تمارا ٠٠٠ حسام انا لازم ارجع جامعتى لانى ..
حسام ٠٠٠ يعنى عايزه تسيبى الشغل و تسيبنى .انا كنت عارف انك مش مختلفه عنهم و هيجى اليوم إللى تعملى كده
ثم دفع الجهاز الخاص بالجلسة فسقط على الأرض
أتصدمت تمارا من رد فعل حسام كما هو كان حال مراد الذى كان يتابع ما يحدث لذلك قال بحده عندما رأى تمارا تضع يديها على أذنها بخوف من صوت اصطدام جهاز الجلسة بالارض
مراد ٠٠٠ حسام انت اتجننت ايه إللى عملتو ده
حسام ٠٠٠انا عايز ارجع أوضتى
تمارا ٠٠٠ حسام ممكن تستنا بس افهمك
نظر حسام ل تمارا و قال بغضب عارم
بقلم٠أروى٠عادل
حسام ٠٠٠ تفهمينى ايه انك عايزه تمشى
مراد ٠٠٠ ممكن انا افهم فى ايه
حسام ٠٠٠ مراد ممكن ترجعنى على أوضتى
اخذ مراد حسام و ذهب به إلى غرفته ثم رجع مراد مره أخرى لغرفة الجيم
فى ذلك الوقت كانت تمارا تحمل الجهاز من على الأرض هنا قال مراد
مراد ٠٠٠ اتكسر
تمارا ٠٠٠ هو ايه ده
مراد ٠٠٠ الجهاز
تمارا ٠٠٠ اه الجهاز .. لا الحمدالله ما أتكسرش
مراد ٠٠٠ ممكن افهم انتى قولتيله ايه عشان يتعصب بالشكل ده
تمارا ٠٠٠ هو انا لحقت قولت حاجة . يادوب بقوله انا لازم ارجع على جامعتى. اتجنن زى ما انت شوفت
مراد ٠٠٠ و انتى بجد عايزه ترجعى على جامعتك . يعنى هتسيبى الشغل هنا
تمارا٠٠٠ مش عارفه
قال مراد بعصبيه لا يعرف ما مصادرها
مراد ٠٠٠ يعنى ايه مش عارفه هى هتسيبى الشغل او لاء
تمارا ٠٠٠ و انت كمان بتتعصب عليا ليه
مراد ٠٠٠ مين قالك انى متعصب
تمارا ٠٠٠ أنا عارفه بقى.. يلا عن أذنك
مراد ٠٠٠ تعالى هنا انا مش بكلمك رايحه فين
تمارا ٠٠٠ رايحه اتكلم مع أخوك عشان انا جبت أخرى من العايله بتاعتكم دى
قالت جملتها ثم انصرفت ثم قال مراد
مراد٠٠٠ ايه البت المجنونه إللى ربنا بلانى بيها
بعد ما انصرفت تمارا داخله أسلام و عندما رأى تمارا خارجه من الجيم متعصبه قال
بقلم٠أروى٠عادل
أسلام ٠٠٠مالها تمارا شكلها مدايقه عملتلها ايه
مراد ٠٠٠ ولا حاجة هى مدايقه من حسام
أسلام ٠٠٠ طيب ايه الحكايه
مراد ٠٠٠ حكاية ايه ده
أسلام ٠٠٠ حكايتك انت و تمارا
مراد ٠٠٠ أنت عملتها حكايه . طيب اسمعنى عشان ما تتكلمش فى الحوار ده كتير تمارا دى ممرضة حسام وبس
أسلام ٠٠٠ اسمع يا مراد انا أكتر واحد عارفك و عارف كويس أوى ان تمارا بالنسبالك مش مجرد ممرضة .. ده انت عشان خاطرها دفعت مليون و ربع للصاحب الشقة
مراد ٠٠٠ إللى يخرب بيت الشقة و اليوم اللى عرفتك على حوار الشقه دى ..
