ـ واحنة كاعدين وفاتت عمة سمااح خطية كسرت خاطري كاعدة بين ماما وبابا واحاضنة بابا ولازمة ايدة وكلساع تباوع علي وتكوم تبجي تكول والله مامصدك رجعت ياخوية يارويحتي
محمد: اكول فهد شبيك صاارلك ساعة صافن
ع جدي لازم عجبك ويغمز
ـ فهد :محمد تررا روحي واصلة الخشمي كوم
من يمي لاا ابتلي بيك.
ـ محمد :شبيك خوية اني شكلت بس داكول
تررا كلهة انتبهت عليك صاارلك ساعة تخوزر
بجدو عبالك تريد تاكلة ويغمز.
– خزرة وعاط بي
ـ فهد : محمد كوم مناا احسنلك
– الكل سكت من حجة فهد
ـ جدوو هاا حميد مجوز من ورة السانك
ـ محمد : لاا والله جدي ماكايل شي اني
بس هوة فهد مدري شبي اليوم
ـ فهد : محمد كاافي سد حلكك راح اكوملك اطلعك دفرات منا
ـ محمد : لاا يابة اسد حلكي ليش لاا
ـ نرجس اباوع الفهد نفس نضراتة بعدهي
كلت السمر كومي نصعد لغرفتنة الضاهر هاذة يدور الشر دوار
ـ سمر : يلااا كومي
ـ نرجس : صعدنة للغرفة
ـ سمر : يابوي شتعباانة
ـ نرجس : اني مو بس تعبانة اني متكسرة من الطريق
ـ دنحجي وطبن علينة فريق مال بنات
-اني عباالي مداهماات طلعن بنات عمي
سمر: تعالن فوتن
فاتن بنات 2 كعدن عجربايتي و2 كعدن يم
نرجس وبدن يحجن ويعرف عن نفسنهن
ـ هلو اني فيروز بنت عمج سمير وعمري 19 سنة
نرجس وسمر: هلاابيج حبيبتي
ـ واني نورر اخت فيروز وعمري 17 سنة
ـ وهسة اجة دوري هههه اني مهاا بنت عمج مااهر وعمري 18 سنة
ـ وااخيراً اجة دوري اني رقية بنت عاامر وعمري بكد نور نرجس بضحكة شنوو السالفة كلهن نفس العمر
ـ فيروز : بس اني اكبر وحدة بيجن مناا وهيج
كلمتي هية المسموعة هناا وباوعت بكل ثقة.
ـ نرجس :ادللي يابة وهااي كلمتج مسموعة هههه
البنات كلهن حبابات وخاصة فيروز حيل حبيتهة مرحة وتشاقة
بس نور مادري احسهة بس تخوزر بية مااعاجبهة الوضع يلاا شعلية اني جوز هية هيج متحجي ونضراتهة هيج طبيعتهن
شوية وجاان نسمع صوت عمة ميسون
اصيح للبنات حتة يصبن عشة
احنة هم نزلنة وياهن بس ماخلنة البنات انسوي اي شي كعدنة عميز الطعاام. ونباوع عليهن ونباوع
ع المطبخ شلون مرتب وتصميمة ايجنن
فرشو سفرة من الطول للطول لان نكعد سوة
اللولد طبخو برة والبنات سون بس الزلاطة وحضرن الفواكهة والمشروبات انواع يعني يحيرون شيخلون
البنات بدن ينقلن بلاكل واني كمت وياهن اساعدهن لانو متفقة وياا ماما اصيرر نادرة كدامهم
ـ ميسون : روحي يمة اكعدي هسة البنات يشيلن المواعين
ـ نرجس : لاعمة قابل اني شمسوية
ـ ميسون : ميخاالف يمة روحي هسة احنة نصب
ـ نرجس : عفت الصينية وداطب جوة وشفت فهيدان واكف ومنتجي ع الباب مال المطبخ ورافعلي تك
