رواية فقيرة في عالم الاغنياء الفصل الثاني عشر 12 بقلم ياسمين محمد
الفصل الثاني عشر
صدقني يا عادل احنا مننفعش لبعض والله
عادل: ليه يا مروه والله انا بحبك وعندي استعداد اعمل عشانك اي حاجه
مروه: انا مش عايزه اجرحك انت والله انسان كويس والف بنت تتمناك
عادل: وانا بتمناكي انتي يا مروه
طب عندي سؤال انتي بتحبي حد تاني ولا باصه ان في فرق بينا
مروه: مش عارفه بقي
عادل: يا مروه ابوس ايدك جاوبيني انا ما صدقت اقولك اني بحبك ولما اقولها عايزه تتعبيني
مروه: انا مقدرش علي تعبك يا عادل انا مليش غيرك اساسا انت اللي كنت بتقف جنبي في كل حاجه
بس بص هقولك بصراحه انا بحب حد تاني
عادل: حد تاني ومين دا انشالله انطقي
مروه: يا عادل اهدا واحد وخلاص ومقدرش حبي او مش بيحبني وانا مش عايزه اجرحك ي عادل
عادل: صدقيني يا مروه انا هعوضك عن كل حاجه وحشه شوفتيها هكون ليكي الاب والصديق والحبيب والسند جربي وانا متاكد انك هتحبيني ذي ما بحبك
مروه: موافقه
…………………………….
هو انا مالي كدا من ساعه ما شوفتها وقلبي عمال يدق بقيت عايزها قدامي طول الوقت اتامل ملامحها الخمريه والعيون العسليه الفاتحه ياااا ملامح وشك هاديه اوووي حتي ابتسامتك وانتي بتتكلمي جميله انا لازم اصلح اللي داليا عملتو
بس
بلاش باااك
داليا: ياعم سيبك منها دي واحده مشيها وحش تعمل اي حاجه علشان الفلوس
باااك
مستحيل مستحيل مستحيل دي ذي الملايكه متعملش حاجه غلط وابوها راجل طيب وغلبان
بكرا نعرف الحقيقه واللي متاكد منه انك هتكوني بتاعتي يا مي ربنا يقربنا
……………………….
انا بجد مش مصدقه نفسي واحد طيب وحنين ذي كريم يحب داليا داليا
ساره: هههههههههه ومالك مضايقه ليه
مي: مش مضايقه بس انتي مشوفتيش كانت قادره علي رجله ازاي
ساره: يابت مالك متخليكي في اكل عيشك احسن
مي: مالي ازاي بس
ساره: قصدك ايه
مي: مش قصدي حاجه
ساره: يارب اللي في بالي يطلع صح
مي: وهو اي اللي في بالك يختي
ساره: تصبحي علي خير يا منمن
مي: وانتي من اهل الخير
وبعداغلق الخط
مش هضحك علي نفسي كتير ايوه حبيته وغيرت عليه اوووي فعلا كان يوم واحد اشوفه فيه بس كاني اعرفه من زمان كفايه رقيته في الكلام وهزاره وعيونه البني وشعره الاسود وطوله وحنيته ياااااا
اصحي يا مي لنفسك دا مش من مقامك اصحي مش شايفه حبيبته قالت عليكي ايه وهو مهنش عليه يجي يعتذر منك انسي انسي يا مي وشوف مستقبلك احسن كان يقول هذا الكلام عقل مي الذي في صراع مع قلبها وهي لا تعرف الي اي منهم سوف تنحاز
…………………………
استغفر الله العظيم انتي كل يوم توقفيني كدا يابت
داليا: ٠صباحؤؤؤؤ يوسف
يوسف: صباحؤؤؤؤ مزتي اومال فين عربيتك
داليا: تعال هحكيلك بس بس عادل فين
عادل: سامع حد بيسال عليا
داليا: بيبي فينك ياكدا مش بتسال علينا
عادل: مع اللي تعبت قلبي بقي
اوطت داليا راسها خجلا ظنن منها انه يقصدها هي ولكن سرعان ما تكلمت داليا
داليا: ومين هي اللي تعبت قلبك
عادل: تعالي يا مروه
مروه: ازيكم يا جماعه
داليا: هي دي يا عادل
يوسف: الله يخرب بيتك يا صاحبي
عادل: اه هي وبعد الامتحانات هروح اتقدم لها عشان لو روحت دلوقتي هترفض 
مروه: حبيبي خليني نتمشي شويه هناك
عادل: اووي اوووي تعالي يا قلب عادل
يوسف: الله عصافير ذي بعض يا خواتي
داليا: اخرس ياض
يوسف: مالك بس ياداليا تعالي تعالي احكيلي كل حاجه يمكن اساعدك
داليا: تعال
…………..
سالم: صباح الورد والياسمين حبيبتي مرفت
مرفت: هههههههههه ياراجل كبرنا علي حبيبتي والكلام دا
سالم: ولا كبرنا ولا حاجه انتي لسه صغيره وجميله اهو
مرفت: ربنا يخليك ليا وميحرمنيش منك ابداا يارب
مي: صباح الخير بابا وماما
مرفت وسالم: صباح النور
سالم: اجهزي عشان شغلك يا بنتي
مي: حاضر يا بابا
وهي تذهب لتحضر نفسها يارب اشوفك انهارده يا كريم ويارب داليا متجيش وتجرحني تاني يااارب
………………
يحيي علي مكتبي
حاضر يا استاذ كريم
كريم: قدامك قد ايه علي ما تجهز ورق الصفقه
يحيي: يومين تلاته كدا لاني لسه بدرب مي علي الشغل
كريم: اه مي لما تحضر خليها تيجي علي مكتبي
يحيي: ليه في حاجه يا استاذ كريم
كريم: علي مكتبك اتفضل
يحيي: امرك
ذهب يحيي وهو يشعر بالغيره
كريم: ماشي يا مي بتتاخري وعايزه تمنعي عيوني انها متشوفكيش انا هوريكي يابنت قلبي
…………………
السلام عليكم ورحمة الله وبركاته
ندي: وعليكم السلام ازيك عم سالم ازيك مي
سالم ومي: الحمدلله
ندي: هو انتو تعرفو بعض ولا ايه
مي: دا بابا يا ندي
ندي: بجد ربنا يخليكم لبعض
اه مي مواعيد الشغل
مي: عارفها بس راحه عليا نومه ومش هكررها
ندي: ولا يهمك انا بس عشان ميتخصمش منك
مي: حاضر
سالم: روحي علي شغلك يابنتي
مي: خلي بالك على نفسك يا بابا
سالم: علي الله
…………………..
استاذ مي وانتي واقف كدا علي مكتب استاذ كريم فورا
مي: ليه يا استاذ يحيي
يحيي: مش عارف والله بس هو طلبك
مي: حاضر بعد ازنك
ياتري عايزني ليه يا حبيبي اول ما هدخل هقوله وحشتيني علي طول واللي يحصل يحصل بقي
كريم يحدث نفسه اول ما تيجي هقولها بحبك واللي تعمله تعمله بقي
يدق الباب
كريم: ادخل
مي: كريم
كريم: مي
الاتنين في نفس واحد انا…………..
