رواية وجمعتنا الغربة الفصل الثالث والعشرين 23 والاخير بقلم اماني عمر – تحميل الرواية pdf

رواية وجمعتنا الغربة الفصل الثالث والعشرين 23 والاخير بقلم اماني عمر

الفصل الثالث والعشرين والأخير
بعد يومين
دخلت مريم غرفة منار
منار – السلام عليكم ورحمة الله السلام عليكم ورحمة الله
مريم بدهشة—اول مرة اشوفك بتصلى
التجربة اللى مرت عليا قد ما كانت صعبة وقاسية بس علمتنى حاجات كتيروأهمها انها خلتنى ااقرب اكتر من ربنا
دخلت عليهم عايدة الغرفة
ايه يا بنات تيجوا نروح نقعد عند خالكم شوية
مريم –مش هنرجع بيتنا بقى يا ماما
لا يا حبيبتى انا ارتحت اوى هنا وسط اهلى وخلاص مش عايزة ارجع تانى
منار – ولا انا كمان
دق جرس هاتف مريم فصاحت بفرح
اكيد ده محمد
وحشتينى يا روحي
انت كمان وحشتني اوى
يا خرابي تعرفي لو كنتي قدامى دلوقتى كنت هعمل ايه
هتعمل ايه يعنى؟
لما تكبرى شوية هبقى اقولك
ابتسمت مريم بخجل
اتأدب يا محمد أحسن أقفل السكة فى وشك
طب يلة بلغي أهلك انى جاي انا وعيلتي نطلبك بكرة انشاء الله
بالسرعة دى
بسرعة ايه يا بنتى ده انا مستنى اللحظة دى من خمس سنين
أخذت منه ايمان الهاتف
حبيبتى يا مريم انا اسفة اوى على اللى عملته معاكى وياستى اول ما تشوفيني ابقى اديني نفس القلم اللي ضربتهولك
خلاص يا ايمان انا مش زعلانة منك بالعكس انا مبسوطة انك بتحبى اخوكى للدرجاتى ياريت كل الأخوات يكونوا زيكم
اسفة اوى يا مريم انى مش هعرف اجى معاهم بكرة
ليه بقى؟
اخذ محمد منها الهاتف
اصلها حامل يا ستى والدكتور منعها من السفر فى التلت شهور الاولنيين
الف مبروك فرحتني اوى
عقبالنا
ابتسمت مريم بخجل ولم تعقب
اخذت منه والدته الهاتف فصاح محمد بغضب
وبعدين بقى فى العيلة دى
الف مبروك يا عروسة ابنى
ابتسمت مريم
متشكرة اوى يا طنط
لأ من هنا ورايح هتقوليلى ماما
حاضر يا ماما
جاء والده أيضا وسحب الهاتف من زوجته
وانا كمان عايز اكلم عروسة ابنى
ازيك يا حبيبتي عاملة ايه
كويسة اوى يا عم قصدي يا بابا
برافو عليكى شكلك زكية وبتتعلمى بسرعة
اخذ محمد منه الهاتف
طب سلام بقى يا مريم اصل العيلة دى رغاية وممكن يفضلوا يكلموا كده لغاية ما تلاقينا قدامكم بكرة
***************
ذهب محمد مع عائلته حسب الموعد حاملا معه باقة ورد وعلبة من الشكولاتة وقد رحب الجميع بهم وبعد قليل دخلت مريم وهى فى أبهة حلة حاملة صينية العصير وهى ترتجف من فرط انفعالها
أم محمد – ما شاء الله عروستنا زي القمر
كادت مريم أن تسقط الصينية من يدها
فركض اليها محمد وأخذها منها – — أنت كويسة؟
تلا قت أعينهم فى حب لبضع ثواني
عاطف – احم حط الصينية عندك وارجع مكانك وأنتى اتفضلى اطلعى برة ولما نعوزك هنبجى نندهلك
****************
خرجت مريم وهى تظفر بضيق
بجد خالك ده رخم أوى يعنى كان فيها ايه لو قعدت معاهم جوا
منار— يابت اتقلى شوية ده مكنوش تلت ايام اللي بعد عنك فيهم
مريم – اصلك لسة مجربتيش الحب
منار بهمس – لأ يا ختى جربته وغرقانة فيه كمان
