ــــــــــــــــــ
احمد /
نعيش بالبيت الجبير قصدي الاجازات نكضيها هناك
نادية
لمت شفتها وبقت صافنه عليه يعني شنو الراح تكوله ياخذ عليها نظرة متريد اهله وهذا مو قصدها لا والله ماعدها اي اعتراض على اهله
انتبهت من سألها..عندج اعتراض شي .
تقرب منها وراحة ايده حضنت خدها / ناديه ماريدج تتضايقين واذا حسبتيها اكثر وكتنا راح يكون هينة بغداد ،،ةشغلي ما اكدر ابعد عليه ،، كل الاريده منج تراعين امي ومتكدرين خاطرها
عينها بعينه / الله يحفظها النا ويطول عمرها
انفاسه لفحت وجهها ،، كلش ارتاح من سمعها هيج حجت والااكثر من اعتبرت روحها وحده منهم ودعت لأمه ،، غمض عينه وهمس / مشتاكلج ناديه
نفسه ثكل ،، ناديه ارتبكت لأن تحس بالراح يسوي ابتعدت عنه ورتبت شعرها / ااا يلا نروح
رفع تك حاجب / طيرتي ام الرومنسية ينادية !!!!
ابتسمت بخجل وخدودها احمرت / اسفه
احمد بحب / لا يگليبي انتي ودكاته لا تعتذرين خلاص كلشي بوكته حلو
غمزلها بلعت ريك وتوترت اكثر صح زوجها
بس تحس بأحراج من يغازلها وهو حيل جريء متكدرله .
احمد / يلا نروح مطعم اليوم انا عازمج عالغدا
شالت جنطتها ورتبت نفنوفها وطلعت للكراج
احمد قفل الباب وطلع وياها للسيارة.
نست روحها ويا تغدو بعدين افترو مول واشترالها كم حاجه رغم اعتراضها بس احمد اصر حتى سرمد هم ذكرا بلعبه
قبل متنزل خبرها
احمد / احتمال الحجيه وام محمد يزوروكم
نادية / اهلاا وسهلا بيهم انت مراح تجي !!؟؟
احمد وعيونه محاوطتها / ترديني اجي
ابتسملها تك خد وانتظر ردها
احمد مركز بيها / اووف شراح يصبرني يربي
نزلت بدون متحجي يربي شبي هذا كاعد يحرجني .
ــــــــــــــــــــ
في بيت اخر وحسناء أخرى /
/ بيبي يعني هسه شأسوي اني متعودة هنا شلون ترديني اعوف منطقتي واجي وياج ودوامي شلون !!!!؟؟؟؟
/ يووو تالي وياج هند ترى كولش تبالغين عمج عماد راح يتكفل بنقلج اكعدي والج الجاهز
راحت دخلت غرفتها ضايجه لان بيبيتها من تريد شي تسوي غصبا عن الكل وهسه طاخه براسها تروح تكعد يم اخوها حجي علي بعد مقاطعه سنين بسبب سامي
جانت عنده علاقه ويه شذى عمتها طبات وطلعات وبالاخير ضحك عليها عافها وسافر بوكتها جانت صغيرة بس افتهمت الصار من مشاكل وشذى زوجها ابوها الله يرحمه وهسه عدها اربع جهال وام عماد بيبيتها تعاركت ويه حجي علي الجان مراضي على ابنه
وتعارك وياه لأن مقبل على تصرف ابنه اللي سوالها فضيحة ، بس اخته الحجية ( بيبية هند ) متتفاهم عصبيه تعاركت ويهاه
وانكطعت العلاقه صار سنين بس مخابرة بين فترات بعيدة متنذكر تخابر اخوها لو هو يخابرها
والبارحه خابرها يريدها تجي تعيش وياه بعد زوجها توفى وابنها ابو هند الله يرحمه متوفي من جانت بنته اربع سنين عمرها بس عدها عماد مستقر ويه عائلته عنده ٢ ولد و٣ بنات .
ممتوقعه بيبي ترجع لبغداد يبووو على حظي شلون اعوف اربيل .
الحجيه سهام حجت ويه ابنها عماد وفهمته شيريد خاله بدايه اعترض لان متعودين عليها ميكدرون يفاركوها بس فهمته تريد يم اخوها لان الدنيا متسوه خل ترجع احسن ورادته ينقل هند لمستشفى ابغداد
هند جانت ساكته هي وبنات عمها اعمارهن اصغر منها بعدهن كليات ضايجات لأن متعودات عليها يعتبرنها اختهن الجبيرة
بقت ساكته ماحجت وعينها على الحجيه.
