رواية حسناء قلبي الفصل الثامن عشر 18 بقلم جوهرة
ــــــــــــــــــ
قبل ميرحون للمطار مروا لبيت حجي علي لأن ناديه تريد تطمن على سرمد الي من شافها دخلت من باب المطبخ فز ركض عليها شالته بقى محاوط ركبتها ومخلي راسه بيها دمعت عينها باست خده / حبيبي مشتاقتلك
سلمت على عمتها وابوها وسألت على هند كالتلها الحجيه راحت دوامها.
سلمو على احمد وباركوله كعدو شويه لان فهد راح بشغله ورجعلهم من طلعوا سرمد حاوط رجلها وبقى متمسك بيها / الوح وياج ،حبيبي ماما الوح
سلمو على احمد وباركوله كعدو شويه لان فهد راح بشغله ورجعلهم من طلعوا سرمد حاوط رجلها وبقى متمسك بيها / الوح وياج ،حبيبي ماما الوح
حجي علي شاله بحظنخ / نروح بس اني وحبيبي للملاعيب ماناخذكم يلا يلا نروح منريدهم ويانه.
سرمد يخرب عاللعب راسا صدك بس بقت عينه على ناديه اشرتله بيدها وبداخلها غصه لان حيل تنقهر عليه بدون اب وام لو حتى مهتمة بي وتحبه أكثر من روحها / باااي حبي
طلع الحجي بسيارته يودي للالعاب المول قريب عليهم يونسه شوي .
وصلو اربيل وموبايل احمد من نزلو الطيارة للفندق مابطل كل فترة يرن وينطي رفض عكدت حاجبها مستغربه بس ماحجت شي .
حاجز سويت كامل والفندق راقي حيل دخل الجنط وراح للحمام
احمد / طلعيلي ملابس لما اسبح.
نزعت حجابها وشمرته لان ضايقها ممتعوده بعدها ،، حذائها ذبته على جهه وراحت فتحت الجنط تفرغهن طلعتله تراك وداخليات خلتهن عالجربايه وبقت تعلك بالملابس سمعت موبايله يرن بدايه عافته بس بعدين من سمعت اشعار برساله بيدها جان قميصه علكته عالسريع وراحت عالموبايل قرت اسمه ذبته معليها
اكيد شغل وهو مركزه حساس شلها دخل.
طلع احمد من الحمام ينشف بشعره ومحاوط خصرة بمنشفه اكبر ،،، شافها يم موبايله عكد حاجبه وتقرب عليها راد يحجي رن موبايله ، فتح خط وعينه على ناديه حيل قريبه عليه بقى ساكت يستمع للطرف الثاني
لمحته من عض شفته وكال / لاتتصل انا اتصل عليك خلاااص يرجال فيمالله
ابتسم بوجهها من شافها صافنه / مشتاقلج
ابتعدت خطوة ورا / روح اسبح.
جرها وضحك / بااع الرومانسيه تقطر .
نادية باعتراض / احممممد والله تعبانه اريد اسبح انعنش شوي
احمد / ههههه يمنعنش انت ،،
باسها بشفتها وجر نفس / روحي ترى ما تظمنيني ههههههههه
فكت عينها وراحت كملت الملابس اخذت منشفه وشامبو وحظرت دشداشه ربع ردن دخلت تسبح
احمد رجع خابر وافتهم الموضوع بعدها انطى تعليماته وسد موبايله اخذ ملابسه لبسهن مشط شعره وتعطر وكعد يكلب بجهازه ينتظر ناديه اللي طلعت لافه شعرها بمنشفه فك عينه عليها وبلع ريك
دمار هالناديه راح تسكطني شمر جهازه وراحلها جانت تريدتمشط حظنها من ورا وشم ركبتها / افيششش ولج مشتاقلج رفعت كتفها معترضه
نادية / يمعود خل اسرح شعري
مد ايده بشعرها ونثره / تعاي شوي هينه
غمضت عينها متريد تصده بس هي فعلا تعبانه
رتبت ياخه تي شيرته بطرف اصابعها وبوزت
/ يعني اكعد ما اتحرك حتى لا اثيرك.
حظنها بقوة وعصرها بحظنه / تعاي اكعدي بحظني
ابتسمت تعترف متكدرله ههههه
اخذها بحظنه وخلاها عالفراش وعينه عليها وتنفسه ثكل و ..
