رواية التضحية بالحب الفصل الثالث عشر 13 بقلم أروي عادل
و بعد ما دخلت المنزل اوقفتها أم عصام التى كانت تراقيها منذ خروجها من السيارة
و نادت عليها و قالت بصوت عالى لكى يسمعها جميع أهل المنطقة
ردت تمارا بدهشه و قالت
تمارا ٠٠٠ أنتى بتخرفى بتقولى إيه يا ست انتى
أم عصام ٠٠٠ بقول الحقيقة عشان الشارع كله يعرف حقيقتك اسمعى يا حاره الست تمارا إللى عامله فيها محترمه .دخلت ابنى السجن عشان يخلالك الجو مع عشيقك
تمارا ٠٠٠ لا انتى شكلك انهبلتى او سجن ابنك لحس مخك
أم عصام ٠٠٠ ايوه يا بنت ميرفت أعمليهم عليا أو خديهم بصوت . انا لسه شايفكى بعينى وانتى نزل من العربية على أول الشارع مع الواد إللى إللى دخل ابنى عصام السجن
ولا هتنكرى على فكره بقى ام سيد شافتك معايا
تمارا ٠٠٠ وانا هنكر ليه انا مابعملش حاجة غلط . بعدين انتى مالك. انا حره
فى ذلك الوقت فى منزل ميرفت
بقلم٠أروى٠عادل
٠٠٠٠٠٠٠٠٠٠٠٠٠٠٠٠٠
كانت ميرفت تجلس مع بناتها عندما قالت سلمى
سلمى ٠٠٠ أيه صوت الزعيق ده
ميرفت ٠٠٠ اكيد فى خناقه فى الشارع
سلمى ٠٠٠ أمتى بقى ربنا يتوب علينا من الحارة دى و قرافها
ميرفت ٠٠٠ خلاص هانت يا سلمى
ياره ٠٠٠ أنا هروح اتفرج على الخناقة من البلكونة
بعد ما ذهبت ياره للشرفة رجعت مسرعة و قالت
بقلم٠أروى٠عادل
يارة ٠٠٠ الحقى يا ماما دى تمارا يتتخنق مع أم عصام
ركضت كل من ميرفت و سلمى و ياره خلف بعض
نرجع مره أخرى للشارع
٠٠٠٠٠٠٠٠٠٠
إول ما نزلوا الشارع سمعوا أم عصام تقول
أم عصام ٠٠٠ حره لما تكونى عايشة مع نفسك انما انتى ساكنه فى شارع كله رجاله ما يقبلوش الغلط
كانت أم عصام بتحاول تعمل فضيحه ل تمارا
و تشكك فى أخلاقها
هنا سمعت تمارا صوت أحد الرجال و هو بيقول
الراجل ٠٠٠ بنات آخر زمن
نظرت لهم تمارا بحده و قالت
تمارا ٠٠٠ وهى فين الرجاله دى لما انتى و ابنك اتهجمتم علينا فى بيتنا. كان فين الرجاله الرجاله دى لما ابنك جاب صحابه البلطجية و حبسنا فى بيتنا . كان فين الرجاله دى لما واحد غريب عن المنطقة .هو إللى دافع عنى لما كان ابنك عايز يمد ايده عليا ايه فجأة كده الحاره بقى فيها رحاله
هنا نظروا بعض الرجال لبعضهم بخذلان لانهم على يقين من أن كلام تمارا صحيح
و عندما رأت أم عصام نظرات الخذلان فى عيون الرجال حاولت تحرضهم ضد تمارا لذلك قالت وهى بتشاور على بعض الرجال
أم عصام ٠٠٠ يعنى انتى مش عجبك الرجاله إللى واقفه دى
ميرفت ٠٠٠ أم عصام انتى عايزه ايه من بنتى شاغله نفسك بيها ليها
أم عصام ٠٠٠ أنا ياختى هشغل نفسى بست الحسن و الجمال ليه ان شاء الله. انا بس مش بيعجبنى الحال المايل
