رواية التضحية بالحب الفصل التاسع عشر 19 بقلم أروي عادل – تحميل الرواية pdf

مراد ٠٠٠ تعرفى أنك وحشتنى

أتسعت عينيها بدهشة مما سمعت و أزدات ضربات قلبها هنا وضعت تمارا يديها على قلبها لتهدئ من نفسها و تستوعب ما قاله مراد له فألتفتت تمارا له وقالت بصوت يكاد يكون مسموع

تمارا ٠٠٠ هو انت قولت ايه

مراد ٠٠٠ أنتى سمعتى قولت ايه كويس أوى

هزت رأسها بالنفى ثم قالت

بقلم٠أروى٠عادل

تمارا ٠٠٠ لاء مسمعتش

مراد ٠٠٠ (بخبث) طالما مسمعتيش يبقى خلاص انا مقولتش حاجة

قال جملته ثم تركها وذهب ليقوم بعمل تمارينه اليومية

بينما ظلت تمارا تنظر له بعدم فهم وهى تقول بداخلها هل حقآ هو قال لها انها وحشته أو هذا كان خيال أو هذا مجرد لعبه من مراد بمشاعرها أو هذا اختبار لها أم ماذا

كل هذه الأفكار كانت تدور فى رأسها

لم تخرج من هذه الدوامة إلا على صوت حسام عندما قال

حسام ٠٠٠ إللى اخد عقلك

تمارا ٠٠٠ نعم بتقول حاجة

حسام ٠٠٠ لأ انتى مش هنا خالص .. سرحانه فى ايه

تمارا ٠٠٠ ابدآ ولا حاجة يلا نبدأ الجلسة

بدأت تمارا فى عمل الجلسة لكنها كانت طول الوقت شارده فيما قاله مراد لها

بينما كان مراد يتابع تمارا بالسعاده وهو يفهم ما تشعر به. بطبع فهذا ما أرده

حسام ٠٠٠ تمارا الجهاز صفر انتى مش أخده بالك ولا ايه

تمارا ٠٠٠ لاء اخده بالى

حسام ٠٠٠ طيب أقفليه

تمارا ٠٠٠ حاضر هقفله أهو

حسام ٠٠٠ مالك يا تمارا . فى ايه

تمارا ٠٠٠ مالى ما انا كويسه اهو

حسام ٠٠٠ انتى مش معايا خالص النهاردة و طول الجلسة و انتى سرحانه

تمارا ٠٠٠ لا أبدآ انت بس إللى متهيألك .. يلا نبدأ فى التمارين

بدأت تمارا فى عمل التمرينات وهنا قالت

تمارا ٠٠٠ ثوانى اجيب كرسى ترفع رجلك عليه

عندما ذهبت تمارا لتجلب الكرسى لمساعدتها فى التمرينات . أقتربه مراد منها دون أن يلاحظ حسام وقال لها بصوت تسمعوا هى فقط

مراد ٠٠٠ أنا همشى عشان تعرفى تركزى فى الجلسة. بس هستناكى بره أوعى تتأخرى عليا

قال عبارته ثم انصرف تاركآ تمارا فى حيره مما يفعل مراد معاها .. هل يريد أن يفقدها عقلها

بعد إنتهت من عمل التمارين قالت

تمارا ٠٠٠ أنا خلصت هروح بقى على الكلية

حسام ٠٠٠ متأخريش عليا

تمارا ٠٠٠ لاء هخلص اللى ورايا و ارجع على طول

انصرفت تمارا بعد ما وعدت حسام انها لن تتأخر عليه

بقلم٠أروى٠عادل

كان مراد يجلس على سيارته أمام القصر و عندما رأه تمارا خارجه من القصر قال وهو ينظر لساعته اتأخرتى ليه

بينما ظلت تمارا تنظر له مثل البهاء و هى لا تفهم سبب تغيره الكبير معاها . هو يبدو مختلف عن مراد الذى تعرفه و عندما رأه مراد الحيره فى عينيها قال

