رواية حسناء قلبي الفصل السادس 6 بقلم جوهرة
بداخل مبنى الجمعية /
سمر / يمعودة والله كتبت الاسماء كلها تغريد جابت قائمه بأسمائهم شبيج خبصتينا ؟!!!!!
نادية /
ايدي على راسي وافتر بالمكتب والتفتت لسمر من حجت / ما ادري اني من اسوي حفلة التبرعات اخبص روحي رغم يطلع كولشي مرتب بس ابقى افكر خاف ناقص شي.
نادية بارتياح / هاا اي عفية عليج لعد شوفيني القائمه يلا انطينياها
جابتها سمر / هاج هاي الاوراق اويلي بيها شلون طاكين بعد ما ادري يتبرعون لا
اخذت نادية القوائم وكعدت عالقنفه تراجع الاسماء بعضهم متواجدين وياهم لأن يتبرعون بأستمرار وبيهم اول مرة لأن مو بس هي ترسل دعوات بقية الاعضاء البجمعية ومن ضمنهم ابوها حجي علي العايد واصدقائه فز گلبها من وكعت عينها على اسم
رفعت راسها وخزرت تغريد ونترت / هذا شجاب اسمه بالقائمة بس لا وجهتيله دعوة ؟!!!
1 تع
تغريد تفاجأت بنترتها وكعدت بصفها وجرت القوائم / منو تقصدين ؟
اشرتلها بأصبعها عالاسم وردت / تغريد لاتخليني ازعل عليج انت تدرين بكلشي ليش هيج تسوين بيه ؟!!!
اعتذرت تغريد وبررت / اسفه والله العظيم اني ماوجهت اي دعوة بس كتبت اسمه لأن معتز هو الدعاه البارحه خابره وكعدوا يسولفون وحجى ويا عالحفلة وطلب اضيف اسمه انت مو تعرفين معتز وجه دعوة لمعارفه وهو من ضمنهم. ، صدكيني عاتبت معتز بس رزلني يكول تبقن عقلجن صغير
فكت نادية عينها / هاي فوكاها عقلنا صغير طبعا صديقه شلون يكسر بي.
انطتها الاوراق وكامت نادية وبضوجه / سوي التردينه اني رايحه للبيت وباجر نلتقي بالقاعه اكيد رتبوها لو يحتاج امر عليهم.
سمر ردت عليها / ميحتاج لان عصام فديته تكفل بوكفته وقبل ساعه خابرني كال لا يظل بالكم القاعه اجنن صارت.
نادية / مشكورين ميقصر ابو ادم وكفاته هواية.
التفتت على تغريد لأن عصبت عليها / اعذرني والله احس روحي مضغوطه حبي توتة لاتبوزين فديتج
ابتسمتلها تغريد / دروحي روحي ابوز شنو ليش شعندي غيرجن
رفعت ناديه طرف شفتها بأبتسامه خفيفة عكس داخلها المشتعل نار لأن باجر العصر راح تشوفه وهي ممستعدة لهذا الشي.
ــــــــــــــــــ
احمد /
كاعد بمكتبي اراجع بملف اندكت الباب ودخل علية
/ سيدي عميد ابراهيم وصى عليك حالا
رفعت راسي من الملف جنت اقرا بي سديته ورجعته بالمجر وقفلت عليه / خير إن شاء الله
عندي احساس الراح يصير لأن قبل جم يوم
وبالتحديد اليوم الرجعت بي من الطارمية
،،،،
بهذا اليوم راح زار الحرمة الانتخت بي لأن اتصلت تشكيله ومن التقى بيها خبرته الصار بيهم ،،، طمنها يحلها ومادام صارت بحمايتو راح يسوي اليكدر عليه ويساعدها
وفعلا اتفق ويه ام زينب وقنعها لأن الراح يسوي بنظره هو الصح .
،،،
دك بأطراف اصابعه الباب ودخل على عميد ابراهيم الواضح و مبين العصبية بملامح وجهه .
عميد ابراهيم / شلون هيج تصرفت رااائد احمد شلوون ؟؟!!!!!!
