رواية طلب استغاثة الفصل السابع 7 بقلم هبة السيد
(الفصل السابع)
*عندما بعث لها العنوان نهضت متوجهه إليه سريعاً………. وبعد مده من الوقت كانت قد وصلت إلى هناك… طرقت على الباب ففتح سامح لها.. لتنظر اليه بتقزز والغضب يتطاير من عسليتيها ثم تدفعه من أمامها وتدخل باحثه عن والدتها…. وما أن وجدتها حتى ذهبت إليها وعانقتها..
رنا ببكاء/ ما تخافيش يا ماما انا جيت عشان اخدك ونمشي.
*ليضحك هو مقهقها على ما تفوهت به الآن.. ثم ينظر إليها بتحدى..
سامح باستفزاز /شكلك بتحبى تحلمي كتير.
رنا بثقه/هاخد امى وهخرج من هنا وإلا…
سامح مقاطعا إياها/وإلا ايه…ورينى اللى تقدرى عليه..
رنا بتحدى/اقدر على كتير..
*ثم ذهبت مهروله باتجاه المطبخ واتت بسكين حاد ووضعته على عنقه ونظرت إليه بغضب…..لا ينكر انه معجب بجرائتها ونظراتها القويه تلك ،ولكنها حتماً ثعبث مع الشخص الخطأ.اقترب بعنقه من السكين أكثر حتى جرحته جرحا صغير لتهبط دماءه وتبتلع رنا شهقتها فهي كانت تريد ان تهدده فقط ولكنها لم تتوقع رد فعله ذلك….. ارتعشت يدها فباغتها بحركه سريعه و اخذ من يدها السكين… لتجذبها خديجه من يدها لأنها تعرف تهور سامح جيداً..
خديجه ببكاء/ معلش يا ابني والنبي سامحها هي ماتقصدش.
رنا بعصبيه /انت ما تترجيش حيوان زي ده، ده واحد حقير وانا هعرف اوريك كويس.
سامح بخبث/ هتوريني ايه بقى؟
رنا بثقه/ هبلغ البوليس عنك.
سامح بضحك/بتهمه ايه بقى ان شاء الله؟
رنا بغضب/ بتهمه البنت اللي كنت حابسها عندك و بتهمة انك حبست امي وحبسني معاها دلوقتي انت واحد متخلف أصلا وده كفايه انه يدخلك السجن.
*اقترب منها وقبض على ذراعها بقوه حتى تأوهت..ليهمس لها كفحيح الأفعى.
سامح بثقه /بالنسبه لهنا فهي مش هنا دلوقتي ومتقدريش تثبتي ده بالنسبه لامك مستحيل تعترف بكده لانها تخاف عليكي مني بالنسبه ليكي فمحدش بيخطف مراته مش كده ولا ايه؟
رنا بإنكار/نعم مراتك انت شكلك اتهبلت ولا انت اصلا أهبل.
سامح بغضب/ اقسم بالله لو شتمتيني تاني لهاعقبك عقاب عمرك متخيلتيه فى حياتك انا لحد دلوقتي ماسك نفسي معاكي ومع امك اللي هي السبب في كل ده..
رنا بغضب/ اخرس اوعى تتكلم على امي ومش هتقدر تيجي جنبها طول ما انا موجوده هنا انت سامعني.
*وضعت خديجه يدها على قلبها وظلت تتنفس بصعوبه ثم وقعت على الأريكة التي خلفها.. ركضت إليها رنا وهي خائفه.
رنا بصراخ/ ماما ماما انتى كويسه ماما حبيبتي ايه اللي حصل لك.
خديجه بتعب/ ا.انا ك.كويسه يا ر.رنا انتى المفروض ما كنتيش جيتي.
رنا ببكاء/مش وقت الكلام ده يا ماما احنا لازم نروح الدكتور…
*ثم نظرت لسامح الذي كان يقف بدون اي تأثر وصرخت به.
رنا بصراخ/افتح الباب خليني انقذ امي قبل ما يحصل لها حاجه.. بقول لك افتحه.
سامح بهيمنه/ انتى ناسيه ان انا دكتور ولا ايه انا بكبسوله واحده بس اقدر اخلي امك ما يحصلهاش حاجه.
