه يريد ترجعله ..يعني لوما شايفها وحب تغييرها وشكلها جان بقت طول عمرها تحس بفشلها بعلاقتها وياه
سمعته للأخير بعدها حجت بكل برود عكس داخلها
نادية / الله يرحمه ويجعل مئواه الجنه ،
تأخرت هواي عن البيت واكيد بابا قلق عليه
بقى عينه عليها متفاجىء بكميه البرود البيها حتى ما سألته شي تنهد ورجع التفت شغل السيارة حركهار بعصبيه لأن ما توقع برودها ويا فعلا تغيرت مو ذيج ناديه بكلمه منه تنسى العالم بس هو بعالمها وكلمته متصير اثنين عدها !!!!!
سمعها توصفله مكان البيت بصوت هادىء ومن دخل شارعهم خلته يوكف / شكرا لان وصلتني صارت زحمه وسيادتك مشغول اكيد
كلماتها جانت بأستهزاء واضح تقصدته
نزلت بسرعه ولطخت الباب بقوة متعمدتها تريد تستفزه اكثر ومشت داخله للبيت لو ملتفته عليه جان شافته شلون فاك عينه عليها بغضب وعاصر ستيرن السيارة بيده بكل قوة حتى لا ينزل وراها ويشوفها منو احمد الفهد الجاي تستفزة بهالتصرفات.
ــــــــــــــــــ
نادية /
دخلت غرفتي وسديت الباب همزين بابا بغرفته جان دخلني سين وجيم يريد يتطمن علية ذبيت جسمي عالجربايه تعبانه و روحي انسحنت بشوفة أحمد وكلامي ويا اعرف ليش هالبرود النزل علية من حجالي وبررلي يمكن لأن مرت سنين عالصار اعترف
جنت بوكتها بريئة ما اعرف نفسيات الشباب بس هسه بعد عمري اللي تعدى ال ٢٤ سنه عرفت وصرت اكثر فهم وعدني
نظرة بيهم ما اهتم بعد لأي شي هذا العودت روحي عليه ولازم استمر مراح اخلي احمد يسيطر علية لكلامه ولا راح اسمح لگلبي يميل لأحمد …جرت حصرة
وذبتها لأن شوفتها لأحمد اتعبتها حيل و تخلي احساسها يتجدد
ــــــــــــــــــــ
احمد /
بعد ماعرف مرضها وشلون اجاوزته بقى گلبه عليها احساسه بيها جاي يكبر وكل الراح يسوي يرجعها ولازم يصبر عليها لأن كاعده تتجاهله بس مو احمد ناصر الفهد اليضيع شي يخصه وناديه بعد تخصه
لو حتى هو العافها بس لااااا مستحيل يعوف هالحلااا والشموخ هين هين يناديه الايام بينا.
قرر يطلع للدائرة الامنيه عنده اجتماع مديرهم طالبهم بالأسم يعني اكيد شي صار .
ركن سيارته بالكراج ونزل مستعجل دحك بساعته ما متأخر الحرس بالباب دكله تحيه ورجع احمد سلم عليه ودخل للمكتب بكل فخامه وهيبه.
احمد / السلام عليكم
ردو الكاعدين محاوطين الميز بأصوات متفاوته سلامه ..جر كرسي وكعد وعينه على عميد ركن ابراهيم
العميد / هسه اكتمل العدد وراح اشرحلكم الوضع ركزوا على كل كلمه اكولها ……….
ساعتين وفض الاجتماع وطلعوا الضباط ..
عميد ابراهيم / رائد احمد انتظر عندي كلام وياك.
احمد باحترام / سيدي
عميد ابراهيم علاقته قويه بي وبيناتهم نوع من الميانه ولأن احمد مستلم مهمام خاصه فدائما لقائاتهم وتواجدهم مستمر .
كعدوا عالقنفه البمكتب /:ليش سجنت حرس وزير ال…
احمد ابتسم تك خد وحجى بتوضيح./ سيدي والله اجيت حتى الوزير اطك اركبتو هذا واحد سافل عجل تقبلها يودي
حمايته لبيت حرمه وياخذ بتها وين كاعدين بغابه سيدي رحمه لأهلك هاي صارت قضيتي الحرمه انتخت بيه ارجع بتها وهذا الصار زين لحكت عليها قبل ما يغتصبها النذل .
على شنو شايف روحو يكل للحمايه عجبتك روح اخذها غصب اذا رفضتك.
عميد ابراهيم صافن على كلامه متفاجىء لأن سمع غير هذا الكلام..
عميد ابراهيم / لعد شكد ناقص هذا..بس انت ممقصر مكسره تكسر صارله اسبوع بالمستشفى والوزير خابرني اليوم يريد
تسحب ايدك من السالفه يكول هاي مو من اختصاصه وحمايتي هذا لا يتدخل عوفوها للشرطه .
احمد ركز على عميد ابراهيم يريد يعرف رأيه لأن اذا كال اسحب روحك معناها على الدنيا السلام وما ظل رجال خير بالعراق لأن عميد ابراهيم عبد الحق من خيرة الضباط ويتعامل بنزاهة .
عميد ابراهيم / الله محيي اصلك يالذيب ما ادخل راح اراقبك للأخير اتمنالك التوفيق.
استأذن منه وطلع للمكتب وبداخله راحه لأن جان واثق من رئيسه ونزاهته.
دخل مكتبه ونزع الستره علكها عالكرسي وفك رباطه
وطلع ملف القضيه الصارت بين ايديه يعرف الراح يسوي يعلمه درس بعد ميطاول عالناس الفقرا. وخل وزيره يفيدو
بقى للساعه ١١ اخر شي كمل تدوين وكتابه غلق الملف وضمه قفل عليه رجع جسمه عالكرسي وغمض عينه يريد يرتاح شوي.
دك موبايله فززه عكد حاجبه وشاله فتح خط بسرعه لأن وضاح اخوه يتصل / هلا وجثير الهلا شلونك بعد اخيك
وضاح / شلونك احمد شخبارك يالغالي .
احمد / تمام الحمدلله طمني امي شلونها.
وضاح / والله كاعده يمي وخبصتني عليك تريد تحجي وياك هاك حاجيها كاميرا يلا .
شوي وفتحها…
احمد وعينه على أمه الحجية اللي سلمت عليه / ها يمه شلونك بعد گليبي
ابتسم بكل حب وهو يشوفها شلون متلهفه وكلها حنيه تارسه وجها اليشع نور وطيبه ./ بعد روحي ييمه شلون عوفيتج زينه.
ام وضاح / يوليدي اسأل الله حسن الخاتمه بعد امك ليش متأخر تعال يعيوني گلبي موجر عليك صار شهر ماشايفتك جني اشوفك ضعفان هساع
ضحك يدري بيها الا تشوفه يمها يلا ترتاح
احمد / بعد عمري بعد گلبي باجر الصبح ريويكي عندج
ام وضاح ( حجية نوفة ) / اسم الله على عمرك وگلبك انت تعال وشوف شراح
اجدملك بس كول وانا اسوي .
احمد بحب / لا تعبين روحج بعد روحي انتي بس مادام تردين تريكيني مشتهي فتيت بالدهن الحر وخبز حار
ام وضاح / عابت روحي ييمه جنك على فتيت
بقى يسولف وياها بعدها ودعها .
(اليسأل عن هالاكله هاي دهن حر يثردون بي خبز حار ويضيفوله شكر او شويه دبس ويفتتو قطع صغيرة اكله طيبه )
حس براحه لأن كلامه ويه امه يريحه وقرر يبقى بالمكتب وباجر الصبح يطلع للطارميه.