تمارا ٠٠٠ بقولك ما تجيبى من الاخر و بطلى تعملى شغل التلات ورقات ده لانه مش هينفع معايا
أم عصام ٠٠٠ أنا بعمل شغل تلات ورقات بردوا كل ده عشان خايفه على سمعة الحارة و سمعة بنات الحارة إللى انتى عايزه تبوظيها بمشيك البطال انتى و اخواتك
تمارا ٠٠٠ اخرسى قطع لسانك احنا أشرف و انضف من أن واحد زيك تتكلم علينا . و الحارة كلها تشهد بأخلاقنا
هنا قالت إحدى سيدات
بقلم٠أروى٠عادل
سيده ١ ٠٠٠ صحيح ميرفت و بناتها طول عمرهم محترمين و عمرنا ما سمعنا عنهم حاجة وحشه
سيدة ٢ ٠٠٠ صحيح انا هنا فى الحارة من يوم ما جات ست ميرفت طول عمرها سيرتها زى الفل و بناتها ما يتخيروش عنها
ميرفت ٠٠٠ سمعتى الناس بتقول أيه احنا سيرتنا انضف من الصينى بعد غسيله. فياريت تخرسى و تحطى لسانك جوه بقك أحسنلك
أم عصام ٠٠٠ طيب لما انتى عينك قويه كده قوليلى مين الشاب إللى كان بيوصل بيتك بعربيته لحد أول الشارع
تمارا ٠٠٠ و انتى مال أهلك . مش واحده زيك إللى هتحسبنى ..ولا انتى نسيتى نفسك
و تاريخك الاسود ولا ايه
ياره ٠٠٠ ماهو إللى فيه حاجة بيفتكر الناس كلها زيه
ميرفت ٠٠٠ ياره . تمارا مش عايزه اسمع صوت ولا واحده فيك . عيب دى بردوا ست كبيره
بقلم٠أروى٠عادل
تمارا ٠٠٠ ست كبيرة تبقى تحترم سنها و تتلم
ميرفت ٠٠٠ تمارا قولتلك تسكوتى واتطلعى على فوق
أم عصام ٠٠٠ فوق مين يا حلوه مش لما نعرف مين ….
قطعت جملتها سلمى
سلمى ٠٠٠ اسمعى يا ست انتى احنا سكتنا كتير على عمايلك انتى و الزفت ابنك ..بس توصل انك تتكلمى على أخلاقنا كده جبتى اخرتها و الكيل طفح بقى
أم عصام ٠٠٠ يعنى هتعملوا ايه يا حلوه منك ليها
ميرفت ٠٠٠ هنعمل كده
فجأة صفعتها مرفت على وجهها بقوه ثم كملت كلامها و قالت
ميرفت ٠٠٠ ده عشان اتكلمتى على بناتى بالباطل و اي حد هيفكر يتكلم نص كلمة على بناتى هيشوف منى وشى تانى خالص
وضعت أم عصام يدها على خدها ثم قالت بصراخ
أم عصام ٠٠٠ أنتى بتمدى أيدك عليا اقسم بالله ما هسيبك
حاولت تهجم على ميرفت لكن تمارا دفعتها
ثم وفقوا البنات الثلاث فى وجه أم عصام شعرت ام عصام بالعجز أمامهم لذلك قالت
أم عصام ٠٠٠ ماشى افتكروها.. كلها يومين
و عصام يطلع من السجن و ساعتها كل واحد هيعرف مقامه
تمارا ٠٠٠( بسخريه) لما يطلع بقى . ابقى قوليله تمارا بتقولك طظ تمام يا طنط أم عصومه
ميرفت ٠٠٠ يلا يا بنات اطلعوا على فوق كفايه قلة قيمة لحد كده
ثم تركوا أم عصام تلعن و تسب و تتوعد لهم بالانتقام عن طريق ابنها
بقلم٠أروى٠عادل
فى منزل ميرفت
