بسم لله الرحمن الرحيم
✿يامغير الاحوال غير سوء حالي الى افضل حال✿
🩸الجمر قوقعة الدم🩸
بقلم… روز الحيدري
لا تنسون التصويت+تعليقكم الحلو روزاتي
🩸ـــــــــــــــــــــــــــــــــــــــــــــــــــــــــــــــــــ🩸
ــ لا تحرقني بالهيبك.
ـــ اذاً لا تقتربي.
ــ لا ترحل.
ــ لا يمكنني الاقتراب.
_ ولا يمكنك الرحيل، ليس لي سبيل سواك.
_ ماذا الان.
ــ كن مختلف عنهم، لا تكن مثلهم.
ــ انا جمر.
_سأكون البحر لي الذي يطفئك.
_ لا اريـد، فالجمـر لا يطفئ البحــر الـذي
تملكينة.
_ بماذا اذاً؟
ــ الدم وحده يروي النار التي أشعلها الثأر، ويترك الرماد شاهداً على العهد.
✧
بين لهب الجمــر وقوقعة الدم، تنولد حكـــاية ما تعرف الرحمة… صراع بقاء، انتقام، وحب مكسور يختبر حدود البشر.
لكن… منو يكدر ينجو من نــــار ما تنطفي له بدم”
✧
كل خطوة بالظلام مرسومة بدم هنا الجمر يلتهم القلوب، وهنا القوقعـة تحتضـن أســرار المـوت.
فاستعد… فالنهاية مو مثل البداية.”
✧
تشبة بيروت…
جميلة رغم الخراب، حزينة رغم كل الغناء.”
✧ـــــــــــــــــــــــــــــــــــــــــــــــــــــــــــــــ✧
حين اجتاح الظلام أرض البلاد
وتزيّا الباطل بلباس الدين،
كاد الوطن أن يسقط بين أنياب الوحوش…
هنالك ارتفع صوتٌ مهيب،
صوتُ رجلٍ يرتدي السواد،
صوتٌ لم يكن كبقية الأصوات،
بل كان وعدَ حياةٍ، وجرسَ إنذارٍ، ونورَ يقين
بكلماتٍ قليلة، أقام الحجّة،
وبعبارةٍ واحدة أعلن الجهاد!
فانقلبت الأرض رجلاً واحدًا،
وتحوّلت دماء الشباب إلى سيوفٍ تقطع دابر الإرهاب.
ومن تلك اللحظة وُلد جيش من الإيمان،
جيش لا يُهزم لأن فتواه كانت من السماء،
ولأن نداءه كان في قلوب الملايين عهدًا لا ينقض.
✧ـــــــــــــــــ✧
من بلدٍ يُعرف اسمه من صوت فيروز،
صوت يغني للحب والأمان،
لكن خلف الأغاني كان بلدٌ يفتقد للحب والأمان،
كان محتلاً على يد أعوان الشجاع الجبان مرحب
الذين دنّسوا وخربوا الارض والبلدان.
بلدٌ لا زال يضحي… ويفتقد الأمان،
خسر القائد، وتهدّم البنيان،
وتفرّق الشعب بين المنافي والوديان.
فهل أنا مثلها؟
لقد تهشّم الرأس وتقطّع القلب،
بالمكر والعدوان… وما الغريب أن يكونوا إخوان؟
عندما يتجسد الشيطان على هيئة
أنسان
يمثلان النور والظلام…
إما أن تعينني على نشر الظلام،
أو أجعل قلبك قرباناً… ليس للشيطان،
فأنا بذاتي أعلم الشيطان.
“أحياناً الشيطان يكون بريء من أفعال الانسان”
✧ـــــــــــــــــــــــــــــــــــــــــــــــــــــــــ✧
ياهلا روزاتي 🥹🥀
ان شاءلله تكونون بخير
#الجمــࢪقوقعةالدم
شلون تحبون تعتبروها حقيقه او خيال؟
بكيفكم
رواية بالهجة العراقية، اللبنانية
اتمنى تنال أعجابكم 🩵
احفضوها بالمكتبة
اي سؤال عدكم، ارسلو بالقناة
التلي او على حساب الانستا نفس
الاسم والصورة، روز الحيدري
تابعو قناة التلي ينزل بيها كل شي
يخص القصة ، احتمال اكو سبرايز
اللهم اني بالغت.
رأيكم بالغلاف 😌
نغرمت بالاسم والتصميم🥀🩸
#الجمر قوقعة الدم
#الحلقة الاولى 🦅(لبينا النداء) 🦅
في عالم الروايات كل شيءٍ مباح…
لكن، هل تملك الجرأة لدخول الجمر: قوقعة الدم؟
هل تستطيع أن تفتح القوقعة وتواجه ما بداخلها؟
دمٌ يتفجّر، جمرٌ يرفض أن ينطفئ، صرخات تختبئ تحت الرماد،
وأرواح تهمس في أذنك: إلى أين المفر؟
أنت الآن على المحك…
هل تختار الدخول وتعيش الرعب معهم؟
أم تبحث عن النجاة من بين أنقاضهم؟
القرار قرارك…
هل ستفتح القوقعة وتغوص في ظلمتها؟
أم ستقف بعيدًا تراقب من خلف الزجاج؟
أنا لا أعدكم بحكاية سهلة،
بل حكاية مكتملة التفاصيل، صعبة، مؤلمة، مشوّقة،
لكنها مكتوبة لكم وحدكم…
لكي تأخذوا منها بقدر ما تعطونها من مشاعركم.
والمقابل؟
رحلة بيني وبينكم…
أخذٌ وعطاء، دموعٌ وابتسامات،
توقعات، صدمات، ودهشة لا تنتهي.
هذه ليست رواية عابرة،
هذه الجمر: قوقعة الدم…
ام…رأس مهشم؟
ومن يجرؤ على دخولها، لن يخرج كما دخل أبدًا.
لا تنسون التصويت+تعليقكم الحلو روزاتي
متابعة للحسابRooz11223
انستا.. rose_alhaidari
“بسم الله الرحمـــــــــــــــــــن الرحيم”
بـغداد
نطرق باب المكتب
:- تفضل
ضرب تحيه
: مرحبا سيدي
:-اهلاً
قدم مجموعة ملفات
: تفضل سيدي جمعت كل الملفات الي تخص
تجار الاعظاء البشرية و المخدرات وهاي كل ملفاتهم صارت أمامك.
:- عاشت ايدك تكدر تطلع
:أمرك سيدي
أخذت الملفات أتصفح
رن المبايل تركت من أيدي اخذته
شفت اسم المتصل بتسمت وأنه
أذكر اول لحظة القاء …
رجــــوع الى الماضـي🦅
:مبروك نقيب جمر
ببتسامة
جمر :الله يبارك بيك.
:تلوكلك الرتبة زادت هيبتك.
جمر : الحمدلله الفضل الله.
بقينا نحجي بالاخبار وضع البلد
:سمعت الموصل انطت شهداء هواي
جمر : متابع اول بأول
: اذا بقى الوضع هيج تصدر فتوة
جمر :والله أني منتظرها على أحر من
الجمر بس ينطقها السيد الله يحفظه ويكول
جهاد، أول واحد وبالساتر الاول إن شاءلله.
:إن شاء الله بس ماعتقد يقبلون تروح.
جمر: الله كريم
مر وقت
كنت متابع الاخبار اول بأول،كان عدنا انذار
زيارة الشعبانية وسمعت تم اصــدار الخبـــر
المنتظر
من كربلاء المقدسة
13 يونيو 2014 / 15 شعبان 1435 هـ.
الجهاد الكفائي
ماصدكت خلصت الزيارة بخير،رتبت شغلي
والقضاية لي عندي اخذت وقت طويل يله
كملتها بعد ها بفتره رحت للقائد، بعد التحيه والسلام جلست
جمر : سيدي اريد اروح بلصفوف الاولى
ويا المجاهدين بما ان الفتوى صدرت جهاد.
: مايصير تروح احنا نحتاجك ضروري.
جمر : سيدي حتى لو تقطعون راتبي ميهمني
شي بس خليني اروح.
: الوضع خطير اكثر مماتتوقع مو لعبه تروح احتمال مترجع.
جمر : روحي مو أغلى من هاي الارواح لي
تضحي
وخلاص الفتـوه تكول جهـاد اروح وشيصير
خلي يصير.
:تمام أنطيك، بس لازم تاخـذ مـوافـقة وزارة الداخلية” حتى تروح لان الدفاع
ميصير يرحون دون اذن من وزارة الداخلية
جمر : هاي سهلة .
