رواية حسناء قلبي الفصل الخامس 5 بقلم جوهرة
ـــــــــــــــــــــــ
احمد /
وصلت الساعه ٩ الصبح وركنت السيارة بالباب نزلت بيدي علاكه حلويات اعرفهم جهال وضاح يحبون هالسوالف ،، بقيت واكف اخذت نفس قوي وطرحته شكد احب ريحه الهوا بمنطقتنا ريحة البساتين والزرع
دحجت على الاراضي والبساتين المحاوطه المنطقة الباب جان مفتوح دفعته ودخلت
شاف امه الحجيه طلعت تهلي وترحب وتلف بفوطتها ( شيلتها) وياها جهال وضاح اجو يركضون دنك بوسهم وانطاهم العلاكه
حضن امه الي صوتها خنكته العبرة وهي تحجي بلهفة / يبعد رويحتي ييمه
يبعد كل هلي
.باس راسها ورجع باس خدها وشمه حيل / افيششش يريحتح شلونج يعيوني انتي
طيبه ان شاء الله
ورجع باس ايدها ودنك حضنها
ام وضاح / ييمه والله گلبي عليك وانت الله يسلمك بين حين وحين يلا تجيني.
دخلو للبيت وهو يردلها / تدرين بوظيفتي حساسة لزوم اكون متواجد
كعدوا بالهول وسال امه عن وضاح./ ابو محمد اكيد طالع .
ام وضاح / اي والله راح ياخذ البيطري يعاين الهايشه ابو سلمان يكول صبحت مريضه وخاف الحلال الباقي يتمرض .
مريم / بخير ننشد عليك عساك سالم.
احمد / يسلمج الله .
ام وضاح / يمه مريومه حضري ريوك اخيج وجيبي هينة
مريم / يتدلل هساع اجيبو
احمد وكف / خلو هساه اروح اسبح يلا
مريم / صار خويه غرفتك البارحه نظفتها وملابسك هساع اطلعها بس كلي شتلبس .
احمد / دشداشة اريح
راحت مريم تحضر ملابسه وصاحت ام وضاح وراها / اي بعد گليبي الله يوفقج ييمه .
التفت احمد لأمه / بعدها مريم زعلانه على وضاح؟
يدري بيها من تفتح طاري الزواج بعد ما تسكت راد يشغلها عنه / ابو محمد عصبي بس گلبو طيب بعدين هو عندو اربع ولد خير من الله والمرة هم تريد ترتاح الشغل بالبيت كلو عليها
حجت بصوت ناصي / ييمه زعلو عليها تشرب مانع وما تكلو الا سامعها توصي مرة فهد عالحبوب وتخبل عليها ورزلهن اثنينهن وذيج العوبة صار شهر ما طبت للبيت تكول اخاف منو .
احمد بضحكة / هههه والله هالنسوان نكته عجل تخاف منو وفهد يقبل ما تجي عليج
ام وضاح / فهد رجع شبعها رزايل والله يمه خوانك مخابيل ، خلها خطية تعبانه ماتريد جاهل بعدها صغيرة من اخذها عمرها ١٦ سنه وهاي خلفت اربع ولد جنهم خشوف بس ما يقنع راسو يابس حجيت عليه مايردني ساكت ما فلهمني بكلمة
محمد / يمه قريت وحفظت بعد وكت دوامي ظهري .
مريم / دروح شوف اخييك صوفي كعد جيبه ولا اتعت ايدو من تشيلو
راح محمد لغرفة امه تأكد مصطفى نايم بقريولته وطلع .
ام وضاح / ها يمه مريومه حضرتي ريوك اخييج
مريم / اي عمه عالميز والجاي حاضر بس اصبلوا.
ام وضاح / بعد عمتج عفيه ببنيتي
مريم / ادللي عمه انتي تأمريني
ام وضاح / ما يامر عليج ظالم .
دخل احمد لابس دشداشة رمادي طالع فد شي بيها وكعد بالمطبخ / الله عاشت الايادي شلون ريوك
ابتسمت مريم ورجعت كلبت وجهها من شافت وضاح دخل المطبخ وكام يهلي بأحمد العاف الاكل جان بعده يادوب / شلونك مشتاكلك جثير
تحاظنوا وبعدها كعدوا ، احمد حجى وهو يبرم ردانه / شلون فتيتة لا تفوتك
حجت الحجية / اي يمه طلعت الصبح ما تريكت شلون طيبه سوتها مريومة.
التفت على مرته عاكد حاجبه ونتر / صبي جاي بسرعه
انقهرت مريم لان صار شهر علاقتهم متوترة صبت باكوابه وقدمتلهم ورجعت تحضر للغدا بدون مطلع صوت تدري بوضاح يترصدلها وكاعدلها عالزلة.
