رواية وصمة وجع الفصل التاسع عشر 19 بقلم سهام العدل – تحميل الرواية pdf

الفصل_التاسع_عشر

عاد كما كان غير مباليا بها يتجاهل معظم إتصالاتها يعود متأخرا من عمله ولا يتناول الطعام في المنزل أغلب الوقت متحججا أنه تناول وجباته في مكتبه ترى أن المسافات قد ابتعدت مرة أخرى على الرغم أنه يحاول ألا يظهر ذلك لها ولكنها تشعر به فقد تصلبت عواطفه تجاهها مرة أخرى ومحاولاتها في جذبه تبوء بالفشل ولكنها الليلة قررت أن تجاهد حتى تخرج ما في قلبه وتعود الحياة دافئة بينهم كما كانت ففي الفترة الماضية التي أصبح فيها قريبا منها ويشاركها أعباءها وهمومها 

نهضت من جلستها تلك ووقفت أمام خزانة ملابسها تتفكر فيما ترتدي له حتى اختارت قميصا قصيرا باللون الأسود تعلم جيدا مدى عشقه له وبعد أن ارتدته وقفت أمام المرآة تحل عقدة شعرها وتتركه ينسدل خلف ظهرها بتموجاته البنية التي تمنحها عمرا أقل من عمرها بعشر سنوات ثم وضعت بعض الزينة الخفيفة وتعطرت بعطرها المفضل له ثم انتظرته على فراشها تتفحص هاتفها حتى عاد ودخل عليها الغرفة.

نظر لها برهة ثم دخل الغرفة يفرغ محتويات سترته وهو يقول مساء الخير يا ياسمين

نهضت بإبتسامة تساعده في خلع سترته وهي تقول مساء الخير يا حبيبي حمد الله على سلامتك

اتجه ناحية الخزانة وهو يقول ببرود الله يسلمك

سبقته وفتحت الخزانة تخرج منامته واقتربت منه بإبتسامة وقالت خد ياحبيبي ودقايق وهجهزلك العشا 

أخذ منها المنامة وبدأ في تبديل ثيابه وهو يقول ملوش لزوم يا ياسمين أنا اتعشيت 

شعرت بالخيبة فردت عليه بعتاب ليه يامراد.. دا مستنياك ومرضتش اتعشى الا اما تيجي ناكل سوا

رد عليها قائلا كان عندي شغل كتير وتعبت وحسيت بالجوع فبعت جبت أكل.. وبصراحة هلكان وعايز انام 

وبعد أن انهي تبديل ملابسه تركها وذهب إلى فراشه يتمدد فشعرت بالغيظ فاقتربت منه تقول بإنفعال طول اليوم شغل وبقيت تتغدى بره وترجع تنام من غير كلامأسبوعين ع الحال ده فيه إيه يا مراد فهمني

لم يعطي انفعالها إهتمام وبدأ بجذب الغطاء وهو يقول ببرود فيه إن عندي مشغوليات كتير ومش فاضي ياياسمين

انحنت تنزع الغطاء عنه وهي تسأله بحدة وأنا فين من مشغولياتك يا مراد حقي فيك فين 

جلس ينظر لعينيها التي احمرت من الانفعال ويجيبها وأنا مقصر ف إيه لو البيت ناقصه حاجة عرفيني

لم ترد وظلت تنظر له بحزن وهو يبادلها النظر بجمود ثم قال لها بغمزة آه لو قصدك حقك الشرعي وانك لابسة ومستنياني فأنا بجد مرهق وتعبان بس معنديش مانع أعملك اللي عايزاه

شعرت بالحزن منه والكسرة والخذلان وتمالكت نفسها من أن ترد بكلمات تشعل الجو بينهما فقذفت الغطاء الذي كان مازال في يدها واتجهت ناحية الخزانة تخرج منه معطفا ناعما ترتديه وتحكم رباطه وتتجه ناحية باب الغرفة تخرج منها ولكنه استوقفها وهو يقفز من السرير إليها يمسك ذراعها ويقول لها استنى يا ياسمين

