رواية فقيرة في عالم الاغنياء الفصل الثاني 2 بقلم ياسمين محمد
الفصل الثاني
اتاخرتي ليه يابنتي المحاضره قربت تبدا..
قالتها ساره صديقه مي المقربه والوحيده في الجامعه وفي حياتها عموما
ساره: شاطره يا مي كل يوم اتاخري كدا
مي: معليش يا ساره كنت بساعد امي في البيت انتي عارفه امي ست كبيره وانا برجع من الجامعه تعبانه كتر خيرها انها بتقدر تقف تجهز الغدا لينا
ساره: ربنا يديها الصحه والعافية يارب
مي: ياااااااارب
والد كريم: البيه شرف اخيرا
كريم: اسف يا بابا راحت عليا نومه
والد كريم: راحت عليك نومه من سهره امبارح طبعا
كريم: اووووووف يا بابا
والد كريم: يابني انسي بقي دا عدا علي اللي حصل خمس سنين كفايه بقي تعذب في نفسك نفسي يابني افرح بيك واشيل عيالك قبل ما موت
كريم: متقولش كدا يا بابا بعد الشر عليك
ومع دقات الباب
والد كريم: روح شوف شغلك ومتتعبنيش معاك
كريم: ربنا يسهل حاضر
والد كريم: ادخل يا حج سالم
سالم: القهوه يا باشا اي طلبات تانيه
والد كريم: كتر خيرك ياحج لو محتاج حاجه قول انا تحت امرك
سالم: ربنا يعلي مركبك ياااااااارب
……………..
مي: اووف انا تعبت يا ساره اووووي انهارده يوم متعب
ساره: عندك حق والله استني اطلب حاجه نشربها وناكل حاجه انا ميته من الجوع وانا اللي هحاسب مفهوم ابت انتي
مي: ماشي يا ستي براحه عليا
……………
وفي المساء في بيت الشيخ سالم
سالم: خدي الفلوس دي يا مرفت مشي بيها البيت عارف انه مش مبلغ بس غصب عني اعمل ايه الصبح بحفظ قراءن وبعد الضهر في الشركه بشتغل
مرفت: كتر خيرك ربنا يخليك لينا ويديك الصحه والعافيه يارب يا شيخ
سالم: اومال فين مي
مي: سامعه حد بيسال عليا
سالم: وحشتيني يا بنتي والله
مي: وانت كمان يا بابا
مرفت وسالم في نفس واحد عملتي اي في الجامعة انهارده
