رواية كبرياء ادم وانتقام حواء الفصل السادس 6 بقلم شيماء فكري
***&&&&*********************
في فيلا الشربيني
مازن : ومراد كان موقفه ايه
مراد : انا اقولك مراد كان موقفه ايه
هنا بصدمة وخوف: مراد
مراد مسكها من الطرحة وبعدها عن مازن: اه مراد يا روح امك اللي مستغفله وجايه لواحد ابن ستين كلب
مازن بزعيق: انت مين ياروح امك نزل ايدك من عليها
مراد بغضب: انا هوريك انا مين يا حلتها
وضربه في بطنة برجله ونزل فوقه يضربه في وشه دخل اسر وشد مراد وضربه مراد ردله الضربة ومازن قام يضرب مراد وكان اسر بيضرب مراد وكل الحفلة اتلمت
وروما جت وحدت هنا في حضنها
هنا ببكاء: انا السبب ياروما مراد انا خايفة على مراد
اسيل : اهدي ياهنا انا هتصل لجاسر بسرعة
روما : لا متتصليش بحد انا اللي جبتكو هنا وانا اللي هنهي المهزلة دي
ودخلت روما الفيلا وطلعت جابت المسدس من غرفة فهد ونزلت تحت
روما ضربت طلقة في الهوا الكل سكت ومعتز وأيمن ووفاء والجد خرج
روما: الحفلة انتهت ياجماعة اتفضلوا مع السلامة
الجميع مشي ماعدا العائلة
روما بزعيق: انتو مافيش حد مالي عينكوا ولا الله عليكوا ياولاد الشربيني بتكلوا في بعض عيني عينك
مراد : روما مالكيش دعوة انتي دا حسابي انا
مازن: انتي تعرفي **** دا ياروما
مراد رجع يضرب تاني : انا هوريك تغلط فيا ازاي
الجد بزعيق : بس اقدر افهم ايه المهزلة دي بالظبط ومين دول
روما: احب اعرفك يا مهران بيه حفيدك مراد سامح الشربيني وهنا سامح الشربيني
ايمن: يعني دا يبقى ابن سامح
مراد بزعيق : أيوة انا ابن سامح يا عمي ومش جاي اشحت منكو انا كنت جاي اخد اختي اللي فاكرها في بيت في ناس محترمة
مهران بزعيق : أخرس يا حيوان وتكلم مع عمك بأدب والله عرف يربي سامح ابنه جاي يشتم اعمامه وجده في بيتهم
مراد: لا سامح عرف يربي كويس اوي على الأقل مطلعني راجل مش بتعدى حدودي مع بنات الناس دول اللي انت عرفت تربيهم
مازن بزعيق: انا متعدتش حدودي انا كنت في حفلة ادام الناس كلها لقيت واحد جاي يطلب من بنت عمي يرقص معها اسيبه مشيته ورقصت معها بكل أدب ادام الناس وانت عارف أخلاق اختك كويس انت بقى داخل بزعبيبك وجاي تتخانق
مراد: انا عارف أخلاق اختي كويس عشان انا مربيها وعارف
اسر : وانت عارف أخلاقها بتعمل كده ليه
مراد بسخريه: لا اشوف اختي بترقص مع واحد غريب واقعد أسقف انت ترضه على اختك دي مش مشكلتي انك خروف
اسر ضرب مراد بالبوكس في وشه
مهران بزعيق: هو انا ماليش احترام خالص انت وهو وانت يا مراد باشا ايه اللي يرضيك دلوقتي انا حفيدي مغلطتش لما حمى بنت عمه
مراد: حفيدك مغلطتش بالنسبة ليك انت
مهران : قولتلك لما تكلمني تتكلم باحترام يا حيوان ماتنساش اني جدك
مراد : انت مش جدي ومش عايز اي صلة قرابة تربطني بيك
سامح بزعيق: مراد لما تكلم جدك تكلم معه بأدب يا حيوان
هنا بصدمة : بابا
ايمن ومعتز: سامح
مراد: بابا انت جيت هنا ليه
سامح : جيت عشان اشوف قلة ادبك وانت بتكلم مع جدك
مهران: لا ربيت وكبرت يا سامح رجالة تيجي تشتمني في بيتي على اخر العمر
سامح باسف: انا اسف يا بابا انا فعلا معرفتش اربي
مراد: انت بتتاسف على ايه يا بابا انا مغلطتش
سامح بزعيق : هي كلمة واحدة تعتزر ادامي دلوقتي لجدك
مراد: يا بابا
سامح: انا قولتلك ايه
مراد وهو ينظر إلى جده: انا اسف
مهران : أعتز لعمك على طريقة كلامك
مراد: انا اسف
ايمن: خلاص يابني حصل خير وانا مقدر موقفك
مهران : مازن اسر
مازن واسر: نعم
مهران: اعتزروا لمراد
مازن : يا جدي هو اللي بدأ بالخناق
مهران: انا قولتلك اعتزر انت واسر هو خايف على اخته
مازن واسر: احنا اسفين
مراد : ياريت ملكش دعوة ببنات الناس تاني
يلى يا بابا نمشي
معتز : تمشوا تروحوا فين ولا ايه يا بابا
