رواية زواج غير تقليدي الفصل الحادي عشر 11 بقلم سارة الراوي – تحميل الرواية pdf

فتح عمر باب الفيلا ليجد مفاجأه انسته كل ما كان يمر به ،، كانت مشاعر عمر مختلطه الفرحه و المفاجأه و الاستغراب و لم يستطيع ان يعبر عن ما بداخله الا بتلك الابتسامة العريضه ثم اطلق صرخه عاليه ،، مش معقوووول

بعد غياب خمس سنوات عاد ماهر صديق عمر منذ الطفوله ، كان الاستغراب مسيطر على عمر لانه كان يضن انه سيصل يوم الخميس

عمر انطلق بسرعه و احتضن ماهر بشده ،، حمد الله على سلامتك ، انا كنت فاكر انك مش حترجع تاني

ماهر ، و الدموع في عينيه ،، مكنش ينفع اسنه هناك اكتر من كده ،، واحشني يا عمر اوي

عمر ،، و انت كمان ، انت جيت في وقتك

ماهر ، انا دايما باجي في الوقت المناسب ، انت نسيت والا ايه

عمر،، باحراج ، ، مش وقت احراج خالص

بسمة تنضر الى عمر ، انا عمري مشفته مبسوط كده

فاطمة، محدش بيعرف يبسطه كده غير ماهر ، عارفه لما كانو صغيرين مكانوش بيسيبو بعض الا وقت النوم

بسمة،،بس ماهر ده شكله طيب و محترم

فاطمة،، واله فوق ما تتخيلي ، وبيعز عمر اوي كأنه اخو

ماهر و مراد و محمود يجلسون في غرفه المعيشه

محمود ،،هو انت مش كنت عايش في لندن و مرتاح ،ايه اللي خلاك تنقل حياتك كلهه هنا و شغلك حتعمل فيه ايه

ماهر،، زهقت والله ياعمي ، كنت عايز ارجع عشان ابقى مع بابا واساعده في شغله و كمان ناوي انشالله افتح عياده

محمود ، ربنا يوفقك يابني

عمر ،، انا في حاجه مش فاهمهه ، انا لسه كنت عند دكتور منير و مقليش انك رجعت

ابتسم مراد و ماهر على الفور ،،

ماهر،، انا كنت عايز اعملهالك مفاجأه ، بس مراد كان عارف ههههههه

مراد ،، اااه انت بتورطني بقه

عمر ،، المهم انك رجعت يا ماهر ، انا لسه حاسس اني بحلم

ماهر،، انا رجعت بس مع الاسف ملحقتش احضر فرحك يا عمر

عمر ،، ااه صحيح انا معرفتكش على بسمة مراتي ، نادى عمر على بسمة، و دخلت لتسلم على ماهر

بسمه ،، اهلا وسهلا ، فرصه سعيده يا دكتور ماهر

ماهر ،، انا اللي اسعد عمر كلمني عنك كتير

بسمة باحراج ،انا كمان سمعت عنك و عارفه انكو صحاب اوي

ماهر ، احنا خوات كمان مش صحاب بس

التفت مراد على بسمة ليسألها

مراد ،، هي سماح فين

بسمة،، نايمه فاوضتهه اصلها كانت تعبانه اوي الصبح

مراد ، بقلق،، ليه هي ايه اللي حصلها

بسمة ،، ماتخفش هي كويسه

مراد ،، انا طالع اشوفها

محمد ،، انا جاي معاك يا مراد

عمر ،، بسمة هو فيه ايه

بسمة ،، مفيش حاجه هي بس كان عندها مغص

عمر ،، طب ممكن يا بسمة تجهزيلنا الغده

بسمة،، كل حاجه جاهزه ، انا حجهز السفره و انادي عليكو

خرجت بسمه و لم يبقى في الغرفه احد سوى ماهر و عمر

ماهر بحزن ،، ليه يا عمر مقلتليش

عمر،، بخوف،، اقولك ايه

ماهر ،، ان انت عندك ورم في المخ

عمر،، انت،، انت عرفت ازاي

ماهر ،، بابا بعتلي الاشعات و التحاليل بتاعتك عشان اعرضها على الدكاتره في لندن

عمر،بعصبيه، بس هو وعدني انه مش حيقول لحد

ماهر ،، و انا اي حد ، انت اخويه يا عمر ، ازاي مقولتليش ،،انا قدمت الرحله بتاعتي مش عشان اعمل مفاجأه ، انا رجعت عشان كنت عايز الحقك ، انت بتموت نفسك ياعمر ، انت عمرك مكنت ضعيف و يائس كده