مريم بنت عمهم رضوان ازوجها وضاح من جان عمرها ١٦ سنه بطلها من المدرسة جانت صف رابع اعدادي بالبدايه جانت متريده لان غصبوها عليه
واول سنه زواج جانت مشاكل هي ووضاح لأن صغيرة جانت ومتريده هو يكبرها بعشر سنوات وبعد ولادتها لأبنها محمد بدت
حياتها تستقر ويا تدري يحبها بس مرات اسلوبه قاسي وياها عدهم اربع ولد الجبير محمد ١٢ سنه
وابراهيم ١٠ وناصر ٦ ومصطفى ٣ سنوات
وحملت قبل سنه وصار عدها اجهاض بعدها قررت متحمل لأن تحس بتعب الجهال والبيت كله على راسها وصت زوجة فهد تشتريلها من الصيدلية لأن تطلع بحكم دوامها معلمه بالمدرسه القريبه عليهم
ولا مريم ميقبل وضاح تطلع واذا تريد يكون هو وياها .
وسمع وضاح حجيهن وسواها كربلا عليهن حتى ضربها بجف ايده خلا الدم ينثر من خشمها لأن محذرها متاخذ مانع حمل وكسرت حجايته وصارت هوسه بوكتها شالت عباتها تروح لأهلها بس دفعها
بالغرفه وقفل الباب عليها بعدها عمتها بقت تحجي
عليه وقنعتها متروح لأهلها وشلون تعوف وليداتها
ووضاح يحبها ولان انقهر سوا هيج يووو اشكال سوالف جانت بوكتها ..وصار شهر هاملها واذا حاجاها ينتر بيها وهي ساكته متحمله مرات تحس ابوها ظلمها من زوجها بعمر صغير لوضاح ومرات تحمد الله لأن رزقها بولد حلوين ومطيعين ورجال يحبها رغم قسوته بعض الاحيان (وضاح) 
جان الغدا بعده مكامل نصت جوا الجداري ليتهدر وراحت لغرفه ولدها حضرتلهم ملابس المدرسه لان ثلاثتهم نفس المدرسه ومحمد السنه الجايه يروح متوسطة
صوفي جان كاعد ويفتر وراها بعد ماريكته وبدلتله صاحت ولدها يبدلون ويتحضرون للمدرسه بين متسويلهم لفات.
ورا فترى يلا دخلت للحمام بعد مكملت كولشي سبحت وطلعت لغرفتها الصايره بالطابق الثاني
من دخلت جان وضاح بالغرفه مدد عالجربايه وصوفي بحظنه يلعب بالموبايل جانت مدنكه تنشف شعرها محست الا جر المنشفه واخذها يكمللها تنشيف رمشت عينها متفاجأة بتصرفه تدري بي يحبها بس قليل يعبر عن هالحب اكثر شي يعبر بتصرف مو كلام..هي تعرف طبعه تعودت عليه .
وضاح شاف عقوبة شهر كافيه عليها وقرر يرجع وياها مثل قبل يدري الصار بيها درس الها يعرفها ذكيه ومراح تتصرف بتهور مرة ثانيه.
يحبها حيل وزعله جان ثكيل عليها لأن يريد بعد اطفال منها وما تقبل تسويله طفل لأن متكدر عليهم
نشف شعرها وذب المنشفة عالميز وجرها عليه وهي اول ما حضنها شمرت روحها بحضنه محتاجته متكدر على زعله رفع راسها ودحك بعيونها العسليه الوسيعه
وضاح بتنهيدة / مريم انسي الصار انا من قهري مديت ايدي عليج تدرين بيه شكد احب الجهال تصرفج قهرني
خنكتها العبرة وعيونها دمعت وبصوت كوه طلع. / ممتقصده احرمك والله بس انا تعبانه اريد التفت لروحي احس جاي اضيع.. كله شغل وجهال وخطار وانا بس اراكض عليكم تا ارضيكم.
2 ت
وضاح يشوفها شلون قايمه بالبيت وممقصرة ورغم هذا هو اول القائمة بأهتمامها بس جان متغافل عن تعبها واحساسها انو هي اهملت نفسها يشوفها ما تشكي ومن يجيها يلكاها كاشخه ومتعطره على احلى مايكون ومن شكت تعبها حس بيها ورغم اذاها
من ضربها وشهر بايع بوزة عليها بس گلبه يدكلها ميكدر اذا ما يوميه بالليل يشمها من خدودها الموردة
ويشم شعرها وينام گلبه متعلك بيها من يوم شبت وكبرت وما تحمل الا يتزوجها رغم جانت صغيرة عمربس جانت ملامحها وانوثتها بارزة وعليها حلا يكتل
طولها وسط وبشرتها ناعمه حنطاويه والشعر لون تمري سايح عالمتون خبلته الاتزوجها يلا ارتاح.
صح اول سنه زواج مشاكلهم قايمه لأن جانت متفهمه ومراغبه الزواج بس بعدين بدت حياتهم تحلا …
قرب راسه واخذ شفتها على كيفه بكل حنيه وهو يمسح دمعها ابتعد من شافها بادلته وضربات يساره تزيد حاوط وجهها بيديه / تموت عليج ولج
باست صدره وحطت راسها عليه / بعد روحي انت تدري انا احبك اكثر .
