رواية التضحية بالحب الفصل الثاني عشر 12 بقلم أروي عادل
بدأت تمارا فى تغير على الجرح ولم تلاحظ عيون مراد التى كانت تتفحص كل انش من وجهها بأستمتاع
عندما رفعت تمارا وجهها فتقابلت أعينهم
نسرين ٠٠٠ ايه إللى بيحصل هنا . هى حصلت لكده
مراد ٠٠٠ ماما انتى بتقولى إيه
نسرين ٠٠٠ تانى يا مراد. تانى انت مافيش فايده فيك
تمارا ٠٠٠ حضرتك تقصدى ايه بكلامك
نسرين ٠٠٠ انتى تخرسى خالص مش عا….
قبل ما تكمل جملتها قال مراد بحده
مراد ٠٠٠ ماما قبل ما تغلطى أفهمى الأول
هنا خرجت حور من ألتراس وقالت قبل أن ترى نسرين
حور ٠٠٠ أيه خلصتى يا تمارا
ثم نظرة حور ل نسرين ثم كملت جملتها بتوتر
حور ٠٠٠ مامى انتى هنا
نسرين ٠٠٠ ( بأستغراب ) انتى كمان هنا هو فى ايه
حور ٠٠٠ أنا كنت جايه مع تمارا عشان
ثم سكتت وهى نظر ل مراد لانه طلب منها أنها لا تخبر أحد عن أصابته
لذلك أستلقى مراد على الفراش مره أخرى
و رفع التشيرت و قال
مراد ٠٠٠ يلا يا تمارا كملى إللى كنتى بتعمليه
هنا انتبهت نسرين للجرح فى جانب الايمن
ل مراد
ثم نظرت ل تمارا التى كانت ماسكه فى يديها زجاجة مطهر و قطنه لذلك شعرت بأحراج
هنا قال مراد ل تمارا التى كانت واقفه مكانها لم تتحرك
مراد ٠٠٠ التى واقفه كده ليه بقولك كمل غيار على الجرح
نسرين ٠٠٠ هو انتى هنا عشان
قطع عبارتها مراد وقال
بقلم٠أروى٠عادل
مراد ٠٠٠ عشان تغيرى على الجرح . ولا انتى كنتى فاكره ايه يا نسرين هانم .ياريت تبقى تنتبهى على نفسك قبل ما ترمى الاتهامات من غير اي اساس .
نسرين ٠٠٠ و اعرف منين انك مصابه .. و اى حد مكانى كان هيفكر بنفس الطريقه .. على العموم حصل خير فهمت غلط
مراد ٠٠٠ حصل خير بسهوله كده
نسرين ٠٠٠ امال المفروض اعمل ايه
مراد ٠٠٠ ( بسخريه ) بسيطه إوى كان ممكن تسألى عادى يعنى . بعد كده ترمى اتهاماتك براحتك .
هنا شعر مراد بضيق عندما رأه تمارا تمسح دمعه هاربه على خديها غصب عنها لذلك كمل كلامه وقال
نسرين ٠٠٠ ياريت بعد كده حضرتك تاخدى بالك لان اتهاماتك بتوجع مش ليا انا
انا خلاص بقيت متعود عليها . بس فى ناس لسه جديده مش اخدين على اتهامات حضرتك
نسرين ٠٠٠ خلاص بقى يا مراد انت مصدقت تمسك غلطه عليا .. بعدين انت أزاى تكون مصاب وانا معرفش
هنا نظرا مراد ل تمارا
كانت تمارا تسمع ما يحدث بصمت رغم غضبها من أتهام نسرين الذى أهانها
لذلك توجهت لباب الغرفه و عندما كانت على وشك الانصراف فقالت حور
حور ٠٠٠ تمارا رايح فين ..
تمارا ٠٠٠ أنا خلصت شغلى النهارده . و المفروض كنت روحت من نص ساعة
مراد٠٠٠ بس انتى لسه ماخلصتيش غيار على الجرح . ولا هتسيبى الجرح كده و تمشى
لم ترد تمارا اكتفت فقط بأقتراب من مراد
و التغير على الجرح من غير ما تنطق بحرف واحد
نسرين ٠٠٠ من ايه الجرح ده
رد مراد بسرعة قبل ان ترد حور
بقلم٠أروى٠عادل
مراد ٠٠٠ من الشغل
نسرين ٠٠٠ ماقولتش ليه
مراد ٠٠٠ من امتى انا بقول حاجة زى كده
هنا لاحظت تمارا انه ليس الجرح الوحيد
بلا لقد كان لديه مراد بعض الندبات فى جسده
نسرين ٠٠٠ هو ده إللى بنخدوا من شغلك فى البوليس كل فتره أصابه .. و عليك من كل ده بأيه ما تسيبك من شغل البوليس ده و …..