ــــــــــــــــــ
احمد / لاتخلي يغفل عن عينكم انه اريدو متلبس بالجريمه هذا ثعلب يعرف شلون يطلع منها ..دحك عالساعه ٣ نص الليل
كمل بصوت ناصي / متحتاج تنبيه ادري بيك حريص
رائد كمال / اكو شي جديد عندك وكت تسمعه
رفعله تك حاجب / اذا يخص قضيتنا اكثر من مستعد غير هذا لا .
كمال/ خلاص غير مرة اسولفلك ادري بيك مستعجل تلحك عالمغثه وداعتك
هز راسه وضحك / ههههه كمال عاشك الرومنسيه هيج تحجي وعيونك من تلكى الگليبك يهواها بعد متكدر لزمن اطخي ههه يلا فيمالله.
كمال مبتسم / الله وياك خل جهازك مفتوح لاتقفله
رجع احمد للفندق متاكد ناديه نايمه هساع ابتسم ويه روحه تذكرها شلون حلوة ومطيعه شكد ترفه يربي مقبلت يطلعون كظوها بالسويت بس العشا طلعوا مطعم وافتروا شويه مول من رجعوا ناموا لان تعبانين بس هو نزل بعدما اتأكد منها نايمه.
دخل بهدوء للغرفه ظلمه بس ضوا خفيف يوصل من البنايات يعكس بالغرفه من الشباك خلا موبايله عالشحن ونزع ملابسه بهدوء وعينه على ناديه بقى بالشورت تقرب رفع الغطا جرها لحظنه باسها بخدها
وخله راسه عالمخده تململت بنومتها محس الا وهو غافي .
مماخذ كفايته نووم يادوب نص ساعه نام ورن المنبه موقته لصلاة الفجر
راح توضى وطلع تراك لبسه ومد سجادته يصلي بعدها كعد يقرا قرآن قرا شويه وصدق باسه وخلاه عالميز ورجع تمدد بفراشه / نداوي حبيبي كومي للصلاه
كعدت ومسحت شعرها ليورا / يسلمووو حبيبي راح اتعود عليها جنت اصليها من اكعد ومرات اصليها بوكتها
ابتسملها تك خد ومد ايده لمس شفتها بأصبعه برقه
احمد / عجل كومي لاتفوتج وتعاي بحظني حتى نام .
ــــــــــــــ
طلعوا يفترون بعدها راحو لشلال وتغدو هناك جان الجو كولش حلو واحمد قرر يرحون غير وكت لمصيف ثاني رجعوا طبعا تكسيات لان سيارته عافها واجو طياره مر اسبوع عليهم بأربيل حيل تونسوا بي
يوميه تخابر اهلها وخاصه سرمد تفتح كاميرا فديو
بوجود هند تكوللها بعد ميريدج تعود عليه وهي تضحك من سرمد يكفشها ميقبل تحجي وناديه فرحانه لفرحه وصاها يريد ملاعيب وعدته تشتريله اكيد شعدها غيره بس ويه روحها حسبت حساب جهال وضاح وفهد حبت تفرحهم.
جانت اليوم طلعتهم للمصيف وافتروا وناديه ارتاحت للمنظر الشلال والمي مدت ايدها بالمي يجري بصفها جانت كعدتها على صخره قريبه وماخذه راحتها صافنه بي ماحست الا ورقه صغيرة توكع بحضنها
اخذتها مستغربه وبقت تتلفت منو شمرها هواي ناس شباب شابات اطفال مجاي تركز الجانو قريبين عليها بعدهم على كعدتهم معقوله جانت صافنه لدرجه محست منو شمرها دورت احمد شافته من بعيد واكف يسولف ويه رجال نفس الطول هم لابس برمودا وتي شيرت الوانها مقاربه لملابس احمد حتى الكاب براسه اسود يشابه اللابسه جانو يحجون مندمجين شوي والتفتوا عليها متعرف ليش گلبها رجف خاصه من تقدم احمد عليها والرجال راح
ضمت الورقه بجيب بنطرونها جانت لابسه كابوي وفوكاه قميص للركبه عضت شفتها يمكن ارتباكها اكثر شي من الورقه تريد تعرف شمكتوب بيها تخاف احمد يعرف يسويلها سالفه لان متفوته فايته رمشت عينها / ها حبيبي نرجع
رفع تك حاجب مستغرب / مو خبصتيني نجي هينة !! اشوفج تردين ترجعين
.
