لن ابالغ ان قلت لكي ….
انه بعودتكي عادت الروح للجسد
وعادت الالوان الي حياتي كانها كانت اسود فقط
ظللت لسنين اظن ان راحتي وسعادتي في بعدك
لم اكن اعلم ان عشقكي تخللني مثل المرض
واتيت اليكي راجيا ….
بان تظلي ملكي ومعي وبجانبي الي الابد .
3
وبعد ما رندة قالت كلامها ومشيت خديجة فضلت قاعده مع نفسها تفكر ف كل كلمة قالتها رنده .
خديجة لنفسها : صح هي الي خدته مني هي الي بعدته عني وهو .. هو اداها الفرصه لده عشان كان حاسس انه مغصوب عليا بس دلوقتي …. دلوقتي هو مش مغصوب عليا انا مشيت مشيت وسبته بس هو الي بيرجع تاني وبيقرب باراته وبيغير وبيهتم لوحده …… بس هل انا ممكن ارجعله كدا بسهوله وانسي كل الي عمله فيا هقدر ؟؟
وهي بتكلم نفسها جالها ابنها مالك .
مالك : مامي مامي .
خديجة: ايوا يا حبيب مامي .
مالك : هو بابي هيرجع البيت امتي .
خديجة: ليه بتسال السؤال ده يا حبيبي .
مالك: اصل الاول كنتي بتقولي مسافر ودلوقت هو رجع وبيوصلنا كل يوم ليه مش بيخش ويقعد هنا وينام هنا .
خديجة بتبصله ومش عارفه تقوله اي .
مالك : هو انتي زعلانه من بابا طيب .
خديجة بسرعه: لالالا ابدا يا حبيبي ابدا انا وبابي مش زعلانين من بعض .
مالك: اومال هو مش بينام هنا ليه ومش بيجي هنا ليه .
خديجة اخدته ف حضنها : هيجي هيجي يا قلب ماما هيجي .
وعند النقطه دي خديجة حسمت امرها انه فعلا لازم ترجع رامي ترجعه مش ليها بس لا ترجعه لاولاده كمان .
4
وع الناحيه التانية عند رامي كان نايم علي السرير وبيبص للسقف وبيفكر ف خديجة .
رامي لنفسه : معقول معقول تتجوز حد غيري بالسهوله دي معقول تنسي كل حاجة كدا معقول تروح لحد غيري كدا وانا قاعد زي خبتها اتفرج لحد ما تتجوز وتروح مني .
وعند النقطه دي قام واتعصب وقال بغضب : ده علي جثتي الكلام ده يحصل علي جثتي .
وراح اخد صوره خديجة الي حطها جمبه ع الكومود وبصلحا بحب وقلها : هترجعي يا خديجة هترجعي بالذوق بالعافيه هرجعيلي تاني انتي والاولاد ونرجع عيله واحده بس مع اختلاف كبير اني دلوقت مش بحبك بس ده انا بعشق التراب الي بتمشي عليه وقريب اوي اوي هعترفلك بده وهتعرفي اني اتغيرت بقيت رامي جديد رامي الي طول عمرك نفسك يبقا موجود رامي الي بعد كدا مش هيعمل حاجة غير ان هو هيعبش حياته يحبك وبس .
وفضل باصص ع الصوره شويه لحد ما راح ف النوم .
6
( صبح الصباح 😂💥 معلش ع التخلف نرجع تاني )
النهار طلع بيوم جديد واحداث جديد علي كل ابطالنا .
وبدايه الاحداث دي كانت ف المحكة مع حمزه وشروق .
كان حمزه وشروق ومها ف المحكة بيخلصوا اجراءات القضبه الي شروق رفعتها علي ابن عمها .
شروق بسعادة: يعني كدا القضيه اترفعت وانا هخلص منه .
حمزه بيبصلها بحب : ايوا كدا القضيه اترفعت وهنخلص منه .
شروق ضحكت بفرحة: يارب عقبال ما يتحكم فبها بقا واخلص خالص.
وبعدين سمعوا صوت زعيق بصوت عالي اوي .
والصوت ده مكانش غير خالد ابن عم شروق .
خالد بغضب وصوت عالي : بترفعي قضيه عليا يا شروق عليا انا طب ورحمة ابوكي وامك لهوريكي .
شروق خافت من صوته واستخبت ورا حمزة الي اول ما شاف خااد جاي وقف قدامها كنوع من انواع الحماية ليها .
حمزة بغضب : احترم نفسك يا بتاع انت والزم حدودك وانت بتتكلم معاها ولما تتكلم متكلمهاش وكلمني اناااااااا متعملش نفسك راجل علي بنت .
خالد بغضب : وحضرتك مين انت كمان ولا الهانم خلاص بعد ما ابوها مات مشيت علي حل شعرها وانا معرفش .
شروق ببكاء: اخرس يا حيوان انت انا اشرف منك .
