رواية حبيبي اغلي من عمري الفصل السادس والعشرين 26 بقلم شيماء حسين – تحميل الرواية pdf

عند يوسف وشيماء
يوسف اتاه اتصال استأذن ليجيب فتوجه الى البلكونه ف اتت والده نور اليها
اميره بصوت عالى / منورة المكان
شيماء / ميرسى ي طنط
أميره وهى تخاطب المعازيم/ احب اعرفكم ي جماعه بأهم عضو فى الحفله المدام شيماء اوووه اسفه انتى مش مدام انتى مطلقه ومش طليقه اى حد دا انتى طليقه جوز بنتى
بدأوا الناس فى الهمس بكلمات لوم وعتاب
سيده من المعازيم / بنات اليومين دول مبقاش عندهم حياء ولا احترام
سيده اخرى / دا احنا مكناش بنات وحده غيره تقعد فى بيته متخرجش منه غير على قبرها
سيده اخرى / ايه ي جماعه ما تسيبوها يمكن جايه تصتاد عريس ولا حاجه
سيده اخرى / دا احنا لازم نحافظ على جوازنا ل تخطف واحد منهم
أميره / لو جايه تدورى على عريس انا عندى ليكى عريس فى واحد كان متجوزعنده 50 سنه وعنده 4 ولاد عايز وحده تخدمه وتخدم ولاده
سيده اخرى / طبعا اللى زى دى مش هتتجوز غير بواحد متجوز قبل كده وعنده عيال كمان
شيماء دموعها تتساقط ولم تتحدث بأى كلمه
احدى السيدات / يا حرام دى عندها احساس زينا لو اهلك كانوا علموكى التربيه
شيماء بصوت باكى / انا متربيه غصب عنك وعن الكل انا سكت لانك قد والدتى بس لحد هنا وكفايه
السيده وهى ترفع يدها لتضربها وجدت من يمسك بيدها
يوسف والشرر يتطاير من عيناه / احمدى ربك انى وصلت قبل ما ايدك توصل لها وألا ردى كان يكون مختلف
السيده / انت مين وازاى تسمح لنفسك تكلمنى بالطريقه دى
يوسف / وانتى ازاى تحاولى تمدى ايدك عليها
السيده / دى بنت قليقه الادب بترد عليا
يوسف / وانتى بريئه معملتيش حاجه بتعبوها على ايه على حاجه ملهاش يد فيها على انها مطلعتش زيكوا انانيه وبتكره كل الناس فيها ايه لما تيجى كتب كتاب الشخص اللى كانت مرتبطه بيه علشان تبارك ل صحبتها اللى بتعتبرها زى اختها بالظبط وتكون جنبها فى يوم زى دا حكمتوا عليها انها عديمه التربيه وخطافه رجاله وكلام ملوش اى لازمه دى وجه نظركوا للست المطلقه ليه المطلقه عايزينه تفضل محبوسه فى بيته تحكموا عليها بأعدام وهى لسه حيه ليه هى معملتش حاجع عيب او حرام دى نفذت شرع من شرع ربنا هو مجتمعنا بقى فاشل من شويه ما هوعمايلكم ومن نظرتكوا للبنت وللمطلقه
نور / فعلا ي يوسف معاك حق وحضرتك غلطانه ي ماما شيماء هنا علشان تقف جنبى زى ما وعدتنا انها يوم فرحى تكون معايا فيه و وجودها هنا دا اكبر دليل على قلبها الابيض وحبها ليا واثبتت انها احسن منى بمليون مره وانى مستهلش وحده زيها فى حياتى بحبك يا احلى صاحبه فى الدنيا كلها
شيماء وهى تحضن نور / وحشتينى ي نور
ادم / انا أسف على اللى حصل دا واتمنى انك تقبلى اعتزارى
يوسف / بم ان الكل موجود هنا وحضراتكوا بتحبوا الخير انا حابب اقول حاجه خضرتك ي طنط اميره و طنط اللى معرفش اسمها ايه دى قولتوا ان شيماء مش هتتجوز غير من واحد متجوز قبل كده وعنده عيال كمان انتوا غلطانين انا مش متجوز ولا عندى عيال
أميره / هو احنا جبنا سيرتك فى الموضوع
يوسف بنتسامه تغيظ / اه اصل انا اللى هتجوزها
أميره / نعم
يوسف / ايه مفيش مبروك ولا ايه
أميره من بين سنانها / مبروك
يوسف / مش من قلبك مع علينا يلا ي مراتى المستقبليه علشان نمشى بقى لان الجو هنا بقى خنيق مبروك ي دومه انت ونور
نور وادم بفرحه / مبروك ليك انت
خرجوا من الحفل توجهوا الى المنزل
*****************************
وصلوا الى منزلهم وقبل دخولهم المنزل
شيماء / ايه اللى انت عملته دا
يوسف / عملت ايه دا اللى كان لازم يحصل من زمان
شيماء / والدك و والدتك لو عرفوا هيزعلوا قوى وخصوصا والدتك
يوسف / لا متخافيش ماما عايزة مصلحتى دى لما تصدق
شيماء / هى من حقها تفرح بيك انت و وحده تكون انت قبل نصيبها مش وحده مطلقه
يوسف / انا فاهم وانتى فاهمه انك مش مطلقه
شيماء / بس مامتك متعرفش