~~~~~~~~~~~
ميرفت ٠٠٠( بعصبيه) عجبك الفضايح دى
تمارا ٠٠٠ واللهى يا ماما انا معملتش حاجة
سلمى ٠٠٠ اكيد أم عصام بتتبله عليها مش كده يا تمارا
قالت تمارا بتوتر و بأرتباك
تمارا٠٠٠ لاء… هو إللى …..حصل
ميرفت ٠٠٠ أنتى بتأتأى ليه . أوعى يكون كلام
أم عصام صح
تمارا ٠٠٠ استنى انا هفهمكم
سلمى ٠٠٠ تفهمينا ايه .هو فعلآ كان فيه
واحد وصلك بعربيته
تمارا ٠٠٠ أيوه بس مش زى ما الست المجنونه دى قالت
ميرفت ٠٠٠ كده يا تمارا دى اخرتها تخلى واحده زى أم عصام تعايرنى بيكى
تمارا ٠٠٠ ماما واللهى انا معملتش حاجة غلط
لو سمحتى بس اسمعينى
ياره ٠٠٠ ماما انتى عارفه تربيتك لازم يكون عندك ثقه فى تمارا
ميرفت ٠٠٠ أه عارفه تربيتى و عندى ثقه فيكم
كلكم .عارفه ان تمارا معملتش حاجة غلط
و رغم كده أدت فرصه لوحده زى أم عصام
تتكلم عنها بالباطل
تمارا ٠٠٠ طيب وانا اعرف منين انها هتشوفنى و انا نازله من عربية الأستاذ مراد
سلمى ٠٠٠ و انتى ركبتى العربيه معاها ليه من
أساس
تمارا٠٠٠ هقولكم .. النهارده و انا طالعه من القصر نادى عليا الأستاذ مراد و طلب منى انه يوصلني فى الاول رافضت بس هو قالى انه عايز يكلمنى على حوار الشقة عشان كده وافقت اركب معاها
ثم حكت تمارا عن كل شئ خاص بالشقه
لكنها لم تذكر ذاهبها مع مراد للكافيه
تمارا ٠٠٠ هو ده كل إللى حصل
ياره ٠٠٠ أنتى بتتكلمى بجد هو جايب لينا شقه فى الزمالك حتة واحده
ميرفت ٠٠٠ استنى بس يا ياره .. يابنتى انتى
مش فهمتي احنا أمكانياتنا ايه
تمارا ٠٠٠ ماما ما انا قولتلكم على كل حاجة
إللى أنا قولته و إللى هو قاله
ياره٠٠٠ احنا معانا كام لحاد دلوقتى يا ماما
ميرفت ٠٠٠ فى ٦٥٠ الف جنيه تمن الشقة و احنا محوشين ٢٥٠ الف جنيه يبقى ٩٠٠ الف
ياره ٠٠٠ اكيد الشقة أغلى من كده بكتير
تمارا ٠٠٠ طيب ايه رأيك نبيع الدهب إللى عندنا
ميرفت ٠٠٠ بس ده الحاجة الوحيده إللى
فاضله من أبوكم .بعد ما أهله أبوكم اخدوا الميراث كله و انا كنت شايلاه لجهازكم
سلمى ٠٠٠ ماما الشقة لؤطه و متسبش . و اي حاجه تانى تتعوض
تمارا ٠٠٠ أيوه يا ماما الدهب هيتعوض بس الشقه دى مش هتقدر نلاقى زيها تانى
ميرفت ٠٠٠ بس يا بنتى الدهب ده مش هيجيب اكتر ٢٥٠ الف و الشقة بردوا هتبقى غاليه علينا
ياره ٠٠٠ احنا نعمل إللى علينا و انشاء الله ربنا مش هيكسفنا
ميرفت ٠٠٠ حاضر بكره نروح نبيع الدهب
سلمى ٠٠٠خلاص أحنا نروح نشوف الشقة بكره
ميرفت ٠٠٠ يابنتى لو اللى بيتكلم مجنون يبقى
اللى بيسمع يكون عاقل . شقة فى الزمالك
اكيد بالشيئ الفلانى
تمارا ٠٠٠ أحنا هنروح نشوفها بكره . اهو مش هنخسر حاجة
