رواية حسناء قلبي الفصل السادس عشر 16 بقلم جوهرة
احمد /
رن موبايلي عدة مرات جنت نايم مالي واهس ارد النوم مسيطر علية اسمعوا يرن كعدت على اخر رنه فتحت خط ،، ضيكت حاجبي شنهو السالفة حتى ماسلم
خلاني صافن !!!!!! فركت كصتي بضوجه بعدما سمعت اليريده ، خير !!! هذا كل عقلو هيج يحجي ؟!!!
نترت بضوجة / بااااجر عرسي وعازم الامه كلها شأجل منو انضربت براسك تا تتحجى هيج !!!!؟؟؟ خلاص انا اتصرف
خل كلشي بسريه صار اربع سنين متابعه وملفه بيدي الله جابو .
سديت الاتصال ودحكت الساعه خمسه وشوي ذبيته عالكومدي وشمرت الغطا كمت تا اتوضى اصلي الفجر وعقلي بدا يشتغل بالكلام اللي سمعتو من رائد كمال هساع ،،، تنهدت بحرگه امشي وادردم هذا الناقصني شنهو هالحظ هذا السنين كلها ما رجعت الا هالاسبوع !!!!!!؟؟؟
ــــــــــــــــــ
نادية /
كعدت الصبح گلبي مقبوض ما اعرف ليش. بس احس گلبي يوجعني مو وجع بدن لا وجع روح دخلت سبحت وتوضيت صليت لأن الفجر ما كعدت للصلاه ،، فتت لغرفه سرمد لكيته كاعد يلعب
نادية بكل حب وابتسامه هادئة على وجهها / صباح العسل ياعسول انت
كمز وحضنها بوسته بخدوده..اوفيشششش /
يلا نتريك حبيبي.
سرمد / بيبي ليكتني بيدا وثمون
نادية / اوووخ فديت اني ، عافيات ياحبيبي
كادته من ايده ونزلوا جوا من شافتها عمتها طكتها بالهلاهل / يا هلا بعروستنه بالمبارك
تعاي تريكي وراج صالون وهوسه
نادية استحت / حبيبتي عمتي الله يحفظج النا ..باست عمتها بخدها التفتت ادور بعيونها / ماكعدت سمر وجهالها
حجية سهام / من الصبح زوجها اجى اخذ الجهال يكول اخليهم يم اهلي حتى تاخذون راحتكم وصاحبتج ماصدكت دعبلتهم عليه .
نادية ضحكت لأن عمتها تقصف بيهن دوم / هههه لعد وين راحت.
حجية سهام/ دخلت الاستقبال تخابر صاحبتها دتعاي تريكي
تريكت وراها كعدت ويه سمر وتغريد يحجون عالحنه واتفقن الساعه ١٠ يرحن للصالون موعد الحجز
قبلها جانت مسويه سنفره وتنظيف بمركز تجميل وياها صديقاتها عالواهس كل المطلوب مكياج وتسريحه .
سمر مابطلت نصايح وحجي خلت ناديه مسطورة
الحجيه دخلت عالخط ورزلتهن / ماتعوفنها تخوفن بيها هي براسج السالفه تحمليها كرصة زنبور
عاطت تغريد / عاااا هههههههه
وخربن ضحك ناديه مبتسمه وگلبها يدك سريع / عفيه عمه خوش نصيحه
تغريد حمرا من الضحك / تخيلي احمد والزنبور هههه يبووو ….
ردت سمر تقلد صوت احمد تضخم بصوتها / تعاي تعاي غلاااي ما ااذيج يبعد گليبي.
نادية وجهها كام ينطي الوان عاطت / سمرررر اوووي شنو هاااي.
غمزتلها سمر بحاجبها وكامت تغني / شيجيب باجر واصبر شلون تيراااررراا…هذا حموشتي يكولها.
