اصيل…كعدنا نشرب عصير ونسولف
كملنا وطلعنا اجرت تكسي ورجعنا للبيت
نزلنا اريد افتح باب البيت الخارجي
طلعت زينب تركض من بيت اهلها واجت عليه
زينب…اصيل الحك علينا امي اتخربطت
اصيل…شبيها
رحت اني ومنار دخلنا لكينها واكعه بلكاع وفاطمه
تحاول اصحيها
حاولت اوعيها ماكووو خليت ايدي على النبض
اكو نبض ضعيف يمكن صايره عدها حالة اغماء
طلعت للشارع اجيب سياره اخذها للمستشفى
وكفت ربع ساعه يله لكيت تكسي الساعه ١٢ بليل
دخلت شلتها اني ومنار وفاطمه هي شويه سمينه تطلع فوك ال١٠٠ كيلو
صعدت بلسياره
اصيل…منار لا تعوفين زينب وحدها
ابقي يمها لمن ارجع
منار…لا مااعوفها بس انت طمنا على ام امير من توصل
اخذناها للمستشفى اني وفاطمه
بس وصلنا للمستشفى نزلت جبت كرسي شلناها خليناها على الكرسي
دخلتها للدكتور بس فحصها كال اخذها الردهة الطوارء
اجا وياي الدكتورفحصها كال للمرضه جيبي محلول
وجهاز الضغط قاس ضغطها طلع هابط
صاير عدها اغماء بسبب هبوط الضغط
انطا أوامر للمرضه تخلي محلول مالح وتعلك رجليها
بدت الممرضه تشتغل واني وفاطمه واكفين
خطيه فاطمه وجها اصفر خايفه على امها
حقها الام ما تتعوض
اتصلت عليه منار
منار…هااا اصيل شلونها ام امير
اصيل…طلع عدها هبوط بلضغط
ابقي يم زينب لا تعوفيها حتلو تباتين يمها
منار…ميخالف
جمانه السعيدي
اصيل…التفت على فاطمه وين اخوج
فاطمه…صار شهرين ماجاي للبيت من نتصل علي يكول لكيت شغل ومايقبل يجي
امي مقهوره علي تكول ليش ما يسئل علينا
عافنا وراح
اصيل… خلي يشتغل احسن ما باقي هيج
حسره علي الفلس
فاطمه.. اني هم كلت الامي عوفي خل نرتاح من مشاكله
جان متعبنا مايبقي فلس بلبيت
والمشاكل ٢٤ ساعه بسببه توصل بي يضربنا
حتى امي يضربها تصرفاته عبالك واحد مو بوعيه
اصيل …سكتت لان الصراحه مامقتنع امير ينصلح حاله ويشتغل وضجت على خواتي شلون امير يضربهن
بقينا بلمستشفى للصبح لمياء شبه فاقده الوعي
تفتح عيونها شويه وترجع تغمض
لمياء…فاطمه
فاطمه…اي اني هنا
لمياء…اني للمستشفى
فاطمه.. اي وكعتي علينا وجبناج اني واصيل من البارحه
لمياء…اختج وين
فاطمه….بقت هي ومنار بلبيت
اصيل…الحمد لله على سلامتج ماتشوفين شر
لمياء…الله يسلمك
جمانه السعيدي
الصبح الساعه بلسته يله الدكتور سجل على خروج من المستشفى وسجل الها علاج من برا
رجعنا للبيت
وصلتها دخلتها جوه
منار…الحمد لله على السلامه
لمياء…الله يسلمج
اصيل…منار ابقي يم البنات اروح اجيب علاج وريوك واجي
منار… تمام
اصيل…رحت جبت العلاج وجبت كباب وتكه وصمون حار
وخضره ولبن واجيت
هاج فاطمه خلي امج تتريك وبعدين تاخذ العلاج
منار تعاي نرجع البيتنا
لمياء ..شكرا اصيل تعبتك وياي
اصيل…ماكو تعب بلخدمه اي شي يصير بس صيحن عليه من الحايط