لم تلفت له وقالت بصوت أخنقه العبرات لو سمحت سيبني يامراد

ترك ذراعها واستدار يقف أمامها وينظر لعينيها وهو يشعر بقساوة مافعله ولكنه أراد ذلك بشدة حتى لو كان ذلك قاسېا عليه هو الآخر قال لها بهدوء ممكن تقعدي اتكلم معاكي

رفعت بصرها له وقالت بحدة أظن أي كلام دلوقتي هيزعلنا من بعض أكتر فالأحسن بلاش 

أمسك كف يدها بيده وسحبها تجلس على الفراش وجلس بجوارها وقال زعلانة مني يا ياسمين ووجعك إهمالي لكي صح

ردت عليه بتعجب وقالت طب ما أنت واخد بالك من كل حاجة أهوه أمال عامل فيها مشغول ليه

رد عليها بحدة أيوة أنا اللي متعمد لكل ده عشان تحسي نفس إحساسي وأنا آخر إهتماماتك وبشحت منك الوقت اللي اقضيه معاكي من يوم فرح آسر وانا مبشوفكيش غير اما بعافر عشان اكون قريب منك ولو دقايق

قاطعته تقول بتبرير ما أنت عارف يا مراد إن 

قاطعها يقول أسمعيني وبعدين برري أنا راجل وليا عليكي حقوق ومحتاجك ومحتاج وجودك زي ولادك واخواتك واكتر كمان بس أنتي اتعودتي

 

إني بعدي كل حاجة وبتحمل رغم اني كنت فاكر بعد آخر مشكلة بينا كل واحد فينا فهم التاني محتاج إيه وخلاص هينتهي سوء الفهم مابينا لكن أنا كنت غلطان 

أخفضت بصرها وردت عليه مين قال انك آخر إهتماماتي يامراد دا أنت الصدر الحنين اللي برمي همومي عليه كل آخر اليوم دا  ليا البلسم اللي بيرطب على قلبي بعد مشاكل وهموم طول اليوم بس أنت عارف ان من يوم فرح آسر والدنيا لخبطت شوية ظروف حاډثة يوسف وتعب يمني واحتياجها ليا وشوية مشاكل في شغلي إنما متعمدتش ابعد ولا اتجاهلك 

رد عليها بس أنا ليا الأولوية عن الجميع يا ياسمين وأنا قولتلك قبل كده إن أنا اناني فيكي حتى من ولادي 

قالت بحزن ولادك!!.. أنا كل يوم عن اللي قبله بكتشف اني إنسانة فاشلة عكس ماكنت فاكرة اكتشفت إن أخت عاجزة اني اقدر ابعد أذى عن أخواتي او احل مشاكلهم اكتشفت اني أم مقصرة ف حق ولادي اللي كبروا وتفكيرهم اتغير وانا مبقتش قادرة أفهم دماغهم واكتشفت الأسوء إني زوجة فاشلة ومش قادرة أسعدك 

تألم قلبه لكلامها فنهض وجلس على ركبتيه أمامها وأمسك كفيها بكفيه وقال لها بحنان اوعي تقول على نفسك كده تاني انتي احسن اخت ف الدنيا دا انا بحسد اخواتك عليكي وكنت أتمنى اختي تكون قريبة مني زيك معاهم وبحسد جني وفادي على أحن ام لهم ف الدنيا والأهم انك لو زوجة فاشلة مكنش ده حالي وانا زعلان عشان حرمتيني منك شوية وده دليل انك طول العمر مغرقاني بحبك واهتمامك وأما بخلتي عليا بهم شوية اتخنقت من بعدك عني انتي أحسن زوجة في الدنيا ومتقوليش كده تاني 

ثم قبل كفيها بحب فسقطت دموعها وقالت أنا اللي اما بحس ببعدك عني الدنيا بتسند ف عنيا عشان كده متزعلش وتعاقبني كده تاني 

ابتسم لها برضا ونهض يجلس بجوارها ويقول آسف اني قسيت عليكي في كلامي أو معاملتي.. بس أنا بحبك يا ياسمين لدرجة متتخيلهاش انتي عيلتي كلها أنا مليش غيرك