حمزة بغضب : اسكتي انتي يا شروق….. انت عارف انا ممكن دلوقت اعمل فيك اي ممكن البسك قضيه دلوقت وانت واقف اطسك فيها حكم لانك بتسب فشرفها وانت ف قلب المحكمة ف اتقي شري وامشي من وشي بدل ما ابيتك ف الحبس النهارده .
خالد بصله وسكت وعرف ان هو ممكن حقيقي يعمل كدا .
3
خالصد بغضب وهو بيبص لشروق : ماشي ماشي يا ست هانم بس يكون ف معلومك مفيش ولا مليم هتاخديه مني ومش هخليكي تكملي تعليمك وابقي قابليني …. وهتجوزك بردو بالزوق بالعافيه هتجوزك مهو انا مش كنت بصرف عليكي بعد ما ابوكي مات عشان ف الاخر تكوني لحد تاني لا انا كنت بصرف عليكي عشان اتجوزك انا فهتجوزك يعني هتجوزك .
شروق : انت مكنتش بتمن عليا ده نصيبي من ابويا الي انرت سارقه مني ومش عاطز تديهوني .
خالد :ومش هديهولك يا شروق لو عملتي اي مش هديهولك وهتجوزك بردو مش كفايا راضي بيكي وانتي عاميه لا وكمان بتتامري اومال لو كنتي بتشوفي زي البني ادمين كنتي هتعملي اي ….. انا ماشي بس والله ما هسيبك .
ومشي خالد وساب وراه واحده مجروحة من الكلام الي سمعته وانه قال عليها عامية وغمضت عنيها بالم .
+
حمزة اول ما شاف شكلها وهي متالمة كدا حس ان سكاكين بتضرب ف قلبه من دموعها.
واخد قرار ولازم ينفذه ……
2
انما الصباح عند رامي وخديجة غير .
رامي صحي من النوم وكان النهارده اجازة من المكتب ف قام اخد شاور وغير هدومه وكان جعان جدا بس هو مش بيعرف يعمل اكل لنفسه .
وهنا افتكر خديجة ان هو عاوز ينزل يشوفها وخصوصا انها اجازه النهارده ومفيش شغل .
+
اخد مفاتيحه ونزلها ووقف قدام البيت شويه ورن جرس الباب .
3
وكانت خديجة ف الوقت ده لسه صاحية واخدت شاور وصلت فرضها وقامت اطمنت علي الولاد وسابتهم نايمين لان النهارده اجازه ونزلت دخلت المطبخ تعمل فطار ولسه هتعمل سمعت صوت جرس الباب بيرن .
+
خديجة باستغراب : ومين ده الي هيجي ع الصبح كدا ده .
وراحت فتحت الباب واتصدمت انه رامي .
خديجة : رامي؟؟؟ صباح الخير في حاجة حصلت ولا اي .
رامي وايده علي بطنه : جعان … جعان اوي .
خديجة بصتله وعنيها اتجمع فيها الدموع علي حاله كان شكله زي الطفل الي بيطلب اكل من مامته
خديجة بصوت مبحوح : خش خش يارامي خش انا كنت لسه بحضر الفطار اهو تعالي كل معايا بدل ما اكل لوحدي .
رامي بصلها وهو لسه واقف .
خديجة مسكت ايده ودخلته : تعااالي يلا انت واقف زي التمثال كدا ليه يلا انا كمان جعانه اوي .
ودخلوا وخديجة قفلت الباب وراهم وراحوا علي المطبخ .
خديجة بابتسامة : يلا اقعد هنا لحد ما احضر الفطار دقايق ويكون جاهز .
رامي : هما الولاد فين مش هيفطروا .
خديجة : لا يا سيدي مش هيفطروا نايمين وقولت اسبهم عشان النهارده اجازة وهما كل يوم يصحوا بدري معايا ف قولت اسبهم يناموا …. يلا شويه و الفطار يجهز .
واستدارت تحضر الفطار وهو من وراها عمال يبص علي كل حركة بتعملها بحب وبيلوم نفسه انه ازاي مكنش كل ده حاسس بحبها وازاي فرط فيها بغباؤه .
4
وبعد دقايق خديجة خلصت الفطار وحطته قدام رامي .
خديجةبابتسامة: يلا يا سيدي اهو الفطار بالف هنا وشفا .
وقعدت قدامه عشان ياكلوا.
رامي او ما كل اول لقمة غمض عينه من حلاوة الاكل وبيستطعم كل ذرة فيها واد اي كان وحشه الطعم ده
رامي بتلذذ : تسلم ايدك تسلم ايدك يا خديجة الاكل حلو اوي .
خديجة : اكل اي بس يا رامي ده فطار هو غدا .
وبالمناسبه ازل اتغدا واتعشا هنا الولاد هيفرحوا اوي انك هتتغدا معاهم .
رامي : ايوا بس …….
خديجة : من غير بس هتنزل تتغدا مع الولاد .
رامي فضل يبصلها بحب وهو ساكت .
خديجة : الحمد لله هقوم اعملك القهوة بتاعتك .
رامي : يااااه انتي لسه فاكره اني بعد الاكل بحب اشرب قهوة .