عمر ،، انا كويس يا ماهر متخافش عليه

ماهر بحده،، بس كفايه كذب عليه و على نفسك ، كويس ايه انت من ساعتين كنت مش قادر تتنفس و لا نسيت

عمر باستغراب ،، هو دكتور منير لحق يقلك

ماهر ،، انا كنت رايحله المستشفى و لقيتك فقسم الطوارئ، انا كنت بكلمك ، مش فاكر انك شفتني و الا ايه

عمر،بعدم تركيز ،، افتكرت انت اللي كنت بتهديني بس انا ملحقتش اشوف وشك

ماهر ،، انا مش مصدق انك سبت المستشفى ، عمر انا مش حسيبك تأذي نفسك و انا بتفرج عليك

عمر ،، انا مش عايز حد يعرف يا ماهر ، خاااالص لحد ما اشوف حعمل ايه

ماهر،، حتعمل العمليه و بس يا عمر انا هنا مش عشان اوافقك على اللي انت بتعمله فنفسك ، يا اخي فكر في اللي حاوليك شويه

عمر ،، افكر في اللي حوليه امال انا بعمل كل ده ليه مش عشان اهلي ميتعذبوش،،، انا مش عايز حد يشوفني و انا ضعيف

ماهر ،بعصبيه،، ليه بتفكر بالشكل ده ياعمر،، انت فاكر ان هم لما يعرفو انك بتتعذب لوحدك ، مش حيزعلو ، يا

عمر انا مش عايز اخسر صاحبي الوحيد ، مش عايز اشوفك بتموت قدامي و مش عايز اشوفك و انت بتتوجع

عمر ،، انا كمان مش عايز ان ابويه يفتكر اني ضعيف ، ده كل يوم معاملته ليه بتسوء اكتر

ماهر ، كلمه يا عمر ، انت ليه بتستحمل معاملته دي ، لو كان اب تاني عنده ابن زيك كان عامله احسن معامله

قاطعت كلامهم بسمه لتخبرهم بأن السفره جاهزه

اجتمع الكل حول مائده الطعام ، كانو يتبادلون اطراف الحديث باسمتاع لان ماهر اجتماعي جدا و يحول كل جلسه عائليه الى مزاح و ضحك ليقضي الجميع وقت ممتع

بعد انهاء طعامهم طلبت بسمه التحدث مع عمر على انفراد، و اخبرته عن طلب ريم بالذهاب الى السينيما معهم

عمر،، انا بصراحه تعبان و مليش نفس اخرج النهارده

بسمة ،، عشان خاطري يا حبيبي ،، والله مش حنتأخر و بعدين انا حبتدي اول يوم شغل ليا بكرا ، اعتبر انك بتحتفل بيه

عمر،، بس انا تعبان النهارده و بعدين ماهر كمان هنا مينفعش اسيبو و اخرج

بسمة، بتفكير،، خلاص قولو ييجي معانا و اهو نخرج كلنا سوه و بعدين انا زهقانه اوووي يا عمر و انت على طول في الشغل و سايبني لوحدي

عمر، بتأنيب ضمير ،، خلاص ماشي ، انا حقول لماهر و انت بلغي ريم ان احنا جايين

بسمة ، ربنا يخليك ليا يا حبيبي ، بموووت فيك

عمر،، يا بكااشه ، و انا كمان بحبك و بموووت في عنيكي الحلوه دي اللي بتدوبني

بسمة،مكسوفه،، انت اللي عنيك بتنسيني اي حاجه

عمر،، احنا حنحب فبعض و حتنسي تكلمي ريم

بسمه ،، اااه صحيح انا رايحه اكلمهه دلوقتي

ذهب عمر الى ماهر و طلب منه انه ييجي معاهم

ماهر ،، ما بلاش يا عمر انت لسه كنت تعبان من شويه

عمر،، معلش و بعدين انت لازمتك ايه و لا شاطر بس تعملي فيهه دكتور

ماهر ،، انا حاجي معاكم بس عشان ابقى متطمن عليك ، انت عارفني مليش فجو السينيما و الافلام ده

