خلينا نتكلم بصراحه شوية…
في فترات كده ممكن الست أو الراجل يحس إن الرغبه الجنسيه عنده عاليه عن الطبيعي،
مش بس رغبه، لا… كأن الجسم والعقل بيكونوا مشبعين طاقه ومحتاجين تفريغ أو قرب أو لمسه حقيقيه.
وفي اللحظه دي بيبدأ السؤال اللي كتير بيخافوا منه
هو أنا في حاجه غلط؟ ولا ده طبيعي؟
ناس بتخاف تعترف، وناس بتكسف تتكلم،
بس العلم بيقول إن الرغبه دي جزء من التكوين البشري، مش غلط ولا عيب.
الهرمونات، الحاله النفسيه، النوم، التغذيه، وحتى الفراغ العاطفي…
كلها بتأثر على مستوى الشهوه.
يعني ممكن تكون الرغبه العاليه مش معناها إنك “شهواني” أو “شهوانيه”،
ممكن تكون مجرد حاجه جوا جسمك بتطلب اهتمام، أو حتى إشاره إنك محتاج طاقه حب واحتواء مش مجرد متعه.
وفيه فرق كبير بين إنك تحس بالرغبه،
وإنك تسيبها تسيطرك…
الأول طبيعي، التاني محتاج وعي وتحكم.
وجهة نظر تانيه:
فيه ناس بتقول إن “الشهوه الزياده” بتظهر لما يبقى في نقص عاطفي أو نفسي،
زي اللي بيحاول يعوض إحساس بالنقص أو الوحده،
فبيفرغ ده في الرغبه، كأنها وسيله للهروب.
وفيه اللي بيشوفها مجرد نشاط جسدي زائد ناتج عن سن أو مرحله هرمونيه معينه.
سؤالي ليكم ؟
هل فعلاً في حاجه اسمها “شهوه زياده”؟
ولا كل واحد فينا له معدل مختلف وماينفعش نحكم؟
ولما بتحصل الفتره دي عندك… بتتعامل معاها إزاي؟
بتهديها؟ بتتجاهلها؟ ولا بتحاول تفهم سببها الأول؟