خديجة بعتاب : وانا من امتي وانا بنسي حاجة تخصك يارامي .
رامي: انتي ليه بتعملي معايا كل ده يا خديجة .
خديجة بصتله باستغراب : بعمل معاك اي يا رامي .
رامي : ليه لسه بتعامليني بحنان ليه لسه فاكره كل حاجة بحبها ليه لسه بتهتمي لامري برغم كل الي عملته فيكي انا لو مكانك مش هطيق اسمع اسمي تاني .
خديجة غمضت عنيها بالم واخدت نفس عميق وقالت : عشان حاجات كتير اوي يا رامي بس كل الي من حقي اقوله انك وصيه ابويا وعمي ليا عمي قبل ما يموت وصاني عليك اني اخلي بالي منك واهتم بيك وابويا كمان وصاني اراعيك واهتم بيك دي امانه وانا اتعودت اادي الامانه دايما .
رامي بخجل وهو باصص ف الارض : يبقا احب اهنيكي واقولك انك احسن مني بكتير لانك حافظتي علي امانه انا كراجل مقدرتش احافظ عليها وضيعتها من ايدي .
4
خديجة استدارت وسكتت نتكلمتش وصبت القهوة وحتطها قدامه … ووهي بتحطها شافت ان كمام القميص بتاعه مش نضيفة .
خديجة : رامي انت هدومك مش نضيفه كدا ليه اول مره تعملها وتمشي كدا .
رامي : مش بعرف اغسل ما انتي عارفه .
خديجة : اومال مرااا……. وسكتت وبعدين
قالت : طب نزلي هدومك كلها اغسلهم البدل والبيت كل الي عندك .
رامي : لالالا يا خديجة لا متغسليش حاجة انا انا هتصرف وهحاول اغسلهم .
خديجة: انت هتسمع الكلام ولا لاء وبعدين تغسل اي انت بتعرف تعمل لنفسك كوباية شاي لما تعرف تغسل نزلهملي وبعددين وما انا ياما غسلت هدومك يعني .
وصمتت ثم تابعت : واكيد البيت مش نضيف فوق كمان .
رامي : الحمد لله مزبله .
خديجة : يالهوي للدرجة دي .
رامي : واكتر .
خديجة : طيب نزلي الدوم اغسلها واطلع انضفلك البيت .
رامي بسرعه : لالا كدا كتر اوي اوي كفايا اكل وهدوم .
خديجة : مش كتير ولا اي حاجة هتلي الهدوم وهطلع انضفلك البيت بسرعة وانزل تاني .
رامي : كدا هتعبك معايا اوي يا خديجة .
خديجة: ده مش تعب انا متعوده علي كدا يلا اطلع هات الهدوم .
رامي: حاضر .
7
شروق : بتقول اي ؟؟؟؟!!!
حمزة بثبات : بقول تتجوزيني .
شروق : اتحوزك ؟؟؟ انت انت بتتكلم بجد .
حمزة : وهي الحاجات دي فيها هزار .
شروق : ايوا بس ليه ليه انا … انا واحده عاميه مش هنفعك انا حتي مش شايفه شكلك …ولا يكون عشان…….
حمزة مقاطعا : عشان بحبك .
شروق بصدمة: اي ؟؟!
حمزة :ايوا عشان بحبك … بحبك من اول يوم شفتك فيه من ساعة ما خبطيني انتي موقعتيش الورق بس انتي قلبي .
شروق ابتسمت علي تعبيره .
حمزة : ايوا كدا اضحكي …. انا عايزك تعرفي يا شروق اني بحبك فوق ما تتخيلي وبحسك مسؤولة مني وانا مسؤول عنك وبعرض عليكي الجواز دلوقت عشان بحبك .
شروق : يعني مش بتعرض عليا الجواز عشان صعبانه عليك وعايز تحميني من خالد بس .
حمزة : ده جواز يا شروق محدش بيتجوز حد عشان صعبان عليه دي حياه لازم تكون مبنيه علي الحب انا حقيقي بحبك بحبك اوي واتمني توافقي .
شروق بحزن : ايوا بس انا عامية .
حمزة : متقوليش كدا وبعدين انا كلمت واحد صاحبي دكتور عيون كبير ولما شرحتله حالتك قالي احتمال كبير اوي انك تعملي العمليه وتشوفي تاني وحتي لو لا قدر الله مشوفتيش انا راضي بيكي كدا
ها قولتي اي موافقة ؟
شروق بابتسامة: موافقة …. موافقة يا حمزة
حمزةبفرحة: يا اسعد يوم ف عمري…. با بركة دعاكي يااااماااااا .
شروق ضحكت عليه : يا مجنون .
حمزة : انتي لسه شوفتي جنان اتقلي عليا انتي بس .
شروق :😂😂😂😂😂😂😂
3
نروح مكان تاني وهو عند داليا (البومة 😈)
داليا كانت قاعدة مع رنا صحبتها وبيتكلموا .
رنا : بس انتي مش شايفه انك ذوتيها شويه .