عمر ،، ماشي يا خفيف يلا بسمة شكلهه جهزت

ماهر،، انتو حتيجو معايا فعربيتي

عمر ،، ليه يعني

ماهر ،، ده شرطي بقه ، انت مش حتسوق و انت لسه تعبان كده

عمر ،، ماشي خلاص بس يلا

في سياره سامي خطيب ريم

سامي ،، انت عزمتيهم ليه ، هو انا مش قولتلك اني عايزك لوحدك

ريم،، و لوحدي ليه انا لسه مش مراتك

سامي ، ، متبطلي الحركات القديمة دي يا موزه

ريم ،، موززه ايه انا ابقى خطيبتك مش صاحبتك ، عيب تقولي كده

سامي ،، بقولك ايه فكك من الجو ده متبقيش معقده كده

ريم،، انا مش معقده ، انا محترمة فيه فرق

سامي ،، يوووه اسكتي بقه متقرفنيش من اولهه

استدارت ريم الى الجهة الثانيه بسرعه وبضيق

في السينما تركها سامي ليحضر بطاقات الفلم و مشت ريم بخطوات بطيئه و هي شارده تفكر بعلاقتها بهذا المستهتر و هي تحمل العصير

ثم فجأه اصطدمت بشاب وسيم في الثلاثين من عمره ، وقع العصير على ملابسها فنضرت لذالك الشاب بغيض

ريم بحدة،، ايه ده يا استاذ مش تحاسب

الشاب،، انا اسف يا انسه بس انت اللي خبطتي فيه

ريم،، انا ،، حعمل ايه بأسفك حمشي ازاي انا دلوقتي

الشاب ،، لو تحبي انا ممكن اوصلك اي حته

ريم ،، نعم !!! توصلني يعني ايه انا معرفكش حركب معاك عربيه ليه و ازاي يعني

الشاب ،، طب انا اساعدك ازاي و انت مش راضيه تهدي اصلا و متعصبه عليه

ريم ،، خلاص مش عايزه مساعده تقدر تتفضل ، خطيبي معايا هنا

الشاب ،، انا حبقى في الكافتريا لو احتجتي حاجه

ريم،، ايه يا استاذ انا قلت مش عايزه حاجه من فضلك سيبني لو سمحت

الشاب ،، انا اللي غلطان اني كنت عايز اساعد ، و تركها و اختفى

عمر ،، هم تأخرو ليه

بسمة،، انا لسه مكلمه ريم و قالت انهم بيشترو تذاكر الفلم

عمر ،، ايه يا ماهر انت مالك مبوز كده ليه

ماهر ،، مفيش حاجه

بسمة،، عمر بص ريم وصلت

بسمه احتضنت ريم و سلمت على خطيبها ثم سلمو على عمر

ثم صرخت ريم ،، اااانت ، بتعمل ايه هنا

فرد عليها ماهر ،، انت بنت خالة بسمة؟؟؟؟

عمر ،، انتو تعرفو بعض ولا ايه

ريم بأحراج ،، لا طبعا انا لسه شايفاه من شويه لما خبطني

ماهر ،، حضرتك اللي خبطتيني يا انسه

سامي ،، هو فيه ايه

عمر ،، خلاص يا جماعه حصل خير ،، اعرفكو الدكتور

ماهر صاحبي و دي تبقى ريم بنت خالة بسمة و الاستاذ سامي خطيبها

ماهر ،، اهلا و سهلا

ريم بأحراج ،، فرصه سعيده

كانت السهره جميله و ممتعه ولكن ماهر مكنش مركز في الفلم و لا اي حاجه غير ريم

معقول لسه في بنات بالرقه و الالتزام ده،،، لكن خطيبها ده دمه تقيل اوووي

و بعد الفلم قرر ماهر انه يكلم ريم

$$$$$$$$$$$$$$$$

ياترى ماهر هيقول ايه لريم