ابتسمت 

بادلته الإبتسامة وقالت صباح الفل يا قلبي قوم ياللا خد شاور واجهز على أما اجهز الفطار

سألها احنا الساعة كام.. التقطت هاتفها وقالت الساعة سبعة ونص

جلس ورد بهدوء تمام يا دوب الحق عند جلسة قضية الساعة ١٠

مازالت تمسك هاتفها وتقول پخوف ياخير دي ماما رنت عليا خمس مرات وياسر اكتر من عشرين مرة ياترى فيه إيه 

رد عليها مراد يطمأنها خير ياحبيبتي اطمني اطلبي حد فيهم شوفي فيه إيه 

هزت رأسها بموافقته وبالفعل ضغطت على رقم ياسر تطلبه فأجابها في الحال ياسمين فينك من امبارح

ردت عليه آسفة ياحبيبي كنت مرهقة شوية فحولت تلفوني خير طمني 

قال لها بقلق كنت عايز اطمن على غصون

سألته بتعجب غصون!!!… هي مش غصون عندك 

رد عليها بفزع غصون مش عندي هي مرجعتش عندك امبارح

أجابته بحيرة لا مش عندي هي سلمتني مفتاح الملحق اما ماما استقرت عندك وهي قالت إنها هتفضل عندك طول ما ماما موجودة هو إيه اللي حصل وغصون فين 

رد عليها بخيبة غصون سابت البيت ومشت حصل مشادة بينها وبين ماما ومشت بعدها وانا كنت فاكر أنها رجعت عندك عشان عارف اد إيه

 

هي بتحبك وبتثق فيكي 

  مراد في خدها بهدوء ونهض من جوارها فارتبكت وردت علي ياسر قائلة متقلقش انت يا حبيبي انا هكلم آسر يمكن راحت عنده أو رجعت تاني البيت اللي اتربت فيه أنا مش هسكت وهدور عليها اهدي انت وانا ساعة وهجيلك 

تنهد ياسر ورد عليها بهدوء تمام هستناكي أنا مش هنزل الشغل

أجابته بحب ماشي ياحبيبي…سلام

ليلة أمس ظل ساعات طويلة يتقلب في فراشه حتى استطاع أن ينام فبعدما جاءته تطلب الطعام ونهرها حتى تخرج من غرفتهضميره لم يهدأ حتى اتصل على المطعم الذي يملكه هو وصديقه وطلب لها الطعام فهو لم يستطع أن ينام وهو يعلم أنها جائعة فهي مسئولة منه الآن وليس من خلقه أن يعاقبها بتجويعها ولكنه بعد أن جلب لها الطعام فارقه النوم تعجبا من نفسه فقد شعر بالإرتياح عندما أعطاها الطعام يتعجب كيف له أن يطمأن قلبه لمجرد أنها ستنام شابعة كيف بعد ما فعلته به أن يشعر بذلك ظل ساعات على هذا الحال حتى دخل في النوم ولكنها ساعات قليلة ينامها تطارده فيها الكوابيس التي تزوره كل ليلة منذ ليلة زفافه ولكن أنقذه اليوم منها رنين متواصل علي هاتفه فنهض بتثاقل يرد بصوت ناعس مين

جاءه صوت ياسمين علي الجانب الآخر صباح الخير ياآسر

شعر بالقلق فنهض جالسا يسألها خير ياياسمين فيه حاجة

ردت عليه تطمأنه خير يا حبيبي متقلقش بس كنت عايزة أسألك عن غصون لو كلمت سدرة او جت عندك

قال نافيا هي مجتش عندي بس مش عارف كلمت سدرة ولا لاء بس ليه فيه إيه

تنهدت وأجابته ماما زعلتها بكلامها إمبارح فسابت البيت عند ياسر ومشيت ومجتش عندي ومنعرفش مكانها وتلفونها مقفول ممكن تسأل سدرة لو تعرف عنها حاجة او تكلم أختها تسألها وترد عليا

