رواية عرفته واحببته وتزوجته في يوم واحد الفصل الحادي والثلاثون 31 بقلم راندا عبدالحميد – تحميل الرواية pdf

رواية عرفته واحببته وتزوجته في يوم واحد الفصل الحادي والثلاثون 31 بقلم راندا عبدالحميد

الحلقه الواحد و الثلاثون :
اعتذر لك عن خطا ما كان قصدي
وأعتذر لك عن خطا قلب هــــواك
والله إنك تسوى كل الناس عندي
ولو تبي روحي ترى روحي فداك
ليت أمر الهوى كان أمــرهـ بيدي
كان أقضي عمري الباقي مــعاك
للمــــــــحبه ود لكن إنت وجدي
ومستحيل أحب في الدنيا ســواك
الزعل ما بيننا خله يــــــــــعدي
كل همي يا منى روحـــي رضاك
ابتسم إضحك وهونها وهــــدي
تضحك الدنيا إذا تضحك مـــعاك
منقول
دخل الدكتور النفسى البيتابعها وجاب كرسى جنب السرير وقعد عليه وقالها :ازيك يا رنى ؟
فقالت انا كويسه .
بس انا مش بحب حد يقولى رونى غيره .
فقال :هو مين البقولك رونى وبتحبيها منه بس ؟
فابتسمت وشالت المخده الدايما حضناها ناحيه قلبها .
وبصت على قلبها.
وقالت وليد .هو بس البيقولى رونى .
وخبت قلبها تانى بالمخده .
فقالها الدكتور :طيب هو انتى مش هتسيبى المخده دى دايما واخدها معاكى ودايما حضناها كده ؟
فبصتله بضيق وقالت :انا مخبيه حب وليد الجوايا عشان اصحابه الوحشين عايزينى ابعد عنه فكده مش هيشفوه .
فقالها : طيب انتى شيلى المخده ولو جه حد يقرب ليكى او للحب ده دافعى عن نفسك .
فبصتله بحزن وبصت للارض وقالت :انا حاولت ادافع عنه واثبتلهم انى دلوقت ليه ومش هيفرقونا .
بس واحد شبه وليد خالص وضربنى .
(وهنا حضنت نفسها قوى باديها .)
وكملت كلانها والدموع فى عنيها
وقالت :ضربنى كتير قوى .
انا كنت فاكراه وليد بس لما فكرت كويس .
قلت لا وليد بيحبنى قوى وهو وعدنى عمره ما هيزعلنى ولاهيعمل حاجه تضايقنى .
يبقى ازاى هيوجعنى كده ؟
فعرفت انهم ممكن يكونوا بعتولى حد شبهه يضربنى .فعشان كده انا مخبيه حبه جوه قلبى ومداريه بالمخده .
فبصلها الدكتور وقال : انتى بتحبى وليد قد ايه ؟
فابتسمت بخجل وبصت الناحيه التانيه .
وقالت :بحبه قوى اكتر من نفسى .اكتر من حياتى كلها .
فقال الدكتور : انا عارف ان قعدتى معاه حوالى شهر وكام يوم بعد الجواز .قدرتى تحبيه كل ده فى المده دى ؟
فاتنهدت وقالت :انا حبيته الحب ده من قبل ما اعيش معاه .
من اول ما كان فى بيت بابا ودخلت اتكلم معاه عشان اقرب منه واول مره مسك ايدى حسيت انى حته منه .
حسيت انى باقيه .
حسيت انى مش هينفع اعيش من غيره .
انا اصلاعمرى ما كنت اتوقع انى احب فى يوم من الايام بس مجرد ما مسك ايدى وانا حسيت انه نقل حبه الكان بيحكولى عليه من قلبه لقلبى .
وفضل يزيح فى التاس الجوايا لغايه لما خد مكانهم وبقا هو الساكن جوايا مش هما .
وبصت لا يدها بحزن .وقالت بس ايدى مكسوره ليها ايام كتير فوليد لما يجى مش هيعرف يمسكها ونلعب كوره تانى مع بعض زى ما عملنا اول مره رحتله .
فقال الدكتور : معلش هيا كام يوم وتخف ان شاء الله .
فبصتله وقالت :حتى لو خفت .
وليد مش هنا مش بيجى هنا كان بيجى لما كنت فى الشقه بتاعته ومش بينام الا وانا فى حضنه بس من ساعت ما جيت هنا وانا كل يوم با ستناه ومش بيجى .
فسالها الدكتور :يعنى انتى عايزه تشوفى وليد ؟ لو شفتيه مش هتخافى منه ؟
فبصت فالاوضه كلها بعيون مشتته تايها ومحتاره وقالت مش عارفه بس وليد بيحبنى مش هايئذينى .