داليا : ده مجاش سال عني ولا عبرني يا رنده داخلين ف شهر معبرنيش حتي بكلمه .
رنا بخبث : مهو مش فاضيلك بقا هيفضى ل اي ولا ل اي ؟
داليا : تقصدي اي بكلامك ده ؟
رنا بمكر : لالالا ملوش لزوم انسي ده اي كلام .
داليا بغضب : لا ده مش اي كلام انطقي وبولي رامي بيعمل اي من ورايا .
رنا : لا اصله كل يوم راح جاي مع خديجة ويوصلها ويجبها من الشغل ومع ولادهم كمان افتكرتك عارفة مكنتش اعرف انك متعرفيش .
داايا بغضب شديد : بقا كدا يعني رميني انا هنا ورايح يتصرمح مع الست هانم هناك وانا اقول بردو مبيسالش عليا ولا حتي بيعبرني ليه اتاريه مش فاضيلي بس ماشي ماشي يا رامي ماااااشي.
رنا : اي ناوية تعملي اي .
داليا : ……….
4
نرجع ل رامي وخديجة تاني ….
رامي نزل الهدوم لخديجة زي ما طلبت منه وفعلا غسالتهم كلهم وكوتهم وطلعتله وخبطت علي الباب .
رامي فتح ولقا خديجة .
رامي بياخد من اديها الحاجات بسرعه : يا خبر اي ده بس يا خديجة مرنتيش عليا ليا انزل اخدهم ليه تعبتي نفسك وطلعتي .
خديجة : اي بس اي مفيش حاجة مفيش تعب ولا حاجة .
رامي : بردو كنتي قوليلي انزل اجبهم .
خديجة : كدا كدا كنت هطلع انضف البيت .
رامي بتردد : ما بلاش .
خديجة : انزل بس انت اقعد مع الولاد وسبني هتصرف .
رامي : طيب هدخل الهدوم جوا وهنزل اقعد معاهم .
خديجة: طيب ماشي.
رامي دخل الاوضة بتاعته وحط فيها الهدوم وشم ريحتها نفس الريحة الي بيحبها والي بتحطها خديجة ف هدومه ومكنش متخيل اد اي وحشته الريحة دي .
وطلع لخديجة…
رامي : اتفضلي يا خديجة خشي .
خديجة دخلت واول ما دخلت صعقت من منظر البيت والريحة .
خديجة بصدمة : اي ده اي ده .
رامي : زي ما انتي شايفه .
خديجة: المنظر ده مش من كام يوم ولا كام اسبوع ده من شهور يا رامي .
رامي حط عينه ف الارض وسكت .
خديجة : انزل انزل انت يا رامي اقعد ما الولاد لحد ما اخلص .
رامي : بقول اساعدك.
خديجة : مش هتعرف انزل انت بس دلوقت .
وفعلا رامي نزل وقعد مع الولاد وخديجة فضلت تنضف البيت … وبعدين دخلت علي المطبخ .
خديجة بقرف : يا نهار اسود يالهوي ع المنطر لا ده مش من الاسابيع الي فاتت ده من شهور …. اومال اللي كانت عايشة هنا دي كانت بتهبب اي اي القرف ده ….. يلا استعنا ع الشقا بالله .
وبعد مده كان المطبخ نضيف جدا والبيت كله كان نضيف اوي .
وف الوقت ده رامي خبط وخديجة فتحتله الباب .
رامي وهو داخل انبهر بشكل البيت .
رامي بانبهار : تسلم ايدك تسلم ايدك يا خديجة حقيقي مش عارف اعمل اي اشكرك بيه .
خديجة: ولا تشكرني ولا اي حاجة …. انا هنزل بقا اخد شاور واحضر الغدا وهبقا ارن عليك تنزل تتغدا .
رامي مسك اديها وبسها وبص ف عنيها : شكرا شكرا يا حبيبتي .
خديجة اتوترت واتصدمت من كلمة حبيبتي
خديجةبتوتر: طب طب انااااا … انا هنزل دلوقت وهبقا اقولك تنزل سلام سلام.
5
وفعلا خديجة نزلت وحضرت الغدا ورنت علي رامي ونزل اتغدا معاهم بين هزاره مع الاولاد وكلامه مع خديجة وادراكه ف كل ثانية بتمر معاهم انه خسر نعمة كبيره اوي بس هيرجعها .
3
وعدي اليوم عادي بعد كدا بنوم كل واحد من ابطالنا ( رامي-خديجة-حمزه-شروق) وكل واحد فيهم بيخطط ازاي هيقرب من حبيبه عشان يفضل معاه طول العمر .
+
وتاني يوم الصبح كل ابطالنا صحيوا وكل واحد بيجهز نفسه يروح لشغله .
رامي نزل فطر ما خديجة والاولاد وووصلهم وراح علي المكتب .
وحمزة فطر مع مامته وفتحها ف موضوع شروق ومامته رحبت جدا ووافقت..وبعدها كلم شروق اطمن عليها وراح ع الكتب .