مراد ٠٠٠ مالك حيرانه ليه

تمارا ٠٠٠ أنت مين

ابتسم مراد و قام بمد يده له بيصافحها و هو يقول

مراد ٠٠٠ اعرفك بنفسى انا مراد مهران ظابط شرطه . و بدير بعض الشركات مع والدى عندى ٢٨ سنه . بصراحة حابب اتعرف عليكى اكتر

كانت تمارا تتطلع له بعدم فهم لذلك كمل مراد حديثه و قال

مراد ٠٠٠ طيب حتى مدى ايدك و سلمى عليا

تمارا ٠٠٠ هو فى ايه هو انت سخن

ثم وضعت يديها على جبهته وقالت

بقلم٠أروى٠عادل

تمارا ٠٠٠ لاء معندكش حراره .. آمال مالك تكون شارب حاجة

مراد ٠٠٠ لاء واللهى ده انا راجل رياضى يعنى ماليش فى الشرب

تمارا ٠٠٠ مراد انتى عايز أيه

مراد ٠٠٠ دى أول مره تقوليلي مراد من غير الأستاذ. يبقى اكيد هنتفق

تمارا ٠٠٠ نتفق على ايه انا مش فاهمه حاجة

مراد ٠٠٠ طيب ممكن تركبى العربية نروح مكان نتكلم فيه بدل ما احنا وافقين فى الشارع كده

لم ينتظر مراد ردها بل سحبها من يديها برفق لتركب السيارة ..كانت تمارا تسير معه دون أن تعترض لاتعرف ماذا أصابها انها هى تمارا صاحبة الشخصية القويه تسير معه كأنها مسلوبة الإرادة

بعد ما ركب مراد السيارة قال بخبث

مراد ٠٠٠ حطى حزام الأمان ولا تحبى انا أحطهولك

هنا تذكرت تمارا اقتراب مراد منها عندما كان يفك لها حزام الأمان لذلك قالت بسرعة بخجل

تمارا ٠٠٠ لاء اوعى انا إللى هحطه لنفسى

ابتسم مراد هو يفهم بماذا تفكر ثم قال

مراد ٠٠٠ ها قوليلى عايزه تروحى فين

تمارا ٠٠٠ عادى اى مكان .

مراد ٠٠٠ فى كافيه حلو أوى على النيل ايه رأيك نروحوا

تمارا ٠٠٠ ( بتوتر) زى ما تحب

مراد ٠٠٠ مالك مرتبكه ليه

تمارا ٠٠٠ لازم ارتبك يعنى انت شايف إللى بتعمله فيا عادى يعنى

مراد ٠٠٠ اه عادى إللى بعمله ده كان مفروض أعمله من أول يوم شوفتك فيه . صحيح ساعتها كنت عايز اخنقك من إللى كنتى بتعمليه معايا فاكره.. بس بردوا كنت حاسس أن وجودك هيفرق كتير فى حياتى

تمارا ٠٠٠( بأرتباك و خجل) انت عايز تقول ايه

مراد ٠٠٠ هتعرفى كل حاجة فى وقتها

بالفعل وصلوا للكافيه و بعد ما جلسوا على أحدى الطاولات قال مراد

مراد ٠٠٠ عصير مانجا مش كده

تمارا ٠٠٠ لسه فاكر

مراد ٠٠٠ أنا عمرى هنسا اى حاجة خاصه بيكى

خفضت رأسها بخجل

ثم طلبه مراد من النادل اثنين عصير مانجا هنا قالت تمارا

بقلم٠أروى٠عادل

تمارا ٠٠٠ هااا كنت عايز تقول ايه

مراد ٠٠٠ تمارا انا مش شخص الرومانسي ولا بعرف اذوق الكلام ولا حتى بعرف اعبر عن إللى جوايا صح .. بس انتى انسان ذكيه أكيد فاهمه حاسه بمشاعرى أتجاهك . لأنى

حاسس ان عندك نفس المشاعر اتجاهى. كلامى صح ولا انا متهيألى

لم ترد عليه تمارا بل اكتفت فقط بهز رأسها بأيجاب . و بخجل .. هنا اخذه مراد نفس طويل ثم أكمل مراد حديثه