يوسف / مش لازم تعرف ماما لو عرفت انى بحبك وان سعادتى معاكى هتوافق علطول وكل كلامها هيروح على الفاضى يلا بقى لحد يشوفنا واحنا وافقين كده اطلع وانا هركن العربيه وهاجى
صعدت الى منزلها وابدلت ملابسها وخرجت جلست مع الجميع
*******************************
بعدت انتهاء حفله الزفاف توجه ادم ونور الى منزله بعدما اخبر والدته بكل شئ وكانت فى استقبالهم (اسمهان وادهم سافروا )
الام / نورتى بيتك ي نور
نور وهى تقبل يدها / منور بيكى ي امى تسمحيلى اقولك ي امى
الام / اكيد ي بنتى ادم حكالى على كل حاجه ربنا يسعدكوا ي رب ويبعد عنكوا كل شر
ادم / ربنا يخليكى لينا ي ست الكل
الام / يلا اطلعوا ارتاحوا فى اوضتكوا انا حضرتها مخصوص بأيدى
توجه ادم ونور الى غرفتهم
نور / هو دا حقيقه ولا حلم
ادم وهو يقبل وجنتيها / حقيقه ياااه بعد كل دا بقينا مع بعض وفى بيت واحد
نور / اوعى تبعد عنى تانى ي ادم انا من غيرك ولا حاجه من لما اتجوزت وبعدت عنى كنت بموت فى اليوم مليون مره
ادم / خليكى متأكده اليوم اللى هبعد عنك فيه دا هيكون اخر يوم فى عمرى مش عايز نفكر فى الاوقات دى تانى انا كنت بتحرق من جوايا فى كل لحظه انتى مش معايا فيها ياااااه ايا لحظات متمنهاش لاعدائى الحمد لله انها عدت على خير
بحبك ي نور حبك هو الشئ الوحيد اللى ثابت جوايا يمكن حبى ليكى اتقدر قبل ما نتولد احنا الاتنين انتى شمسى اللى بتنور دنيتى لا شمسى ايه انتى دنيتى كلها الحب بيبدأ بيكى وعمره ما هينتهى ابدا يا مولاتى
نور ودموعها تتساقط على وجنتيها / مش عارفه بعد الكلام دا كله اقول ايه
ادم وهو يمسح دموعها /متقوليش حاجه روحى اتوضى وتعالى نصلى ركعتين نبدأ بيهم حياتنا مع بعض وهقولك كلام من نوع تانى
صلوا معا ليبدأوا حياه جديده معا فى طاعه الله
******************************
عادت أميره الى منزلها فى حاله هستيريه من الغضب
أميره (الخطه كانت ماشيه كويسه قوى وزى ما رسمتها بالظبط كنت خلاص هنتقم من نجلاء وبنتها واردلها القلم اللى ادتهولى زمان بس الزفت اللى اسمه يوسف دا بوظ كل خطتى )
صدقى / ايه زعلانه ان خطتك فشلت
أميره / انت فاكرنى هسكت
صدقى / تعرفى اول مره فى حياتك تعملى حاجه صح
أميره / مش فاهمه
صدقى / يعنى جوزتى نور للشخص اللى بتحبه واللى هيصونها وخليتى يوسف يعترف بحبه ل شيماء قدام الناس كلها وقلبتى اللعبه على دماغك انتى كنت مفكره انك تجيبيها وتعملى مسرحيه عليها انتى وصحابك بس ربك بقى
أميره / انت عايز منى ايه دلوقتى سيبنى فى حالى وروح ل مراتك
صدقى / رايح بس اعملى حسابك انتى اللى هتحرقى نفسك بنفسك انا كنت خايف على بنتى منك بس الحمد لله هى دلوقتى فى ايد ادم اللى هيعوضها عن كل حاجه
**********************
عاد يوسف الى منزله وج والدته جالسه فى انتظاره
الام / كنت فين ي يوسف
يوسف / فى ايه ي ماما خدتينى
الام / صحيح اللى انا سمعته دا
يوسف / هو لحق يوصلك اه ي ماما صحيح
الام بصوت عالى / انت اتجننت ي ابنى عايز تتجوز وحده مطلقه
يوسف / ماما لو سمحتى وطى صوتك
الام / هو انا لسه عليته علشان اوطيه
يوسف / ممكن افهم حضرتك معترضه على ايه
الام / ولا اى حاجه ابنى عايز يتجوز وحده مطلقه ليه ناقصك ايه
يوسف / بحبها يا ماما دا مش سبب مقنع
الام / حب ايه وزفت ايه اللى انت بتتكلم عليه دا ما هى كانت قدامك اشمعنى دلوقتى
يوسف / ربنا عايز كده وبعدين حضرتك بتحبيها وكنتى بتقولى يا بختها اللى هتتجوز ابنها كلامك اتغير دلوقتى ليه
الام / اه فعلا دا كلامى بس زمان قبل ما تتجوز وتتطلق
يوسف / انا بحبها ي ماما وميهمنيش هى مطلقه ولا لا وهتجوزها
الام / غصب عنى
يوسف/ لا ي ماما مش غصب عنك برضاكى لانى عارف ان حضرتك عايزه سعادتى وانا سعادتى ومعاها هى
الام وهى تغادر/ على جثتى ي يوسف انك تجوزها ودا اخر كلامى
يوسف (يارب انت الوحيد اللى عالم بحالى ساعدنى يارب انا مليش غيرك