فك عينه لأن يعرفه زين من يعصب عليه يحجي ويا بالرسميات.
سوا روحه ميعرف شيريد منه / سيدي ماعرفت قصدك.
اتكأ عميد ابراهيم بذراعه عالكرسي وضيك عينه وهو معصب / كولش صعب وما عرفت قصدي مو ؟!!!
شلون تروح للوزير وتخلي يغصب حمايته الضابط الي قبل جم طلع من المستشفى ورا ما حضرتك سكطته من الضرب ويخلي يقبل يتزوج البنية !؟؟ هسه قابل نام وياها رجال تصرف بتهور لأن البنية حلوة وعجبته
وهو نفسه دنت عليها بعدها استحق البهذله الي سويتها بي وانتهى كولشي ليش تروح تهدد الوزير ؟؟؟!!!! وبيش هددته لخاطر الله احجيلي بيش هددته ، خابرني متخبل يكول اليريده يصير بس يكف اذاه عني .
رائد احمد ابتسم تك خد / سيدي تعرف شغلنا حساس ماريد احجي سر من اسرارنا.
كدر يخلي العميد يسكت ميناقشه بس كل الحجاه وهو يتنفس بقوة / البنية قبلت ؟!
رائد احمد / اكيد لأن بزواجها منه راح اامن عليها ترى هو واضح يحبها بس جان متهور لأن من هددته قبل رأسا وكال انو جان متهور هههه بس والله الضرب الاكلو مني خلاه
يصحصح ويسوي اللي اريدو
تنهد عميد ابراهيم / احمد لا ادخل روحك بهاي السوالف بعد مفهوم ، منصبك حساس وهواي عينهم عليك بدورون فرصة ياخذون مكانك.
احمد / اعرف بهذا الشي ومحتاط .
عميد ابراهيم / اني طلبتك لأن خبصوني باتصالاتهم ولا تظن عصبيتي عليك بيها شي انت تعرف بمعزتك اعتبرك مثل ابني فارس .
احمد / يعز مقدارك والله يحفظو هالفارس ذيب
ابتسم عميد ابراهيم لطاري فارس / بعد انت اعرف بي اخيك الصغير وصاحبك.
احمد / اي والله اتشرف بي عكال راس هو وابوه.
عميد ابراهيم / هههه ما اكدرلك ديلا اخذ راحتك .
ــــــــــــــــــــ
ناديه /
عيني على مدخل القاعه ، شبي گلبي يدك سريع وكلما تقرب الدقايق احس روحي مرتبكه اكثر كوة مسيطرة على روحي حتى أبين للناس بالبرود وعدم الاهتمام
رفعت راسها بشموخ يلوكلها ومشت رافعة راسها ممهتمه وهي تلمحه يدخل للقاعه ويه معتز شكد منظره بالبدله السودا والقميص الابيض والرباط رجولي وفخم حيل ، بلعت ريكها متريد تتأثر بشوفته متريد عينها تجي بعينه .
لابسه فستان مناسبات حيل راقي طالعه
راقية وفخمه وشعرها سوته تسريحه بسيطه لايك ويه الفستان ومكياج هادىء طلتها جانت انيقة.
راحت يم ابوها الكاعد هو وجماعته رجال اعمال يعرفهم محاوطين الميز اشرت لأبوها انتبه عليها استأذن منهم وتجى عليها / ها بابا محتاجه شي
شاورته بعدها صفن بوجها يريد يشوفها متأثرة بشوفته لا منظرها ميوحي لأي تأثر بي لمعه عيونها السود واطراف هدبها الذبلانه شجعها
حجي علي / عفيه بنت ابوها الذيبة وهسه روحي تحضري حتى تلقين الكلمه
….. جانت ممنتبها للكلمه يعني راح تلقيها وهو حاضر راح يشوفها ويسمعها جرت نفس وذبته فكرت لازم تحافظ على هدوئها وتعتبرة ماموجود ،،، ويه نفسها دعت يخلص الحفل بسرعه حتى ترجع للبيت وتنسى كولشي.