نادية عكدت حاجبها بعدين ضحكت / هههه سمررر والله خايفه اني
ركضت سمر الجانت واكفه يم الميز وكعدت يمها عالقنفه وحجت بكل جديه / جنت اشاقيج ادري بيج متوترة لا تخافين والله بسيطه بس انتي وشطارتج مثل ماعلمتج
نادية بلعت ريك بتوتر اكبر / ان شاء الله.
،،،
حجي علي مراح للمكتب بقى بالبيت يفتر صح فرحان لبنته بس گلبه بي غصه تذكر زوجته الله يرحمها لو عايشه جان حارت شسوت ورتبت وسامي ابنه اللي عافهم وماسأل عليهم من يوم السافر بعد ما جاب ابنه لحمه حمرا وخلاه بحضن ناديه
اااخ يانادية يا بنيتي ،،، اشوفها ملتهيه بالتحضيرات ويه صديقاتها عمي والله احسن من الخوات بحبهن واهتمامهن بيها يمكن لو عدها اخت ما اهتمت بيها هالشكل
دخل للمطبخ شافهن يسولفن وام سليم ملتهيه تسوي الغدا سلم عليهن / ها بنياتي محتاجات شي
ردت سمر .لان متعودات على حجي علي / تسلم عمو كولشي تمام
الحجي / روحتكم للقاعه بالخمسه احمد خابرني يكول لاتشيلون هم اي شي ،،، هو اهتم بكل التحضيرات
نادية / اي خابرني البارحه ويم اهله الحنه بالليل بعد ميطلعون من القاعه يرحون كبل للطارميه.
الحجي / اي ابو محمد ( وضاح) يبقى بالبيت هو وولد عمه هناك عدهم ضيوفهم مايكدرون يعوفونهم ، على اساس ترحون لاربيل احمد كال حجزت
دخلت هند سلمت جانت جايه من المستشفى راحت اخذت اجازة / السلام عليكم.
ردولها السلام ،، فاتت للبراد تشرب مي عافته و رجعت طلعت كلاص من الكاونتر خضته بالمي عالسنك ورجعت تشرب
الحجيه صافنه عليها مخبلتها هالبنت معقده قليل تندمج بالسوالف بس من تعصب الله الستار
حجية سهام / بيبي هنده طلعتي بدون ريوك خل ام سليم تسويلج
هند / لااا بيبي ميحتاج اروح ابدل واني اسوي لروحي
عافتهم وصعدت وسرمد من شافها ركض وراها التفتت عليه وضحكت لان علمته تشتريله دوم / حبيبي نسيتك ، فتحت جنطتها وطلعتله بيضه كيندر جويز مشترية اربعه اخذهم فرحان ورجع للمطبخ يم نادية
احمد / يبعد گلبي ييمه فدوووه اروحلج
حضنته ورجع حضنها وباس راسها وهي تردد / سالم ييمه سالم بعد گليبي
نزل من غرفته والهلاهل تركع والجوكليت منا ومنا …نزل وعطره وراه كولش حلو بالقاط اللابسه ومحلق شعره وشواربه مقلمهن طالع كله حيويه واناقه مبين اصغر من عمره ال٣٨ صعدو بالسيارات وضاح ماقبل يروح كال هي حنة نسوان عيب خل ياخذن راحتهن بقى يحظرون لحنه الليل هو ولد عمه بس فهد راح ويا زينب والجهال .
،،،
دخلت ناديه بأطلالة حلوة بدله تفاحي راقيه وتسريحه شعر مرتبه حيل حلوة والمصورة تصور فديو واشتغلت اغنيه حسين الجسمي اقبلي شمس الكواكب هي الطلبتها لان عرسهم مراح يسوونه بقاعه استغلت الحنه وجانت فعلا حنه حلوة ومرتبه
عائله احمد متواجدين امه ونسوان خوانه وبنات عمامه ..
