الحلقة الخامسة عشر:::
رواية عيناها سر سعادتى (بين العشق وحب الذات)
بقلم / فاطمـة البربـرى
عزة : سارة …سارة
سارة جت : ايه ياماما خير فى ايه
عزة : خالد خلاص هيسيب خطيبته وهيتجوز ندا روحى فرحيها بقى
سارة جرت على خالد وحضنته وبعدين باسته من خده : انت احلى اخ
فى الدنيا
خالد : طب يالا روحى قولى لندا وقوليلها تجهز نفسها الماذون هيجى بكرة
سارة : خلاص ماشى انا هاروح ابلغها حالا
خالد رن على اية :
اية : ازيك ياحبيبى اخبارك ايه
خالد : اية اعتبرى كل حاجة بينا انتهت انا هتجوز مرات اخويا انا مش هاقدر
اسيب ادم دى وصية اخويا قبل مايموت
اية بصدمة ::انت بتقول ايه هتتخلى عن حبنا ياخالد ، انا مش مصدقة امال فين
كلامك ووعدك لى انك مش هتسبنى
خالد : انسى كل كلمة قلتهالك قبل كدة احنا مش لبعض يااية..انتهينا..سلام
———
مازن قاعد فى اوضته وماسك فى ايديه اوراق تحاليل كان عاملها ودموعه مغرقة
وشه
مازن مع نفسه : انا بحبك اوى ياملك ، كان غصب عنى لما قلتلك انى ماانفعش ليكى
وانا والله اتغيرت علشانك سبت كل حاجة وحشة كنت بعملها علشانك بس للاسف بعد
فوات الاوان انا مش عايزك تعلقى نفسك بى ياحبيبتى انا مريض بمرض خبيث ومفيش
امل انى اعيش كتير وقعد على الارض وسند بدماغه على الحيط وانهار فى البكاء
——-
فى بيت طارق:
هند : طارق ايه رايك نخرج بالليل نجيب شوية هدوم للبيبى
طارق سرحان ومش معاها اساسا
هند مشت ايديها قدام وشه: طارق…طارق
طارق: ايه ياهند فى ايه
هند: بقولك عايزة نخرج علشان نجيب هدوم للبيبى
طارق: هدوم ايه بس دلوقتى مش لما نعرف نوع الجنين
هند بابتسامة: لا مانا رحت للدكتورة النهاردة وعملتلى سونار وعرفت نوع البيبى
طارق: طب خلاص خدى الفيزا من درج المكتب واخرجى هاتى اللى انتى عايزاه
هند: ايه ده انت مش هتيجى معايا ولا ايه
طارق: لا معلش انا مرهق شوية كدة وماليش مزاج اخرج بالليل
هند: مالك ياطارق بقالك فترة كدة سرحان ودايما مشغول
طارق بعصبية: ماليش ياهند انا كويس انتى غارية نكد ولا ايه
هند: انا بردو اللى غاوية نكد ده انتى يااخى ماهانش عليك تسالنى نوع البيبى ايه
لما قلتلك انى عرفت نوعه ، للدرجة دى مش فرحان بالبيبى
طارق نفخ بضيق: يوووه انا قرفت منك صدعتينى وقام ناحية الباب
هند :انت رايح فين
طارق: مالكيش فيه ياهند انا اروح المكان اللى انا عاوزه فى الوقت اللى يعجبنى
انتى مش هتحكمى على فاهمة
هند بانكسار: براحتك انا اسفة
——-
سامح عند هاجر
سامح : ايه رايك ياهاجر لو نكتب كتابنا بكرة
هاجر : بكرة ليه لسة بدرى على الفرح
سامح : ولا بدرى ولاحاجة لسة ٣ شهور بس
هاجر : والله انا ماعنديش مانع كلم بابا اسماعيل وشوف هيقولك ايه
سامح : طب قومى نادى عليه وقوليله انى انا عاوزه
هاجر: حاضر وقامت نادت لوالدها
اسماعيل : خير ياسامح
هاجر:طب انا هاروح اعملكم حاجة تشربوها على ماتخلصو كلامكم