وخديجة هتموت من الفرحة من تغير رامي .
وشروق سعيده اوي وفرحة باهتمام حمزه بيها واعترفت لنفسها انها بتحب حمزة اوي.
+
ف الكتب ….
حمزة : بجد قول والله كدا هترجع خديجة بجد .
رامي : والله بتكلم بجد انا خلاص معتش قادر ابعد عنها ولا اعيش من غيرها واكتشفت اني محبتش ولا هحب غيرها عمري كله .
حمزة : ياخي كفاره يا اخي حمدالله علي سلامتك كنت تايه فين السنين دي كلها يا جدع .
رامي بضحك : يااا للدرجادي .
حمزة : واكتر واكتر وحياتك ياخي ده انت كنت يهودي 😂😂
رامي ضحك علي صديقه.
وبعدين قال : وانت خلاص قررت ورسيت علي شروق .
حمزه بهيام : شروووووووق…. بحبها بحبها يارامي بحبها …. وهتجوزها وارحمها من الزفت ابن عمها ده واما اشوف هيعمل اي لما تبقا مراتي .
رامي : ربنا يوفقك يا صاحبي ويسعدك ف جوزتك .
حمزة : ياااارب … المهم هتعمل اي مع داليا خديجة لا يمكن ترجعلك وهي علي زمتك .
رامي ببرود : عارف وهطلقها انا اساسا مش عارف انا اتهبلت وفرطت ف خديجة عشانها ازاي دي متنفعش زوجة ولا حتي بني ادمه يا اخي .
حمزة: اهم حاجة انك فوقت يا صاحبي
رامي : الحمد لله المهم همشي النهارده بدري النهارده عيد ميلاد خديجة وعايز اعماها مفجأه .
حمزة : اه يا عم بقيت روميو … بس ماشي هعمل معاك واجب واخليك تمشي .
رامي : ابو الصحاب .
حمزة : حبيبي 😂😂
+
وبعدين كل واحد من ابطالنا خلص يومه المهني علي اكمل وجه ورامي طلع بدري يجيب لخديجة هدية لعيد ميلادها وذلع علي البيت يجهزلها لعيد الميلاد .
4
وهي اول ما روحت البيت دخلت وغيرت للولاد وغيرت هي كمان ومره واحده لقت رساله من رامي تطلعله ضروري .
هي خافت يكون جراله حاجة ف طلعت وجايه تخبط علي الباب لقت الباب مفتوح استغربت اوي بس دخلت ولما دخلت اتفجأت من المنظر الرومانسي الي شافته قدامها .
رامي جه من وراها وهمس : كل سنه وانتي حبيبتي .
هي اتخضت واستدارتله بسرعه وقالت مصدومة: اي … بتقول اي ؟
رامي بحب : كل سنه وانتي طيبه وكل سنه وانتي حبيبتي… النهارده اجمل يوم لانه اليوم الي جت فيه اجمل انسانه علي الدنيا .
خديجة بدموع : بس بس انت عمرك ما احتفلت بعيد ميلادي ابدا انت اساسا مكنتش بتفتكروا .
رامي مسك اديها وباسها : من النهارده كل حاجة اتغيرت انا اتغيرت انا دلوقت رامي بيحبك اكتر من روحه واكتر من اي وقت عدي انا حقيقي بحبك اي .
وبعد كدا ركع علي ركبه ونص وقالها : تتجوزيني يا خديجة .
خديجة بصاله ودموعها بتجري عاي خدها
رامي بندم : عارف اني غلطت كتير وعارف اني مستهلش وخساره انتي فيا بس عارف انك دايما احسن مني وبتسامحي وبتغفريلي علي طول وبقولك مش طالب منك غير فرصة تانيه فرصه تانية اعوضك واعوض نفسي معاكي ها موافقة نرجع نبدأ من تاني .
خديجة هزت رأسها بنعم وهي بتبكي من الفرحة .
وهو قام وحضنها وفضل يلف بيها : انا بحبك بحبك اوي وهعوضك عن كل حاجة يا احلي حاجة ف حياتي .
خديجةبصتله ولسه هتتكلم …..
8
الله هالله حلو اوي المشهد الرومانسي الجميل اوي ده مش كنتوا تقولولي كنت اجي اسقفلكوا واعملكوا جو.
قاطعهم صوت داليا الغاضب من منظرهم .
رامي بغضب : انتي اي الي جابك هنا انتي .
داليا بعضب : اي جايه بيتي ولا ده مش بيتي وبقا بيت الهانم .
رامي : ده مش بيتك ده بيتي انا والبيت ده انتي الي طلعتي منه من شهر بارادتك مطلعتكيش انا بس انتي خلاص معدش ليكي عيشه فيه .
داليا : وكل ده طبعا عشان الهانم السنكوحة دي …. مكملتش الجمله ورامي ضربها بالقلم .
خديجة : رامي رامي اهدي .
داليا : بتضربني …. لتاني مره بتضربني عشان خاطرها .