ميرفت ٠٠٠ خلاص نروح بكره .سلمى اتصلى على حاتم . اهو راجل يكون معانا
سلمى ٠٠٠ بس حاتم فى الأسكندرية
تمارا ٠٠٠ خلاص يا ماما . بعدين الأستاذ
مراد هيكون معانا
ميرفت ٠٠٠ خلاص انشالله خير
بقلم٠أروى٠عادل
فى الشقة الجديدة
~~~~~~~~~~~~~
وصلت تمارا للعنوان الذى إرساله لها مراد
بينما كان مراد فى انتظارهم مع أسلام و صاحب الشقة
بينما انبهرت ميرفت و بناتها من الشقة
و عندما قال صاحب الشقة عن السعر قالت مرفت
ميرفت ٠٠٠ انت عايز تفهمنى انك هتبيع الشقة بمليون جنية بس
صاحب الشقة ٠٠٠ ايوه لانى مستعجل لو الفلوس جاهزه معاكم دلوقتى يبقى نمضى العقد على طول
قلقت ميرفت لانها تعلم أن الشقة ثمنها أكثر من مليون بكثير لذلك قالت
ميرفت ٠٠٠ بس انا لازم أشوف محامى الاول و كمان أسأل على الشقه ان كل اوراقها سليمة
قال مراد بعد ما لاحظ قلق ميرفت
مراد ٠٠٠ متخافيش انا ضامن بقولك كل الاوراق سليمه
ميرفت ٠٠٠ يعنى انت متأكد
مراد ٠٠٠ طبعآ انا اتأكد ان كل حاجة تمام
ميرفت ٠٠٠ يعنى سألت كويس يا ابنى
مراد٠٠٠ حضرتك نسيتى انى ظابط شرطة ولا ايه
تمارا ٠٠٠ خلاص بقى يا ماما متخافيش
ميرفت ٠٠٠ طيب على خيرة الله
و بعد كتابة العقد و وقع مراد شاهد اول و اسلام شاهد ثانى قال صاحب الشقة
صاحب الشقه ٠٠٠ اتفضل المفتاح الشقة أهو بس معلش انا مقدرتش اتصرف فى العفش
لانى زى ما انتو عارفين مسافر . بس النهارده
اوعدكم اشوف اى حد يتخلص من العفش النهارده بكتير قبل ما اسافر
تمارا ٠٠٠ تتخلص من العفش ده .ليه خسارة ده العفش جميلة و جديده
بينما نظره صاحب الشقة بأعحابك لتمارا
صاحب الشقه ٠٠٠ لو عجبك العفش يبقى مبروك عليكى
تمارا ٠٠٠ لاء انا مش قصدى انا بس كنت بقول رأيه فى العفش
صاحب الشقه ٠٠٠ ياستى اعتبريها هديه منى لأجمل عيون شوفتها فى حياتى
قالت تمارا بخجل
تمارا ٠٠٠ متشكره بس كده كتير
بينما شعر مراد بضيق من غزل صاحب الشقة للتمارا الواضح لذلك قال بحده
مراد ٠٠٠ كده خلصنا كل حاجة ممكن بقى نمشى ولا فى حاجة تانى
صاحب الشقة ٠٠٠ خلصنا مبروك عليكم الشقة
ميرفت ٠٠٠ الله يبارك فيك
ياره ٠٠٠ حضرتك مسافر امتى
صاحب الشقه ٠٠٠ العصر ان شاء الله و بعد كده الشقة تحت امركم
مراد ٠٠٠ يبقى تروح الشهر العقارى الصبح عشان نسجل الشقه
صاحب الشقه ٠٠٠ تمام
ثم انصرفوا جميعآ
كل واحد فيهم ذهب فى طريقه
بعد مرور شهر
فى منزل ميرفت فى الزمالك
~~~~~~~~~~~~~~~~~
ياره٠٠٠ فاكرين يا بنات الحارة و خناقات الحارة .واللهى الواحده نفسه يتفرج على خناقه من بتاعت الحارة .