مراد ٠٠٠ أنا كده اطمنت اننا عندنا نفس المشاعر لبعض

رغم أن تمارا تشعر بصدق كلام مراد لكنها خافت من انه يلعب بمشاعرها لذلك قالت

تمارا ٠٠٠ أنا صح عندى مشاعر اتجاهك بس انا ماليش فى جوه الصحوبيه الارتباط لان انا حاطه لنفسى حدود ماينفعش اتخطها … حتى لو على حساب مشاعرى

مراد ٠٠٠ كلامك ده معناه انى اختارت الإنسانه الصح

تمارا ٠٠٠ مراد انت عايز منى أيه

مراد ٠٠٠ عايز اعيش معاكى مراهقتى إللى ماعشتهاش . عايز افرح و ازعل معاكى. عايز أجرى و اتنطط معاكى عايز اعيش للحظات مجنونه معاكى نفسى اعمل كل حاجة حرمت نفسى منها معاكى انتى بس

اه لو يعرف مراد كيف كانت أثار هذه الكلمات على تمارا لقد اهتز كيانها من أثر كلماته لدرجة أدمعت عينيها. . لكن لم تستطيع أن ترد عليه بولا حرف واحد لذلك قال مراد

مراد ٠٠٠ تمارا ايه الدموع إلا فى عيونك دى

ردت عليه تمارا وهى تمسح دمعة خاينه هربت منها وقالت كاذبه

بقلم٠أروى٠عادل

تمارا ٠٠٠ لاء شعرى دخل فى عينى من الهوا عشان كده عينى دمعت

ابتسم مراد وهو يعلم انها كاذبه ثم قال

مراد ٠٠٠ طيب اشربى العصير ولا تحبى اجيب ليكى قهوة

ابتسمت تمارا وقالت

تمارا ٠٠٠ لاء و على ايه هشرب العصير احسن

ظلت تمارا تسعل و هى تحتسى العصير عندما فجأها مراد و قال

مراد ٠٠٠ أنا مش عارف ليه أو أزاى أو ايشمعنا انتى بذات بس إللى متأكد منه انى اتنيلت و حبيتك

ظلت تسعل تمارا حتى أحمر وجهها و بسرعة سكب لها مراد كوب ماء ثم اعطاه لها

بعد ما شربت تمارا الماء قالت بتوتر

تمارا ٠٠٠ أنتى قولتلى انك اتنيلت و ايه

مراد ٠٠٠ و حبيتك . تعرفى انا حاولت كتير أكذب و أقاوم مشاعرى و حبى ليكى بس مقدرتش وفى الاخر فهمت

تمارا ٠٠٠ فهمت ايه

مراد ٠٠٠ فى فهمت انك خلاص بقيتى فى دمى و روحى وعقلى و قلبى.. يعنى بقيتى زى قدرى إللى مش هقدر اهرب منه مما حاولت

تمارا ٠٠٠ طيب ليه تهرب منه.. و ليه حاولت تقاوم الحب ده

مراد ٠٠٠ لانى عمرى ما اعترفت بالحب ..ولا كان عندى ثقه فى اي واحده ست .. و انا أسفة فى اللى هقوله بس …الحب بالنسبالى مجرد كدبة بيضحك بيها الولد على البنت أو العكس عشان يبرروا شهوتهم لبعض …يعنى الحب بالنسبالى كان عباره عن العلاقه بس

تمارا ٠٠٠ ياااااه قاسى أوى رأيك فى الحب

مراد ٠٠٠ بس اتغير على ايدك .و صدقنى لو قولتلك انك احسن حاجة حصلت فى حياتى

تمارا ٠٠٠ مراد ممكن أسألك سؤال بس مش عايزاك تضايق

مراد ٠٠٠ أسألى عن اي حاجة انتى عايزها

تمارا ٠٠٠ الواحد فينا بيكون رأيه عن أى شئ بناء عن تجربه مر بيها .. يعنى رأيك فى الحب ده أكيد عن تجربه أثرت فيك و غيرت مفهومك عن الحب

سكت مراد ثوانى هو يتذكر الماضى المؤلم ثم قال

بقلم٠أروى٠عادل

مراد ٠٠٠ عندك حق .

