رواية حسناء قلبي الفصل الثامن 8 بقلم جوهرة
نادية /
ما اعرف شلون وصلت البيت صعدت بسرعة لغرفتي واحس بجسمي كله يرجف هاي ثاني مرة يتقرب هالشكل يربي شنو هالجرأة وانوب يهددني يتزوجني هذا بس لا يسويلي لعبة لاااا شيريد يسوي !!!!! شنو تايهة لجنابة لا ممعقولة شيسوي مثلا ؟؟؟!!!
انتبهت على دكه الباب رديت برعب / منوووو
ام سليم / تعاي بنيتي اتغدي الحجي ينتظرج بالمطبخ
خليت ايدي على راسي بخوف صح بابا يدري جانت عندي علاقة بأحمد لأن حجيت بوقتها كولشي وصار عنده علم بعد ماعافني احمد
وبوكتها عانبني حيل بس مو معناها يقبل على تصرفه هذا مستحيل بابا يقبل
رديت عليها / اجيت خاله شوي وانزل
صاحت وهي تفتر بالحمام تريد حل / شسووووي يربي ؟؟؟؟
فكرت بحل تمثل شسوي لعد اااخ احمد شادعي عليك سبحت عالسريع ولبست تراك سرحت شعرها ورفعته فوك ونزلت عالسريع ويم الدرج عاطت / اااي …وبقت لازمه شفتها بيدها ووجها بينت بي ملامح الالم
تقرب ابوها ورفع وجها وهي نشف دمها دقق بيها جان يروح يكعد اتغدي بابا انوب انتبهي عليش الاستعجال.
بداخلها حمدت الله ودنكت تاكل .
ام سليم استأذنتهم تروح لبيتها بعدما اخذت وياها بالحافظه اكل لأن الحجي من قبل منبه عليها شتطبخلهم تاخذ منه لبيتها هي عدها ولد وبنيه بالاعدادية وزوجها معوق برجله وصارلها سنين تشتغل ابيت الحجي متعودين عليها ويردون خاطرها
نادية كوة اتغدت من الارتباك الصابها ولان ابوها كل شويه ودحك عليها يجوز لان بين عليها من عيونها
القلق والارتباك.
ورا الغدا سوت جاي ودته لابوها الكعد بالهول يتفرج عالتلفزيون وراحت لمت المطبخ وغسلت المواعين
وصعدت لغرفتها تخابر تغريد.
ـــــــــــــــ
بيت أهل احمد /
ضربت حلكها بيدها وفكت عينها من شافت وضاح دخل وهو يعدل بعكاله جان طالع يعزي جماعة بوفاة واحد منهم
ابراهيم ختل ورا ابوه وهو يشوف امه صايرة اعصاب وخاف حيل منها ،، نتر بيها وضاح وهو يسمعها تعيط وتغلط / وجع صوتج ليش طالع
اعتذرت بسرعة وهي فشلانه لأن سبته وسمعها / اعتذر منك والله خبلني دحج اشسوا وشكسر
وضاح خزرها وهو يتقرب عليها وكضها من زندها بقوة / تكومين تسمطين ابوه شنهو هاللغط الثجيل ؟!!!!!
1 ت
جرت ذراعها بس جان ضاغط عليها وجعها حيل ودمعت عينها ، صاح بأبنه / ابراهيم اخذ اخوتك وروحوا غرفتكم
عالسريع ركضوا للغرفة لان يخافون من ابوهم ويهابونه حتى صوفي جروا وياهم ، محمد اخوهم الجبير جان طالع يشتريلهم مموجود
ام وضاح ماعجبها تصرفه وية مريم / عوف البت يوضاح اشبيك عليها ؟!!!
الحجية صاحت عليه من شافته عتها من زندها تدري بي عصبي ميتحمل
قرب ودنك راسه عليها ونتر / اخر مرة اسمعج تغلطين
دحكت بعينه جان خازرها بغضب / وضاح اوجعتني والله
دفعها رجعت خطوتين / روحي من وجهي هساااع
عافته وراحت كلش مقهورة لأن فشلها جدام عمتها وجهالها .
تدري بروحها غلطانه لان صارت الغلطه بوجهه وهو شخصيته وهيبته تخوفها فارض احترامه عالكل طبعه جاد هواي دخلت للمطبخ والدمعه بعينها صدك فشلت منه ..التهت تحضر بالغدا سوت الزلاطه وحضرت الخضرا وعيونها مغوركة انتبهت لعمتها حجت وياها / يمه مريومه صار غداج صبي .
مريم بلا صوت يادوب / اممم
ام وضاح / ييمه انتي الله يهداج تعيطين عليهم مو عوايدج وتدرين بزلمتج وطبعه .
مريم متحملت خنكتها العبرة وبجت .
ام وضاح انقهرت عليها / ياا صلي على النبي ليش هيج بنيتي لاتبجين
رفعت راسها فوك وتنفست بقوة / لا عمه عادي تعودت
دخل محمد شايل علاكه خلاها عالميز / ميت جوع يلا يمه صبي غدا
خزرته مريم جان يسأل / جده شبيها امي ليش باجية.
ام وضاح / روح غاد يمحمد لاتبقى تتسأل
بقى عينه على امه وضاج من شافها هيج لأن محمد من النوع الحساس وعنده نباهه وذكاء .