رتبن امورهن وكملن الجنط وانطوا خبر لحجي علي حتى يستقبلهم بالمطار
وهذا الصار استقبل الحجي اخته ويا ناديه وسرمد
حجية سهام حضنته كدام الناس بالمطار وتبوس بي حجيه سهام اكبر من حجي علي بسنتين
سلمت ناديه على عمتها الي بقت تحجي شلون تفاركو وشلون ميسألون وراحت نادية سلمت على هند ورحبت بيها
سرمد خاتل ورا ناديه يستحي ،، الحجيه سألت عليه فكالولها ابن سامي عوجت حلكها معاجبها سامي
بس سحبت سرمد وبوسته / يعيوني يبيبي انت حفيد الحجي يفدوووه شلون حليو .
ام سليم / اي بنيتي هاج السفرة الحجي يريد كعدت الكاع يكول الحجية ترتاحلها .
نادية / ههههه اي عمه سهام بعد
ام سليم / مبينه قويه وفيكه
نادية / يوووو انتي اشايفه اني اتذكر سوالفها قبل هههه وطبعها متحب الاعوج
اخذت السفرة وراحت تفرشها ساعدتها هند اعترضت ناديه بس البنيه مقبلت / يمعودة بعد هذا بيتنا.
نادية / يعمري صدوك والله منورينا انتي وعمه سهام.
ورا الغدا كعدوا يشربون جاي الحجي مكيف بأخته كاعد يسولف وياها على زمن قبل وهند وناديه يسولفن بيناتهن تسألها على وضعها واذا راح تنقل وظيفتها حتى تساعدها لان عدهم معارف.
نادية / والله اغلبهم معارف بابا وعندي اتصال ويا كم واحد يدعمون الجمعيه .
هند / صدوك شنو سالفة الجمعيه احجيلي عليها
ناديه سولفتلها وهند متفاجأة بشغلها مدحتها / والله عفيه شكد سباعيه والله الج اجر جبير عد رب العالمين ،، اكلج بيبي تكول حتزوجين بعد شهر حرامات عبالي لكيت صديقه عالسريع راح تتزوجين.
نادية / هههه مراح ابعد لاتضوجين
سرمد بدا ينعس هو الظهر لازم ينام انتبهت الحجيه عليه مطفي يطوطح براسه
حجية سهام / عمه نداوي جيبي بحظني خل انومه خطيه صار خركه.
نادية بحنية / يووو حبيبي نام
حجية سهام / فدوووه للولد فدوووه يلا وليدي نام طبطبتله على كيفها .
الحجي مرتاح وحس بروحه نشاط من شاف اخته وحفيدتها بالبيت حاجاها / جدو هنودة لاتستحين انتي حالج حال نداوي التردينه كولي عليه .
هند / تسلم جدو الله يحفظك.
حجي علي عجبه هدوئها وكلامها / عفيه بنيتي والنعم منج ومن تربيتج .
حجية سهام بفخر وحب / بعد هاي تربيتي شعندي غيرها بنت الغالين الف رحمه على روحهم.
/ الله يرحمهم برحمته.
ترحم الحجي عليهم ودحك على هند / جدو جددي الجاي فد استكان من ايدج الحلوة.
كامت هند / ادلل جدو
الحجي ميريدها تحس بغربه يريدها تتعود.
وهذا الصار خلال اسبوع تعودت عالبيت والحجي وناديه حتى سرمد تكضي وكتها تلعب وياه ،، تعود عليهن صار ينام بحضن الحجيه وهي مكيفه عليه وتودي بي كل شوية جيب هالحاجة وودي هذا وهو يركض كدامها
ـــــــــــــــــــــ
عميد ركن ابراهيم صاح بقوة وغضب /
يابه شنووو ؟!!! ابوك بالبيت هنا مكان عمل استعدل احسنلك بس اني اعرف شلون راح اتصرف اسلمك لمقدم احمد هو يتصرف وياك والله خل يطلعلك جلد.
فارس / بالقران حجيها جذب هي وحده عايقه والكامرات تشهد اصلا طردتها من المكتب بس سوتها وتريد تنتقم لان مااكلبها .
عميد ابراهيم / ولك ابن النعل من تدري تريد تنتقم منك ليش ادخلها مكتبك سوي بيها كتاب ورئيسك يتصرف ،، المهم لاجيب طاري لهاي السالفه سديتها وامر نقلك
هالاسبوع يصدر بمكتب مقدم احمد ما اوصيك اريدك ترفع راسي ويكون بعلمك ترا هو قاسي وداهيه متفوته فايته
ابتسم لأبوه وتقرب عليه باس راسه / اروح فدوه لابو فارس الذيب
كرص عينه ونتر / هذا ياهو الذيب انت ؟!!
فارس مبتسم / لااا والله قصدتك انت الذيب بعدين من شابه اباه فما ظلم
ابتسم لواء ابراهيم تك خد / روح هسه للبيت اخذتلك اجازة واسبوع الجاي دوامك هنا .
كعد ورا مكتبه ورفع السماعه اتصل على رائد سلام / تجي حالا .
