اعترافي كان عليكي انتي يا رفيف
رفيف بصتله
بصدمه ورجعت لورا كام خطوه وهي بتهز رأسها ب لا بتحاول تكذب اللي سمعته
ايوه يا رفيف انا محبتش غيرك انتي حاولت حاولت كتير احب نهي بس مقدرتش كنت بعمل كل واجباتي ناحيتها كزوج لكن مقدرتش احبها ابدا محبتش غيرك انتي
مستحيل انت اكيد مش في وعيك يا ايهم
انا بحبك يا رفيف تعالي نتجوز وننسي كل اللي فات ونبدء مع بعض من جديد
ابدا انا لا يمكن اتجوزك ابدا يا ايهم انت سامع
خلصت رفيف كلامها وطلعت تجري علي بره وهي بتعيط وحاول ايهم يلحقها بس كانت ركبت عربيتها ومشيت بسرعه مسح وشه باايده بتعب
المره دي مش هسيبك يا رفيف مهما كان التمن
روحت رفيف ووصلت بيتها ودخلت من باب البيت ووشها غرقان دموع ..
شافتها مامتها وجريت عليها بخوف
مالك يا حبيبتي رحيم حصله حاجه
فضلت تعيط بحرقه علي غباءها وانها ضيعت حب عمرها بغباءها وحتي بعد اعترافه بحبه ليها حاسه انها مش فرحانه حاسه انها هبتاخد حق مش ليها ..
فضلت سعاد تطبطب علي ضهرها وهي بتسألها ايه اللي حصل ورفيف مكنتش قادره تبطل عياط ..
خدتها سعاد لحد الكنبه وقعدت وقعدتها وفضلت تطبطب عليها لحد ما ابتدت رفيف تهدي
سعاد بقلق
مالك يا قلب امك انا اول مره اشوفك بتعيطي كده يا حبيبتي طول عمري متعوده عليكي قويه مبتنزليش دمعه قدام حد ايه اللي حصل يا رفيف
وجع في قلبي يا ماما حاسه ان قلبي متكسر مية حته
بعيد الشر علي قلبك يا قلب امك ايه بس اللي حصل
ايهم
ماله ايهم ضايقك في حاجه
عاوز يتجوزني
ايه !!
غمضت رفيف عنيها بحسره ودموعها نازله علي خدها
عاوز يتجوزني يا ماما
سكت سعاد شويه وبعد كده سألت
بتحبيه
بصت رفيف لسعاد بتوتر
انا مش انا
قاطعتها سعاد
متكمليش انا كده اتاكدت بتحبيه من امتي
بصت رفيف في الارض
من قبل ما نهي
تعرفه او تحبه
وهو بيحبك
اتنهدت رفيف بالم وبدأت تحكي لمامتها اللي حصل وبعد ما خلصت
والله يا ماما ما كنت اعرف انه قصده عليا ولو كنت اعرف برضو كنت هسيبه عشان نهي كانت بتحبه
ابتسمت سعاد علي طيبه بنتها
بس اللي انا شيفاه ان القدر والنصيب مصمم يجمعكم مع بعض
بصت رفيف لمامتها
يعني ايه يا ماما
يعني ادي لنفسك وليه فرصه تانيه هتكسبي كتير هتكسبي حبك وهتقدري تربي ابن اختك في حضنك محدش هيبقي حنين عليه قدك
ايوه يا ماما بس نهي
قاطعتها سعاد بحزن علي بنتها
نهي ربنا رحمها يا حبيبتي الراجل لما بيحب مبيقدرش يشوف غير الست اللي حبها مكنش هيقدر يحب اختك مهما عدي عليهم
بس يا ماما انا خايفه خايفه اكون باخد حق مش حقي
كان حقك وانتي بغبائك فرطي فيه يا بنت بطني ادي لنفسك فرصه يا رفيف الحياة مبتقفش يا بنتي
سابتها سعاد وقامت وقامت وراها رفيف دخلت اوضتها ورمت نفسها علي سريرها وقعدت تفكر في كلام مامتها لحد ما راحت في النوم ..
