رواية حبيبي اغلي من عمري الفصل الرابع والعشرين 24 بقلم شيماء حسين
الفصل الرابع والعشرون / محتاجك جنبى
كانت شرى مع والدتها فى المنزل
الام / مفيش اى اخبار
شرى / اخبار ايه
الام/ انتى بقالك حوالى 6 شهور متجوزة مفيش اى حمل حصل مروحتيش لدكتور
شرى / لسه بدرى ي ماما على الكلام دا
الام / هو سليم مفتحش معاكى الموضوع دا
شرى / لا ي ماما احنا سيبين كل حاجه على ربنا
الام / ونعم بالله بس برضو نروح ونطمن
شرى / هقول ل سليم واشوفه هيقول ايه
الام / طيب ابقى قوليلى ولو وافق ابقى خدى اختك معاكى
شرى / حاضر
*********************
كان يوسف وسليم جالسين معا
سليم / انت عرفت منين ان شيماء اتحجبت
يوسف / هااا
سليم / ايه مش فاهم السؤال
يوسف / عادى عرفت بالصدفه
سليم / بالصدفه ولا عملت اللى فى دماغك ورحت شفتها فى البيت
يوسف / كان لازم اشوفها مكنتش عارف انا هرجع من المأموريه سليم ولا ميت
سليم / بعد الشر عليك تصرفاتك بقت زى تصرفات الاطفال
يوسف / بس شكلها حلو قوى فى الحجاب
سليم / فوق بقى ي ابنى هى دلوقتى وحده متجوزة افهم بقى وانسى
يوسف/ طيب اسكت انت مش عارف حاجه
سليم / هو ايه اللى انا معرفوش
يوسف / هتعرف فى الوقت المحدد همشى انا بقى هروح شغلى
سليم / صحيح رجل الاعمال اللى قبضت عليه اتحكم عليه بأيه
يوسف / مؤبد واتحجز على كل املاكه بس عنده ولد استغفر الله بارد برود السنين
سليم / هو ابنه دا مش بيشتغل معاه
يوسف / لا دا بتاع بنات كان محبوس عندنا على ذمه قضيه وقضى عقوبته وخرج
سليم / اسمه ايه
يوسف / الولد اسمه يزيد و والده رفعت المنشاوى
سليم / اه دول مشهورين قوى بين رجال الاعمال
يوسف وهو ينظر الى الساعه / كانوا اخرتنى على الشغل سلام
سليم / سلام
******************
هاتفت شيماء والده واخبرته بم فعله ادم معها وانها تريد الطلاق منه واحضرت حقيبتها واستعدت للمغادره
كانت تهبت الدرج وادم خلفها
ادم / اعملى حسابك لو خرجتى بره الباب دا مش هترجعى تانى
شيماء / انت فاكر بعد اللى انت عملته دا انا ممكن ارجع هنا تانى طلقنى ي ادم
الام/ ي بنتى اهدى دا الشطان دخل بينكم
شيماء / لو سمتى طنط انا بتكلم مع ابنك
ادم / انتى كمان هتطولى لسانك على امى امشى اطلعى بره
شيماء / ماشى ي ادم ابعتلى ورقتى على بيت اهلى ومش هعديلك اللى انت عملته دا على خير
***********************
كانت والده شهاب و والده جالسين فى المنزل
الام / هى مقالتلكش اتخانقوا ليه
الاب / بتقول ضربها وقالت انها جايه بس اتأخرت قوى
وهنا رن هاتف المنزل بعد عده دقائق كان الجميع فى غرفه فى المستشفى
الاب ل ادم / ايه اللى حصل ي ابنى
ادم / كانت نازله من على السلم فوقعت
الاب / لوحدها كده
اسمهان / بصراحه ي عمى ادم طلقها وزقها فوقعت
الاب / حسابنا بعدين بعد ما اطمن عليها
بعد خروج الطبيب وطمأنهم على حالتها دخل الجميع لرؤيتها
الاب / حمد لله على سلامتك ي حبيبتى
شيماء /الله يسلمك ي بابا
الام / عامله ايه ي روحى وايه اللى حصل
شيماءوهى تنظر ل ادم / ………….