دخلوا سوا جانت مخليه شال جبير نفس لون البدله على راسها هذا جان طلبه وهي تقبلت هذا ، كاللها ماريد يشوفونج من نطلع
بالطريق جان يريد يدحك بوجهها بعيونها بس جانت مدنكه وتعصر بيديها مبين متوترة .
حضن ايدها من وصلو القاعه تغريد راسا شالت الشال ورتبتها ودخلو سوا على انغام الاغنيه جانو ثنائي يجنن تلكوهم هلاهل وجكليت
كعدو بالكوشه وبدت الاغاني ام الديجي جانت مرتبه الاغاني بطلب من تغريد وسمر
الحجي جان موجود استقبلهم بوسهم وبقى شويه وراح للبيت كالللهم حفله نسوان خل ياخذون راحتهم
ام وضاح بوست ناديه وهي فرحانه بيها وبنات العائله نفس الشي حتى بنات عمهم سبع يصفكن وفرحانات رغم امهن كل شويه كارصه عينها على وحده.
اخر شي من ضيفو المعازيم والعرسان قطعوا الكيكه الجبيرة ورجعوا كعدوا جابو الحنه ناديه مقبلت يرسمولها متحب الحنه خلت شويه بطن ايدها لان الحجيه ام وضاح وعمتها سهام غصبوها وهن يضحكن عليها لان ضاجت
احمد غطس اصبعه الصغير لخاطرها رفع بوجها مبتسم / شوفي ترى انا هم ما احبها بس مضامن وياج
بعدها مسحه بكلينس قدمته مريم
نادية /
صفنت بضحكته..يربي شكد حلو طالع وانوب فاتح دكمتين من القميص ملابس رباط فد شي انيق وفخم هالاحمد .
باوع بعيونها وشافها شلون متأثره قرب راسه عليها وهمسلها / شيصبرني لباجر لخاطر الله.
رجعت عدلت كعدتها خجلانه من كلامه وتذكرت سوالف تغريد وسمر ارتبكت أكثر ،،
غمزلها تك عين وضحك وهو يشوفها مرتبكة
البنات كومنها تركص مقبلت سرمد وياهن جر ايدها ماما اردث حبابه ماما
احمد السالفه على مرامه جر ايدها / خل نركص شويه بعدها اروح ورانه حنه هناك وفهد ينتظر برا اتأخرت عليه.
نادية / ليش ما دخل
عكد حاجبه ماعجبه / وين يدخل دشوفي بدلتج شلون صدرج نصه طالع برا انا كلتلو انتظرنا تلكيه اخذله فرا بالشوارع
فكت عينها / شبيها البدله حلوة والله.
حضن ذراعها وهو يمشيها نزلو من درحات منصه الكوشه / اي ماكلت مو حلوة اااااخ اااخ بسيطه والله لا اطلعههن بيج هاللوعه والحرمان
بدو يركصون على اغنيه هادئه بعدها اغنيه ردح اعراس ( مبارك مبارك عريسنا مبارك ،، وفرحنا واليحبنا يفرح ويانه ،، وهاي الرادها وهاي التمناها بنت الشيخ لابن الشيخ جبناها) احمد ركص شويه ويه امه الجانت فرحانه وتهلهل بعدين شال سرمد وركصه وسرمد خربان ضحك ويصفك التفت لناديه لرافعه ايدها وطكطك بأصابيعها لسرمد
احمد / ول يابه فرحان بعرس امو هالصبي
ضحكن ناديه وتغريد وسمر وهند الجانن واكفات بصفها ويصفكلهم ،، نزل سرمد ورفع تك حاجب وضحك من شاف زهراء بنت وضاح مبوزة لأن شال سرمد / ايابه كلشي ولاتزعل المزيونه تعاي بعد عمج
اخذ زوزة من مريم الجانت تركص بيها وزوزة تأشر لعمها تريده شالها بيد وحده فوك يركص بيها وهي خربانه ضحك والجهال
ونسوانهم وبناتهم محاوطيهم ،، رجع زوزة لامها بعد ما باسها وعضها خفيف بخدها .
