رواية مغامرات عائلية الفصل التاسع عشر 19 بقلم همس كاتبة
19
غادة : انا قررت خلاص هدي زياد فرصة
فريدة بصدمة : يعني هترجعيله ؟!
غادة بتردد : مش عارفة
حبيبة بابتسامة : هو ايه الي مش عارفة ؟! انتي لسا بتحبيه .. صدقيني لما تتكلمو مع بعض هتتاكدي ان القرار ده صح
فريدة بهدوء : غادة زياد بيحبك بجد و يستاهلك .. ما تكبريش الحكاية طالما لسا بتحبيه .. عيشي حياتك مع الشخص الي قلبك اختاره و كفاية وجع و قهر ليكي و ليه
غادة بغصة : خايفة … خايفة يجرحني تاني .. الي يجرح مرة هيجرح الف مرة بعدها …بس بنفس الوقت انا بحبه و مش قادرة اشوف عمري بيضيع قدامي و انا تعيسة
حبيبة : يبقى قرارك صح مية بالمية .. الخوف حاجة طبيعية يا غادة .. بس انك تضحي بسعادتك عشان الخوف ده يبقى اسمه غباء
فريدة : عندها حق .. انتي خودي الخطوة الاولى بس و اديه فرصة .. و هتشوفي ازاي هيحطك بعنيه
حبيبة بابتسامة : طب ايه سر التغير ده يا غادة ؟ ليه فجأة قررتي انك هتديه فرصة ؟
غادة بتوتر : مش عارفة … خوفت لما حسيت انه هيبعد تاني .. خوفت يروح و ما يرجعش .. صحيح انا كنت بتخانق معاه الايام الي فاتت بس كنت مبسوطة انه قدامي على الاقل .. عشان كدة قعدت اراجع نفسي لو انا بجد مش عايزاه و لا بس عايزة اعذبه زي ما عذبني … حاسة اني تعبت من الحوار ده و مش قادرة افضل متعلقة كدة
فريدة بسعادة : انا هروح اقوله الكلام ده ..اكيد هيفرح اوي
غادة بصدمة و غضب : تقولي ايه .. اقعدي هنا .. انا لسا مترددة .. قولت هديه فرصة بس لسا ما سامحتوش
حبيبة بهدوء : اهدي يا غادة … انتي لازم تكلميه بنفسك .. قوليله الي حاسة بيه و شوفي رد فعله هيكون ازاي … عادي خودي وقت في التفكير و على اقل من مهلك
فريدة باستفزاز : ليه ما هي بتحبه .. ما تصعبيهاش على نفسك يا غادة .. انا لو منك هروح اقوله دلوقتي حالا
كانت غادة سترد و لكن قاطعهم صوت شجار عالي جدا
حبيبة بفزع : ايه ده في اييه
فريدة : امشو نشوف بسرعة
نزلو بسرعة كبيرة الى الطابق الارضي و تجمعت كل العائلة اثر صوت الصراخ
كانت خديجة و خولة تتشاجرن بسيل هائل من المسبات … و ايهاب يقف بينهم و يمسك بخديجة المندفعة نحو خولة و يحاول ابعادها عنها
خديجة بردح : انا زبالة ؟ يا مرا يا ناق..صة جاية تتكلمي على نضافة بناتي و انتي مش عارفة تلمي بنتك
خولة بغضب : انا ضفر بنتي يسواكي انتي و عيالك كلهم .. روحي نضفي بيتك الي ريحته
واصلة لاخر الطرقة يا جر…بانة
خديجة بصراخ : انا انضف منك و من عيلتك كلها .. قبل ما تلقحي كلام عليا شوفي نفسك يختي .. ده انتي بتحشري بنتك بمناخير زياد بالعافية
نظر زياد و دينا لبعضهم بصدمة شديدة
عدنان بغضب : ايه الكلام الي بتقوليه ده يا خديجة .. سكت مراتك يا ايهاب
خديجة بجنون : ايوة اصلا بنتها الي خربت علاقة زياد و غادة من كتر ما بتدخل بيهم .. ايه ما بتشوفوهاش و هيا رامية نفسها عليه طول الوقت ؟