مهران : هات ولادك وادخل يا سامح يلى على جوا
ودخل مهران ومعتز وسامح وأيمن
اسيل: مراد انا لازم امشي
مراد: اسيل ادخلي مش هينفع تمشي لوحدك
روما : شوية وهننشي كلنا مع بعض
مازن: تمشي تروحي فين يا أبلة انتي لسه ليكي حساب تاني ولما فهد يعرف
روما بخوف : انا معملتش حاجة
مراد: ثانية واحدة انت مالك اصلا
مازن: اختي ياشبح مش كل واحد يخاف على اللي ليا ملكش دعوة بقى
مراد : أخت مين يا بابا ملهاش اخوات
روما: بس يا مراد مازن يبقى ابن خالتي وزي اخويا
اسر: وبعدين هو انت مالك اختو بنت خالتوه. مالكش دعوة
روما : انت ايه داخلك في الحوار اصلا يا اسر انا وجهتلك كلام
اسيل بضحك: أوف في منتصف الجبهة ياروما في ناس بتحط نفسه في مواقف محرجة
روما : ههه عندك حق والله
مازن بزعيق: روما
روما: طب ايه مش هتدخلوا
مراد ينظر لهنا: يلى يا هانم اتفصلي آدمي
هنا ببكاء: مراد انا اسفة
مراد: كلمنا في البيت
مازن: على فكرة انتي معملتيش حاجة غلط عشان تتاسفي
هنا : ملكش دعوة متدخلش
اسيل بضحك: يا كسفتك السودة يا حازم زي اخوك دا انتو جبهتكوا طارت
مراد ينظر لمازن : ملكش كلام معها تاني مفهوم
روما شافت الخناقة هترجع تاني
روما : عمو بينادي يلى
ومشيو كلهم
*****************************
في بيت حمزة
الباب خبط
سيف : حمزة انت مستني حد
حمزة : لا
جاسر: طب روح افتح
حمزة : حاضر
خرج حمزة من الأوضة وراح فتح الباب
حمزة: انتي ايه اللي جابك هنا امشي بسرعة
الشخص: هو في ايه امشي ليه
حمزة: امشي هتفضحينا امشي سيف وهمسة معايا جوا امشي بسرعة
مشي الشخص وقفل الباب
سيف : مين يا حمزة
حمزة بتوتر: لا العنوان غلط
سيف : طب تعالى نشوف حاجة عشان ناكلهلهم
في الأوضة
ادم: معلش ياجماعة تعبناكوا معنا
جاسر : متقولش كده احنا ولاد بلد وانت و اخويا والأنسة رنا زي اختي همسة ولا
ادم: طبعا دا شرف ليا
جاسر: وانت في كليه ايه يا ادم
ادم: انا لسه ثانوية عامة
همسة : ازاي مش انت 19 سنة انت نفس سني المفروض تبقى في جامعة
ادم: حصلي ظروف ريحت سنة وانا اصلا داخل المدرسة متأخر.
ادم: وانتي في كليه طب
همسة : لا انا صيدلة
ادم: واستاذ جاسر
جاسر : معاك المقدم جاسر من شرطة المخابرات
ادم: تحيا جمهورية مصر العربية احنا عنينا للحكومة يا باشا والله
جاسر: انت جبت ورا ليه كده
ادم: لا متفهمنيش غلط انا عندي برضو اخويا ظابط مخابرات
جاسر: بجد اسمه ايه
ادم: المقدم فهد الشربيني
جاسر بصدمة: نعم
ادم: في ايه انت تعرفه
جاسر : لا هو انت اسمك ايه بالكامل
ادم: ادم ايمن الشربيني
جاسر في نفسه : البس
ادم : هو في حاجة هو انت وهي مصدومين كده ليه
جاسر : لا مافيش همسة تعالي عايزك برا
خرج جاسر وهمسة
رنا : ادم هما تنحوا كده ليا لما عرفوا
ادم: معرفش بس شكلهم طيبين
رنا : اه والله
ادم: وهمسة دي شكلها طيبة ورقيقة وعسولة كده هيحح
رنا بعصبيه مسكته من الهدوم: ولا انت كل ما تشوف واحدة تريل عليها ولا ايه اظبط كده بدل ما أقول لفهد
ادم: اعصابك يا وحش اهدى مش كده وبعدين انتي زعلانة ليه مش احنا صحاب عادي
رنا بتوتر: اه بس مينعش تبص لأخت اللي وقفوا معنا
ادم برفع حاجب: يا راجل
رنا : ياست
رنا : وبعدين خليك في المصيبة اللي انت حطتنا فيها هنعمل ايه دلوقتي للي في البيت قعدت تقولي جمدي قلبك متخافيش معاكي اسد
ادم: أيوة طبعا أسد يا بت في ايه
ادم: اه دماغي
رنا بعوجة بوقها يمين وشمال: براحة يا اسد على دماغك
ادم: سيبك انتي انت احلواتي كده ليه
رنا: اه قولتلي انا خارجة معاك كده اصلا انت هتسطعبط
ادم: انت على طول حلوة يا مزة والله ما تجيبي بوسة سلف
رنا: ادم هنلم نفسنا ولا اطلع لظابط اللي برا
ادم:ليه هوا انا عملتلك حاجة
رنا: اقعد بقى بالمراهقة المتأخرة اللي عندك دي