سلمى ٠٠٠ ياختى أفتكرنا حاجة عدله . ايه إللى فكرك بالحارة دلوقتى
تمارا ٠٠٠ البعيده غاوى فقر
ياره ٠٠٠ بذمتك مش وحشتك أم عصام
قالت تمارا بسخريه
تمارا ٠٠٠ اه وحشتنى تعالى بقى أوريكى وحشتنى ازاى
ثم مسكت تمارا الوسادة و قامت بضرب ياره بها بينما صرخت ياره وهى تقول
بقلم٠أروى٠عادل
يارة ٠٠٠ الحقينى يا أوفا بنتك بتضربنى
ميرفت ٠٠٠ وطى صوتك انتى وهى انتو فاكرين نفسكم لسه فى الحارة .. وانتى يا سلمى قاعده تتفرجى عليهم
سلمى ٠٠٠ طيب وانا مالى
ميرفت ٠٠٠المفروض انك انتى الكبيرة
سلمى ٠٠٠ هو اي حاجة يعملوها المصيبتين دول اتحط الحق عليا انا
تمارا ٠٠٠ تقصدى مصيبه واحده بس وهى ياره انما انا الغلبانه الطيوبه إللى فيكم
ياره ٠٠٠ أنتى طيبوبة طيب ازاى.. يعنى من اي جانب عشان افهم
ميرفت ٠٠٠ لاء انتو هتوجعوا دماغى انا رايحه اعمل فطار
انصرفت ميرفت ثم قالت تمارا
تمارا ٠٠٠ تصدقوا احنا الناس الوحيده فى العمارة دى إللى صوتنا عالى
ياره ٠٠٠ ياختى الحق علينا إللى احنا عاملين حس للعمارة
سلمى ٠٠٠ أنا قبضة امبارح ما تيجوا نروح نتغدا كلنا بره النهاردة. نعمل زى ولاد الناس كده
تمارا ٠٠٠ ماينفعش انا رايحه الشغل
ياره ٠٠٠ ما تسيبك من شغل يوم الجمعة ده
تمارا ٠٠٠ حسام مش موافق اخد الجمعة أجازة
ياره ٠٠٠ أنت لسه مقولتيش له على الجامعة
تمارا٠٠٠ لسه
سلمى ٠٠٠ ليه لسه .. تمارا انتى فى كلية الطب و العملى مهم ليكى .و انتى كان المفروض تحضرى العملى من أسبوعين
تمارا ٠٠٠ خلاص هتكلم مع حسام النهاردة
ياره ٠٠٠ أفرض رافض زى حوار أجازة يوم الجمعة
تمارا ٠٠٠ يبقى هسيب الشغل
سلمى٠٠٠ انتى مش شايفه يا تمارا ان تعلق حسام بيكى بقى أوفر شويه
تمارا ٠٠٠ لاء عادى . انا الممرضة بتاعته هو بس اتعود عليا
سلمى ٠٠٠ طيب عاملين ايه معاكى فى القصر
تمارا ٠٠٠ العادى انا بحاول العمل شغلى و ماليش دعوة بحد
ياره ٠٠٠ و المجنون عامل معاكى ايه
تمارا ٠٠٠ تقصدى مراد .