سلام فز ..ياستار ابو فارس حامي اليوم
دخل عليه بعد ما ادى التحيه .
عميد ابراهيم / اكعد احجيلي بالتفصيل الجاي يصير
سلام انطاه تقرير كامل بعدها سمحله ينصرف ،، جر السماعه وحجى ويه سكرتير مكتبه يحضر لأجتماع طارىء خلال هالساعتين
،،،
كاعدين الكل ساكت ينتظرون رئيسهم يحجي مغزى الاجتماع الطارىء ..التفت على احمد .
عميد ابراهيم / مقدم احمد ليش ملازم اول فارس وياك
انشغل احمد عن ناديه بس تلفونات اخر الليل بيناتهم لان مضغوط هالفترة بشغله حتى لأهله مرايح ،،، ناديه مشتاقتله حيل بس تكابر من يرن الموبايل يرجف كلبها
عليه واحمد نفس الشعور تعب اليوم كله يروح من يسمع صوتها احلا شي يمدد عالجربايه السماعه باذنه
يبقى يسولف مرات يفتحون كام الا يضغط عليها يلا تقبل تفتحها .
خابرها اليوم الساعه ١٠ ورا ما سلمت شكرته لأن سهل نقل هند الصارلها يومين دوامها بمستشفى حكومي قريب
احمد / ما الله يهديج وتجين لبيتنا ، عضلها شفته جان فاتح كاميرا
نادية / احممممد والله اسدها ترى كاعد تخجلني .
عينه عليها تعجبه حيل شايله شعرها فوك راسها
ولابسه برمودا بس منظرها حبه حيل رد بحب واضح / ول يابه صيري بحضني وانه اخليج تخجلين من صدك.
جمرت خدودها شافته يضحك عليها بدون صوت بس اكتافه تهتز .
احمد / هساع عوفج من هاي السالفة باجر امي الحجيه تجيكم هي وام محمد بعد ماوصيج امي تحب البنيه السباعيه
قصدي لاتتموعين جدامها
نادية / ههههههه هاي اني ليش شوكت تموعت ؟؟!!!!
احمد /؛لصراحه يناديه اشوفج مايعه بين ايديه ومن احضنج .
نادية / خلاص احمد فهمت والله .
احمد / ههههه ادري بيج تردين تنهزمين ديلا روحي نامي انا هم تعبان ونعسان تصبحين على سعاده وهنا يگلبي.
صعدت ناديه تغير ملابسه بعدين اتصلت بتغريد واتفقت تلاكيهن بالمول .
سدته منها وراحت تبدل ملابسها
الحجية ام وضاح بقت يم حجية سهام كالت انتن شابات تفترن ماتعبن انه اضل هينة يم الحجيه
على اساس وضاح يرجع ياخذهن بس ناديه اعترضت
كالت يرحن بسيارتها احسن عليش معذبينه وهو عنده شغل
تلاكن ويه تغريد وبقن يفترن بالمحلات مربم وزينب بسرعه اندمجن بالسوالف وناديه كولش حبتهن
يم محل جبب وشالات مريم حجت ويه ناديه ليش متلبس حجاب .
ناديه رادت تعترض بس مريم قاطعتها بهدوء / تدرين انتي جوهرة احمد الراح يرعاها ويصونها شكد حلو لو فرحتي ولبستيله الحجاب تعاي ندخل نجرب والله يطلع يجنن عليح .
ناديه بدايه مرتاحت لكلامها بس بعد ما فكرت وتخيلت فرحه احمد صارلها واهس.
احمد نهائي مجابلها سالفه تغثها تعرف هاي خطوة مستعجله منها وبدون تفكير دخلت المحل حتى تغريد تفاجأت وجرتها على صفحه نصحتها لاتستعجل حتى متندم ردت نادية
نادية / ما ادري بس حلو وحدة ترضي رب العالمين
تغريد خزرتها / ليش ما فكرتي ترضين رب العالمين قبل ، انتي لخاطر احمد تتحجبين واني اكول تسويها لخاطر ربنا احسن
نادية / صح كلامج والله
رجعوا البيت محملات صبو الغدا والكل تغدى حتى تغريد ولان جهالها يم اهلها .
جانت اللمه حلوة ناديه تحب هيج شي والعجبها عمتها اخذت على ام وضاح بحيث من دخلن للمطبخ لكتهن كاعدات عالمدة بالكاع فارشات سفره ومخليات الحشوة وغراض الدولمه ويلفن ويضحكن حتى سرمد جام صافن عليهن .
للعصر يلا راحن لان مريم كلبها على جهالها صح يم اهلها بس متكدر تعوفهم خاصه التوم .
اجى وضاح عليهن والحجيه امه اتفقت ويه حجية سهام يجون يزوروهم بعد عكبه معزومين عالغدا حتى احمد موجود .