ادم: مراهقة ايه يا اختي امال انتي ايه يا كيجي
رنا : ادم اهدى بقى تفتكر فكرونا متصحبين
ادم بضحك: فكرونا أقطع دراعي ان ماكنوش متاكدين اني واخدك على شقة مفروشة
رنا: ليه يعني
ادم : ابد انتي لبسه لبس حفلة دا وكنا في حتة مقطوعة لوحدنا والشيطان شاطر
رنا: يا نهار اسود تصدق عندك حق انا ايه اللي كان خلاني امشي وراك كده ممكن يقول لأسر وأسر هينفخني وبعدين انت ايه اللي خلاك توديني الحتة المقطوعة دي
ادم بغمزة: يعني واخدك معايا بالعربية لوحدنا باليل هوديكي فين يعني الأوبرا
رنا: اه يا سافل يا حيوان وانا قولت اكيد الواد دا نيته مش خير وانا اللي كنت خايفة عليك ياواطي
ادم: اتوكسي يا اختي لا فيها خير ولا شر قاعد جنبك
رنا: احسن
ادم بغمزة: مش هجيبي بوسة بقى
رنا بزعيق : يا حضرة الظابط
ادم: خلاص بلاعة انفتحت مش عايز حاجة
******************************
بالخارج
همسة: انت سمعت اللي انا سمعته
جاسر: اه دول ولاد عم سيف
همسة: طب هنعمل ايه
جاسر: متقوليش حاجة عشان متحصلش مشكلة
همسة: امال هنيل ايه
جاسر: هيمشوا وخلاص من غير مانقول حاجة بس سيف ميعرفش.
سيف : انا جيت
حمزة: وانا
جاسر بتوتر: كنت فين
سيف: كنا بنشوف اكل في بيت الكفار دا اللي ما فهوش لقمة حتى
حمزة : يعني اعمل ايه انا واحد single
سيف: ايه يعني ما بتكولش بتصوم
حمزة بغمزة: بس في واحدة بتيجي كل أسبوع تنظف الشقة وتجيب اكل وتعمله وتروق الشقة وصاحب الشقة
سيف : بجد طب قولي بتيجي امتى عشان اجي
همسة بزعيق: نعم يا روح امك انت وهو طب احترموا اني واقفة انا والراجل الكبرة دا
جاسر بصدمة: كبرة
حمزة بضحك : بقيت كبرة على اخر الزمن
همسة: بتسخنه يا صايع يا اللي بتجيب بنات الشقة والتاني اللي عايز يجي معه
سيف: قطع لسان اللي يقول كده بقى انت يا حيوان عايز تجرني لرزيلة معاك وانتي عرفة يا همسة اني قطة مغمضة
همسة: انت هتقولي يا روح امك دا انت طفل بري
سيف : عشان تعرفي بس
همسة: عارفة يا اخويا فين الاكل يا زفت انت عشان ادخلوا ليهم جوا
حمزة: اتفضلي يا ستنا جوا في المطبخ
همسة:لا يا حلتها انت تفضل هنا اصل اخاف على نفسي وسابتهم ومشيت
حمزة: اختك دي
جاسر: حاجة شبه كده
سيف : بس ايه موضوع البت اللي بتيجي هنا دي طب قول لصاحبك حبيبك
جاسر بزعيق : ايه قلة الأدب دي يا استاذ
وبيبص يشوف همسة في المطبخ ولا لا
جاسر بصوت واطي : هي البت بتيجي امتى
انفجر حمزة وسيف من الضحك
***&&************************
في امريكا
في فيلا هشام الصاوي
في غرفة وليد
وليد بتفكير: وبعدين يا وليد هتعمل ايه مع البت العنادية دي اما اشوف هتعمل ايه وفكر يكلمها في الفون
جاب الفون واتصل عليها
****************************
عند نور قاعدة بتفكر في اللي هتعمله عشان الجوازة مش تتم
فجاءة تليفونات رن
لقت رقم غريب
نو: ألو
وليد : الو
نور: مين معايا
وليد : وانتي بتردي على اي رقم غريب عادي
نور : حضرتك مين
وليد : واحد معجب
نور: هي ناقصة استظراف وقفلت في وشه
الفون رن تاني
نور : حضرتك عايز ايه وانت مين
وليد : مش عرفة صوت عريسك يا عروسة
نور: عرسة تنططك انت كمان هو كل شوية واحد يحي يقولي عروسة انا هلاقيها منك ولا منه
وليد بيضحك عليها: لا يا قلبي ما انا وهو واحد
نور : وجع في قلبك انت مين
وليد : نور انا وليد
نور اتخضت وقفلت في وشه
نور : وليد
الفون رن تاني
نور : ألو
وليد : بتقفلي في وشي يا هانم
نور: نعم عايز ايه انت جبت رقمي منين
وليد : هههه جبت رقمك منين مش عيب يا بنت عمي تسالي السوال دا دا انتي هتبقي مراتي
نور : عشم ابليس في الجنة لما تشوف قفاك من غير مرايه
وليد : هنشوف ياروحي
نور: تطلع روحك يا بعيد يا ابو كأس
وليد: بتدعي عليا يا نوري