خولة بحرقة : لمي لسانك الزفر ده يا خديجة …انا بنتي اشرف منك يا عر..ة النسوان
خديجة و هي تحرك يديها بردح : شوفنا الشرف يختي شوفناه و انتو عمالين تخططو عشان بنتك و بنات اخوكي يعلقو شباب العيلة كلهم .. مهي واضحة زي الشمس عايزاهم التلاتة يسيطرو على البيت و يشفطو كل حاجة
سعاد بغضب شديد : خديجة احترمي نفسك و ما تجيبيش سيرة بناتي على لسانك
خولة : طبعا لازم تقول كدة يا سعاد مهي مش عارفة ازاي هتبوظ جوازة حلا من فارس .. دي ست متخلفة اصلا
خديجة بشر : و رحمة امي ما هنولك مرادك انتي و هيا
سعاد بجنون : انا اصلا ما يشرفنيش نسب وحدة زيك .. ده انتي فيكي العبر يا شيخة .. شوفي نفسك قبل ما تلقحي عليا و على بناتي .. قال على رأي المثل الكلب لو بص لديله ما كانش اتكلم على غيره
خديجة : اخرسي انتي ما كانش ناقصني غيرك يا حر..باية ده انتي عاملة عبيطة و مش شايفة قلة ادب بناتك و سهوكتهم على الرجالة
شهقت حلا و حبيبة سويا و كان جميع افراد العائلة بحالة صدمة شديدة
سعاد بردح : انا مربية بناتي كويس يا خديجة الدور و الباقي عليكي يحببتي … ما تبصي لبنتك يختي الي من ساعة ما وصلنا و هيا بترمي نفسها على جوز بنتي و كلنا شايفين و ساكتينلها قولنا عيلة صغيرة و بتلعب .. مكنتش عارفة ان انتي الي معلماها الحركات دي
خديجة : و الله انا بنتي لسا طفلة .. بس انتي الي معرفتيش تربي بناتك و حشرتيهم بمناخيرنا عشان تسيطري ع الجو و تعملي فيها ست الكل
حسين بجنون : لم مراتك يا ايهاب .. احنا ضيوف عندكو مش عايز اغلط بحد
ايهاب و هو يحاول دفع خديجة : اخرسي بقا فضحتيني
دفعته عنها و قالت : الضيف ليه تلات ايام يخويا مش سنة .. و الي يقعد بمكان يبقى يحترم صحابه
خولة : ده مش بيت الي خلفوكي .. ده كان بيت ابويا قبل ما يبقى بيتك يا مع..فنة يا زبالة … كل ده عشان قولت كلمة الحق ؟ طب و الله انتي مرا وس..خة اولعي يختي يلا
خديجة بهمجية : و الله منا سايباكي تعاليلي هنا
و اشتبكت يداها مع خولة و هي تحاول دفعها بع..نف شديد
حاولت سحر التدخل مع عدنان و ايهاب لدفع خديجة …. بينما حسين و سعاد يسحبون خولة
فجاة عدنان دفع خديجة بقوة الى ان ارتطمت بالكنبة و وقعت عليها
ايهاب بغضب : انت اتجننت ازاي تمد ايدك على مراتي
عدنان بجنون : ده وقت الكلام ده .. البيت هيولع و انت مركز بمراتك الهبلة
سحر بغضب : اسكتو بقا … كفاية .. مش محترمين حد ابدا .. ده العيال هيتكسفو يعملو التصرفات دي .. المفروض انتو جايين تحضرو الفرح مش تخربوه علينا يا ايهاب
ايهاب بحدة : لو كل واحدة تلم لسانها ما كانش ده هيحصل
خولة بغضب : ما مراتك الي من ساعة ما جينا و هي بتلقح بالكلام علينا كلنا .. حتى بنتي ما سلمتش من لسانها
ايهاب بغضب : سكت اختك يا حسين و لمو الدور .. كفاية بقا زودتوها اوي
حسين بحدة : انت ما سمعتش مراتك قالت ايه
عدنان بغضب عارم : كفاااااااااااية مش عايز اسمع صوت .. ايه هتتخانقو انتو كمان عشان كلام الستات ده ؟!