نهضت، اخذت التحية
جمر :أشكرك سيد
:بطل الله يحرسك بلتوفيق
طلعت سويت طلب مقابلة وزيـر الداخليــة
طلبت اطلع وصدك مارفض انطاني الموافقة
بسهولة
نطيت خبر للمقربين ألي بالـدوام وصديقـي
وخوي بس سمع
وهب : جمر اني وياك ماعوفك رجلي ؏ رجلك
درسنا الكلية سوا وتعينا سوه ولو نصر لو شهادة
جمر : لا خويه أنسى.
وهب :والله اروح يعني اروح
جمر : حبيبي اني اروح وحدي
وهب : مو بگيفك وياك الى ان شهاده او نصر
ولا ترفض لان رايح برضاك او من دونه
ضحكت
جمر : تمام حضر نفسك
كذلك قدم طلب وافقوا
رجعت للبيت اول ما رجعت تلكتني.
: هلا جمر أسويلك غدا؟
نزلت راسي
جمر : لا خوية متغدي.
: هاا لعد نطيني ملابسك أغسلهن.
جمر : مايحتاج.
صعدت
جهزت أغراضي ورتاحيت شويه
نزلت خبرت العلوية ضاك صدرها ردت
دمعتها بطرف عينها.
العلوية : يَمه جمر والله مافرحت بيك لا تشلع
گلبي.
نهضت قبلت راسها
جمر : سالم گلبج يالغالية بس الفتوه صدرت
واذا اني ماروح وذاك ميروح والله الدواعش
يصيرون بـالباب لو نصر لو نصر ماعدنه حل
ثاني.
قنعت الغاليتي ودعتها وطلعت شمرت وراي
دولكة ماي وتردد
العلوية : محروس بالله ومحمد وعلي
طلعت واني متيقن لو صارلي شي أكو من
يهتم بيهم ومايتركهم
طلعنا سيارت متجة للموصل وياي صديق
العمر وخوي .
وصلنه بس ملهــوفين نزلنا
كبل بدينه رمي كأن اول مره الزم أسلاح
متعطش واريد أرتــوي بس النصر يرويني
بقينه لا اكل شــــرب صرنا نتقدم بس، اي
منطقة نحررها، ناكل من يمهم، هم ماقصرو
بعد فترة أستمرينا نتقدم
بس هم مثل النمل نقتل، نتقدم يرجعون
يطلعون مجموعات، مجموعات
اجه يوم صار هجوم اقوى من عدنا .. وقواتنا
منتشرة من كل الجهات وكل قوى لا زمة جـهة وتقاتل …بس لي خلاهم يهاجمون وتقدمو ان أسلحتـهم ومعـداتهم مطـوره أحسن من عدنا
يتقدمون واحنا نتراجع
نجمعنا حتى نسوي خطة، بدأ يشرح نهضت
جمر : خلاص لازم اروح بينهم وانتم ابقو
قاومو، اني أسربلكم معلوماتهم
::تحجي صدك مو بهذا السهولة؟
جمر : اي والله
::تدري اذا لكفوك شيسون بيك والله
ميرحمون بيك.
جمر : شيصير خلي يصير بس الي نطاها هو
ياخذها.
:: توگع نفسك بورطه وياخذوك سلاح بشري
هاي اذا ماحركوك.
جمر : كولو يالله اروح يعني اروح وكلمتي؟
ماأثنيها.
::هاي هي اذا مصر توكل بالله وانتبه ؏ نفسك
كالعادة نهض
وهب : اني وياك
خوي واعرفه ماعنده كلمة لا’
ضحكت
جمر : يله لو نصر لو نصر ماعدنا حل ثاني.
أخذنا أمر القائد وافق طلعنا اني وهب نمشي
المسافة او ساحة المعركة،.. مابيها شي دخلنا للبيوت لي متحررة وجثث الدواعش مطشرة
بكل مكان
نزعناهم ملابسهم، ولبسناها،ولبسناهم ملابسنا اخذنا سلاحهم
جمر : شهل ورطه!
وهب :شكو؟
جمر : ملابس وسلاح دبرنه بس لحيه
منين نجيب؟
وهب : اوكف خلي ادورلك زيت الحية يطول لحيتك.
جمر : نجب ولك موگتك.
وهب : سهلة نتلثم ونروح.
جمر : ناصبين سيطرات واذا لكفونا وهوية ماعدنا!؟
وهب : هم سهله اخابر يزورولنا هوايات بس
لازم ناخذ ألقاب
جمر : هاي هي توكل.
مانمشي بالشارع،لان منصبين قناصين،مفخخين الطريق، ومانعرف شمسوين بعد، صرنا نطفر من بيت البيت، البيوت كلها فارغة من الاهالي
وصلنا البيت بي حركة شفناهم دواعش، أقل
حركة يكشفونا
وهب :جمر نبقى هسه الدنيا عصر شويه
ويصير الليل ونطلع.
بصوت واطي
جمر : لا ماعدنا وكت لازم نروح بسرعة
احنا ما كاعدين سوا كل واحد بجهه سمعنا
صوت خطوات احد صعد
اشرتله، اششش هز راسه بأيجابية
أجت مرأة بيدها ملابس، وهب صار خلفها
لزمها وخله، ايده ؏ حلكها والسلاح براسها
واني وجهت السلاح عليها
صارت تبچي
أشرت الوهب يبعد ايده
جمر : احجي منو بالبيت؟
::-ماعرف احد
جمر : رجلج، اخوج، أبوج؟
::-ماعرف أحد شتردون مني؟
عرفت مو منهم
وهب : اهلج وين؟
بصوت يرجف
::-الدواعش كتلو كل أهلي وأخذوني.
جمر : اي وقت يطلعون نطينا خبر.
::-هسه طلعو.
جمر : يمته يرجعون.؟
::-يطولون
عفناها نريد ننزل
صاحت
::-اكلكم البيت لي بصفنا بي بنات باجر يبيعوهن
ماحجينا شي، نزلنا، نزلت ورانا نريد نطلع
شفنا رجال دخل
وهب : جمر لكفنا يخوي.
جمر : اششش
سحبت وهب للمطبخ
دخل الرجال معصب لزم المرأة من شعرها سحل وهي تصيح
شويه وختفه صوت أجت ترجف واثار الضرب ؏
وجهه … مدت ايدها تحت الثلاجة وطلعت سلاح
كاتم”
قدمته ألنا ردت بصوت يرجف
: مره اجه مخمور وخذت هل سلاح ظميته
هاكم اخذو.
ملهوف عينه عالسلاح بصوت واطي
وهب : بروح ابوك اني اخذه والمره الثانية
ألك.
جمر : شبيك؟ مو هو لعبه ونلزم سره!
اخذ السلاح من أيدها يتفحصه
غشمت نفسي كل شي يصير، أحتمال تچذب
بس حتى تخدعنا، مو لازم اثق بيها … سألتها
بتشكيك.
جمر : متأكده هذه كاتم ؟
هزت راسها بخوف
:: أي ،اي متأكدة.
جمر :شمدريج؟
:: لان يجيب بنات يدخلهم بالغرفةويطلع
ادخل اشوفهم ميتات بس ما أسمع صوت
طلقات ويطلع وهذا السلاح بيده وكتلكم
اجه مخمور واخذته من دون علمه
نظرت الوهب
جمر : هاا بشر؟
وهب : طلقتين بس والله حلو اريد بعد.
جمر : اي ليش لا مو احنه فايتين الملهى وتريد
بعد چا ولك غير حرب لا تخاف هسه تشبع كتل.
اخذنا السلاح
وكملنا مشوارنا، نطفر من بيت للبيت الثاني الى
ان وصلنا منطقة محتلة كلها دواعش، والنساء
منقبات
طكينا الثام بس عيونه طالعة، غير من ريحتهم
تكتل، قذرين
نمشي بس حذرين بكل خطوة نخطيها، حتى لما
نريد نشوف شنو خلفنا؟ نسوي نفسنا شي وكع
من عدنا ونلتفت ..
إجه داعشي متجه علينا
جمر : وهب خليك طبيعي
بثقة
وهب : اكيد
وكف امامنا مباشر، وسلاحه بيده
تكلم
::أنتما هل تريدان الجهاد في سبيل لله؟
وهب ناظرلي اشرتله بعيوني بمعنى أي”
وهب : نعم نريد ان نقاتل.
بهمس
جمر : كفووو يبعد شاربي.
::تعالوا معي انا سوف أخذكم الى الامير
لكي تتعلموا وتجاهدوا حتى تنالوا الشهادة.
هزينا راسنا بايجابية
رمقنا بنظرة من فوك ليجوه رد
:: من اي أرض أنتم؟
جمر : من أرض تلعفر ونريد أنحارب الفساد
معكم.
::بارك الله فيك هيااا بنااا.
الداعشي مشى كدامنا
رفع بنطلونه بثنين اديه رد
وهب : يله يبعد أخوك أمشينه نكتل الامير.
بهمس
جمر : ولك راح يسمعونه ويشوفونه الحــمزه
الشرجي احنه هسه دواعش مو ضباط داخلية
نظرلي بطرف عينه
وهب : شكلك مال كـ**** شجابك ؏ ضباط!