نور: نورك مين يا ابو كأس
وليد : نور اتعدلي في الكلام احسن لك
نور : وعلى ايه وقفل الفون
نور: بني آدم مستفز
روما: ايه يا مهران باشا مش هتعشينا ولا ايه دا انا كنت بقالي كتير مسافرة والمفروض ترحيب وكده يعني وانا على لحم بطني من الصبح واحفادك دول اتخانقوا وقالبوا البوفيه وانا عيني كانت هتطلع على كتكوت مشوي في
مهران: روما خلاص انتي هتشحتي انتي لسه ليكي حساب على جنب
روما بهزار: على جنب ليه خليه في النص
مهران بحده: نعم
روما: انا بقول يلى ناكل ولا ايه يا امال يا عسل وحشاني
امال : انتي اكتر يا روح قلبي دا انا هخليهم يملولك السفرة كلها احنا عندنا كام رورو
روما: حلاوتك يا فوفة وانتي مظبطاني
امال : حببتي يا مرات ابني
اسر: مرات ابن مين انا اتجوز دي ليه عندي كليه ناقصة وهخدها تخليص حق
روما: لا وانت الصادق يا حلتها كانوا م دخلينك مع عجل في مزاد رأس برأس مالها دي يا بابا يا اللي الدسته منك بميه وراسك عاملة زي الطبليه وبتاكل فراخ من الجمعية وياحمد يا عمرر
مهران بزعيق: روما ايه ما فيش احترام لبا خالص ولا لعمامك
روما بغيظ: انا اسفة
مهران: ايمن انت وأخواتك تعالى ورايا
مشي مهران ومعتز وأيمن وسامح وامال
روما بتشوفهم مشيوا ولا لا
روما: جرا ايه يا ابن امال مش كل شوية اقعد ارصهملك ادام الناس كده دا انت وشك نحس يا شيخ وبعدين يا حلتها انا اللي مرضاش ابص لأمثالك ليه يا اخويا حد قالك عليا كتعة ولا ملبوسة دا انا الرجالة عليا كده بس النفس
اسر: يا بنتي اسكتي انتي مش بتشوفي نفسك في المرايه دا منظر
مراد ادخل عشان يكسف اسر : مالها روما ياشبح انت ما بتشوفش ولا ايه دا الف واحد يتمناها بس انت عارف بقى مش اي حد يقدر الجمال ولا ايه يا رورو
روما: كده ياقلب رورو واللي عندو معزة يلمها
مازن: ايه يا عم انا شيفك عمال رورو رورو ومعاكسة وانا المفروض اريل واقف
روما ذهبت لمازن: لا متقولش على نفسك ده يا ميزو انت اوكسي مش اريل
هنا ضحكت
مازن بيبص لهنا : عجبتك اوي يا اختي
مراد: خليك معايا وملكش دعوة بيها
مازن: يا عم هو انت مثلا تعاكس اختي وانا واقف وانا اكلمك اختك تعملي فيها ابو زيد الهلالي
مراد: لان روما زي اختي
مازن: طب ما هنا زي اختي انا عملتلها حاجة هي جت تشتغل معايا في الشركة انا أساءت ادبي معاكي يا بنتي
هنا : الصراحة لا
مراد بصلها
هنا : اكدب يعني
روما: يا مراد مازن طول عمره محترم وأكيد مش هيعمل حاجة لبنت عمه يعني وهو لما شوفتهم كان بيرقص معاها عادي يعني
اسيل تتكلم بعد صمت: أيوة والله معملتش حاجة لدا كله يعني يا مراد
ودخلت اسيا
اسيا: في ايه يا جماعة والناس فين
روما: انتي مشفوتيش الخناقة
اسيا: هما مين اللي كانوا بيتخانقوا
روما: لا دا انتي فاتك نص عمرك
روما: اخوكي وولاد عمك مسكوا في بعض
مراد في نفسه: ولاد عمك معنى كده ان دي بنت عمي
آسيا بستغراب: ولاد عمي مين دول
روما : مازن ومراد
اسيا: مراد مين مراد دا
روما : دا يا ستي مراد ابن عمك سامح واخو هنا
لفت آسيا تشوفه حست انها شفته في حتة قبل كده
اسيا: ابن عمي سامح ودا ايه اللي فكروه بينا
مراد: احنا مفتكرنكوش ولا حاجة انا كنت جاي اخد اختي وماشي مش جاين نشحت منكم
اسيا: ماتكلم حلو ياجدع انت بتبجح في بتنا
مراد: اهدي على نفسك شوية يا أبلة واحترمي نفسك وانتي بتكلمني معايا
اسر: لا انت زودتها اوي لحد اختي وخط احمر وتحترم نفسك بدل ما اقل منك دلوقتي
مراد: تقل من مين يا حلتها دا انا اموتك تحت رجلي
مازن: اهدوا يا جماعة مش كل شوية خناقة
روما: خلاص يا مراد اهدى وانتي يا اسيا اهدي
اسيا: ليه شيفاني بشد في شعري انتي كمان
اسيل: خلاص يا آسيا عشان خطري
مراد: انا مش عارف انتي بتتطنطي على ايه يا بت انتي دا انتي مافكيش قلم