في هذه اتى عبد الله من الخارج على صوتهم و خبط بعصاه على الارض بقوة
عبدالله بصوت عالي : ايه الي بيحصل في بيتي ده ؟!
عدنان حاول السيطرة على اعصابه و قال : خناقة ستات يابا ما تشغلش بالك
حسين بجنون : لا مش خناقة ستات يا عدنان .. ده كلام و اتقال على بناتي و بنت اختي .. و مش كلام عادي ده شرف .. فاهم يعني ايه ؟
ايهاب بغضب : ما اختك و مراتك اتكلمو على بناتي كمان
نظر حسين الى سعاد و قال بحدة : سعاد اجهزي و جهزي البنات هنرجع مصر دلوقتي حالا و مش هنعتب البيت ده تاني
عبد الله بحزم : مفيش حد هيروح يا حسين … عايز افهم ايه الي حصل و انا بنفسي الي هجيبلك حقك
حسين : مش عايز حق يا عمي .. البيت الي عيلتي هتتهان فيه ما اقدرش افضل بيه
ايهاب بحدة : و احنا كمان يابا هنرجع بيتنا .. كفاية كدة كل شوية مشاكل و قرف .. انا ما اقدرش استحمل الجنان ده كتير
عبد الله بامتعاض : واضح انكو مش هتتهدو غير لما تخربو البيت … كل واحد يروح اوضته دلوقتي مفيش سفر النهاردة .. بكرا الصبح تبقو تاخدو عيالكم و تروحو لبيوتكم … و ما ترجعوش عندي الا على موعد الفرح
سند على عصاه و اتجه لمكتبه و هو بحالة غضب ممزوج بالحزن الشديد … تبعه مصطفى فورا لينقل له الحدث بالتفصيل الممل
***********************
بعد وقت قصير
التقى اوس بحبيبة في الممر
اوس باستغراب : ايه الي حصل يا حبيبة ؟ ايه صوت الخناق ده ؟
حبيبة بضيق : البيت بيولع يا اوس … بابا و ماما زعلو اوي .. طنط خديجة قالت كلام يسم البدن لماما و لعمتي و قدام الكل كمان
اوس بصدمة : يعني اتخانقو ؟!
حبيبة : ايوة .. دول كانو هيضربو بعض .. و طنط خديجة و عمتو خولة مدو ايدهم على بعض بجد
اوس بذهول : يا انهار اسود
حبيبة : جدو قال بكرا الصبح هنرجع مصر .. اصل بابا زعل اوي بجد من الكلام الي سمعه
اطلق اوس تنهيدة و سحبها الى حضنه
اوس بهدوء : ما تزعليش يا حببتي .. هيتصالحو .. ما اعتقدش جدي يسكت للخناقة دي … و لو حصل و رجعتي مصر مع اهلك انا كمان هروح هناك و افضل قريب منك على طول
حبيبة بابتسامة : بص انت بتفكر بايه و انا بفكر بايه … انا قلقانة عشان فريدة … ده احنا لسا بنقول اخيرا الجو هدي .. و قلقانة على بابا الي هياخد الموضوع بحساسية و يزعل و يمكن ما يفكرش يرجع للبيت ده خالص .. و عندك حلا و فارس الي مستحيل جوازتهم تتم طالما الاهل متخانقين .. البيت اتقلب مرة وحدة يا اوس
اوس بحدة : يعني ما فكرتيش بيا و انك هتبعدي عني ؟
وضعت يدها على صدره بهدوء
حبيبة بابتسامة : لا فكرت .. بس انا مش ببعد عنك يا اوس حتى لو رحت هلاقي طريقة و اقابلك بيها … بس بفكر بكمية الكوارث الي حصلت في الدقيقتين الي فاتو دول
اوس بنفخ : هتتحل يا حببتي .. هتتحل ما تقلقيش
زمت شفتيها بعدم رضا
حبيبة بهمس : بارد
اوس بضحكة : سمعتك
حبيبة : ما انت بجد بارد جدا .. و انا دمي محروق و مش عارفة اعمل ايه
اوس بابتسامة : خليكي بحضن حبيبك هتهدي
********************
حلا بغضب و هي تضع يدها على رقبتها بخنقة : بقولك ايه انا خلاص وصلت معايا لغاية هنا … مامتك مش محترمة حد خالص و بتلقح كلام ع الكل مش عليا لوحدي .. و دي مش اول مرة تغلط بيا و انا سكت و عديت عشانك
فارس : طب اعمل ايه مهي امي … انا عارف انها غلطانة بس امك و طنط خولة غلطو فيها كمان
حلا : لو هيا ما غلطتش مكانتش امي هترد عليها .. دي قاعدة بتتكلم على حبيبة و دينا كمان .. مش على اساس بتحبهم ؟!