لامت روحها صدك ثوله هي الاصرت يجون انوب تريد ترجع /:ههه لا مو شوي تعبت خل ارتاح وتدري ثكلنا بالغدا فحسيت بنعاس .
اشرلها براسه وطلعوا من المصيف راجعين للفندق.
اول ما دخلت راحت للحمام قفلت الباب وطلعت الورقه جانت مطبكه ،، وبيد ترعش وعيونها دمعت قرت الكلمات هزت راسها ممصدكه ليش ليش هسه ؟!!! وين جنت جنا محتاجينك ليش ابنك مفكرت بي شمرته لحمه حمرا ،، بلعت ريكها ومسحت دموعها شككت الورقه وذبتها بالتواليت الغربي فتحت المي لحد ما تاكدت اختفت بقت صافنه اخر شي فكت حجابها وغسلت نشفت وجها وطلعت ..
احمد جان مدد عالجربايه
اشرلها تجي بس مراحت جان مزاجها مخربط ومتريده يعرف لان هذا شي يخصها هذا الفكرت بي
شافته كام وتقربلها حضنها بلهفه باس خدها سألها / شبيج
خلت ايدها على صدره تلمست شعر صدره بخجل / اريد انام
ابتسم /؛عجل شريد انا تعاي
رفعت راسها معترضه بصوت ناعم. / احمممد ماقصدت البالك جججج
مشى بيها للفراش ودفعها خفيف / شهكت من انبطحت على ظهرها وعينها عليه تدري بي ميعوفها الا ياخذ حقه وهذا الصار …
دخلت تسبح بعد وكت توا الساعه ٥ واحمد طلع للبلكونه بعد ما سبح وبدل .
احمد جان يخابر مشغول واكف برا بالبلكونه وسادها متسمع بس يأشر بيده ويحجي عاكد الحاجب بقت تنتظره دخل عليها ابتسملها / ها حبي من شوكت طلعتي من الحمام
نادية / قبل شوي
نادية / انزل للمول بس اخذ سيارة شغله دقايق اشتري العاب لسرمد وصاني
رفع تك حاجب / منو كال ترحين وحدج شنو بكيفج الطلعه
استغربت لهجته / شبيك حبيبي منو كال اطلع وحدي اكيد وياك
صفن عليها بعدين / عجل يلا تا نطلع
الطريق كله كلبها يدك شلون حتشوفه وشراح يكول تخاف احمد يحس عليها وهو حذرها زوجها يعرف يريد يشوفها وحدها تنهدت بحسرة خلت احمد يلتفت عليها شوي وكف السايق بعدما انطا الكروة نزلو للمول دخلو سوا وناديه عيونها ادور عالناس خافت لا ينتبه احمد رن موبايله عكد حاجبه اشرلها وبصوت ناصي / روحي لقسم الالعاب شوي والحكج.
اصلا بالها مو يم الالعاب تريد تعرف وين صار كال راح يقابلها بقسم الالعاب شلون يربي اذا اجى احمد
حست على نغزه بجتفها التفتت جان تشهك راسأ حظنته باس راسها وخدها وحظنها بقوة / شلونج نداوي
رفعت راسها وعيونها غركت دمع / مو زينه مو زينه ليش عفتنا ليش عفت ابنك
اشرلها بأصبعه تهدأ / اششش اهدي حبيبتي تعاي هنا
جرها وراه يم معرض العاب بي زاويه معزوله وبصوت ناصي
سامي / شلونه سرمد هم يسال علية
بعتب وانكسار حجت / ليش وين يعرفك سامي ليش هيح عايفنه ليش ؟!!!
تنهد وعيونه عليها يشوفها سكثر تغيرت / ناديه الحجي طردني ميقبل على شغلي ولا قبل عالسويته بشذى
نادية / شذى اتزوجت وعدها اطفال والسالفه نسيناها حتى عمه سهام عايشه ابيتنا هي وهند .
سامي ما تفاجأ / الله الله بس سامي طلع موخوش. صارلي شهر متابع اخباركم واخبار رجلج تزوجتي صارلج اسبوع ، عاجبج هالاحمد مووو
نادية / اي تزوجت ، يعني انت تعرف اخبارنا .
سامي / صار شهر من متابع الاخبار بعدين مالكيتي غير هذا ولج هذا واحد خبيث داهيه مسوي روحه الكل بالكل
استغربت لهجته وكلامه وسألته / وين تعرفه ؟
سامي / معليح بهاي السوالف ما اعرفه معرفه شخصيه
نادية / تعال لبغداد سامي والله بابا يسامحك ارجع خطيه سرمد يعيش بدونك .