قطع عبارتها مراد وقال
مراد ٠٠٠ ياريت بلاش نتكلم فى الموضوع ده تانى لان انتى عارفه ردى كويس أوى
نسرين ٠٠٠ مراد انا خايفه عليك .من الشغل إللى كل خطر ده هو انت ما متخافش على نفسك
مراد ٠٠٠ هخاف من ايه يعنى هموت ياريت
أهو على الأقل ترتاحوا منى
نسرين ٠٠٠ أيه إللى بتقوله ده مين هيرتاح لو جرالك حاجة لقدر الله .. هو انت فاهم بتقول ايه
هنا قالت تمارا التى انتبهت نسرين انها مازالت موجوده
تمارا٠٠٠ انا خلصت غيار على الجرح عن أذنكم
نسرين ٠٠٠ ايه ده انا ماخدتش انك لسه موجوده .
مراد ٠٠٠ انتى فى حاجات كتير أوى مابتخديش بالك منها مش دى بس
هنا انصرفت تمارا وخلفها حور
ثم نزع التشيرت و لبس قميص و اخذ مفتاح سيارته و انصرف و ترك نسرين تلعن معامله السيئ التى يتعامل بها مراد معاها
بقلم٠أروى٠عادل
فى الصالون
~~~~~~~~~~
نسرين ٠٠٠ سهى تعالى هنا
سهى ٠٠٠ نعم يا ستى هانم
نسرين ٠٠٠ بعد كده لما تقوليلى على حاجة لازم تتأكد منها الأول
سهى ٠٠٠ بس انا قولت لحضرتك إللى شوفته
ان تمارا كانت داخل أوضت مراد بيه
نسرين ٠٠٠ بس ماكنتش لواحدها حور كانت معاها
سهى ٠٠٠ و اللهى يا هانم انا ماشوفتش ست حور خالص
نسرين ٠٠٠ طيب غورى من وشى و بعد كده ابقى أتأكدى الأول قبل تقوليلى على حاجة
سهى ٠٠٠ حاضر يا هانم
قالت جملتها ثم انصرفت هنا جاء صوت يوسف بعد ما سمع بعض من حديث نسرين و سهى لذلك قال
يوسف ٠٠٠ انتى بتخلى الخدامة بتاعتك تتجسس على ولادك هى حصلت .
نسرين ٠٠٠ أنا أم و لازم اعرف ولادى بيعملوا ايه من ورايا
يوسف ٠٠٠ ولادك مبقوش صغيرين عشان تراقبيهم
نسرين ٠٠٠ مهما كبروا هيفضلوا فى نظرى صغيرين .
يوسف ٠٠٠ انتى مصدقة الكلام إللى انتى بتقوليه ده
نسرين ٠٠٠ ولادك مبقوش يقوليلى على حاجة كان لازم اعمل كده عشان اعرف و افهم ايه إللى بيحصل معاهم . عندك الأستاذ مراد عايش معانا فى البيت واحنا منعرفش عنه ايه حاجة. تعرف انه مصاب و احنا منعرفش انا نفسى عرفت بصدفه
يوسف ٠٠٠ عارف و عارف كمان إللى عملته مع مراد و تمارا
نسرين ٠٠٠ حور حكيتلك مش كده
يوسف ٠٠٠ أيوه حكيتلى .
نسرين ٠٠٠الموضوع كان سوء تفاهم و انتهى
يوسف ٠٠٠ نسرين قوليلى لو داخلتى شوفتى حسام هو إللى كان فى نفس الموقف مع تمارا مش مراد كان رد فعلك هيبقى هو هو ولا كان اتغير
نسرين ٠٠٠ قصدك أيه بسؤالك ده . بعدين انت عارف ان حسام مابيغلطش . و عاقل غير مراد
يوسف ٠٠٠ هو انتى ليه على طول شايفه مراد هو غلطان و شخص متهور و مستهتر
نسرين٠٠٠ هى دى مش الحقيقة. ولا انت مش شايف مراد بيتعامل مع الكل ازاى ..كمان نسيت إللى عمل مع مرات اخوه
يوسف ٠٠٠ لا مش نسيت .بس مش عشان غلطه واحده هيفضل يحتسب عليها طول حياته .. بعدين احنا ما نعرفش حصل ايه فى الليله المشؤمة دى كلنا انشغلنا بحادثة حسام و ماحدتش سأل مراد ايه إللى حصل
مش يمكن مراد مظلوم
نسرين ٠٠٠ و هو لو مظلوم كان هيسكت الفتره دى كلها سكوته أكبر دليل على خيانته لأخوه .