مازن واسر: لا احنا سكتنالك كتير تضرب مين دا انت متخرجش من هنا حي
مراد: وانا واقف ادامكوا اهو وريني يا حلو انت وهو
مهران بزعيق: الله الله انتو لسة واقفين بيتخانقوا لا كملوا اضربوا بعض وانا واقف
حسبكوا بعد الاكل يلى ورايا
وذهب الكل لغرفة السفرة وتناولوا الطعام وسط حرب النظرات
مراد: حضرتك في كليه ايه يا اسيا
اسيا: خلصتها ي ابن عمي معاك الدكتور اسيا الشربيني
روما: آسيا بقى طول عمره دحيحة العيلة تربية فهد
مراد: حضرة الظابط عارفه عرفت يربي والله
اسيا بغضب: انا ابويا واني اللي ريوني
وتناولوا الطعام وكان مازن ينظر لهنا وأسر بضايق روما ويغمز لاسيل
اسيا تنظر لمراد بتحدي
*****&&&&*&****************
عند آدم ورنا في الغرفة
رنا: وبعدين يا عم هنعمل ايه دلوقتي زمنهم بيدورا علينا انا خايفة ارجع
ادم: ومين سمعك انا بفكر آخدك وأهرب واتجوزك
رنا: يا بني اتوكس تجوز مين انت مش شايف دماغك وبعدين انا ماتمتش 18سنة مين هيرضى يكتب الكتاب ومين وكيلي
ادم : خلاص نضرب ورقتين عرفي
رنا بضحك: أيوة هو دا الله عايز توصله يا حيوان وفي الاخر تسبني انا وابنك صح
ادم: احلى حاجة يا رنا انك بتمشي مع دماغي على طول كده خلتينا اجوزنا وانتي حامل وانا سبتك
رنا: اصل يا ابني القصة دي يا ابني اتهرست في مليون فيلم قبل كده
ادم: طب بما ان انا جوزك ابو ابنك هاتي بوسة بقى
رنا : ابعد ياض انت صدقت نفسك ولا ايه
ادم: ياض في واحدة تقول اجوزها حبيبها ابو ابنها ياض
رنا: جوزي مين يلا وابني مين انت هتلبسني مصيبة واسكت بقى خلينا نشوف البلوة دي
والباب خبط ودخلت همسة بالأكل
همسة: يلى اتفضلوا كلوا عشان الجرح اللي في راسك
رنا: احنا مش عارفين نشكركوا ازاي
همسة : ولا شكر ولا حاجة انتوا زي اخوتنا
ادم: الشباب زي اخواتي لكن انتي لا
همسة بحده: نعم
ادم: اهدى يا وحش مش كده
رنا : احم معلش يا همسة ادم بيحب يهزر
ادم: اه والله انا بحب اهزر ودمي خفيف وحليوة وبدور على عروسة
همسة: والله
ادم: أه والله معندكيش عروسة
همسة: طب خلص المدرسة الأول يا شاطر وروح خلي ماما تجبلك عجلة حلاوة النجاح وخد الحلوة دي وراك لفة في الجنينة وارجع البيت وتغسل سنانك وخلي ماما تعطيك يا بيضة
همسة تكلم وهي ماشية : ايه الهم دا حتى العيال الصغيرة هتكلم ناقصة نوغة هي هوف
وخرجت همسة من لاوضة
رنا: هههههههه جبهتك طارت يا بيضة يا نوغة
ادم: كلو بسببك كان زماني دخلت الجامعة
رنا: كان حد ضربك على ايدك يا اخويا انت بس اللي كنت فاكر لما تقعد معايا السنة دي هتزيد في نظري واحبك وتصاحبني شوية وتخلع يا حليتها بس دا بعينك مش هيحصل مش على اخر الزمن رنا الشربيني ترخص نفسها لواحد زيك
ادم: ايه اللي انتي بتقوليه دا انتي مجنونة ازاي تفكري كده
رنا: انا لا مجنونة ولا بشد في شعري وفاهمك كويس يا ابن عمي واتفضل يلى عشان نمشي
ادم: والله لتندمي على الكلام الاهبل دا يا بت انتي رافعة حاجة هو انا اللي اضرب وانتي تتسطلي
رنا:ههههههههه انت صدقت دا انا بضحك معاك اصلي شوفتها في رواية أعجبتني قولت اقولها
ادم: هه هزارك رخم زيك
رنا مسكته من هدومه: انا رخمة يا بن شيرين
ادم: هو في حد يقدر يقول كده بس اهدي
رنا : أيوة كده جيب ورا
ادم: ورا ايه دا انا راجل اوي
رنا بضحكة رقاصة: هيهيهه علي يدي يا اسد
ادم: اوعا يا وحش بس احنا عند الناس مش هينفع كده يلى عشان نمشي
رنا بعوجة بوق: يلى يا سبعي
ادم ينفخ نفسه: ايوى طبعا يلى ادامي
رنا: طب بوص تعالى ناكل عشان انا جعانة ولسه هنروح نتشلوح في البيت
ادم: اها وانا كمان جعان
في الخارج جاسر كان في الحمام
وحمزة وسيف قاعدين في الصالون
دخلت همسة
سيف: دخلتلهم الاكل
همسة بضيق: أيوة
حمزة: مالك يا همسة