أجاب آسر بحزن حاضر لو عرفت اي حاجة هعرفك ولو رجعت طمنيني عليها 

ردت عليه بخفوت حاضر ياحبيبي سلام 

أنهى آسر المكالمة ب مع السلامة 

نهض بحزن واتجه ناحية غرفتها وطرق الباب لم يجد رد ففتح الباب ودلف إلى الداخل وأضاء الغرفة وجدها تنام بحرية ترتدي قميصا قطنيا قصيرا باللون الأزرق وعاري الكتفين تنام واضعة يدها تحت خدها ولكن وجهها ممتعض اقترب منها يهزها ويناديها سدرة اصحى 

فزعت ونهضت بإنزعاج تجلس وتجذب الغطاء عليها تستر به جسدها وتنظر له بعيون مړتعبة تسأله پخوف إيه في إيه

انزعج من هيئتها فسألها إيه مالك شوفتي عفريت

رفعت يدها على صدرها لعلها تهديء نبضاتها التي تتسارع بشكل مبالغ فيهوقالت بصوت متهدج أصل أنا كنت بحلم حلم وحش وفجأة جيت صحتني فخۏفت بس خلاص مفيش حاجة

هدأ قليلا ثم سألها متعرفيش حاجة عن غصون

هزت رأسها نافية وقالت معرفش عنها أي حاجة من يوم الفرح بس هي على اتصال بسدن

قال لها طب ماتسألي سدن كده يمكن راحت عندها ولا تعرف هي فين 

قالت بثقة سدن مكلماني قبل ماانام وكانت بتعرفي عن موضوع خطوبة لها وقالت إنها هتكلم غصون تحكيلها معنى كلامها أن غصون مش هناك بس كل ده ليه ولا إيه اللي حصل 

لم يجب على سؤالها وقال لها طب اطلبي سدن أسأليها عنها يمكن تعرف عنها حاجة

رفعت يدها تجذب هاتفها من جوارها فانكشف ذراعها ومقدمة صدرها فتركته واحكمت الغطاء مرة أخرى ثم قالت بخجل ممكن تطلع بس اغير هدومي وانا هكلمها واعرفك 

ابتسم بإستهزاء ثم تركها وخرج.

بعد ليلة طويلة مرت عليها وهي تبكي على حال يوسف الذي أصبح عليه كما تبكي على قلة حيلتها في التعامل معه كيف لها أن تتعامل معه الآن وهو لا يذكرها ولا يذكر شيئا من حياته في حيرة ماذا ستفعل وكيف ستتعامل معه.. وإلى متى سيظل يجهل كل ماسبق من حياته.. وبعد تفكير طويل قررت أن تدخل له وتترك الأمور تسير كما يدبرها الله.

طرقت باب غرفته وفتحت الباب ودخلت وجدته جالس على فراشه عندما رآها سلط نظره عليها ولم يرفعه عنها فاتجهت ناحية أحد الكراسي وجذبته بالقرب من فراشه وجلست عليه وهي تقول صباح الخير يا يوسف

مازال ينظر لها نظرات غير مفهومة مما أربكها ولكنه بعد قليل رد عليها صباح الخير

ابتلعت ريقها

بتردد ثم قالت أنت مش فاكرني

رد عليها مش فاكر حاجة.. بس أكيد أنتي حد قريب مني أوي لأني طول الليل زي الطفل التايه وأما شوفتك دلوقتي حسيت بالأمان 

ابتسمت له وقالت أنا يمني عارف إني صعب عليا أوي أعرفك عليا شىء عمري ماتخيلته إن يجي اليوم وتنساني وانا اقعد ادامك عشان أفكرك بيا

لم يرفع نظره عنها يتأمل ملامحها وكأنه مشتاق لها ولا يعلم لماذا ولكنه أن يشعر أنه كان في سفر بعيد والتقى بها أخيرا.. ورد عليها من الواضح إني كمان غالي عندك أوي لدرجة إنك عيونك الفتانة دي حمرا من العياط عشاني 

ابتسمت ونظرت للأرض بخجل فقال هو بإبتسامة خاېف لتطلعي أختي بعد كل ده وأنتي زي القمر كده