بس لو جه الراجل الوحش هيضربنى تانى من غير ما اعمل حاجه .
مش عايزاه يجى اصله بيضربنى قوى وحضنت نفسها قوى .
وقالت :انا عايزه وليد البيحبنى مش التانى .
وبصت للشباك لحظات وبصت للدكتور وقالت :
لو سمحت اطلع بره اصل ده معاد رجوع وليد من التدريب هو بيرجع دلوقت عشان يرتاح وينام شويه ومش عايز ه دوشه عشان هو نومه خفيف وبيصحه بسرعه .
وغطت نفسها ونامت مستنيه وليد زى كل يوم عشان يرجع ياخدها فى حضنه .
وخرج الدكتور الشاف وليد واقف عند الباب بيعيط وهو سمع كلامهم لانه النهارده اول يوم يسمحوله بزيارتها .
وكان خلص التدريب وجاى يشوفها بس سمع صوت جوه وعرف ان الدكتور عندها فاستنى بره لما يخلصوا جلست العلاج بتاعتها وسمعهم .
فقفل الدكتور الباب واخده معاه العياده .
واستناه لما هدى وابتدى كلامه معاه.
وساله انت الضربتها صح مش زى ما فى التقرير انه ناس جم ضربوها وانتم ما تعرفهمش ؟
فهز راسه بالايجاب ودموعه نزلت من جديد .
فابتسم الدكتور باستهزاء .
وقال وكمان حصل اغتصاب مش ضرب بس ؟صح ؟
فاندهش وليد لان التقرير الكان فيه الحاله ما كنش فيه الاغتصاب وهيا نفسها اغمى عليها قبل ما يغتصبها وما كنتش حاسه بالبيحصل والوقت من بعد الاغتصاب لغايه من كام يوم كانت بيدوها مهدء فالالم ما حستش بيه ولا اتكلمت عنه .فازاى عرف .
اما الدكتور لما لقى ما فيش اجابه منه تاكد انه صح وخاصه انها ابتدى يظهر عليها اعراض ولما عملوا تحليل عرفوا انها حامل وحسبوا المده فتقريبا لقيوها شهرين وده من ميعاد وقوع الحادثه ليها لغايه ميعاد الفحص.
فبصله الدكتور وقال :مبروك المدام حامل فى شهرين .
فوقف وليد من مكانه .وما كنش مصدق .
وقال : حامل .. رونى حامل .
فبصله الدكتور وعايز يعرف البيفكر فيه .
وقال : احنا عملنا تحليل امبارح لما شكينه فى الاعراض العندها ومن السونار عرفنا انها حامل وانها خلصت شهرين .
فى الاول ما اكتشفوش ده لانها دايما بتاخد المنوم .
بس لما ابتدى يخففوه وابتدت تاخد مهدى بس ولاحظنا الاعراض الجديده وبالتحليل اتاكدنا .
وسكت شويه وهو منتظر ردت فعله .
ولما لقى وليد مش بيتكلم .فساله.
وقال :ايه عايز تنزله ؟ولا عايز تخليه ؟
فبصله بمفاجئه وقال انزله :لا طبعا دا ابنى او بنتى مش ممكن ينزل. .بس هيا رونى ممكن حالتها تتحمل الحمل يعنى مش غلط عليها او على الجنين .
فتنهد الدكتور با رتياح .
وقال : هو لو لقيت الرعايه التحتاجها والمتابعه الجيده ليها وللحمل ان شاء الله هتعدى المرحله على خير .
بس ده خلانا هنغير خطت العلاج خالص بتاعتها عشان احنا وقفنا العلاج الكانت بتاخده وابتدينا نديها حاجات مناسبه للحمل .
فقال وليد انا عايز اخدها البيت وشوف حضرتك ايه المناسب والمفرض يبقى موجود وكل الرعايه وانا هوفرهالها ان شاء الله وتبقى حضرتك تشرفنا وتتابع معاها الحاله من البيت لانها هتبقى تحت عنيا فتره اطول وهطمن عليها بنفسى .
فقال الدكتور :بس خلى بالك هيا مش هتتحمل اى ضغط عصبى منك سواء لحالتها النفسيه او الجسمانيه .
فبص وليد للارض وقال : يا دكتور الحصل ده غلطه ما كنتش اتوقع انها تحصل وانا ندمان عليها وهافضل باقى عمرى اكفر عنها ومش هاسيبها لغايه لما تسامحنى وانا باكدلك ان الحصل مش ممكن يتكرر .
فقال الدكتور : بس انت مش هتقدر تراقبها اليوم كله لازم وجود حد معاك ويفضل يكون بيفهم فى حالتها .
فمكن نخلى ممرضه تفضل موجوده معاها فى حالت غيابك .