أسلام ٠٠٠ ايوه اعملهم عليا عشان تغير الموضوع
مراد ٠٠٠ إسلام مافيش موضوع من أساس إللى بتفكر فيه ده مجرد خيال فى دماغك انت لوحدك بس .. بعدين المفروض انك عارفنى زى ما بتقول و عارف انى ماليش فى قصص الحب و الكلام الفارغ ده
أسلام ٠٠٠ و عشان انا عارفك . عارف ان فى حاجة متغيرة فيك . و ان تمارا هى السبب
..مراد انا شوفت لمعه فى عيونك لما بتبصلها
دى معناه حاجة واحده بس . وانت فاهم قصدى
سكتت مراد هو يتذكر شعوره عندما تكون تمارا قريبه منه ثم تذكر ما حدث منذ خمس سنوات مع زوجة حسام السابقة فقال
مراد ٠٠٠ أنا مش هنكر صحيح انى بحس اتجه تمارا بشعور غريبه عليا بس ده عشان هى شخصية مختلفة و جديده عليا بس
مش زى ما انت فاكر.. بعدين انت عارف انا مبقاش عندى. ثقه فى ايه بنت . كلهم زى بعض الخيانه فى دمهم . و كفايه إللى حصل قبل كده
أسلام ٠٠٠ إللى حصل قبل كده انت مالكش ذنب فيه . بعدين تمارا مش زى ندا . انت لسه شاب من حقك تحب و تتحب. تعيش حياه طبيعيه . ولا عشان تجربه فاشله لأخوك
و ست خاينه زى ندا .. هتخليك تعيش طول عمرك وحيد و ماعندكش ثقه فى اى بنت
ثم ربت أسلام على كتف مراد و كمل عبارته وقال
أسلام ٠٠٠ مراد سيب نفسك و أستسلم لأحساسك اتجاه تمارا . البنت فعلآ كويسه و تستاهل
قال جملته ثم انصرف ترك مراد يفكر فى كل ما قاله أسلام
كما كان مراد يعلم جيدآ ان أسلام عنده حق فيما قاله. و أنه لديه مشاعر قويه اتجاه تمارا
لذلك كان مراد بيحاول فى الفتره الاخيره ان يتخطى هذه المشاعر لذلك كان يتجاهل تمارا تمامآ و يتجنب رؤيتها
بقلم٠أروى٠عادل
غرفة حسام
~~~~~~~~~
بعد ما فهمت تمارا حسام ماذا تقصد قال
حسام ٠٠٠ يعنى انتى كان قصدك انك تروحى الجامعة الصبح و تيجى هنا بعد الضهر
تمارا ٠٠٠ بالظبط كده
حسام ٠٠٠ طيب ماقولتيش كده ليه من الأول
تمارا ٠٠٠ هو انت أدتنى فرصه ده انا يادوب هبدء اتكلم روحت انفجرت فى و شئ زى البركان
حسام ٠٠٠ معلش يا تمارا انا افتكرت انك عايزه تسيبنى انتى متعرفيش .انتى بقيتى ايه بالنسبالى
تمارا ٠٠٠ حسام بظرف النظر على إللى حصل بس اكيد هيجى اليوم إللى لازم اسيب الشغل فيه
حسام ٠٠٠ ليه بقى الكلام إللى يعصب ده
تمارا ٠٠٠ كلها شهر و نص و تبدء الدراسه و لازم اكون ٠٠٠٠
قطع حسام عبارتها وقال
حسام ٠٠٠ لما هى الدراسه لسه فاضل عليها شهر ونص آمال جامعة ايه إللى عايزه تروحى عليها بكره
تمارا ٠٠٠ ده العملى بنروح ندرب فى المشتشفيات العامه
حسام ٠٠٠ اه تمام ٠٠ بس اسمعى اوعى اسمع تانى موضوع تسيبى الشغل هنا تانى فاهمه
تمارا ٠٠٠ طيب و دراستى
حسام ٠٠٠ انتى شاطره و انا متأكد انك هتقدرى توفقى بينى و بين دراستك. تمام
تمارا ٠٠٠ تمام
هنا لأول مره تقلق تمارا من تعلق حسام بها
حسام ٠٠٠ بس دلوقتى فى حاجة
تمارا ٠٠٠ أيه هى الحاجة دى
حسام ٠٠٠ جلسات علاج طبيعي اللى ينعملها الصبح
كان حسام بيتحجج بأى شئ ليجعل تمارا تأتى فى الصباح
بقلم٠أروى٠عادل
تمارا ٠٠٠ الجلسات ممكن تبقى بعد الضهر عادى يعنى
حسام ٠٠٠ طيب انا عندى حل تانى
تمارا ٠٠٠ أيه هو ده
حسام ٠٠٠ تيجى بدرى الصبح نفطر سوا زى كل يوم و نعمل الجلسات بعد كده روحى على جامعتك . ايه رأيك
تمارا ٠٠٠ طيب لزمتها ايه الفرهده و التعب ده أجى الصبح عشان الجلسات بعد كده أروح الجامعة و بعد كده ارجع اجى تانى ..ما ممكن نأخر الجلسات بعد الضهر و خلاص
حسام ٠٠٠ انتى مش قولتلى انك بقيتى ساكنه قريب من القصر يعنى مش هيبقى تعب عليكى ولا حاجة بعدين بصراحة بقى انا اتعودت اصطبح بوشك كل يوم
تمارا ٠٠٠ مش عارفه أقولك ايه .