واني هم راح اجي اطمن عليها كل شويه
رجعنا للبيت اني ومنار
اصيل…اني جبت كباب تعاي نتريك
منار…بس ابدل ملابسي
اصيل…اني هم اسبح وابدل بين ما تخدرين الجاي
كعدنا نتريك
اصيل…اني راح انام لان البارحه مانمت للصبح
منار….اني هم ما نمت لان مكاني متغير
اصيل…اليوم ماافتح الورشه اريد ارتاح
منار….اني هسه عرفت ليش رب العالمين فاتح عليك أبواب الرزق
اصيل…ليش
منار…شنو هذا الكلب الطيب انت فعلا انسان حقيقي
اصيل…ليش اكو انسان جذب
منار…كلمة انسان جايه من الانسانيه وانت شايل انسانية
كل الناس
شدعوه كلبك هلكد طيب لا شايل حقد ولا انانيه
حتى الناس الي اتاذيك
هم تساعدهم
اصيل…قصدج على لمياء لمياء مالها احد بهاي الدنيا
بس اخت وحده هي زوجت عمي
وابنها ابد ماكو اعتماد علي
يعني معقوله اشوفها بهذا الموقف واعوفها
حتلو تكرهني حتلو عدوتي كل واحد واخلاقه
اني اذا اعاملها بااخلاقها اصير مثلها
بعد ليش اعتب عليها اذا اني شايل نفس اخلاقها
منار… صدك البشر اذا ما تعاشره ماتكدر اتثمن اخلاقه
اصيل….كولي احبك وفضيها بعد عليمن صار ساعه تلفين
ودورين ترا اني خوش فرصه
حار وطيب أشرت على وجهي ومكسب
منار…ههههه انت كيكه شنو
اصيل…ايباخ قابل الكيكه احسن مني
منار…يله روح نام لا تنغر عليه
اصيل….اني اصلا مغرور الي عنده زوجه حلوه مثلج شلون مايصير مغرور
منار…يله انام كافي
اصيل….اي ولله تعبان تجين تنامين يمي لو اجي اني انام يمج
منار…شكر كل واحد ينام بغرفته
اصيل…ليش ليش هيج مو قبل شويه جنتي تمدحين بااخلاقي وتكولين عليه كيكه
منار…. اروح انام احسن انتي انتهازي
اصيل.. هم رجعنا للانتهازي
منار….في امان الله
اصيل…دخلت للغرفه وطبكت الباب واني هم رحت نمت
بغرفتي
الساعه ثنتين الضهر كعدت توضيت وصليت وعبرت على اهلي جمانه السعيدي
دكيت الباب فتحته فاطمه
اصيل…شلونها امج
فاطمه…شويه احسن
اصيل…الحمد لله
فاطمه…اني باجر عندي امتحان مهم وزينب عدها دورت رياضيات مااعرف شلون امي راح تبقى وحدها
يمكن اتصل على خالتي تجي يمها لان مااكدر اعوفها وحدها
اصيل…اني اجيب منار تكعد يمها انتي وزينب كل وحده تروح الدوامها
فاطمه.. عيب منها بعدها عروس
اصيل…لا عيب ولا شي هنا كم ساعه لمن ترجعين من الدوام
فاطمه…اي ولله اني احاول ارجع بسرعه
اصيل…لا تستعجلين كملي دوامج اني منار نبقى يمها
اكدر اشوفها لو نايمه
فاطمه.. لا كاعده توها كعدت من النوم
اصيل ..دخلت لكيتها ممده على الجربايه
…شلونج ام امير شلون صرتي
لمياء…الحمد لله احسن
اصيل…انشاء الله دوم احسن محتاجه شي
لمياء…سلامتك ماقصرت
اصيل….بلخدمه تدللين
لمياء.. خادم ربك الله يحفظك
اصيل…اترخص اني واذا تحتاجون شي بس صيحن عليه من الحايط
فاطمه.. انشاء الله
جمانه السعيدي