وانت فى تعليمات لازم تفهما فى التعامل معاها .وانا هاكون متابعها باستمرار .
بس قبل كل ده انت هتدخلها دلوقت وهنشوف رد فعلها الاول وبعدها هنقرر هينفع تخرج ولا لا .
فقال وليد طيب انا عايز انا الاعرفها بموضوع الحمل .
فقال الدكتور : اولا شوف هتكون رده فعلها ايه لما تقابلك وبعدها لو تقبلتك بلغها بس بالراحه .
بس اعمل حسابك انك دلوقت وليد البتحبه مش وليد الضربها .
انت دلوقت بتحاول تقوى العلاقه دى بينها وبين البتحبه لانها على فترات بتفتكر جزء من الحصل وعلى المدى البعيد هتفتكر الحصل منك ووقتها مش هنعرف هتكون رده فعلها ايه .
بس البنحاول نعمله انك تقوى علاقتك بيها عشان لما يحصل ده ما يحصل عندها انهيار عصبى او اكتئاب او تحاول تنتحر او حاجات تانيه احنا فى غنا عنها .
ودلوقت احنا عندنا امل كبير فى علاقتك بيها وعلاجها .فخلى بالك من تصرفاتك معاها .
فقام وليد وخرج من عند الدكتور وراحلها وخبط عليها ودخل لقاها نايمه .
فقرب منها ومسك ايدها وباسها ومسك ايدها الفيها الجرح ولمسها بالراحه ودموعه ملت عنيه وافتكر ازاى كان بيضربها وهيا بتدارى نفسها بايدها وباسها تانى .
وقالها بصوت هامس : سامحينى .
ومشى اطراف صوابعه على خدها زى لما كان بيصحيها فى الاول. .ففتحت عنيها وكانت مش مصدقه انها شافته وفتحتها وغمضتها اكتر من مره .
وقامت وهيا مبتسمه وفرحانه وماسكه ايده ومش مصدقه .
وقالت : وليد انت جيت ..
وبصت للسرير وقالت : شفت نمت وانا بستناك .
وبعدها ابتدت تختفى ابتسامتها وسابت ايده بالراحه ورجعت تبصله برعب ونزلت من على السرير بسرعه وجريت ناحيه الحيطه وابتدت تكلمه بهستريا.
وقالت :انا ما عملتش حاجه والله ما اعرف انه هنا .
والله ما قلتله . الله يخليك ما تضربنيش تانى حرام عليك انت بتوجعنى قوى .
ونامت على الارض وضمت رجليها لصدرها واديها على دماغها .
وهيا بتصرخ حرام عليك والله ما قولتله كفايه ضرب حرام عليك كفايه .
هو الاول اتفاجئ وبعدها فهم البيحصلها .
وانها بتفتكر الحصلها .
وجرى عليها ورفعها عن الارض وخدها فى حضنه وطبطب عليها .
وهو بيقولها :رونى حبيبتى ما تخافيش انا وليد البيحبك انا جوزك يا عمرى ما تخافيش مش هاضربك ولا حد هيضربك تانى خلاص يا حبيبتى اهدى .
هيا لما ضمها حاولت تبعد بس لما حست بحضنه الوحشها وشمت عطره المتعوده عليها ابتدى تهدى شويه ورفعت وشها ليه .
وقالت : انت فعلا وليد البيحبنى صح . مش الراجل التانى الوحش الضربنى صح؟
فهز راسه والدموع فى عنيه .
وقال : اه يا حبيبتى انا وليد البيحبك ..
فضمته وقالت : وحشتنى قوى .انت سبتنى ليه . كنت فين .
دا جه واحد شبهك وحش وضربنى قوى يا وليد ضربنى كتير .
حتى بص من وقتها وايدى ملفوفه ومش راضيه تخف وجسمى كله كان بيوجعنى .
انت سبتنى ليه انت ما كنتش تعرف انه هيجى يضربنى انا عارفه انك بتحبنى ومش ممكن هتخلى حد يضربنى .
عارف انا كنت فاكراه انت بس .
قلت :لا يا رونى وليد بيحبك قوى مش ممكن يعل فيكى كده اكيد ده واحد شبهه .
صح يا وليد مش هو واحد شبهك .
وكل ده وليد بيسمعلها ودموعه مغرقه وشه وضميره بيانبه على حبيبته والعمله فيها وحاسس انها طفله بتحكى لباباها وتستنجد بيه من الضربها .
فشالها وقعدها على السرير .
ومسحتله دموعه .
وقالت : انت بتعيط ليه اكيد وحشتك صح .
ما تعيطش انت كمان وحشتنى قوى انا كنت مخبيه قلبى بالمخده دى .