رنا بترجي/ طيب ارجوك ساعدني ارجوك انا مستعده اعمل اي حاجه انت عايزها عاقبني اضربني اعمل اللي انت عايزه بس بلاش امي والنبي.
سامح مستفسرا/ يعني تقدري تعملي اي حاجه هطلبها منك مقابل إن انا انقذ أمك.
رنا بثقه /أيوه.
*تركها وذهب باتجاه مكتبه …وجاء مره اخرى بالدواء وبعض الأوراق وقلم. وقدم لها الاوراق.
سامح بتحدى /توقعي.
رنا بعدم فهم/أوقع على ايه؟
سامح بثقه/ عقد جوازنا.
رنا بصدمه/ انت فعلاً مش انسان طبيعي انت بتواسمني بحياه أمي.
خديجه ببكاء/ر.رنا.
*نادتها ثم فقدت الوعي لتركض رنا نحوها بذعر.
رنا بصراخ /لا يا ماما والنبي ما تسيبنيش فوقي والنبي… ارجوك يا سامح ارجوك ساعدني.
سامح موضحا/انتى اللي بأيدك الإختيار.
*وبدون ان تنطق بكلمه ذهبت ل حيث الأوراق ووقعت عليها..
سامح برضا/ انتى كده شاطره.
*ثم أعطاها الدواء لتعطيه لوالدتها…. وهو يبتسم بشر ويقول بعقله سأرويكي من جحيمي أيتها الجريئه ذات العيون الناريه 
___________________________________
*فى الصباح.. بقصر الصاوي بالتحديد في غرفه المكتب.
احمد/بس دي مسئوليه كبيره يا كريم.
كريم مبرراً/ انا عارف يا بابا بس اي ادحد مكاني كان هيعمل كده
أحمد مؤيدا/طبعا يابنى وانا فخور بيك بس متنساش سامح انته عارف هو اكيييد مش هيسكت .
كريم بغضب/مش هقدر يعمل حاجه.
أحمد موضحاً/انا وانته وأبوه كمان كلنا عارفين انه مش انسان سوي.
كريم بغيظ/طالما مريض يبقى يتعالج لكن بالنسبة لهنا فهو مش هيقدر يقربلها لسببين الأول لأنها اخت يارا والتانى لان هنا مسؤليتى انا.
احمد بعد إرتياح/ ماشي يا كريم ربنا يقدم اللي فيه الخير.
كريم موضحاً/ ماشي يا بابا انا همشي دلوقتي أروح المستشفى و هاجي بالليل.
أحمد مؤيداً/ تمام.
____________________________________
*بمنزل سامح أستيقظ ثم توجه للاسفل للبحث عن وعندما لم يجدهم تأكد انهم بغرفه خديجه… اقتحم الغرفه بدون سابق إنذار.. فشهقت هي بخوف.. والدتها كانت نائمه على الفراش وهي كانت جالسه بكرسي جانبها لكنها كانت بدون حجاب وهو عندما رأى هذا الشعر الطويل بخصلاته البنيه التي امتزجت بلون العسل لم يبعد بنظره عنها ظل ينظر إليها كثيراً حتى ايقنت هي انها بدون حجابها فهرولت إليه وارتدته علي عجله… اقترب منها بخطوات بطيئه و ابتسامه خبيثه زينت ثغره.. ولكن عيناه هي التي ارعبتها بالفعل… جذبها من ذراعها وقبض على فكها بين يده ونزع الحجاب من على رأسها…
سامح بغضب /انتى وقعتى امبارح على عقد ملكى ليكى والحركة دي ملهاش أي لازمه.
*نظرت لوالدتها النائمه ،ثم دفعته ورمقته بغضب وخرجت خارج الغرفه لكي لا تستيقظ والدتها…فتبعها هو وجذبها مره أخرى من ذراعها ولكن بقوه أكبر ثم غرس أنامله بها حتى تتألم.
سامح بعصبيه/ لما اكون بكلمك ما تسبنيش وتمشي تاني انتى فاااهمه.