اصيل …رجعت للبيت لكيت منار نايمه
دكيت باب الغرفه منار حبيبتي اكعدي جوعانين
منار…اي اجيت
فتحت الباب واني حضنتها
منار…..هاا خير شكووو
اصيل…ليش قافله الباب
منار.. عوفني ليش حاضني هيج
اصيل.. اشتاقيتلج
منار. .اطمنت على لمياء
اصيل . اي هسه رحت عليهم وضعها احسن
منار.. الحمد لله
اصيل.. بس اني تبرعت بخدمه نيابة عنج
منار…عوفني مراح انهزم
اصيل…عفتج عود اريد اخذ شحنة حب
منار…اي شلون اتبرعت بخدمه نيابه عني
اصيل ….باجر فاطمه عدها امتحان وزينب عدها دوره رياضيات
كتلهن روحن اني ومنار نبقى وياا لمياء
منار…اي عادي ميخالف
اصيل….فدوه الحبيبتي الحلوه
منار…تريدني اعيش وياك واشوف تصرفاتك هاي وياا الغريب والقريب ومااصير مثلك
اصيل…يمه فدوووه البناتي
منار…خل احضر الغده
اصيل….عدنا سمجه خليها بالفرن
منار.. اي هي هم هيج علما ادخل اسبح واطلع
تستوي السمجه
اصيل…روحي اسبحي اني اخليها بالفرن
منار.. تمام
تغدينا منار نظفت المطبخ وبعدين راحت على البنات
فاطمه وزينب
للمغرب يله رجعت للبيت
بليل اني رجعت رحت اطمن على لمياء واجيت
كعدنا نتعشى
اصيل….شنو رائيج ترجعين تكملين دراستج
منار….سكتت وبقيت اباوع علي
اصيل….احجي وياج ليش صفنتي
منار…تحجي صدك
اصيل….ليش لا نقدملج ونشوف اي جامعه تقبلج
حتلو مسائي
داومي وحصلي شهادة تخرج
منار….انت تقبل اكمل جامعه
اصيل…وليش لا ليش مستغربه جمانه السعيدي
منار….اكيد استغرب لان ابوي جان مانع عني افكر
بلدراسه نهائيا
اصيل….مو كلنا اني ابوج الجديد حريه وديمقراطيه
منار….اني كل يوم اكتشف بيك شي جديد
اصيل…ااااخ بعدج ما مكتشفه شكد احبج
منار…خاف تقشمر عليه تريد تاخذ مني شي
اصيل…شوفي هذا الشي الي تفكرين بي عيب ههههه
اني خوش ولد وماعندي هاي السوالف
بعدين اول وتالي اني راح اخذ هذا الشي منج
قابل مزوج ودافع فلوس حتى ابقه اباوع عليج
منار…شنو يعني مشتريني
اصيل…لا ياعمي وين مشتريج اني رجال فقير
مااعرف اشتري وابيع اعرف بس احب
تقبلين احبج
منار…عوف الشقه احجي صدك تقبل اقدم جامعه
اصيل…من باجر اذا بعد اكو مجال والتقديم مفتوح اقدملج
واشتريلج ملابس للدوام
بعد شتريدين
منار…هسه تستاهل بوسه
اصيل…يالله مفعول السحر بدا يبين
منار…انت مسويلي سحر
اصيل…اي ما تجين بلعيني واغاتي بلكت تجين بلسحر
منار…عود صدك
اصيل…. ياربي فطيره عيني احنا ننحب من الله
ما نمشي بطريق السحر
اني مصمم اخليج تركضين وراي
وتكولين فدوه اني زوجتك واحبك ومااقبل
شنو اني شويه
ترا اني اصيل اكدر أحول اي خشبه الي تحفه فنيه
شنو مااكدر عليج
يله تعاي بوسيني بوسه وحده مو تلزكين
ماصدكتي اتلزميني وبعد ما تعوفيني
منار…بطلت
اصيل….شنو بطلتي هو بكيفح تعاي بسرعه
انتظرونا
الخامس عشر من هنا