صبت الغدا بعدما فرشت السفرة بالصاله ومحمد يساعدها يشيل بالمواعين .
حجت بصوت مخنوك كوة يطلع / صيح ابوك واخوانك عالغدا .
التموا يتغدون جرت مصطفى بصفها لان يخربط بالاكل وبدت توكله ابد ماخلت لكمه بحلكها ،،،، سمعت عمتها تحمد بالطبخ
/ عاشت ايدج يالمعدلة
بصوت ناصي ردت / يعافيج يگلبي
وضاح منتبه عليها ما خلت شي بحلكها وجها مغيم ومارفعت راسها يدريها حساسه وتبجي بسرعه بس اسلوبها وغلطها عالجهال ماعجبه هاي اذا هيج تغلط عليه جدام ولده شلون يحترمونه بعد خلها حتى لاتعيدها
التفت شاف محمد يقسم من اللحمه ويحط جدامها ويشاورها ……يحب ولده بخبال يعترف بهذا الشي بس حبه لأبنه الجبير غير يعامله معامله الكبار وجاي يشوف ثمرة رباته وتعبه جدامه فرح حيل بداخله من يشوفه يداري امه رفع تك حاجب وهو يشوفه يسويلها لفة ويمدها بحنية / يمه حبيبتي اكليها
ابتسمتله وجرتها من ايده حتى لايضوج عضت شوي منها وذبتها وكامت تغسل لمصطفى
بعدها راحت المطبخ تسوي چاي
دحكت ورا شوي الصاله فارغه راحت لمت السفرة وشالت المواعين تغسلهن مصطفى يفتر ورا اخوته شوي وكبت عيطتهم ناصر يبجي وشايل دفتره مشلوع جلاد الدفتر يبوووو راح يخبلوها .
ذبت الجلافه من ايدها شطفت ايديها بالمي ونشفتها بدشداشتها / خل اشوف خرررب هسه شراح اسوي يرادله كابسة ديلا ماما ميخالف انا جم مرة كايله لا تخلونه يمكم وانتو تقرون .ناصر روح على عمتك زينب هي ترتبه يلا وليدي
انطته الدفتر وطلع يركض لبيت عمه فهد بينهم سياج وباب مفتوح يدخلون منه .
كملت المطبخ وطلعت لغرفتها ورجعت تذكرت الجاي ، بربي والله نسيت شيخلصني مدري شعجب ما صاح عالجاي. ، صبته واخذته للهول جانو فاتحين على مسلسل باب الحارة والكل يتفرج قدمته وراحت وقبل متطلع وصت محمد / ماما محمد عينك على صوفي اروح اسبح
هز راسه الها طلعت بدون متلتفت تدري وضاح يراقبها .
راحت وكفت كباله شافته غمض عينه وجر نفس قوي …تعرف تأثيرها عليه وتدري شكثر يحبها بس هو طبعه وشخصيته هيج تعودت عليه متريد تظلمه لأن من يكونون سوا لوحدهم الله يذب عليه حنيه الكون كلها يترجمها افعال ولا هو كلامه بالمثاقيل .
فتح عينه عليها وشافت نظره الحنيه التعرفها كام قفل الباب ورجعلها جرها عليه وحظنها بلهفة مشتاقلها ، بس اللي صار وياها خلاها تعترض ممتقبله هالحنية دفعته بصدره بهدوء / تكسر وتجبر بس كسرتني چثير يوضاح
وضاح ضيك عيونه ماعجبه تصرفها / تسمين نصيحتي الج كسر يولي بأذني اسمعج تسبيني جدام ولدي
مريم / جان حجيت علية واحنا بوحدنا مو جدام وليداتي ، ادحج على محمد مقهور من شاف دمعتي بعيني
مريم بعتب / عجل من تعرف هيج عليش تضوجني وتقهرني
وضاح / لا تزعلين يولي شعندي غيرج حبيبة گلبي انتي
مريم / وحجايتك هذه الحلوة عبالك ارضى بعدني زعلانه
وضاح دفنها بصدره / يولي ما اداني زعلج ولا اطيقو
ــــــــــــــ
احمد /
يدك موبايله ويرجع يفصله بدون ميشوف المتصل جان يحجي ويدقق الملف البيده هو وواحد من الضباط استأذنه وطلع بعدما وضحله اليريده .
رجع دك جهازه شاله وعكد حاجبه فتح خط وهو يسمع صوت المتصل / الله حيهم شلونك ضلع
سلام / الشهر الجاي ان شاء الله ..احمد اتصلت حتى اخبرك امجد منصور البارحه الشرطة البريطانية لكو مقتول بسيارته.
احمد بصدمة / لااا …شنهوو السبب ما عرفوا منهو كتلو ؟!!!!
سلام / يحققون بالجريمة بس اني شكيت بواحد تذكر من كال تاجر عراقي ساومه عالملف .
احمد / اييي اتذكر احتمال مو هو الله يعلم
سلام /؛اي الله يعلم يلا ضلع ان شاء الله نتقابل الله معاك.
احمد / الله وياك بحفظ الله
رفع تك حاجب وهو يتذكر كلام امجد وشلون جان خايف يعترف ويكول اسم التاجر العراقي …..
ــــــــــــــــــ