رنا بغيظ/بصفتك ايه أن شاءالله بقه.
سامح بعصبية/بصفتى جوزك..
رنا بضحكه رنانه مستفزة/هههههه. جوزى… انت مفكر أننا هنفضل هنا كتير لأ يا بابا انا وامى هنطلع من هنا وأول ما هطلع هبلغ البوليس عليك وهاقولهم انك خليتني أوقع تحت التهديد.
سامح باستفزاز /لما نشوف.
*تركته ثم توجهت الي المطبخ لتعد اي طعام لها ولوالدتها.
سامح مستفسرا /انتى بتعملي ايه؟
رنا بغيظ/انت اعمى بعمل فطار ليا انا وامي ولا ده كمان ممنوع.
سامح بتفكير /اممم لامك مش ممنوع لكن ليكى انتى ايوه ممنوع.
رنا بتحدى/ وانت مفكر اللي انا همشي على كلام واحد متخلف شبهك.
سامح بتهديد/ والله انتى حره يا امك بس اللي تاكل ولو عرفت إنك اكلتي اي حاجه الاكل هيتمنع عنكم انتم الإثنين انتى اللي في ايدك الإختيار.
*نظرت إليه بحقد ثم حضرت لوالدتها بعض الطعام وذهبت من أمامه سريعاً و هو يبتسم ويسمع خطوات قدمها التي تضرب الارض بغضب.
سامح بشر /أنا لسه ما عملتش حاجه هههههه.
*ثم اخرج هاتفه و اتصل برقم ما .
سامح بعصبية/ الو.. حضرت الورق اللي قلت لك عليه ولا لسه…. ايه اسبوعين كتير اوي انا عايزهم خلال يومين يكونوا عندي يعني لسه هاستنى اسبوع…. ماشي يا ريت تنجز ..سلام.
____________________________________
*مر 4 ايام وحدث بهم الآتي:
عند سامح /مازال محتاجزهم..ولا يفوت أي فرصه كي يجرح خديجه وابنتها ولكن رنا ترد عليه وما زالت على قوتها ،فقط مرضت قليلاً لعدم تناولها اى طعام فقط يسمح لها بشرب الماء مرتين باليوم ولا تدري والدتها بذلك فهي عندما تقول لها تأكل معها ترد بأنها اكلت بالمطبخ…..
بمنزل الصاوي/من وقت ما أتت وهو يحاول معها مرت بعده نوبات من التشنجات والارهاق الجسدي ولكنها منذ يومين حركت يداها مرتين عندما دلفت يارا إليها وعانقتها فحركت يدها هي الأخرى وبادلتها العناق أيضاً وهذا أسعدهم كثيرا فهي الآن بدأت تتقبل العلاج. ولا يتعبها مثل السابق……..
___________________________________
*دلف إلى غرفته في المساء بعد يوم عمل طويل ومرهق استلقي علي الاريكه بدون ان يخلع حذائه حتى.. نظر اليها فرآها مستيقظه فذهب إليها وجلس على الكرسي الذي أمامها…
كريم بارهاق/ عامله ايه يا هنا معلش إتأخرت عليكي شويه النهارده كان عندي شغل كتير.. يلا عشان اديكى العلاج.
*بدأ كريم بأن يعطيها العلاج.. فأرخت أعصابها وبعد دقائق ذهبت في سبات عميق…. لينتهي ثم يدلف الى المرحاض ويستحم ويخرج يغير ملابسه.. ثم يخلد للنوم على الأريكة..
*في الصباح الباكر دلف ايهاب لغرفه يارا التي كانت ترتدي حجابها للتو.. وقبل جبينها بحب.
إيهاب بحب/ صباح الخير يا حبيبتي.
يارا بتوتر/صباح النور يا حبيبي.
إيهاب بمشاكسه/ مالك يا يارو انتى خايفه من الامتحان ولا ايه.
يارا بقلق /لأ انا بس متوتره منه شويه.
ايهاب مشجعاً/ ما تخافيش يا حبيبتي انا متأكد إنك هتحلى كويس و هتنجحي وهتجيبى الدرجات العاليه اللي انتى عايزاها.
