الجريمه بهاي القصه نزلت بلفيس
واني نزلت المنشور الي يحجي عن هاي القصه هنا بالكروب بوقتها
القصه تحجي عن ولد اخرس
هذا الولد صح اخرس بس رب العالمين معوضه بمكان الكلام
باشياء هواي يمكن احسن من الكلام
الي يكون اغلبه غيبه وقال وقيل
شاطر جدا بمجال عمله اخلاقه ما تنوصف
غيور على اهل وعائلته
شايل مسؤليتهم
الناس الغريبه تحبه اكثر من اهله واقاربه
خادم للأمام الحسين عندا موكب يخدم بي مشاية الإمام الحسين
شكله حلوووو ومرتب ونظيف
بعد ما وصل ٢٥ سنه اهله قررو يزوجو
طبعا هو كان مجمع مبلغ زين وصمم قبل لا يخطب ويزوج يشتري قطعة ارض
ويبني عليها بيت لان بيت اهله زغير وهو مايريد يضايقهم بلمكان
بدا يسئل هنا وهنا اذا اكو قطعة ارض بحدود ٣٠ إلى ٣٥
مليون
هو يشتريها
اي مكان يكعد بي يسئل وخلا خبر عند اصدقائه ومعارفه
اذا يسمعون اكو قطعة ارض بهيج سعر
هو شراي
واحد من اقرب اصدقائه صديق مقرب منه بشكل مو معقول يطلعون ويدخلون سوا
وياكلون بنفس الماعون
هذا الصديق الشيطان راحت عيونه على الفلوس
شلون هذا الأخرس عنده هيج مبلغ
هاي الفلوس اني أولى بيها من عنده
بدا يخطط شلون راح يضحك على وياخذهن
شلون يكدر ياخذ تعب صديق عمره
خاصتا هذا الاخرس ذكي وشاطر يعني مو بسهولة يتقشمر
شاف هو وحده مراح يكدر علي لان الأخرس شاب قوي
وبعز شبابه
قرر يحجي الابو على هاي الصفقه
هيج مبلغ مو قليل لازم ابو يساعده حتى يحصلون علي قبل لا الأخرس يحصل بيت ويشتري
وتروح الفلوس عليهم
الاب بمكان ما يمنع ابنه ويكول لا هذا صديقك
شلون تريد تغدر بي
كال اي هاي الفلوس احنا أولى بيها
كعدو وحددو الخطه الي راح يجرون بيها هذا المسكين
حتى يقتلو وياخذون فلوسه
اتفقو يروح الابن للاخرس ويكول اكو قطعة ارض
للبيع وتحديد بلملبغ الي جمعه هذا الاخرس
ويتفق ويا الأخرس يجيب فلوسه ويجي ويا حتى يشوفون الكاع
ويتفقون ويا صاحب الارض يدفعون الفلوس وتتحول الأرض باسم الاخرس
فعلا بدا الابن بتنفيذ الخطه وراح للآخرس مكان شغله وحجا ويااا وفهما على الساعه الي يجي بيها الاخرس
البيت صديقه ويرحون يشوفون الكاع
وأكد علي لازم يجيب فلوسه ويااااا
طبعا بلنسبه للآخرس هذا صديق العمر ماكلين وشاربين سوه
شلون مايثق بي
اكيد يمشي ورا وهو مغمض عيونه
جمانه السعيدي
رجع الاخرس للبيت اخذ فلوسه وطلع
طبعا هو مايحجي حتى يشرح الاهله الموقف
وهو اصلا رايح وياا اكثر شخص يثق بي
بعد عليمن يحجي الاهله
اخذ المبلغ وطلع راح البيت صديقه
صديقه وابو اتفقو ويااا احنا ثنيبنه نروح وياك واحنا الي نشتريلك بس كون جايب وياك الفلوس
الاخرس اشرلهم اي جايبهن
جان شايل علاكة الفلوس بايده
عدهم سياره قديمه وتعبانه صعدو ويااا وطلعو خارج الولايه على اساس ماخذه يشوف الكاع
دخلو بي وسط كاع خاليه جزيره كلشي مابيها وتعمقو جوه بعيد عن الشارع العام خاف احد يشوفهم
نزلو من السياره وهو هم نزل وياهم على اساس وصلو
للكاع وهو نزل يشوفها
بس نزلو راسا واحد لزمه واحد بقا يطعن بي
منا لمن مات اتاكدو هو مات
شمرو وسط الجزيره كلشي ماكو يمه
على اساس تأكله الجلاب او الحيوانات البريه المتوحشة
جابو الفلوس ورجعو للبيت
لليل اهل الاخرس فتقدو طلعو يسئلون ويدورون علي
اول واحد راحو على صديقه هذا
الي بين الهم هو مهتم وطلع يدور وياهم
بلبيوت والشوارع عند الأقارب والاصدقاء
تخيلو نزل منشور بلفيس يطلب من الناس يدورون وياا اهله علي واذا احد شافه يتصل على اهله
ومنزل صورته هو الاخرس كاعدين بمطعم سوه
شني من قابليه مااعرف
بقا يدور وياا اهله علي لمدت ٣ ايام طول النهار كاعد بيت صديقه ويسئل بين الناس علي
الحد ماا سياره مرت من هاي المنطقه
وشافت الجثه وخبرت عنها
الشرطه اول ماشافوا المقتول بلغو اهل الاخرس يجيون يشوفون هل هو ابنهم الي جاي يدورون علي
راح الاب وتعرف على الجثه
الجثه راحت للمشرحه وعرفو الاخرس مقتول صار ٣ ايام
وحددو كم طعنه وبأي وقت
وهنا الشرطه بدت ادور على القاتل وتحقق وياا كل الناس القريب والغريب
اكو ولد يشتغل وياا الاخرس بنفس المكان لمن سئلو علي
كال اخر شي اجا صديقه فلان وتفق وياا يرحون يشوفون
قطعة ارض
حتى يشتريها الاخرس
والآخرس كال راح اخذ فلوسي واروح اشوف الكاع
واني كتله لا تأخذ فلوسك روح شوفه بلاول
بس هو كال لا رايح وياي فلان
ماعليه شي لا اني ولا فلوسي
شكد جان واثق من صديقه هذا
الشرطه من سمعو القضيه بيها فلوس عرفو اكو لعبه
بهاي السالفه
راحو جابو صديق يحققون وياااا
بلبداية نكر هو شافه بهذا اليوم
بس اكثر من واحد أكد هو اجا علي المكان عمله
شلون ما شافه
بعد ما ضغطو علي اعترف هو وابو قتلو صديقه علمود الفلوس
راحو جابو الاب اعترف على جريمته
واخذو الشرطه حتى يمثلون كد.امهم الجريمه
بلمكان الي اتركبوها بي
وهيج انحكم على الاب وابنه بلاعدام
ويرجعون المبلغ الاهل الضحيه
وفصل عشائري
بس شلفايده انسجو سنه ونص وطلعو بلعفو وهو ابنه
ليش حكم الاعدام بلعراق يتحول إلى مؤبد
ليش المجرمين جاي يطلعون ويعيشون وسط الناس
ليش المجرم ما ياخذ جزائه العادل
احنا مو عايشين بغابه
من أمن العقاب ساء الادب
ذوله مدام طلعو بسهوله وفتره قصيره
اكيد مراح يتراجعون عن القتل اذا شافو اكو ضحيه كدامهم
الاب وابنه ما يستحقون العفو
الاعدام قليل بحقهم
الخامس من هنا