اتسعت ابتسامتها ورفعت بصرها له وقالت أنت وحيد معندكش اخوات يايوسف

رفع يده يفرك رأسه من شدة الصداع فنهضت تمسك رأسه وتدلكها برفق وتسأله حاسس بإيه 

استكان تحت يديها ورجع بظهره يسنده على الوسادة وأجابها حاسس بۏجع غريب ف دماغي غير إني مشوش 

قالت له بحنان إهدي وارتاح وأنا هشوف الدكتور يجي يشوفك 

رفع بصره لوجهها الذي يعلوه وهي تمسح بيدها على شعره وقال لها أكيد أنتي حبيبتي ويمكن خطيبتي ويمكن مراتي

ابتسمت له وقالت هنتكلم في كل حاجة يايوسف بس أهم حاجة دلوقتي صحتك 

ثم تركته وجلست مرة أخرى على الكرسي ففاجأها بسؤاله طب فين أهلي ولا أنا مقطوع من شجرة

امتعض وجهها حزنا عليه ولكنها وجدت أن مصارحته هي أسلم حل حتى يتأقلم على وضعه وعلى حياته الجديدة فابتلعت ريقها وقالت أنت يتيم الأب من سنين طويلة يا يوسف وللأسف والدتك كانت معاك في نفس الحاډث وتوفاها الله

لم يبد أي ردة فعل على كلامها وشرد قليلا ثم قال صعب أوي إني مش عارف أتأثر پوفاة أقرب الناس ليا مش عارف أحزن لأني مش فاكرهم ولا فاكر ملامحهم أنا حتى مش عارف أنا منين ولا سايب ورايا ماضي إيه ولا بشتغل إيه ولا أي حاجة حاسس إني ولا شىء

شعرت بالألم على حاله فقالت له تواسيه بالعكس يايوسف أنت إنسان لك مكانة كبيرة عندك ٣٥ سنة خريج كلية طب ولك مكانة في المجتمع وعندك مستشفى خاص ورثتها عن والدك والحالة اللي أنت فيها دي مؤقتة نتيجة الحاډث اللي عملته لإنه أثر على الخلايا الدماغية عندك وفيه طبيب مختص في ذلك هيساعدك إن ذاكرتك ترجع 

أعاد بصره لها وسألها مرة أخرى أنتي مراتي 

أخفضت بصرها بحيرة ثم قالت أنا خطيبتك او بالأصح كنت خطيبتك كان بينا شوية خلافات بس كانت خلاص هتنتهي كنت مسافر عمرة وجيت ودعتني قبل ماتسافر وطلبت مني السماح وان خلافتنا تنتهي وكنت مقررة اما ترجع اعطي لعلاقتنا فرصة تانية بس للأسف حصل اللي حصل وانت راجع من المطار 

ظل ينظر لها ولم يعطيها أي ردة فعل على كلامه فرفعت بصرها له وشعرت بالحرج من سكوته فنهضت وسألته أناديلك الدكتور 

نفي برأسه وقال أنا هنام 

ثم أغمض عينيه بسلام فاقتربت منه تحكم عليه الغطاء وقالت وأنا همشي وأبقى أجيلك وقت تاني 

ثم اتجهت ناحية باب الغرفة لتخرج فتقلب هو على جمبه وأولاها ظهره وهو يقول بصوت ناعس متتأخريش عليا

ابتسمت ثم خرجت من الغرفة وأغلقت الباب.

تجلس مع أخيها في صالة منزله بينما الولدين يلهوان في غرفة الألعاب واستمعت له بتمعن حتى قص عليها ماصدر من والدته من إهانة لغصون حتى انتهى الأمر بطلبه الزواج منها وبعد أن انتهى نظر لها بتعجب وسألها ساكتة ليه ياياسمين ماتقولي أي حاجة تريحني من العڈاب اللي أنا فيه ده

نظرت له بعناية تتأمل ملامح وجهه القلقة وتقول اللي فهمته من كلامك إنك كنت عارف نية قعدة ماما معاك في البيت اما دخلت على غصون المطبخ ولقيتها معيطة وأكد طبعا طنط سعاد اللي حذرتك من لؤم الخدم وانت بتوصلها للبيت 