رامي بغضب : واكسر دماغك كمان يوم ما لسانك القذر ده يجيب سيرتها وبعيدين امشي من هنا انا اساسا هطل……
داليا : انا حامل .
راممي بصلها مش مستوعب الي هي قالته و خديجة بصتلها بصدمه .
داليا : اي مالك بتبصلي كدا ليه ايوا حامل هو انا مش مراتك ولا اي ولسه عارفه من اسبوعين قولت هتيجي تصالحني وساعتها اقولك لكن سبتني ومعبرتنيش قولت لما اجي اقولك انا بس لما جيت عرفت مكنتش بتعبرني ليه .
قالت الجمله دي وهي بتبص علي خديجة بكره وحقد .
وخديجة مقدرتش تقعد اكتر من كدا وجريت علي تحت وهي بتبكي .
رامي : خديجة خديجة استني يا خديجة .
داليا : تعالي هنا رايح فين بقولك حامل تجري ورا خديجة .
رامي بغضب : انتي اي يا شيخة معندكيش دم منك لله منك لله انا مصدقت انها رضيت عني ووافقت ترجعلي تاني جيتي انتي بهدلتي الدنيا كان يوم اسود يوم ما اتجننت واتجوزتك فيه اطلعي برا يلا برااااااااا براااااا .
داليا جريت من الخوف .
1
وبعد ما عدي وقت رامي اتصل بخديجة وكانت لسه بتعيط .
خديجة بصوت مبحوح : الو .
رامي : خديجة .
خديجة غمضت عنيها بالم : اي يا رامي .
رامي مقدرش يستحمل وبكى
خديجة بدموع : بتبكي ليه دلوقت يارامي .
رامي : مش عايزها مش عايزها يا خديجة انا مش عايز غيرك انتي .
خديجة: رجعها يا رامي رجعها هي حامل .
رامي : مش هعرف اعيش معاها وانا مغصوب عليها مش هعرف .
خديجة : هتعرف مع الوقت هتعرف وبعدين ما انت عشت قبل كدا بس علي الاقل المره دي بارادتك مش حد غاصب عليك 💔.
رامي بصوت مخنوق : خديجة.
خديجة بالم : ولو خايف اني اتجوز غيرك اطمن انا عمري ما هتجوز غيرك لاني عمري ما حبيت غيرك ولا هحب ولسه بحبك وهفضل احبك لحد اخر يوم ف عمري هتفضل اول كل حاجة واخرها .
رامي : متقفليش يا خديجة عشان خاطري خليني نايم علي صوتك عشان خاطري.
خديجة بدموع : مش هقفل نام نام يا حبيبي نام .
وبعد شوية سمعت صوت انتظام انفاسه فعرفت انه نام .
خديجة ببكاء : يارب يارب انا تعبت تعبت اوي بعد ما قولت ان خلاص الدنيا ضحكتلي ترجع تكشر فوشي كدا يارب يارب والنبي الفرج من عندك انت عالم بحالي .
6
وعدي علي الحال ده اسبوع اسبوع كامل وخديجة بتتجنب تقابل رامي ورامي موجوع من تجاهلها ده ووحشته اوي وكمان حمزة راح اتقدم لشروق وكمان حددوا معاد العمليه عشان شروق ترجع تشوف تاني
1
ف المكتب….
حمزة : يا نهار اسود ومنيل حامل .
رامي بتعب : ايوا حامل .
حمزه : طب والعمل .
رامي : خديجة بتتجانب تتقبل معايا ومش عارف اكلمها كلمتين علي بعض ومش طايق اشوف وش داليا .
حمزة بحزن علي صاحبه : يحلها الي خلقنا كلنا وايدهت الملك يا صاحبي انا نصحتك زمان بلاش بس انت الي صممت يلا قدرك بقا هنقول اي سبها علي الله .
رامي : يارتني يارتني كنت سمعت كلامك ساعتها اهو ربنا دلوقت بيعاقبني اني اتبترت علي نعمته وبيحرمني منها .
2
وبعد دقايق السكرتيره خبطت .
حمزة : ادخل .
السكرتيره : في يا فندم واحده برا عايزه تقابل حضرتك يا استاذ رامي .
رامي : واحده واحده مين دي .
السكرتيره : واحده اسمها مدام رنا .
رامي :رنا ؟؟؟ اه اه دخليها خليها تتفضل .
وبعد لحظات دخلت رنا وسلمت علي رامي وحمزة .
رامي : اتفضلي اتفضلي يا مدام رنا خير اقدر اخدمك بايه.
رنا : لا انا الي جايه اقولك علي حاجة مهمة اوي .
رامي باستغراب : اي هي الحاجة دي .
رنا : داليا مش حامل .
حمزة ورامي : اي .
3
رنا : داليا مش حامل ….. داليا عندها مشاكل ف الحمل اصلا او نسبه الانجاب تكاد تكون معدومه .
رامي : ازااااي واماا… اي ده يعني هي كانت بتكدب عليا .