رمقت بنظرت انزعاج،
صفح سكت صار يضحك
هذه الأجرب يمشي كدامنه ومدري شيلغي وكله
يحجي فصحه واحنا خلفه بس ولا يمه ولاكأن
بنصهم طالعين نتونس ونفتر
وصلنا البيت والرايات أسود ترفر بكل مكان بي
::ادخلوا بسلام أيها المجاهدين.
دخلنه ونشوف الحرس مسوين اجواء وكعده
متونسين
بستغراب
وهب : شنيهي هااااي شنسوي اهنا؟
جمر : غير كال نجاهد .
أجيت أدخل واحد سد الباب
::ازعوا لثامكم.
شلون سالفه گشرة.. هااي نزلت الثام
الحد شفتي التحت وهب من شافني سوه مثلي
فتح الباب دخلنه شــويه واجو خمس اشـخاص
وكفنه، واحد منهم، رد
::انا أمير المؤمنين جميعاً
بهمس
وهب : سطرك كون.
دغيته بعكسي حتى يسكت
رد
::سأختبـركم ثم اقــرر في اي مـجال تعمـلوا وتجاهدوا.
هزينا راسنا بأيجابية
جمر : أمرنا وطاعة.
:: هيا اذهبوا الى الميدان.
طلعنا ويه كم شخص واحد اشر ؏
سلاح
::من اين لك هذه؟
جمر : هناك لقد اعطانيا الغلام .
لف وجه وراح
وهب : صف اول ونقرأة قرأءة شني غلام؟
جمر : شعرفني يمعود حسيته مامقتنع بينه
چا شكله؟
وصلنا ساحه جبيره كله سكراب حديد
وايروت وتايرات، ومجموعة اطفال عمرهم
بين لـ14واصغر، واكبر يدربون
صاح بينا
::انزعوا عدا البنطال
.نزعت وهب دنچ يفتح البسطال
جمر :چا شني تمشي حافي؟
وهب : غير هو يكول
جمر :انزع قميصك وابقى بس بالبنطلون.
وهب : ليش شيسولنا؟
جمر : يغـ**
وهب : هااا ! أني مامتزوج شكول الاهلي.؟
صاح
::اقطعوا الكلام
بدأ التدريب، سوينا نفسنا منعرف شي بس الحقيقة إحنا حظنا طايح من كثر التدريب
بقينا فترة نتدرب، ويانا اثنين تعرفنا عليهم
خبرونا ان:
الامير راح يجي اخر يومين يشرف بنفسه عالتدريب ويراقب الاداء بعينه حتى يختار الافضل
هزيت راسي بأيجابية
هناك حسينا إن الفرصة كدامنا، وما يصير
تضيع.
ذبينا لحمنا بالتدريب ركضنا، قاتلنا، تحملنا
الألم بلا صوت.
كان كل همنا نلفت الانتباه، نثبت وجودنا،
نبين احنا مختلفين عن غيرنا.
الى ان أجه الوقت وبالفعل… وصلنا مبتغانا.
لما رد بين الجموع…
::اريد هولاء لأربعة
اختارني اني وهب وبعد ثنين منعرفهم
وكل واحد نطو مكان ومهمه مختلفه، وكل
واحد بينا لقب ، اني لقبي
ابا عمرو
وهب ابا حارث
رد
: ياابا عمرو مهمتك، ان تقوم مع مجموعة من
المجاهدين عالديار، وتجندو الاطفال للتدريب، والنساء تجلبهم التدرس تعاليم الدين الاسلامي
جمر : امرك.
:: واما الطائفة المسيحية؟ تقوم بادخالهم
للاسلام
هكذا تثبت وفائك للدولة الاسلامية، حتى
تكتمل، نكلفك بمهمة اخرى
هزين راسي بايجابية
اجه اليوم ونطوني مهـمه وبـاجر اطـلع ويـاي
كم شخص واني أوجهم صرنه نفتر ؏ البيوت
اول بيت دخلته
شفت ام حاضنه بتهه وتبجي وابوهم مرعوب
رد بصوت يرجف مكسور
::-اخذوني بس لتسولهم شي ممأذين احد.
وياي ثلاث ولد امرتهم يفتشون الغرف راحو
أني أدخل وراهم واحد واحد سحبت الكاتم
صفيتهم صاحب البيت بقى صافن بوجهي
مصدوم تكلم بدهشة.
::-ليـش، شلون وياهم وتقتلهم؟
تجاهلت سؤاله رديت
جمر : جهزو اغراضكم وامشو الكم نص ساعة
طلعت اريد ادخل للبيت الثاني شفت واحد
من بعيد جاي يراقب كل شويه ويباوع بتجاهي
اكيد دزو حتى يشوفوني ثقه لولا.. رحت بتجاه
سوه نفسه يلعب بالسلاح
جمر : يافتى يوجد داخل البيت سبيتين مارئيك
واحد لك والاخرى لي؟
::- وماذا عن الامير؟
جمر : لايعرف
هذه ماصدك، أعرف هاي نقطت ضعفهـم، فـرح واجه وياي مايدري عزرائيل منتظره دخل ينظر للبيت
::-اين هم؟
ضربت وگع ، طلعت شفت العائلة مجهزه نفسها
جمر : يله امشو وياي بس البس ملابسهم.
ماجذب خبر نزعهم ولبس وهو عنده لحيه صار
جنه واحد منهم طلعنه شفت وهب إشرتله اجه
وهب : بس لا تريد تمشي صدك؟
جمر : وهب دبرلي سيارة بسرعة.
وهب : جايب وياي انقل بيه اسلحه.
جمر : اي همزين اخذهم وعبرهم.
وهب : والسيطرات شون؟
جمر : دبرها يخوي
صعدت العائلة وطلعتهم البر الأمان، ورجعت للبيوت واحد ورا الثاني…
البيوت الفارغة خليتها وراي، واللي بيها دواعش خليتهم بيد مصيرهم، أما الأبرياء فكنت أهربهم بصمت.
استمريت على هالحال… لحد ما وصلت للبيت الثامن .رفست الباب بقوة وانفتح بصوت دوى بالهدوء الموحش.
وهناك شفته…
رجال واگف وسط الغرفة.
مو مثل باقي الناس الخايفين أو المكسورين…
لا.
وگفته غير، كأنها وگفة جبل ما تهزه العواصف.
عيونه ثابتة، ما بيها ذرة خوف.
بين الخراب والرعب، ظهر گدامي مثل أسد
وسط ضباع.
هيبتة واضحة، وشهامته تشـع من ملامـحه.
أول مرة أشوف رجل بهالشكل، بهالقوة،
بهالوگفة اللي تحچي قبل لسانه.
اجه بتجاهي بنبرة قوية واثق.
:-خيرر
جمر : خير يصيبك بس عندي مهمة.
::-والمطلوب؟
جمر : سبي النساء وتطويع الرجال.
::-انتَ بس حاول تلمس شعره منهم وشوف نهايتك شنو!
حاولت ادخل بس واجهني بقوى، اخر شي
نزلت الثامي أيست منه، رديت
جمر : ضابط من القوات العراقي وجاي أهرب العوائل المحجوزة جهزو حالكم …
اجه واحد منهم
::-مو بس احنه اخذو بناتنا ولدنا
جمر : سهله عمي
:-ماعرفتك؟
جمر : احسن هذه لي اريده.
:-اسمك؟
جمر : اسمي أبو وهب.
:- اتشرف بيك واني ابو زياد.
جمر : الي شرف اهلا وسهلا .. بس عجلو مابقى
وكت …
رجعو طلعت إتلفت خاف احد مراقبني واذا
اكــو دواعـش يفترون الحمدلله ماكـو لان هل قطاع قريب ؏ جيش يعني مابي زخم
شويه واجه وهب ويا كم شخص
جمر : لا خليهم برا.
وهب : لا طمأن من ولدنه
جمر : وهب العائلة جبيرة
وهب : جبت سيارة كيا أنقل أقمشه للمصنع
يخيطون ملابس ورايات.
جمر : كلش حلو خليهم جوه الاقمشة وغير
مسار طريقك.
ابو زياد : عرضنه بيدهم.
اجه شخص كلش يشبه ابو زياد
وكف بصفه ماميز بينهم رديت
جمر : ان شاء الله اطلعهم.
ابو زياد : حسن روحو إنتم واني ابقى هنا
مارجع له ارجعهم وياي.
حسن : حسين صدك تحجي؟يا امـا كلنه نطلع
منا لو لا هسه، مو وگت اعناد امشي والباقي ؏ الله
هز راسه بنفي
ابو زياد : مستحيل اروح واخلي بناتي بيد
الدواعش.