تمارا ٠٠٠ يعنى كان فى تجربة

مراد ٠٠٠ اه في.. يمكن يجى يوم و احكيلك عن التجربه إللى غيرت حياتى ..بس إللى عايزك تعرفي دلوقتى يا تمارا انك أول حب فى حياتى . انا عمرى ما حبيت قبلك ولا حتى اعجبت بأى بنت غيرك ..انتى اول ست فى حياتى.. زى ما انا متأكد من غير ما أسألك انى أول راجل فى حياتك

تمارا ٠٠٠ عرفت منين بقى

مراد ٠٠٠ أيه انتى ناسيه انى ظابط شرطة

تمارا ٠٠٠ أيه عملت تحريات عنى

مراد ٠٠٠ اه .و عرفت عندك كل حاجة من أول يوم اتولدتى فيه لحد دلوقتى وانتى قاعده قدامى

تمارا ٠٠٠ مراد انتى بتتكلم بجد

مراد ٠٠٠ بصراحة من بعض حوار الراجل إللى كان بيتخانق معاكم فى المنطقة إللى كنتى ساكنه فيها ساعتها حبيت اعرف عنك كل حاجة ..بس هى دى كل الحكايه

تمارا ٠٠٠ و عرفت ايه بقى

مراد ٠٠٠ عرفت انك بنت اى حد فى الدنيا يتشرف بيكى انتى .أو أخواتك و والدتك انتم مثال للشرف والاحترام و الاخلاق

تمارا ٠٠٠ أنت بتحرجنى بكلامك على فكره

مراد ٠٠٠ أنتى تستحقى اكتر من كده . انا محظوظ بيكى

تمارا ٠٠٠ طيب ياعم المحظوظ .. كده ميعاد الكلية اضرب .. ممكن بقى ترجعنى على القصر تانى

مراد ٠٠٠ مش لسه بدرى

تمارا ٠٠٠ لاء كده تمام أوى عشان خاطر حسام

مراد ٠٠٠ اه تمام بس يا تمارا ياريت تخفى الهزار شويه مع حسام . و بلاش اللمس فى الجلسات

تمارا ٠٠٠ أيه ده من أولها هتتحكم فيا

مراد ٠٠٠ على فكره انا بتكلم بجد دى حاجة بضايقنى أوى

تمارا ٠٠٠ طيب هزار تمام طيب انا بعمله جلسات لازم أسنده أو امسك رجله عشان اساعده فى التمرين

مراد ٠٠٠ أنا بكون موجود وقت الجلسة ابقى اطلبى منى انا أسنده. أو اساعده

ابتسمت تمارا وقالت بمكر

تمارا ٠٠٠ و ده اسمه ايه بقى

مراد ٠٠٠ اسمه غيره … تمارا انا غيرتى نار ممكن تحرق فبلاش تيقى جانبها

ضحكت تمارا لكنها لم تستوعب ماذا يقصد مراد بكلامه عن الغير . ثم قالت

بقلم٠أروى٠عادل

تمارا ٠٠٠ انت بتخوفنى مش كده

مراد ٠٠٠ لاء انا بفهمك بس

تمارا٠٠٠ يعنى هتغير من حسام اخوك

مراد ٠٠٠ و اغير من الهدوم إللى انتى لابسها لانها لمسه جسمك و آنا لاء

تمارا ٠٠٠ ده جنان بقى

مراد ٠٠٠ ماهو الحب نوع من أنواع الجنان . ما بالك بقى بحب مراد مهران . اكيد هيكون مش حب عادى .