حسام ٠٠٠ قولى حاضر و بس
تمارا ٠٠٠ أمرى لله حاضر .. ممكن بقى نرجع نكمل الجلسة
حسام ٠٠٠ يلا بينا
فى صالون القصر
~~~~~~~~~~~~~~
نسرين ٠٠٠ بقى كده شهر بحاله ماتجيش تشوفينى
شيرين ٠٠٠ و اللهى انا كنت حلفه انى ماجيش القصر تانى بعد إللى عمله مراد فى لؤى بسبب الممرضة ..بس انا مخلصنيش زعلك
كمان هايدى وجع دماغى كل شويه عايزه أروح عند خالته
نسرين ٠٠٠ ما انتى عارفه مراد عصبى و متهور بس واللهى قلبى ابيض
هايدى ٠٠٠ واللهى يا خالته انا قولت كده بردوا لمامى
نسرين ٠٠٠ حصل خير و كويس انك جبتى لؤى معاكى عشان مراد يصالحه
هايدى ٠٠٠ آمال فين مراد
نسرين ٠٠٠ تقريبآ بره فى الجيم
هايدى ٠٠٠ طيب انا هروح أشوفه
غادرت هايدى و هنا قالت شيرين
شيرين ٠٠٠ شوفتى البنت هتموت و تشوف مراد ازاى
نسرين ٠٠٠ انشاء الله هتكون من نصيبه
شيرين ٠٠٠ امتى يا نسرين . البنت كل يوم بترفض عريس بسبب مراد . و مراد ولا كأنه هنا . حتى هايدى بتشتكى انه مش مهتم بيها
نسرين ٠٠٠ انتى عارفه مراد جد شويتين
و مابيحبش يظهر مشاعره . بس انا عارفه هو بيعز هايدى أد أيه
بقلم٠أروى٠عادل
فى جنينة القصر
~~~~~~~~~~~~~
كان أسلام يجلس مع لؤى
لؤى ٠٠٠ عارف يا أسلام من يوم إللى حصل وانا مش قادر اطلع البت دى من دماغى
أسلام ٠٠٠ لؤى ابعد عن تمارا احسنلك .
البنت محترمه و مالهاش فى السكه دى
ولا عايز مراد يمد ايده عليك تانى
لؤى ٠٠٠ ماتفكرنيش انا سكت بس المره إللى فاتت عشان انا كنت غلطان . دخلت للبنت بطريقة غلط . لكن المردى هدخلها صح و هتشوف
أسلام ٠٠٠ انت شكلك مش هتهدى غير لما مراد يخلص عليك
لؤى ٠٠٠ و مراد ماله بس بالحوار ده.
أسلام ٠٠٠ شكلك مش هتجبها لبر.
هنا رأى لؤى تمارا مع حسام لذلك قال لؤى
لؤى ٠٠٠ انسه تمارا . انسه تمارا
نظرت له تمارا بضيق لما ترد عليه بينما قال
بقلم٠أروى٠عادل
حسام ٠٠٠ عايز أيه يا لؤى من تمارا
لؤى ٠٠٠ أنا كنت عايز الانسة تمارا تقبل أعتذارى .