عفتهم يناقشون أمرهم لحد ماصفوا
صعدنه النسوان والاطفال بس ابو زياد
ماقبل يروح واخر شي كلهم صعدو بس
ابو زياد بقى
جمر : عمي خطر عليك روح وعد شرف
اوصلهم الباب بيتك.
ابو زياد : روحكم مو اغلى من روحي واني
باقي بس دبرلي ملابس
جمر : هاي سهله … تعرف بسلاح؟
ضحك بس ضحكته بيها وجع رد
ابو زياد : وياك ملازم اول مستقيل ولوباقي
إشهر قليله جان صرت نقيب.
جمر : خير ان شاء عمي راح اجبلك ملابس
رحت للبيت لي كتلت بي دواعش جبت ملابسهم
نطيتها لـ ابو زياد
: عمي تلثم وهسه اجيبلك سلاح
ابوزياد : عاشت ايدك
طلعت بالباب أجت بيگام دواعش
::-اين العوائل؟
جمر : ذهبوا بهذا الاتجاه حسب طلب الامير.
راحو دخلت للبيت شلت الجثث خليتهم بلكنتور
وقفلته ورجعت لـ ابو زياد نطيتا السلاح وطلعنا
نفتر بيت بيت
عمي تعرف وين مكانهم؟
ابو زياد : لا
جمر : خير ان شاء الله
بقينه ندور وماكو ثاني يوم نفس الشي
ندور وبطريقنا نصـفي الـدواعش ونـهـرب
العوائل وهب ينقلهم لبر الأمان
اليوم الثالث نفس الشي
دخلنه لواحد من البيوت وشفنه بيت
متروس اسلحه وجنط مليانه فلـوس عـراقية
ابو زياد : ابو وهب نستفاد!
ضحكت
جمر : مثـل فكرتي؟
ابو زياد : هههـه اي بعد صنف واحد
ترسنا جيوبنا فلوس اني ويا ونزلنه
للسوك
جمر : عمي انتَ اطلع منا واني منا وجيب
الي تكدر عليـه
ابو زياد : هاي هي
شفت بنات معروضات للبيع أشتريت بالفلوس
العندي صارو خـمس بـنات وابو زياد اشـتره تسـعه
اخذناهم للبيت ومجهين الاسلحه عليهم وهنه
يبجن خايفات
جمر : ابسط حركه تنكتلون.
ابو زياد : يله كدامي بدون صوت.
سمهت وحده منهن صاحت بصوت يرجف
::-بابا!
جمر : اشش امشي سكته.
دخلهم ونزل لثامه
عفتهم وكفت بـ الباب شويه وطلع
ابو زياد : بعد بنات ثنين.
جمر : هسه يجي وهب يهربك وياهم.
ابو زياد : وهب ابنك ؟
جمر : لا صديقي.
ابو زياد : لاعمي ماروح لازم ابقى
جمر : روح واني ادورهم.
ابو زياد:ابد
حاولت اقنعه الرجال
قافل اجه وهـب اخـذ البنات هـربهم وتـفقت
ويا يجي يوميه بليل حتى الفجر يهرب العوائل
وهمه شويه صارو يثقون بينا لان الـدواعـش الي اقتلهم البسهم ملابس مدنية وملابسهم نطيها للعوائل يالبسوهم حتى ميشكون بيهم وبينا
والبيــوت فـارغه والـزلم لــي بيه يعتقـدون مـن العوائل وهم بالحقيقة دواعش بزي مدني.
لحيتـي صارت عالية هل فتـره يعنــي امشي
بـراحتي بينهم بـدون الثـام وشفنـه بـيـت مـن لفـارغات استقـرينه بي انـي وابـو زياد وهـب
يروح ويرجع لنا لان وهب مهمته نقل وهل شي
ساعدنا بتهريب العوائل
أني وابو زياد بقينا تعبانين وصـارلنا يـوميـن ونـص مـامـاكـليـن شي واني احس مصاريني تتـگطع من الجـوع لان مااكل من اكلهم
كاعدين بلبيت
ابو زياد : تعرف تطبخ ؟
جمر : لا
ابو زياد : ههههه اني اعرف شنو انتَ موجوعان؟
جمر : اي والله بس مااكل اكلهم حرام.
ابو زياد : نعمة الله ليش حرام؟ … بس لي يسوه
حرام سبو نساء وهجرو العوائل وطشرو عرضنا
جمر :اي والله كفره.
بقينه نسولف وابو زياد سوه
اكل شويه ونمنه ماعرف شون غفيت من التعب
حسيت ؏ صوت خطوات فزيت بس ايدي بسلاحي وجهته
وهب : اني شبيك؟
جمر : جنت غافي
وهب : هاك هذه مبايل واحد لك واحد الي
القائد دزه وكــــال خـلي يـدزلي الـخريطة وينـطيني المعلومات اول بـاول.
جمر : خير نشاء الله
وهب : يله اني رايح
جمر : وين؟
وهب : أخوك عشكان
جمر : تعال ولك شنو عشكان احنه بيا حال؟
وهب : ااه بأحسن حال.
هزيت راسي ضحكت
جمر : واضح.
وهب : خو مو مثلك خاتم ؏ گلبي ممنوع
الحب!، ههههه لا اريد اروح خاف مراقبيني
لان البضاعه جاي توصل متأخره ماريد هم
يشكون.
جمر : محروس بالله.
شفت المبايل خليته صامت وضميته بالبسطال
لان ممنوع اي شخص عنده مبايل رجعت كملت نومتي
طلعنا العصر نفتر هم ندور ونشوف اخبار رحنه للسوك
ابو زياد : خلي نسوك خوما نبقى جوعانين.
جمر : لا يله
ابو زياد صار يتسوك، بختار
الطماطه الزينه
جمر : خوش تسوك عمي.
ابو زياد : لو اشد حيلي شويه اصير ام بيت
نادره
جمر : هههههه شلوون؟
جر حسرة تشك الصدر
ابو زياد : اييهه اييهه غير اهلي جابولي وحده
لاخلقه لاخلاق لا نظافة بتليت بيهه بلوه
جمر : وبعدك عليها؟
نظر للرجال لي يبيع
ابو زياد : اصبررلي
كملنه مسواك وراجعين للبيت
ابو زياد : ماكملتلك
جمر : كمل عمي.
ابو زياد : زوجوني اهلي من ختيارهم لمهم
من تــزوجـتها واني اربـعة اشـهر ممتـقربلها
لان نفسي مطيقها هي شنو سوت؟
جمر : سوت؟
ابو زياد : راحت تصيت تكول هذه مو رجال
مو كدها … ضربتها
كلتلها: هاي اسرار شون
تحجين هيج ترد بوجهي
تكلي: والله اريد حقي متنطينيا
جمر : شهل صلافة هااي!
هز ايده
ابو زياد :صلافة وبـس!
جمـر : وتاالي شون؟
ابو زياد : كسرت خشمه بتاج راسها.
جمر : شلوون؟
ابو زياد : بعد عمك شمرت رتبتي وشلت راسي
ورحت اللبنان عندي خير من الله بعت اراضي
وسيـارتي ورحـت فتحت شـركة بـديت اشتغـل
بالبضائع بعـدها صارت شـركة سيارات مشهورة
وزادة ارباحها وبنيت شـركه ثانية وصـرت
اشغل الناس لي محتاجه شغل، والله رزقني الحمدلله، وحصلت اقامة، وحتى أسمي غيرته
اخذت قبول، شتريت شركه حكومية
وصلنا البيت خله المسواك رد
ابوزياد :هسه اسولفلك السالفه الوز
جمر : هاا يعني بيه الوز ؟
بقيت واكف
بالباب رجع ، واني منتظره متحمس يكملي
ابو زياد : اسمع فديوم جنت مرتب سابح
ومخلي عطر
بستغراب
جمر : عمي شسالفه ماتسبح؟!
ابو زياد : هههههه اي بعد عمك عايش بمستنقع
زباله اجلـف واحـس بعـدني وصـخ.
جمر : وبعدين؟
ابو زياد : مشي نكعد هناك عود احنه شخصيات
داعشيه مهمه
جمر : ههه يله نعيش الدور.
كعدنه وضرب ؏ رجله
ابو زياد : وتدخل عليه وحده لابسـه أسـود
وكعب احمـر چنها عارضة ازياء
مركز بعيونه من ذكرها عيونه تلمع وجهه
مبتسم ويحجي من كل گلبه وبفخر وگان
يريد يخلي العالم كله تعرف الفرحه لي بكلبه
ابو زياد : جان تكلي
::-مرحبا كيفك استاذ هذه الشركة تبعك ؟
ابوزياد : بس اني من شفته احس گلبي
وعقلي طار سحلت روحي،حتى عيوني
ماترمش صفنت بتفاصيلها
نهضت كتله
ابو زياد : تبعي وتبع الخلفوني.
ردت
::-نعم!