اسمهان وهى تقترب منها بصوت منخفض / دى بس قرصه ودن انا غيرت شويه فى الخطه علشان اخلص منك معلش جت فى ايدك بس كان نفسى تيجى فى حاجه اكبر حتى فى دى محظوظه
شيماء / انا كنت عارفه انك هتغدرى بيا وان انتى اللى حطيتى الزيت على السلم
اسمهان / انا قولت ل اهلك ان ادم هو اللى وقعك اوك وانتى خلاص طلعتى من حياه ادم خالص
ادم / انا همشى مش عايزة حاجه
الاب/ اه ابعتلها ورقه طلاقها
ادم / حاضر ي عمى عن اذنكم
خرج ادم وخرج يوسف خلفه
يوسف / ادم
ادم / نعم ي يوسف
يوسف/ ايه اللى حصل
ادم / معرفش هى كانت نازله من على السلم والسلم كان عليه زيت فوقعت
يوسف / ايه اللى وقع الزيت على السلم
ادم / دا اللى هيجننى
يوسف/ انت خلاص طلقتها ولا لسه
ادم / اه طلقتها لسه بس الورق هبعته النهارده وانا متشكر جدا على كل اللى عملته معايا انا مش عارف ارد لك جمايلك
يوسف/ احنا اخوات ي ادم كده كل حاجه رجعت لوضعها لسه نور لازم ترجعوا لبعض
ادم / يلا روح هى دلوقتى محتجالك جنبها وانا همشى علشان اخلص اللى ورايا سلام
**********************
كانت نور جالسه فى التراس اتت ثريه وجلست بجوارها
ثريه/ ازيك ي نور عامله ايه
نور / الحمد لله
ثريه / عامله ايه مع وليد
نور / ممكن نتكلم على اننا منعرفش بعض زى الاول فى كلام كتير جوايا مش عارفه اقوله لحد
ثريه / وانا سامعه
نور / وليد بنى ادم كويس ومحترم والف واحده تتمناه كنت مفكره انى لما ابعد عن ادم هنساه بس اللى حصل انى كنت بفكر فيه علطول وحبى ليه زاد عن الاول بكتير يوم ما كنت انا وليد فى خطوبه شهاب وشوفته هو وشيماء كنت عايزة اروح اقولهم انى عارفه انهم بيحبونى ولايمكن يعملوا فيا حاجه زى دى بس كنت بحاول اقنع نفسى انهم ضحكوا عليا وان هو وهى السبب فى اللى انا فيه دا خوفت وهربت معرفش كنت بهرب منهم ولا من نفسى
ثريه / وهتعملى ايه
نور / هتعرفى وقتها
كانت اميره فى طريقها فى الخروج من المنزل سمعت كل ما دار بين نور وثريه
اميره لنفسها (دا كده اللعب احلو قوى الخطه لازم تتنفذ فى اسرع وقت )
توجه الى نور وبدأت فى التحدث معها وبعد ذلك خرجت وذهبت الى النادى
**************************
كانت شرى جالسه مع سليم فى منزلهم
شرى / سليم انا روحت وكشفت عند دكتورة النهارده
سليم / روحتى من غير ما تأخدى رأى
شرى / عادى يعنى انا كنت ف المستشفى فقولت اكشف بالمره
سليم / طيب اوكى
شرى / فى ايه ي سليم مش هتسأل الدكتورة قالتلى ايه
سليم / انا مش مستعجل على الاطفال وقت ما ربنا يأذن لينا بأطفال هيحصل الحمل وانا قولتلك الكلام دا قبل كده مليون مره انا مش عايز حاجه من الدنيا دى غيرك انتى وبس
شرى / انت مالك بتتكلم كان عارف ان فيا حاجه
سليم / نعم فيكى حاجه مش فاهم قصدك ايه
شرى / قصدى ان انااااا…..
سليم / فى ايه ما تنطقى
شرى / انا حاااااامل فى الاسبوع 12
سليم بزهول / بتهزرى صح
شرى / لا مبهزرش انا كنت زيك كده مش مصدقه اول ما الدكتوره قالتلى بس دى الحقيقه انا حامل
سليم / قاعده عماله تنشفى فى دمى من الصبح ي شيخه حرام عليكى
شرى / كنت بشوفك لسه بتحبنى ولا حبك ليا قل
سليم وهو يقبل جبهتها / عمر ما حبى ليكى ما يقل
********************