تمارا ٠٠٠ مراد أوعدنى انك مش هتخلينى اندم على الحب ده

مسك مراد يدها و ربت عليها وقال

مراد ٠٠٠ اقسم بالله لعمل كل إللى اقدر عليه عشان اخليكى أسعد واحده على وجه الأرض .. وانتى هتكونى أولى اولوياتى و أهم حد فى حياتى

تمارا ٠٠٠ وانا مصدقاك . بس على فكره انت كدبت عليا

مراد ٠٠٠ أنا فى ايه بقى

تمارا ٠٠٠ قولتلى انك مش رومانسى .. وكل كلمة قولتهالى كانت فى قمة الرومانسية

مراد ٠٠٠ ده بس عشان كل كلمه قولتها طالعه من قلب . وكمان عشان انتى موجوده معايا

أتلون وجهها بالون الاحمر ثم خفضت رأسها بخجل لذلك كمل مراد كلامه فقال

مراد ٠٠٠ إلله يخربيت جمالك هو فى كده

تمارا ٠٠٠ ( بخجل ) بس بقى يا مراد

مراد ٠٠٠ أهو كسوفك ده بيزيدك جمال على جمالك

أزدادت تمارا خجلآ لذلك وقفت و مسكت شنطتها وقالت

تمارا ٠٠٠ أنا أتأخرت يلا نمشى

بقلم٠أروى٠عادل

فى سيارة مراد.

~~~~~~~~~~~

تمارا ٠٠٠ مراد هو انت ليه النهاردة قررت تعترفلى بمشاعر

مراد ٠٠٠ أيه اضايقتى أنى اعترافتلك ولا ايه. انا ممكن أرجع فى كلامى عادى

تمارا٠٠٠ بطل بواخه بقى انا بتكلم بجد

مراد ٠٠٠ فى حد قالى انى لو ضيعتك من ايدى هفضل طول عمرى أندم وقت مش هينفع فيه الندم

تمارا ٠٠٠ و قالك ايه تانى

مراد ٠٠٠ قالى ان الحب بيدق باب مره واحده فى العمر ولو سيبته يروح منك هتكون انسان غبى .. وانا عمرى و ماكنت غبى عشان كده قررت انك ماضعيش من ايدى

تمارا ٠٠٠ مين الحد ده و قالك كده ليه

مراد ٠٠٠ لازم تعرفى كل حاجة .انتى فضوليه على فكره

تمارا ٠٠٠ اه فضوليه طالما الموضوع خاص بيك أبقى ستين فضوليه .يلا قولى مين ده

مراد ٠٠٠ سيادة العقيد فؤاد أبو النجا.. خالى

تمارا ٠٠٠ طيب هو قالك كده ليه

مراد ٠٠٠ هحكيلك يا فضوليه . امبارح وانا فى الشغل و كعادة حضرتك مستحوذه على عقلى و تفكير . اضايقت منك أوى لأنك مش راضية تطلعى من دماغى .. و لأنى متعود لما اكون مضايق من حاجة اروح اتكلم خالى فؤاد روحت على مكتبه

((فلاش بالك))

****************

فؤاد ٠٠٠ مالك ضارب بوز ليه على الصبح كده

قال مراد بحد و عصبيه

مراد ٠٠٠ خلاص مش قادر دماغى هتنفجر مش قادر الفكر ولا عارف أركز فى شغلى مش راضية تتطلع من دماغى بفكر فيها وانا قاعد وانا ماشى وانا صاحى وانا نايم

قطع فؤاد جملته وقال

بقلم٠أروى٠عادل

فؤاد ٠٠٠ حيلك حيلك استنا انت بتتكلم على مين

مراد ٠٠٠ هو فى غير إللى ناوى تجننى

فؤاد ٠٠٠ طيب أهدى بس فهمنى

مراد ٠٠٠ افهمك ايه بقولك مش راضية تتطلع من دماغى

فؤاد ٠٠٠ مراد انت بتحب

مراد ٠٠٠ شكلى اتنيلت

ظل فؤاد يضحك على مراد لذلك قال مراد بغضب

مراد ٠٠٠ هو انا جاى تشوفى حل ولا تضحك عليا

فؤاد ٠٠٠ واللهى انا مش مصدق ودانى انت تحب .. انا كنت قربت اصدق انك معندكش قلب