حاولت اصحصح كتلها
ابو زياد : اي نعم تفضلي
ردت
::-انا خريجة هندسة وبحتاج وضيفه فيك
توضفني؟
ابو زياد : كلبي متحمل ثواني كان هاي اللي رجعت حياتي من شفته حسيت نفسي عايش
روح وردت الجسمي.
كتلها : فيني ليش مافيني الشركة وصاحبها فدوه الحجل رجلج.
ردت::-مابفهام شو تحكي؟
كتلها : قصدي صار ابدي اشتغلي.
ردت::-والملفات والعقد؟
كلتلها : بعد عمري سالفتج ماشيه.
صدك بلشت دوام واني افتر وراها
وتلـوكلها بس منطتنـي مـجال شو هاي ثكيله
مفاد بيه شي ضجت حيل
ضحكت
جمر : فوكاههااا انتَ ضجت!
ابو زياد :هههههههه غير نسحلت وراها وهي
كله شوخصـك، شو خصـك، الرواتـب كـــل الموضفين يستلمون من المحاسب له هي اني اروحلها شخصياً وأسلمها بيدي
جمر : كفوووووو القلب وما يهوى
ابو زياد : شو اجه يوم اني جنت كاعد بالمكتب.
اجتني
::-استاذ بد احكي معك بشي شخصي.
رديت
: احكي اعيوني واذني وحلكي الج اسمعج
حتى برجلي كلي اذان صاغية
جمر : هههههه عمي غير تبيع ثكل فشلتنا
بالبنان وحنا معـروفين زلم العـراق نچـرين
ابو زياد: نجر الي يسلم عالگلبه.
ضحك كمل
ابو زياد : شو هاي سدت باب المكتب
واتقربت.
ردت
::-بدي اعترفلك انا معجبه فيك.
كمت لزمت ايده وطاير من الفرح كلتلها
:امشي نعقد.
ردت::-شبك يازلمه
: شبني؟ مو ابو ابوي حرگتي شوكت اخطبج؟
::-ليش انتَ بدكياني؟
: بدياك وبدي اهلك كمان.
جمر : ههههههه هاي سووويت!
خربت ضحك
ابو زياد : هههههه دسمع أسم
جمعت زلم خشنه ورحت اخطبها ابوها من الباب
طردني ثاني مره رفظو
ثالث مره بطلها من الشغل يعني ماشوفها روحي راحت عليه صرت اراقبها. من تطلع ويه اهله تالي اخذت شخص يأثر بيهم بلكي، هم رفضو مفاد وياهم حجيت ويه ابوها
:: رحمه الجرجف الكعبة شوكت تنطوها
رد
ابوها:: مافي عنا بنات للجوازه، نقلع.
رديت عليه بتهديت : والخلقك وخلقني عايشه الي تموت للتراب حتى ولو تموت هم بحضني اخليها.
::-شو ولاك عم تهدد؟
بكل ثقة : اي اهدد وانعل سلفه سلفاك.
ابو زياد :مفاد هم رفض تالي اخذت الشيخ
وكم واحد وياي مسلحين وطبينالهم، خليتهم
امام الامر الواقع
كلتلهم : هسه نعقد بسرعه واي كلمة اسويها مقبرةجماعية كافي بزعتوني روحي واريدها
وافقوا
ابو زياد : عقدنه ولزمت ايدها بنفس اليوم
صارت حلالي ورحنه نعقد محكمه بس اجلوها
سويت واسطات ورادو تحاليل كملت وخلال
شهر هي مرتي
طلبو تكعد بشقه شتريتله باحسن مكان بالبنان
طلبو تخم ذهب جبتلها الماس
جمر : يعني اكلو نعل؟
ابو زياد : بيدي وكلتهم.
جمر : وتالي وين هسه؟
ابوزياد : هناك بالبنان
جمر : عندك اطفال؟
ابو زياد : عندي بنيه وحده بس نسخه من امها
وعبالك ماعندي جهال بس هي احبه حب واحد
عقيم وخلف
جمر : الثمرة من لي تحبها غير.
ابو زياد : أي والله
شويه وجو علينا مجموعة موجهين
اسلحتهم
::-انتم تعملون معنى؟
نهضت، طكيت رگبتي تقربت عليـ نزلت
سلاحه لي موجهه
جمر : تفضل
::لايجوز الجلوس والضحك في الطرقات
جمر : تمام
عافنه ورح
ابو زياد : حتى ؏ هاي لاحكينا!
جمر : والله لويعرفون حقيقتنا تلكانا لشه
مشويه
ابو زياد : ههههه حتى طعمنه طيب
جمر : ادري ضايگك شمعرفني! هههه
… بقينه نمشي أجه
وهب : هاا ولك كـ ***
خزرت
وهب : العفو سيادة النقيب
اخذلي تحيه
جمر : اشتهرنا يلحمزه يذبحونه ولك لزم
السانك تريد تجيب اخرتنا!
ابو زياد : هههه مابقالي اشهر واوصل لرتبتك
جمر : صدك ليش ذبيته؟
ابو زياد :اني مو مال اخون لرتبـة لي يلبـسها
لازم ينطي حقـــها ويضـحي من لبست الرتـبة
حتى اكون مخلص وكفؤ بيها مو اغدر واخون
اذا اسوي هيج حتى الرتبة تصيح ذبني
جمر : ليش صار؟
ابو زياد : اجاني حـزب وكلـي كل ستـة اشهـر
نرقيك مقابل اي شخص نكتله او نغتاله ممنوع
تسأل ليش او تحقق بلقضيه طبعاً ماقبلت صارو
ضدي
وعندي اخ كل مايسوي مصيبة اجوني تعال زور
القضية وطلعه منها واني كل شي ولا الامانة
جمر :لله عوضك
ابو زياد : الحمدلله
وهب : ولك ماحجيتلكم
جمر : تعال صدك شنو سالفتك
وهب : عشـكاان ولك شفت وحـده من لي شتريتهم تموووت وبقت خايفة عبالها منهم
بس طمنته بس متصـــدك بيـه خليتهـم بيت
واني نايـم جـوه الــــدرج حتى احميهم افز
لكاها موجها السلاح عليه وتكلي بس تتقرب
اكتلك.
كلتلها
بنت المـطي ياهو لي متقرباج؟ غير نايم جوه
الدرج! تالي اخوك صعــد نام بالسطـح حتى
البنية ماتخاف
جمر : طاح حظك اي والله وتعشكها!
وهب : أي خويه،شو دخلت گلبي.
جمر : خوش مبرووك
وهب : ماعزمك عاار
جمر : ههه طبعاً متعزمني اهل العرس ميرادلهم
عزيمة
ابو زياد : يابويه العشكك يكتل.
جمر : هههه جاا جيبولي وحده اعشكها بقت
عليه!
وهب : انتَ ظل رتبتي وسلاحي وعوف روحك
اشر على ابو زياد تكلم بمزح
وهب : هذه النغل طفرله ؏ البنانية
جمر : شمدريك؟
وهب : البارحه سولفلي
جمر : خوش اكو خيانة ههههه
ابو زياد : ليش مااجبلك وحده مناك؟
جمر : لا ماريد
ابو زياد : وتظل هيج؟
جمر : بوكتها تجي لي تدفر باب گلـبي وطب
من دون ستـأذان اني جمــر مـاحـب لـي تجــي بسهوله اصـلاً لو تـوكف ؏ رمشـي ماشـوفه ولا
اهتملها
ابو زياد : صح والله لي يجي بسهولة يروح بسهولة.
شويه وابو زياد راح بقينه واني وهب
نفتر
وهب : هسه مال ساجدو ودك ركص
جمر : عيونييي.. احنت بـالموصل مو
بالبتاوين شنو تركص ولك؟ هسه يسون
جسمك منخل
وهب : شسوي يمعود طلگت رووحي من البارحه
واليوم ماكاتل بس اربعة الله يرضاها محمد!
جمر : وهذه القاهرك؟
وهب : لا
جمر : چاا شنهي؟
وهب : طلعت مسيـحية كالتلي لتسلمنـي ألهـم وأصير مسلمة واتزوجك …كتله خوش وطلعت
جمر : لتثق بيها احنا جاي نسرب شمدريك
همَ هم ميسربون؟ ديربالك.
وهب : فاهيه وربك ولك لازمة السلاح وخلته
بصدري وتكلي علمني شون اكتلك؟
كتله: جيبي وكعدي … علمته بلغلط
تكلي: ها يعني مااسحبه
كلتلها: هسه عرفتي شون تكتليني
تكلي: نام حتى اكتلك
وهب : واني صرت انام بالغرفه واقفل الباب
عليه لا تسويها صدك
جمر : هذه حظك وداك الوحدة خبلة!