سامي / انتي وابويه متقصرون ادري بيكم ومأمن لعد ليش جبته الكم اريد أبوية يربي
حجت بلهفه / يصيحني ماما واني كولش متعلقه بي ،، شوف هاي صوره طلعت موبايلها وفتحت صور سرمد بقى يكلب بيهن دمعت عينه انطاهيا جر حصرة وذبها / الله كريم نتلاكى
نادية باستفسار / امه شلون توفت
صفن عليها / ناديه هواي تسالين كلتلج ماتت وخلاص
نادية / سامي ليش مكلت الله يرحمها
سامي / نداوي عوفج من هاي السالفه انطيني رقمج خاف احتاجج وهماتين اطمن عليكم.
ردتله رقمها دك عليها رنه وفصله / احفظي صار يمج يلا اني اروح بس انتبهي لاجيبين طاري لزوجج مفهوم ،، ناديه عندي ثقه بيج وانتي مراح تخيبين ثقتي.
نادية / ترى احتاريت بكلامك سامي عيوني انت احجيلي شبيك.
سامي / تعاي هسه اشتري لعبه لابني وكوليله بابا عن قريب يشوفك
اشترى لعبه جبيره تشتغل عالبطاريه سبايدر مان وطلع فلوس خلاها بيدها هاي الفلوس ادفعيها للكاشير وسلميلي على ابويه
تريد تحجي عافها وطلع عالسريع.
راسها افتر بكلامه راحت تدفع الفلوس دفعتها وماحست الا على ايد احمد جرها عليه / شبيج صافنه.
فزت / هااا لا هيج يلا نطلع
ركز بوجها ورجع ركز عاللعبه وين رحتي ربع ساعه وبس هاي اللعبه اشتريتي .
نادية متوترة / هاا اي سرمد يحبها .
احمد / خل اشتري للجهال عجل.
نادية / ياا وربي نسيت جنت مقررة اخذلهم اعتذر والله.
احمد وعينه تفتر بالالعاب / على شنو تعتذرين امشي يمعودة نختارلهم مبين عليج اليوم مطفيه
انحرجت لان فعلا جانت ناويه تشتريلهم يربي والله شوفة سامي نستني .
اشتروا واحمد كتب عنوان الفندق حتى يوصلون الالعاب .بعدها طلعوا يتمشون ودخلو مول ثاني كاللها اشتري اي شي مقبلت تحس روحها مالها طاقه لان كلام سامي خلاها تشك اكو شي الله يستر .
،،،،
بالليل يلا رجعوا تعشوا بمطعم وراها رجعوا للفندق جانو موصلين الالعاب اخذها احمد ودخل العلاليك للسويت راحت ناديه تسبح وهو بقى ينتظرها حتى يدخل يسبح لان متقبل يسبح وياها الخاتون
رن موبايله بقى يستمع عكد حاجبه ونتر / شوكت هاي انا جنت موجود متوهم انت ،،،
لاتخربط شبيك صاحبي على عيني وراسي بس مال تتحجى حجي مو حلو هذا ما ارضى عليه ،، كماااال خلاص وين دليلك تا شوفو
،،،
شوي وصلته صور ناديه حاضنها رجال مبين بس ظهره وشعره من ورا ،، صورتين خلن عيونه حمر وعرك بكصته نط عصر موبايله بيده وتنفس بقوة عض شفته بقهر وبخطوات نار وغضب تمشى بعدها طلع البلكونه يحس راح يختنك ممعقوله منو هذا الحاظنها من هذا مو على طبيعتها اليوم ومرتبكه
خرب غيرتك كمال ليش ممصورين وجهه هذا اليتعامل ويا حمار مصورلي ظهروا.
هين يناديه خل اشوف شجاوبين على اسئلتي هين هين.
داخله يفور والغيرة صعدت الف منو الكلب التجرأ ومد ايدو على مرتو والله يحسب الله ماخلقوا بس خل يلكفو وناديه شسويلج اااخ اااخ عض اصبعه قهر
هاي شلون هيج تتصرف معقوله تعرف رجال غيري ،، اربع سنين مراقبها معقوله لا ما اصدك.
من انفتح باب الحمام وطلعت التفت عليها وعيونه تخوف من العصبيه والغضب….