مراد ٠٠٠ ممكن حضرتك تبطل تريقه

و تشوفلى حل

فؤاد ٠٠٠ حل ايه يا عبيط. الحب ده زى القدر متقدرش تهرب منه

مراد ٠٠٠ بس أنا مش عايز الحب ده . خالى انت عارفنى انا مش بتاع حب و كلام فاضى

فؤاد ٠٠٠ مين قالك ان الحب كلام فاضى ده مشاعر و أحاسيس متستهونش بيها

مراد ٠٠٠ حضرتك إللى بتقول كده . وانت إللى فضلت عمرك كله من غير حب

فؤاد ٠٠٠ مين قالك انى ماحبتش قبل كده

بدأت ملامح فؤاد تتحول للحزن و الأسى ثم اكمل حديثة وقال

فؤاد ٠٠٠ بس للأسف عرفت قيمة الحب بعد فوات الأوان .. اسمع يا مراد أوعى تتخلى عن حبك . عشان مايجيش اليوم إللى تبقى نسخه مصغرة منى و تعيش عمرك كله ندمان

مراد ٠٠٠ مش فاهم٠٠ هو ايه إللى حصل

فؤاد٠٠٠ انا كنت لسه متخرج جديد . اتعينت فى الاسكندرية .. هى كانت بنت اسكندرنيه كانت جميله جدآ حبتها من أول مره عينى وقعت عليها .. هى كمان كانت ممرضة متخرجه جديد .. فضلنا نحب بعض سنه فى يوم نسرين و شيرين ايجوا يزرونى وعرفوا بعلاقتى بميرفت طبعآ رافضوا لان ميرفت بنت فقيره مش من مستوانا وقتها شيرين راحت قالت لبابا و ماما الدنيا ساعتها قامت٠ ازاى انا فؤاد ابن الحسب والنسب يحب بنت ممرضة فقيره . و بابا كلم ناس معارفه. و نقلونى القاهرة.. كان وقتها عندى خيارين أما أهلى أما حبى ساعتها ضعفت و اختارت أهلى .. قولت انا لسه صغير زى ما حبتها هحب غيرها عادى …عمرى ما هنسى

نظرة عينها يوم ما سببتها..قالتى جمله واحده بس بكر هتندم بس ساعتها أنا مش هكون موجوده لانى هكون مع إللى يستاهلنى

دلوقتى بقالى ٢٥ سنه مافيش يوم مابفكرش فيها و انا كلى ندمِ

بقلم٠أروى٠عادل

مراد ٠٠٠ وهى فين دلوقتى

فؤاد ٠٠٠ معرفش

مراد ٠٠٠ ما سألتش عليها

فؤاد ٠٠٠ سألت . بعد ما سببتها مقدرتش ابعد عنها همآ يادوب ١٠ ايام و رجعت اسكندرية أسأل عليها عرفت انها اتجوزت واحد من أعيان الصعيد

و سافرت معاه الصعيد ..

و فعلآ حصل إللى قالت عليه هى راحت

و مابقتش موجوده انا مش فاضلى غير الندم

مراد ٠٠٠ ما حاولتش تحب غيرها و تنساها

فؤاد ٠٠٠ حاولت كتير أوى. لا عرفت انساها ولا قدرت احب غيرها .

مراد ٠٠٠ بس انت اتجوزت

فؤاد ٠٠٠ اه حصل ..و ده بعد ضغط أهلى بردوا بس مقدرتش أستمر و طلقتها

مراد ٠٠٠ تفتكر ان حبى ل تمارا هيكون له نفس المصير حبك

فؤاد ٠٠٠ قولتلى بقى تمارا إللى عليها الكلام. بس ذوقك ممتاز البنت فعلآ تستاهل حبك

مراد ٠٠٠ بس انا مش

قطع فؤاد كلامه و قال

فؤاد٠٠٠ أسمع يا مراد أوعى تغلط نفس غلطتى صدقنى انت مش قد عذاب الفراق ولا الندم. أدى نفسك فرصة تعيش شبابك. و تحب و تتحب

مراد ٠٠٠ خايف اغلط نفس غلط حسام تانى

فؤاد ٠٠٠ بس تمارا بنت محترمه مش زى ندا ولا انت زى حسام ..و قبل اى حاجة التأكد ان البنت بتحبك

((العوده من الفلاش باك ))