ضحكت مريم وهي تاخذها منه وكالت /هاي العضه لنداوي روح اختمها ليش ختمت خد بنيتي
التفت لناديه الجانت مندمجه ويه البنات تميل بجسمها على خفيف لان متعرف تركص وتستحي / والله هي كلها مال عض بعد اخيح هههههه.
ـــــــــــــــ
العرس بالطارميه جان فد شي نصبو الجوادر وكلشي مرتب على حسب الاصول والعشا الطباخين جابهم ابو محمد تكفلوا بي الذبايح ابو محمد كثر بيها لان يريد يبيض وجه هذا اخر واحد يتزوج بيهم ولأن عازمين هواي ناس وجماعه احمد بالدوام واصدقائه ومعارفه اغلبهم حاضرين حتى الوزير وحمايته وصايره فدنوب المنطقه محاوطينها الأمن واجراءات وكذا
اصدقائه المقربين كلهم حاضرين حتى سلام الجان مار على اصابته شهر حاضر بس ماركص جوبي وياهم فارس بدع هو ومعتز بالجوبي متحاوطين أيديهم ويه احمد والشباب ويجوبون على اللحن والشعر جانو جايبين مطرب وطبل وخبصه يعني جان فد شي كولش حلو .
فهد ووضاح لعبو شوي وضاح موهلكد بالجوبي بس لعب جوبي مجامله وياهم وراح يوجب ويستقبل الضيوف ويسلم عليهم .
بعدها حجى ويه احمد على موعد الزفه يقربونه لأن راح يقدمون العشا علمود خطارهم الجايين من بغداد
ولان الوزير راح يجي لان جان بعده مواصل .
لواء ابراهيم بعدما باركله اخذه على جهه وحجى بصوت ناصي / كمال يكول بلغته اتصلت وفهمته وهو يتصرف ،، احمد متأكد ،، لاتتهور ترة مو كل خطه تنجح بالتهور
احمد أخذ نفس قوي / سيدي انت انطيتني صلاحيه من اربع سنين بعدك على حجايتك
دحك بعينه وعكد حاجبه / تعجبني قابلية التحدي العندك ..لاتنسى انت وزوجتك رايحين تتونسون وتكضون كم يوم شلون راح ادبرها بمراقبته وتتبعه
احمد / كمال موجود اذا احتاجيته رنه وحده يكون عندي
العميد / الله يحفظكم وتسمعونا الخبر الزين
،،،،
تحضروا جم سيارة اغلبهن حديثات واحمد زينو سيارته باناقه لان الزفه بيها بس الحجيه صعدت وياه والبقيه كلمن على سيارته وانطلقوا لبغداد .
،،،،،،
حجي علي رجع نادية من الصالون وعيونه مغوركات دمع من دخلوا للاستقبال طالعه مثل الملاك وانوب لابسه الحجاب بلفه نازكه لايك لوجها حيل حلوة بي حاول يبتسملها ميريد يقهرها يعرفها بس تشوفه ضايج تنقهر
كعدت والهلاهل والاغاني جماعتها البنات والجيران كامن يركصن فرحانات بيها سرمد من شافها بالبدله بقى لازك بصفها باست خده واشرت لهند دنكت عليها
نادية بحزن / شلون راح يصبر بدوني عفيه ما اوصيج على سرمد ديري بالج عليه
ابتسمت هند / بعيوني يمعودة فكري بروحج معليج بأحد
نادية مهمومة / اخاف يبجي لان يستفقدني .
هند / زين اني اروح ويه بيبي اخذه وياي .