*****************
عاطف — معلش يا جماعة بس انا مبعترفش بالخطوبة والكلام الفارغ ده وبعدين انتوا بتقولوا الشقة جاهزة يبقى خير البر عاجله والفرح يكون بعد شهر على ما نكمل الحاجات اللي نقصاهم أما الشبكة بجي فدى هدية من العريس لعروسته ومش هكلم فيها
صاح محمد بفرح
الشبكة جاهزة ثم أخرج من سرواله علبة قطيفة بها نفس الدبل التي أحضرها لمريم منذ خمس سنوات بالإضافة الى خاتم ألماظ يبدو انه غالى الثمن جدا تناقلوا الشبكة فيما بينهم
عايدة – عريسنا ما شاء الله ذوقه حلو أوى ويظهر مريم غاليه عنده أوى
عاطف – اندهى على مريم يا عايدة عشان عريسها يلبسها الشبكة بعد اذن والدك ووالدتك طبعا
وبعد قليل ألبس محمد مريم الشبكة وقد انبهرت بجمال الخاتم
فاقتربت منه وهمست في اذنه
ده حلو اوى يا محمد وشكله غالى اوى كمان
ما يغلاش عليكى يا حبيبتي
وبعد قليل تعالت الزغاريط وتبادل الجميع التهاني
زينب— شايفة يا خالتي ابنك مانزلش عينه من على مريم من ساعة ما شافها
خلاص يا هبله البت فضلها كام يوم وهتتجوز وانتى اللي فضلاله وهتبقى ام ابنه
عاطف – طب يله يا جماعة نسيب العرسان مع بعضهم شوية عشان يتعرفوا على بعض
منار– هاهاها هما لسة هيتعرفوا على بعض
نظرت اليها عايدة بغضب
منار– معاك حق يا خالى لازم نسيبهم يتعرفوا على بعض وأنا اول واحد هتخرج
****************
اخيرا بقينا لوحدنا
احنى رأسه ليقبلها فابتعدت عنه مريم بسرعة
اضبط نفسك كده وبلاش تتهور احسن خالي ده صعيدي ومعندوش تفاهم
صحيح فكرتينى اى حكاية ابن خالك ده طول القاعدة منزلش عينه من عليكى والله على شوية وكنت هقوم اقلعهم له
خلاص يا حبيبى قلبك أبيض خليه يبص براحته المهم انا مش شايفة ولا بيهمنى حد غيرك
قبل راحة يدها بحنان
انا شايف ان شهر ده بعيد اوى ما تخلينا نجوز بكرة او دلوقتى يعنى هيحصل ايه
ضحكت مريم
يا مسكين ده انت حالتك بقت صعبة خالص
ماشي ياختى اضحكى براحتك مسيرك تقعى تحت ايدى ثم اردف
على فكرة عندي ليكى مفاجأة
مفاجاة ايه؟
أشرف عايز يتجوز منار وقاللى اجس نبضكم واعرف رايها وارد عليه عشان يجي يطلبها بنفسه
انت بتقول ايه يا محمد أشرف متجوز ومخلف كمان
معاكى حق بس مراته أكبر منه بكتير0هى كانت صاحبة المطعم اللى كان شغال فيه اول ما راح على فرنسا وحبيته وهى اللي طلبت تتجوزه وهو وقتها كان ظروفه صعبه والجنسية كانت هتسهله أمور كتير عشان كده وافق يتجوزها بس بيقول انه أول ما شاف منار عرف يعنى ايه الحب الحقيقي
بس كده أكيد هيتجوزها عرفي عشان القانون هناك بيمنع تعدد الزوجات
انا بصراحة شايف ان دي فرصة كويسة لمنار اولا لانه عارف كل حاجة عنها ومعندوش مانع يبدأ معاها بداية جديدة ثانيا عنده ولد يعنى مش مهم بالنسبة له سواء خلفت او ما خلفتش
دخلت منار عليهم الغرفة فجأة
انا موافقة
نظر اليها محمد متعجبا
انتى كنتى بتتصنتى علينا ولا اية؟
أكيد لأ بس خالى بعتني ارزل عليكم شوية
مريم – انتى سمعتي اللي قالو مش كده ؟
اشارت لها منار بالإيجاب
سمعت وموافقة
محمد– خلاص يبقى على خيرة الله
قامت مريم من مكانها واحتضنتها
الف مبروك يا حبيبتى
محمد — هتصل بيه وابلغه انك موافقة ده أكيد مستنى على نار
منار—طب مش لما نعرف رأى خالي وماما بالأول