أجابها أيوة فهمت إن طنط سعاد لعبت في دماغ ماما عشان كده ماما قررت تقعد بس انا مكنتش أقدر أقولها حاجة عن قعدتها ف بيتي 

أجابته بحدة بس كنت ممكن توقف المهزلة دي من البداية ياياسر البنت مسكينة

 

وملقتش حد حنين يطبطب عليها ولا يجبر خاطرها تيجي أنت وماما كمان كده حرام أوي 

تعجب فسألها وأنا عملت إيه أنا مجتش عليها 

اعتدلت في جلستها وسألته أقدر أفهم أنت طلبتها للجواز ليه ماهو مش ياسر اللي قرر يعيش على ذكريات صبا ورفض كل الجميلات وأعلى المؤهلات هيقع ف حب غصون 

قال بتعجب حب!!!… لا مش حب بس ممكن تعتبريها مكافأة.. إنسانة خلوقة صانت ولادي وحافظت عليهم اهتمت بهم وحبتهم بصدق حولت حياتي المشتتة لحياة مستقرة أعطت روح للبيت بعد ما كان تربة 

رفعت حاجبها وقالت وحد بيكافأ حد بالجواز يا ياسر كان ممكن تجيب لها هدية قيمة والولاد يقدموها أو أي طريقة تانية 

شعر ياسر بالحيرة وقال ما انا أنا في الفترة الأخيرة اتخنقت من استهانة الكل بها وخصوصا يوم فرح آسر اما ماما قدمتها أنها خدامة وزاد على ده اتهام ماما لها في شرفها لقيت إني واجبي إن اقطع كل الألسنة واتجوزها على الاقل تاخد وضعها في المجتمع 

فاجأته بسؤالها وهل أنت يا ياسر كنت هتعاملها كزوجة لك زي ماكنت بتعامل صبا 

رد بتلقائية وثقة لا طبعا محدش يقدر ياخد مكانة صبا الحياة كانت هتمشي زي قبل الجواز الفرق ان كان فيه صفة رسمية هتعيش بها ف بيتي 

نظرت له بخذلان وقالت بحدة اول مرة أحسك أناني ياياسر ذنبها إيه تربطها على اسمك وتعيش مع واحد روحه متعلقة بواحدة سابت الدنيا ومشت هي كمان ست ومن حقها رجل يحبها ويحتويها بعد العڈاب اللي شافته مش واحد واخدها بس لأولاده وده اللي غصون فهمته من طلبك وعشان كده شعرت بالإهانة منك أكتر من ماما عشان كده سابت لكم الدنيا ومشت وياعالم هي فين دلوقتي مفيش حد يعرف عنها حاجة 

ابتلع ريقه بحرج من كلام ياسمين فهو يعلم مدى صحته ولكنه كان يحاول أن ينقذ الوضع قدر المستطاع لا يعلم أنها ستغادر بتلك الطريقة كل مايريده الآن هو إيجادها والإعتذار لها حتى تغفر حتى لو رفضت العودة لمنزله لذا سأل أخته طب والحل إيه أنا بفكر أبلغ الشرطة أو اعمل إعلان عن فقدانها لحد ما نلاقيها آسر قال أنه راح كل مكان متوقع وجودها فيه وللأسف ملقهاش

تنهدت ياسمين بحيرة وردت عليه أنا هكلم مراد يكلم هشام صاحبه ظابط شرطة ويبحث عنها بشكل ودي من غير شوشرة وإن شاء الله نلاقيها وتكون بخير 

أجابها قائلا فكرة كويسة هي بس لو تفتح موبايلها كل القلق ده هيزول 

ردت عليه ياسمين الله أعلم بظروفها بس إن شاء الله تكون كويسة

ثم نهضت وقالت أنا همشي عشان ورايا شوية حاجة ولو عرفت حاجة هكلمك وانت كمان لو عرفت اي حاجة عرفني 

نهض هو الآخر وقال حاضر ياحبيبتي مع السلامة 

دخل على أمه الغرفة وجد الإستياء على وجهها وتتحدث في الهاتف وعندما رأته انهت مكالمتها طب مع السلامة انتي دلوقتي وهكلمك تاني 