ثم نظر ل تمارا كمل عبارته وقال
لؤى ٠٠٠ ممكن تقبلى أعتذارى.. تصدقينى انا ماكنتش اقصد إللى حصل . انا بس كنت بهزر معاكى . و شكلى هزارى طلع تقيل و رخم أوى
تمارا ٠٠٠ هو هزارك بس إللى تقيل
و رخم و بعدين انت تعرفنى مين عشان تهزر معايا
لؤى ٠٠٠ خلاص بقى مايبقاش قلب اسود .. بعدين ما انتى اخدتى حقك ولا نسيتى
تمارا ٠٠٠ اه اخدت حقى آمال كنت عايز تقل أدبك و اسكتلك
حسام ٠٠٠ خلاص يا تمارا حصل غير
تمارا ٠٠٠ ماشى خلاص
لؤى ٠٠٠ طيب طالما سامحتينى يبقى تيجى تشربى حاجة معايا
تمارا ٠٠٠ نعم بتقولك ايه
لاحظ لؤى ضيق تمارا من طالبه لذلك قال
لؤى ٠٠٠ قصدى تشربى حاجة معانا يعنى انا و حسام و أسلام
تمارا ٠٠٠ متشكره انا مش فاضيه
لؤى ٠٠٠ يبقى لسه زعلانه
تمارا ٠٠٠ ( بحده)الله قولتلك خلاص مش زعلان
ثم أخذت حسام و ذهبت لجيم مره أخرى لتقوم بأنهاء باقى الجلسة ل حسام
بينما ضحك أسلام على لؤى بعد اللى قالته له تمارا
لؤى ٠٠٠ بتضحك ليه
أسلام ٠٠٠ ( بسخريه ) يادى الكسوف .
ما قولتلك البنت محترمة عملتلى فيها دنجوان زمانك قولتلى لاء انا إللى دخلت داخله غلط . هى دى بقى الداخله الصح
لؤى ٠٠٠ ( بأحراج) عادى هى بس لسه مش اخده عليا . بعدين كلهم بيجوا فى الاخر و بكره تشوف
أسلام ٠٠٠ طيب نصيحه منى بلاش
قال جملته ثم انصرف لداخل القصر و لم يرد على لؤى عندما قال له
لؤى ٠٠٠ بلاش أيه..
هايدى ٠٠٠ هاى مراد
مراد ٠٠٠ هى مش كان أسمها صباح الخير
هايدى ٠٠٠ بطل رخامه بقى يا مراد.
وهنا جاءت تمارا و معاها حسام للمره الثانيه
وعندما رأت هايدى تمارا قالت
هايدى ٠٠٠ هى البتاعه دى لسه هنا
لم ينتبه مراد لوجود تمارا وحسام لذلك قال
بقلم٠أروى٠عادل
مراد ٠٠٠ بتاعت ايه دى
هايدى ٠٠٠ الممرضة
مراد ٠٠٠ اه تمارا . مالها
هايدى ٠٠٠ هى لسه بتشتغل هنا
مراد ٠٠٠ اه
هايدى ٠٠٠ أنا مش عارفه أزاى انتو سيبنها هنا بعد إللى عملته مع لؤى
مراد ٠٠٠وهى عملت ايه مع لؤى
هايدى ٠٠٠ اتجرئت و مدت ايدها عليه
مراد ٠٠٠ طيب ماهو يستاهل..مش قل أدبه معاها يستحمل به
هايدى ٠٠٠ أنت بتقول أيه ..واحده زى دى تطول ان واحد زى لؤى يبصلها. ولا انت دخل عليك الشويتين إللى عملتهم .. ده حتى باين عليها من شكلها انها بنت مش ساهله
كانت هايدى تنظر ل تمارا بأشمئزاز وهى بتتحدث .لذلك فهمت تمارا انهم يتحدثوا عنها
بينما شعر مراد بضيق من حديث هايدى لذلك قال بحده
مراد ٠٠٠ هايدى ياريت تقفلى على الموضوع ده احسن ممكن
هايدى ٠٠٠ مالك أدايقت ليه
مراد ٠٠٠ ولا أدايقت ولا حاجة ممكن تسيبنى اكمل التمارين
هايدى ٠٠٠ حاضر بس ممكن تقولى انت ليه ماردتش على اتصلى أمبارح
رد عليها مراد ببرود وهو يقوم بعمل تمارينه على إحدى أجهزة الجيم
مراد ٠٠٠ اكيد ماكنتش فاضى
هايدى ٠٠٠ هو انت على طول كده مش فاضى .