(وجابتله المخده )
وقالت : عشان ماحدش يجى ياخد حبك من قلبى وكنت مستنياك تيجى تاخدنى من هنا انت اتاخرت ليه اكيد كنت بتدور عليا صح انا عارفه .
ومسكت ايده وقعدته جنبها ومسحت دموعها .
وابتسمت وقالت : يلا احكيلى انت عامل ايه كنت بتعمل ايه من غيرى كنت بتاخد بالك من نفسك ولا لا .
فقالها :تحبى تيجى معايا وتاخدى بالك منى .
فابتسمت وقالت :اه طبعا احب .انا اصلا كل يوم كنت باستناك هنا عشان تيجى تاخدنى .
فابتسم وقال :طيب انا هاروح ادور على بيت حلو بجنينه عشان اجى اخدك نعيش فيها ماشى .
فمسكت ايده بخوف وقالت : لا اوعى تمشى وتسيبنى تانى انا ما صدقت لقيتك اوعى تبعد تانى عنى .
انا بخاف قوى وانا لوحدى عشان الراجل الوحش الشبهك لو جه هيضربنى تانى .
فمسك اديها وباسها .
وقال : بصى يا رونى عمر ما حد هيضربك تانى ابدا سواء انا معاكى او لا انا هاخد بالى منك كويس وحتى لو مش معاكى هخلى ناس ياخدوا بالهم منك لغايه لما اجى .
عايزك تطمنى وماتخافيش .
ما شى يا حبيبتى .ولما لقاها محتاره .
قعد قدامها على ركبه على الارض ومسك ايدها وحطها على بطنها .
وقالها :انتى عارفه هنا فيه ايه .؟
فابتسمت وقالت :اه بطن رونى .
فبصلها وشاف الابتسامه البريئه الوحشته .
ومسك دموعه الهتنزل منه من تانى وبلع ريقه..
وقال : لا فى حاجه كمان . هنا فيه نونو بتاع رونى .
فبصت تلقائى على بطنها وبعدين عليه وبعدين على بطنها وبعدين عليه وقالت :هنا فيه نونو.
فابتسم ولليد وقال :اه نونو بتاع رونى .
فابتسمت وقالت : كده رونى عنها اتنين نونو .
فاستغرب ردها وقال : ازاى ؟.
فحطت ايدها على وشه وقالت : انت النونو بتاعى الكبير ؛ وفى بطنى نونو صغير .
وهنا ما قدرش يمسك نفسه .
فحضنها وفضل يبكى بصوت عالى وانهار فى البكا .
وهيا زعلت عليه وطبطبت عليه .
وقالت : وليد ما تزعلش والله انا مااعرفش هو جه فى بطنى ازاى .
انا بحبك انت قوى وهو هحبه شويه صغيرين بس عشان هو نونو .
اما انت بحبك كتير قوى .
وكل لما تتكلم هو يبكى اكتر لغايه لما قام فجاه وكان هيمشى .فجريت وراه ومسكت ايده ومسحت دموعه بالايد التانيه .
وقالت : او عى تزعل يا وليد والله انا بحبك قوى .
وعمرى ما حبيت حد زيك .
ما تمشيش وانت زعلان .عارف لما يجى النونو ان شاء الله هنلعب معاه مع بعض ومش هخليه يزعلك ابدا .
ولو زعلك هاضربهولك اوعى تزعل .
عشان انت لو زعلت هاقعد ادعى ربنا واقوله انى مش عايزه النونو واخليه ياخده .
فحط ايده على شفايفها وقالها :اوعى تدعى ربنا بكده ابدا اوعى يارونى .
فعنيها اتملت دموع وقالت :طيب انت ماتزعلش منى والله انا بحبك قوى .
وما اعرفش هو ازاى جه جو بطنى .يمكن وانا نايمه ومش حاسه .
فحضنها ..
وحضنه طال ودموعه مش بتقف وجواه بيقولها سامحينى انا السبب فى كل الانتى فيه سامحينى .
ويا ريت لما يجى اليوم التعرفى العملته فيكى تقدرى تسامحينى .
وبعد عنها ومسح دموعه .
وقالها بحنان :انا هامشى هاروح اشتريلنا بيت واجى اخدك .
خلى بالك من نفسك ومن النونو .
فمسكت ايده وقالتله : انت خلى بالك من نفسك .وهاستناك دايما وخليك عارف انك هنا يا وليد وهيا بتشاور على قلبها .
فحضنها وباس كل حته فى وشها وهو بيقولها : بحبك يا رونى ..
بحبك قوى اكتر مما تتخيلى ..
بحبك يا اغلى الناس وكل الناس .
وهيا بتضحك .
وتقول :وانت حبيب رونى .