صمتت ثوانى ثم كملت جملتها و قالت
تمارا ٠٠٠ مراد ده شخصيه غريبه ساعات يكون كيوت و بشوش كده و يشوفنى يضحك فى وشى و ساعات اعوذه بالله بيقى عليه غضب السنين كلها تقوليش راكبه عفريت
ياره ٠٠٠ مش مجنون . بس بصراحه الواد مز
.اه صح انا قولتلك انى قابلت صاحبه إللى اسمه أسلام من يومين عرض عليا يوصلنى بس انا رافضت
تمارا ٠٠٠ اه أحسن .. انا همشى بقى اروح الشغل عشان اتأخرت
سلمى ٠٠٠ مش هتفطرى
تمارا ٠٠٠ لا هاخد سندويتشات معايا
فى القصر
~~~~~~~~
حسام ٠٠٠ ( بعصبية)اتأخرتى تانى يا تمارا
تمارا ٠٠٠ دول همآ نص ساعة بس
حسام ٠٠٠ انتى عارفه النص ساعة دى بتمر عليا ازاى. تمارا انا مش هقولك تانى تأخير تانى لاء فاهمه
تمارا ٠٠٠ طيب ممكن تهدى عشان انا عايزه اتكلم معاك فى موضوع مهم
حسام ٠٠٠ خير فى ايه
تمارا ٠٠٠ طيب قوليلى فطرت الأول
حسام ٠٠٠ انتى عارف انا بستناكى نفطر سوا
تمارا ٠٠٠ طيب تعالى نفطر فى الجنينة
جنينة القصر
~~~~~~~~~
بدؤوا يتناولوا الطعام حسام يتناول من الطعام الخاص له بينما تتناول تمارا سندويتشات الخاصه بها
حسام ٠٠٠ قوليلى يا تمارا انتى ليه مش بترضى تكلى من أكلى
تمارا ٠٠٠ لا يا عم انا ماليش فى العك بتاعكم ده . انتو بتكلوا حاجات غريبه . بعدين عليكم أسماء أكلات عايزه قاموس يترجمها
ضحك حسام على عفوية تمارا فى الحديث ثم قال
بقلم٠أروى٠عادل
حسام٠٠٠ احنا بناكل عك . انتى مافيش فايده فيكى لسانك طويل اى حاجة بتيجى على بالك بتقوليها و خلاص . و دى الحاجة إللى عجبانى فيكى
تمارا ٠٠٠ عجبك لسانى الطويل
حسام ٠٠٠ لاء . عجبنى فيكى العفوية وتلقائية. و البساطه
تمارا ٠٠٠ دى حاجة حلوه ولا وحشه
حسام ٠٠٠ طبعآ حلوه .. اساسآ انتى مافيش حاجة فيكى وحشه
شعرت تمارا بأحراج من مدح حسام لها لذلك حاولت تغير الموضوع لذلك قالت
تمارا ٠٠٠ طيب يلا بينا على الجلسة
توجهت تمارا للجيم مع حسام
و هنا رأت تمارا مراد كعادة كل جمعة كان مراد بيتدرب فى الجيم ..لكن مراد يتجاهل وجود تمارا و حسام. و رغم انه كان من الحين الأخر يختلس نظره على تمارا
ثم بدأت تمارا الجلسة على الإجهاز الكهربائيه
وهنا قال حسام
حسام ٠٠٠ صح كنتى عايزه تقوليلى
تمارا ٠٠٠ اه افتكرت . حسام انا لازم ارجع جامعتى لانى……
و قبل ان تكمل عبارتها ثار حسام وهو يقول بغضب و يصرخ بها
حسام٠٠٠يعنى عايزه تسيبى الشغل و تسيبنى
انا كنت عارف انك مش مختلفه عنهم و هيجى اليوم إللى تعملى فيه كده
ثم دفع جهاز الجلسة الذى كان أمامه فسقط على الأرض
أتصدمت تمارا من رد فعل حسام كما هو كان حال مراد الذى كان يتابع ما يحدث لذلك قال بحده