يوسف ٠٠٠ نسرين بلاش تحملى مراد فوق طاقته لأنه هيجى يوم و ينفجر ساعتها هتخسرى ابنك
نسرين ٠٠٠ هو انت فاكر انى مبسوطه بعلاقتى بمراد إللى زى الزفت دى . بس انا مش قادره اسامحه على إللى عمله فى أخوه
يوسف ٠٠٠ أنا تعبت معاكى كلام فى الموضوع ده .. بس فى أخر حاجة هقولهلك
يا نسرين. خفى عن مراد شويه قبل ما يجى اليوم إللى تندمى فيه
قال جملته ثم انصرف و تركها
بقلم٠أروى٠عادل
غرفة حسام
~~~~~~~~~
تمارا ٠٠٠ انا خلصت ممكن أروح بقى
حسام ٠٠٠ طيب ممكن تقرأى ليا كمان شويه
تمارا ٠٠٠ حسام انا اتأخرت و دى تانى مره أقرأ ليك النهاردة
حسام ٠٠٠ طيب خلاص بس ما تتأخريش عليا الصبح بالله عليكى انا مش هفطر غير لما تيجى
تمارا ٠٠٠ حاضر تصبح على خير
حسام ٠٠٠ و انتى من أهله
غادرت تمارا غرفة حسام
وهى كانت على وشك الخروج من القصر نادت عليها حور و قالت
حور ٠٠٠ تمارا .. تمارا كويس انى لحقتك
تمارا ٠٠٠ خير فى حاجة
حور ٠٠٠ أول حاجة انا بتأسفلك على سوء التفاهم إللى حصل من شوية. من مامى .هى بس فهمت غلط
تمارا ٠٠٠ خلاص ولا يهمك حصل خير
حور٠٠٠ طيب اتفضل . ده المرتب بتاعك
تمارا ٠٠٠ تمام شكرآ
حور ٠٠٠ تحبى أوصلك
تمارا ٠٠٠ لاء متشكره عن أذنك
و تركتها تمارا و أنصرفت و عندما كانت خارج القصر رأت سياره هى تعرفها جيدآ
هنا اتفتح زجاج نافذة السيارة
مراد ٠٠٠ تعالى اركبى
تمارا ٠٠٠ لاء متشكره انا هاخد تاكسى
مراد ٠٠٠ أنا مش بعزم عليكى . انا عايز اتكلم معاكى
تمارا ٠٠٠ ( بأستغراب)تتكلمى معايا فى ايه
مراد ٠٠٠ يعنى اتكلم فى ايه هحب فيكى مثلآ تمارا ٠٠٠ متتكلم كويس بلاش استفزاز عايزنى ليه
مراد ٠٠٠ فى حوار الشقة ارتحتى كده يلا تعالى أركبى
هزت رأسها بأيجاب ثم ركبت السيارة ثم انطلق مراد بالسياره وقال
مراد ٠٠٠ اتأخرتى ليه انا مستنيكى من بدرى
تمارا ٠٠٠ مستنينى انا ليه
مراد ٠٠٠ قولتلك عشان حوار الشقة
تمارا ٠٠٠ على فكره لو ماعرفتش تلاقى الشقة عادى مش مشكله
مراد ٠٠٠ أنا مراد مهران مش عرف القى حتة شقة
تمارا ٠٠٠ يعنى لاقيتها.
مراد ٠٠٠ اه لاقيتها لو تحبى تتفرجي عليها هى قريبه من هنا
تمارا ٠٠٠( بدهشة ) هنا فين
مراد ٠٠٠ هنا فى الزمالك
تمارا ٠٠٠ لاء حضرتك فهمت غلط احنا عايزين شقة على قدنا يعنى فى حدود امكانياتنا
مراد ٠٠٠ عارف
تمارا ٠٠٠ لما انت عارف جايب لينا شقة فى الزمالك . انت عارف الشقه هنا بكام .