همسة: هو انتو سيبنهم لوحدهم كده عادي
سيف : عادي كده ازاي
همسة: اصل الواد دا شكله مش مظبوط
سيف برفع حاجب: ليه عملك حاجة
همسة: لا بس شكلنا وحش وهما كده لوحدهم واحنا قاعدين كده
حمزة: يعني اكيد مش هيعملوا حاجة واحنا برا يعني وبعدين دي بنت عمو
همسة: خلاص يا اخويا سكتنا
حمزة: همسة انا جعان
همسة: نعم يا اخويا ما تقوم تتطفح هو انا امك
حمزة: يا همسة اعطفي عليا انا واحد عازب وما يوم بعمل اكل لنفسي استغلك اليوم اللي انتي في هنا يارب يجيلك عريس
همسة بزعيق: نعم يا روح امك ليه حد قالك عليا بايرة دا انا العرسان عليا كده بس النفس
سيف بهمس: على يدي
همسة: بتقول حاجة ياسيف
سيف: بقول طبعا همسة العرسان عليها كتير دا حتى عم فتحي الجزماتي كان عيزك لابنه
حمزة:ههههههه
جاسر دخل: أيوة وعم علي بتاع البقاله طالب ايدك
سيف: ايه دل مش دا اللي مجوز 3
جاسر:أيوة قال يختم بيها
حمزة: ههههه الصراحة عريس لقته حتى زوجاته يسلوكي او يتسلوا بيكي
همسة: حتى انت يا خويا يا ابن امي وأبويا
جاسر:اكدب يعني انا اخر ما هزهق هجوزك سيف
سيف: نعم
همسة: ننننننعم يا روحي
سيف: يا ملة بختك يا سيف يعني اصبر وفي الاخر اخد دي ليه ياربي كده انا عارف اني غلطت كتير بس بلاش الابتلاء دا بلاش
حمزة: هههههه والله انا عارف انها هتصفصف عليكوا
همسة: تصفصف على مين يالا انت وهو انا اتجوز دا ليه انت مش شايف ولا ايه اخدوا اعمل بيه ايه احطوا منظر في البيت
سيف:تحطي مين يا اختي ليه فكرني لوحة يا اختي دا انا اقرف ابوص في وشك
جاسر : بسسس خلاص انا كنت بهزر
وفي الوقت دا خرج ادم ورنا
ادم: احنا متشكرين اوي يا جماعة احنا تقلنا عليكوا
جاسر: لا متقولش كده انت زي اخويا
جاسر: بس نصيحة مني متروحش الحتت المقطوعة دي تاني وانت فاهمني أظن
ادم بحرج: احم اه طبعا احنا هنمشي بقى
سيف: تمشي فين الوقت اتاخر وانت جرحك لسة منشفش
ادم: لا انا زي الفل وبشكر الدكتور همسة
همسة: لا شكر ولا حاجة يا صغنن
ادم بضحك: انتي ليه مش مصدقة اني نفس سنك والمصحف ويمكن اكبر انتي عيد ميلادك شهر كام
همسة: 5
ادم: انا بقى 2
ادم: يعني اكبر منك 3 شهور ياريت احترميني بقى
همسة: خلاص يا عم امال لو مكنتش ثانوية عامة يعني
ادم: والله أسباب
سيف : همسة خلاص
رنا: طب يلى يا آدم عشان هيقلقوا في البيت
همسة: طب متباتي معايا النهاردة انا ليا أخت بس هي برا ونسهر انا وانتي وهي
رنا: لا والله مش هينفع هاتي رقمك عشان ابقى اكلمك
همسة: اه انفض 01
رنا: اوكي يا جميل مبسوطة بمعرفتك
همسة: انا اكتر
ادم: طب يلى بقى يا رنا
جاسر: انا جاي اوصلكوا
رنا: لا شكرا يا حضرة الظابط مش عايزين نتعبك
سيف بهيام: طب هو ينفع اتعبني انا ونبي نفسي أجرب التعب
حمزة: وانا هموت واجربه انا كمان
ادم: ايه يا شبح انت وهو عينك لاتوحشك
جاسر: معلش هما بيحبوا يهزروا
رنا: بص يا حلو انت وهو نظام سبل تثبت مش بياكل معايا من الاخر كده انا عيني مليانة وسع انت وهو من طريقي
همسة: الله عليكي يابت اديهم على دمغهم دول صنف عايز الحرق
رنا: عارفة يا اوختي ويعرف ادي كل واحد على دماغه ولا ايه يا دومي
ادم: طبعا
سيف: هي وصلت لطبعا يا عيني على الرجالة
ادم: لا انا راجل اوي
رنا: آدم
ادم: قلبه
جاسر بضحك: ايش يا راجل
ادم: خلاص بقى يا جماعة مش كده
جاسر: خلاص مش هكسفك اكتر من كده يلى
رنا : بأي يا همسة هتوحشيني
همسة: مع السلامة يا قلبي
رنا:باي يا شباب
حمزة: ما تخليكي قاعدة معنا شوية
همسة: حمزة
حمزة: مع السلامة يا رنا تقعدي فين
رنا: ههههه
ادم: مش هنبطل ضحك ويلى
رنا: طيب جاية
ونزلت رنا
ادم: شكرا ليكي يا دكتورة همسة انتو والشباب
سيف: لا شكر على واجب احنا بقينا أصحاب
ادم:طبعا هات رقمك بقى.
