رواية طلب استغاثة الفصل السادس 6 بقلم هبة السيد
(الفصل السادس)
سامح بشر/كريم هو اللى اخدها صح؟
*نظرت خديجه اليه بخوف ثم قالت.
خديجه بخوف/لو استاذ كريم مكانش هنا كانت زمانها ما…
*وقبل أن تنتهى من جملتها صرخ بها عالياً حتى انتفضت هى مذعورة من شكله.
سامح بصراخ/أوعى تقولى كانت ماتت أنا مستحيل اسيبها هى ليا انا مش من حق حد أنه ياخدها منى.. كريم غلط غلطه كبيره لما وقف قصادى وبعد عنى حياتى… انا هرجعها…
خديجه بطيبه/يابنى استهدى بالله وسيب البنت فى حالها والنبى.
سامح بغضب/وانتى إللى ساعدتيه صح… أنا هخليكى تندمى هتندمى صدقينى هنتقم منك أشد انتقام.. بس لما ييجى وقتك.
*قال ذلك ثم خرج من المنزل موصدا جميع أبواب الخروج كى يمنع خديجه من الهرب………. وتوجه إلى قصر الصاوي………
___________________________________
*من وقت ما استيقظت وهى جالسه بجانب شقيقتها التى ما إن رأتها مستيقظة هى الأخرى حتى بدوا فى ملحمه من البكاء…. حتى أتى كريم وايهاب ومعهم بعض الأجهزة الطبية والادويه التى سيبدأ بها كريم مع هنا وعندما كانوا بالمشفى قبل قليل أخبروا والدهم بكل ما حدث حتى يبلغ والد سامح………. بعد فتره وهم بالغرفه سمعوا صوت صراخ غاضب أتى من الأسفل وكان صوت سامح وعندما رأى كريم وهو يهبط الدرج ذهب نحوه وجذبه من قميصه بعنف فصرخت زينب بخوف على كريم.
*سامح بصراخ/هى فين انطق قولى هى فين واخدتها ليه.هناااااا يا هنااااا.
*كان واقفا هادئ تماماً ينظر لسامح التى تحولت عيناه إلى اللون الأحمر من البكاء والغضب وصدره الذى يعلو ويهبط باضطراب ويده التى ترتجف كل ذلك دليلاً على أنه سيتهور…
كريم بإجابة/هى هنا.
سامح بعصبية/انا جيت عشان اخدها ياريت تدهالى من غير مشاكل يا كريم.
يارا بغضب/ده بعدك مستحيل تاخدها منى تاانى.
سامح بصراخ/وانتى مالك تقربيلها ايه اصلا.
ايهاب موضحا/يارا تبقه اخت هنا الصغيره يا سامح.
سامح بصدمه/أختها…
كريم مؤكداً/سامح ياريت انته اللى تمشي من غير مشاكل… أختها أحق بيها.. غير كده احنا منعرفش انته كنت اخدها إجبارى ولا هى كانت موافقة بده.
سامح بعصبية/انته بتقول ايه انا اكتر واحد استحقها حتى اكتر من اختها.. وهى بتعشقنى زى ما أنا مجنون بيها أنا لازم اخدها معايا ولو مش بالذوق هيبقه بالعافيه…
*قال ذلك ثم توجه للدرج ليجذبه كريم مره اخرى وينظر له.
كريم بصدق/سامح انته صاحبى وزى أخويا مش عايزك توقع نفسك فى غلط اكتر من كده متخلنيش أتصرف تصرف مش هيعجبك صدقنى.
*ليبتسم الآخر بشر ويدفع كريم بلكمه بصدره للوراء.
سامح باستهزاء/ورينى.ورينى هتعمل ايه.يلااااا.
*كان يتكلم وهو يلكم كريم بصدره ومعدته والآخر لا يريد رد اللكمات له.. زادت صرخات زينب ويارا وحاول جذب سامح بعيداً ولكنه قابله باللكمتان اوقعته أرضا..لتشتعل عين كريم بالغضب ويرد على سامح باللكمات اقوى ليقع ثم يقوم وهو يترنح وينقض مره أخرى على كريم الذى بادله تلك المرة بنفس ضرباته ولكماته وركله ليزيد الاشتباك بينهم ويحاول ايهاب مره ثانيه البعد بينهم ولكنهم كانوا سريعين وغضبهم اعماهم عن ما حولهم………
وبهذا الوقت وصل والد سامح ووالد كريم ليتصدموا من ذلك المنظر
ملحوظة (لأن اسم الاتنين احمد فأنا هكتبهم بألقابهم ابو سامح/احمد العيمرى#وابو كريم احمد الصاوي#تمام كده)
*تدخلوا على الفور وفضوا تلك المعركه المشتعلة….
أحمد العيمرى/انته اتجنيت ولا ايه ازاى تعمل كل ده؟!؟!
سامح بعصبية/انا بحبها وهاخدها معايا يعنى هاخدها.
*ليرد عليه والده بصفعه قويه…. ونظر له بغضب.
احمد العيمرى/لو كريم مكانش صاحبك وأحمد باقى عليا وعلى صداقتنا كان زمانك بالسجن..
*لينظر سامح إلى والده ثم لكريم.
سامح بهمس مخيف/همشي دلوقتى بس خليك عارف انى راجع تانى وقريب أوى وانته اللى ابتديت الحرب دى يا كريم استحمل بقه..
*قال ذلك ثم خرج ليعتذر والده من الجميع على ما بدر من ابنه ثم يخرج.
*ركضت زينب نحو كريم وعانقته بخوف.