نادية / اهااا لعد هاي هي بس بسياره منو تصعدون
هند / لاتشغلين عقلج هسه هي تصفى
سمعوا صوت الهورنات والطلق علكو الجو خاصه فارس ماخذ راحته بالرمي رغم أبوه حذره كاللهم لاترمون بس منو يسمع
دخل احمد والحجيه وجماعتهم الزلم بقوا برا ماعدهم احد يدخل بس العريس والنسوان استقبلهم الحجي يهلي ويرحب ودخلوا جوا ،، ناديه بلعت ريك وصابتها رجفه من شافته دخل من الباب بقاطه الاسود وقميصه الابيض والرباط ،، رفع ايده وسلم عالكل بصوت واضح وقوي
صار يمها مد ايده وسحبها عليه باس كصتها وعينه تريد تاكلها اكل حب شكلها ومنظرها بالحجاب طالعه اجنن ملاك / مبروووك بعد گليبي همسلها الكلمه همس
وهي جانت دايخه بعطره وبحظوره .
كعدوا دقايق واخذو صور بعدها طلعوا .. حاضن ذراعها ويمشي بهدوء حس برجفتها دنك عليها
احمد بهدوء / هدي بعد روحي ليش ترجفين
نادية ماحجت بس أيدها ضغطت ايده
من طلع احمد اشتغل فارس بالرمي هو و واحد من ولد عمام احمد بعدما صعدت ناديه اشرلهم يوكفون الرمي بقى بس فارس ولا يكعد راحه.
الحجيه سهام صعدت ويه تغريد وزوجها وجانت سمر وياهم بقت هند شايله سرمد دوخها يدردم يريد يصعد ويه ناديه بس ماقبلت تخلي يروح
هند / لك حبيبي وين تصعد خطيه هسه ملتهيه بروحها تعال خل اشوف يوووو
راحت بيبي يربي
نترت بعصبيه / وجع طرشتني !!!!
رجعت ليورا من طكت الطلقات رادت تعثر بفستانها وانوب شايله سرمد
هند / اي بس بيبي راحت ويه معتز وماكو سيارة يلا شسوي راح نرجع واخلي يلتهي بأي شي .
احمد ما عجبه تبقى هي وسرمد لأن نادية تلح تريدهم / شنهو ترجعين ماكو هيج حجي تعاي اصعدي وياي.
استحت هند / لاااا لا عيني شلون يصير
حس بيها متريد تصعد لان منحرجه على سيارة عرسان وتستحي
اشر لفارس / فارس وياك الدكتورة والولد بأمانتك ورفعله تك حاجب
فارس التفت عليهم / بعيوني تفضلي
احمد راح بعد ما تكفل فارس يجيبهم ويا .
اشرلها تصعد فتحت الباب الورا جان يكلها
فارس / سايق اني وما ادري تعاي هنا
عكدت حاجبها تذكرت الصوت تعرفه قبل فترة هو نفسه بالمستشفى بس والله طالع كشخه والوجه منور اشو جان مصخم ومترب من شافته هناك !!!!!
خزرته بدون متحجي فتحت باب الصدر وكعدت سرمد وسدت الباب ورجعت هي كعدت ليورا
فارس باوعلها متفاجىء عباله تكعد بصفه ركعت الباب بقوة متعمده اضوجه من عرفته
صار احمر يريد يكلها ثول وتجت الحجاية بطرف لسانه بس بلعها ،،، والله لوما مقدم احمد وصاني لا اكفر بيج
شايفه نفسها كالو حلوة بنت الذين تملخ شلون حلوة
جانت هاي الافكار براسه وهو مركز يسوق التفت لسرمد ورجع يركز بالشارع ميريد يضيع سيارة العريس..
حجى وية سرمد / ها عمو افتحلك اغاني
سرمد ضحك وصفك / اي اي
فارس مبتسم / صار يدلل الذيب ..فتحله اغنيه ردح متعمد وعلا الصوت وكام يهز براسه ويغني وسرمد يصفك فرحان
هند صارت حمرا احراج ومغثه من هالفارس .
عينه عليها بالمرايه العدلها حتى يراقبها .