رنا : ايوا بالظبط …. لما عرفت ان حضرتك ومدام خديجة ناوين ترجعوا لبعض اتجنت وقالت هترجعك ليها باي طريقه وكانت طريقتها الوحيده انها تقولك انها حامل .
حمزة : طيب دلوقت هتضحك عليه وتقول حامل وهي مبتخلفش اومال هتجيب العيل ازاي .
رنا : مش صعب لما تروح لدار ايتام تاخد طفل حديث الولاده تتبناه ويا مكترهم دول ف دور الايتام .
رامي بعصبيه: يا بنت اال… استغفر الله العظيم ده انا هطلع عنيها .
وبص لرنا : شكرا شكرا جدا يا مدام رنا متعرفيش انتي عملتي اي بكلامك ده حليتي حاجات كتير اوي.
رنا : لا شكر علي واجب حرام بتكوا يتخرب مرتين عاي اديها كفايا اوي البيوت الي خبربتها بجشعها وانانيتها ومن ضمنهم كان بيتي قبل كدا المهم اتمنالك حياه سعيده مع مدام خديجة .
رامي : اشكرك اشكرك يا رنا حقيقي .
رنا : عن ازنك .
وسابتهم ومشيت .
حمزة : لالااا الي اسمها داليا دي مش بني ادمه الله يحرقها.
وبص لرامي وقال : وانت ناوي تعمل اي دلوقت .
رامي : اعمل ده انا همسح بيها البلاط ….. بقولك اي يا حمزه خليك هنا وانا هروح اتصرف معاها .
حمزة : هتعمل اي ؟؟
رامي : الي يقدرني عليه ربنا بقا … يلا سلام .
وسابه ومشي
2
ورامي ركب عربيته وراح لبيت داليا ونزل وطلعلها وحبط علي الباب .
داليا فتحت ولقت رامي فرحت وجريت عليه وحضنته : رامي رامي حبيبي كنت عارفه انك هتيجي ومش ههون عليك خش خش .
وفعلا دخل رامي.وقعد
داليا بفرح : ها اجبلك اي تشربه .
رامي باستهزاء: لا شكرا منيش ناقص اشرب منك حاجة تاني لا يجيلي المره دي نزله معوية.
داليا بحرج : مهو مهو انا كنت هجبلك حاجة ساقعة .
رامي: لا متشكر اقعدي نتكلم .
داليا : حاضر .
وقعدت .
رامي : ها اخبارك واخبار البيبي اي .
داليا بسعاده لاهتمامه: احنا كويسين اوي وانت وحشتنا اوي بردو .
رامي : امممم الا قوليلي هو فين التحاليل الي عملتيها عشان الحمل يا داليا .
داليابتوتر : تحاليل تحاليل اي؟
رامي : الله مش اي ست بتعمل تحاليل عشان تعرف انها حامل اومال عرفتي منين .
داليا قامت بتوتر : من من من الاختبار اه الاختبار عملت اختبار هنا ف البيت ولقيت نفسي حامل .
رامي : طب وده اسمها كلام يا داليا ازاي متعمليش تحاليل وتتابعي مع الدكتور نطمن عليكي وعلي الجنين .
قومي قومي معايا البسي يلا نروح لدكتور نطمن علي الجنين .
داليا بسرعه : لالالا مهو مخو انا هروح بكرا لوحدي .
رامي : وليه بكرا وليه لوحدك ما انا اهو قومي يلا .
داليا : رامي رامي انا هروح متتعبش نفسي .
رامي : قومي البسي يا داليا نروح لدكتور …….. ولا خايفه للدكتور يقولي الحقيقة .
داليا : حقيقة؟؟ حقيقة اي الي بتتكلم عنها .
رامي : ان انتي مش حامل .
داليا بخوف : انت انت بتقول اي انا ….
رامي : لو كذبتي تاني هخليكي تتمني الموت ومطوليهوش .
داليا :رامي والله انا والله….
رامي قام بغضب ومسكها من شعراها .
داليا : ااااه اه رامي والله انا …
رامب بغضب : والله .. والله ياخدك يا شيخة ويريحني منك انتي عارفه انتي عملتي اي بعملتك السوزه الي زي وشك دي خربتيلي حياتي وبعدتيني اسبوع كامل عن خديجة بعدت عني بسببك حب عمري كله بعدت عني عشان خاطر واحده حقيره زيك .
داليا بغضب وبكاء : ولما هي حب عمرك ومش قادر تعيش من غيرها كده سبتها وطلقتها واتجوزتني ليه ها فضلتني عليا ليه .
رامي وهو بيشد علي شعرها : كنت اعمي كنت حمار وغبي يوم ما سبتها ومشيت وراكي كانت غلطه جوازي منك اكبر غلطة عملتها ف عمري وبدفع ثمنها كل دقيقة.وكل لحظه خديجة بتبعد عني فيها انتي … انتي ورتيني اسواء 6 شهور ف حياتي يا شيخة كانوا جحيم ربنا يخدك ويريحني انتي طالق طالق طااااالق وطااالق الف مره مش 3 بس كان يوم اسود يوم ما شوفتك .