********************
اعترض عاطف على زواج منار بهذه الطريقة فى البداية ولكن محمد حاول إقناعه
صدقنى يا خالى محمد شخص محترم جدا وجدير بالثقة وبعدين الجواز فى الأصل اشهار واحنا هنعملهم فرح كبير وكل الناس هتعرف يبقى فين المشكلة
ماشى يا محمد بس لو حصل منه حاجة بعد الجواز هتبجى انت اللي مسؤول جدامى
************
بعد ثلاثة أيام حضر أشرف برفقة والده لطلب يد منار وقد أحضر هدايا للجميع وخاصة منار التى أحضر لها عقدا مرصع بالألماس وألبسها اياه وسط بكاء عايدة الحار
أنا مش مصدقة انى هجوز بناتي الاثنين وهفرح بيهم وبالذات منار كنت قلقانة عليها أوى
قبل أشرف يدها
صدقينى يا طنط انا امى ماتت من زمان واول ما شوفتك اعتبرتك زى امى بالضبط وياريت تعتبريني انا كمان زى ابنك و ما تقلقيش أبدا على منار من هنا ورايح لأنى هحطها بعيوني
ابتسمت له عايده
طب ليه طنط بقى ما دمت بتعتبرني زي مامتك
طب ممكن يا ماما تسمحيلى اقعد مع منار شوية لوحدنا ده بعد اذن خالى طبعا
طبعا يا حبيبى ماهى بقت فى حكم خطيبتك
***********
انا عارف انى ملحقناش نتعرف على بعض كويس بس صدقينى انا من اول مرة شوفتك فيها حسيت بخبط جامد فى قلبى وحسيت انك نصى التانى اللى كنت بدور عليه من زمان
انا كمان اول ما شوفتك معرفش ايه اللى حصلي رغم انى كنت عارفة انك متجوز بس كل يوم كنت بلاقي نفس مشدودالك اكتر
نظر اليها أشرف بحب
تعرفى انى كنت حابب اوى اسمع منك الكلمتين دول ثم استطرد وهو يقبل يدها
وانشاء الله هعمل كل اللى هقدر عليه عشان اسعدك وانسيك اى الم او حزن مروا عليكى

اشترى لها أشرف شقة بسوهاج عندما أخبرته انها تريد الاقامة بجانب اهلها وتزوجا خلال اسبوع بعد ذلك لأنه لا يستطيع ان يتغيب عن عمله لفترة طويلة فالترقية الجديدة اعقبها التزامات اكبر ثم تركها وعاد الى فرنسا بعد اسبوع عسل بالغردقة على وعد أن يأتي لزيارتها كل فترة

قدمت مريم على طلب منحة للدراسة بجامعة شيكاغو بإلحاح من محمد
أنت بتهزر يا محمد دى من احسن 10 جامعات غلى مستوى العالم وأكيد مش هيقبلونى
يا ستي هنجرب احنا خسرانين ايه وبعدين انتى درجاتك العلمية تؤهلك وبجدارة
وبالفعل وافقت الجامعة على طلب المنحة وقد طارت مريم من الفرح لذلك فهى أخيرا ستحقق حلمها بالحصول على الماجستير وأيضا فى جامعة من أعرق جامعات العالم

تم زفاف محمد ومريم عندما انتها من تجهيز البيت وسافرا بعد ذلك لقضاء شهر العسل بمدينة الحب التى جمعتهم مرة أخرى لتكون شاهدة على اكتمال قصة حبهم وتكليلها بالزواج ثم سافرا بعد ذلك الى أمريكا لاستكمال الدراسة
**************
بعشق النهايات السعيدة