رواية ليل المستبد الفصل الثاني عشر 12 بقلم اسماعيل موسي
انت شايف إلى انا شايفه يا كبير؟ همس شديد بصدمه ،مش،دى ليل مراتك ؟
اتعدل جاسر فى جلسته وترك لى الشيشه ،ايوه هى بعينها
جاسر : هى لسه ما متتش لحد دلوقتى ؟ دا من حسن حظى
قربت ليل من الدكه إلى قاعد عليها جاسر بين رجاله، مرتديه بنطال وقميص حامله حقيبة على كتفها وشعرها يرفرف فى هواء القريه.
جلست ليل على الدكه جنب جاسر غير مهتمه بنظرات رجاله
ونظراته المستعرة.
جايه لحد بينى برجليكى يا بت مدكور ؟بعد كل إلى عملتيه ؟
نزعت ليل نظارتها الشمسيه ،قصدك جايه بيتى يا جاسر ؟
بينما همس احد رجال جاسر من بعيد، بقا الكبير كان متجوز حتتة القشطة دى ؟ حتتة ملبن يا رجاله.
همس جاسر وقد اشتعلت غرائزة ،وهو بين رجاله ولا يشعر بأى خطر، ادخلى قدامى البيت يا ليل
دفعت ليل يد جاسر بقوة ،انت ملكش بيوت هنا يا جاسر
وشاورت بأيدها على الطريق حيث ظهرت سيارات الشرطه لتنفيذ الأحكام.
هو فيه ايه؟ صرخ جاسر، بينما ضرب رجاله كف بكف
أخرجت ليل الأوراق من حقييتها فيه ده!؟
تنازلك عن كل املاكك يا جاسر،
جاسر : عملتيها يا بت مدكور ؟ ورحمة امى ما هيطلع عليكى صبح..
كان الرجال يتسألون هو فيه ايه يا معلم، لكن جاسر كان فى حاله من الغضب لا تسمح بالرد او التفكير.
كله بسببك يا شديد ،قلتلك عايزها ميته لكنك خرع ذى ابوك.
همس شديد الشرطه هنا يا كبير هنعمل ايه؟
جاسر _ هنعمل مسالمين يا اخويا ،الحجات دى مش بتتحل بالشرطه ،بتتحل تحت جنح الليل يا خفيف.
لما ضابط الشرطه قال لجاسر على قرار المحكمه، جاسر قال انا مش معترض يا باشا
لو ليل طلبت منى كده كنت هعمله من غير شرطه اصل مفيش فرق بين راجل ومراته.
مش مراتك، صرخت ليل ورمت ورقه فى وش جاسر
انا خلعتك.
يالهوى على الجمال، بقا معقول لسه فيه كده، همس رجل جاسر المنبهر بليل من لحظة وصولها
غزاله !!!
لكزة الذى إلى جواره، اثبت احنا فى ايه ولا ايه؟
جاسر لو سمعك هيقطع رقبتك
دى تتبروز فى لوحه وتتصور جنبها ياجدع
مكنتش عارف ان التوب الفلاحى بيدارى الجمال كده
انا مستقيل من خدمة جاسر، انا تابع لليل من اللحظه دى
نظر اليه زميله نظرة ارتياب انت اتجننت صح ؟
لكن ناصر ثبت نظره على زميله، متجننتش ولا حاجه
انا بس بقدر الجمال الرباني، ثم انسحب من بين الرجال ومشى تجاه ليل وجاسر حتى وقف إلى جوارها
رمقه جاسر بنظرة غضب ،انت يا بغل ايه إلى جابك هنا
ارجع مكانك يا حيوان
ابتسم ناصر، وكان ضابط الشرطه قد رحل ، عارف يا جاسر ان العالم بيبقى جحيم بسبب الناس إلى زيك؟
اصلكم بهايم متفهموش فى الجمال، كل همكم الفلوس
بقلك غور من هنا!؟ صرخ جاسر ورفع يده
تلقف ناصر يد جاسر فى الهواء،، قوليلى اعمل معاه ايه يا ليل هانم؟
اندهشت ليل، رفعت حاجبها بأستغراب
همس ناصر، انا راجلك ناصر إلى كنت مدسوس بين رجال جاسر
وخلاص الحقيقه بانت،
ايوه راجلى طبعا ،صرخت ليل بأبتسام ، سيبه يا ناصر، المفاجأة لسه مأثره فيه
يا ابن الكل__ب صرخ جاسر بغضب
ابويا مش كلب، اندفع ناصر بتهور ونزلت يده على وجه جاسر
ابويا مش كلب يا ابن الكل_ب
صفعه اخرى نزلت على وجه جاسر المذهول، انطلق رجال جاسر بسرعه ،احاطو بناصر ونزل الضرب من كل حدب وصوب.
كان ناصر يسقط على الأرض ثم ينهض ليضرب واحد منهم قبل أن يسقط مره اخرى
قاوم بلا استسلام وفى كل مره يسقط ينهض مره اخرى ليضرب ويضرب حتى يسقطه عكاز او لكمه
كفايه يا ناصر صرخت ليل وهى تعرف أن الرجل سيموت
مش كفايه ،دا شتم ابويا وامى
دخلت ليل وسط الرجال وقفت جوار ناصر
من خلفها دون أن تشعر اخرج شديد سكين وتسلل بين الرجال نحو ليل