وهب : كون الله يجيبلك وحدة حتى شعر
ط*** تشيبه
جمر : لا شبيه اعشك الجهال اريد وحده نجره
مو فاهيه ومايعه اريده مثلي جمرة تجوي
وهب : نشوف يجمر اذا ماتاخذلك وحده اذا
متكفرك بدين محمد فلا اطلع وهب.
إجه واحد ورا مجموعة دواعش
اكيد شخصيه مهمه بيهم
وهب : عفطله عدل
جمر : نجب ولك
::-سلام
:: وعليكم السلام
::-سمعت عنكم انكم ماهرون
وهب : هو ماهر وانا وهب معليه.
وهب رجع خطوة رجعت سحبته بصفي
رديت
جمر : بماذا ماهرون؟
بهمس
وهب : بالحفافة خويه .
بالكوو لازم ضحكته
::-انكم ماهرون بالاسلحه واريد ان تاتوا معي
لعطيكم وضيفة
جمر : لدينا وضيفة.
::-ماهي وضيفتكم؟
جمر : ان نقتحم البيوت ونجلب السبايا.
::-انا امير الامراء
رديت من دون قصد على نفس الوزن والقافية
جمر : هل لديك بئر في الصحراء؟
بهمس
وهب : نلاصت ورب الكعبة.
رد
::-نعم لدي
جمر : نعم نأتي معك.
::-هيا بنا.
جمر : ولك وهب لا تصير ساقـط ارواحنا
رخيصه يمهم بطلقو وحده يفتحون عينك ويكولون من ربك!، اسكت وامشي نشوف.
صعدنه ويا مسافة بعيده عن البيوت المكان
مثل السرداب ومبين محفور جديد
بهمس
وهب : صدك يربك حافـرين، بيـر
بطريقتهم!
نظرنا للنفق بدهشة متروس انواع الاسلحه والمتفجرات رد
::-اريد ان تكملوا الحفر وبكل مكان تزرعون
القنابل وتربطون الاسلاك بزر واحد
وهب : صارت بيهه زرور اني هم اريد.
جمر : ولك دكمه مو استغفر الله.
وهب :لااا، لا اريد.
جمر : بعد احسن .
الداعشي يشرحلنا منا وشون نسوي
::-كل عشرة أمتار تزرعون قنبلة
جمر : لدي تدخل،.. لماذا؟
::-عندما يأتي جيش الكفره نفجره حتى
لا يكتشفون اماكننا.
وهب : تباً لك ايها القريشي.
لتفت
::-ماذا قلت لم اسمعك؟
جمر : قال نعم نحن خدم الدولة الاسلامية.
طلع واحنه بقينه .
جمر : وهب لاتحجي بصوت عالي يمعود والله
نضيع.
وهب : ماحجي بعد اصلاً
جمر : احسن
وهب : والله فخ مسوي قوي لو يجون ولدنا
فلا واحد يسلم منهم.
جمر : اي والله
بقينه نستكشف المكان …
باشرنه نشتغل نحفر ونزرع مثل ماطلب
وهب : هاي تالينه نشتغل عماله!
جمر : اي دشوف شراح اسوي
بقينه نشتغل كمل اليوم، بعدها نطونا وقت
محدد حتى يخلص النفق.
رجعنه للبيت لكينه ابو زياد
محضرلنه الاكل واحنا تعبانين وجوعانين ماصدكنا..
كعدنا
تعشينه وكملنه اتصلت بـ القائد حتى انطي كل
المعلومات
جمر : الو مرحبا سيدي
::-شونك جمر طمني انتم بخير؟
جمر : الحمدلله الفضل الله اتصل اكلك لجديد
::-كول صاير
حجيت كل شي للقائد
::-وهسه شراح تسوي؟
جمر : عندي خطة
حجيت الخطة لي مفكر بيه للقائد
::-جمر اذا سويت العملية ازيدك رتبة
جمر : ولو سيدي جمر والرتبة فدوه للوطن
هذه واجبي
::-عفيه عليك بطل منصورين ان شاء الله
جمر : اكيد ماعدنه غير النصر ان شاءلله
نهيت الاتصال
فرشنا بالغرفة اني وابو زياد، ذبيت نفسي
من كد التعب وهب فرش بصفي ماحس له
وهب حظني
جمر : خيرر وهب شكووو!
وهب : اخوك مامتزوج واريد حنان.
جمر : نجب ولك سـاقط وخر من يمي.
رد بضحك
ابو زياد : نامو باجر وراكم شغل وطـن
تحمو
جمر : اي والله نوب الحفر يتعب مو مثل الزم
الداعشي وطلقة، لايكلف ولايتعب.
وهب صار يلعب بلحيتي
وهب : اووي حبيبي فديت اللحيه دعوشي
جمر : دعوفني لا اكوم اكفر بيك وبيهم.
لفيت وجهي عنه
وهب : ااخخخ راح اجيب حبيبي.
جمر : وسممم تكوم من يمي لو انعل عمامك.
وهب : شبيك والله ضايج ههههههه
جمر : ناااام
وهب : هههههه خلاص راح انام
كعدنا الصبح
جبت كارتونه وقلم ورسمت شكـــل النفــق
منين يبدي وين ينتهي، على شنو يحتوي
كم عبوه بي، السلاح الموجود بي شكد، كم
يوم يخلص…
وشون راح نغير بي كل هل شي كتبنا اني
وابو زياد
وهب بعد مادرسنا الخطة….حركنا الكارتون
وطلعنا نكمل حفره ونفذ لي خططنه أله
أستمرينا نحفر تحت الارض تقريبـاً شهـر بس
اني وهب وسوينا النفـق حسب الخطة
حفرنه داخل النفق فرع ثاني
مخرج من يدخلون النفق يشوفون بي مخرج
واحد بداية ونهاية فقط …
اما هذا المخرج سوينا مخفي
ويوميه نرجع تعبانين وابو زياد
نلكا محضرلنه العشا ونكعد نسولف شويه
ونام وهاكذا استمرينه الى ان كمل النفق
اخــر يـوم الاكمــال النـفق
ابو زياد : اني رايح اشتغل وياهم بتنزيل
لاسلحه ماريدهم يشكون بيه وانتم توكلو
؏ الله منصورين ان شاء الله
وهب : ان شاء الله مثل ماكال جمر لو نصر لو
نصر ماعدنه غيره.
جمر : هههه اكيد ان شاء الله يله
وصلنه النفق وبيدنا نرتب المسات
الاخيـر هوكلشي جهز بس ضغط الزر وينفجر بدو .. الـدواعش يدخلون للحفــره ويجمعـون شـويه حتى يعرفون النفـق شكـد يكفي وحنـه ويـاهم صارو فوك 200 شخص واجه شخص
عود البروفيسور حتى يشوف التصميـم مثـل ماهـو طلب وشنـو النقص
اني بقيت وياهم وهب طلع بره همَ ملتهين يسولفون ويأشرون منا ومنا مخبوصين …
عفتهـم نسحبت بهدوء وببطء،دخلت بـالنفق السـري سديته مثل مجـان طلعت لكيت وهب كاعد
جمر : يله
وهب : جاهززز
جاب لوح حديد ثكيل سد بي
باب الحفره، نحبسو داخل النفق احنا بعدنا
عنهم مسافه، عرفو غدرنه بيهم وروحهم بيدنا بس ماكو فايده ناظرنا البعض
: البير بيرنا، والحيه احنا نكطم راسها”
وهب : دوس الزرور خويه
ضحكت وضغطت الدكمة لي مربوطه
بيه كل العبوات لي حفرناهن وهو أصلاً
متروس
انواع الاسلحه غير المتفجرات والعبوات
لي حفرناهم يعني بضغطه وحـده صارو
تـراب، صوت سوه هزه ارضية من قوته
الارض هتـــزت تحتــنا بس بقينـا ثابتيـن
كعدنه نضحك ونتفرج عليهم
وهب : اويليييي طلع الزرور بيه فايده بعد
خوك
جمر : عوف الزرور اهم شي لي خططوله
نكلب ضدهم والله لو صـدك ولدنـه جـايـن
ومفجرينهم يروحـون بيهـه بس الحمـــدلله
من حفره بئر وقـع فيه . يــردون يطشـرون
ولدنه بس همه طاحو بيهه والفضل لـ الله
احنه بخير .
وهب : الحمدلله
ثواني ماعبرت رد
وهب : جمر شوف اكيد سمعو صوت الانفجار
وبدو يجون
لفيت
جمر : اي خلي يقربون ونكوم نركض وياهم.
لتمو أجت سياراتهم ولي يركضون
ونخبصو خبص
جمر : وهب كووم اركض
وهب يركض ويدك ؏ راسه
وهب : لااااا لماذا نفجر؟
رديت
جمر : لاعرف كيف حصل هذا ؟
قرب بهمس
وهب: هاا ولك گــ***
ولاجنك انتَ لي فجرته بالزرور.