وتبادلوا الارقام
ادم: يلى مع السلامة
ونزل ادم
همسة بصت لسيف
همسة: انا نازلة يا حمزة هروح عندك اكل جوا سلام
سيف: استني انا نازل انا كمان هروح معاكي
همسة: بعرف اروح لوحدي مش لازميكون تمشي مع ناس بتقرف تبوص في وشهم
ونزلت
سيف: يابت يا همسة استني اخاف امشي لوحدي دلوقتي ونزل يجري وراها
حمزة : قفل الباب
حمزة بضحك: جوز مجانين انا ادخل اكل
التليفون رن
حمزة: ألو في ايه مالك
شخص : في مصيبة
حمزة: اهدي بس وقوليلي في ايه
شخص: قابلني بكرة فس نفس المكان
حمزة: ماشي سلام
حمزة: استر يارب مصيبة ايه دي
***********************&&&&**
عند فهد في المعسكر
فهد قاعد على السرير
تليفونه رن
فهد: ألو
شخص***
فهد: ماشي هاتلي كل الا خبار وهنتقابل كلنا قريب
وقفل الخط
فهد: يا ترى ايه حكايتك يا فيروز مش هعديلك القلم دا بالسهل
*********
في غرفة اسلام
تليفونه رن
فاق اسلام من النوم
اسلام: ألو يا سوسو
سعاد: سوسو في عينك عيل قليل الأدب
اسلام: تربيتك يا حاجة
سعاد: تربية واطية
اسلام: الفاظك يا سوسو انا ماربتكيش على كده
سعاد: اشوفك متجوز وحدة تتطلع عينك
اسلام: والله قاعد جنبك ولا واحدة ولا اتنين
سعاد: ننننعم وانت هتني مستحملاك لحد امتى يا اخويا
اسلام بص علىالتليفون
اسلام: انتي متأكده انك امي ولا لقيتني في كيس شيبسي
سعاد: ياشيخ ياريتهم كانوا جابولي كيس شيبسي
اسلام: انا غلطان انا كنت جاي الاجازة الجاية ومعايا مفاجاة حلوة ليكي اوي
سعاد: مفاجأة ايه يا واد
اسلام: مش هقولك يا سعاد خليكي على نارك مش انتي عايزة كيس شيبسي خليه ينفعك
سعاد: انت بتصدق دا انت حبيبي وابني اللي طلعت بيه من الدنيا الدنيا ليا مين غيرك
اسلام: سعاد جوا الشحاته دا مش جايب معايا وبرضو مش هتعرفي حاجة سلام
سعاد: طب ماشي يا بن الفقرية اما تيجي هوريك
اسلام: هتوريني ايه يا حاجة دا انا ابنك حن مش حرام وبعدين انتي كبرتي على الكلام دا هو المرحوم ميت بقالوا كتير ولا ايه
سعاد: ماشي يا بن الجزمة يا تربية ناقصة
اسلام: بس يا سوسو انا هريحك سلام
وقفل الخط
اسلام: اهم حاجة في الدنيا رضى الام يا سلام ارجع اكمل نوم
*****************************
في الطريق لقصر الشربيني
جاسر: وانت ناوي تتدخل كليه ايه يا ادم
ادم: والله انا مجموعي زي ما هيوديني انا رايح
جاسر بضحك:واضح انك مجتهد
رنا: على يدي
جاسر بضحك: مابتسترش
ادم: أصيلة يا ام أحمد
رنا: يا شيخ بلا إم احمد بلا ام محمد الواحد يقول هنذاكر يلاقي فرقع لوز جاي رنا تعالي ننزل رنا انا جعان رنا انا زهقان رنا انا داخل الحمام طب انا راضية زمتك واحد جاي من اوضته لاوضتي عشان يقولي انا داخل الحمام اعملوا ايه يعني اشجعوه
جاسر: البت شايله ومعبيه على الاخر
ادم: يا عم انا بشوف الكتاب بحس بدوخة وعايز ارجع
رنا: لا ياروحي دي اعراض حمل ابقى روح اطمن على نفسك ومن هنا لساعتها متتحركش كتير عشان لو حامل
جاسر بضحك: هههه انت حامل
رنا: ضيعت اسم العيلة وطيت راسنا وضيعت شرفنا قولي مين اللي عمل فيك كده وانا اقول لمازن عشان يلحق الموضوع قبل الفضيحة
ادم: الفضيحة دي انا اللي هعمالهالك بالصور اللي معايا لما يشوفوها
جاسر: صور ايه
رنا بتمثيل بكاء: ماسك عليا صور كان حطتلي كاميرا في الأوضة بتاعتي شوفت ابن عمي بيعمل فيا ايه
جاسر فرمل بالعربية مرة واحدة
جاسر:نعم
ادم: والله دي صور عادية كانت بتجري من الكلب خد شوفها
رنا: هات اوريلك الصور اللي هو موسكها عليا يا حضرة الظابط دا كداب.