فارس بلخبطة : انا مش عارف ايه الي حصلهم بالبيت ده
حلا : انا مش قادرة استحمل يا فارس .. مامتك من دلوقتي بتكرهني بعيشتي .. انت عارف طبعي مش بقبل حد يغلط بيا و لو بنص كلمة .. و لولا ان الخناقة كانت بين الكبار بس كنت هتدخل و اعك الدنيا .. دي غلطت بيا و بعيلتي كلها و اتهمت دينا بكلام ما يتقالش
فارس بغضب : ما طنط خولة هي الي بدأت .. لو ما اتكلمتش ما كانش ده هيحصل
حلا : لا مامتك معبية علينا من زمان و كانت مستنية فرصة بس تتكلم عشان تعمل مشكلة
فارس : طب سيبي الموضوع ده للكبار يحلوه بينهم و بين بعض .. انا مش قادر استحمل اكتر من كدة .. كفاية بقا
حلا : مش هيحلوه يا فارس .. الكلام الي اتقال كبير و مامتك هتبقى حماتي .. يعني هتفضل تتكلم و تدايقني اكتر من كدة
فارس بانفجار : دي امي يا حلا .. عايزاني اعمل اييييه ؟!! اقوم اتخانق معاها عشان كلام الستات ده
حلا بصدمة : بس ده كان كلام عليا و على عيلتي يا فارس و قالته قدام الكل من غير ما تتكسف
فارس : ما امك كمان ما قصرتش هيا كمان و قالت كلام صعب جدا
حلا : على كدة هنقعد نقول امي و امك يا فارس ؟! كدة هتتحل المشكلة ؟!
فارس : طب قوليلي اعمل ايه ها ؟ قوليلي على حل و انا اعمله
حلا بخيبة : انا الي هعمل مش انت … مش انا الي تسكت ع الاهانة يا فارس
فارس باستغراب : هتعملي ايه ؟
حلا بحدة : هرجع مع اهلي لبيت ابويا بكرامتي .. و اعتبر الي بينا ده كان لعب عيال و عدا … مامتك عملت كل ده قبل ما الخطوبة تحصل اساسا .. ما بالك بعد الجواز
فارس بصدمة : ايه الي بتقوليه ده ؟!