مراد ٠٠٠ اعمل ايه هو شغلى كده بيخلينى مشغول طول الوقت
كانت تمارا تنظر لهم من الحين و الآخر بينما قال حسام
حسام ٠٠٠ايه رأيك كده
تمارا ٠٠٠ كويس أوى بس ممكن تحاول ترفع رجلك اكتر
حسام ٠٠٠ مش قادر
تمارا ٠٠٠ معلش حاول
رفع حسام قدمه لذلك كملت تمارا كلامها وقالت
بقلم٠أروى٠عادل
تمارا ٠٠٠ برافو عليكى ممتاز انت بتتحسن
كل يوم عن اليوم إللى قبله
حسام ٠٠٠ افضل ليكى
تمارا ٠٠٠ حسام هى مين البنت إللى واقفه مع
استاذ مراد
حسام ٠٠٠ دى هايدى أخت لؤى . بتسألى ليه
تمارا ٠٠٠ أصلها كانت بتبص عليه بطريقة
مستفزة شوية
حسام ٠٠٠ متخديش فى بالك أكيد متهيألك
لا تعلم لماذا شعرت تمارا بضيق من حديث هايدى مع مراد كما كانت لديها فضول لتعرف طبيعة العلاقة بينهم لذلك قالت
تمارا ٠٠٠ يمكن. بس شكلهم منسجمين مع
بعض هو فى حاجة بينهم
حسام٠٠٠أه تقريبآ شبه مخطوبين
قالت تمارا بسرعة و بدون تفكير
تمارا ٠٠٠ ايه ده يعنى مراد خاطب .
حسام ٠٠٠٠ عادى فيها ايه دى
تمارا ٠٠٠ لاء مش قصدى بس هو مش باين عليه انه خاطب
حسام٠٠٠ وهو هيبان عليه ازاى انه خاطب
حاولت تمارا تبرر لحسام ماذا تقصد
تمارا ٠٠٠ قصدى انه هو مش لابس دبله فى
ايده
حسام ٠٠٠ ده عشان مافيش حاجة رسمى
تمارا ٠٠٠ يعنى مراد بيحبها
هنا لعنت نفسها على سؤالها الغبى لذلك حاولت تعدل من سؤالها فقالت
تمارا٠٠ قصدى يعنى ارتبطهم عن حب ولا ايه
حسام ٠٠٠ هايدى بتحب مراد من زمان بس
مراد ما أظنش انه بيحبها لانه مابعرفش يحب
أساسآ ان اشك ان مراد عنده قلب زينا أصلآ
تمارا٠٠٠ آمال هيتجوزها ليه
حسام ٠٠٠ عشان الست نسرين هانم عايزه
كده .
تمارا ٠٠٠ يعنى يتجوزها بس عشان والدته عايزه كده
حسام ٠٠٠ و دى شويه . ماما طالما عايزه حاجة لازم تحصل . بس لحاد دلوقتى فى
اختلاف بين مراد و ماما بسبب الحوار ده .
هنا قالت تمارا بصوت غير مسموع
تمارا ٠٠٠ ان شاء الله مش هيحصل
حسام ٠٠٠ بتقولى إيه
تمارا ٠٠٠ ولا حاجة يلا نكمل الجلسة
بقلم٠أروى٠عادل
هايدى ٠٠٠ طيب ممكن أعرف هتفضالى أمتى يا مراد
مراد ٠٠٠ و آنا أفضالك ليه .
هايدى ٠٠٠ أنت عارف ليه كويس أوى
مراد ٠٠٠ وانتى عارفه رأيى فى حوار ده كويس أوى بردوا
هايدى ٠٠٠ مراد انا بحبك
مراد٠٠٠ مش ذنبى . ومن الاخر كده انا لا بتاع أرتباط ولا خطوبه ولا جواز
اتعصبت هايدى فقالت بصوت عالى و كأنها نسيت وجود تمارا و حسام
هايدى ٠٠٠ انت ليه بتعمل معايا كده انت عارف انا أد أيه بحبك و على فكره انت كمان بتحبنى بس بتكابر ولا ناسى الكلام إللى كنت بتقوله ليا زمان
بعد ما انتهت هايدى من جملتها بحركه غير أرادية نظره مراد ل تمارا التى كانت هى ايضآ تنظر له بعد ما سمعت كلام هايدى
ظلوا ينظرون لبعض لكن سرعان ما انزلت تمارا عينيها للأرض بخجل
. وهنا أراده حسام ان يتركهم لوحدهم فقال
حسام ٠٠٠ تمارا كفاية كده النهاردة يلا بينا
هزت رأسها بأيجاب ثم نظرت نظره اخيره على مراد قبل أن تغادر بينما ظل مراد ينظر إليها حتى تلاشت من أمامه . هنا قالت هايدى
هايدى ٠٠٠ أيه لدرجدى عجباك. مش قادر تشيل عينك من عليها
الخامس عشر من هنا