جاسر أداها الفون
رنا مسكت الصور ومسحتها
رنا بابتسامة شر: كده الصور راحت يا بيضة
ادم: شوفت مش انا قولتلك دي توديك البحر وتجيبك عطشان
جاسر: هههه دا انتي طلعتي مش سهلة
رنا: اومال ايه يا بني انت فاكرني بت هبلة زي البنات الفافي دي انا اسر اخويا رباني اني اخد حقي بدراعي على طول وادم انا عارفها
ادم: البت دي اوعى تنخدع بوشها البرئ دا دي حربايه
رنا: حبيبي يا دومي طول عمرك عارفني هات بقى تليفونك اقعد عليه شوية عشان بتاعي فاصل
ادم: خدي يا اختي
اخدت رنا الفون قعدت تقلب في
جاسر: هي عارفة الباسورد
ادم: انت مش ملاحظ انها عندها بصمة اصلا
جاسر: لا بتعجبني وانت مسيطر
ادم بغرور: طول عمري
رنا بزعيق: ادم
ادم: ايه يا بت قطعتي الخلف.
رنا : دا انا اللي هخليك تخلف على نفسك يا بن شيرين ايه صور البنات اللي مش لابسة دي مين دول
ادم: اخواتي
رنا: نننعم
ادم: يعني اعمل ايه هما بنات حرانة انا مالي
رنا: حرانة ماشي انا هخلي مازن يدفيك على الاخر بعد مايشوفهم
ادم: خلاص يا رنا عشان خاطري عيل وغلط مش هعملها تاني
رنا: اما نشوف
جاسر: لا الصراحة مسيطر على الاخر
رنا بزعيق: ادم
ادم: بالله عليك يا شيخ انا مش مسيطر بس متقولش الكلمة دي تاني بتحصل مصائب بعديها
رنا بزعيق : انا عايزة افهم ايه دا
ادم: تليفون
رنا بزعيق: ادم متصعش ايه دا تالا بعتالك على الوتس بحبك مش قادرة على بعدك متسبنيش
ادم :بجد قالت كده.
رنا: ادم
ادم: انتي اللي قولتي هي اللي بعتالك انا مالي
طب انا رديت عليها بحاجة لا طبعا
رنا: اومال ايه دا ومين قالك يا حبيبتي اني هسيبك انتي حياتي والهوا اللي بتنافسه بس انا زعلت منك لنا مرضتيش تديني بوسة بس خلاص يا حبي تتعوض
ادم: نهار اسود
رنا:رد يا استاذ ايه دا عايز بوسة باستك عقربة
ادم: وانتي ازاي تسمحي لنفسك تقلبي في الوتس بتاعي
رنا: متغيرش الموضوع ايه دا كمان ايه اللي انت بعته لاميرة دا كان شكلك حلو النهاردة في السلوبت الجديدة انتي لابسة ايه دلوقتي
رنا: اه يا حيوان يا سافل لابسة ايه هي حصلت ايه دا انت الواتس بتاعك كلوا بنات يا حيوان وكنت خافي الوتس عشان مافتش في بس جبتك يا حيوان
ادم: رنا هاتي الفون دا عشان كمان شوية هنخسر بعض
رنا بزعيق: ابعد ايدك يا حيوان انا هوريك يا سافل يا صايع
ادم بتمثيل: اهل دماغي
رنا : تعالى وريني مالها
ادم: شوفتي وجعتني
رنا ضربته بالبوكس في دماغه
ادم:ااااااااه
رنا: يا بتاع البوسة تستاهل يا حيوان
جاسر:ههههه والله انتو مسخرة مش قادر أتهدوا بقى احنا على طريق
ادم: اااه منك لله دماغي
رنا : احسن تستاهل
جاسر: مش انت اللي عملها بصمة البس
جاسر: يلى خلاص وصلنا
رنا: انزل بقى يا حيوان قابل وشوف انا اعمل ايه جوا يلى انزل ونزلت رنا
ادم: لا اله الا الله ممكن تلاقيني عندك في القسم بكرة سلام
جاسر: سلام
نزل ادم
جاسر :هو ايه اليوم اللي مش راضي يخلص دا هو انا هتني رايح جاي على ام القصر دا
وانطلق جاسر عائد اللي المنزل