مراد ٠٠٠ عارف . بس انا اجيبلك شقه لؤطه
بقلم٠أروى٠عادل
تمارا ٠٠٠ بس بردوا اكيد طالما فى الزمالك هتبقى غالية علينا
مراد ٠٠٠ طيب ممكن تسكتى و تسمعينى
تمارا ٠٠٠ اتفضل
مراد ٠٠٠ الشقة دى صاحبها مسافر بكره محتاج فلوس الشقه ضرورى بكره .طبعآ مافيش وقت عشان كده هيبعها بأى سعر
تمارا ٠٠٠ بس هو لو عرض الشقه للبيع هيلاقى الف من يشتريها
مراد ٠٠٠ عندك حق بس هو عايز فلوس كاش والبنوك أجازة بكره وهو مسافر بكره يعنى معندهوش وقت عشان كده هيقبل بأى سعر
وغير كده.. انا كانت عامل لصاحب الشقة خدمة عشان كده هو هيردهالى فى تمن الشقة
تمارا ٠٠٠ يعنى كده مش حرام .اننا يعنى بنستغل ظروف الراجل
مراد ٠٠٠ لاء .. بعدين بقولك ايه متوجعيش دماغى عايزه الشقة ولا لاء
تمارا ٠٠٠ اه عايزها .بس٠٠٠٠٠
وقبل أن تكمل عبارتها قال
مراد ٠٠٠ مافيش بس . بكره الساعة عشره الصبح نتقابل فى الشقة هاتى رقم تليفونك عشان ابعتلك الوكيشن
بعد ما اخذ مراد رقم الهاتف . نظرات تمارا أمامها و فجأة وقف مراد أمام كافيه
تمارا٠٠٠ هو انتى وقفت هنا ليه
مراد ٠٠٠ هدخل كافيه محتاج أشرب فنجان قهوة لأنك صدعتينى .. يلا تعالى انزلى
تمارا ٠٠٠ لاء اتفضل انت و انا هاخد تاكسى من هنا و أروح
مراد ٠٠٠ ليه حد قالك عنى بخيل من هقدر أعزمك على حاجة تشربيها
تمارا ٠٠٠ لاء . بس انا خايفه اتأخر . و ماما مابترحمش
مراد ٠٠٠ متخافيش انا مش هأخرك.. هشرب فنجان قهوة و نمشى على طول
دخلت تمارا مع مراد للكافيه
داخل الكافيه
~~~~~~~~~~~
فجأة وجدت تمارا نفسها تجلس فى الكافيه مع شاب وهو مراد لأول مره فى حياتها لذلك شعرت بأرتباك
مراد ٠٠٠ ها قوليلى تشربى ايه
تمارا ٠٠٠ لاء متشكره مش عايزه
مراد ٠٠٠ لا هتشربى . انا هاخد قهوة و انتى
تمارا ٠٠٠ ( بتوتر) تمام هاخد زيك
ثم نظره للجرسون وقال له
مراد ٠٠٠ اتنين قهوة لو سمحت
عندما كانوا فى انتظار القهوة كانت تمارا تلتفت يمين و يسار و كأنها تفعل شئ من الكبائر
عندما لاحظ مراد توترها قال لها
مراد ٠٠٠ فى ايه مالك . عامله تتلفتى حواليكى كده ليه
تمارا ٠٠٠ ( بأرتباك ) لاء عادى مافيش
أول ما الجرسون جاب القهوة قالت تمارا
بقلم٠أروى٠عادل
تمارا ٠٠٠طيب مش يلا نمشى
مراد ٠٠٠ طيب نشرب القهوة الاول.. تمارا هو انتى أول مره تخرجى مع شاب أقصدى يعنى اول مره تقعدى فى كافيه مع حد
هزت تمارا رأسها بأيجاب.. هنا لا يعرف مراد لماذا شعر بالسعادة حينها لذلك قال
مراد ٠٠٠ طيب وافقتى ليه
ردت تمارا بمنتهى العفوية
تمارا ٠٠٠ انت مش أدتنى اي فرصه ارفض
ابتسم مراد وهو يتأمل تمارا بأستمتاع لذلك توترت تمارا و ارتشفت أول رشفه من فنجان القهوة فعقدت حاجبيها بضيق ثم سعلت هنا أسرع مراد و أعطاها كوب ماء لذلك قال مراد
مراد ٠٠٠ مالك وشك جاب ألوان كده ليه
تمارا ٠٠٠ يا ساتر يارب القهوة دى طعمها وحش أوى
مراد ٠٠٠ مالها القهوة فيها حاجة
هنا أرتشف مراد رشفه من فنجان تمارا.