،،،،،،
احمد جانت عينه على ناديه حس شي قوي مقيده بيها يلوم بنفسه / غمج يروحي شلون عفت هالانوثه والجمال اااخ يويل حالي مايلام سعد الحديثي من
يكول ( يشامخه وعاليه ) ،،،. اي والله شامخه ..التفت على معتز الجان يحجي ويه زوجته وعرف جاي تعاتبه هيج حس لأن من دخل وجوهن انكلبت
تلاكو ويه حجي علي وتسالمو بعد ما عرفه معتز ،،، حجي علي من حجتله ناديه على احمد توقع شكله غير بس من شافه يحجي بثقة وهيبته بارزة ومظهره الانيق عذر نادية الحجي رغم ميهتم لهاي الاشياء كرجل بس وسامه احمد وفخامته خلت گلبه يميله
وشافه يلوك لبنته بس شيسوي هذا حظها ..تنهد وهو يأشر على كرسي بصفه
حجي علي / تفضل ابني شرفتنا
كعد احمد بعد ماتشكر منه وراحت عينه على ناديه من صعدت تلقي كلمتها .
بقى صافن على لباقتها وطريقتها بالكلام شلون هيج تغيرت مجاي يستوعب شكد جانت رقيقه وخجولة ، اذا حجت وياه الخدود يصيرن حمر
ماطولت رحبت بيهم وحجت التريده من دعم للجمعية وتقديم مساعداتهم حتى الجمعيه تتكفل بتوزيعها .
ضجت القاعه صفكولها بعدها شغلوا دي جي موسيقى هادئة
وبدا توزيع الضيافه عليهم جانو متفقين ويه مطعم على هاي السوالف.
ناديه مكدرت تلتفت لمكان ابوها لأن شافته كاعد وياه جرت حسرة وذبتها ، جتها سمر وتغريد .
سمر بتشجيع / فديتج اجنن الكلمه
ردت وتحس عيونها تحركها من الدمع الحابسته جواها / يسلمو سموره حبيبتي.
سمر بأهتمام / نداوي تعاي لذيج الغرفه رتبي نفسج اشوفج راح تتخربطين كثر ما كاتمه بروحج
نادية ضغطت شفتها بحرقة من سمعت حجي سمر وبلعت غصة واضحه ومشت وياهن بدون متحجي
دخلن وسمر طلبت من البنات اليشتغلن وياهن بالجمعية يعوفن الغرفه لان جانن يرتبن روحهن بيها.
راحت سدت الباب ورجعت / تنفسي براحه نادية صدكيني ماكو شي يسوى لاتسوين هيج بروحج وتقهرينا عليج مو زين عليج حرك الأعصاب ولا القهر
نادية / ما اكدر سمر
سمر بحزن / الزعل والقهر مو زين عليج
ادخلت تغريد من شافتها بعد متتحمل كعدت بصفها عالكرسي / نادية شوي الحفله وتخلص تحملي مو توج جنتي عادي ممبين عليج
رفعت راسها لتغريد ودموعها نزلت هزت راسها / ما اكدر من اشوفه كولشي يتخربط بيه
جرت نفس قوي وذبته وهي تلوم معتز. زوجها لتغريد / كله من ورا لمعتز ليش يعزمه ليش ؟!!!!
تغريد حيل انقهرت لأن فعلا لوما معتز جان ما اجى هو اصر يريد يقربهم مرة ثانية مايدري نادية قافلة متريد تشوفه .
سمر مقهورة على نادية / ليش هيج تسوين بروحج عوفي يطبه طب قحط ، حتى محلو مدحدح ومبهذل وحجاياته مدري شلونها !!!!!
رفعت نادية راسها متفاجأة بحجي سمر لأن احمد عكس الحجته تدري بيها تريد تغير مودها لان شافتها هيج.
مسحت دمعها وكامت ترتب نفسها عالمرايه الجبيرة اللي ماخذه نص الحايط .