حلا : زي ما سمعت .. الي ما يعرفش يدافع عن الي بيحبها يبقى ما يستاهلهاش يا فارس و مامتك اصلا عملت كل ده عشان تبوظ جوازتنا و اهي نجحت … عن اذنك
ذهبت من امامه و هو ينظر امامه بصدمة و عدم تصديق
***********************
فريدة ببكاء : و الله قلبي كان حاسس .. معرفوش يتخانقو الا دلوقتي ده انا ما صدقت الجو هدي
دينا بهدوء : اهدي يا حببتي دي مشاكل طبيعية و بتحصل كتير .. سيبيهم بكرا هيتصالحو و يرجعو احسن من زمان
فريدة بدموع : ده انا لسا من شوية كنت متخانقة مع تميم ما كنتش ناقصة خناقتهم دي كمان .. انا كدة حظي قليل دايما
غادة : فريدة اهدي.. ما تركزيش معاهم جدو هيحلها صدقيني
دينا بغيظ : مامتك دي ست مفترية بجد يا غادة .. دي بتتهمني بحاجات غريبة .. اول مرة اتصدم بطنط خديجة كدة
غادة بانفعال : ممكن ما تتكلميش عليها انتي كمان ؟ … دلوقتي الكل هيقف مع مامتك ضدها مع ان مامتك الي بدأت
دينا بحدة : بس مامتك قالت كلام كبير اوي .. دلوقتي انا الي بقيت مبوظة علاقتك بزياد يا غادة ؟!
غادة : لا .. انا عارفة ان ماما غلطت .. بس اي حد هيشوفك انتي و زياد مع بعض هيقول كدة برضو
دينا بذهول : نعم يختي ؟؟؟ انا و زياد طول عمرنا اصحاب و زي الاخوات بالزبط
غادة : مفيش حاجة اسمها اخوات يا دينا … يمكن نسيتي ديننا و العادات بتاعتنا .. الي بتعمليه ده عيب اوي و ما ينفعش
دينا بصدمة : يخربيتك .. كل ده عشان بتغيري عليه ؟! .. بقيتي شايفاني بحاول اخطفه منك يا غادة ؟؟
غادة ببرود : انا مقولتش كدة .. انا الي قولته ان الناس لما تشوف تصرفاتكم هتفهم ان في حاجة بينكم مش اكتر … انا عارفة انك زي اخته يا دينا و عمره ما هيبصلك بنظرة غير دي
دينا بحدة : طب طالما محروقة اوي كدة ليه ما ترجعيله و تخلصيني من الصحوبية الهباب دي ؟
كانت غادة سترد و لكن قاطعتها فريدة
فريدة بصراخ : بس منك ليها ..اخرسو بقا .. انتو عايزين تكبرو الحكاية اكتر من كدة ؟
غادة بسرعة : طب اهدي يا فريدة .. ما تتعصبيش و الله جدو هيحلها
فريدة بغضب : ازاي هيحلها مهما هيروحو بكرا الصبح .. انا ملحقتش اتهنى يا ربي
دينا بنفاذ صبر : اجمدي شوية يا فريدة .. مالك ملهوفة على الجواز كدة ؟ ما تخافيش تميم مش هيطير … اصبري هيتصالحو و يهدو بس محتاجين شوية وقت
فريدة بانهيار : ليكي حق تقولي كدة منتي ما دوقتيش المر معايا .. بقالي سنين مخطوبة و كل شوية تحصل مصيبة و فرحي يتأجل .. انا قرفت بجد … خلاااص انا لا عايزة فرح و لا بتاع .. يروحو بداهية بقا
دينا بهدوء : انا اسفة يحببتي .. اهدي و ما تشغليش بالك معاهم .. تعالي نكمل تحضير للفرح و كأنه محصلش حاجة و اوعدك هتلاقي الامور بتتحل لوحدها
غادة : فعلا قومو نكمل شغل و نتلهي شوية عنهم
فريدة بحزن : مليش نفس اعمل حاجة .. انا بجد فرحتي اتكسرت و مش طايقة حد
********************
سحر بحدة : المرادي انتي الي بدأتي يا خولة .. انتي الي لقحتي كلام الاول .. انتي مالك و مال خديجة ؟ ملكيش دعوة بمشكلتها مع حلا دي مش بنتك