ثم كمل عبارته و قال
مراد ٠٠٠ طيب ما القهوة كويسه مافيهاش حاجة
ردت تمارا بطريقة طفولية
تمارا ٠٠٠ بصراحة انا مبحبش القهوة
ما أعرفش انتو بتشربوا القهوة دى ازاى
هنا ضحك مراد وقال
مراد ٠٠٠ طيب ايه إللى خلاكى تطلبى قهوة
تمارا ٠٠٠ مش انت اللى طلبت قهوة
مراد ٠٠٠ هو يعنى عشان انا طلبت قهوة لازم تطلبى زى ما انا طلبت
تمارا ٠٠٠ هو انا عارفه بقى
هنا ضحك مراد على عفوية تمارا ثم نادى على الجرسون وقاله
مراد ٠٠٠ شيل يا أبنى القهوة دى و هات عصير مانجا فريش
انصرف الجرسون ثم كمل مراد عبارته
بقلم٠أروى٠عادل
مراد ٠٠٠ أظن انتى بتحبى عصير المانجا
تمارا ٠٠٠ أنت عرفت منين انى بحب عصير المانجا
مراد ٠٠٠ ده العصير إللى كبتيه على عربيتى ولا نسيتى
تمارا ٠٠٠ ( بأحراج ) انت لسه مصمم انى انا إللى كبيت العصير على العربية
مراد ٠٠٠ أيه هتنكرى
تمارا ٠٠٠ بصراحة لاء . بس انتى إللى نرفزتنى لما كنت عايز تخبطنى بالعربية
مراد ٠٠٠ هتقولى ايه بقى مجنون زى ما قولتى لأختك عنى
تمارا ٠٠٠( بأرتباك ) انا ماقولتش حاجة لحد هى لما حكيتها عليك قالت انك مجنون
مراد ٠٠٠ طيب حكيتها عنى ايه
ردت تمارا بسرعة
تمارا ٠٠٠ قولتها انك واحد مغرور و بارد
و مستفز و مجنون
وضعت تمارا ايدها على فمها ولعنت زلة لسانها و اندفعها بينما ابتسم مراد وقال
مراد ٠٠٠ ها كملى قولتى مغرور و بارد
و مستفز و مجنون و ايه كمان
تمارا٠٠٠ ( بتوتر) خلاص بقى متحرجنيش
مراد ٠٠٠ غريبة ماكنتش متوقع انك تكونى بتكسفى و وشك بيحمر زى البنات
وهنا تغيرت ملامح تمارا و قالت بحده
تمارا ٠٠٠ ننننعم تقصد ايه يعنى بزى البنات آمال انت كنت شايفنى راجل قدامك يعنى
مراد ٠٠٠ اه راجل و بشنبات كمان
تمارا ٠٠٠ ( بغضب) بقى انا راجل و بشنبات. لاء انت كده مش محتاج نظارة نظر وبس . لاء انت محتاج تشيل عينك خالص لان شكلها بطلت تشتغل
هنا قهقه مرات بصوت عالى وقال
مراد ٠٠٠ يعنى شايفه ان عينى بطلت تشتغل
تمارا ٠٠٠ طبعآ مش شايفنى راجل بشنبات
يبقى عيونك عطلانه
هنا نظره مراد فى عيون تمارا وقال بأعجاب
بقلم٠أروى٠عادل
مراد ٠٠٠ بظرف النظر عن طول لسانك بس عيونى و مش عطلانه لانها شايفكى أجمل بنت شافتها عيونى . كمان انتى عل……
قطعت جملته بخجل وقالت
تمارا ٠٠٠ أنا اتأخرت لازم أروح دلوقتي
ثم قامت بسرعة لم تعطى مراد مجال للأعتراض ثم غادروا الكافيه
فى السيارة و طول الطريق لم تنطق تمارا
بولا كلمه و هى تفكر بماذا حدث بينها و بين مراد طول اليوم
بينما مراد كان يختلس نظره على تمارا من الحين للأخر وهو يؤنب نفسه كيف ترك مشاعر تتحكم به. و كيف يتخلص من تأثير تمارا عليه التى جعلته يفعل و يقول أشياء
ليست من طبعه و كأنه يفقد عقله عندما تكون تمارا قريبه منه
كسر صمتهم صوت تمارا وهى تقول
تمارا ٠٠٠ نزلنى هنا
مراد ٠٠٠ ليه انا هوصلك لحد البيت
تمارا ٠٠٠ لاء معلش انا هنزل هنا على أول الشارع عشان بس كلام الناس لما تشوفنى
راكبه عربية زى دى
مراد ٠٠٠ تمام براحتك بس انا هقف هنا لحد
ما اشوفك داخله البيت
ابتسمت تمارا ثم هزت رأسها بأيجاب ثم
انصرفت . بعدها غادر مراد بعد ما رأها دخلت منزلها
لكن بعد ما دخلت المنزل اوقفتها أم عصام انتى كانت تراقبها منذ خروجها من السيارة
و نادت عليها وقالت بصوت عالى لكى يسمعها جميع أهل المنطقة
أم عصام ٠٠٠ بقى كده دخلتى ابنى السجن عشان تمشى على حل شعرك مش كده يا بنت ميرفت