يارا بامتنان /شكراً يا إيهاب أنك واقف جنبي وبتشجعنى كده ربنا يخليك ليا.
إيهاب بحب/ ويخليكى ليا يا قمر يلا بقى عشان ما نتأخرش عايز اوصلك قبل ما اروح الشغل.
يارا بحب/ طيب يلا يا بيبو.
إيهاب بعشق /يلا يا قلب بيبو.
___________________________________
*استيقظت في الصباح وكاد أن يخرج ليمارس رياضته الصباحية استوقفه صوتها وهي تستفرغ بالمرحاض وبعد دقائق خرجت وهي تترنح من آثار التعب…. رفع حاجبه باستهزاء. وتقدم نحوها.
سامح باستفزاز/ايه ده من أول أسبوع كده تعبانة ده اللعب لسه في أوله.
رنا بصراخ/ مااالكش دعوه بيااا انت عاايز مني ايه مش كفايه امتحاناتى اللي ضيعتها علياااا.
سامح وهو يصر على أسنانه/وطي صوتك وانتى بتتكلمي معايا احسنلك.
*رمقته بغضب وذهبت لوالدتها التى زاد مرضها منذ يومان. واتجه هو للخارج…………. وبعد أن انتهى من الركض جاء مرة ثانيه وبدل ملابسه وخرج لعمله……. كانت والدتها نائمه ففضولها قادها أن تذهب لتلك الغرفه السريه بغرفته… دخلت..واندهشت من شكلها ودقه الادوات التى بها…. وبعد فتره أتاها صوت والدتها المتعب من الأسفل فذهبت إليها وفزعت عندما رأت والدتها بالكاد تستطيع التنفس فركضت نحوها وهى تبكى بذعر….
رنا ببكاء/ماما مالك ياماما.
خديجه بتعب/اسمعينى يا رنا.. عايزة اقولك حاجه.
رنا ببكاء/اسكتى دلوقتى يا ماما انتى تعبانه.. أنا..انا مش عارفه اساعدك.
خديجه بوهن/رنا اسمعينى يا حبيبتى.. صدقينى سامح مش وحش انتى لازم تساعديه وتعلجيه من مرضه انتى الوحيده اللي قدرتى توقفى قصاده وتتحديه.
رنا بصراخ/انا مليش دعوه بيه احنا هنخرج من هنا يا ماما ومش هنشوفوا تانى.
خديجه موضحه/يابنتى انا حاسه بنفسي اسمعى كلامى والنبى خلينى أموت وانا مرتاحه.
*عانقتها رنا بقوة… وظلت تحرك رأسها بإستنكار.
رنا ببكاء هستيري/لأ لا يا ماما انتى مش هتسبينى والنبى يا ماما خليكى معايا عشان خاطرى انا ملحقتش اشبع منك.
خديجه ببكاء/ادينى ايدك يا رنا.
*مدت يدها لتمسكها خديجه وتربط عليها بوهن.
خديجه بترجى/ريحينى يا بنتى والنبى قوليلى إنك هتوقفى جنبه وتساعديه يتخلص من مرضه ده.
رنا بترجى/بس يا ماما هو..
*ليتشنج جسد والدتها.
خديجه بترجى/أو..اوعدينى.
رنا سريعا/حاضر حاضر يا ماما اوعدك هوقف جنبه.
خديجه بصعوبة/خ.خلى ب.بالك م.م.من نفسك يا ر.رنا.
*ليتشنج جسدها اكثر وتنقلب عيونها.. وتقول الشهاده ثم ترتخى قبضتها على يد ابنتها وتخرج الروح للذى خالقها….. لترتجف رنا وهى تحرك رأسها بإستنكار.. والدموع تحجرت بعيونها… ثم تعانق جسد والدتها وتصرخ صرخه مؤلمه حد الموت.
رنا بصراخ/سبتينى ليه يا مامااااا.. لوحدى آآآه يا امى.
___________________________________
*فى المساء… بغرفه كريم كانت مستيقظة وتحاول أن تتحرك.. وأثناء تحركها وقعت أرضا ظلت تبكى لأنها ترا جهد كريم معها وتحاول أن تساعده… كان هو جاء من العمل للتو وعندما دخل الغرفه ورآها هكذا هرول إليها.