خولة بصدمة : يعني سبتي كل حاجة اتقالت و ركزتي بمين الي بدأ ؟ ما سمعتيش قالت ايه عن بنتي و بنات اخويا ؟
سحر : لا سمعت بس انتي كمان اتكلمتي على بناتها .. لو انتي سكتي ما كانش ده هيحصل
سعاد : بس خديجة شايلة بقلبها علينا من زمان يا سحر
سحر : و احنا اتفقنا ما نعملش مشاكل قبل الفرح … انتي يا خولة الي قولتي الكلام ده و انتي الي عملتي المشكلة و دخلتينا كلنا معاكي
خولة بحدة : منا مش هسكتلها دي كل شوية تتكلم على بنت اخويا كأنها عدوتها .. دي ما صدقت ارد عليها عشان تعمل خناقة و تطلع المستخبي جواها
سحر : و ما اخترتيش تعملي مشكلة غير دلوقتي ؟ ليه عايزة تخربي عليا فرحتي بابني ها ؟ ما مشكلة حلا و فارس عمي اتدخل و قال الخطوبة بعد الفرح .. ليه تكبري الحكاية ؟
خولة بجنون : هو في ايييه ؟ محدش جوز اولاده غيرك ؟ محنا كلنا عندنا عيال و عايزين نفرح بيهم .. خديجة زودتها و انا علمتها الادب
سحر بضيق : الكلام معاكي عقيم … كان لزومها ايه اللمة الي هتنكد عليا و تنسيني فرحتي بابني
خولة بصدمة : دلوقتي ما بقتيش حابة قعدتنا عندك يا سحر ؟!
سحر بانفعال : مهو من ساعة ما اجتمعو العيال ما بطلوش مشاكل و دلوقتي جيتي انتي و خديجة زودتوها كمان …. رغم ان احنا اجتمعنا عشان الفرح بس انا شايفة انها كانت لمة للمشاكل بس
انهت كلامها و ذهبت و هي غاضبة بشدة
**********************
مر بضع ساعات
عبد الله بنظرات غامضة : مصطفى اطلع لملي العيال بسرعة
مصطفى بتوتر : ليه
عبدالله بحدة : نفذ الي قولته بسرعة .. و مش عايز حد من الكبار يعرف حاجة
مصطفى : حاضر يا جدو
بعد دقائق قليلة … اجتمع الشباب امام جدهم بصف واحد .. كانت علامات الحزن و الضيق على وجوههم جمعيا خاصة فريدة فعيونها محمرة بسبب بكائها المتواصل اثر الشجار الذي حدث
عبد الله بثبات : اعتقد ان كلكو بقيتو عارفين القاعدة الذهبية الي في البيت ده
نظرو لبعضهم باستغراب شديد
عبد الله : الي بيغلط لازم يتعاقب
تميم : ايوة يا جدي بس احنا ما غلطناش بحاجة .. الكبار الي غلطو .. ده احنا ما صدقنا عقوبتنا خلصت
عبد الله : و مين قال انكو غلطو ؟ بالعكس المرادي انتو الي هتشاركوني بمعاقبة اهلكم
نطق جميعهم بصوت واحد : معاقبة اهلنا ؟!
عبد الله : طبعا … هما غلطو و لازم يتعاقبو
اوس بابتسامة جانبية : يعني ايه يا جدي هتنزلهم يشتغلو بالغيط ؟!
عبد الله : لأ
فارس بضيق : اومال ايه يا جدي ؟
عبد الله : هعاقبهم باغلى حاجة على قلوبهم
زياد باستغراب : الي هيا ايه ؟
عبد الله : كل المشكلة الي حصلت في البيت ده كانت بسببكم انتو .. خناقة الستات كانت بسبب البنات .. بغض النظر عن مين الي غلط في مين .. و الرجالة اتدخلو و حميت بينهم .. يعني كلهم غلطو و اتخانقو عشان كل واحد فيهم عايز لعياله الافضل … مش كدة ؟!
حبيبة : صحيح … بس برضو مش فاهمة يعني ازاي هتعاقبهم ؟!
عبدالله بابتسامة : هحرمهم منكم كلكم عشان يعرفو ان الله حق
كارما : يعني ايه يجدو هدبحنا عشان تربيهم ؟!
زياد بضحك : مش للدراجادي يا كارما
دينا : طب ازاي هتحرمهم مننا يا جدو ؟!