بنفس الهمس
جمر : اسكت ولك مو انتَ
لي سديته عليهم!
رد واحد منهم
::-كيف نفجر وهم دخلوا ليعرفوا كم يسع من
الاشخاص؟
وهب : لا نـَعرف لقد سمعنا صوت وأتينا، ياويلا
لقد رحلوا حماة الدولة الاسلامية.
بقهر وگلبي محروك عليهم
جمر : من فعلها سيعاقب وبشده.
اجت سيارات متروسه دواعش نزل واحـد اكيـد
جبيرهم كلها ويا حماية
::-من المسؤول عن هذه الخندق؟
::-لا نعرف لقد سمعنا لـ صوت وإتينا
بهمس
وهب :ولك سوي روحك مصدوم
جمر : أسكــــت خـلي نشـوف تاليها شنو
يسـوون؟
.
كله تحجي وتكول ماعرف واحد من الحضور
نط
::-انا اعرف
بهمس
جمر : دخيلك ياعلي أحضرنا.
عاط بي
::-من المسؤول قووول؟
::-كل المسؤولين في الداخل وبسبب خطأ
صغير لقد رحلوا الى جنة الخلد والسعادة
::-ليت المسؤولين أحياء لكنت انا الذي ارسلتهم
واشفيت روحي بذبحهم.
الامير عصب لان خطتهم وسلاحهم
وقادتهم المهمين كله صارت تـراب
وهب : جمر منين طريق الموت؟
جمر : من كدام
وهب : عبالهم احنا ميتين.
جمر : الله يرحمنا برحمته الواسعه وينصرنا.
وهب : ههههه أمين.
رجعنا للبيت حققنا ولو أنتصار بسيط، يساعد
الجيش والحشد لي نايم على ساتر، يقاتل بكل
قوته، نطيت خبر للقائد بنجاح العملية والفرحه متنوصف
جمر : بعد خوك عبالهم احنا ميتين مايصير
نطلع وياهم لازم نضم روحنه عنهم ونقلل
طلعات النهار.
وهب : اي بعد أخوك صح.
جمر : نطلع بس بالليل ملثمين ، نسكتهم ونرجع
وهب : اي لازم، اذا مااكتل منهم جسمي يكوم
يحگني.
جمر : هههه شنهي جرب؟
وهب : ههههه اي بعد اخوك جرب وشوفت
ودمهم تشفيني.
بقينا نسولف ونضحك
ستمرينا فتره مانطلع بالنهار بس بالليل
ابو زياد يطلع وياهم ويجي يجيبلنا اخبارهم
وشنو يخططون، أني اتصل بـ القائد واحجيله
كل شي.
أجه للبيت مثل كل مره
ابو زياد : لكيتلكم شغله بنهار لان خاف يسون
تفتيش ويشوفوكم
وهب : شنوو الشغلة؟
ابو زياد : عربانة بالسوك تبيعون بيها حتى محد
يشك بيكم.
جمر : هاي هي يله توكل .
طلعنه بدون اسلحه ملثمين بس الكاتم ميفاركني ويـاي وصلنه السوك دلانه ؏ عربانة وابو زياد راح
صاح
وهب : علاوووي، علاووووي كاظم، كاظم
بسرعة سديت حلكه
جمر : شبيييك تخبلت!
وهب : لا بس تخيلت نفسي بغداد وأجواء
السوك والگراج يصيحون علاووي كاااظم
واني اشيل عبريه وانتَ بسوك الاول
جمر : هسه شكول!
وهب :احنه ضبااط ونبيع بطريقتنا.
نظرت له مثل مايسوي وياي رديت
جمر : شكلك شكل ضابط؟
وهب : ولك هاي لكلمة مالتي لا تاخذها.
جمر : ههههه اي شكول ؟
وهب كأنه طالع سفرة مو بنص الخطر، حتى مايضبط تصرفاته، اخذه خيار، ورفع ايده
يصيح
وهب : شلون كلاشنكوف يخبل تعااال ياولد.
بعصبية خفيفة
جمر : وهب وحق علي أعوفك واروح كاافي.
وهب : صاار سكتت.
سكت شويه اجه شخص
::-كم سعر البطاطة
جمر : بكيفك.
::-يعني بكم؟
وهب : بعشرة الاف
فتح عيونه بدهشة
::-ااااا، كثير بحقها
عافنه وراح
جمر : خوش، اول زبون طيرته الله يعرف
عبده وخلانه ضباط لو عدنه
بگاله منيبع نموت جوع ونرجع ناكل البضاعه
وهب : جا شمعرفنا!
جت مره تلزم الطماطة وتعصرها بأيدها وهب فتح عيونه رد
وهب : خاله شتسوين؟
::-اريدها قوية
وهب : دعوفيها مو سويتيها معجون بيدج.
عافت وراحت دردم
جمر : هاا ثاني رزق طار
وهب : جاا، حگي ماشفتها شلون تمردها؟
وانتَ كاعدلي تحسب چم رزق طار ماتسكت احسن لك.
ضحكت
بقينا شويه اجه ابو زياد اشرلي اتقرب يمه
رحت سوينه روحنه نسولف وخله بچفي ورقه
ضميته بدون محد ينتبه،
قرب اخذ تفاحة، مسحه بملابس وهب وعضها
وهب : تعاال خلي الحس حذائك خاف
وصخ؟
ضحك
ابو زياد : لا شكراً بس مقابل لي جبتها بالليل
فتحوها، لان لو متأخر شويه ولامحيكم هسه
جان شفت روسكم معلكه وصايرين عبره لمن اعتبر.
وهب لزم تفاحة ثانية ومسحها بملابسه وقدمها
له
وهب : تفضل الثانية
ضحك واخذها
وراح وبقينه ماعرف شنو مكتوب بالضرف
وهب : شو احسه قفص علينه جاب ورقه واخذ
تفاحتين شوف الميزانية نقصت
جمر :وشكد بايعين لاتندمج وتعيش الدور
تره بس شكل.
اجو شخصين
::-يا ابا حارث تعال معنا
جمر : دخيلك ربي شنو بس لاسمعونا.
نظرنا لبعض واحد اشر ؏ وهب
::-هيااا
جمر : اردح يابعد عمري.
وهب : بيها وزن وقافية.
جمر : المتنبي ماات
وهب : ههه اكو ثنين وراية
::-هيااا انا مستعجلون للغاية
وهب : نعم إتيت
اخذو وهب بقيت وحـــدي وماعـرف شسـوي
شويه واجتي طفله صغيره عمـره 7سنوات
تقريباً بس لابسه عباية اسلامية ونقاب وكلها
اسود ملفلفه تلفلف
ردت
::-عموو والله ميتين جوع واخذو اخويه
وماعندنه فلوس تنطيني اكل بلاش؟
جمر : وين بيتكم؟
::-هنااا بعيد
ترست لها من كل شي موجود عندي واخذتها
واحد بصفي عنده بسطية
جمر : عينك ؏ عربانة امي مريضة شوفها
واجي
::-ماشي
جمر : يله عمو امشي وين بيتكم.
::-تندله ؟
جمر : لاعمو شمدليني!
::-اني ادليك
.مشينا مسافو والطفله تمشي وتتلفت لووراها
خايفة
جمر : بيج شي عمو؟
::- خاف يگتلوك عمو لان تنطيني اكل؟
جمر : اني وياهم بس لان انتم ماعدكم انطيج
::- عمو يعني انتَ داعشي
جمر : اي عمو
::-شو شكلك مثل ذوله الي يمثلون بالتلفزيون
مو مثل الدواعش
سكتت، امشي وبيتهم بعده
جمر : عمو وين بيتكم
::-هذااك
نهايت فرع بس كلش بعيد ربع ساعه، يله نوصل وهي تعبت نوب الجو حار وهي تسحل بروحه صغيره وملفلفينها بنقاب
دنجت اريد اشيلها
::- لاا
جمر : عمو لتخافين اريد اشيلج تعبتي
::-ماما متقبل
جمر : بس اوصلج للباب لان تعبتي ياعمو
شلتهت ، وبقت تسولف ولا جن اعرفه من نص
ساعه
::-بابا ضرب ماما وباع ذهبها وجاب لنه ماما
جديده
مارديت
::- عمو هسه بابا جاب ماما جديده متصير
انتَ هم بابا جديد
ضحكت ردت
::-لا بطلت ماريدك انتَ فاهي بسرعه تضحك
هذه بيتنه نزلني
نزلتها دكيت الباب طلعت مره تركض
ملهوفه وخايفة لفيت ظهري للباب.
::-وين جنتي ماما مو كتلج لطلعين اخاف عليج
::-متت جوع ولبست وطلعت ادور اكل وعمو
جابلنا
مشيت خطوتين صاحت
::-خويه بلا زحمه
رجعت وكفت وظهري عالباب ، مايصر انظر
مرأة لها حرمتها ردت
::-خويه هسه ماعندي فلوس بس يصير عندي
انطيك حقك واذا تريد حلقتي ذهب انطيهالك
جمر : الله يستر عليج خويه ماسويت شي.