بعدها التفتت عليهن وداخلها يوسوسلها تصير كتله برودة اذا صادفته يوسوسلها تقهره مثل ما قهرها. وهذا الصار كدرت تتجاهله طول الحفله ونهائيا متقربت عليهم
احمد حيل ضايج من تصرفها وجم مرة ابوها دز عليها تجي لأن صديقه يريد يحجي وياها رغم هذا جانت مبتعده بالاخير ترخص يروح بعدما شكر حجي علي وقدم تبرع بمبلغ يسوى.
ــــــــــــــــ
احمد /
السوته نادية ويا من تحقير اي هذا الحسه وخلاه يضوج لأن المفروض منها رئيسه جمعيه مثلما مسوية روحها تجي تسلم عليه وترحب بي بس هي جانت منزويه عنه
قرر يسويلها مداهمات على طريقته لأن ميفيد بيها هاي الا يضغط عليها يلا لأن يريدها اي تأكد بالحفله اكثر من اي وكت يريدها وراح يتزوجها.
1 ت
،،،،،
نادية /
جانت مدنكه ادور بالديلاب من دخل وسد الباب وهو يحجي ويه البنية المنعته يدخل .
رفعت راسها وشهكت البارحه لنص الليل ميقبل يطلع من عقلها وهسه الصبح يقتحم عليها المكتب.
لطخت باب الديلاب الخشب بقوة وبقت واكفه بمكانها
تقدم عليها وعينه طافت على كل شبر من جسمها
من شافته وعيونه تريد تاكلها راحت للباب تريد تفتحه جان اسرع منها قفل الباب بالمفتاح وجرها عليه لزكها بجسمه / شنو هالبرود هذا عبالج ما عرفج كاعده تمثلين عليه تصرفاتج تقربني ما تبعدني عنج
حاولت ادفعه خجلت حيل منه بس رجع حظنها اكثر ورفع حنجها بيده انفاسهم اختلطت ،، ناديه احوالها تخربطت وهي تشم عطره حس بيها لانت وهدات
جان مقرر بس يحجي وياها ميتقربلها بس تهور وحظنها وبعد ميكدر يتراجع لأن جسمه احتر وهي بحظنه حلاتها ونعومتها وطراوة جسمها البين ايديه
دفعته يلثم شفايفها بداية جانت بوسه ناعمه بس من ضاكها اخذها بقوة وهو منتشي وكل خليه بجسمه اشتعلت.
ناديه متنكر ضعفها بهاللحظه وتحديدا لمن باسها حست بشوگها يتجدد بس غبيه تكون اذا خلته يسوي البراسة لأن فهمت جاي يريدها تلين وتقبل بي
هذا التفكير طفى شرارة جانت تريد تشتعل حريق بداخلها ، حاولت تدفعه وتفاجأت من ابتعد ومسح على وجهه وهو يستغفر بقوة
1 تع
رفعلها تك حاجب ومد ايده يبرر تصرفه. / .ماردت اتهور اعذريني يگلبي بس والله جاي يدفعني شعور قوي ناديه اتحجي كولي اي شي لا تبقين ساكته.
راقبها وهي تمسح شفايفها بكلينس اخذته من علبه عالمكتب ..ناديه جانت دايخه بالسواه بيها ومالها القدرة ترد عليه راحت كعدت عالقنفه عدلت شعرها جانت تاركته مفتوح دفعته ورا ظهرها تدري عينه عليها يريد يلتهمها بعيونه جرت تنورتها القصيرة لأن من كعدت برزت ركبها وانكشفت لأحمد الجان صافن عليها مينكر شايف كولشي وما يغري بعد تي شي بس ميمنع
يمتع نظره بناديه وحلاتها تنهد بقوة وعينه على كل شبر بجسمها تقرب عليها / ناديه اليوم انه خطاركم اجي اخطبج من ابوج
تذكرت حجي ابوها من رجعوا البارحه حمد بأحمد واسلوبه بالكلام وحسته معجب بي وبداخلها حزنت
لأن احمد اذاها هي وبس محد جاي يحس بالمرت بي ما تبالغ لأن فعلاااا كسر گلبها وهدم نفسيتها ،، وراح تعامله بأسلوبه
بعدما رتبت احساسها اولا كامت وراحت كعدت ورا المكتب بكل ثقه ولا عبالك جانت قبل دقائق بحضنه ،،، رفعت راسها بشوفة حال عليه / اذا تحب تزورنا اهلا وسهلا واعتقد انت تندل بيتنا.