اقترب منها بإبتسامة يسألها أنتي لسه مجهزتيش يا ام تميم إحنا عندنا ميعاد في بيت سدن المغرب وكده هنتأخر 

نظرت له بعتاب وفاجأته قائلة عايز تتجوز واحدة معيوبة ياتميم

نظر لها بغيظ ثم رد عليها ومين قال إنها معيوبة ياأمي دي بنت مفيش في أخلاقها 

نهضت تقف أمامه وتقول أنت عارف كويس انا قصدي على إيه ناقصك إيه عشان تتجوز واحدة وشها محروق 

تألم لكلام أمه ولكنه للحظة تعجب وسألها سدن مش ناقصها حاجة والحړق اللي عندها لا يعيبها ولا ينقص من جمالها بس أنتي إيه عرفك بكده عرفتي منين 

تلعثمت في الرد ولكنها قالت م محدش قالي حاجة أنا عرفت وخلاص 

انحني يلتقط هاتفها ويفتحه ليجد آخر مكالمة لها مع أخته تغريد فوقف لحظات يتذكر ويربط الأحداث وتأكد أنها كانت تعلم منذ قابلتها في البداية ولكنها كذبت عليه بإخباره أنها على علاقة بغيره لأن سدن نفت ذلك وبشدة.

الټفت إلى أمه التي جذبت منه الهاتف وهي تقول أنت بتدور على إيه ما انا كنت كده كده هعرف

نظر لها بخيبة وقال مصډوم في اختي اللي حرمتني من السعادة لشهور طويلة وافترت على المسكين

ده لذنب هي مالهاش يد فيه

قاطعته أمه بحدة هي غلطانة عشان قلبها عليك نفسها تتجوز واحدة كاملة مش ناقصها حاجة شايفة أخوها زين الشباب من حقه ياخد زينة البنات

رد عليها بحدة وسدن ست البنات كلهم ومش ناقصها حاجة وحتى لو ناقصها هي كاملة في عيوني ولازم تفهموا اني بحبها ومقدرش اتجوز غيرها ومحدش هيتكلم ف الموضوع ده مرة تانية 

في نفس اللحظة دخل والده ينهره صوتك ميعلاش على امك وأنا لسه موجود ياتميم 

تنفس تميم من فرط انفعاله والټفت لوالده يقول من الواضح إن حضرتك سمعت الحوار كله يابابا ممكن اعرف حضرتك هتيجي معايا زي مااتفقنا ولا هتعترض زيهم 

اقترب من ابنه ومسح على كتفه وقال أمك بتتكلم بعاطفة الأمومة ياتميم ابنها وحقها تخاف عليك وتتمنالك أحسن حاجة زي ما أنا خاېف ليكون اللي أنت فيه ده إعجاب وطيش شباب وبعد كده ټندم 

نظر لأمه وقال أنا عمري ما هندم سدن حلم حياتي ومستحيل اما أقرب احققه اتنازل عنه بالسهولة دي

نظر والده لزوجته وقال ابنك مش صغير ياأم تميم وقد قراراته واحنا بنعمل اللي علينا فاجهزي ياللا عشان منتأخرش 

ترى أنه يجب عليها بعد استيقاظه ألا تبيت معه في المستشفي رغم أن بداخلها يراه طفل صغير محتاج رعاية كاملة ويتوجب عليها ذلك ولكنها تجد بعض الحرج من ذلك لذا قررت أن تظل معه طوال النهار وتعود للمنزل ليلا ولكنها سعيدة أنه يشعر بالإرتياح في قربها.

سارت بخطوات ثابتة خارجة من باب المستشفي عائدة لمنزلها ولكن استوقفها فتاة تكاد تعرفها في استقبال المستشفي تدخل على أحد أسرة الإسعاف محمولة وثيابها بالكامل تغطيه الډماء اقتربت منها تتأملها ولكنها صدمت عندما تأكدت من هويتها فرفعت يدها تكتم شهقتها وهي تناديها غصون!!

ثم بكت عندما سمعت رجل الإسعاف الذي يحملها يقول لإستقبال المستشفي بسرعة ياجماعة البنت بټموت