زينب ببكاء/أنا خايفه عليك اوى يا كريم.
كريم مطمنا/متخافيش يا اخى أنا كويس الحمدلله…..
زينب بخوف/ايهاب يابنى وشك عليه دم ياحبيبى
ايهاب موضحاً/متخافيش يا امى ده مكان الضربة اللى اخدتها من سامح.
زينب موضحه/يارا اطلعي حضري علبه الاسعافات علشان كريم وايهاب.
يارا ببكاء /حاضر يا ماما.
*ثم صعدت لتفعل هذا……………………………… وفي المساء…
*دلف كريم إلى غرفته و كانت هنا مستيقظه عندما رأت آثار الضرب على وجهه اغروقت عيناها بالدموع.
هنا ببالها/ انا السبب في كل ده انت واحد ساعدتني مالكش اي ذنب, سامح واحد مريض أنا متاكده انه مش هيسبني في حالي انا سمعت صوته لما جاء تحت وعارفه انه مش هيسكت غير لما ياخدني يا رب بقى والنبي مش عايزة يتأذى بسببي.
*اما هو ففهم كل تلك النظرات المذعوره.
كريم موضحاً/ ما تخافيش يا هنا محدش هيقدر ييجي جنبك ولا حتى سامح انا اخذت عهد على نفسي اني احميكي لحد ما ترجعي زي الاول واعرف منك كل حاجه.
يلا بقى عشان نبدأ العلاج عايزك تبقى قويه لأن المرحله دي زي ما قلت لك امبارح مش سهله بس ان شاء الله هتكوني قدها.
*اقترب منها ووضع بيدها محلول آخر وبعد ما انتهى جلس على الكرسي الذي أمامها ليرى المفعول الذي سيطرا عليها…. وبعد نصف ساعه تقريبا تصبب جسدها بأكمله عرقا وظلت ترتجف حتى ان الفراش كان يهتز معها.. تشنج جسدها وتقوس ظهرها وشعرت انها تحترق من سخونه دمائها داخل عروقها…. اقترب منها كريم وحاول أن يهون عليها..
كريم مشجعا/هنا انتى لازم تتقبلى العلاج ده انا عارف أنه مضاد للعلاج إللى بيجري فدمك بس لازم تساعديني.. هو صعب والله عارف بس حاولى…
*جاءت يارا على صوت انين شقيقتها العالى وعندما رأتها هكذا دخلت بنوبه بكاء جديده..لياتى ايهاب محاولا أن يهدئها..
ايهاب مطمنا/هتكون كويسه يا يارا والله صدقينى..
يارا ببكاء/انا هدخلها مش هينفع اسيبها كده.
*وعندما اقتربت من باب الغرفه سمعت صراخ كريم بها.
كريم بعصبية/مش عايز حد فالاوضه.. ايهاب خد يارا من هنا مش هتستحمل تشوف أختها بالحاله دى.
ايهاب مؤيدا/حاضر يا كريم حاضر.
*ثم أمسك يدها واجبرها على المشي معه وسط دموعها التى لا تقف……… وبعد نصف ساعة أخرى سكنت حركه هنا لتذهب فى ثباتاً عميق آثار ذلك الإرهاق الجسدى فالمعركه لم تكن بسيطه….. أما هو فذهب وجلس أمام مكتبه ليدون ملاحظاته. وبعد ذلك تفقد جهاز ضربات القلب وكانت منتظمه.. ونزع المحلول من يدها برفق بعد أن انتهى.. ونظر إليها مطولاً.
كريم بهمس/ يا ترا حكايتك ايه يا هنا؟؟؟.
___________________________________
*دلف الى المنزل بساعه متأخره من الليل وكانت خديجه تتحدث مع ابنتها على الهاتف ولم تراه عندما جاء….. وعندما شعرت به أغلقت الهاتف سريعاً.. ليرن هاتفها مره ثانيه
ليقرع قلبها مثل الطبول خوفاً.
سامح بشك/ كنتى بتكلمي مين بقى وليه شكلك خايفه اوي كده اتى التليفون ده.
خديجه بتلعثم /م.مش ب.بكلم حد انا انا ك.كنت يعني.
سامح بصراخ/ بقول لك إيه.
*لينتشل من يدها الهاتف الذي مازال يرن..ويفتح المكالمه.لياتى صوت فتاه.
رنا بخوف/الو الو يا ماما ردي علي قفلتى ليه بسرعه كده الو ما تقلقنيش عليكى والنبي.
سامح بذهول /اووووه.الحجه خديجه طلعت عندها بنت ومخبيه عليا كمان ده اللعب هيبتدي دلوقتي.
خديجه ببكاء/ والنبي يا ابني بنتى ملهاش دعوه اعمل اللي انته عايزه فيا انا وسيبها في حالها.
رنا ببكاء/ ماما حبيبتى متخافيش المتخلف ده مش هيقدر يعملك حاجه.
سامح بخبث/ طيب ما تيجي نجرب كده.
رنا بصراخ/ اقسم بالله لو قربت ناحيه امي لا هقتلك انته فااااهم.
سامح بحقد/ والله ده هيتوقف عليكي لو جيتي ممكن ارأف بحالتها شويه، لو ما جيتيش يبقه هتيجي عشان تستلمى جثتها بردو.
رنا بثبات /ابعتلي العنوان.
سامح بإبتسامه نصر /تمام.
___________________________________
ايه رأيكم،، يا ترى سامح هيعرف يرجع هنا ولا لأ وهيعمل ايه مع كريم تفتكروا رنا هتروح ولا لأ؟؟؟؟؟؟