رن موبايلها فتحته ونترت مقهورة ومحرجة / والنبي ولا احاجيكم شلون تخلوني بهيج موقف كليلها البيبي زعلت ،،، اي صديق احمد شمعرفني بي ،،، دهاج استفاد راسي انسطر بالقرآن ولج معلي المسجل دسمعي خررب حظي اني ادري ماعندي حظ ،، كولي لرجلج يحلم ،، اي والله.
سدته ورجعته بجنطتها الصغيرة ، هذه نادية اللي اتصلت عليها ،، رفعت راسها وعينها صارت بعينه خزرته والتفتت عالشارع .
سمع حجيها اغلبه وفهم كاعدين يحجون عليه بس طنش بمزاجه بس المحيرة راسا صعدت ويا وبعدين عقجت وجهها !!!!!
قريب ما يوصلون لبيت احمد حجى وياها لان طول الطريق ساكته وتتأفأف / بالنسبه لذاك اليوم قصدي بالمستشفى.
قاطعته / لاتعتذر اصلا سالفه وراحت بوكتها .
فارس / ههههه فاهمه غلط منو هذا اليريد يعتذر ؟!!!!!
هند بغيض / والله لو عارفتك من البدايه ولا اصعد بسيارتك
رفع تك حاحب / وليش ما تعرفيني رجال شكبرني كدامج شنو هالجذب
نترت بي / شايف شكلك شلون جنت مصخم ومدمى ،، ولعلمك الا حجيت يلا تذكرت والا ماجنت اصعد اصلا بعد ماغلطت عليه.
فارس وهو يتذكر ذاك اليوم اللي تصاوب بي رائد سلام / انتي عوبه لسانج شطوله
هند بغضب / احترم نفسك لاتتجاوز منو سمحلك تحجي وياية ؟!!!!!!
فارس نتر / اني اسمح لنفسي هههه اعصايك يحلو ..بعدين اني جنت بمهمه وصارلنا حادث
هند / استغفر الله
بقت دردم عليه وهو ماحجى وياها ميدري ليش عجبه يستفزها منظرها يضحك من تعصب تبقى تخزر بعينها .
وصلوا للطارميه ودخل احمد السيارة للكراج ونزل ناديه الجانت طول الطريق ساكته بس الحجيه تسولف وياه وهو احترم سكوتها ماحجى وياها.
نزلت هند معصبه جان ينتر بيها / انتظري
التفتت / شكو نسيت اهانه لو حجايه ما كلتها؟!!!
ميل جسمه التفتلها / يبنت الناس الزلم تارسين الشارع شلون تنزلين هنا خل اصف السيارة بمكان بيعيد وانزلي
انتبهت عالشارع كلامه صح رجعت كعدت وسدت الباب بهدوء عجبه هالمرة
دقايق وصف سيارته قريب عالباب الجبير نزلت هند وسرمد وقبل متروح التفتت عليه لان من باب الذوق لازم تشكره رغم مغتاضه منه / اشكرك عالتوصيله
صفن عليها ماحجى عافته وراحت هي وسرمد.
عزبوا الناس ورجعوا شدوا حلقه جوبي اخر شي زفوا احمد الضحك اول ما وصل لباب البيت رفع ايده فوك مشكورين يابه ماقصرتوا
فهد اخوه ضحك / خل نزفك يالاخو
رفعله تك حاجب وضحك / ههههه هينة وخلص يلا توكلوا
ضحكوا ورجعوا اغلبهم ولد عمامه وجان بينهم شقى
ناديه بالغرفه كعدتها الحجيه من داروا العشا ماقبلت تاكل متوترة وسرمد يمها اخر شي نعس ورا ما عشته حجيه سهام ونام طلعن من الغرفه من كالو راح يزفون العريس فرغت الغرفه جانت كاعده عالكرسي
مدنكه راسها واول ما انفتح الباب وانسد روحها ماعت ….
ـــــــــــــــــــ