صحيت بليل علي صوت خبط علي باب اوضتها ..
قامت وهي مغمضه عين وفاتحه التانيه فتحت باب اوضتها لقت ايهم قدامها من صدمتها قفلت الباب في وشه
سمعت صوت سعاد وهي
بتضحك وبتعتذر من ايهم ..
سعاد
معلش يا حبيبي من الصدمه بس استنانا بس في الصالون وهاجيبها واجي وراك
ابتسم ايهم وهو بيشكرها
شكرا يا حماتي انا في الصالون مستني
مشي ايهم وراحت سعاد ناحيه باب اوضة رفيف وخبطت مره وقبل ما تخبط التانيه فتحت رفيف وشدتها لجوه وهي بتبصلها بوشها اللي احمر من الكسوف
ايه اللي جابه هنا يا ماما
سعاد با ابتسامه
جي يعمل الاصول يا رفيف ويطلبك مني
بصت رفيف لمامتها بصدمه
يطلبني منك بتهزري !
ضحكت سعاد علي صدمة بنتها
لا مش بهزر ايهم طلبك مني واصر يجي
معايا لحد اوضتك يسمع ردك بنفسه
رفيف بتوتر
انا انا مش موافقه
يا بت طب عيني في عينك كده
يووه بقي يا ماما
خلاص خلاص غيري هدومك يلا وتعالي معايا
حاضر يا ماما
بعد ما سعاد خرجت غيرت رفيف هدومها وخرجت بره في الصالون دورت علي مامتها لكن ملقتش غير ايهم ..
لفت عشان تمشي وتسيبه لكن قام هو بسرعه ومسك ايدها
رفعت عنيها وبصت في عنيه
ممكن لو سمحت تسيبني
ابدا يا رفيف عمري ما هسيبك تاني
احمرت خدود رفيف بكسوف وزقته
ابعد يا ايهم سيبني لو سمحت
اما نتكلم الاول ونتفق هبقي افكر اسيبك
نتكلم في ايه يا ايهم مفيش كلام بينا نتكلم فيه لو سمحت ابعد
لا فيه يا رفيف وفي كلام كتير اوي رفيف كفاية بعد وعذاب بقي ادي لحبنا فرصه
بصت رفيف الناحيه التانيه بعند
انا مش بحبك
مد ايهم ايده ولف وشها وبص في عنيها بحب
بصي في عنيا وقولي انك مش بتحبيني زي ما بحبك
بصت رفيف في عيونه وسكتت فاابتسم ايهم
عشان تعرفي انك كدابه
انا مش كدابه
رفيف الايهم للكاتبة سمسمه سيد حصريا لموقع لمحة
طب خلاص يا ست رفيف انا اللي كداب ممكن بقي تقوليلي ردك
ردي علي ايه
تتجوزيني
ابتسمت رفيف وهي بتبصله وقالت بهزار
سببني افكر
اه وماله من حقك طبعا
سكت ايهم دقايق ورجع سألها
ها فكرتي تتجوزيني
هزت رفيف رأسها بالموافقه
موافقه
ايهم بسعاده
انا بحبك اووي يا رفيف
رفيف بكسوف
ايهم بس بقي ابعد ميصحش كده
ابتسم ايهم علي كسوفها
مش هبعد قبل ما اسمعها منك
بصت رفيف في الارض وقالت بصوت واطي
وانا كمان بحبك
قرب ايهم وهو بيبصلها وبيغمز لمكر
طب ايه مفيش حاجه تحت الحساب
زقته رفيف وبعدت
انت
قليل الادب
ضحك ايهم بصوت عالي ودخلت في الوقت ده سعاد اللي اول ما عرفت بموافقه رفيف زغرطت ..
واتجوز ايهم رفيف وعاشوا في سعاده ..
تمت بحمدلله
خلصتي؟ الرواية الجاية أقوى وأحلى… تعالي وعيشيها معانا👇