.عفتها ورجعت صار اليل لان بيتهم كلش بعيد
واني امشي الطريق لي امر بي واعرفهم دواعش
اصفيهم
رجعت للبيت ابو زياد وهب كاعدين
وهب : هااا ولك كلـب
جمر : عااار مو بيدك
ابو زياد : هسه كاعدين نحجي بيك ابن حلال
والله
جمر : كصيتوني موو دام وهب حجه يعني
طلعني سـاقط كدامك
وهب : لا خويه حشاه السـاقط لتشوه سمعته
ابو زياد : ههههه لا كل خير ان شاءلله
ضحكت،
نزعت الدر والسلاح تذكرت الضرف
لي نطانيا ابو زياد نسيت افتحه طلعته
بسرعه فتحته داخله رساله
مكتوب بيها
من ابا بكر البغدادي الي قاضي القضاة
لقد وصلتنا اخبار ان جواسيس من دولة
الكفر يسربون معلومات عن جيشنا المجاهد
وقد بدأ جيشنا..
اخر فتره بتراجع وحتلوا كثير من المناطق
التي كانت تحت سيطرتنا
السماء المشكوك بهم مدرجه ادنا
اباعمــرو
اباحـارث
ابا عبيده
ابو عبيده لقب ابو زياد
بقيت مصدوم شون عرفو بينا رديت
جمر : ولك وهب لكفنا.
نهض بسرعه
وهب : شكوووو ؟
اخذ الورقه من ايدي
جمر : شون وصلتك الورقة؟
ابو زياد : جنت انـزل اسلحـــه واسمعهـم
يسولفون انو راح يجـي المـــرسل بهيـــج
ساعه ومن هل مكان واني نتظرت يوصل
ورحت كتلتهم واخذت الضرف منه
جمر : عمي احنا جديد دخلنا وياهم وامرنا
مشكوك بي انتَ ليش؟
ابو زياد : لان امشي وياكم ماكو غيرها
جمر : وتاالي شون وصللهم؟
ابو زياد : لا ماوصل شوف الورقة بدون ختم
يعني من البغدادي الادينا ماوصلت للقضاة
جمر : لازم نكون حذرين بعد بكل خطوة
ابو زياد : هسه همَ ملتهين ينزلون اسلحه
جديده وينظمولهم شباب من الدور الجاوره
ونطو اوامر بتدريب النساء والجهاد
جمر : خوش معلومات دسمه اكيد القوات
العراقية ماتعرف هل شي ، راقبولي الوضـع
وهب : صار
دخلت الاخر غرفة وطلعت الموبايل
تصلت بالقائد حجيتله كل شي صار
ويانا ورجعت ضميته.
كعدنه تعشينا وسولفنا شويه ونمنه
كعدت الفجر شفتهم نايمين، فتحت مبايل
ماكـو شي..
لان مرات القائــد يوجهنـه برسـاله
قفلته بدلت، لبست البنطلون خليت المبايل
بحجـل رجـلـي لبسـت
البسطال مابين المبايل وخليت الكاتــم جـوه الـدرع حتى مايبين السلاح لي نطونيا
فوك الدرع يعني لي يشوفني كلشي ماعنــدي
غير سلاح واحد
طلعت امشي والشمس هستوها بدت تشــرق
صرت إتلفت ماكو ولا واحـد فتت بـدربونـــه
اعرف بيه بس دواعــش كاديـن مـو سـكــانه
الاصلين شفت ماكو احد بشارع طفــرت ؏
البيت هدوء اول باب لكاني فتحتـه ودخــلت
مطبخ البيت فارغ اجيت اطلع سمعت صوت
وجهت اسلاحي وتقــربت ببـــطء، بخطوات
حذره
وصلت للغرفه وضح صوت زلم . رفست الباب
السلاح موجهه واشوف ثلاث زلم لا حشا الزلم
بال هم ذكور ،مثل ماولدتهم أمهم بـمنظر قبيح حيل يشمئز منهم البدن،كـقوم الوط .
::-هل جئت لتشارك معنا؟
جمر : أجل.
بنفسي: اعوذ بالله منكم.
::-لقد صرنا اربعة اتركنا واذهب له
اشوف هذه اتجه لي بس شفته
شكل خنزير والعياذُ بالله وهمَ متونسين
بفعلهم، سويت نفسي أنزع الدرع طلعت الكاتم
جمر : ثلاث طلقات خسرت بس نظفت مجتمع كامل منكم تفووو عليكم ياحثالة.
شلتهم عدلتهم ؏ جرباية ثلاثتهم وذبيت غطه
عليهم، رديت
جمر : بعد شتردون وهاي سترتكم وغطيتكم خاف تبردون
ردت اطلع رجعت
جمر : خادم والضوه هم أطفي اخذو راحتكم.
طلعت وسديت باب الغرفه وطلعت من الباب
ماطفرت … رحت للبيت الثاني شفت الحايط عالي ماكدر اطفره دكيت الباب محد فتح عفته
ومشيت .
الفرع هدوء بس اسمع خطوات
تمشي وراي التفت ماكـو احـد، بس لما امشي اسمعـها
اخر شي خليت رجلي ؏ بلوكه وسويت نفسي
اربط القيطان هـم ماشفت شي بـس من امشـي
خطوات تمشي وراي ماكدرت اسوي شي رجعت للسوك
فتحت البسطية وكعدت اسمع الي يمي يصيحون
طماطم، خيار .
واني صافن كلت خلي هـم اصيح مثلهم ليش
ساكت… صحت
جمر : من مال الله، من مال الله
اشوف الزلمه يباوعلي وخربان ضحك
بيني وبين نفسي
جمر : شبي هذه حجيت شي غلط اني؟
رد وهو يضحك
::-انتَ تجدي الو تبيع؟
بستغراب
جمر : شنووو؟
مارد بس يضحك
جمر : شنو تجدي؟
نقهرت لان ضحك عليه سكتت شويه واجه
وهب يطكك برگبته
وهب : هاا شبعت؟
جمر : هسه فتحت
وهب : يله عيني
جمر : شكوو؟
وهب :نبيع خويه
صاح
وهب : بااب الشرجي علاووي كاظمم بياااع
جمر : متوهم تره هاي بسطية مو گراج.
وهب : مو صوجك صوج الي يصيح حتى
يجون يشترون
جمر : تسلم ماريد انتَ جاي تفضحنه ماتبيع
، خليك هنا اروح اجيب ماي واجي
وهب : خوووش
رحت جبت كبست بطالة مي رجعت واشوف وهب ماكو توقعته راح ، اجيت اكعد وشوفه متربع وياكل فواكهة
جمر : شني هاي؟ چا شنبيع استاذ؟!
وهب : اويلــــــي شون طعم يموت اكعد اكل
جمر : شني هااي صدك!
كعدت اكل ويا وهذه الرجال الي يمنه يباوع
رد
::-شتسوون تبيعون لو تاكلون؟
وهب : لازم نظوك خاف يطلع خايس فشله
ميصير.
::-هاا بحجة تضوكون وخلصوو!
وهب : وعينك ؏ الڰمتين لي اكلناهن شنو
ماكلين من بيت الخلفوك؟
::-له اشتكي عليكم
نهضت له
جمر : خيرر شو تهدد؟
::-لان لي تسوو مهزله
جمر : ماكلين من بسطيتك؟
::-لا
جمر : مدينه ايدنه ألك طلبنه شي؟
::-لاا
جمر : عليك بروحك ولتددخل خوش بسطيتنه
وبكيفنه نبيع نوزع مالك علاقة، وهذه تهديدك
تعرف شتسوي بي؟
وهب : كتبه بورقة ولفه عدل وخلي بـــ.
قطعت كلامة بنظرة يعني اسكت .
وهب : قصدي تخلي بالمجاري
ستمرينه فتره نطلع بس بالليل لان
مراقبينا وابو زياد يشتغل وياهم حتى يبطلون
شك واني وهب نطلع نصفيهم باليلة ظلمة، كل
واحد بينا يلزم جهه، لامن
شاف ولا من دره واحنا لابسين اسود .. نطفر
من بيت البيت
مثل كل يوم رجعت تعبان وطافر 13 بيت
حيلـي رايـح دخلت للبيت لي مستقـرين بي
ماكو لا وهب ولا ابو زياد …. نزعت الدرع
والسـلاح، ذبيت نفسـي من التعـب غمضـت
عيني واسمع صوت خطوات فزيـت فتحـت عينــــي
واشـوف وهــب
وجــهه واديه كلهت دم ويمشي بخطوات ثكيـله
بسرعة نهضت مرعوب
جمر : وووووهـــــب….
يتبع …..