حاجب ماعاجبة االوضع فهيدان افندي اني هم ماقصرت ورفعتلة تك حاجب شوو هوة تخبل وعكد حواجبة
فهد : خيررر شبيج لازم مااعاجبج
الوضع مدام نرجس
– ابتسمت وكتلة لابلعكس بس الضااهر انتة الماعاجبك الوضع
ـ فهد : اكوول امشي فوتي جوة لااقسم بالله
ابتلي بيج هسة
– ابتسمت بستهزااء
نرجس: لاوالله ليش ياابة شمسويتلك حتة تبتلي بية
ـ فهد: اخررر مرة اكلج طبي جوة لاا والله تصير موحلوة
ـ نرجس :طبيت جوة حجيت بصوت ناصي والله يالله هم عاجبتة روحة
ـ فهد : حجيتي شي مدام نرجس
ماهتميت ولاا باوعتلة عفت ومشيت رحت
كعدت يم ماما
رنا : هااماما وين جنتي شو مختفياات
نرجس جنة فوك بلغرفة واجني البنات علمود
ونزلنة داساعد البنات بس عمة ميسون مااقبلت
– كملن نقلن الاكل
الجد: يلاا بسم الله
نرجس: ياكلون هاذة اليضحك وهاذة اليحجي صوت ونة صارت بذني طكيت قوطية الببسي واباوع من وجه الوج اريد افتهم ياهو اليحجي ماكو
كل ما ارفعةراسي واشوف فهيد افندي ويخز بية يربي هاذة شلون بلوة ادري اني شمسويتلة كاتلة مرتة مثلااً يربي شراح يخلص هاذة الاسبوع حتة نرجع البيتنة واخلص منة لان الضاهر مراح يعوفني واني هم اذاضل هوة مستحيل اسكتلة
ـ بشار: شبيج نرجس شو صافنة متاكلين
ـ نرجس: لا بابا دااكل
ـ محمد: اكول نرجس انتي بيااصف هسة
ـ نرجس رحت صف سادس علمي
ـ محمد: يعني باقيلج سنة وتتخرجين
ـ نرجس:ايي انشالله
ـ نور: ايي نرجس ورة متتخرجين اداومين كلية
حسيت بيها متعمدة تسئل هيج سؤال مادري شنو غايتهة بلضبط
ـ نرجس: ايي لعد شلون
ـ فهد: محمدكافي سد الموضوع
ـ محمد: ادري خوية اني شحاجي شبيك وياية اليوم
ـ فهد: محمد تسكت لو شلون
ـ محمد: هاهية خوية نسكت ليش لاا هوة شلكيتو حضي بس الرزايل
ـ نرجس: جنت احجي وية محمد واجة فهيد افندي حط نفسة وسكت محمد يربي هاذة شبي اكيد مو صااحي
المهم كملنة عشة وشالو المواعين
اني وسمرر كمنة غسلنة وماما كامت ورانة
ـ رنا: نرجس شو ماكلتي لابلغدة ولاا بلعشة اضلين هيج بدون اكل شلون
ـ نرجس :ماما تدرين بية مااكل بس من ايدج
ـ رنا: ليش يمة شنو الفرق اشوو الاكل يخبل ونضيفين بعد شكوو
ـ نرجس: ماما والله ماتقبل نفسي تكلب
ـ رنا: دزي ايي وااحد للمحل خل يجيبلج كيك شي تااكلي هسة تتخربطين وين نوديج
ـ نرجس: لاا يوم مابية شي
ـ سمر: يلااا خلصتو حجي اريد اغسل
ـ نرجس: لاا والله
ـ سمر:ايي والله ليش ناوية تنامين ع المغسلة
ـ نرجس: يلاا عيني ست سمرر تعااي غسلي
ـ سمر: مشكورة خيتي ههههه.
ـ رنا : راح تبلشن.