سامح بهزار: احسن بردو
هاجر رجعت: بتقول حاجة ياسامح
سامح : لا ياحبيبتى ماقلتش حاجة
هاجر : امممم ، بحسب
سامح قاله انه عايز يكتب الكتاب وهو وافق
——
ملك قاعدة مع والدها وبيتفرجو على التليفزيون ودموعها نزلت منها
غصب عنها ووالدها لاحظ ده
سلامة مسح دموعها بايديه : مالك يابنتى نتيجة الامتحانات ظهرت ولا ايه
ملك : لا لسة يابابا هتظهر كمان يومين
سلامة: امال فيه ايه يابنتى بتعيطى ليه
ملك : مفيش حاجة يابابا..بعد اذنك انا هاقوم انام ساعة ولاحاجة
حاسة انى تعبانة شوية
سلامة: ماشى ياحبيبتى براحتك ووقت ماتحبى تحكيلى انا موجود
ملك ابتسمت ودخلت اوضتها
——
فى بيت مجدى
محمود : بابا انا عايز اخطب
مجدى بابتسامة : تانى يامحمود والمرة دى عايز تخطب مين بقى
عزة بتضحك: ليه يامجدى ليك بنات تانى من حد غيرى ياراجل انت
محمود : اوعى ، انت اللى جبته لنفسك ياحاج قابل بقى
مجدى : بس ياد انت ماتتدخلش بينا دى ام محمود دى حياتى
ربنا يخليهالى
عزة بابتسامة : ويخليك لى يابو محمود ياغالى
محمود: طيب اطلع منها انا بقى
امل : المهم يامحمود هى مين العروسة اللى انت عايزها حد نعرفه ولا لا
محمود : انتى عارفة ملك سلامة بنت خالة خالد
امل:ملك.. اه انا شفتها مرة قبل كدة
مجدى : انا ماعرفهاش هى بنت كويسة يعنى؟؟
محمود: ايوة يابابا بنت كويسة جدا ، انت حتى ممكن تسال اية عليها
امل : اه صحيح امال هى اية فين
عزة : جات من الشغل دخلت نامت علطول، قالت انا مرهقة اوى هنام ساعتين بس
وصحينى علشان ماسهرش بليل
مجدى : خلاص ماشى يامحمود ابقى كلم والدها واتفق معاه على ميعاد
عزة: ربنا يسعدك ياابنى ويفرحك
———
خالد مع ندا بعد مااتجوزها
ندا : خالد انت بتعمل ايه
خالد بضيق : انتى شايفة ايه ، بلاعب ادم
ندا : خالد انت ليه مش بتتكلم معايا خالص
خالد: هاتكلم معاكى فى ايه يعنى
ندا : فى اى حاجة ياخالد المهم نتكلم مع بعض وخلاص
خالد نفخ بضيق : خدى ادم نيميه شكله عايز ينام
ندا اخدت ادم ونيمته على سريره ورجعت لخالد تانى وكان بيتفرج على التليفزيون
ندا بعصبية : خالد انا زهقت من العيشة دى خلاص ماعدتش قادرة استحمل
من اول مااتجوزنا وانت بتنام بعيد عنى وكل يوم اقول بكرة يتغير بس مفيش
فايدة
خالد : انتى عارفة ياندا انى مش بحبك ورغم كدة وافقتى ان احنا نتجوز
ندا : انا وافقت علشان ادم بس عمرى ماتوقعت ابدا انى هاعيش
مع واحد مش راجل اساسا
خالد ضربها بالقلم على وشها : انا مش راجل يابنت الكلب ومسكها جرجرها
من شعرها لحد اوضة النوم : انا هاوريكى انا راجل ولا لا دلوقتى ورماها على السرير
وخلصت حلقتنا النهاردة توقعاتكم
ياترى ملك هتعرف بحقيقة مرض مازن وترجع تقرب منه تانى ولا لا طارق هيكمل مع هند ولا هيطلقها زى ماامل عايزة ويرجع امل ملك هترفض محمود ولا هتوافق عليه ايه رايكم فى سامح وهاجر حلوين صح مش كدة بصراحة هما عاجبنى