ابتسم احمد لأن تفاجىء بتغييرها واطمن بدت تلين / صار يبعد گلبي الليله ازوركم هساع انا اروح تأخرت على دوامي
ودعها وطلع وهي بقت عينها على الباب وتفكيرها بدا يحفزها عالراح تسوي.
1
ــــــــــــــــــــ
احمد طلع وبداخله مرتاح لأن لمس شبه موافقه منها اليوم قرر يقابل الضابط الحاول يعتدي عالبنية ورتب الوضع ويا وخبر ام زينب لأن راح يزورها ويه الشيخ
حتى يعقدلهم .
وهذا السواه خلا يعقد عليها وامن تزوجت لأن البنية الله يسترها كولش جميله والعرفه منها اكثر من مرة متحرش بيها من جانت تروح للمعهد البنيه صغيرة
يادوب ١٧ سنه وتدرس معهد فنون عايشه وحدها هي وامها بيتهم ملكهم وتقاعد ابوها المتوفي يادوب يسد العيشه .
معرفته بيهن من خلال موظف جيرانهم حجاله قصتهن لان ام زينب محلفته بشوفلها واحد واصل تنتخي بي يساعدها
والضابط خطفها واخذها لشقته وكدر احمد يخلصها منه بأخر لحظه .
ــــــــــــــــــــــــ
ناديه /
متحكمة باعصابها وتحاول تسيطر على روحها لان القررته اكيد ابوها راح يزعل عليها .
حجي علي بعد ما حجت ناديه ويا وخبرته راح يزورهم احمد رحب بالفكرة وشجعها ونصحها تلتفت لروحها هي سكتت متريد تناقشه وهي غاركه بأفكارها اندك جرس الباب راحت ام سليم التشتغل عدهم فتحته ودخلت احمد للأستقبال
الحجي رحب باحمد لأن عرف بي يريد يكسب رضا بنته وهذا الشي بصالح احمد لأن اهم شي عند حجي علي سعاده ورضا بنته
قدمتلهم ام سليم الضيافه بعدها احمد فتح الموضوع مباشرة وانه جاي يطلب الزواج من ناديه.
حجي علي / والله يا ابني اني ناديه حجتلي الصار بينكم قبل واخذت منك موقف بس جاي اشوفك تريد رضاها وعفا الله عما سلف .
احمد / تسلم حجي انا كلت اخذ رايكم اول وحتى تعرفني اكثر وانا حاضر اجاوبك على اي شي تريد تعرفه وراها اجيب اهلي والعمام ونجيكم
نادية / طلبك مرفوض سيادة الرائد ماعدنا بنات للزواج تكدر تاخذ راحتك او تتفضل تروح
احمد فك عينه ووجهه احمر رفع تك حاجب وكام ورفع اصبعه يهددها بغضب / مو انا الانرفض يناديه خل هالحجايه بدماغج لو الي لو متصيرين لغيري
الحجي اول مرة يعصب عليها لأن فعلا فاجأته وصدمته / ناااادية اتخبلتي يلا اعتذري شنو هالصلافه
متحملت عصبية ابوها لأول مرة يرزلها طلعت من الاستقبال صعدت لغرفتها وقفلت الباب وارتجت عليه واطلقت دموعها بجت بحركه لانها حققت ضربتها لأحمد بس على حساب گلبها الخاين الي يدك من يشوفه بقت تبجي وبصوت بحيث شهكتها تأذي صدرها لزمت صدرها تريد تتنفس وكوة اجر النفس .
احمد الجان مصدوم طلع من البيت والحجي يتعذر منه بسبب تصرف وأسلوب بنته وهو فاصل مصدوم منها متوقعها هيج صارت رفع راسه فوك وارتجى على السيارة / لخاطر ربج يناديه هيج قاسية وتردين تنتقمين .
صعد سيارته طالع للمقر وعيونه حمر من الغضب الجاي يحس بي هاللحظه.