ـ نرجس: لاا ماما شنو السالفة دنشااقة
ـ سمر:ايي ماما شبيج شقة
فتنة للمطبخ وية البنات
وفيروز خدرت جااي. جابت الجاي وقدمتة الولد شربو وطلعو واحنة هم كمنة كلنة ورحنة بغرفة جدة
ـ فهد: وطلعت برة واللولد هم طلعو اني طلعت بس وسالفة الكلية هم ماراحت من بالي طلعتلي جكارة وكمت اخن وازفر الدخان بغضب وافرر بلسبحة.
ـ سمر:طلعو واحنة كمنة ورحنة لغرفة جدة ضلينا كاعدين وجدة كامت تحجيلنة ع ايام زمان وملتمين كلنة حبيت عمة سماح وعمة ميسون وعمة سناء كلهن حبابات والبنات وردة شكد لطيفات بس اشوف
نور ماعاجبهة الوضع وتباوع النرجس كانها
نضرات حقد مادري هيج حسيتهة او يمكن هية
هيج طبيعتهة ماشاركتنة بلحجي بس البنات ضل يسولفن عن حياتهن ومواقفهن صدك تونسنة حيل .
ساعة 11 بليل
جدة نعست واحنة هم كمنة ماما صعدت لغرفتهة هية وبابا تعبانين واحنة صعدنة بغرفتنة والبنات اجني كلهن يمنة
ضلينة نحجي ونضحك ونقلد ماخلينة بشرر يعتب علينة والبنات مندمجات وهم يقلدن خو فيروز حتة ابوهة قلدت علي بس نور ابد ماشاركت ولاضحكت بس صافنة علينة يرربي هاي البنية بيهة شي شنو سالفتهة مادري
الساعة ب 12 تقريباً كلت للبنات خل انسوي كهوة هنة بسرعة كالن كومن يلاا نزلنة كلنة فيروز سوت ومها طلعت اكلاصات ونور ضاربتهة ع صامت بس تباوع سوتها جكليتي ريحتها تجنن
ـ سمر: نكعد بلحديقة الجو يجن.
ـ فيروز: تمام يلا
مها: راح اشيل الكلاصات
فيروز: تمام روحي يم طول الحلو يلوجهج مراية
ـ نرجس: طلعنة وفيروز تحجي عن مواقفة من جانت صغيرة ومن جانت تخبث وسوي مقااب باخوانهة نفس طبعي هم اضل اسوي مقالب اذا ماخبث مارتاح دنحجي وجان نسمع اصوات مال مال مشي وحجي صدينة ليورة ورقية كالت الولد اجوي عاد سئلت ليش وين جانو
ـ رقية: اكيد جانوو بلمضيف
ـ فهد: كاعدين بلمضيف الولد ضلو يحجون ويضحكون واني ولاا يمهم بس ضلت ساالفة ادك ابراسي ضليت اذكر شلون رفعت صوتهة وشلون
اجاوزت اني اتخبلت اني ابد محد مجرء ورافع صوتة علية حتة الزلم تهابني وتحترمني بس هية ولاا عبالك لاا كل احترام ماعدهة بس بسيطة
عباالهة راح اعوفهة لاا مستحيل الة اندمهة
واعلمهة شلون ترفع صوتهة بوجهي مرة ثانية بسيطة.
ـ محمد:تررا اني سئلتك.
ـ فهد: مابية شي.
ـ محمد: لعد شبيك صافنة.
ـ محمد:خااف بعدك اتفكر بجدي .
ـ فهد:محمد لضل ادبسزز.
ـ محمد: خوية شكتلك اني
ـ فهد:تررا اعرف قصدك شنوو يالسكط.
ـ محمد: هااا قصدك ع جدو ويغمز.
ـ فهد: انتة ناوي ع موتك اليوم.
ـ محمد: لاابوية بيش طالبني.
ـ فهد: كوم مناا لعد.
ـ محمد:ايي اكوم ليش لاا.
ـ فهد: ديلاا الله ويااك.
صارت ساعة ب 11و40 دقيقة