كريم بخوف/وقعتى ازاى يا هنا ايه اللى حصل.
*نظرت لعينه بعمق وهى تبكى فبادلها النظر.
كريم مشجعاً/هتتحسنى يا هنا صدقينى انتى جسمك بدأ يتقبل العلاج.
*حملها ثم وضعها على الفراش وكاد أن يذهب ولكنه أنصدم عندما شعر بيدها تمسك يده وتضغط عليها.نظر إليها ولكن صوتها وهى تحاول أن تقول إسمه هذا الذى صدمه اكثر…
هنا بتقطع/ك.ك.كري.كريم.
كريم بسعاده/هنا ا. انا مبسوط اوى. كملى يا هنا كملى حاولى تانى.
هنا بصعوبه/ا.انا خ.خا.خايفه.
*لم يقدر أن يفسر لماذا آلمه قلبه كثيراً لقولها هذا.. أمسك وجهها بين يديه ونظر لعيونها.
كريم بثقه/أوعى تخافى يا هنا انا معاكي اهو.
هنا بصعوبه/ا.ا.انا.
*قالت ذلك ثم عفت سريعاً…. اما هو فتنهد براحه وهو يشعر بالسعادة لأنها بدأت أن تتحدث.
____________________________________
*دخل إلى منزله بساعه متأخره من الليل… دلف لغرفته وبدل ملابسه ونزل بعد ذلك ودفع باب غرفه خديجه لينصدم عندما رآى خديجه المغطاه اكملها حتى وجهها ورنا التى جالسه أرضا بجانبها تبكى بصمت وعيونها تنظر إلى الفراغ وهذا له تفسير واحد أن خديجه قد توفت فرت دمعه من عينه مسحها سريعاً.. ثم توجه ناحيتها…لتقوم رنا من مكانها بلمح البصر وتدفعه بعيداً عن والدتها وتشير بسبابتها اليه بتحذير.
رنا بتهديد/اوعى تقرب منها انته السبب أنته.
سامح بتلعثم/ا.انا ه هو حصل كده ازاى.
رنا بصراخ/بسببك أنته المسؤل الوحيد انته اللي خليتها تتعب. انته مريض ولازم تتعالج.
*ثم وقعت أرضا مرة ثانيه وظلت تبكى وتنتحب… اما هو فخرج من الغرفه سريعا ومسح على وجهه بحزن ثم اتصل بأحدهم.
سامح بتقرير/الو.. عايزك تتطلعلى تصاريح دفنه.بسرررعه.
___________________________________
*مر يومان وحدث بهم كالآتي:
عند سامح/أحضر تصاريح الدفنه وكل الأوراق الازمه والمراسم القرآنية تمت ولكن رنا كانت عند قرارها ولم تدع سامح أن يلمس جثه والدتها وهو احترم رغبتها ومن ساعه هذا الوقت وهى لم تخرج من غرفه والدتها وهو تاركها على راحتها حتى تتخطى تلك الفتره.
عند كريم/هنا بدأت أن تتكلم ولكن بصعوبه قليلا.
___________________________________
*اليوم التالي في المساء كان بغرفته يعطى لها الادويه. وبعد أن انتهى.
هنا بصعوبه/ش.ش.شكرا.
كريم بابتسامة/لا شكر على واجب.
*صمت عندما سمع أصوات كثيره متداخلة بالاسفل.. فنزل ليرى ماذا يجري.. كان سامح يجلس على أحد الكراسي وبعينه نظرة الانتصار ومعه بعض ضباط الشرطة والمحامي الخاص به ويارا كانت تبكى وزينب تحاول أن تهدئها وأحمد وايهاب ينظروا للأرض بأسف…
كريم بعدم فهم/ايه اللى بيحصل هنا.
سامح بخبث وشر/كل خير يا كيمو………….
____________________________________
تفتكروا هيعمل ايه
وياترا كريم هيعمل ايه؟؟
لو انتم مكان رنا هتتصرفوا ازاى هتنفذوا وصيه خديجه ولا هتنتقموا من سامح.