وضاح / هههههه ادري والله بس مو اكثر مني هاا
رفعت راسها وعيونها بعيونه لأن حجى بلهفه / اسفه وضاح بعد ما اتصرف بشي الا انت عندك علم بي ، واذا عالخلفه انه مستعده اا اقصد يعني شوكت ماا….
قاطعها بضحكه / ههههه خوش دعوة هاي بس مو وكتها ورانا غدا وخطار
انحرجت لأن فهمها غلط / لاااا مو قصدي
وضاح بحب / ادري حبيبة امازحج انه ..يلا خلصي لما اصلي الظهر صبي الغدا يمنا ابن عمي سبع ، اي صدك كبل ما انسى خل ام احمد تزور البيت ترا انه ادري بيها زعلت من رزلتها ( يقصد زوجة اخوه فهد )
ابتسمت بهدوء وراحه لان تصافت ويا/ .ادلل بعد گلبي هساع اصلي واروح اصبه وزينب كلبها جبير متزعل بس جانت خجلانه منك ههه تكول اخاف منه هيبه وشخصيه
وضاح / هههههه لااااه تحجين صدك وانا اكول شبيها مترفع راسها بس ترد السلام والله ماخذ عليها نظرة متكبرة
مريم / لا وين ترى گلبها ذهب .
كرص خدها على كيفه وهو يبتسملها / يلا حبيبه انااروح اصلي..
كملت تسريح شعرها ولبست حجاب الصلاه صلت وگلبها مليان راحه لان وضاح راضاها
ورجعت رتبت روحها لفت شالها لأن هذا طبعها متنزعه الشال لان دوم الخطار وولد عمامهم رايحين رادين رغم ميدخلون البيت الا يستأذنون بس وضاح
ميقبل الا تلف روحها خلت بس كحل لعيونها والتفتت على ابنها الضايع بالموبايل راحت اخذت الجهاز وقفلته مقبل عاند بس سمع صوت ابوه كمز عليه
شاله وضاح وهو يبوس بخدوده / تعال للمضيف شعندك يم النسوان هااا ههههه.
مريم / اي يعمري اخذو يبقى بس يفتر وراي يدوخني.
وضاح / ديلا عيني روحي جهزي غداج حتى تا اجي اخذو .
مريم / صار دقايق يجهز .
ــــــــــــــ
بقى احمد اربع ايام يم اهله كضاهن بين البيت والمزرعه عدهم خيول اصيله مربيهن ومعتنين بيهن
يطلع من الصبح يركب الخيل يفتر بالزرع بعدها يرجع يسبح ويتريك ويكضيها بالمضيف ويه ولد عمامه ماشاء الله شله شباب عدهم .
وقبل التحاقه بيوم جانت نزلة فهد اخو اصغر منه
نقيب طيار متزوج من اقربائهم ومستقر بيته بصف بيت اهله عنده ولد اثنين وبنيه ابنه الجبير ٥ سنوات
والباقين اصغر ٣ و٢ سنه .
وفهد شخصيه هادئه ورزنه يشابه اخوته .
كاعدين عالعشا بالهول ورا ما كملوا / عاشت ايديج بعد اخوج والله اطيب اكل
ردت عليه وهي كاعده تحط المواعين بالصينيه وولدها ينكلون على ايدها محمد وابراهيم / الف عافيه ابو احمد .
فهد / يعافيج ربي
التفت على امه الجانت تشاور وضاح
فهد / ها يمه اشوفج كالبه علية هاي انا اليوم نزلت هههه
ام وضاح/ بعد گليبي ييمه وانا روحي لايبه عليك بس عندي سويليفه يم ابو محمد .
فهد / عجل خوش كملوا سالفتكم وانه واحمد نروح لبيت عمي سبع
دخلت زينب زوجته شايله صينيه الجاي قدمتلهم
وطلعت تكمل غسل المواعين وتنظيف المطبخ ويهةمريم لأن متعودات على هالشي وزينب دوم تساعدها
رغم صار شهر مطابه لبيتهم بس صارلها يومين من حجت مريم وياها شلون تصالحت ويه وضاح وخبرتها بكلامه عنها
مريم / ههه ايباااه خل اشوفج صارلج خمس سنين على هالطبع هسه راح تغيريه
كملت تنشيف السنك وضحكت بهدوء / هههه والله صحيح ولج رجلج فخامه خاصة من يلبس الشماغ والعكال .الله يحفظه ابو محمد معدل .
مريم بحب / يسلمج ويحفظج الله ويحفظلج ابو احمد المايتخير عن اخوته
ابتسمت بحب لطاري زوجها /فديته لفهودي .
مريم / ههههه اشششش طلعوا اسكتي .