ورماها ع الكنبه وجاي يمشي داليا مسكته : رامي رامي عشان خاطري متمشيش انا اسفه والله اسفه بس هي كانت هتخدك مني هتخدك مني تاني وانا عملت كدا عشان احافظ عليك عشان انا بحبك .
رامي : وانا بكرهك بكرهك ومكرهتش زيك ف حياتي ابعدي عني بقا .
داليا بجنون:لا لالالا انت بتاعي بتاعي انا لوحدي مش هسيبك تروح مني لا انا بحبك رامي .
بس رامي كان سابها وشي .
داليا بصويت : راااامي رااامي لا راااامي انت بتاعي انا بس رامي ارجع ارجع تاني وبعدين وقعت علي الارض وفضلت تبكي : رامي انت بتاعي انا بس رامي .
1
ورامي ركب عربيته وطلع جري علي بيت خديجة ولما وصل نزل بسرعه وخبط جامد علي الباب .
وخديجة اتخضت وراحت جري تفتح لقت رامي
خديجةبخوف: اي اي في اي يا رامي مالك .
بس رامي مدهاش فرصة وشالها ولف بيها وفضل يقول بحبك بحبك … وبعدين نزلها .
خديجة حطت اديها علي خده : اي اي في اي خلاك مبسوط كدا .
رامي بسعادة: داليا مطلعتش حامل .
خديجة : ازاي .
رامي : مش مهم المهم ان هي مطلعتش حامل هي مبتخلفش اصلا وكامت بتكدب عليا وانا طلقتها خلاص .
خديجة: طلقطها؟؟!
رامي : ايوا ايوا تقبلي بقا تتجوزيني ابوس ايدك انا تعبت وعايز نرجع انا وانتي والاولاد نعيش ف بيت واحد انا غازلطت واتعقبت ف كل لحظه بعتي فيها عني مش طالب منك غير فرصة تانية واخيره عشان خاطري وافقي نرجع نتجوز تاني انا بحبك اوي اوي .
خديجة حطت وشه بين اديها وقالت : موافقة موافقه نررجع تاني وانا كمان بحبك بحبك اوي ومن زمان من ساعة ما ربنا خلقني وانا بحبك وحبك كان بيكبر معايا لحد دلوقت مقلش ثانية بالعكس كان بيزيد وهفضل احبك عمري كله .
رامي : وانا وعد مني عمري ما هزعلك ثانية واحده خلاص من النهارده رامي تاني وحياة تانيه وصفحة جديده نبتديها انا وانت وولادنا عمري ما هبعد عنك تاني ابدا ……….. سامحيني ❤❤سامحيني يا حب عمري كله .
خديجة: مسامحاك … انا عمري مازعلت منك عشان اسامحك بس انا مسمحاك علي اي حاجة عدت وبحبك .
رامي : وانا بموت فيكي ❤
5
وفعلا رامي وخديجة كتبوا كتابهم تاني ورجعوا يعيشوا هما والاولاد ف بيتهم وكمان شروق وحمزه اتجوزوا بعد ما شروق عملت العمليه ورجعت تشوف وكان اول وش تشوفه كان وش حمزه حبيبها .
وخالد اتسجن عشان حاول يخطف شروق ولما فشل مرضيش يرجع حقها … وداليا دخلت مستشفى امراض نفسية وعصبيه ودايما تصرخ باسم رامي .
7
وبعد مرور سنه رامي وخديجة خلفوا ولدين تؤام سموهم فريد وفادي .. وحمزه وشروق خلفوا بنوته جميله وسموها خديجة علي اسم خديجة الكبيره .
2
رامي دخل علي خديجة لقاها بتسرح شعرها قدام المراية ف مسك اديها وقومها ووقفها قدامه
رامي : سامحيني
خديجة: ياااا يارمي عدي سنه كامله ولحد دلوقت بتقولي سامحيني كل يوم .
رامي بحب : وهفضل اقولهالك لحد ما اكملهم سبع سنين علي اد سنين العذاب الي عشتيهم معايا .
خديجة: وهتفضل اقولك اني بالرغم كل ده كانت اسعد سنين حياتي جمبك الي عدت والجاية باذن الله وهفضل اقولك مسامحاك وبحبك بحبك اوي .
رامي: وانا كمان بحبك اوي يا خوخة قلبي .❤❤❤
1
وبااااااااااس وكدا يبقا خلصنا الروايه خاااااالص والبارت اهو طوييييل يارب تكون الروايه عجبتكوا يا قلوبي واستمتعوا بيها وعشتوا مع ابطالها وحبتوهم ويارب اكون كان دمي خفيف عليكوا والروايه كمان كانت خفيفة عليكوا متنسوش تقولولي رأيكوا ده الحاجة الي تهمني وسامحوني علي اي اخطاء املائية ونتقابل في الروايه الجديده باذن الله هعلنلكوا عليها بكرا بحبكوا اووووي ❤❤❤😍💥💥💥💥😍❤❤😍😍😍❤enjoy❤❤😍😍❤❤❤
5
